//rgya gar skad du/ sarba kalpa sa muts+tsha ya nA ma sarba bud+d+ha sa ma yo ga DA ki nI dzA la saM wa ra ut+ta rot+ta ra tan+t+ra/ bod skad du/ rtog pa thams cad 'dus pa zhes bya ba sangs rgyas thams cad dang mnyam par sbyor ba mkha' 'gro ma sgyu ma bde ba'i mchog gi rgyud phyi ma'i phyi ma/ dpal rdo rje sems dpa' la phyag 'tshal lo/ /sangs rgyas thams cad phyag 'tshal te/ /ma lus lus pa med par 'grub/ /rnam rtog med pa'i sems la ni/ /de kho na nyid nges par gnas// 307b sems dpa' sangs rgyas kun gyi dngos/ /rdo rje sems dpa' bde ba'i mchog /gsang ba mchog gi dgyes pa na/ /thams cad bdag nyid rtag tu bzhugs/ /'dod chags chen po bde chen po/ / bde chen rdo rje chen po pas/ /rdo rje 'dzin dang lhan cig pa'i/ /bde gshegs mgon mchog rnams kyis bzhugs/ /thams cad mchog 'gyur 'dod chen gyis/ /dngos grub dbang phyug rab grub phyir| |sangs rgyas thams cad mnyam sbyor las/ /rtog pa 'dus pas bka' stsal 'tshal/ /rnam par mi rtog chos bdag las/ /rtog pa'i don 'di gang la gsungs/ /ci yi slad du'ang rgyud phyi ma| |dang po'i sa mchog ji ltar lags/ /gdod ma tha ma med nyid yang / /rdo rje sems dpa' de bzhin te/ /yig 'bru ji ltar gsungs pa lags/ /sngags phyung ba yang ci 'dra ste/ /shin tu dga' dang bzang nyid de/ /rdo rje snying po gtso bo gtso/ /sems dang sems dpa'i ting 'dzin yang / /de bzhin rdo rje rdo rje 'dzin/ /rdo rje 'dzin nyid chen po yang / /byang chub spyod pa rnams ji ltar/ /bdud dang bdud las rgyal ba yang / /sangs rgyas byang chub ji ltar lags/ /rdo rje gtum mo thar byed dang / /phyag rgya rdo rje yang ji ltar/ /dang po'i rigs bskyed ji ltar lags/ /'dod pa'i thar pa rnam pa ci/ /mgon po rnam gsum ji ltar 'tshal/ /thams cad yang nyid ji ltar lags/ /ji ltar dang po snying po 'byung / /nye ba'i snying po de ji ltar/ /bde ba chen po rdo rje che/ /don yod dam tshig ji ltar lags/ / 308a @#/ /dkyil 'khor ji ltar gsungs par gyur/ /de yi rnam smin ji 'dra ste/ /thig gdab de bzhin rtog pa yi/ /dngos grub ji ltar bshad pa lags/ /gsang ba lnga dang de nyid che| |gang lags ci 'dra de bzhin te/ /dkyil 'khor gtso bo rnams dang ni/ /rigs rnams kyang ni ji ltar lags/ /thams cad dbang bskur de nyid dang / /de nyid tshogs kyi phyag mtshan yang // thams cad dgug dang mchod chen dang / /rang gi byin rlabs sogs grub pa/ /de rnams de nyid gsang chen dang / /dam pa dang ni don dam pa/ /dam pa'i yi ge grub don du/ /thams cad mi gsung 'os ma lags/ /sangs rgyas thams cad dang mnyam par sbyor ba mkha' 'gro ma sgyu ma bde ba'i mchog las/ de kho na nyid thams cad nges tshig gi rtog pa ste bco brgyad pa'o/ /da nas ston pa rdo rje 'dzin/ /rtog pa kun gyi gtso chen pos/ /the tshom kun gyi tshogs gnas nas/ /don dam 'dzin pa yang bka' stsal/ /de la ji ltar rtog pa'i don rgyud yin zhe na/ rnam par mi rtog chos dag las/ /sems can don du yongs su rtog /de phyir rtog par yang dag bshad/ /rtog pa yongs su dag phyir ro/ /de la ji ltar rgyud phyi ma yin zhe na/ rgyud ni rab tu 'brel bar bshad| |phyi ma gong du phyung ba yin/ /de nyid gsang ba gsang chen rnams/ /de yang rgyud ni phyi mar 'dod/ /de la ji ltar dang po sa nyid kyi ye shes yin zhe na/ nam mkha' kun tu rab gnas 308b pa| |rdo rje kun gyi dngos po mchog/ /bde chen dgyes pa chen po de/ /dam pa'i yi ge gzhal yas khang / /zhes bcom ldan 'das dpal rdo rje sems dpas gsungs so/ /de la ji ltar gdod ma dang tha ma med pa'i rdo rje sems dpa' yin zhe na/ yi ge ka sogs d+ha yig mtha'/ /nga nya spangs nas 'jug par bya/ /yi ge d+ha sogs Sha yi mtha'/ /phreng ba gnyis pa yang dag bri/ /dbus gnas par ni a yig phreng / /zla ba'i dkyil 'khor la bkod de/ /thig le zla tshes dang ldan par/ /tsheg drag zla ba gnyis yin te/ /a yig mi 'gyur bsgom par bya/ /dbus su rdo rje'i ngo bor gnas/ /de dbus rtag tu sgom pa ni/ /'dod chags chen po bde ba che/ /'di de sangs rgyas thams cad kyi/ /sangs rgyas ri mo grags pa yin/ /de las 'gro ba g.yo mi g.yo/ /thams cad yang dag 'byung bas ni/ / nam mkha' las byung mtshan ma'i phyir/ /gdod ma tha ma med mchog yin/ /rdo rje chen po dngos sems ni/ /rdo rje sems dpa' zhes 'dod do/ /de la bcom ldan 'das de gang yin zhe na/ dngos grub chen po kun gyi mchog /dbang phyug chen po rig pa lha/ /rgyal po chen po rdo rje 'dzin/ /dam pa yi ge shin tu dga'/ /de la ji ltar yi ge rtog pa yin zhe na/ yi ge a sogs k+Sha mtha' ni/ yi ger yang dag bshad pa ste/ /mi zad dga' ba'i rdo rje can/ /de nyid kun don mtshan nyid phyir/ /de la ji ltar sngags 'byung ba yin zhe na/ rdo rje sems sogs 'khor lo la/ /gang rnams sngags su 309a @#/ /cher bshad pa/ /de rnams byung ba'i don du ni/ /rdo rje can gyis yang bka' stsal/ /gur gum la sogs byug pa la/ /bris sku la sogs rnam brgyan nas/ /bla re la sogs bres nas su/ /rtag tu re'u mig bzhi brtsams nas/ /gru bzhi gzhal yas khang byas te/ /re'u mig phyogs bzhir 'bar bar byas/ /re'u mig sum cu tham pa la/ /bcu dgu dang ni ldan par bya/ /brgya phyed stan la gnas pa la/ /sde pa lnga mtha' thig le yis/ /spyi bo gtsug la brtag pa yi/ /ka dang sha zhes bya ba ni/ /dbus kyi re'u mig la bri'o/ /de yi phyi rol gnas brgyad dag /mtshams dang phyogs kyi re'u mig la/ /dbang ldan la sogs rim pa ru/ /ya dang sha yi sde bkod de/ /me mtshams la sogs re'u mig la/ /ma yi yig 'bru bzhi po dang / /a yig sa bon la brten nas/ /sa bon bcu gnyis bkod par bya/ /dbang ldan la sogs re'u mig la/ /ka yig la sogs rim par dgod/ /de ltar bzhi la rim par ni/ /thams cad rnam par gnas byas te/ /ka sogs re'u mig bzung nas su/ /yig 'bru dam pa phyung bar bya/ /shin tu dga' chen rgyal po ni/ /spyor ba thams cad dbang phyug gtso/ /re'u mig nyi shu rtsa bzhi la/ /gnas pa zla phyed gtsug phud zhal/ /de 'og sum cu rtsa gnyis ni/ /dga' ba rdo rje can gyis phyung / /re'u mig bcu bzhi zhes pa la/ /gnas pa tsheg drag dang ldan pa/ /re'u 309b mig nyi shu rtsa bzhir gnas/ /sum cu rtsa bzhi zla dang ldan/ /re'u mig sum cu rtsa gcig la/ /gnas pa nga ro thig le ldan/ /re'u mig nyi shu rtsa bzhi la/ /gnas pa tsheg drag sbyor ba bya/ /sum cu rtsa brgyad sbyor ba yis/ /de ni bzhi bar rnam par bshad/ /bde ba chen po rgyal chen po/ /lha mo dam pa rtag pa'o/ /re'u mig bcu gcig la gnas pa/ /thig le nga ror yang dag ldan/ /re'u mig brgyad pa la gnas pa/ /bcu dgu dang ni ldan pa ste/ /de 'og sum cu rtsa bzhi dang / /thig le nga ro brgyan pa 'o/ /re'u mig nyi shu rtsa bzhi la/ /gnas pa tsheg drag sbyor ba 'o/ /re'u mig gnyis pa la bkod pa'o/ /thig le nga ro ldan pa 'o/ /gling bu ma la sogs btus pa'i/ /sngags phyung ba ni mchog yin te/ /re'u mig sum cu rtsa brgyad la/ /gnas pa'i thig le nga ro ldan/ /dbus na nyi shu rtsa gcig la/ /dbus nas bco lnga zla ba can/ /re'u mig sum cu rtsa gcig gnas/ /dbus nas bco lnga zla ba can/ /re'u mig nyi shu rtsa gcig gnas/ /bcu gcig zla ba dang ldan te/ /lha mo gling bu ma sogs kyi/ /sngags phyung rmad du byung ba'o/ /re'u mig bcu pa la gnas dang / /bcu gcig pa yang de bzhin te/ /re'u mig sum cu rtsa gsum gnas/ /bcu drug pa yang de bzhin te/ /me tog la sogs bsdus pa yi/ /'di ni sngags phyung mchog yin no/ /rta mgrin 'phang mtho lcags kyu sogs/ /dang po 'byung ba'i sa bon nyid/ /rdo rje sems dpa'i dkyil 'khor gyi/ /sgo la nan 310a @#/ /tan gyis sbyor ro/ /zhes dpal rdo rje sems dpas gsungs te/ dpal rdo rje sems dpa'i dkyil 'khor gyi chos kyi yi ge 'byung ba'i phyag rgya zhes pa'o/ /re'u mig gnyis pa can kho na/ /zla tshes gtsug dang ldan pa'i zhal/ /rnam par snang mdzad rgyal chen po/ /kun mchog sa yi dbang phyug yin/ /re'u mig bco lnga gnas pa la/ /thig le nga ro ldan pa 'o| |re'u mig bcu dgu la gnas pa/ /thig le nga ros brgyan pa 'o/ /re'u mig nyi shu rtsa lngar ldan/ /thig le nga ros brgyan pa'o/ /dbus nas nyi shu pa nyid la/ /thig le nga ros brgyan pa 'o| |chos gos ma tshogs bzhi dag gi /sa bon 'byung ba mchog 'di yin/ /re'u mig nyi shu rtsa bzhir gnas /thig le nga ros brgyan pa 'o/ /re'u mig bdun pa de bzhin yang / /dbus nas bco lnga pa dang ldan/ /thig le nga ro ldan pa ni/ /byang du sil snyan cha lang ngo / /dbus gnas nyi shu rtsa gcig la/ /gnas pa bcu dgu dang ldan pa/ /thig le nga ro ldan pa ni/ /rdo rje rin chen cher brjod do/ /dbus nas bco brgyad pa dag nyid/ /thig le nga ros brgyan pa ste/ /sangs rgyas kun gyi dkyil 'khor la/ /chos kyi dung gi phyag rgya che/ /zhes bcom ldan 'das dpal rdo rje sems dpas gsungs pa rnam par snang mdzad kyi chos kyi yi ge 'byung ba'i phyag rgya shes pa'o/ /nyi shu rtsa bzhi re'u mig la/ /gnas pa nyi shu pa ldan ni/ /khrag 'thung zhes pa'i 310b rgyal po che/ /tshig drag lhag chad gyur pa'o/ /re'u mig nyi shu rtsa bzhi la/ /gnas pa 'og na bcu dgur ldan/ /re'u mig nyi shu gnas pa dang / /sbyor ba chog drag ldan pa'o/ /tsheg drag dang ni rtsa bzhi la/ /gnas pa dbus gnas bcu gcig ldan/ /re'u mig bcu gnyis pa sbyor ba'i/ /tsheg drag ldan par 'dod pa'o/ /re'u mig bcu bzhi la gnas pa/ /'og gi 'dren pa nyi shu gcig /bcu gnyis pa dang tsheg drag can/ /gsum pa can de bshad pa'o/ /re'u mig bcu bzhi la gnas pa/ /bcu gnyis pa dang ldan pa la/ /tsheg