rgya gar skad du/ badz+ra dund nA ma nA ga sa ma ya/ bod skad du/ rdo rje mchu zhes bya ba klu'i dam tshig/ thams cad mkhyen pa la phyag 'tshal lo/ /de nas bcom ldan 'das grong khyer chen po g.yog 'dor na bzhugs te/ 'khor 'dus pa chen po 'jog po la sogs pa klu'i 'khor dang / lha dang / mi'i tshogs kyi 'khor chen po la sems can rnams kyi don chen po'i phyir te/ bsam pa dang re ba thams cad yongs su skong ba bde bar byed pa'i chos ston to/ /de nas grong khyer de nas bram ze'i khye'u khyab ma spyan zhes bya ba phyug pa/ nor che ba/ longs spyod 342b che ba| rdzas ngang yo byad mang ba/ phun sum tshogs pa/ rig byed dang rig byed kyi yan lag gi pha rol tu phyin pa/ sngags la 'jug pa/ sngags grub pa zhig 'dug ste/ de yang yang dang yang du klu 'gugs cing me'i sbyin sreg byed do/ /bram ze de 'i lo tog smin kar char chad par gyur nas des nga rgyal gyi sgras sngags brjod pa dang mthun pas 'di skad ces bdag gis char ba'i rgyun dbab cing klu dgug par bya'/ /zhes smras te/ des me'i sbyin sreg bya bar bshams nas til dang / 'bras dang / yungs kar rnams 'bru mar tsha ba dang bsregs te sbyin sreg byed do/ /de nas klu mi srun pa zhig gi gzugs byas te/ des lcags kyi phur bu la bsngags nas klu'i spyi bor btab pa dang / klu'i spyi bo gas nas sdug bsngal gyi tshor ba chen por gyur to/ /klu de yang cher 'khrugs te khros nas skad cig thang gcig yud tsam de la klus khyab par byed pa'i shugs kyis cher gnod cing rdul 'byung ba'i 'od zer tsha ba rang gi lus las bkye ste gnod pa chen pos khebs par byas nas bram ze de'i zhing tshig par byas so/ /de yang lce 'bab pa'i char gyi rgyun chen po bram ze'i lus la phab nas bram ze de mgon med/ skyabs med/ dpung gnyen med de/ me'i sbyin sreg byed pa btang nas de bcom ldan 'das la 343a @#/ /mgon dang / skyabs dang / dpung gnyen btsal te 'bros par bsam nas bcom ldan 'das kyi drung du brgyugs te bcom ldan 'das ga la ba der song nas bcom ldan 'das kyi zhabs gnyis la gtugs te 'di skad ces gsol to/ /bcom ldan 'das/ klu khro bo bdag gi srog ma srungs 'tshal te skyabs su yang ma mchis na/ bcom ldan 'das/ bskyab tu gsol/ bde bar gshegs pa/ bskyab tu gsol/ de nas bcom ldan 'das kyis bram ze chen po de dbugs phyung nas 'di skad ces bka' stsal to/ /'bram ze chen po ma 'jigs shig/ ngas khyod kyi mgon dang / skyabs dang / dpung gnyen bya'o/ /zhes bka' stsal nas cang mi gsung bar bzhugs so/ /de nas bcom ldan 'das la gnod sbyin gyi sde dpon chen po lag na rdo rjes 'di skad ces gsol to/ /bcom ldan 'das gzigs su gsol/ mngon sum du gyur bzhin du yang klu mi bgrungs pas lo tog ma rungs par bgyid na/ bcom ldan 'das/ khyod yongs su mya ngan las 'das kyi slad na slad ma'i tshe slad ma'i dus na sems can thams cad kyi rten ni/ su lags/ ji ltar 'gyur/ bcom ldan 'das/ lo 343b tog thams cad kyi don tu lo tog rnams tshig par mi 'gyur ba dang / kun tu srung ba dang / rab tu 'phel bar bgyid par gyur pa lo tog yongs su skyong zhing klu zlog pa de bshad du gsol/ de nas bcom ldan 'das kyis gsang ba'i bdag po lag na rdo rje la bka' stsal to/ /lag na rdo rjes klu rab tu 'gro bar byed pa'i snying po sbas pa rdo rje zhes bya ba'i gzungs de bzhin gshegs pa'i snying po dang / phyag rgya sngon gyi de bzhin gshegs pa dgra bcom pa yang dag par rdzogs pa'i sangs rgyas rnams kyis gsungs pa yod de/ /ngas bshad par bya'o/ /de myur du gnod pa bkag pa'i phyir lo tog thams cad myur du bskyang bar 'gyur ro/ /legs par srung par 'gyur/ me'i ri sul chen po so so phyogs bcu kun nas klu thams cad kyi mtshams bcad par 'gyur ro/ /me lce 'bar ba'i rim pa'i sprin chen po nam mkha' lding 'dab ma gdengs pa'i shugs zhes bya ba'i sprin gyi rim pas nam mkhar khebs par byed do/ /lo tog dang / me tog dang / 'bras bu thams cad kun tu srung ste gnas par 'gyur ro/ /des klu la sogs pa thams cad kun tu rab tu 'bar bar 'gyur ro/ /klu mi bgrungs pa rnams phung bar 'gyur ro/ /'dum 344a @#/ /par 'gyur ro/ /de nas bcom ldan 'das la gnod sbyin gyi sde dpon chen po lag na rdo rjes 'di skad ces gsol to/ /bcom ldan 'das kyis sems can thams cad la sman pa'i slad du gzungs chen po 'di'i sngags kyi tshig bshad du gsol/ de nas bcom ldan 'das kyis snying po 'di bka' stsal to| |na mo b+ha ga ba te/ sarba bud+d+hA nAn/ na mo b+ha ga ba te shAkya rA dza ya/ oM dz+wa la dz+wa la/ gi rI ba b+ha ni/ dIp+ta be ga ma hA ba de b+ha ga ba te ma hA tsaN+Da hr-i da ya sa la ni/ hu ru hu ru| ha ra ha ra/ da ha da ha/ pa tsa pa tsa/ sarba sa s+ya nA shA ya/ nA ku la baM shan+d+ha ra d+ha ra pra sa ra tsaN+Da be ga ma hA ba la pa rA kra ma spu ri ta rau dra bAk+t+ra/ ma tha ma tha/ pra dz+wa la mA la d+hA ra Ni/ tsaN+Da be ga ba ti/ pra ba ra bi man+d+hA ra Ni/ hUM hUM ba la ba ti/ be ga ba ti/ sa ra sa ra/ bi sa ra bi sa ra sa ran+ti/ sarba sa dri s+ya na nA ma dri ba na ya dri/ pu ya pha la phaT/ dra san+d+ha ra Ni/ a ba sarbAn+tu sarba nA ga to sha sarba ba b+ha ba b+ha ni/ be ga ta be ga ba ti swAhA/ hUM hUM phaT/ nA ga bi sa ra Ni phaT/ dz+wa la mA li ni phaT/ badz+wa la mA li ni phaT/ phaT phaT phaT swAhA/ bcom ldan 'das kyis klu thams cad dang / klu mi bgrungs pa thams cad ma rungs par byed pa'i rig pa 'di bshad 344b ma thag tu klu dang klu chen po thams cad klad pa na par gyur/ lus rul te lus rnag shing dri mi zhim par gyur nas bcom ldan 'das kyi zhabs gnyis la gtugs te 'di skad ces gsol to/ /bcom ldan 'das/ sngags kyi tshig shin tu mi gzad pa dag bka' stsal to/ /bcom ldan 'das/ bdag cag gi nongs ba bgyid pa mi dran du lags kyis kyang / bcom ldan 'das/ rig 'dzin gnod pa bgyid pas bdag cag la brnyas pa dang / brdeg pa dang / 'ching ba dang / skrod pa dang / gnod ba de'i tshe bcom ldan 'das/ klu mi bgrungs pa 'khrugs te/ de'i tshe lo tog dang / me tog dang / 'bras bu ma rungs par bgyid/ ser ba 'bab par bgyid/ sad dang rlung gis 'khrug par bgyid/ ha cang char che ba dang / char mi 'bab pa dang / dus ma lags par char 'bab bar bgyid do/ /bcom ldan 'das/ rig pa 'dzin pa sngags smra bas byams pa la gnas par bgyi/ byams pa'i go bgo bar bgyi/ byams pa'i ral gri lag na thogs par bgyi ste/ byams pas gnod pa bgyid pa thams cad zhi bar bgyi'o| |bcom ldan 'das/ deng slan chad de bzhin gshegs pa'i spyan sngar bdag dam bca' bar 'tshal te/ gang na rig pa'i rgyal mo 'di 345a @#/ /rab tu spyod pa der bcom ldan 'das klu gtse bar mi bgyid do/ /gang na snying po gzung 'dis srung bar bgyis pa dang / yongs su bskyobs pa dang / yongs su bzung ba dang / yongs su bskyang bar bgyis pa dang / srad bu bre ba dang / mtshams dgum pa dang / dkyil 'khor gyis ris bcad par bgyis pa dar bcom ldan 'das bdag cag gis rtag par rgyun du gnod pa thams cad bzlog par bgyi 'tshal lo/ /lo tog dang / me tog dang / 'bras bu thams cad kun tu srung bar 'tshal lo/ /yongs su bskyang bar 'tshal lo/ /tha na rkun po dang / g.yo can dang / ri dwags dang / bya rnams kyang kun tu srung bar 'tshal to/ slang kyis kyang ma rungs bar mi bgyid do/ /de nas bcom ldan 'das kyis klu'i bdag po de dag la legs so zhes bya ba gnang ste/ klu'i bdag po/ legs so legs so/ /khyod kyis de ltar gyis shig/ khyod kyis 'dzam bu'i gling legs bar srung bas srung bar gyis shig/ de nas de'i 'og tu cho gar bya ba las thams cad byed pa dge bar bya ba brjod par bya'o/ /lo tog la gnod par byed na/ de'i tshe rig pa 'dzin pas zhing gi dbus sam/ khang steng ngam/ gnas mthon por dkyil 'khor gru bzhi pa byas la phyogs bzhir bum pa bkang \?