rgya gar gyi mkhan po shI len+d+ra bo d+hi dang / zhu chen gyi lots+tsha ba ban+d+he ye shes sdes bsgyur cing zhus te gtan la phab pa/ rgya gar skad du/ AR+Ya tsan+dan ang+ga nA ma d+hA ra Ni/ bod skad du/ 'phags pa tsan+dan gyi yan lag ces bya ba'i gzungs/ sangs rgyas dang byang chub sems dpa' thams cad la phyag 'tshal lo/ / 'di skad bdag gis thos pa dus gcig na/ bcom ldan 'das rgyal po'i khab na dge slong gi dge 'dun chen po dge slong khri nyis stong lnga brgya'i dge slong gi dge 'dun chen po dang / byang chub sems dpa' sems dpa' chen po rab tu mang po dang / gzhan yang lha khyad par can mang po dang thabs cig tu bzhugs te/ de nas bcom ldan 'das gdan bshams pa la de bzhin gshegs pa'i cho 'phrul gyis lham me/ lhan ne/ lhang der bzhugs so/ /de nas bcom ldan 'das kyis 'khor der byang chub 415a @#/ /sems dpa' sems dpa' chen po spyan ras gzigs dbang phyug dang / zla 'od gzhon nur gyur pa la bka' stsal pa/ rigs kyi bu/ 'jig rten gyi khams 'di'i pha rol gyi yang ches pha rol 'jig rten gyi khams bye ba khrag khrig 'bum phrag gang+gA'i klung grangs med pa'i bye ma snyed 'das pa na tsan+dan gyi dpal zhes bya ba'i 'jig rten gyi khams yod de/ de na de bzhin gshegs pa dgra bcom pa yang dag par rdzogs pa'i sangs rgyas tsan+dan gyi yan lag ces bya ba da ltar yang bzhugs te 'tsho zhing gzhas la chos kyang ston to/ /gang 'jig rten gyi khams de'i sems can de dag thams cad ni/ phyir mi ldog par 'gyur ba sha stag ste/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas tsan+dan gyi yan lag des sems can thams cad kyi don gyi phyir tsan+dan gyi yan lag ces bya ba'i gzungs kyi rig pa'i gsang sngags kyi gzhi gsungs pa 'di thos nas phyir mi ldog ste sdig pa dang bral zhing byang chub kyi sems dang mi 'bral lo/ /bcom ldan 'das de bzhin gshegs pa tshe dpag med dang / de bzhin gshegs pa mar me mdzad dang / gzhan yang 'das pa'i sangs rgyas bcom ldan 'das rnams kyis 415b kyang sngon chad gsungs te/ ngas kyang da khyed rnams la bshad kyi/ sems can thams cad rjes su gzung ba'i phyir legs par rab tu nyon la yid la zungs shig dang / phyi ma'i tshe phyi ma'i dus lnga brgya tha ma la dam pa'i chos rnam par 'jig pa'i tshe thams cad chos dang mi ldan pa/ mtshams med pa byed pa/ dam pa'i chos la smod pa/ mchod rten 'dral ba/ dge 'dun gyi rdzas la rku 'phrog byed pa/ dge sbyong ma yin par dge sbyong du khas 'chi ba/ slob dpon dang mkhan po spong ba dag 'byung ste/ de dag rjes su gzung ba'i phyir tsan+dan gyi yan lag gi gzungs kyi gsang sngags kyi gzhi sangs rgyas thams cad kyi byin gyis brlabs pa 'di bshad kyi/ byang chub sems dpa' rnams nga la nyon cig /de nas byang chub sems dpa' spyan ras gzigs dbang phyug dang / zla 'od gzhon nur gyur pas bcom ldan 'das kyi zhabs gnyis la mgo bos phyag 'tshal nas bskul ba/ byang chub sems dpa' sems dpa' chen po rnams dang / gzhan yang sems can bye ba khrag khrig 'bum phrag rnams la thugs brtse ba dang / sdig pa byang bar bgyi ba'i slad du/ bcom ldan 'das/ bshad du gsol/ bde bar gshegs pa/ bshad du gsol/ de bzhin gshegs pa/ bshad du gsol/ bdag cag gis 416a @#/ /kyang gzugs kyi gsang sngags kyi gzhi de dag gzung bar bgyi ste/ sems can thams cad kyi don du rgya cher yang dag par bshad par bgyi'o/ /sangs rgyas dang byang chub sems dpa' thams