drag dang ni mnyam sbyor ba/ /lha mo snod chen ma yi 'dod/ /re'u mig nyi shu rtsa bzhi la/ /gnas pa dbus nas gnyis pa can/ /de bzhin thig le nga ror ldan/ /thig le 'byung gnas gsum pa la/ /dbus nas bcu pa gang yin pa/ / rtag tu tshe ga drag ldan pa ni/ /dmar chen sogs pa'i lha mo yi/ /bzhi po dag ni phyung ba 'o/ /re'u mig nyi shu rtsa lnga pa/ /gnas pa'i thig le bcas pa 'o/ /dbus las drug pa gang yin pa/ /theg le nga ro ldan pa 'o/ /re'u mig de bzhin bcu bdun pa/ /thig le nga ros brgyan pa 'o/ /re'u mig bcu dgu la gnas pa/ /thig le nga ros brgyan pa 'o/ /lha mo mda' rnon 'dzin sogs kyi/ /sa bon byung ba de ngo mtshar/ /lha mo me tog ma sogs kyi/ /sa bon byung ba sngon bstan yin/ /gang dag sgo srung bstan pa yang / /gzugs mi mthun pa kho na'o/ /zhes bcom ldan 'das dpal rdo rje 311a @#/ /sems dpas de skad gsungs so/ /mkha' 'gro sgyu ma'i dkyil 'khor gyi chos kyi yi ge 'byung ba'i phyag rgya shes pa'o/ /re'u mig nyi shu rtsa bzhi la/ /gnas pa bcu dgu'i gdan la gnas/ /nyi shu tsheg drag sbyor ba ni/ /pad+mo gar gyi dbang phyug yin/ /re'u mig bcu bzhi la gnas pa'i/ /tshig gnyis lci bde de bzhin no/ /re'u mig nyi shu rtsa bzhi la// gnas nas dbus nas dgu pa ldan/ /rtag par thig le dang ldan ni/ /gnyis pa yi ni yongs grags pa/ /re'u mig sum cu rtsa gcig la/ /gnas par nga ro thig les brgyan/ /re'u mig nyi shu rtsa bzhi la/ /gnas pa dbus nas bcu gsum ldan/ /tsheg drag can ni bzhi pa yi/ /khro gnyer ma yi rgyud las grags/ /re'u mig nyi shu rtsa bzhir ldan/ /dbus nas dgu pa'i thig ler bcas/ /re'u mig nyi shu rtsa bzhir gnas/ /dbus nas bco lnga dang ldan no/ /re'u mig bcu gcig la gnas pa/ /tsheg drag gis ni sbyor ba'o/ /re'u mig nyi shu rtsa bzhir gnas// sum cu rtsa brgyad pa dang ldan/ /tsheg drag mnyam par sbyor ba ni/ /pad+ma gar dbang mchog yin no/ /lha mo gling bu ma sogs nyid/ /de bzhin lha mo me tog sogs/ /lha mo lcags kyu ma sogs kyang / /rdo rje sems dpa' la sogs pa'i/ /dkyil 'khor la ni bskyed pa yin/ /zhes bcom ldan 'das rdo rje sems dpas gsungs te/ pad+ma gar gyi dbang phyug gi 311b dkyil 'khor gyi chos kyi yi ge 'byung ba'i phyag rgya shes pa'o/ /dbus nas nyi shu rtsa gcig pa/ /bcu gcig pa dang ldan pa ste/ /bcu dgu zla ba gtsug lnga ni/ /rdo rje nyi ma 'byung ba yin/ / dbus nas bcu gsum gang yin pa/ /zla tshes thig le gtsug gi zhal/ /re'u mig nyi shu rtsa bzhi la/ /gnas pa bcu dgu dang ldan pa/ /re'u mig nyi shu gnas dang sbyor/ /tsheg drag ldan pas gnyis pa 'o/ /re'u mig nyi shu rtsa bzhir gnas/ /dbus nas bcu gsum pa dang ldan/ /tsheg drag lhan cig can de ni/ /gsum pa yi ni grags pa yin/ /re'u mig nyi shu rtsa bzhir gnas// bcu gcig dang ni thig le ldan/ /re'u mig bcu bzhi la gnas pa/ /tsheg drag ldan par 'dod pa'o/ /re'u mig nyi shu rtsa bzhir gnas/ /dbus nas dgu dang zla ba 'o/ /re'u mig sum cu rtsa gcig gnas/ /thig le nga ros brgyan pa 'o/ /re'u mig nyi shu rtsa bzhir gnas/ /dbus nas bcu gsum pa dang ldan/ /tsheg drag mnyam par ldan pa ni/ /rdo rje nyi ma'i lha dag yin/ /lha mo gling bu ma sogs kun/ /rtsa ba'i dkyil 'khor sbyor skyes yin/ /zhes bcom ldan 'das dpal rdo rje sems dpas gsungs te/ rdo rje nyi ma'i dkyil 'khor gyi chos kyi yi ge 'byung ba'i phyag rgya shes pa'o/ /re'u mig nyi shu rtsa bzhir gnas/ /nyi shu rtsa bdun sbyor ba ste/ /zla tshes thig le gtsug can ni/ /yul 'khor thams cad 'dus pa'o/ /re'u mig bcu bzhi la gnas pa/ /bcu 312a @#/ /dgu pa dang ldan pa ste/ /nyi shu tsheg drag sbyor ba ste/ /sna tshogs pa yi brjod pa yin/ /re'u mig nyi shu rtsa bzhir gnas/ /gnas pa tsheg drag ldan pa 'dod// rta yi rgyal po'i dkyil 'khor la/ /rdo rje rgya gram zhes grags so/ /zhes bcom ldan 'das dpal rdo rje bde ba chen po rdo rje sems dpas gsungs te/ rta mchog gi chos kyi yi ge 'byung ba'i phyag rgya shes pa'o/ /sangs rgyas thams cad dang mnyam par sbyor ba mkha' 'gro ma sgyu ma bde ba'i mchog las/ chos kyi yi ge 'byung ba'i rtog pa ste bcu dgu pa'o// // ri mo gnyis kyi dkyil 'khor gyi/ /phyi rol pad+ma 'dab brgyad bri/ /de yi nang du rnal 'byor pas/ /a yig tshogs kyang bri bar bya/ /shar phyogs 'dab mar ka yi sde/ /lho phyogs 'dab mar tsa yi sde/ /nub phyogs 'dab mar Ta yi sde/ /ta yi sde ni de bzhin byang / /sde pa lnga yi dbus su ni/ /yi ge k+Sha dang lhan cig 'dod/ /dbang ldan 'dab ma nas brtsams te/ /ya ra la wa rnam par gzhag /dbang ldan 'dab ma'i phyi rol tu/ /yi ge Sha ni 'jug par bya/ /me mtshams 'dab ma'i phyi rol tu/ /yi ge sha ni 'jug par bya/ /bden bral 'dab ma'i phyi rol tu| |yi ge sa ni 'jug par bya/ /rlung mtshams 'dab ma'i phyi rol tu/ /yi ge ha ni 'jug par bya/ /zhes bcom ldan 'das dpal bde ba chen po rdo rje sems dpas gsungs 312b so| |dbus kyi mtha' ru gang yin pa/ /thig le dang ldan yi ge oM/ /rlung mtshams phyi rol gnas pa gang / /sgra yig a ni sbyor bar bya/ /bden bral phyi rol gnas pa la/ /'og tu sgra yig u sbyor ro/ /shar gyi 'dab ma gnyis pa ni/ /dbus las dbu ma de bzhin no/ /lho nas de bzhin dbu ma la/ /me mtshams 'dab ma dang ldan no/ /bden bral phyi rol gnas pa gang / /de nas byang gi dang po 'o/ /dbus nas dbu ma'i sbyin gnas su/ /de tshe 'od kyi gong bur 'gyur/ /o yig tsheg drag dang ldan pa/ /de yi mtha' ru de tsher 'gyur/ /lho nas dbus ma gang yin pa/ /tsheg drag dang ni ldan pa 'o/ /rlung mtshams phyi rol gang yin pa/ /u yig thig le sbyor bar bya/ /dbus kyi dbu ma gang yin pa/ /thig les mgo nas mnan pa dang / /rlung mtshams phyi rol gang yin pa o yig tsheg drag sbyor bar bya/ /bden bral mtshams kyi phyi rol tu/ /sgra yig u ni sbyor ba ste/ /me mtshams 'dab mar gang yin pa/ /byang gi dang por de bzhin yang / /bden bral phyi rol ba bzung nas/ /byang gi dang po ba yang yin/ /dbus nas dbu ma bzung nas su/ /'od kyi gong bu mtha' ru 'gyur/ /de nas thig le sbyin byas nas/ /rdo rje sems dpa' 'grub par 'gyur/ /zhes bcom ldan 'das chags pa chen po rdo rje sems dpas gsungs so/ /lho nas dbu ma gang yin pa/ /tshag drag dang ni ldan par bya/ /dbus nas dbus ma de bzhin du/ /lho nas dbu ma yang yin 313a @#/ /no| |me mtshams 'dab ma dang ldan pa/ /rtag tu brjod par 'gyur ma yin/ /byang nas dbu ma bzung nas su/ /me mtshams dang ni shin tu sbyor/ /sgra yig a dang sbyar nas su/ /rtag par zhi bar 'gyur ba yin/ /me mtshams phyi rol bzung nas su/ /nub kyi dang po ldan par bya/ /sgra yig i dang sbyar nas su/ /'od kyi gong bu lnga pa yin/ /bden bral phyi rol gnas pa la/ /sgra yig a dang ldan par bya/ /de bzhin dbang ldan 'dab ma dang / /sgra yig i ni sbyor ba 'o/ /shar gyi dang po ba dang ni/ /de nas dbu ma'i tha ma dang / /nub kyi dang po pa bzung nas/ /a med rtag tu 'gyur bar bya/ /de dag bzlas pa byas pa yis/ /mda' ru rab tu grub pa yin/ /zhes bcom ldan 'das dpal rdo rje sems dpas gsungs so/ /rlung mtshams phyi rol pa bzung nas/ /sgra yig u ni sbyor bar bya/ /thig le nga ro mnan nas su/ /de nas dbus nas dbu ma 'o/ /lho nas dbu ma bzung nas su/ /me mtshams pa dang sbyor bar bya/ /shar nas dang po bzung nas su/ /sgra yig e dang ldan par bya/ /bden bral 'dab mar gnas pa gang / /sgra yig e ni sbyor bar bya/ /shar gyi dang po bzung nas su/ /sgra yig e ni sbyor ba 'o/ / bden bral 'dab mar gnas pa la/ /sgra yig e ni sbyor ba 'o/ /rlung mtshams phyi rol pa bzung nas/ /sgra yig u ni sbyor bar bya/ /thig le nga ros mnyam sbyor na/ /skal bzang skal 313b bzang 'gyur ba yin/ /zhes bcom ldan 'das dpal rdo rje sems dpas gsungs so/ /de bzhin gnyis pa dpa' bo ma/ /kun tu bzang mo gsum pa ste/ /bzhi pa zad med snon ma 'o/ /dpal mo sangs rgyas sku ldan ma/ /de bzhin gzugs ma zhal mdzes ma/ /sprin chen ma ni bdun pa ste/ /brgyad pa nam mkha'i spyan ma 'o/ /gling bu la sogs bsdus pa dang / /sgo srung ma sogs yang bsdus te/ /me tog ma sogs bsdus pa ni/ /dang po'i dkyil 'khor la bskyed 'dod/ /ces bcom ldan 'das 'dod chags chen po dpal rdo rje sems dpas gsungs te/ de bzhin gshegs pa'i dkyil 'khor la sngags 'byung ba'i tshogs kyi phyag rgya shes pa'o/ /o yig thig le dang ldan pa/ /yi ge e yis ldan pa yi/ /rlung mtshams phyi rol gnas pa dang / /me mtshams 'dab mar gnas pa nyid/ /sgra yig u dang sbyor bar bya/ /shar las dang po de bzhin du/ /dbus las dbu ma yang yin te/ /me mtshams 'dab ma dang ldan pa'i/ /lho las dbu ma 'gyur byas te/ / bden bral phyi rol ba bzung nas/ /dbus las tham pa yang bzung / /dbang ldan 'dab mar gnas pa nyid/ /yi ge e dang mnyam ldan pa'i/ /rlung mtshams phyi rol gnas pa la/ /tsheg drag gis ni mnyam par ldan/ /de ni bcu par yongs grags te/ /bden bral phyi rol gnas pa la/ /me mtshams 'dab ma can dang ldan/ /dbus las dbu ma 'gyur nas su/ /byang las dbu ma de bzhin te/ / 314a @#/ /sgra yig u ni sbyor bar bya/ /mi mtshams phyi rol pa de bzhin/ /nub las dang po pa dang ldan/ /bden bral phyi rol pa la yang / /dbu ma'i tha ma yang yin te/ /dbang ldan 'dab mar gnas pa nyid/ /yi ge u dang mnyam ldan pa'i/ /dbus las tham pa 'gyur nas/ /me mtshams 'dab ma dang ldan pa/ /byang las dbu ma 'gyur byas te/ /'dren pa a yig dang lhan cig /dbus las dang po bzung nas su/ /me mtshams stan dang ldan