\ bzhi gzhag go/ /me to sil mas gcal bkram ste bzhag 345b go /gzugs 'khyil ba bdun bya'o/ /'bras las byas pa'i 'khyil ba bdun bya ste/ gzugs re re zhing yang gzugs nyi shu rtsa re bya'o/ /'bras dang 'o thug bsres pa dang / zho dang / lo ma gzhag par bgyi'o/ /phyogs bzhir dril bu gzhag par bya'o/ /pad+ma lta bur zan gyi gtor ma snga ma bzhin gzhag par bya'o/ /dkyil 'khor gyi dbus su bum pa chen po bshag ste ba las byung ba lnga dang / 'o ma dang / chus dgang ngo / /yungs kar dang / 'bras yos blug par bya'o/ /sngags lan drug cur yongs su bzla bar bya'o/ /seng ldeng gi phur bu bzhi dang / lcags kyi phur bu gcig bya ste/ thams cad sor brgyad kyi tshad du bya'o/ /ba ser skya'i lci ba 'am/ bag phye las byas pa'i klu'i gzugs bzhi bya ste/ dkyil 'khor gyi gra bzhir gzhag par bya'o/ / seng ldeng gi phur bu de dag kyang snying gar nub par gzugs so/ /sngags brgya rtsa brgyad yongs su bzla bar bya'o/ /shar phyogs su klu mgo bdun pa gzhag par bya'o/ /nub phyogs su mgo brgyad pa'o/ /lho phyogs su mgol nga pa'o/ byang phyogs su mgo gsum pa'o/ /dkyil 'khor gyi dbus su mgo dgu ba gshag par bya'o/ /pog phor re re ste lnga gzhag par bya'o/ /yungs kar dang / bra yos su bsres pa la lan nyi shu rtsa gcig bzlas pa byas te phyogs bzhir gtor ro/ /gzungs 'di bris la rgyal mtshan gyi rtse mo la btags te dkyil 'khor gyi gra bzhir gzugs 346a @#/ /so/ /zhing gi dbus su yang gzugs so/ /skyed mos tshal gyi dbus su yang gzugs so/ /de btsugs ma thag tu phyogs bzhi kun nas ri sul chen pos mtshams bcad par 'gyur ro/ /ji srid du phur bu ma byung ba de srid du mtshams bcad pa chen por 'gyur ro/ /lo tog thams cad dang / me tog dang / 'bras bu thams cad legs par bsrungs par 'gyur ro/ /tha na 'dam ma gcig kyang bskams par mi 'gyur na/ yal ga dang / sdong bu bskams par 'gyur ba lta ci smos/ srog chags kyi rigs ri dwags dang / bya thams cad kyang kha bcings par 'gyur ro/ /ma rungs par byed kyang mi nus so/ /gnas der rlung dang / sprin dang / ser ba dang / sad dang / dus ma yin pa'i rlung gis kyang ma rungs par byed mi nus so/ /klu'i gnod pa byas kyang ma rungs par byed mi nus so/ /ma rungs pa zhig tu gyur na/ de yang slar rtas par 'gyur ro// yang stobs dang / rtas pa dang / 'od yod par 'gyur ro/ /bum pa chen po nang na yod pa de yang zhing dang / kun dga' ra ba dang / skyed mos tshal gyi phyogs bzhi kun tu gtor bar byas na/ srog chags thams cad med par 'gyur ro/ /sbrul dang / byi ba dang / ne'u le dang / byi dur dang / dom dang / sbal pa dang / sha sbrang dang / sbrang bu dang / 346b byi ba dang / 'dab chags rnams med par 'gyur ro/ /gor sbyar thams cad med par 'gyur ro/ /tha na phye ma leb la sogs pa yang nam yang mi 'byung ngo / /drod gsher las skyes pa dang / brdzus te skyes pa dang / sgo nga las skyes pa'i bar gyis kyang ma rungs par byed mi nus so/ /rlan dang me tog las skyes pa'i srog chags kyi rnam pa dag kyang phur bu ma byung gi bar du nam yang mi 'byung ngo / /phur bu ma phyung gi bar klu'i nyes pa rnam pa sna tshogs mi 'byung zhing rab tu 'byung bar mi 'gyur ro/ /bde ba dang / lo legs pa dang / lo tog dang / me tog dang / 'bras bu thams cad yongs su 'grub par 'gyur ro/ /ro zhim pa dang / 'jam par 'gyur ro/ /klu thams cad kyang rtag par rgyun du srung ba dang / skyob pa dang / sbed pa byed pa 'gyur ro/ /phye ma la lan nyi shu rtsa gcig bzla bar bya ste/ lo tog dang / me tog dang / 'dab ma dang / shing ljon pa rnams la gtor na/ srog chags thams cad lhung zhing med par 'gyur ro/ /srin bu trai ma bu ka dang / trai la ta dang / sbrul gdug pa dang / rkang brgyad pa dang / srog chags kyi rigs gzhan dag kyang phur bu ma byung gi bar du med par 'gyur ro/ /mi 'byung bar 'gyur ro/ /zhing gi phyogs bzhir zhi ba'i las bya ste/ nas dang / gro dang / til dang / yungs kar dang / 'bras dang / mar bsres te sbyin sreg byas 347a @#/ /na| zhi ba chen por 'gyur ro/ /tha na dud 'gro'i skye gnas su song ba dag gis kyang ma rungs par byed mi nus so/ /gzungs 'di dang / cho gar bya ba 'byung ba mtha' dag bri bar bya ste/ sangs rgyas bcom ldan 'das dang / drang srong chen po nyes 'dor dang / rdo rje 'dzin bris la rgyal mtshan gyi rtse mo la btags te gnas mthon por gzugs so/ /gtor ma dang / me tog dang / bdug pa yang dbul lo/ /seng ldeng gi phur bu sor brgyad pa la lan stong yongs su bzlas pa byas te khang steng du btsugs na/ rlung dang / sad dang / sprin dang / ser ba thams cad thub par 'gyur ro/ /lo tog dang / me tog dang / 'bras bu dang / 'dab ma ma rungs par byed pa'i srog chags rnams med par 'gyur te/ sha sbrang dang / sbrang bu dang / bi tsi li ka dang / byi ba dang / sbrang ma dang / trai ma bu ka dang / trai la ta dang / bi sha ki ta ka dang / nya phyis can dang / nya dang / lo mi ka dang / sbal ba dang / ne'u le dang / phag dang / kan+ti ka dang / seng+ge dang / rkang mang dang / rkang gcig pa dang / rus sbal dang / grog mo dang / sbrang rtsi'i sbrang ma dang / thang gi sbrang ma dang / bung ba dang / nag po dang / shang+ga ni ka dang / sa'i 'og nas byung ba dang / ma lu shi ka dang / 'ug pa dang / byi ba dang / mchu ring la sogs pa'i srog chags kyi rigs thams cad med par 'gyur 347b ro| |mi 'byung bar 'gyur ro/ /thams cad phung bar 'gyur ro/ /bya rog dang / bye'u dang / khug rta dang / phug ron dang / mu du rika dang / 'ug pa dang / khan dza na ka dang / ne tso dang / ri skegs la sogs pa thams cad med par 'gyur ro/ /sngags 'dis phur bu la yongs su bzlas par byas te phyogs bcing ngo / /na mo bud+d+hA ya/ oM ki li mi li tsaN+De/ me ri li/ tsaN+Da tsaN+De b+han+d+ha ya swAhA/ de nas drang srong chen po nyes 'dor bcom ldan 'das dang ha cang yang mi ring ba zhig na 'dug pas gzungs 'di thos nas de stan las langs nas bcom ldan 'das kyi zhabs gnyis la gtugs nas bcom ldan 'das la 'di skad ces gsol to/ /bcom ldan 'das/ bdag gis srog chags kyi rigs gnod par sems pa/ rab tu gnod par sems pa/ dug 'chang ba lo tog dang / me tog dang / 'bras bu dang / 'dab ma dang / sdong bu dang / rtsa ba ma rungs par bgyid pa thams cad kyi kha bcing bar bgyi'o/ /bzlog par bgyi'o/ /bsdigs par bgyi'o/ /phyogs bzhi kun nas dpag tshad du mtshams bcad pa chen po bgyi'o/ /kun tu bsrung bar bgyi'o/ /bcom ldan 'das/ slad ma'i tshe slad ma'i dus na gnod par sems pa/ rab tu gnod par sems pa thams cad bzlog par bgyi'o/ /sngags kyi tshig rjes su stsal bar bgyi'o/ /bcom ldan 'das/ sems 348a @#/ /can thams cad kyi don dang / bdag la thugs brtse ba'i slad du de byin gyis brlab tu gsol/ bcom ldan 'das kyis 'di skad ces bka' stsal to// drang srong chen po/ /ngas byin gyis brlabs kyi/ sems can thams cad kyi don dang / lo tog dang / me tog dang / 'bras bu dang / ldum ra yongs su bsrung ba'i phyir gzugs kyi sngags kyi tshig smros shig /de nas drang srong chen po rnams kyis bcom ldan 'das kyi spyan sngar 'dug nas 'di skad ces smras so/ /na mo b+ha ga ba te shAkya rA dzA ya/ ta thA ga tA ya/ na mo a ka stA ya/ mahA ri Shi ya/ tad+ya thA/ k+Shi ma tsu li/ tsa la tsa la/ tsa ra/ ho mi li/ ban+d+ha ni/ nA sha ni/ da ha da ha/ su mu ri tsa ri sarba duSh+Ta na ban+d+ha ban+d+ha ni/ dund ban+d+ha ni/ sa ra sa ra Ni| k+Shu k+Shu k+Shu/ ma Ni shu ri bi sa ra sa ra/ ha li hu li/ hu ti hu ti/ sa ra ma ni/ sa ran+tu sarba pA pa pA na ka k+Shu d+hi li swAhA/ drang srong chen po nyes 'dor gyis bcom ldan 'das kyi spyan sngar rig pa 'di smras ma thag tu klu dang / gnod sbyin dang / srin po gnod par sems pa de dag thams cad khas bub tu 'gyel nas bcom ldan 'das la skad kyis gsang mthon pos smre sngags 'don te/ bcom ldan 'das/ bdag cag ma rungs lags so/ /drang srong gi dmod pa bab par gyur to/ /bcom ldan 'das/ bdag cag drang srong gi dmod pa'i 348b mes tshig go/ kun tu tshig go /bcom ldan 'das/ bdag cag slan chad 'dzam bu'i gling du sems can rnams la rnam par 'tshe bar mi bgyid do/ /bcom ldan 'das/ bdag cag sla na chad lo tog dang / me tog dang / 'bras bu dang / 'dab ma ma rungs par mi bgyid do/ /srog chags kyi rigs thams cad zlog par bgyid do/ /bcom ldan 'das kyis de dag la bka' stsal pa/ klu'i bdag po dag /khyed kyis de ltar gyis shig/ 'dzam bu'i gling pa'i sems can thams cad lo tog dang / me tog dang / 'bras bu dang / 'dab ma dang / yal ga bde bar kun tu 'phel bar gyur pa rjes su srungs shig /de nas drang srong chen po des cho gar bya ba smras pa/ bcom ldan 'das/ kha shar phyogs su bltas te mchis la rig pa drang srong chen po'i snying po 'di ril ba b+h+ring gar chab bcus la lan brgya rtsa brgyad yongs su bzlas pa bgyi ste/ drang srong gi mi smra bas phyogs bzhir gtor bar bgyi'o/ /a pa sa ra sa ra/ sha pa ta pa dA ma hri da ya kro d+ha/ a mu ka ban+d+ha ya/ pra Na tsa ra/ su mu ru tsa la swAhA/ sngags 'di lan bdun stong bzlas pa bgyi ste/ bzlas pa tsam gyis klu gnod par sems pa thams cad tsha bas gdungs par 'gyur ro/ /rkang gnyis pa dang / rkang bzhi pa'i bar gyi srog chags kyi rigs thams cad dmod pas