cad la phyag 'tshal lo/ /tad+ya thA/ tsi rA te/ mA ri tsi ke/ du rda me/ du du rdan+te du r+rA nu/ pra biSh+Te/ can+d+na nA dag dze/ sa ma n+t+ra ba ri/ sho d+ha ni| bi shu d+d+ha shI le/ tsa ri t+ta ba ti/ a na tsa d+ya pra ti b+hA ne/ sarba b+d+d+ha a d+hi Sh+Shi te/ b+ha ga ba ti/ pA pakaSha ya/ A shA pa ri pu ra ya swAhA/ rigs kyi bu pho'am/ rigs kyi bu mo gang la la zhig gzungs chen po'i gsangs sngags 'di dag 'dzin tam/ klog gam/ ston tam/ kun chub par byed na/ de'i tshe 'di nyid la mig rnam par dag par 'gyur ro/ /thos ma thag tu sdig pa'i las rab tu grol bar 'gyur/ /byang chub sems dpa' thams cad kyi byin gyis brlabs par 'gyur/ /de bzhin gshegs pa'i sku gzugs kyang mthong bar 'gyur/ zla ba phyed kyi bar du bzlas pa byas na/ 'phags pa spyan ras gzigs dbang phyug dang / zla 'od gzhon nur gyur pa mthong bar 'gyur/ mtshams med pa lnga'i sdig pa byas pa yang 'byang bar 'gyur/ skye ba dran par 'gyur/ tshe brjes nas kyang lha rnams kyi nang du skye bar 'gyur/ 416b khyim bdag chen po skyid pa dag gi nang du skye bar 'gyur/ /skye bo thams cad dga' bar 'gyur ro/ /'di ltar sa chen por lus ba 'di ni/ grum par 'gyur yang srin/ /rgya mtsho ni/ bskams kyang srid/ de bzhin du ri'i rgyal po ri rab ni/ 'jig par 'gyur yang srid/ rlung ni/ zhags pas bcing du rung yang srid/ zla ba dang nyi ma ni/ sa'i ste du lhung yang srid/ nam mkha' ni/ lag pa gnyis kyis mnan du rung yang srid/ me ni/ chur 'gyur yang srid/ 'byung ba chen po bzhi ni/ gzhan du 'gyur yang srid/ sems can thams cad kyi sems ni/ gcig tu 'gyur yang srid kyi/ de bzhin gshegs pas gsungs shings byin gyis brlabs pa ni/ gzhan du 'gyur mi srid de/ sus kyang bskyod pa'am/ bsgul bar mi nus so/ /'di ni/ bdud sdig can gyis glags rnyed par mi 'gyur ro/ /de nas byang chub sems dpa' sems dpa' chen po spyan ras gzigs dbang phyug gis bcom ldan 'das la phyag 'tshal nas 'di skad ces gsol to/ /bcom ldan 'ad/sa bdag gis kyang gzungs 'di'i cho ga bshad par/ bgyi'o/ /chos kyi rgyal po'i mchod rten ring bsrel dang bcas pa'am/ sangs rgyas kyi sku gzugs kyi spyan sngar tsan+d+na dkar po'i dkyil 'khor bgyis te me tog sil 417a @#/ /ma gtor la/ tsan+d+na gyi bdug pas bdugs te zla ba tshes pa nas brtsams nas tshes bco lnga'i bar du dus gsum du khrus bgyi zhing gos kyang lan gsum du brjes te \?\ bsreg bya 'tshal zhing / gso sbyong dang ldan pa/ sems can thams cad la sems snyoms pa dang // zla ba nya'i bar gzhag gcig smyung bar bgyis te/ rma bam gyi steng du mchis shing / rtswa bam bting ba'i steng du nyal la sems rtse gcig tu bzlas pa bgyi zhing / me tog dri zhim po lan brgya stong du gtor nas g.yo bar 'gyur/ bdag nyid kyang bcom ldan 'das de bzhin gshegs pa 'od dpag med dang / spyan ras gzigs dbang phyug mthong bar 'gyur/ gzungs chen po thos ma thag tu ci 'dod pa de thob par 'gyur/ thos pa 'dzin par yang 'gyur/ las kyi sgrib pa thams cad kyang 'byang bar 'gyur ro/ /bcom ldan 'das kyis de skad ces bka' stsal nas dge slong de dag dang / byang chub sems dpa' de dag dang / thams cad dang ldan pa'i 'khor de dag dang / lha dang / mi dang / lha ma yin dang / dri zar bcas pa'i 'jig rten yi rang ste bcom ldan 'das kyis gsungs pa la mngon par bstod do/ /'phags pa tsan+d+na gyi yan lag ces bya 417b ba'i gzungs rdzogs so// // |