par bya/ /dbus las bzhi pa gang yin pa/ /thig le dang ni yang dag ldan/ /lho las dbu ma de bzhin du/ /shar las dang po pa yang yin/ /rlung mtshams phyi rol pa bzung nas/ /thig le u yig ldan par bya/ /dbus las gnyis pa gang yin pa/ /nub kyi dang po a med par/ /zhes bcom ldan 'das dpal rdo rje sems dpas gsungs so/ /rlung mtshams phyi rol bzung nas su/ /thig le u yig dang ldan te/ /dbus las dbu ma de bzhin du/ /me mtshams stan dang ldan pa yi/ /lho las dbu ma ba 'gyur te/ /shar las gsungs pa gang yin pa/ /sgra yig u dang ldan par bya/ /rlung mtshams phyi rol gnas pa la/ /sgra yig e yis brgyan pa ste/ /dbang ldan 'dab ma'i gdan can ni/ /lnga par yongs su grags pa ste/ /bden bral phyi rol gnas pa la/ /sgra yig i dang sbyor bar bya/ /byang las bzhi pa gang yin pa/ /sgra yig i dang sbyor bar 314b bya| |dbus las dang po bzung nas su/ /me mtshams 'dab ma can dang 'dra/ /dbus las tha ma yang yin te/ /dbang ldan 'dab mar gnas pa la/ /sgra yig o ni sbyor bar bya/ /shar las gsum pa gang yin pa/ /sgra yig o ni sbyor bar bya/ /dbang ldan phyi rol gnas pa gang / /dbus las dbu ma dang ldan te/ /me mtshams 'dab mar gnas pa la/ /sgra yig i ni sbyor bar bya/ /rlung mtshams phyi rol gnas pa ni/ /me mtshams gdan dang ldan pa ste/ /tsheg drag yi ge i ldan pa/ /dang po yongs su grags pa 'o/ /rlung mtshams phyi rol gnas pa la/ /thig le yi ge u sbyor te| |mkhas pas lan gnyis brjod par bya/ /dbus las dbu ma yang bzung ste/ /lho las dbu ma de bzhin la/ /me mtshams 'dab ma can dang ldan/ /lho las dang po bzung nas su/ /thig le dang ni mnyam por ldan/ /nub nas dbu ma bzung nas su/ /yi ge e dang mnyam ldan bya/ /dbang ldan phyi rol gang yin pa/ /dbus las dbu ma dang ldan te/ /me mtshams 'dab mar gnas pa la| |sgra yig i ni sbyor bar bya/ /shar las gnyis pa gang yin pa/ /nub las dang po bzung nas su/ /dbus nas dbu ma ldan pa ste/ /thig le a yig ldan par bya/ /bcu par yongs su grags pa ste/ /shar las gsum pa gang yin pa/ /sgra yig i dang sbyor bar bya/ /dbus las tha mar bzung nas su/ /rlung mtshams phyi rol pa la yang / /yi ge a dang ldan par bya/ /dbus 315a @#/ /las dbu ma bzung nas su/ /lho las gsum pa 'gyur byas te/ /me mtshams gdan ni sbyor byas nas/ /shar nas dang po bzung nas su/ /yi ge a yig ldan pa yi/ / dbus las dang po 'gyur byas te/ /bden bral 'dab mar gnas pa la/ /sgra yig e dang sbyor pa yi/ /dbus las tha ma yang yin te/ /shar nas dang po bzung nas su/ /sgra yig u yis sbyor bar bya/ /me mtshams 'dab mar gnas pa la/ /sgra yig u dang sbyor ba ste/ /bden bral 'dab mar gnas pa dang / /sgra yig u yis brgyan byas te/ /me mtshams 'dab mar gnas pa yang / /sgra yig u dang sbyor bar bya/ /bden bral 'dab mar gnas pa la/ /sgra yig u yis brgyan pa ste/ /bden bral 'dab mar gnas pa ni/ /gnyis brtsegs yi ge u dang ldan/ / rlung mtshams phyi rol gnas pa la/ /byang las tha ma ldan byas te/ /tsheg drag mnyam por ldan pa la/ /sgra yig i dang sbyor bar bya/ /zhes bcom ldan 'das dpal rdo rje sems dpas gsungs so/ /rlung mtshams phyi rol pa bzung nas/ /thig le u yis sbyor bar bya/ /dbus las dbu ma bzung ba dang / /mo mtshams stan dang ldan pa yi/ /lho nas dbu mar 'gyur bar bya/ / byang las tha ma bzung nas su/ /sgra yig a ni sbyor bar bya/ /me mtshams 'dab mar gnas pa la/ /sgra yig a yis brgyan par bya/ /dbang ldan 'dab mar gnas pa la/ /sgra yig i dang 315b ldan pa yi/ /nub kyi tha mar 'gyur bar bya/ /lho yi dbu mar de bzhin du/ /lho las bzhi pa gang yin 'byor/ /tsheg drag yi ge i ldan pa/ /'dus pa gsungs pa yin pa'o/ /rlung mtshams phyi rol pa bzung nas/ /thig le u yig sbyor bar bya/ /dbus las dbu ma de bzhin yang / /me mtshams stan dang ldan pa yi/ /lho yi dbu ma 'gyur bar bya/ /dbus las dang po bzung nas su/ /sgra yig gnyis dang ldan pa yi/ /byang gi dang po yang yin te/ /shar las dang po bzung ba la/ /sgra yig e ni sbyor bar bya/ /lho las dbu ma de bzhin du/ /tsheg drag yi ger ldan pa'o/ /zhes rdo rje rnal 'byor ma rnams kyi'o/ /rlung mtshams phyi rol pa bzung nas/ /thig le u yig sbyor byas te/ /dbus las dbu ma bzung ba dang / /me mtshams stan dang ldan pa yi/ /lho las dbu ma 'gyur bar bya/ /dbus las dang po bzung ba la/ /me mtshams stan dang ldan par bya/ /rlung mtshams phyi rol pa bzung nas/ /de 'og me mtshams pa yin te/ /nub kyi tha ma de bzhin du/ /sgra yig i dang sbyor par bya/ /dbus las tha ma yang yin te/ /nub las dang po bzung nas su/ /a yig med par gyur pa 'o/ /rlung mtshams phyi rol pa bzung nas/ /thig le u yis sbyor bar bya/ / dbus las dbu ma de bzhin te/ /me mtshams stan dang ldan pa yi/ /lho las dbu mar 'gyur bar bya/ /dbus nas dbu ma bzung nas su/ /thig le yis ni brgyan par bya/ /de bzhin dbus na 316a @#/ /dbu ma yang / /lho nas dbu ma de bzhin te/ /me yi mtshams pa mnyam par ldan/ /yi ge a yi bsdu bar bya/ /nub nas tha ma bzung nas su/ /sgra yig o ni sbyor bar bya/ /bden bral phyi rol pa bzung nas/ /dbu ma'i tha ma dang ldan par/ /me mtshams lan gnyis brjod nas su/ /nub nas dang por ldan 'gyur bya/ /rtag tu a med brgyad pa ni/ / rdo rje kha T+wAM 'dzin ma yin/ /zhes bcom ldan 'das dpal rdo rje sems dpas gsungs so/ /rlung mtshams phyi rol pa bzung nas/ /tsheg drag o ni sbyar bar bya/ /dbus nas dbu ma de bzhin du| |me mtshams pas ni ldan pa yin/ /lho nas dbu mar 'gyur ba 'o/ /shar nas dang po bzung nas su/ /sgra yig a ni sbyor bar bya/ /dbus nas tha mar bzung nas su/ /sgra yig e ni sbyor bar bya/ /dbang ldan phyi rol pa bzung nas/ /dbus las dbu ma gzung bar bya/ /me mtshams 'dab ma la gnas pa/ /sgra yig i ni sbyor bar bya/ /byang nas dang po bzung nas su/ / yi ge a dang ldan par bya/ /me mtshams 'dab ma sbyor nas su/ /thig le nga ros bsdu bar bya/ /sna tshogs pad+ma lha mo che/ /rdo rje sems sogs lha yi yin/ /zhes bcom ldan 'das dpal bde ba chen po rdo rje sems dpas gsungs so/ /rdo rje mtshon cha dang / /rdo rje rol ma dang / rdo rje dran ma dang / rdo rje snying po ma dang / rdo rje sems dpa' la sogs pa'i lha mo bzhi yin no/ / 316b o yig thig le dang ldan par/ /a yig thig le yang dag ldan/ /dbus la tha ma gzung ba dang / /yi ge u dang ldan par bya/ /byang nas de bzhin bzhi pa 'o/ /dbus nas dbu ma bzung nas su| |lho nas dbu ma de bzhin du/ /me mtshams 'dab ma dang sbyar nas/ /sgra yig i dang a bsdu bya'o/ /shar nas bzhi pa gang yin pa/ /thig le u dang ldan bya ste/ /nan tan du ni lan gnyis bzla| |rtag tu dang po'i 'gyur ba yin/ /o yig thig le dang ldan pa/ /dbu ma las ni dbu ma yang / /me mtshams 'dab ma dang ldan pa'i/ /lho nas dbu mar 'gyur bar bya'o/ /dbus nas tha ma bzung byas te/ /sgra yig e dang sbyor bar bya/ /shar las bzhi pa gang yin pa/ /sgra yig u dang sbyor ba 'o/ /bden bral 'dab ma la gnas pa/ /sgra yig u dang sbyor ba ste/ /nan tan lan gnyis bzlas pa 'o/ /dbus las bzhi pa gang yin pa/ /u yig me mtshams pa dang ldan/ /thig le nga ro gnyis pa 'o/ /o yig thig le dang ldan pa/ /rlung mtshams phyi rol la gnas pa/ /tsheg drag dang ni mnyam por ldan/ /dbang ldan phyi rol la gnas dang / /me mtshams 'dab ma can de bzhin/ /byang nas gsum pa gang yin pa/ /dbus las dbu mar gyur pa bya/ /lho nas dbu ma pa la yang / me mtshams 'dab ma can dang ldan/ /sgra yig i dang ldan sbyor ba/ /i yig thig le dang ldan pa/ /lan gnyis gsum ni brjod byas te/ /lha mo gsum po'i kho na 'o/ /sngags 'byung bar ni 317a @#/ /grags pa yin/ /o yig thig le dang ldan par/ /shar nas gnyis pa gang yin pa/ /zla tshes thig le gtsug gi zhal/ /dbus nas dbu ma de bzhin du/ /lho nas dbu ma pa la yang / /me mtshams 'dab ma can sbyor dang / /dus rnams thams cad sbyor bar bya/ /dbang ldan phyi rol pa de bzhin/ /sgra yig e ni sbyor bar bya/ /de nyid phyi rol pa bzung nas| |sgra yig i dang ldan byas te/ /me mtshams 'dab ma gnas pa yi/ /sgra yig i yis brgyan par bya/ /rlung mtshams phyi rol pa bzung nas/ /thig le u yig sbyor byas te/ / lan gnyis gsum du brjod bya 'o/ /de nas dpag bsam shing sogs lha/ /rdo rje snying po ma dang / rdo rje sred med kyi bu mo dang / rdo rje gar gyi dbang phyug ma dang / 'dod pa'i lha mo rnams zhes pa lha mo bzhi yin no/ /o yig thig le dang ldan pa/ /yi ge e yi sbyor bar bya/ /rlung mtshams phyi rol la gnas pa/ /me mtshams 'dab ma can de bzhin/ /yi ge e yi mnyam ldan pa'i/ /byang nas dang por 'gyur byas te/ /dbus las dbu ma de bzhin du/ /me mtshams 'dab ma can 'byor ba'i/ /lho yi dbu ma pa yang de/ /yi ge e yis mnyam ldan bya/ / dbus las dbu ma ldan 'gyur dang / /bden bral 'dab ma la gnas pa/ /sgra yig i ni sbyor byas te/ /bden bral phyi rol la gnas pa/ /sgra yig i ni sbyor byas te/ /byang nas tha ma 317b gang yin pa/ /sgra yig a ni sbyor bar bya/ /byang nas dang po gang yin pa/ /me mtshams pa yi gdan dang ldan/ /nub nas dang po gang yin pa/ /rtag par a med 'gyur bar bya/ /gdod ma tha ma med pa'i mchog /lha mo rdo rje pi wang ma'o/ /rlung mtshams phyi rol pa bzung nas/ /sgra yig e ni sbyor bar bya/ /me mtshams 'dab ma gnas pa nyid/ /sgra yig i dang ldan byas te/ /byang nas dang po 'gyur bar bya/ /dbus nas dbu ma bzung nas su/ /lho nas dbu ma gzung bar bya/ /me mtshams 'dab ma dang sbyor nas/ /bsdu bar bya ba yang yin te/ /shar nas gsum pa gang yin pa/ /sgra yig e ni sbyor bar bya/ /byang nas dang por bzung nas su/ /sgra yig e ni sbyor byas te/ /nga ro bzhi pa dang ldan pa/ /rtag par ldan gsum brjod bya'o/ /rlung mtshams phyi rol ba bzung nas/ /sgra yig e ni sbyar bar bya/ /me mtshams 'dab ma pa la yang / /sgra yig e ni sbyor bar bya/ /byang nas dang po 'gyur bar bya/ /dbus nas dbu ma bzung nas su/ /me mtshams 'dab ma can lhan cig /lho nas dbu ma 'gyur byas te/ /rlung mtshams phyi rol la gnas pa/ /sgra yig a ni sbyor bar bya/ /de bzhin bden bral phyi pa la/ /sgra yig i ni sbyor ba'i phyir/ /rlung mtshams phyi rol pa nyid ni| |lan gnyis ched du brjod par bya/ /dbus nas dbu ma bzung nas su/ /thig le e yig sbyor bar bya/ /mkha' 'gro sgyu ma bde mchog la/ /rnga chen lha mor grags pa yin/ /rlung 318a @#/ /mtshams phyi rol pa bzung nas/ /sgra yig i ni sbyor bar bya/ /me mtshams 'dab mar gnas pa yang / /byang nas dang po pa bzung ste/ /sgra yig i ni ldan par bya/ /dbus las dbu ma de bzhin du/ /me mtshams 'dab ma dang sbyor ba'i/ /lho nas dbu ma pa dang yang / /byang nas mtha' ma bzung byas te/ /me mtshams 'dab ma ldan byas nas/ /sgra yig i ni sbyor bar bya| |byang nas dang por bzung byas te/ /dbang ldan 'dab ma can sbyor nas/ /de tshe de ni yang brjod de/ /de bzhin dbus las dbu ma yang / /sgra yig e ni sbyor bar bya/ /dbus las dang po de bzhin du/ /de ni lan gnyis brjod par bya/ /lho nas bzhi pa bzung nas su/ /nga ro a yig ldan par bya/ /rdo rje sems dpa'i dkyil 'khor la/ /rdza rnga ma zhes grags pa yin/ /zhes bcom ldan 'das dpal rdo rje sems dpas gsungs so/ /gling bu ma dang pi wang kun/ /rnga chen de bzhin rdza rnga kun/ /rdo rje sems dpa'i dkyil 'khor la/ /gra yi lha mos mchod 'grub pa'o/ /a yig dang po byas nas su/ /dbus nas dbu ma pa la yang / /me mtshams 'dab ma can ldan par/ /lho nas dbu ma 'gyur bar bya/ /dbus las dang po de bzhin du/ /sgra yig u ni sbyor bar bya/ /me mtshams phyi rol pa bzung nas/ /dbus las dang po yang yin te/ /e yig dang ni mnyam por ldan/ /dbus nas me tog ma phyung ngo / /a yig dang po byas nas su/ /dbus las dbu ma pa 318b yang ste| |me mtshams 'dab ma dang ldan pa'i/ /lho nas dbu ma yang yin te/ /byang las bzhi pa gang yin pa/ /sgra yig u dang sbyor bar byas/ /dbus las dang po bzung nas su/ /rdo rje spos me rnams grags so/ /a yig dang po byas nas su/ /dbus las dbu ma pa yang ste/ /me mtshams 'dab ma can ldan pa'i/ /lho las dbu mar 'gyur bar bya/ /yi ge a las mnyam ldan te/ /bden bral 'dab mar gnas pa la/ /sgra yig o ni sbyor bar bya/ /sher gyi dang po de bzhin du/ /e yig ldan par gsungs pa 'o/ /a yig dang po byang nas su/ /dbus las dbu ma de bzhin yang / /me mtshams 'dab ma dang ldan par/ /lho las dbu ma 'gyur byas te/ /shar las gsum pa de la yang / /thig le dang ni sbyor bar bya/ /byang nas bzhi pa gang yin pa/ /yi ge e yig lhan cig 'gyur| |zhes bcom ldan 'das dpal rdo rje sems dpas rdo rje me tog ma dang / rdo rje spos ma dang / rdo rje mar me ma dang / rdo rje dri chab ma zhes bya ba phyi'i lha mo bzhi gsungs so/ /o yig thig le dang ldan par/ /dbus las dbu ma pa yang ste/ /me mtshams 'dab ma dang lhan cig /lho las dbu ma 'gyur ba ste/ /a yig thig le mnyam gnon par/ /rtag par brjod par bya ba ste| |shar las dang po bzung nas su/ /sgra yig u ni sbyor bar bya/ /dbang ldan phyi rol pa bzung nas/ /sgra yig i ni sbyor bar bya/ /tsheg drag mnyam por ldan pa ni/ /lho las dbu/ 319a @#/ /mar 'gyur pa 'o/ /zhes bcom ldan 'das dpal rdo rje sems dpas gsungs so/ /o yig thig le dang ldan par/ /dbus las dbu ma 'gyur byas te/ / me mtshams pa dang mnyam ldan pa'i/ /lho las dbu ma pa yang ste/ /dbus las dang po bzung nas su/ /sgra yig a ni sbyor bar bya/ /dbang ldan phyi rol pa bzung nas/ /sgra yig a ni sbyor bar bya/ /rlung mtshams phyi rol pa bzung nas/ /thig le u yig sbyor ba 'o/ /zhes bcom ldan 'das dpal don yod shin tu dga' ba'i sems dpas gsungs so/ /u yig thig le dang ldan par/ /dbus las dbu ma 'gyur byas te/ /me mtshams 'dab ma can ldan zhing / /lho las dbu ma 'gyur bar bya/ /dbang ldan phyi rol pa bzung nas/ /thig le nga ros brgyan byas te/ /shar gyi dang po bzung nas su/ /sgra yig e dang mnyam ldan zhing / /bden bral 'dab ma can du 'gyur/ /dpral bar thig les brgyan pa 'o/ /zhes bcom ldan 'das dpal rdo rje sems dpas gsungs so/ /o yig thig le dang ldan par/ /dbus las dbu ma pa yin te/ /me mtshams 'dab ma can lhan cig /lho nas dbu ma 'gyur bar bya/ /shar las bzhi pa gang yin pa/ /thig le nga ros rnam par brgyan/ /nub las dang po bzung nas su/ /sgra yig e ni sbyor bar bya/ /rlung mtshams phyi rol pa bzung nas/ /tsheg drag dang ni 319b mnyam ldan zhing / /o yig lhan cig 'gyur ba'o/ /zhes bcom ldan 'das bde ba chen po dpal rdo rje sems dpas gsungs so/ /rta mgrin 'phang mtho'i lcags kyu ma dang / phag mgo mche zhags ma dang / nyi zla lcags sgrog ma dang / shi pa gso ba'i dril bu ma zhes bya ba sgo srung ma bzhi gsungs pa ste/ dpal rdo rje sems dpa'i dkyil 'khor la sngags kyi tshogs kyi phyag rgya shes pa'o/ /o yig thig le dang ldan par/ /dbus las bzhi pa gang yin pa/ /tsheg drag u yig ldan pa ste/ /shar las gnyis pa can la yang / /thig le nga ro gnon pa ni/ /thub chen rnam snang mdzad kyi 'o/ /o yig thig le dang ldan par/ /dbus las dbu ma yang yin te/ /me mtshams 'dab ma dang ldan pa'i/ /lho las dbu ma 'gyur byas te/ /bden bral phyi rol pa bzung nas/ /byang nas dang po pa yang ste/ /dbus nas dbu ma pa ldan pa/ /dbang ldan phyi rol la gnas pa/ /thig le nga ro ldan pa 'o/ /zhes bcom ldan 'das dpal rdo rje sems dpas gsungs so| |o yig thig le dang ldan par/ /dbus las dbu ma yang yin te/ /me mtshams 'dab ma dang lhan cig /lho las dbu ma 'gyur byas te/ /me mtshams 'dab ma can de bzhin/ /byang las dang po 'gyur byas te/ /byang las tha ma dang ldan pa/ /mjug tu me mtshams 'dab ma can/ /zla tshes thig le gtsug gi zhal/ /zhes bcom ldan 'das dpal rdo rje sems dpas gsungs 320a @#/ /so| |o yig thig le dang ldan par/ /dbus las dbu ma par 'gyur te/ /me mtshams 'dab ma can lhan cig /lho las dbu ma yang yin te/ /byang nas bzhi pa gang yin pa| |dbus las dbu ma pa yang ste/ /me mtshams pa yi mgo gnon bya/ /dbus las tha ma gang yin pa/ /zla tshes thig le gtsug gi zhal/ /zhes bcom ldan 'das dpal rdo rje sems dpas gsungs so/ /o yig thig le dang ldan par/ /dbus las dbu ma 'gyur byas te/ /me mtshams 'dab ma dang ldan pa'i/ /lho las dbu ma 'gyur byas te/ /shar las dang por bzung nas su| |me mtshams can gyi gnon pa yi/ /dbus las dbu ma pa yang 'dod/ /byang las gnyis pa gang yin pa/ /zla tshes thig le gtsug gi zhal/ /zhes bcom ldan 'das dpal rdo rje sems dpas gsungs so/ /rlung mtshams phyi rol pa bzung ste/ /thig le nga ro ldan par bya'o/ /bden bral phyi rol pa bzung ste/ /dbus las dbu ma dang ldan pa'i/ /byang las dang po 'gyur bar bya| |dbus las dbu ma de bzhin du/ /e yig me mtshams ldan pa ste/ /lho las dbu ma 'gyur bar bya'o/ /zhes bcom ldan 'das dpal rdo rje sems dpas gsungs so/ /lho las gnyis pa gang yin pa/ /thig le e yi sbyor bar bya/ /dbus las dbu ma de bzhin du/ /me mtshams 'dab ma dang ldan pa'i/ /lho las dbu ma 'gyur byas shing / /me mtshams 'dab 320b mar gnas pa nyid/ /byang las dang po de bzhin du/ /byang las tha ma dang sbyor ba/ /sgra yig e dang sbyor ba'o/ /zhes bcom ldan 'das dpal don yod shin tu dga' ba'i rdo rje sems dpas gsungs so/ /byang nas dang po bzung nas su/ /thig le me mtshams yang dag ldan/ /dbus las dbu ma de bzhin du/ /me mtshams pa dang ldan pa la/ /lho las dbu ma 'gyur bar bya/ / dbus las dang po bzung nas su/ /byang nas dbu ma yang yin te/ /dbus las tha ma dang ldan la/ /yi ge lhan cig 'gyur ba'o/ /zhes bcom ldan 'das dpal rdo rje sems dpas gsungs so| |byang las bzhi pa gang yin pa/ /thig le nga ro ldan par bya/ /dbus las dbu ma de bzhin du/ /sgra yig i ni sbyar byas te/ /dbang ldan phyi rol pa bzung nas/ /dbus las dbu ma pa dang ldan| |de bzhin dbus las dbu ma yang / /e yig me mtshams dang ldan pa'i/ /lho las dbu ma pa 'gyur ro/ /zhes bcom ldan 'das bde ba chen po rdo rje sems dpas gsungs so/ / dang po sangs rgyas dbyangs ma dang / /dbang ldan phyi rol can nyid la/ /sgra yig u dang sbyor bar bya/ /bden bral 'dab mar gnas pa yang / /sgra yig a ni sbyor bar bya/ /shar las gsum pa gang yin pa/ /e yig me mtshams pa dang ldan/ /dbus las bzhi pa gang yin pa/ /thig le i yig ldan par bya/ /byang las dbu ma phul nas su/ /de nas dbus nas tha ma ste/ /nub kyi dang 321a @#/ /po rtag tu ni/ /a yig \?