gdungs par gyur te thams cad 'byer 349a @#/ /ro| |slar yang phyogs der lo tog la gnod pa mi bgyid do/ /srog chags kyi rigs thams cad ma mchis par 'gyur ro/ /srog chags kyi rigs thams cad phyis kyang ma mchis par 'gyur ro/ /yang lo tog dang me tog dang / 'bras bu dang / 'dab ma ma rungs par mi bgyid do/ /de nas bcom ldan 'das kyis drang srong chen po la legs so zhes bya ba gnang ste/ drang srong chen po/ legs so legs so/ /khyod kyis ci nas kyang sems can thams cad la legs par srung bar 'gyur ba dang / lo tog dang / me tog dang / 'bras bu thams cad legs par srung bar 'gyur ba de ltar gyis shig /de nas bcom ldan 'das la gnod sbyin gyi sde dpon chen po lag na rdo rjes 'di skad ces gsol to/ /slad ma'i tshe slad ma'i dus na rjes su srung bar bgyid/ yongs su srung bar bgyid na/ bcom ldan 'das kyis byin gyis brlab tu gsol/ lag na rdo rje/ legs so legs so/ /sems can thams cad yongs su srungs shig /lo tog la gnod par byed pa'i klu'i cho ga rdzogs so// //de nas de'i 'og tu bcom ldan 'das zham ring chen po dang / 'khor 'dus pa chen po dang / bkod pa chen po dang / don yod pa'i mthu chen po dang / cho 'phrul chen po kun tu ston pas rgyal po chen po rnam thos kyi bu'i gnas su gshegs so/ /de nas bcom 349b ldan 'das rnam thos kyi bu'i gnas dang ha cang yang mi ring ba zhig tu byon ba dang / sa phyogs de na 'brog gi nags nyi shu ba zhes bya ba zhig yod de/ nags de'i mthongs na rdzing bu zhig yod la| rdzing bu de'i mthus lcang lo can gyi pho brang 'khor gyi zhing dang / kun dga' dang / nags dang / 'dab ma dang / me tog dang / 'bras bu rnams kun tu tshim par gyur to/ /skyes pa dang / bud med dang / khye'u dang / bu mo dang / ba lang dang / rta dang / rga rgod ma dang / ma he dang / glan po che dang / bong bu dang / skye bo'i tshogs thams cad bde bas tshim par gyur to/ /rdzing bu de yang phyogs bzhi kun tu rgyar dpag tshad gnyis kyi tshad do/ /r+zing bu de yang me tog ut+pal dang / pad+ma dang / ku mu ta dang / puN+Da rIka sna tshogs kyis kun tu khebs shing / nya sna tshogs dang / chu bran dang / nya mid dang / chu srin byis pa gsod dang / bung ba gzugs sna tshogs can no/ /de nas de'i 'og tu than pa byung ba de'i tshe nags tshal dang / me tog dang / 'bras bu dang / 'dab ma dang / yal ga thams cad bskams te me tog de dag rnying ngo / chu srin dang / nya mid dang / chu srin byis pa gsod dang / bung ba gzugs sna tshogs pa de de dag kyang chu bri ste chu cung zad cig lus pas phyogs bcur rgyug /kun tu rgyug /rab tu rgyug ste srog 'gags la thug /srog chad la thug pas snying 'phar zhing rgyug go/ /de nas 350a @#/ /bcom ldan 'das zham ring ba chen po dang rdzing bu der byon pa dang / de na nya dang / chu srin dang / chu srin byis pa gsod dang / bung ba brgya stong du ma srog 'gags pa la thug /srog chad la thug ste phyogs bcur rgyug cing snying rje rje ltar gzigs nas bcom ldan 'das kyis byams pa'i dmigs pa snying rjes dbugs phyung ste se gol gyi sgras klu rnams 'bod cing lan gnyis lan gsum du se gol rdob cing stong gsum gyi stong chen po'i 'jig rten gyi khams su sgra grags par mdzad do/ /sngon gyi las kyi rkyen 'ga' zhig gis srog chags de dag kyang srog mchad do/ /klu chen po de dag gis sgra de yang ma thos/ bcom ldan 'das kyang rjes su ma dran no/ /de nas bdud kyi ris kyi gnod sbyin rnam par 'thor rlung zhes bya ba des stong gsum gyi stong chen po 'jig rten gyi khams su sgra bsgrags pa/ zhag bdun gyi nyin par sreg pa'i bskal pa 'byung ste/ 'dis ni/ srid pa'i rtse mo nas mnar med pa'i sems can dmyal ba mnar med pa la thug pa'i bar dag las gang tshig par mi 'gyur ba cung zad kyang mi srid do/ /'jig rten du 'jigs pa chen po 'byung zhes sgra grag go /de nas lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po dang / mi dang / mi ma yin 350b pa de dag thams cad kyi sgra de thos nas kyi hud kyi hud 'jig rten ma rungs par gyur to/ /zhes ngu'o/ /de nas bcom ldan 'das kyis las kyi rkyen gyis 'di myong bar mkhyen mod kyi/ 'on kyang dgongs par mdzad de/ bcom ldan 'das kyi smin mtshams kyi mdzod spu nas 'od zer byung nas 'od zer des klu'i khyim thams cad snang bar byas nas kyang slar log ste spyi bo'i gtsug tu nub par gyur to/ /de nas klu'i rgyal po kun nas gdugs kyi rnam pas bskor ba zhes bya bas klu thams cad bsdus nas 'di skad ces smras so/ /kye klu dang klu chen po dag /ci'i phyir 'od zer byung zhing rkyen gang gis 'jig rten du byung / de nas klu'i rgyal po chen po rgya mtshos bsams na/ bcom ldan 'das kyi mthus 'od zer byung bar mthong ngo / de nas klu'i rgyal po rgya mtsho dang / gzhan yang klu'i rgyal po mthu che ba bcom ldan 'das gang na ba der dong ste lhags nas bcom ldan 'das kyi zhabs la gtugs te 'di skad ces gsol to/ /bcom ldan 'das/ 'od zer rab tu bkye ba'i rgyu gang lags/ rkyen gang lags/ 'od zer rab tu bkye ste khang pa thams cad snang bar bgyi ste/ slar log par byed pa'i rgyu gang lags/ rkyen gang lags/ bcom ldan 'das kyis bka' stsal pa/ kye klu'i bdag po dag /srog chags brgya stong phrag mang po srog 'gags pas 'gag bar 351a @#/ /'gyur ba'o/ /de nas klu'i rgyal po rgya mtshos skad cig thang gcig yud tsam de la rdzing bu char gyi rgyun gyi chus bkang nas bde bas tshim par byas so/ / de nas phyogs der go skabs chen po byung bar gyur nas sa phyogs der bcom ldan 'das 'khor chen pos kun nas bskor te mdun du bdar ba'i dbus na bzhugs so/ /klu'i 'khor chen po 'dus pa ni/ 'di lta ste/ klu'i rgyal po stong phrag brgyad cu ste/ klu'i rgyal po rgya mtsho la sogs pa klu'i rgyal po kun nas gdugs kyi rnam pas bskor bde stan las langs nas bcom ldan 'das ga la ba der song ste phyin nas bcom ldan 'das kyi zhabs la mgo bos gtugs te phyag 'tshal nas lan gsum bskor ba byas nas me tog dang / bdug pa dang / phreng ba dang / spos dang / byug pa dang / rgyan dang / lhab lhub dang / na bza' sna tshogs kyis bcom ldan 'das la mchod de bcom ldan 'das kyi spyan sngar 'dug go /de nas rgyal po chen po bzhis bcom ldan 'das gang na ba de logs su thal mo sbyar ba btud nas bcom ldan 'das la 'di skad ces gsol to/ /bcom ldan 'das/ 'jigs pa chen po mi bzad pa 'jig rten du byung ste/ 'di ltar than pa byung zhing mu ge'i dgon par gyur pa lags so/ /bcom ldan 'das/ sdug bsngal 'dis sems 351b can thams cad mgon ma mchis/ skyabs ma mchis/ dpung gnyen ma mchis par gyur na/ bcom ldan 'das kyis de lta bu dang mthun pa'i sngags kyi tshig bshad du gsol/ gang gis slad ma'i tshe slad ma'i dus na sdug bsngal sna tshogs su ltung ba'i 'jig rten kun tu sgrol ba dang / ha cang char che ba dang / char ma mchis pa dang / dus ma lags pa'i char dang / ser ba dang / sad dang / tsha ba ma mchis par bgyid pa dang / mu ge'i dgon pa rab tu ma mchis par bgyid pa dang / bzlog pa dang / yongs su bskyang ba'i slad du gzungs kyi sngags kyi tshig bshad du gsol/ de nas bcom ldan 'das kyis rgyal po chen po rnam thos kyi bu dang / rgyal po chen po yul 'khor srung dang / rgyal po chen po 'phags skyes po dang / rgyal bo chen po mig mi bzang la 'di skad ces bka' stsal to/ /rgyal po chen po dag /klu'i snying po'i gzungs kyi sngags kyi tshig bskul ma 'debs pa kun nas 'bar ba'i glog ces bya ba yod de| de dran pa tsam gyis klu thams cad kyi khyim dang / klu thams cad kyi lus 'bar bar 'gyur ro/ /klu mi bgrungs pa thams cad kyi snying 'phar bar 'gyur ro/ /klu thams cad kyi mgo tshal pa bdun du 'gas par 'gyur ro/ /mig dang / mgo rnams gas nas dum bu dum bur chad cing 'brul bar 'gyur ro/ /rgyal po chen po dag /klu gnod par sems pa dang / 352a @#/ /rab tu gnod par sems pa rnams kyi don dang / sems can thams cad kyi phyir zungs shig /de nas rgyal po chen po bzhis bcom ldan 'das kyi zhabs gnyis/ la gtugs nas 'di skad ces gsol to/ /bcom ldan 'das/ klu'i snying po'i sngags kyi tshig bskul ma 'debs pa kun nas 'bar ba'i glog ces bgyi ba bshad du gsol/ de nas bcom ldan 'das kyis klu'i lta stangs dang / de bzhin gshegs pa'i gzigs stangs kyis rnam par gzigs nas klu'i 'khor 'dus pa thams cad la 'di skad ces bka' stsal to/ /klu'i bdag po dag/ nga las gzungs kyi tshig gi sngags kyi tshig nyon cig/ tad+ya thA/ oM bi pu le/ pra ba re/ nA ge mahA nA ga hra di ya/ A brte/ dz+wa la dz+wa la/ sarba nA