\ med par brjod par bya/ /zhes bcom ldan 'das dpal rdo rje sems dpas gsungs so/ /rlung mtshams phyi rol pa bzung nas/ /thig le u yig sbyor bar bya/ /dbus las dbu ma de bzhin du/ /me mtshams stan dang ldan pa yi/ /lho las dbu ma 'gyur bar bya/ /shar las dang po gang yin pa/ /sgra yig e yis brgyan pa ste/ / dbang ldan phyi rol gang yin pa/ /sgra yig e ni sbyor bar bya/ /lho las dang po gang yin pa/ /gnyis pa ru ni sbyor byas las/ /thig le e yig ldan par bya/ /de yang drug par 'gyur ba ste// byang las dbu ma de bzhin du/ /dbu ma'i tha ma yang yin te/ /nub las dang po rtag tu ni/ /a yig med par 'gyur ba 'o/ /zhes bcom ldan 'das dpal rdo rje sems dpas gsungs so/ / rlung mtshams phyi rol pa bzung nas/ /thig le e yig ldan par bya/ /dbus las dbu ma bzung ba dang / /me mtshams stan dang ldan pa yi/ /lho las dbu ma 'gyur byas te/ /yi ge a dang ldan par bya/ /dbus las tha ma bzung nas su/ /bden bral 'dab mar gnas pa yang / /dbus las dang po bzung nas su/ /sgra yig a ni sbyor bar bya/ /dbang ldan phyi rol pa nyid la| |sgra yig e dang sbyor bar bya/ /dbus las tha ma bzung nas su/ /nub las dang po yang bzung ste/ /a yig med par byas pa ni/ /mkha' 'gro ma yi grags pa 'o/ /gau rI 321b tso rI pra mo hA/ /bai ta lI zhes bya ba bzhi/ /rdo rje rnal 'byor ma dag yin/ /puk+ka sA dang tsaN+Da li/ /g+hasma khrag 'thung 'dra ba bzhi/ /rdo rje mkha' 'gro ma dag yin/ /rlung mtshams phyi rol pa bzung nas| |sgra yig e dang ldan par bya/ /dbus las dbu ma de bzhin du/ /me mtshams 'dab ma stan ldan pa'i/ /lho las dbu ma 'gyur bar bya/ /me mtshams 'dab mar gnas pa nyid/ /sgra yig i dang ldan pa yi/ /byang las dang po 'gyur bar bya/ /dbus las dang po de bzhin du/ /thig le yang dag ldan pa 'o/ /zhes bcom ldan 'das dpal rdo rje 'dzin pas gsungs so/ /dbus las dbu ma de bzhin du/ /thig le nga ro yang dag ldan/ /dbus las tha ma bzung ba dang / /yi ge a dang ldan pa yis/ /rlung mtshams phyi rol gnas par 'gyur/ /me mtshams 'dab mar gnas pa nyid/ /byang las dang po yang yin te/ /dbus las dbu ma pa yang gzung / /e yig me mtshams dang ldan pa'i/ /lho las dbu ma 'gyur bar bya/ /rlung mtshams phyi rol pa bzung nas tsheg drag o yig sbyor bas so/ /zhes bcom ldan 'das dpal bde ba chen po rdo rje sems dpas gsungs so/ /o yig thig le dang ldan pa'i/ /dbus la dbu ma yang yin te/ /me mtshams 'dab ma can ldan pa'i/ /dbus las dbu ma 'gyur ba 'o/ /o yig dang ni ldan pa yi/ /bden bral 'dab mar gnas de bzhin/ /lho las dang po de bzhin du/ /yi ge e yig ldan pa yi/ / 322a @#/ /byang las tha ma yang yin te/ /dbang ldan 'dab mar gnas pa la/ /zla tshes thig le gtsug gi zhal/ /zhes bcom ldan 'das dpal thogs pa med pa'i shin tu dga' ba'i rdo rje sems dpas gsungs so/ /me mtshams 'dab mar gnas pa la/ /zla tshes thig le gtsug gi zhal/ /dbus las tha ma yang de bzhin/ /sgra yig a dang sbyor ba yis/ / rlung mtshams phyi rol par 'gyur te/ /dbang ldan phyi rol gnas nyid la/ /me mtshams stan dang ldan pa ste/ /sgra yig o dang sbyar bar bya/ /bzhi par yongs su grags pa yin/ /dbus las dbu ma nyid dang ni/ /me mtshams stan dang ldan pa yi/ /sgra yig i dang sbyar nas su/ /lho las dbu ma 'gyur bar bya/ /rlung mtshams phyi rol gnas pa yang / /sgra yig i dang sbyor byas te/ /tsheg drag lhan cig 'dod pa 'o/ /de dag mda' rnon 'dzin ma la sogs pa/ /grwa yi srin mo la sogs bzhi rnams kyi'o/ /me tog ma sogs 'dus pa dang / /sgo srung ma sogs 'dus pa ste/ /rtsa ba'i dkyil 'khor tshul gyis ni/ /ji bzhin yang dag 'byung ba 'o/ /zhes bcom ldan 'das dpal thogs pa med pa'i shin tu dga' ba'i rgyal po rdo rje sems dpas gsungs te/ rdo rje mkha' 'gro ma'i dkyil 'khor la sngags 'byung ba'i tshogs kyi phyag rgya shes pa'o/ /o yig thig le dang ldan par/ /dbus las dbu ma bzung 322b byas te| |bden bral phyi rol pa la sogs/ /dbus las bzhi pa gang yin pa/ /sgra yig a dang sbyor bar bya/ /dbus las dbu ma bzung pa dang / /dbang ldan phyi rol gnas pa la/ /sgra yig u dang sbyor bar bya/ /byang las bzhi pa gang yin pa/ /brtsegs mar de bzhin lci bar 'dod/ /dbus las dang po bzung ba dang / /byang nas dbu ma yang yin te/ /dbus las tha ma dang sbyor ba// brgyad par yongs su grags pa yin/ /byang nas tha mar de bzhin du/ /o yig me mtshams dang ldan pa/ /byang nas dang po yang yin te/ /dbus las dbu ma dang sbyar te/ /dbang ldan phyi rol gnas pa yang / /me mtshams 'dab ma bzung nas su/ /rlung mtshams phyi rol gnas pa la/ /me mtshams pa dang stan ldan byas/ /tsheg drag i yis sbyor bas so/ /zhes bcom ldan 'das dpal rdo rje sems dpas gsungs so/ /o yig thig le dang ldan par/ /bden bral phyi rol gnas pa yang / /me mtshams pa yi gnon pa yi/ /dbus las dbu ma 'gyur bar bya// byang las dang po bzung nas su/ /sgra yig a dang ldan pa yi/ /byang nas gnyis pa gang yin pa/ /shar las gsum pa gang yin dang / /byang nas dang po yang yin te/ /dbus las dang po bzung nas su| |byang nas dbu ma pa la yang / /dbus las tha ma dang sbyar te/ /yi ge i dang gcig par 'dod/ /lho las dbu ma bzung nas su/ /tsheg drag lci ba kho na 'o/ /zhes bcom ldan 'das 323a @#/ /dpal rdo rje 'dzin pas gsungs so/ /rlung mtshams phyi rel bzung ba nas/ /thig le u yig sbyor bar bya/ /dbus las dbu ma pa bzung ba/ /me mtshams pa stan ldan pa yi/ /lho las dbu ma 'gyur bar bya/ /dbus las dang po bzung nas su/ /byang nas dbu ma pa la yang / /dbus las tha ma dang sbyor la/ /sgra yig i dang ldan par bya'o/ /zhes bcom ldan 'das dpal rdo rje 'dzin pas gsungs so/ /rlung mtshams phyi rol pa bzung nas/ /sgra yig e dang sbyor bar bya/ /dbus las dang po bzung ba dang / /byang nas dbu ma pa la yang / /dbus las tha ma pa sbyor la/ /sgra yig i dang ldan par bya/ /de ni lan gnyis brjod byas te/ /dbus las dbu ma 'gyur ba la/ /thig le nga ro ldan byas la/ /de ni drug por yongs grags so/ / zhes bcom ldan 'das dpal rdo rje sems dpas gsungs so/ /rlung mtshams phyi rol pa bzung nas/ /tsheg drag o yig sbyor bar bya/ /dbus las dang po bzung nas ni/ /byang las dbu ma dang ldan pa'i/ /dbus kyi tha ma bzung pa dang / /nub las tha ma bzung ba la/ /sgra yig e ni sbyor bar bya/ /me yi 'dab mar gnas pa la/ /sgra yig a dang sbyor bar bya/ /lho las dbu ma bzung nas su/ /thig le nga ro ldan par bya/ /zhes bcom ldan 'das shin tu dga' ba'i rdo rje sems dpas rnam par gzigs ma dang / sgrol ma dang / sa 'dzin ma dang / khro gnyer 323b ma zhes pa'i pad+ma'i gtso mo'i lha mo bzhi gsungs pa'o/ /rlung mtshams phyi rol pa bzung nas/ /thig le u yig sbyor bar bya/ /dbus las dang po bzung ba dang / /byang nas dbu ma gang yin pa| |dbus las tha ma dang sbyar te/ /de ni rtag par lci bar 'gyur/ /lho las dang po bzung nas su/ /thig le dang ni mnyam por ldan/ /nub nas dbu ma pa nyid la/ /i yig dang ni ldan par bya/ dbang ldan phyi rol pa bzung nas/ /dbus las dbu ma dang sbyor bya/ /me mtshams 'dab mar gnas pa nyid/ /sgra yig u yis rnam par brgyan/ /rlung mtshams phyi rol pa la yang / /yi ge u dang mnyam ldan la/ /thig le nga ro yang dag ldan/ /dbus las gnyis pa gang yin pa/ /a med nub kyi dang po 'o/ /zhes bcom ldan 'das rdo rje 'dzin pas gsungs so/ /rlung mtshams phyi rol pa bzung nas/ /sgra yig e ni sbyor bar bya/ /dbus las tha ma bzung ba dang / /sgra yig e dang ldan pa yis/ /rlung mtshams phyi rol ba 'gyur te/ /dbus la dbu ma pa nyid la/ /sgra yig i ni sbyor bar bya/ /dbang lngan phyi rol pa la yang / /dbus las dbu ma dang ldan bya/ /dbus las dang po bzung ba dang / /byang nas dbu ma pa la yang / /dbus las tha ma dang sbyor te/ /de ni rtag lci la gyur pa| |de bzhin dbus las tha ma yang / /sgra yig u dang sbyor bar bya/ /e yig me mtshams can ldan pa'i/ /byang las dang po 'gyur bar bya/ /bden bral phyi rol ba bzung la/ /sgra yig 324a @#/ /i ni sbyor bar bya/ /byang las bzhi po gang yin pa/ /dbang ldan 'dab ma can gyi stan/ /rlung mtshams phyi rol pa bzung nas/ /thig le u yig sbyor bar bya/ /dbu ma'i gnyis pa gang yin pa/ /nub kyi dang po 'gyur bar bya/ /de la a yig med ces pa/ /bdag gis thams cad du ni bshad/ /ces bcom ldan 'das dpal rdo rje sems dpas gsungs so/ /rlung mtshams phyi rol pa bzung nas/ /me mtshams pa yi stan pa dang / /tsheg drag i yig ldan pa ni/ /dang po par ni yongs su grags/ /dbus las dang po bzung ba dang // byang nas dbu ma yang yin la/ /dbus las tha ma dang sbyor te/ /sgra yig i dang sbyor ba yi/ /mkhas pas lan gnyis brjod par bya/ /rlung mtshams phyi rol pa la yang / /thig le u yig gis brgyan te/ /tha mar yi ge a la yang / /thig le dang ni ldan par bya/ /zhes bcom ldan 'das dpal rdo rje sems dpas gsungs so/ /rlung mtshams phyi rol pa bzung nas/ /tsheg drag o yig sbyor bar bya/ /dbus las dang po bzung ba dang / /byang las dbu ma pa la yang / /dbus las tha ma dang sbyar te/ /sgra yig a yis brgyan par bya/ /dbus las dbu ma pa nyid la// sgra yig i dang sbyor bar bya/ /dbus las dbu ma pa nyid la/ /dbang ldan phyi rol pa bzung nas/ /dbus las dbu ma dang sbyar te/ /sgra yig a dang ldan pa ni/ /rtag par lci bar gyur pa 324b yin| |shar las dang po bzung nas ni/ /me mtshams pa yi gdan dang ldan/ /dbus las tha ma bzung ba la/ /sgra yig a dang sbyor bar bya/ /shar las dang po bzung nas su/ /me mtshams pa yi gdan dang ldan/ /dbus las tha ma pa yang yin/ /rlung mtshams phyi rol pa bzung la/ /thig le u yig sbyor bar bya/ /lho las dbu ma de bzhin du/ /tsheg drag lci ba can ldan no/ /zhes bcom ldan 'das dpal rdo rje 'dzin pas pad+ma'i na bza' dang / rdo rje pad+ma'i dbang phyug ma dang / /pad+ma gar gyi dbang phyug ma dang / sna tshogs pad+ma zhes bya ba pad+ma rigs kyi lha mo bzhi gsungs so/ /gling bu ma tshogs 'dus pa dang / /sgo srung mtshogs 'dus pa ste/ /me tog ma tshogs 'dus pa yang / /pad+mas mtshan ma 'dzin par zad/ /dang po'i dkyil 'khor tshul gyis ni/ /ji bzhin yang dag 'byung ba'o| |zhes bcom ldan 'das dpal rdo rje 'dzin pas gsungs te/ dpal pad+ma gar gyi dbang phyug gi dkyil 'khor la sngags byung ba'i tshogs kyi phyag rgya shes pa'o/ /o yig thig le dang ldan par| |sgra yig i dang ldan pa'o/ /bden bral phyi rol pa la yang / /byang las bzhi pa bang \?