ga hr-i da ya ni/ ki mi ki mi/ nA ga ku la bi d+h+waM sa ni/ ha na ha na/ sarba nA ga duSh+T+na hri da yA ni/ ha na ha na/ sarba duSh+T+na nA ga ba ba nA ni/ pa tsa pa tsa pa tsa ya/ sarba duSh+Tan nA gA nAn/ a kr-i ma/ a kr-i ma/ sa mu dra sA ga ra/ bi ma le/ bi kra ma/ ma hA nA ga ga te/ dza ba re swAhA/ bcom ldan 'das kyis klu'i snying po'i gzungs kyi sngags kyi tshig 'di gsungs pa tsam gyis klu de dag thams cad 'dar zhing lus rul te dri mi zhim par gyur te me 'bar ba bzhin du lus la du bar 'thul zhing 'gre ldog go /thams cad skad cher bcom ldan 'das la 352b ngu zhing thams cad kyis bcom ldan 'das la 'di skad ces gsol to/ /bcom ldan 'das/ sngags kyi tshig shin tu mi bzad pa dag bka' stsal to/ /bcom ldan 'das/ bdag cag thams cad kyi snying la g.yo ma mchis par 'gyur ro/ /bcom ldan 'das/ bdag cag thams cad tshig ste ma rungs par gyur to/ /bcom ldan 'das/ deng slan chad mthun par bgyid do/ /bcom ldan 'das kyi spyan sngar yi dam bgyid do/ /bcom ldan 'das/ bdag cag klu'i skye gnas na gnas kyi bar du bcom ldan 'das/ yang bdag cag 'dzam bu'i gling du 'tshe bar mi bgyid do/ /ma rungs par mi bgyid do/ /me tog dang / yal ga dang / 'bras bu dang / lo tog thams cad yongs su rgyas par bgyid do/ /dus dus su char gyi rgyun 'bab par bgyid do/ /bde ba dang yid bde bar bgyid do/ /lo tog dang / me tog dang / 'bras bu thams cad 'grub par bgyid do/ /de bzhin gshegs pa'i bka' rjes su skyong bar bgyid do/ bden pa'i dam tshig la gnas par bgyid do/ /bu gcig pa la bgyi pa bzhin du sems can thams cad rjes su skyong bar bgyid do/ /bcom ldan 'das/ phyogs gang dang gang na rig pa'i rgyal mo 'di spyod pa der bcom ldan 'das/ bdag cag mthun par bgyid do/ /bcom ldan 'das/ rig pa'i rgyal mo 'di dran pa tsam gyis kyang bdag cag thams cad kyis char 353a @#/ /gyi rgyun 'bab par bgyid do/ /dran pa tsam gyis kyang ha cang char che ba zlog par bgyid do/ /bcom ldan 'das kyis bka' stsal pa las log par mi bgyid do| |bcom ldan 'das/ yang mnas bsgag pa'i sngags kyi tshig stsal to/ /de nas klu'i rgyal po de dag thams cad kyis bcom ldan 'das kyi zhabs gnyis la gtugs nas 'di skad ces smras so/ /tad+ya thA/ oM tsa ta tsa ta/ bi tsa ta/ sha ta sha ta/ pa tsa ra ti swAhA/ bcom ldan 'das/ gal te rig pa 'dzin pas gdugs zhag cig cho ga bgyis la bdag cag gis sems can thams cad yongs su bskyang pa'i don du 'dzam bu'i gling thams cad du char gyi rgyun ma phab na/ bcom ldan 'das/ bdag cag yang dag par rdzogs pa'i sangs rgyas la 'khus par 'gyur ro/ /bdag cag klu'i skye gnas nas 'chi 'pho bar gyur tu yang mchi ste/ bcom ldan 'das/ de'i tshe rig pa 'dzin pas mnas bsgag pa'i gzungs kyi sngags kyi tshig 'di thog ma nyid du lan bdun du brjod par bgyi'o/ /de'i 'og tu skye tshe'i sa bon brgya rtsa brgyad klu'i sa bon du mtshe 'ur dor ro/ /bcom ldan 'das/ de'i tshe bdag cag thams cad kyi khang khyim mtha' dag zhugs 'bar bar 'gyur/ bdag shi ked rus kyi lhag ma tsam zhig lus nas yongs su thar bar ma gyur gyi bar du dum 353b bu dum bur 'chad par 'gyur ro/ /de'i tshe bdag cag thams cad kyis myur bar char gyi rgyun 'bab par bgyid do/ /gal te myur du char gyi rgyun ma phab na/ bcom ldan 'das/ de'i che bdag cag thams cad 'gum pa'i dus kyi dbang du mchi'o/ /bu dang tsha bor bcas te 'gum par mchi'o/ /de nas rnam thos kyi bu la sogs pa rgyal po chen po bzhis bcom ldan 'das la 'di skad ces gsol to/ /bcom ldan 'das/ klu mnas bsgag pa'i sngags kyi tshig shin tu mi bzad pa dag bshad do/ /snying rje ma mchis pa'i mnas bsgag pa dag bshad do/ /bcom ldan 'das kyis bka' stsal pa/ rgyal po chen po dag /phyi ma'i tshe phyi ma'i dus na klu mi bgrungs pa/ ma rungs pa/ gtum pa/ gnod par byed pa dag 'byung ste/ de'i tshe mna' 'dis 'jigs par 'gyur/ skrag par 'gyur/ dus dus su char gyi rgyun ni/ legs par 'bebs so/ /dus dus su lo tog dang / me tog dang / 'bras bu rnams sgrub bo/ /de nas bcom ldan 'das la rgyal po chen po rnam thos kyi bus 'di skad ces gsol to/ /bcom ldan 'das/ cho ga rgya cher bka' stsal du gsol/ de nas bcom ldan 'das kyis cho ga bka' stsal pa/ char mi 'bab pa'i dus na des ri'am/ dgon pa'i gnas sam/ gtsug lag khang dam/ chu mig gam/ mtshe'u'am/ mtsho'am/ 354a @#/ /lteng ka'am/ khron pa'am/ klu'i gnas kyi mtshe'u'am/ 'jim pa'am/ lci bar sreg pa'i dkyil 'khor gru gsum du bya ste/ dkyil 'khor dbus zabs khru gang brkos la/ kha khyer yang khru gang bar bya'o/ /shin tu 'jam pa dang / shin tu phyi bar bya'o/ /spos chus khor yug tu gtor ro/ /de'i dbus su klu'i rgyal po chen po bzhi bya ste/ ba ser skya'i lci ba dang 'jim par bsres pas klu'i rgyal po mgo dgu gdengs ka can lus dbyibs dgu par byas te thams cad kyi mgo la yang yid bzhin nor bu bya'o| |shar phyogs su klu'i rgyal po rgya mtsho bya'o/ /lho phyogs su klu'i rgyal po gdugs bya'o/ /nub phyogs su klu'i rgyal po chu lha bya'o/ /byang phyogs su klu'i rgyal po lam bu ka ra bya'o/ /de'i g.yog 'khor bdun bdun mgo gsum pa/ mgo gnyis pa/ mgo lnga par bya'o/ /lus dag la spos sna tshogs kyis byug par bya'o/ /tsan+dan dkar dmar dang / su ra ba ni tsan+dan dang / shug pa dang / gur gum rnams phye mar byas te gtor bar bya'o/ /me tog dang / me tog phreng ba gdags so/ /gnas de'i dbus su 'bras yos dang / yungs kar gyis gtor bar bya'o/ /gra bzhir rgyal po chen po bzhi gzhag par bya'o/ /phyogs chen po bzhir sangs rgyas shAkya thub pa'i sku gzugs ring bsrel dang bcas pa dang / mchod 354b rtan ring bsrel dang bcas pa dag gzhag go /dar dang ba dan gyis brgyan par bya'o/ /mchod pa lngas mchod do/ /a ga ru dang / tsan+dan dang / du ru skas gdug go /rgya spos dang / na la dang / kun tu ru dang / yungs kar dang / gan+d+ha ra sa dang / sra rtsi pog dkar po rnams dang / sbrang rtsi dang bsres te sngags lan nyi shu rtsa gcig bzlas te klu rnams la bdug par bya'o/ /dkyil 'khor gyi mtha' kun tu nas phyes pad+ma bri bar bya'o/ /sgo bzhi gtod la ngos bzhi re rer yang gtor/ gzhong pa bkang ba bdun bdun gzhag par bya'o/ /gtor ma dkar po dang / ci 'byor pa'i ro rnam pa mang po gzhag go /me tog sil ma gtor bar bya'o/ /bum pa bkang ba bzhi gzhag go /bum pa gtor mas bkang ba bzhi gzhag go /pog por bzhi nas gu gul gyi bdug pas bdug go /me mar kha brgyad du bud do/ /rig pa 'dzin pas shar gyi sgo ru sbyin sreg bya ste/ shing ka ra bi ra dang / yungs kar dang ske tshe dmar po bsres te lan brgya rtsa brgyad dor to/ /dor ba brgya rtsa brgyad tshang ba dang / klu thams cad char gyi rgyun 'bebs te/ 'dzam bu'i gling thams cad du phyogs bzhi kun nas char gyi rgyun 'bebs so/ /klu de dag thams cad 'dir char 'bebs so/ /'di ni/ cho ga dang po'o// //yungs dkar gyi mar dang / sbrang rtsi dang / shing kA ra bI ra'i me tog dang / nA ga ge sar dang btags pa'i ril bu byas 355a @#/ /la| de nas ril bu la sngags lan brgya rtsa brgyad bzlas pa byas te klu'i mtshor bor na/ bor ma thag tu klu thams cad dga' bar 'gyur te/ char gyi rgyun chen po 'bebs so/ /gal te de ma thag ma phab na klu de dag thams cad lus zhig par 'gyur ro/ /klad pa na bar 'gyur ro/ /sdug bsngal chen po 'byung bar 'gyur ro/ /'di ni/ cho ga gnyis pa'o// //sbyin sreg byas pa'i thal ba dang / rtsab mo dkrugs la sngags lan drug cu bzlas pa byas ste khyim gyi nang du pho na/ pho ma thag tu klu thams cad 'khrugs par gyur te/ de'i phyir char gyi rgyun 'bebs so/ /gal te de ma thag tu ma phab na klu thams cad kyi lus la sha bkra 'byung zhing mdzes btab par 'gyur/ long bar 'gyur ro/ /'di ni/ cho ga gsum pa'o// //shug pa dang / ut+pa la sngon po dang / ba bla dang / zangs phye dang / yungs kar dang / in+d+ra hasta dang / ba la sha bsres te bu ram khu bas sbrus la shes rab can gyis sngags lan brgyad bcu bzlas te ril bu rgya shug gi 'bru tsam du byas la char mi 'bab pa'i dus na ril bu bdun klu'i khyim du bor na nyin mtshan bdun char 'bebs so/ /gal te 'phral du ma phab na/ de'i phyir klu'i khyim chu thams cad bskams par 'gyur ro/ /klu'i khyim na gnas pa thams cad gcer bur 'gyur 355b ro| |ril bu gcig rgyal mtshan gyi rtse mo la btags te klu'i mtshor gzugs so/ /ba dan sngon po gdags so/ /sngags 'di bris te der gdags par byas na/ ji srid du rgyal mtshan ma bsdus pa de srid du klu thams cad char 'bebs so/ /yang rgyal mtshan gyi rtse mo la btags te khang thog mthon por gzugs so/ /ser ba bab pa'i dus na yang klu rnams ser ba 'debs kyang mi nus so/ /klu rnams kyis gser gyi kha dog 'dra ba de 'dra bar mthong ste/ klu thams cad sdangs skrag cing gnas der 'dod pa bzhin char 'bebs so/ /oM su pra te badz+ra dun+de mi li mi li swAhA/ 'di ni/ sngags so/ /bag phye las klu mgo dgu pa'i gzugs byas la lus mtshal gyis bsku bar bya'o/ /mgul du ba dan gdags so/ /dkyil 'khor gru bzhi byas te dbus su klu'i gzugs bzhag la me tog sil mas gtor ro/ /gtor ma dkar po ci 'byor tshad sbyin no/ /me tog dang / bdug spos kyang sbyin no/ /bal po se'u shing gi lcug ma la lan nyi shu rtsa gcig yongs su bzlas pa byas te sngags dang / bal po se'u'i shing gi lcug ma la klu'i gzugs la lan brgya rtsa brgyad du bya ba pa byas na/ klu gang gi ming bres pa'i klu de bkug par 'gyur te/ klu de yang rang gi khyim la dga' bar mi 'gyur ro/ /gal te char gyi rgyun legs par ma phab na/ 'phral du srog ma rungs par 'gyur ro/ /yungs 356a @#/ /kar la lan stong rtsa brgyad re re la yongs su bzlas pa byas te stong rtsa brgyad du tshang na/ klu'i gzugs thams cad 'gro zhing mgo gdengs ka byed do/ /de'i 'og tu bal po se'u'i lcug mas bsdigs na/ ldang zhing lce ston par 'gyur ro/ /lus kyi bar du ston par 'gyur/ klu thams cad dbang du 'gyur te/ gang bsgo ba de bzhin byed do| |'o ma dang / yungs kar sngags brgya rtsa brgyad yongs su bzlas pa byas te gnas thams cad gtor na/ thams cad la phyir legs par byas par 'gyur ro/ /'di ni/ cho ga bzhi pa'o// //de nas klu'i rgyal po rgya mtsho dang / gzhan yang klu'i rgyal po mthu che ba klu'i rgyal po brgya stong stan las langs te bcom ldan 'das kyi zhabs gnyis la gtugs nas 'di skad ces gsol to/ /bcom ldan 'das/ sngags kyi tshig shin tu mi bzad pa dag bka' stsal to/ /las sgrub pa shin tu mi bzad pa dag bka' stsal to/ /bcom ldan 'das| bdag cag gis kyang de dang 'dra ba bshad par bgyi'o/ /dus dus su char gyi rgyun 'bebs so/ /slan chad sems can dag la rnam par 'tshe bar mi bgyid do/ /bcom ldan 'das| bdag cag gis klu mi bgrungs pa rnam par 'tshe bar bgyid pa rnams kyi don du dam tshig ma 'tshal ba rnams zlog pa'i sngags kyi tshig bshad par 'tshal na/ bcom ldan 356b 'das kyis byin gyis brlab tu gsol/ klu'i bdag po dag /ngas dam tshig gi sngags byin gyis brlab kyi/ de shod cig /na mo b+ha ga ba te shAkya mu na ye/ ta thA ga tA ya/ tad+ya thA/ b+hu dze b+hu dze| sa ma ya b+hu dze/ tat+t+wa b+hu dze/ pra ba ra b+hu dze/ sa man+ta A kA ra b+hu dze/ du ru du ru swAhA/ sa ma ya ba la ne swAhA/ nA ga ma ra sany+tso da ni swAhA/ bcom ldan 'das/ slad ma'i che slad ma'i dus na klu mi bgrungs pa thams cad slar bzlog pa'i slad du bdag cag gis klu'i dam tshig gi sngags 'di bshad do/ /ha cang char che ba'i tshe dang / char dkon pa'i tshe dang / sad dang / ser ba 'bab pa'i tshe sngags 'di dran par bya'o/ /brjod par bgyi'o/ /de nas klu thams cad bskul bar bgyi'o/ /rig pa 'dzin pa des shin tu khrus bgyis te gtsang mar bgyis la/ gos gsar pa bgos te klu'i gnas su mchi bar bgyi'o/ /klu'i gnas su ci 'byor pa'i spos kyi dkyil 'khor bgyis te bcom ldan 'das shAkya thub pa'i sku gzugs sam/ sku gdung dang bcas pa'i mchod rten dkyil 'khor de'i steng du bzhag ste spos chab kyis bkru bar bgyi/ me tog dang / bdug pas mchod par bgyi/ klu kun yang bkru bar bgyi'o/ /sku bsil ba'i chab de la lan brgyad yongs su bzlas pa bgyis te/ de'i nang du yungs kar stsal nas mtshe'u de'i nang du dbo zhing phyogs bzhi nas bdug pas bdugs na/ de pho ma thag tu skad cig de 357a @#/ /la klu'i gnas 'gul zhing du ba lta bu byung nas sprin gyi dkyil 'khor chen por gyur te nam mkha'i dkyil de khebs par char gyi rgyun 'bebs so/ /ser ba 'bab pa'i dus su yungs kar dang / til bsres pa la lan nyi shu rtsa gcig bzlas pa bgyis te phyogs bzhir bcing bar bya'o/ /klu'i phyogs su gtor bar bgyi'o/ /ser ba mi 'bab pa dang / klu thams cad kyang gcod par 'gyur ro/ /sad dang / ser ba dang / dus ma yin pa'i rlung rab tu zhi bar 'gyur ro/ /klu'i mtsho 'gram mam/ khron pa'am/ lteng ka'am/ rdzing bu'i 'gram mam/ ri'i rtse mor shing arga dang / zhun mar dang / yungs kar dang / shing kA ra bI ra'i me tog gis stong rtsa brgyad sbyin sreg byas na/ thams cad 'grub par 'gyur ro/ /sbyin sreg byas ma thag tu char gyi rgyun chen po 'bab par 'gyur ro/ /ha cang yang char che ba'i dus na 'bras yos dang / yungs kar la lan brgya rtsa brgyad bzlas pa byas te nam mkha' la gtor na/ char chen po bzlog par 'gyur ro/ /bcom ldan 'das/ gal te bdag cag gis dgung gsum gyis char gyi rgyun ma phab na| bcom ldan 'das/ de'i tshe sha bkra 'byung bar 'gyur lags so/ /long ba dang lus dri mi zhim par 'gyur lags so/ /sangs rgyas dang / chos dang / dge 'dun slu bar 357b bgyid pa lags so/ /'jig rten gsum slu bar bgyid pa lags so/ /bdag cag klu'i skye gnas 'pho bar gyur cig /bcom ldan 'das/ gzhan thams cad la yang sbyor bar bgyid na thams cad rungs bar 'gyur ro/ /de nas bcom ldan 'das kyi klu'i rgyal po de dag dbugs phyung / dam tshig la bkod nas rgyal po chen po rnam thos kyi bu la yongs su gtad de rjes su gtad nas sa phyogs de nas gshegs so/ /rnam thos kyi bu ni/ gzhi la bzhugs so/ /klu'i dam tshig ces bya ba char 'bebs pa'i skabs rdzogs so// //de nas bcom ldan 'das tshangs pa'i khang pa brtsegs par bzhugs pa dang / lha'i tshogs du ma lhags/ byang chub sems dpa'i 'khor chen po yang lhags/ lha rnams kyi dbang po brgya byin dang / tshangs pa dang| khyab 'jug dang / dbang phyug chen po dang / klu'i dbang po mthu che ba thams cad kyang lhags/ nam mkha' lding gi dbang po dang / rgyal po chen po gser mig gi 'dab ma can/ rdo rje'i mchu can/ bdag nyid chen po lus 'bar zhing khro ba/ 'jigs su rung ba'i rtsal can/ rin po che tha dad pa sna tshogs dang / mu tig dang / gser gyis spras pa'i cod pan mgo la thog pa| gser gyis \?\ sa pa drag po'i gzugs can/ 'gying bar lta ba/ klu'i dbang po gdan du bting pa/ g.yog 'khor mang po thams cad dang lhags so/ /gnod sbyin gyi 358a @#/ /dbang po lag na rdo rje gnod sbyin bye ba dang / rdo rje 'dzin g.yog 'khor rig 'dzin stong lhags te/ bcom ldan 'das ni/ nor bu rin po che sna tshogs kyis spras pa| mu tig dmar po tha dad pa mang pos brgyan pa'i seng+ge'i khri la bzhugs pa/ khang pa brtsegs pa na zham ring chen po dang / de bzhin gshegs pa'i byin gyi rlabs chen pos byin gyis brlabs pa dang ldan pas bzhugs te/ bcom ldan 'das ni/ 'od zer sna tshogs bye ba khrag khrig brgya stong gis sku ni/ shin tu brgyan/ gser gyi mchod sdong ltar ni/ 'bar| nyi ma ltar ni/ snang / mtshan sum cu rtsa gnyis dang dpe byad bzang po brgyad cu mnga' ba/ 'od 'dom gang bas ni/ sku legs par brgyan/ de bzhin gshegs pa'i sku ni/ shin tu rnam par dag cing / shin tu dri ma dang skyon med pa'i 'od ni/ gsal/ de nas bcom ldan 'das kyi 'khor chen po 'dus par mkhyen nas sku la 'od zer sna tshogs phyung ste 'od zer gyi snang ba des phyogs bcu kun tu khyab par mdzad do/ /de nas tshangs pa dang / khyab 'jug dang / dbang phyug chen pos de bzhin gshegs pa'i 'od zer la bltas nas 'dzam bu'i gling na klu mi bgrungs pas sad dang / ser ba dang / rlung dang / ser sprin phab ste me tog dang / 'bras bu thams cad dang / lo tog thams cad dang / shing dang / rtswa dang / shing gel 358b pa dang / sman dang / nags tshal dang / sman gyi bar bsregs te ma rungs par byas nas yal ga yang 'dzam bu'i gling na med par byas na/ de na sems can de dag sdug bsngal chen pos gzir cing nyam thag pa'i skad phyung ba thos so/ /de nas tshangs pa dang / khyab 'jug dang / dbang phyug chen pos bcom ldan 'das kyi zhabs gnyis la gtugs nas 'di skad ces gsol to/ / bcom ldan 'das/ klu gnod par sems pa gtum po rnams kyis 'dzam bu'i gling rnam par bshig ste thams cad ma rungs par bgyis nas sems can rnams sdug bsngal mi bzad pa chen po myong ngo / /bcom ldan 'das kyis bka' stsal pa/ kye lha'i dbang po dag /'di ni/ mngon sum du gyur pa yin te/ de bzhin gshegs pa'i byin rlabs dang / sangs rgyas kyi ye shes zab mo dang / de bzhin gshegs pa'i yon tan gyi byin gyi rlabs la ltos shig /de nas bcom ldan 'das nam mkha' lding bsgyings pas rnam par bltas pa zhes bya ba kun nas me lce 'bar