\ yin pa/ /dbang ldan 'dab ma can dang ldan/ /dbus las bzhi pa gang yin pa/ /tsheg drag u yig sbyor bar bya/ /bden bral phyi rol pa bzung nas/ /sgra yig i yis brgyan pa ste/ /byang las bzhi pa gang yin pa/ /dbang ldan 'dab ma can dang ldan/ /dbus las bzhi pa gang yin pa/ /sgra yig 325a @#/ /u dang sbyor bar bya/ /de bzhin dbus las dbu ma la/ /tsheg drag dang ni mnyam por ldan/ /bden bral phyi rol pa bzung nas/ /sgra yig i dang sbyor bar bya/ /byang las bzhi pa gang yin pa/ /dbang ldan 'dab ma can dang ldan/ /bden bral phyi rol pa bzung nas/ /tsheg drag mnyam por ldan pa yis/ /dbus las tha ma pa dang ldan/ /de bzhin bden bral phyi rol pa| |sgra yig i dang sbyor bar bya/ /byang las bzhi pa gang yin pa/ /dbang ldan 'dab ma can dang ldan/ /dbus las bzhi pa gang yin pa/ /yi ge a dang mnyam ldan pa'i/ /rlung mtshams phyi rol pa 'gyur bya/ /de bzhin dbus las dbu ma yang / /me mtshams pa yi stan ldan pa'i/ /lho las dbu ma 'gyur bar bya/ /me mtshams 'dab ma de bzhin du/ /byang las dang po sbyor ba yi| |byang las tha ma 'gyur bar bya/ /dbus las dbu ma de bzhin du/ /lan gnyis par ni brjod par bya/ /de bzhin nub kyi dang po yang / /lan gnyis par ni brjod par bya/ /me mtshams pa yi stan ldan pa/ /byang las dang po 'gyur bar bya/ /thig le a yig ldan pa yi/ /nor chen rdo rje nyi ma yin/ /zhes bcom ldan 'das dpal rdo rje 'dzin pas gsungs so/ /dbus las dbu ma bzung nas su/ /me mtshams 'dab ma'i stan ldan pa'i/ /lho las dbu ma 'gyur bar bya/ /bden bral phyi rol gnas pa dang / /dbus las dbu ma sbyor ba dang / /tsheg drag 325b mnyam por sbyor ldan pa'i/ /lhe \?\ las dbu ma 'gyur bar bya/ /me mtshams 'dab ma can de bzhin/ /zhes bcom ldan 'das dpal rdo rje sems dpas gsungs so/ /dbus las dbu ma de \?\ bzhin du/ /me mtshams pa yi stan ldan pa'i/ /lho las dbu ma 'gyur bar bya/ /me mtshams 'dab ma can de bzhin/ /byang las dang po sbyor ba yi/ /byang las tha mar 'gyur bar bya/ /rlung mtshams phyi rol pa bzung la/ /thig le u yig sbyor ba 'o/ /zhes bcom ldan 'das dpal rdo rje sems dpas gsungs so/ /dbus las dbu ma bzung ba dang / /me mtshams pa yi stan ldan pa'i/ /lho las dbu ma 'gyur bar bya/ /byang las bzhi pa gang yin pa/ /me mtshams 'og tu ldan pa yi/ /dbus las tha ma 'gyur bar bya/ /dbus las tha ma de bzhin du/ /thig le dang ni mnyam ldan no// zhes bcom ldan 'das dpal rdo rje sems dpas gsungs so/ /dbus las dbu ma de bzhin du/ /me mtshams pa yi gdan sbyor ba'i/ /lho las dbu ma 'gyur bar bya/ /shar las dang po bzung ba dang / /me mtshams pa yi mgor sbyor ba'i/ /dbus las tha ma 'gyur bar bya/ /rlung mtshams phyi rol pa bzung nas/ /tsheg drag e yig sbyor ba 'o/ /zhes bcom ldan 'das dpal rdo rje 'dzin pas dbang bskur ma dang / mdzod gtor ma dang / rgyal mtshan mchog ma dang / mchog chen mo zhes bya ba lha mo bzhi gsungs so/ /o yig thig le dang ldan pa/ /i yig 326a @#/ /me mtshams can ldan pa'i/ /dbus las dang po 'gyur bar bya/ /yi ge e dang mnyam ldan pa'i/ /byang las dang po yang yin te/ /dbus las dbu ma de bzhin dang / /e yig me mtshams can ldan pa'i/ /lho las dbu ma 'gyur bar bya/ /nub las tha ma bzung nas su/ /sgra yig i dang sbyar bar bya/ /dbus las tha ma bzung nas su/ /nub kyi dang po de bzhin te/ /rtag par a med 'gyur ba'o/ /zhes bcom ldan 'das dpal rdo rje 'dzin pas gsungs so/ /o yig thig le dang ldan par/ /dbus las dbu ma yang yin te/ /me mtshams pa yi stan ldan pa'i/ /lho las dbu ma 'gyur bar bya/ /e yig me mtshams pa ldan pa'i/ /dbus las dang por 'gyur bar bya/ /yi ge e dang mnyam ldan pa'i/ /byang las dang po yang yin te/ /me mtshams pa yi stan ldan pa'i/ /rlung mtshams phyi rol la gnas pa/ /tsheg drag yi ge i dang sbyar/ /de ni 'gyur bar the tshom med/ /ces bcom ldan 'das dpal rdo rje sems dpas gsungs so/ /o yig thig le dang ldan dang / /thig le e yig ldan pa yi/ /lho las dang bor 'gyur bar bya/ /yi ge a dang mnyam ldan pa'i/ /de nas byang gi dang po ste/ / dbus las tha ma de bzhin du/ /i yig dang ni sbyor ba yi/ /nub kyi tha ma 'gyur bar bya/ /tsheg drag o yig dang ldan pa'i/ /rlung mtshams phyi rol par gyur pa'o/ /zhes bcom ldan 326b 'das dpal rdo rje sems dpas gsungs so/ /o yig thig le dang ldan pa/ /dbus las dbu ma yang yin te/ /me mtshams pa yi stan ldan pa'i/ /lho las dbu ma 'gyur bar bya/ /dbus las tha ma de bzhin du/ /yi ge e dang mnyam sbyor ba'i/ /me mtshams phyi rol par 'gyur te/ /de bzhin dbus nas tha ma dang / /yi ge a dang mnyam ldan pa'i/ /rlung mtshams phyi rol 'gyur bar bya| |thig le u yig dang ldan pa'i/ /me mtshams phyi rol par 'gyur ro/ /zhes bcom ldan 'das dpal rdo rje sems dpas mda' gzhu 'dzin pa dang / /rdo rje kha T+wAM ma dang / rdo rje nyi ma mo dang / rdo rje bsreg bya za ba mo zhes bya ba'i rdo rje nyi ma'i lha mo bzhi gsungs so/ /gling bu ma sogs 'dus pa dang / /sgo srung ma sogs 'dus pa sta/ /me tog ma sogs 'dus nas kyang / /rtsa ba'i dkyil 'khor la bskyed 'dod/ /ces bcom ldan 'das dpal bde ba chen po rdo rje sems dpas gsungs so/ /rdo rje nyi ma'i dkyil 'khor sngags 'byung ba'i tshogs kyi phyag rgya shes pa'o/ /o yig thig le dang ldan pa/ /de bzhin bden bral phyi rol pa/ /thig le u yig sbyor bar bya/ /dbus las bzhi pa gang yin dang / /yi ge i dang mnyam ldan pa'i| |byang gi tha mar 'gyur bar bya/ /yi ge u yig dang ldan pa'i/ /bden bral phyi rol pa yin te/ /dbus las bzhi pa gang yin dang / /thig le u yig dang ldan pa'i/ /rlung mtshams 327a @#/ /phyi rol pa 'gyur te/ /rta mchog rgyal po chen po yi/ /thams cad dus su bzla bar bya/ /las rnams thams cad 'grub pa ni/ /'joms pa las grub dran las dga'| |zhes bcom ldan 'das dpal rdo rje sems dpas gsungs so/ /o yig thig le dang ldan par/ /de bzhin dbus las dbu ma pa/ /sgra yig i dang sbyor bar bya/ /dbang ldan phyi rol de bzhin te/ /dbus las dbu ma dang ldan bya/ /dbus las dbu ma de bzhin te/ /me mtshams pa yi stan ldan pa'i/ /lho las dbu ma yang yin te/ /byang las bzhi pa gang yin dang / /me mtshams pa yi mnyam gnon pa'i/ /dbus las tha ma 'gyur ldan bya/ /lho las dbu ma yang yin te/ /tsheg drag e yig ldan pa ni/ /sna tshogs pad+mo zhes su grags// zhes bcom ldan 'das dpal rdo rje sems dpas gsungs so/ /o yig thig le dang ldan par/ /i yig dang ni mnyam ldan pa'i/ /dbus las dbu ma yang yin te/ /dbang ldan phyi rol pa bzung nas/ /dbus las dbu ma ldan par bya/ /dbus las dbu ma de bzhin te/ /me mtshams pa yi stan ldan pa'i/ /lho las dbu ma 'gyur bar bya/ /bden bral phyi rol bzung ba dang / /dbus las dbu ma ldan pa yi/ /byang las dang po 'gyur par bya/ /tsheg drag dang ni mnyam ldan pa'i/ /rlung mtshams phyi rol pa yang yin/ /rta yi rgyal po'i dkyil 'khor la/ / 327b sna tshogs rdo rje zhes grags so/ /gang dang gang gi dbus la ni/ /rta mchog 'di ni gzhag bya na/ /de nyid de ni dkyil 'khor yin/ /yul 'khor thams cad 'dul ba'o/ /zhes bcom ldan 'das thogs med shin tu dga' ba dpal rdo rje sems dpas gsungs te/ rta mchog gi dkyil 'khor la sngags 'byung ba'i tshogs kyi phyag rgya shes pa'o/ /sangs rgyas thams cad dang mnyam par sbyor ba mkha' 'gro ma sgyu ma bde ba'i mchog las/ sngags 'byung ba'i rtog pa ste nyi shu pa'o// //de la ji ltar shin tu dga' ba nyid yin zhe na/ skyon med rtag pa gtan du ni/ /'dod chags thams cad rjes chags phyir/ /de nyid gsang ba bcom ldan 'das/ /'dod chags chen po dga' ba che/ /zhes so/ /ji ltar bcom ldan 'das kun tu bzang po yin zhe na/ gtan du dga' ba kun gyi mchog /gdod nas grol ba de bzhin gshegs/ /kun tu bzang po kun gyi bdag /byang chub sems mchog cho ga'o/ /de ji ltar bcom ldan 'das dpal rdo rje sems dpa'i gtso bo yin zhe na/ dngos grub chen po kun gyi mchog /dbang phyug che mchog phyag rgya yis/ /rdo rje dbang chen thugs kar bsgyur/ /rdo rje snying po gtso bo'i gtso/ /dam pa'i dang bo skyes bu'o/ /de la ji ltar bcom ldan 'das thams cad kyi sems nyid yin zhe na/ bsam med rgya chen zab pa ni/ /dngos grub thams cad zad med bde/ /kun gyi dri ma med pa ni/ /byang chub sems bdag brtan pa/ 328a @#/ /yin| |de nas de'i yongs su las kyi khyad par ni/ sems brtan nyid kyis sems dpa' ste/ /ting 'dzin sems dpa' sgom pa 'o/ /rnam par shes pa sems dpa' ste/ /rdo rje nyid yin rdo rje las/ /rdo rje 'dzin pa 'byung ba'o/ /rdo rje rdo rje zhes gsungs ni/ /nyon cig rdo rje gang gsungs pa/ /zla ba 'dra bar yang dag blo/ /rdo rje zhes su rnam par bshad/ /de la ji ltar bcom ldan 'das rdo rje 'dzin pa chen po yin zhe na/ ting 'dzin la sogs rnam bzhi yis/ /gang gi bskyed pa yod bsgoms na/ /bsgoms