ba'i phreng ba can rnam par 'phrul ba'i ting nge 'dzin la snyoms par zhugs so/ /snyoms par zhugs ma thag tu sku phrag pa gnyis rab tu 'bar te/ 'bar ma thag tu klu thams cad kyi lus rab tu 'bar bar gyur to/ /de nas klu'i rgyal po chen po kun nas gdugs kyi rnam pas bskor bas bcom ldan 'das kyi zhabs gnyis la gtugs te 'di skad ces gsol to/ /bcom ldan 359a @#/ /'das| tshig lags so/ /bde bar gshegs pa/ tshig lags so/ /de nas bcom ldan 'das kyis cang mi gsungs par gnang nas steng du rnam par gzigs te phyogs bcu kun yang gzigs te de bzhin gshegs pa thams cad la phyag bzhes te nam mkha' lding gi shugs chen pos kun tu 'bar ba nam mkha' lding gi gzi brjid kyi snying po'i dkyil 'khor 'di rjes su dgongs so/ /oM badz+ra ba ti ga ru Da be ge hUM hUM/ ra tsi sri dza hUM phaT/ de nas klu mi srun pa de dag yur yur por gyur nas bcom ldan 'das kyi spyan sngar 'dug ste 'dar yed yed do/ /de nas bcom ldan 'das kyis de bzhin gshegs pa'i nam mkha' lding ma lce 'bar ba zhes bya ba'i snying po chen po bka' stsal pa/ na mo b+ha ga ba te/ shAkya mu na ye/ ta thA ga tA ya/ oM badz+ra dz+wa la dz+wa la/ pra dz+wa la/ ha na ha na/ sarba nA ga hri da ya d+hA ra NI/ ha ra ha ra/ sarba ka na naM ba la bI R+Ya pa ra kra maM/ da ha da ha/ sarba nA ga ha/ shrI ra Ni| pa tsa pa tsa/ sarba nA ga marmA Ni/ ga ru Da be ga ba shi ni pa te/ nad pa ta ya pa ta ya/ sarba nA ga ba ba na ni/ oM ma ta ma ta/ ma hA bi tsi tra ma ni mo hu li/ da ra ha ma hA ru tra be ga da ra bi tsi tra/ A ba ra Na bi bu hu shi ta kA ya/ sarba nA gA nA na/ kar ka ra/ sma ra smar/ b+ho ga ru Den par thA ga na ban+t+ra na shAkya mu ne pra tsa na ma nu pA la ya/ tardza ya/ nA gA nAM/ pa k+Shi ya/ 359b duSh+Tan phra ma ta ya/ bA yu be dza ga wa na/ s+pho Ta ya/ mUrtA nAn sho Sha ya /ti du dz+wa la na/ hUM hUM phaT phaT/ pra ma ta sarba ba ta an shin ne me kan/ nA sha ya nA sha ya/ sarba nA ga ba laM ba ha ra/ pa tsadurte na/ A ga ra ba ya/ su shA nA ga nAM/ gardza gardza mahA ga ru Da be ga na/ hUM hUM/ phaT phaT/ stam+b+ha ya ni shI ta pA la ha ka na/ saM b+hak+Sha ya/ hUM hUM/ phaT phaT/ stam+b+ha ya/ shI ta bA yu/ mu g+ha na/ sarba nA ga b+hi ha ri Ni/ hUM hUM/ phaT phaT/ b+ho nA ga a d+hi pa ti/ muny+tsa hri/ b+hak+Sha bu yun ga ru Da kro d+ha mahA be ga ban+d+ha ya bA yu ba la ha kan+ti ti Ti Ti Ti/ hUM hUM/ phaT phaT/ b+ha sha ya/ ba ta shI ta a shi na ni/ nA sha ya/ tsi ti tsi ti/ phaT phaT/ swAhA/ A shA ya/ nA gA nAM/ ban+d+ha ya/ badz+ra ban+d+he na ta thA ga ta sa man+te na/ sa t+ye na/ hUM hUM hUM/ phaT phaT phaT swAhA/ ti ti ti ti/ hUM hUM phaT phaT swAhA/ dza laM ba du/ sarba a shan ta thA ga ta a d+hiSh+ThA ne na hUM phaT/ a mr-i te ma b+ha ba tu/ sarba shI ta pA yu be ga A shA ni hUM hUM phaT phaT/ mA ti kra ma s+pho Ta ya/ nA ga mA ti kra ma ma te mU ra ha naM/ ya ti shwi ti/ hu ru hu ru/ hUM hUM phaT phaT/ swAhA/ brta ya swAhA/ nA ga s+pho Ta ya swAhA/ nA ga bi da rA ya swAhA/ oM swAhA/ swa swAhA/ b+hu ba swAhA/ ta thA ga ta sa ma ya swAhA/ trai lo kya pU dzi tA ya swAhA/ oM hUM hUM/ hUM hUM hUM/ phaT phaT phaT/ klu'i bdag po dag /de bzhin gshegs pa'i nam mkha' lding gi 'bar ba'i snying po zhes bya ba'i gzungs chen po 'di klu mi srun pa 360a @#/ /thams cad zlog par byed do/ /sprin dang / lhags pa dang / rlung dang / ser ba thams cad 'jig pa'o/ /zlog pa'o/ /lo tog yongs su skyong ba'o/ /me tog dang / 'bras bu dang / nags tshal yongs su skyong ba'o/ /bdud rtsi'i 'bras bu yongs su 'grub par byed do/ /de bas bstab pa 'phel bar byed do/ /kye klu'i bdag po dag /'di dran ma thag pa tsam gyis klu'i dkyil 'khor byed pa/ bu dang chung mar bcas pa dang / blon por bcas pa dang / mngag gzhug par bcas pa dang / 'khor dang bcas pa lhags pa'i stobs byed pa/ rlung gi stobs byed pa/ sdud pa dang / stobs byed pa/ kun thams cad mthun pa de bzhin gshegs pa'i bka' gnang ba dang / de bzhin gshegs pa'i dam tshig gi byin gyi rlabs kyis phyi ma'i tshe phyi ma'i dus na 'dzam bu'i gling 'dir lo tog thams cad dang / me tog dang / 'bras bu thams cad dang / rdzas dang / shing dang / sman thams cad kun tu srung ba gyis shig /dus dus su char gyi rgyun phob cig /bdag gi srog ji lta ba de bzhin du 'dzam bu'i gling gi sems can thams cad rtas par byed pa/ me tog dang / 'bras bu dang / lo tog rnams yongs su sbyongs shig /gal te gzhan du gyur te de bzhin gshegs pa'i bka' lung dge ba ltar ma byas na/ de'i tshe klu thams cad kyi khyim kun tu 'bar/ rab tu 'bar 360b kun tu rab tu 'bar te/ me lce gcig tu 'bar bar gyur cig /klu la mu ge chen po 'byung bar gyur cig /stobs bri zhing brtson 'grus ma rungs par gyur cig /chu bskams par gyur cig / khyim bskams par gyur cig /lus rtsub par gyur cig /'dab bzang gi 'jigs pa dang / me dang bye ma'i 'jigs pa dang / rtag tu bkres pa dang / skom pa'i 'jigs pa can du gyur cig / phar rgyug tshur rgyug cing lus kun tu tshig pa dang / nyi ma'i dugs kyis yongs su gdungs pas lus tshig par gyur cig /nad dang / gnod pa dang / nad 'og ba sna tshogs pa 'dus par gyur cig / de ltar phyi ma'i tshe phyi ma'i dus na klu mi srun pa dang / klu gtum pa dang / rab tu gtum pa rnams gal te de bzhin gshegs pa'i nam mkha' lding 'bar ba zhes bya ba'i snying po'i gzungs 'di las 'gal bar byed na/ sdug bsngal 'di lta bu myong bar 'gyur te/ klu'i bdag po dag /de'i phyir bden pa'i yi dam gyis de bzhin gshegs pa'i dam tshig rjes su bsrung bar bya'o/ / 'dzam bu'i gling gi sems can thams cad yongs su bskyang bar bya'o/ /bsrung bar bya'o/ /bsgrub par bya'o/ /de nas klu'i rgyal po kun nas gdugs kyi rnam pas bskor ba dang / klu'i rgyal po chen po rgya mtsho dang / klu'i rgyal po chen po dga' bo dang / bsnyen dga' bo dang / klu'i rgyal po chen po gzi can dang / klu'i rgyal po chen po hu la pa dang / klu'i rgyal po chen po chu lha dang / klu'i 361a @#/ /rgyal po chen po 'bar ba kun tu 'dzin pa kha bye rab tu dga' ba'i gtsug ces bya ba dang / klu'i rgyal po chen po tshangs pa'i mgo dang / klu'i rgyal po chen po 'jig rten gsum du grags pa'i rgyal mtshan dang / klu'i rgyal po chen po dbang phyug 'od dang / klu'i rgyal po chen po 'od rnam par grags pa zhes bya ba dang / klu'i rgyal po chen po kun nas rgyal mtshan gyi rnam pa zhes bya ba dang / klu'i rgyal po chen po nor bu mgo dang / klu'i rgyal po chen po rab tu gnas pa tshangs pa'i gtsug dang / klu'i rgyal po chen po gtsug gi nor bu 'bar ba dang / klu'i rgyal po chen po mtsho chen po gnon dang / klu'i rgyal po chen po kun tu lta ba'i mig dang / klu'i rgyal po chen po khyab 'jug khor yug dang / klu'i rgyal po chen po kun nas rnam par bral dang / klu'i rgyal po chen po rab tu dga' bas char 'bebs dang / klu'i rgyal po chen po rnam dag rab dga' dang / klu'i rgyal po chen po rab tu gtor ba dang / klu'i rgyal po chen po glog 'bar ba dang / klu'i rgyal po chen po sa srung gi bu dang / klu'i rgyal po chen po chu 'bebs sna tshogs dang / klu'i rgyal po chen po btang bzung stobs dang / klu'i rgyal po chen po 'jig rten gsum du rab tu char 'bebs dang / klu'i rgyal po chen po rnam thos kyi bu sna tshogs dang / de la sogs pa'i klu'i rgyal po chen po 361b brgyad khri bzhi stong klu'i rgyal po chen po re re yang g.yog 'khor klu'i rigs stong phrag bdun cu rtsa bdun yod pa de dag bcom ldan 'das ga la ba der song nas bcom ldan 'das la lan gsum du bskor ba byas te mchod pa chen pos mchod nas bcom ldan 'das kyi zhabs gnyis la gtugs nas bcom ldan 'das la 'di skad ces gsol to/ /bcom ldan 'das kyis sngags kyi tshig shin tu mi zad pa drag po chen po blta dka' ba chen po dag bka' stsal pas/ bcom ldan 'das/ bdag cag ni/ phung po tshig go /lus rab tu 'dar ro/ /spu zing zhes bgyid do/ /bcom ldan 'das/ bdag cag bas par bcom ldan 'das kyi spyan sngar mngon sum du gyur par gnas pa lags te/ 'di ltar 'jigs skrag ba spu'i bu ga nas skyi bung zhes bgyid cing / 'jigs pa mi bzad pa chen po skyes te bas par yang sgyid lug cing mchis so/ /bcom ldan 'das/ slad ma'i tshe slad ma'i dus na de bzhin gshegs pa yongs su mya ngan las 'das pa'i slad na dge slong drag shul bgyid pa nor la brkam pa dag mchis pa la sad dang / rlung dang / ser ba bzlog pa'i slad du gsol ba btab par gyur na/ bcom ldan 'das/ de la klu mi bgrungs pa de dag gis ji ltar nan tan du bgyi/ de dag gi srog slar zhing ji ltar 'gyur/ bcom ldan 'das/ bdag cag gi bu dang tsha bo 362a @#/ /ji lta bu mang bar 'gyur/ de nas bcom ldan 'das kyis klu'i bdag po chen po de dag la 'di skad ces bka' stsal to/ /klu'i bdag po dang / phyi ma'i tshe phyi ma'i dus na byams pa la gnas par bya'o/ /de bzhin gshegs pa'i dam tshig dang mthun par bya'o/ /dus dus su char gyi rgyun phob cig /dus dus su me tog dang / 'bras bu dang / lo tog sgrubs shig /rlung dang / sprin dang / ser ba thams cad zlog cig/ chud za bar ma byed cig /klu'i bdag po dag /de'i phyir khyed phyi ma'i tshe phyi ma'i dus na gnod pa med pa gnas par gyis shig /klu'i bdag po dag /gal te yang dag par dam tshig ma bsrungs na/ de'i phyir klu'i bdag po dag /khyed la nyes pa chen por 'gyur ro zhes smra'o/ /thog mar klu skul ba'i rig pa rdzogs so// //de nas de'i 'og tu rtsa ba'i rig pa'i cho ga /klu rnams kyi khros pa zhi bar byed pa nam mkha' lding 'bar ba'i gzi brjid kyi snying po'i dkyil 'khor 'di brjod par bya'o/ /thog ma kho nar gnam du bltas te yungs kar dang chu bsres pa phyogs bzhir gtor na/ sad dang / rlung dang / sprin dang / ser ba thams cad thub par 'gyur ro/ /bcings par 'gyur ro/ /klu thams cad 'dar yed yed cing 'khod par 'gyur ro/ /thal ba dang chu bsres la lan nyi shu rtsa gcig bzlas pa byas te dbang bskur na/ 362b bdag srung ba byas par 'gyur ro/ /'brug zer ba'i tshe yungs kar la lan nyi shu rtsa bdun yongs su bzlas pa byas la/ chu la lan bdun du yongs su bzlas pa byas te gnam la sprin bcing bar bya'o/ /de nas sprin la bltas te yungs kar gnam du gtor na/ me tog dang / 'bras bu thams cad bsdus nas sa'i steng du lhung ngo / /sngags kyang brjod cing khros pas phaT ces bya ba brjod par bya ste/ phaT ces bya ba lan gsum gyis klu phrug gu rnams kyang lhung bar 'gyur ro/ /klu rnams kyi lus kyang zhig ste thang la lhung bar 'gyur ro/ /bal po se'u'i lcug ma la lan nyi shu rtsa gcig yongs su bzlas pa byas te 'khor lo'i tshul du lan bdun bskor na/ /klu mi bgrungs pa thams cad sad dang / sprin dang / rlung dang / ser ba thams cad sa la mi 'bebs so/ /mgo tshal pa bdun du 'gas so/ /mi 'byung ngo / /khros pas brgya rtsa brgyad yongs su bzlas pa byas na/ klu rnams rigs dang / sprin dang / g.yog 'khor kun dang bcas te sa'i steng du lhung nge / /klu'i khyim dang / gzhal yas khang mtha' dag dang / chu dang / shing dang / nags tshal du bcas pa me lce 'bar ba gcig tu 'gyur ro/ /klu'i rgyal po chen po gzi brjid che ba mthu che ba thams cad kyang klad nad drag pos btab par 'gyur ro/ /gal te rig pa 'dzin pas myur du ma bskyabs na/ rigs thams cad phung bar 'gyur ro/ /bu dang / tsha bo dang / 'khor du bcas 363a @#/ /pa dang / bzhon par bcas te rnam par med par 'gyur ro/ /mig med par 'gyur ro/ /char med pa'i dus na yungs kar la lan stong bzlas te khyim la gtor na/ klu thams cad 'dar yed yed cing khyim dang mtsho me lce 'bar ba gcig tu gyur te 'dod pa bzhin du myur du char gyi rgyun 'bebs so/ /yang dang yang char gyi rgyun 'bebs so| |gang gi tshe char dgos pa de'i tshe rig pa 'dzin pas chu dang yungs kar la lan brgya rtsa brgyad yongs su bzlas pa byas te gnas mthon por song la shar phyogs su bltas te 'dug nas chu snyim pa bdun la sngags lan bdun bdun du yongs su bzlas te shar phyogs su gtor na/ klu'i rgyal po thams cad 'phral du gcig tu 'dus te char gyi rgyun 'bebs so// skya rengs shar ba'i dus na yungs kar dang / gur gum dang / chur bsres la lan bdun bzlas pa byas te phyogs bzhir gtor zhing steng dang 'og tu yang gtor na/ sad dang / rlung dang / sprin dang / ser ba thams cad la kun nas dpag tshad tshun chad du mtshams bcad par 'gyur ro/ /klu mi srun pa thams cad bcings par 'gyur ro/ /klu thams cad mi gda' bar 'gyur ro/ /ba ser skye'i lci ba sa la ma lhung bar blangs pa dang / de nyid kyi mar dang / 'o ma dang / gcin blangs la sab ta byi sa ka dang / bag phye dang / thams cad 363b bsres la lan dgu bcu rtsa gnyis bzlas pa byas te/ de nas klu mgo lnga pa bya'o/ /mgo gdengs ka can gyi skyil mo krung bcas pa lus gcus pa byas te tsan+dan dkar po dang / gur gum gyis lus bkru bar bya'o/ /stan gtsang ma'i steng du gzhag go/ dar gyi cod pan gyi dbang bskur ro/ /me tog gi phreng ba gdags so/ /dkyil 'khor gru bzhi pa byas te me tog sil ma gtor/ bum pa gang ba bzhi gzhag go /mda' bzhi btsugs te dar gyi ba dan dkar po bzhi gdags so/ /dkyil 'khor gyi dbus su gtor ma gzhag go /dkyil 'khor gra bzhir seng ldeng gi phur bu bzhi gzugs so/ /tshon sna lnga'i skud pas lan lnga bskor ro/ /kun la yang lan nyi shu rtsa gcig bzlas te las bya'o/ /bum pa'i mgul dar gyis bcing ngo / /na la dang / swa rtsi pog dang / rgya spos dang / kun tu ra dang / sen mo dang / nA ga pus pa dang / yungs kar dkar po dang / sha ka ra dang bsres la lan brgya rtsa brgyad bzlas la bdug par bya'o/ /bdug pa 'di sbyar la/ de nas rig pa 'dzin pas shin tu khrus byas te gos gtsang ma gyon la sngags 'di nyid kyis nye reg dang / brag bcing ba dang / mtshams bcing ba dang / phyogs bcing ba dang / dkyil 'khor bcing ba dang / gos gdags pa dang / bdag srung ba dang / khrus bya ba rnams bya'o/ /klu kha shar phyogs su bstan te bzhag la rig pa 'dzin pa klu la bltas te skyil mo krung du 'dug la/ 364a @#/ /sngags 'di nyid kyis dgug pa dang / gtor ma dang / bdug pas slar btang bar bya'o/ /de nas rig pa 'dzin pas stong rtsa brgyad bzlas te yungs kar re re la bzlas la klu'i gzugs la bsnun par bya'o/ /mar me kha bzhi bud do/ /klu'i ming bri'o/ /gang bos pa de 'greng bar 'gyur ro/ /bzlas pa stong rtsa brgyad tshang bar byas na/ klu'i rgyal po chen po thams cad dbang du 'gyur ro/ /thams cad stong par 'gyur ro/ /ci bsam pa de thams cad sbyin par 'gyur ro/ /dbang thams cad zlog par 'gyur ro/ /dbang gi skye bo dang / 'khor du bcas pa dang / bu dang / tsha bor bcas pa thams cad dbang du 'gyur ro/ /las thams cad byed par 'gyur ro/ /rang gi khyim bzhin du yongs su skyong bar 'gyur ro/ /klu'i gzugs de gnas dben par bzhag la me tog dang / bdug pa sbyin no/ /lang long med par gzhag cing mi mthong bar bya ste/ su la yang mi bstan no/ /gos gtsang mas dgab bo/ /nam dgos pa yod pa de'i tshe yungs kar la lan brgya rtsa brgyad bzlas ba byas te bsnun na/ dgos pa thams cad byed par 'gyur ro/ /gar btab pa der 'gro zhing slar yang 'ong ngo / /rmi lam du dgos pa thams cad ston cing las thams cad byed par 'gyur ro/ /klu'i mngag gzhug pa zhes bya'o/ /gang gi tshe dus ma yin pa'i sprin dang / rlung dang / ser ba dang / sad byung ba 364b de'i tshe ske tshe'i 'bru dang / yungs kar du bsres la lan brgya rtsa gcig bzlas pa byas te khros pas klu'i gzugs la bsnun na/ skad cig de la rlung dang / ser ba dang / sprin med par 'gyur te/ thams cad bcing bar 'gyur ro/ /than pa byung ba de'i tshe yi ger bris la skud pa dmar po la dkris la skud pa la mdud pa nyi shu rtsa gcig bor te klu'i mgul du btags la klu'i spyi bor lan nyi shu rtsa gcig bzlas pa byas na/ skad cig de la char gyi rgyun 'bebs te/ sgrub pa pos ji ltar 'dod pa bzhin char 'bebs so/ /ha cang char chen/ skud pa sngon po la lan bdun bzlas pa byas te mdud pa bdun bor na/ char chen po mi 'bab par 'gyur ro/ /cho ga dang rig pa sgrub pa gzhan thams cad la yang sngags 'di thog ma kho nar lan bdun brjod do/ /'di kun tu sbyor ba ste/ brjod pa sgrub pa 'grub bo/ /nam mkha' lding chen po rdo rje shugs 'bar ba nam mkha' lding gi snying po dkyil 'khor zhes bya ba'i gzungs rdzogs so// //de nas de'i 'og tu rtsa ba'i snying po'i cho ga bstan to/ /gzungs bton ma thag pa tsam gyis klu thams cad 'dar yed yed do/ /bal po se'u shing gi lcug ma dang / shing ka ra bI ra'i lcug mas rlung dang / sprin bzlog par bya'o/ /ba'i lci ba sa la ma lhung bas khang steng du dkyil 'khor grwa bzhi pa shin tu rnam par phye ba re'u cha legs par byas te seng ldeng gi phur bu sor brgyad pa brgyad 365a @#/ /phyogs mtshams su gzugs so/ /mda' lnga gzugs so/ /rtse gsum pa gzugs so/ /mda' bzhi la tshon sna lnga'i skud pa bzhis 'khor bar bskor ro/ / bum pa gang ba bzhi dang / pog phor dang / gtor ma'i bum pa bzhi gzhag go /gtor ma dkar pos