na thams cad bdag nyid du/ /tshe 'di nyid la 'grub par 'gyur// sems dpa'i byin gyis brlabs sbyor yang / /rang byin brlab 'di grub mchog ste/ /de nyid nyin re grub pa ni/ /rdo rje sems dpa' nyid 'thob bo/ /de la ji ltar bcom ldan 'das kun tu bzang po'i spyod pa yin zhe na/ gsungs pa/ snying stobs rdul dang mun pa yang / /ci phyir sems can don du 'gyur/ /de phyir kun tu bzang po yi/ /ji bzhin byang sems spyod ces 'gro/ /de la ji ltar bcom ldan 'das bdud dang bdud las rgyal pa yin zhe na/ sems de kho na bdud yin te/ /sems de kho na de bzhin gshegs/ /rang sems 'dul ba'i don du ni/ /bdag gi bdug nyid nye bar 'gro// de la ji ltar bcom ldan 'das mngon par byang chub dang sangs rgyas yin zhe na/ rang sems so sor 'bigs pa ni/ /byang chub sems mchog rdo rje nyid/ /de nyid de las de sangs rgyas/ /rang byin 328b brlab mchog bsgoms phyir ro/ /de la ji ltar bcom ldan 'das rdo rje gtum mo mthar byed dang / phyag na rdo rje yin zhe na/ /dbyer med so sor 'bigs pa ni/ /sdang ba thams cad nges par gnon// sangs rgyas kun dngos rdo rje ni/ /byang chub sems rnams bstan pa yin/ /brtan pa thams cad 'grub don du/ /rgyal ba bdag gis kun bzang gis/ /phyag la phyag mtshan de byin te/ /des ni phyag na rdo rje yin| |de la ji ltar dang po'i rigs 'byung ba yin zhe na/ ma ni shes rab pha rol phyin/ /pha ni thabs la mkhas pa ste/ /'dul phyir rdo rje sems dpa' ni/ /skye ba bdag ni rigs yin no/ /de la ji ltar bcom ldan 'das 'dod pa'i thar pa yin zhe na/ dngos grub thams cad rjes chags phyir/ /'dod chags chen po bcom ldan 'das/ /kun grub zad med bde ba yin/ /bde ba chen po zhes 'dod do/ /gsang ba khrag 'thung zhes bya ste/ /phyag rgya chen po 'grub pa'i phyir/ /mchog ni pad+ma 'dzin rgyal po/ /dam tshig dam pa shes ldan phyir/ /dgyes pa dam pa nyi ma ste/ /sbyin pa la sogs mchog grub phyir/ /thams cad bdag nyid rtag tu bzhugs/ /rdo rje rta mchog las nyid phyir/ /sangs rgyas kun dngos sems dpa' ste/ /rdzogs sangs rgyas phyir rnam snang mdzad/ /rdo rje sems dpa' rgyal chen po/ /ye shes rdo rje 'dzin mchog phyir/ /de la ji ltar bcom ldan 'das rnam pa gsum nyid yin zhe na/ /'jig rten gsum dag mtha' yas phyir/ /'dul phyir srid 329a @#/ /gsum mchog gsum bdag /thams cad nyid phyir dkon mchog gsum/ /'jig rten gsum bdag khams gsum yin/ /de la ji ltar bcom ldan 'das thams cad nyid yin zhe na/ sems can bsod nams cher 'phags phyir/ /mi g.yo thams cad kho na bdag /sems 'du 'bral phyir g.yo ba ste/ /kun byed thams cad kho na'i phyir/ /mkha' 'gro ma bdag lha mor gsungs/ /thams cad mdzad pas skal ba bzang / /rnam par rtog pas skal ngan par/ /brda yi mtshan mar gsungs pa'o/ /de la ji ltar bcom ldan 'das dang po'i snying po dbyangs 'byung ba'i ye shes kyi rgyud yin zhe na/ gtan du srid pa yang dag 'grub/ /dbang phyug chen po 'grub ba don du/ /dpa' bo'i dngos grub kun don du/ /bskal pa'i dang po bcom ldan gsungs/ /'dod chags chen po'i phyir bcom ldan/ /dam pa zad med shin tu dga'/ /gsang nyid phyir ni snying po'i dbyangs/ /hUM yig dam pa zad med pa'o/ /de la ji ltar nye ba'i snying po de nyid kyi ye shes yin zhe na/ dkyil 'khor dag ni dman pa dang / /dam tshig dag ni spangs pa dang / /de nyid gsang ba mi shes pas/ /rdo rje sems dpa' 'grub pa min/ /'dod pa bcom ldan sems dpa' ste/ /de kho na ni 'dod chags yang / /rdo rje phyag na rdo rje ni/ /chags bral de dang 'grub ba min/ /ling+ga 'greng bar rang byung ste/ /brla yi steng du bzhugs byas nas/ /ling+ga 329b mchod rten byin brlabs te/ /rdo rje dbyings ni rang bdag 'gyur/ /ling+ga 'greng bar rang byung ste/ /brla yi steng du bzhugs nas su/ /ling+ga rdo rjer byin brlabs te/ khrag 'thung zhes bdag sngon skye'o| |ling+ga 'greng par rang byung ste/ /brla yi steng du bzhugs nas su/ /ling+ga pad+mar byin brlabs te/ /dag pa'i chos bdag sngon skye'o/ /ling+ga 'greng bar rang byung ste/ /brla yi stang du bzhugs nas su| |ling+ga rin chen byin brlabs te/ /rdo rje nyi mar bdag sngon bskyed/ /ling+ga 'greng bar rang byung ste/ /brla yi steng du bzhugs nas su/ /ling+ga sna tshogs byin brlabs te/ /rta mchog dag ni sngon skye 'o/ /b+ha gar ling+ga bcug byas te/ /der ni khaM yig bsgom par bya/ /rnam par snang mdzad gzugs dag 'od/ /sku gnyis ldan pa spro bar bya/ /b+ha gar ling+ga bcug nas ni/ /de la hUM yig bsgom par bya| |shin tu dga' 'dra'i gzugs dag ni/ /sku gnyis ldan pa'i spro bya'o/ /b+ha gar ling+ga btsug nas su/ /de la hrI yig bsgom par bya/ /khrag 'thung 'dra ba'i gzugs dag ni/ /sku gnyis ldan par spro bya 'o/ /b+ha gar ling+ga bcug nas su/ /de la b+ha yig bsgom par bya/ /pad+ma 'dzin 'dra'i gzugs dag ni/ /sku gnyis ldan par spro bya 'o/ /b+ha gar ling+ga bcu gnas su/ /de la traM yig bsgom par bya/ /nyi ma 'dra ba'i gzugs dag yod/ /sku gnyis ldan par spro bya'o/ /b+ha gar ling+ga bcug nas su/ /de la hUM yig bsgom par bya/ /hUM mdzad 'dra ba'i gzugs dag ni/ /sku gnyis ldan 330a @#/ /par spro bya'o/ /zhes bcom ldan 'das rdo rje sems dpas gsungs so/ /de nyid gsang ba gsang chen yang / /snying po yongs su grags la yin/ /snying pos rjes su 'grub pa ni| |nye ba'i snying por yongs grags so/ /sangs rgyas thams cad dang mnyam par sbyor ba mkha' 'gro ma sgyu ma bde ba'i mchog las/ gsang ba sgrub pa'i rtog pa ste nyi shu rtsa gcig pa'o// //de la ji ltar bcom ldan 'das bde ba chen po dang / rdo rje don yod pa'i dam tshig gi rgyud yin zhe na/ kun 'grub zad med bde ba ni/ /de ni rdo rje 'grub pa ste/ /don yod dam tshig 'da' dka' yin/ /de la ji ltar bcom ldan 'das dkyil 'khor gyi don yin zhe na/ ji ltar gnas su gang 'khor lo/ /de ltar snge dang 'gro ba bzhin/ /'khor dang yang dag 'jug 'gyur ba| |de 'dra'i dkyil 'khor bskyed mchog yin/ /de la ji ltar bcom ldan 'das rnam smin gyi rgyu yin zhe na/ rdo rje sems dpa' sogs lha yi/ /dkyil 'khor mngon sum mthod ba las/ /ji 'dra rtag pa'i bsod nams su/ /phyi ni de bzhin bri bya'o/ /de la ji ltar thig gdab pa'i cho ga shes pa yin zhen/ mkhas pas dkyil 'khor bri bya na/ /mtshams kun mnyam por 'dren par bya// shar dang nub dang byang sogs phyogs/ /thig skud bzhi ba re'u mig brgyad/ /dkyil 'khor zlum po sangs rgyas kyi/ /rdo rje can gyi zla gam bzhin/ /pad+ma pad+ma'i tshul yin te/ /rin chen tshul ni rin 330b chen gyi| |sna tshogs gyi ni zlum por gsungs/ /ji ltar 'dod pa ci bde bas/ /nang gi dkyil 'khor dang ldan pa/ /re'u mig brgyad par 'dod pa'o/ /phyi yi dkyil 'khor dbus gnas par/ /nang gi dkyil 'khor du ni 'dod/ /re'u mig brgyad kyi dbus gnas pas/ /gtso bo'i dkyil 'khor 'dod pa yin/ /zhes dpal rdo rje sems dpas gsungs so/ /de la ji ltar rtog pa'i dngos grub dam pa yin zhe na/ ji ltar bden par dkyil 'khor bdag /gang gis rtogs par nus pa ni/ /gang gis yi dam lhar sbyor pas/ /grub pa'i dkyil 'khor ldog pa yin/ /bris sku bris pa'i sbyor ba yi/ /rang sems bris par sbyor pa yin/ /lhag chad cho gar gyur na yang / /bsgrub ste skyon du mi 'gyur ro/ /de la ji ltar gsang ba lnga'i de nyid yin zhe na/ sems dpa' dang po gdod ma med/ /rdo rje sems dpa' dga' ba che| |kun tu bzang po kun gyi bdag /rdo rje snying po gtso ba'i gtso/ /gdod ma tha ma med phyir yang / /dam pa'i dang po zhes 'dod do/ /'khor lo kun gyi gtso phyir ni/ /dam pa dam pa'i dbang phyug yin| |de la ji ltar bcom ldan 'das gang lags/ ci 'dra ba yin zhe na/ 'dod pa chen po kun gyi mchog /'di bde bas na 'dzum pa che/ /rtag par 'dzum pa'i bde ba des/ /dam pa bcom ldan 'gyur ba yin/ /de nas de yi zla mdog ni/ /dam pa yig 'bru grub nyid phyir/ /chos rnams thams cad dag phyir dang / /gsang ba de nyid rnam dag phyir/ /rdo rje 'dzin de zla ba'i mdog /de nas de'i sna 331a @#/ /tshogs dmar ba'i 'od 'bar ba ni/ ci'i phyir bcom ldan 'dod chags che/ /'dod chags kun la rjes chags phyir/ /rdo rje sems dpa' de nyid kyang / /sna tshogs dmar po 'bar ba'i 'od/ /de la ji ltar dbang bskur ba'i shes pa yin zhe na/ thod phreng dbu rgyan las gzhan ni/ /khams gsum la ni dbu rgyan med/ /thod pa'i phreng ba'i dbu rgyan ni/ /rdo rje sems dpa' bdag mngon bskyed/ /khams gsum las ni rin chen gzhan/ /sangs rgyas rin chen 'dra ba med/ /sangs rgyas thams cad rin chen ces/ /dbu rgyan de yis rdo rje 'dzin/ de nas ji ltar sems dpa'i skyil mo krung yin zhe na/ yan lag g.yas pas mnyam gnon pas/ /g.yon pa'i yan lag gzir nas su/ /de yi sems dpa'i skyil krung bcas/ /rdo rje snying po gtso yi gtso/ /de nas ji ltar rdo rje sems dpa'i lha mo la sogs pa'i de bzhin nyid kyi shes pa yin zhe na/ kun mchog shin tu 'bigs pas na/ /dngos grub thams cad bde ba'i mchog /kun mchog rnam rgyal bkra shis pas/ /thams cad dbang phyug che ru 'phags/ /'grub rnams de bzhin phun sum tshogs/ /dga' ba de bzhin gtso mo bdag /rdo rje lha mo tshogs phyag rgya/ /rdo rje sems dpa' mchog gzugs yin/ /de nas ji ltar de bzhin gshegs pa thams cad kyi gsang ba chen po'i de nyid lnga yin zhe na/ me long khrag 'thung zhes bya 331b rnams| |mnyam pa nyid la gar dbang mchog /so sor rtog la nyi ma ste/ /bya ba la ni rta mchog dang / /chos kyi dbyings la sangs rgyas ni/ /thub chen rnam par snang mdzad do/ /ye shes lnga yi bdag nyid ni| |'dod chags chen po bde ba che/ /gzugs dang sgra dang de bzhin dri/ /ro dang reg dang de bzhin yang / /rdo rje sems dpa' 'dra bar ni/ /de rnams de bzhin nyid kyis bsnyen/ /chos kyi dbyings la 'byung ba yis/ /rgya cher dngos grub ster bar 'gyur/ /zhes bcom ldan 'das dpal rdo rje sems dpas gsungs so/ /de nas ji ltar phyag rgya dang / phyag rgya'i yan lag gi shes pa yin zhe na/ 'phrog byed ma dang 'dzin byed ma/ /gzung thar ma dang tshe sbyin ma/ /nam mkhar 'gro dang lha mo dag /mkha' 'gro ma drug rab tu grags/ /gang gis skra ni bstan 'gyur na/ /de la dpral ba bstan par bya| |mig la ston pa gang yin pa/ /de la lte ba bstan par bya/ /gang gis lte ba bstan pa na/ /de la mthu ni rab tu bstan/ /gang gis ma mchu rab bstan na/ /de la so ni rab tu bstan/ /gang gis lce ni bstan 'gyur na/ /de la gsus pa bstan par 'gyur/ /gang gis b+ha ga bstan gyur na/ /de la ling+ga bstan par bya/ /gang gis rje ngar bstan na/ /de la bral ni bstan par bya/ /gang gis bral ni bstan gyur na/ /de la rkang mthil bstan par bya/ /gang gis rkang mthil bstan na ni/ /de la sen mo bstan par bya/ /gang gis mtshan khung bstan gyur na/ /de la smin ma bstan par bya/ /gang gis 332a @#/ /sgra sgrog byed gyur na/ /de la tsho nge bya ba 'o/ /gang gis kha yang bstan na ni/ /de la zhags pa bstan par bya/ /gang gis gsal shing bstan gyur na/ /de la mdung thung bstan par bya/ /gang gis san mo bstan na ni/ /de la nu ma rab tu bstan/ /gang gis khu tshur bstan na ni/ /de la mtshams su bstan par bya/ /gang gis lce ni bstan gyur na/ /de la bshang gcig bstan par bya/ /gang gis mi sdug gzugs byed na/ /de la mdzes pa'i gzugs bya 'o/ /gang gis he skad byed 'gyur na/ /de la lag pa bstan par bya/ /zhes bcom ldan 'das dpal rdo rje sems dpas gsungs so/ /de nas ji ltar mkha' 'gro ma rnams kyi mtshan ma yin zhe na/ nad pa'i mig gi 'bras 'dra ba/ /dpral par tri shul de mdung thung / /phyin log mig dang khro gnyer can/ /num dag ni mi sdug pa/ /sna ni rnam pa gnyis yin te/ /gtsug gis bskor ba shes byas te/ /ri mo gsum gyis yongs su bskor/ /de yi khyim gyi mtshan ma ni/ /tri shul chung du me long dang / /ral gri tshul dang rgyal mtshan dang / /rtse gcig khyim gyi mtshan mar bstan/ /'gro bar gyur na mkha' 'gro ma/ /'di 'dra'i mtshan ma bstan par bya/ /glo bur mi dga' bya ba dang / /don med par yang 'jug pa'o/ /gang pa la yang ral gri 'gyur/ /tri shU la dang 'dra ba'i tshul/ /skad dang bya rog 'dra ba yis/ /de ni rtag par 'gyur ba'o/ /mtshan nyid de dag dang 332b ldan pa| |dam pa'i mkha' 'gro ma zhes bya/ /zhes bcom ldan 'das dpal rdo rje sems dpas gsungs so/ /de la ji ltar thams cad 'gugs pa'i rgyu yin zhe na/ rtogs pa thams cad gsang chen po/ /rdo rje lcags kyu dril bcas pas bkug nas de nas bya ba ni/ /dril bu rjes su dkrol ba 'o/ /de la ji ltar mchod pa chen po thams cad kyi cho ga yin zhe na/ rtog pa thams cad gsang chen gyi/ /gang gis dga' nas mchod pa ni/ /rjes su mchod pa dang gzhan yang / /dbyangs dang sil snyan gar gyi yin/ /de la ji ltar rang gi rig pa'i lha thams cad sgrub pa chen po'i rgyu yin zhe na/ rtog pa kun las bsgrub bya kun/ /g.yo dang mi g.yo 'gyur ba ste/ /rang gi yi dam lha sbyor nas/ /thams cad de ni 'grub par bya/ /de nas ji ltar thams cad rjes su 'grub pa'i rgyu yin zhe na/ rdo rje dril bu 'dzin gyur nas/ /bzlas pa'i dril bu dkrol bar bya/ /rtog pa thams cad rjes grub pas/ /mchog gi dang po 'grub pa 'o/ /de la ji ltar rjes su sbyor ba dang ldan pa'i sgrub pa thams cad kyi rgyu yin zhe na/ o yig thig le dang ldan pa'i/ /nub las dang po yang yin te/ /shar las dang po bzung nas su/ /lci bar i yig ldan par bya/ /rlung mtshams phyi rol pa bzung nas/ /thig le u yig sbyor bar bya/ /lho las dbu ma bzung pa la/ /tsheg drag yang dag ldan par bya/ /the tshom med par de las 'dis/ /rjes su sbyor bar ldan par 'gyur/ /lho las dang 333a @#/ /por bzung nas su/ /gnyis pa la ni ldan par bya/ /nan tan gyis ni i yig sbyor/ /skad cig ma las gcod 'gyur ro/ /de nyid thig le dang ldan bas/ /byang las dbu ma yang yin te/ /de nyid lan gnyis brjod par bya/ /rlung mtshams phyi rol pa la yang / /thig le u yig ldan par ni/ /drug par yongs su grags pa yin/ /dbus las gnyis pa gang yin pa| |nub las dang po yang yin te/ /de ni a med shes bya ste/ /skad cig mas ni bdud rtsi 'grub/ /o yig thig le dang ldan par/ /yi ge u yig mnyam ldan ba'i/ /dbang ldan phyi rol pa yang bya/ /me mtshams phyi rol pa bzung nas/ /yi ge e dang mnyam ldan pa/ /shar gyi dang po ldan par bya/ /tsheg drag u yig ldan pa yi/ /dbus kyi tha ma ldan par bya/ /thams cad kyi ni sgrub byed pa/ /khrag 'thung zhes pa 'byung ba 'o/ /ji ltar 'dod pa bsgrub bya 'grub/ /de nas phyi na ci 'dod par/ /ci 'dod 'dod pa bya ba yis/ /kun bzang kun byed de bzhin te/ / langs pa 'am ni 'dug pa 'am/ /'gro ba yis sam 'greng ba 'am/ /bzhad pa dang ni smra ba la/ /gang dang de ru ci de bzhin/ /gang dang dbang po'i las nyid pas/ /gang gang de de'i rang bzhin du| |rang gi mnyam gzhag med sbyor bas/ /rang gi rig pa'i lha 'dren no/ /de nyid sbyor ba de yis ni/ /thams cad kho na 'grub pa 'o/ /sangs rgyas kun dngos thams cad ni/ /rtag tu mthong 333b na rab tu 'grub/ /sangs rgyas thams cad mnyam sbyor ba/ /mkhas pa gang zhig dad pas klog /de ni nyes pa rnam grol te/ /dngos grub thams cad dbang phyug 'gyur/ /sangs rgyas thams cad dang mnyam par sbyor ba mkha' 'gro ma sgyu ma bde ba'i mchog las rjes su sbyor ba dang ldan pa sgrub pa'i rtog pa ste nyi shu rtsa gnyis pa'o// //de ltar sna tshogs rjes su chags pa'o/ dga' ba pad+ma rnam dag che ba yis/ /gsal bar rjes su gtsang ba dam pa rtag par sbyin pa yis /dam pa bde ba'i dngos pos dam tshig bdag la bde ba rjes su sgrub/ /dam pa'i dga' ba shin tu sbyor ba skal bzang dam pa shin tu dga'/ /rang bzhin gyis ni rang bzhin dag pa rtag tu rjes su 'grub pa'i rang bzhin dngos/ /dam pa dga' ba la sogs sbyor ba'i skal bzang dam pa shin tu dga' ba'i rang bzhin 'grub pa 'o/ /dag pa rjes su 'grub pa'i rang bzhin kho na so so rjes su grub pa bde ba las/ dam pa'i gsang chen rgyud phyi ma'i phyi ma 'di yongs su rdzogs so// // bdag gi 'di ni dang ba'i snying po mchog /bde ba chen po mchog gi mchog 'gyur mthu chen po/ /kun mchog 'byung ba'i sems can rtag pa ci yi phyir/ /kun mchog sa yi dbang po nyid ni sbyor ba po| |mtha' yas thob med thogs pa med pa'i phyir/ /tshul chen po yi chen po thams cad kyi/ /mkha' dang 'dra ba'i mchog gi dngos grub 'phel ba sbyin/ /ga dod ma tha ma med gang gis/ /rdzogs 334a @#/ /byed med pa nus ma yin/ /sems can le lo can dang nyung tsam 'dod pa dang / /mi dad pa dang lkog smra ba dang ma dag pa/ /rta tu rjes su chags dang chags bral dga' ba dang / /de rnams phan pa'i don rdzogs pa'i don 'di yin no/ /gang gi khyim du bzung ba gang gis gyur pa dang / /bdag gis ji ltar ston pa sgrub par byed ba'am/ /mthu yis thams cad so sor mngon du gyur pa ste/ /dngos grub mchog gis rgyus pa'i las dag mi 'grub pa 'o/ /gang gis grub pa rdo rje 'dzin zhes sogs pa dang / /gzugs sogs thams cad 'di la ji ltar mos pa bzhin/ /yi ge hUM yang ji ltar rab tu 'dod par bris byas na/ /des ni 'dod pa dngos grub cho ga bzhin du 'thob/ /sems can don du las dag byed pa ma yin pas/ /rgyal ba dag gis rnam par dag 'di la/ /bgegs med de bzhin bdud kyang med pa ste/ /rtog pa yis kyang dngos grub 'phel stobs byin gyis rlobs/ /gang gi rtog pa mchog chen 'di sgrub byed pa la| |bdud nyid du ni mi 'gro mi brtan nyid kyang min/ /brtan pa'i rgyu ni bdag gis ston par mi byed de/ /myur bar mchog gi mchog nyid 'grub phyir bstan par 'gyur byed do/ /gang gis bdag gi snying pos bdag la rtag tu grub byed ni/ /mchog chen dngos grub dang ni rtag par bde chen dang / /chags dang shin tu dga' dang brtan dang rgyas pa dang / /yig chen yang ni rtag 334b par bdag gis 'grub par byed/ /de nas mchog skyes rgyal ba thams cad dga' nas su/ /'dzum pa chen jo thams cad khyab par rnam par 'byed/ /kun bdag dbyings kyi rdul phra mchog chen gzugs dag gis/ /kun nas de la legs pa'i sgra ni dbul bar byed/ /bdag gis dbyings kun rjes su che mchog gzugs kyis su/ /phan mchog gyur pa sangs rgyas kun gyis legs se legs| |mchog gi rdo rje las byung khyod ni legs so legs/ /dam pa'i chos nyid chos kyi bdag nyid legs so legs/ /dam pa'i las can mchod pa'i bdag nyid legs so legs/ /rtogs pa'i byin rlabs mdzod cig mnyam par byin rlabs kyis/ /don yod dngos grub rtag tu yig 'bru chen po yi/ /grub pas phyi na mi 'dul ba yi dus su ni/ /de dag gi yang ji ltar dam pa'i bder 'gyur phyir/ /de ltar ngag chen zhus nas su/ /sras bcas sangs rgyas thams cad kyi/ /rdo rje sems dpa' chen po yis/ /gsungs pa la ni mngon par bstod/ /sangs rgyas thams cad dang mnyam par spyor ba'i mkha' 'gro ma sgyu ma bde pa'i mchog ces bya ba khri brgyad stong pa las/ /rtog pa thams cad kyi rgyal po brgya bcu bdun pa rdzogs so// //rgya gar gyi mkhan po smr-i ti dz+nyA na kirti nyid kyis bsgyur/ yon bdag bod kyi mkhan po gzhon nu grags pas zhus te bshad nas gtan la phab pa/ |