bkang pa bzhi dkyil 'khor gyi dbus su bzhag /me tog sil mas gang bar gtor/ bra yos dang yungs kar gyis gtor ro/ /thams cad la lan bdun bdun gyis bzlas pa byas te gzugs so/ /yungs kar dang chu bsres la bzlas pa byas pas phyogs bzhir mtshams gcad do/ /de nas dpag tshad tshun chad kun tu mtshams chen po bcad par 'gyur ro/ /der klu mi srun pa rnams 'phrog mi nus/ klu chen po rnams kyang rtag tu dus ma yin pa'i rlung dang / sprin dang / ser ba 'bebs mi nus so/ /me tog dang / 'bras bu thams cad la 'tshe yang mi nus so/ /lan 'ga' yang rtswa'i lo ma la yang 'tshe mi nus/ bcing ba lngas bsdams te thams cad bcings par 'gyur ro/ /'di zla ba brgyad du mtshams bcings par 'gyur/ gnod sbyin dang / 'byung po dang / srin po dang / yi dwags dang / grul bum dang / gsang ba pa de rnams gnas 'di las mi 'da'o/ /de nas rig pa 'dzin pa dkyil 'khor gyi dbus su 'dug ste bal po se'u'i shing gi lcug ma la lan bdun bzlas pas 365b klu bzlog par bya'o/ /shin tu khros pas bzlog par bya ba ni/ ma yin no/ /klu'i skyil mo krung gi phyag rgya bcing bar bya ste/ mdzub mo gnyis mgo bo gdengs ka ltar byas la mthe'u chung gnyis brkyang ngo / /'di ni/ klu thams cad kyi phyag rgya'o/ /brjod ma thag pa tsam gyis klu thams cad kyi snying dag la gnod par 'gyur ro/ /gal te klu dag phyogs de ma rungs par bya bar 'dod na/ de'i tshe bye mtshan mgo la 'bab bo/ /mgo dang / mjug ma dang / khog pa ji tsam pa de tsam du lus la ral gri'i char gyi rgyun 'bebs par 'gyur ro/ /de nas klu thams cad sdangs skrag par gnas par 'gyur te/ /de'i tshe 'dzam bu'i gling du dus dus su char gyi rgyun 'bebs so/ /klu mi pa grungs pa thams cad dbang du 'gyur ro/ /khang steng du dkyil 'khor gru bzhi pa byas te me tog sil mas gang bar gtor la bdug pas bdugs te bum pa chus gang ba thams cad la lan bdun du bzla bar bya'o/ /gtor ma gzhag go/ seng ldeng gi phur bu la lan nyi shu rtsa gcig bzlas te seng ldeng gi phur bu dkyil 'khor gyi dbus su btsugs na/ rlung dang / sprin dang / ser ba dang / sad kyi nyes ba thams cad bcings par 'gyur te/ phur bu ma phyung gi bar du thub par 'gyur ro/ /yungs kar la lan bdun bzlas la sprin la bltas te gtor na/ ser ba thams cad 'chad par 'gyur ro/ /shing kA ra bI ra'i lcug ma 366a @#/ /la lan nyi shu rtsa gcig bzlas te gdu bur byas na/ thams cad du ser ba chod par 'gyur ro/ /shing kA ra bI ra dmar po'i me tog la lan nyi shu rtsa gcig bzlas te glog 'byung ba'i tshe nam mkha' la 'phangs na/ nam mkha' nyid du 'dug ste bcings par 'gyur ro/ /chu la lan bdun bzlas te gtor na/ grol bar 'gyur ro/ / 'brug zer ba'i tshe rtse gsum pa la lan nyi shu rtsa gcig bzlas te dkyil 'khor gyi dbus su btsugs na/ rtse gsum pa ma byung gi bar du 'brug zer te sprin bcings par 'gyur ro/ /phyung nas grol bar 'gyur ro/ /ral gri la lan bdun bzlas te klu'i phyag rgya skyil mo krung gis bzung la bltas te 'dug na/ bzung ma thag tu klu mtha' dag 'bar bar 'gyur te/ klu thams cad lkugs par 'gyur ro/ /ral gri thogs la lan brgya rtsa brgyad bzlas te gur gum gyis de'i steng du nam mkha' lding bris nas ji lta ji lta bur bskor ba de lta bur nam mkha' lding 'dab gshog klu'i lus la 'bab par 'gyur te klu thams cad skrag cing phyogs bcur 'bros par 'gyur te/ phyis rlung dang / ser ba 'bebs mi nus so| |shing ka ra bI ra'i me tog dang / yungs kar ba sres te dkyil 'khor du lan drug cu sbyin sreg byas na/ klu thams cad grang ba'i stobs byed pa dang / ser ba dang / kha 366b ba'i bar la sogs pa thub par 'gyur ro/ /gang gi tshe char dgos par gyur pa de'i tshe char 'bebs so/ /spra tshil las klu'i gzugs tshad sor bzhi pa mgo lnga pa byas te gser gyis g.yogs la steng gos dkar pos g.yogs te rtsa ba'i sngags lan stong bzlas pa byas la/ bum pa gsar pa ma spyad pa'i nang du bcug ste lus gos kyis dkri'o/ /rgyas gdab bo/ /ba'i lci bas dkyil 'khor gru bzhi pa byas la bra yos dang yungs kar gyis gtor la bdug pas bdugs te sngags 'di brjod par bya'o/ /bal po se'u shing gi lcug ma la lan bdun bzlas te bum pa la dal bu dal bus gzhug na/ ser ba thams cad bum pa'i nang du 'pho'o/ /klu thams cad dbang du 'gyur ro/ /klu'i rgyal po'i gzugs spra tshil la byas pa la klu thams cad kyis ming bris na/ gang gi ming gis rigs brjod pas klu de dbang du 'gyur te/ 'khor dang bcas pa bram ze'i gzugs kyis mdun na 'dug cing bsgo ba de thams cad byed do/ /klu'i rgyal po chos can ma yin pa yul yongs su mi skyong ba/ lo tog dang 'bras bu chud gzon pa'i klu'i khyim du song ste shin tu khrus byas la gos dkar po gtsang ma bgos te rig pa lan nyi shu rtsa gcig brjod na/ klu'i khyim de nas bud med rgan mo dag 'byung zhing / rig pa 'dzin pa ci tshol zhes zer ba dang / lan ma gdab 367a @#/ /par rdo rje sa la brdal bar bya'o/ /phaT ces bya ba brjod par bya'o/ /klu rgan mo de dus nas shi'o shi'o zhes zer zhing khyim du 'jug go /de nas klu rnams 'dus te sngangs skrag ste khye'u'i gzugs su bsgyur nas rig pa 'dzin pa'i mdun du 'dug ste kye rig pa 'dzin pa ci zhig tshol/ rig pa 'dzin pas sngar sngags brjod la khros pas bal po se'u'i shing gi lcug ma sa la brdabs pa dang / khye'u gzugs can de sa la 'gre ldog cig /kye rig pa 'dzin pa ci zhig tshol zhes smra'o/ /rig pa 'dzin pas snying rje med par bya ste| bsgyel ba'i tshul bsgyel ba dang / 'di skad ces kye rig pa 'dzin pa bsgo ba thams cad bgyid do smra'o/ /de nas rig pa 'dzin pas 'di skad ces brjod do/ /de bzhin gshegs pa'i dam tshig srungs shig /srung ngo / /rig pa 'dzin pas yang 'di skad ces brjod do/ /dge ba bcu zungs shig /'dzin to/ /rig pa 'dzin pas yang gsum la skyabs su gsol btang ngo / /rjes su 'dzin to/ /rig pa 'dzin pa phur bu dbyung du gsol/ mi dbyung ngo / /'di skad ces brjod do/ /de bzhin gshegs pa'i dam tshig bzlas pa rjes su zung shig /gdod phur bu dbyung ngo zhes bya'o/ /'on tang klu de 'khor dang bcas te rkang pa gnyis la gtugs so/ /gsum la skyabs su 'gro bar bya ba dang / dge ba bcu'i las 367b kyi lam rjes su sbyin par bya'o/ /dam tshig rjes su 'dzin du gzhug go /de nas gdod phur bu phyung la de nyid du kha zas kyang byin dang / klu thams cad dbang du 'gyur ro/ /rang gi khyim du 'jug pa bzhin du zhugs shing las su bya ba rnams ci 'dod pa bzhin du bya ba thams cad bsgo ba bzhin byed par 'gyur ro/ /gang du btang ba der 'gro'o/ /bya ba thams cad byed par 'gyur ro| |klu'i khyim der phyis klu mi srun pa mi 'byung ngo / /dus dus su char gyi rgyun 'bebs so/ /dus dus su lo tog sgrub bo/ /der me tog dang / 'bras bu dang / lo ma rnams sgrub bo| |phyis gnod pa byed par mi 'gyur ro/ /bklags pas 'grub pa'i gzungs chen po las thams cad la sbyar bar bya'o/ /las thams cad 'grub/ mchog 'grub pa/ bla na med pa'o/ /rtsa ba'i sngags kyi bya ba'i cho ga dang bcas pa rdzogs so// //de nas nam mkha' lding gi rgyal po de bcom ldan 'das ga la ba de logs su thal mo sbyar ba btud de bcom ldan 'das la 'di skad ces gsol to/ bcom ldan 'das/ bdag cag gis klu thams cad kyi snying 'bar bar bgyid pa/ dus ma lags pa'i rlung dang / sprin dang / ser ba thams cad zlog pa me tog dang / 'bras bu dang / lo tog thams cad sgrub pa/ sa'i rdul dang / snying po dang / byin 'phel bar bgyid pa/ rdo rje'i mchu glog 'bar ba zhes bya ba'i 368a @#/ /gzungs brjod par bgyi na/ sems can thams cad kyi re ba thams cad yongs su bskang ba'i slad du bcom ldan 'das/ de byin gyis brlab tu gsol/ de nas bcom ldan 'das kyis nam mkha' lding gi dbang po la 'di skad ces bka' stsal to/ /nam mkha' lding gi bdag po rdo rje mchu zhes bya ba'i gzungs byin gyis brlabs te de bzhin gshegs pa dgra bcom pa yang dag par rdzogs pa'i sangs rgyas gang+gA'i klung gi bye ma snyed bye ba khrag khrig brgya stong dag gis kyang byin gyi rlabs kyi nam mkha' lding gi bdag po klu mi srun pa rnams tshar gcad pa'i phyir smos shig/ de nas nam mkha' lding gi bdag pos rdo rje mchu zhes bya ba'i gzungs 'di smras so/ /na mo rat+na tra yA ya/ na ma sh+tsaN+Da badz+ra pA Na ye/ ma hA yak+Sha se nA pa ta ye/ na ma s+t+rai lo kya a d+hi pa ta ye/ na maHtsa tur na mo mahA rA dzA nAM/ oM badz+ra dun+te dun+te/ mahA dun+ta/ du ti du ti/ badz+ra shi kha ra dun+te/ ma Ni ka na ka bi tsi ta/ A ba ra Na bi b+hU Shi ta sha rI re/ hUM hUM hUM hUM hUM/ phaT phaT phaT phaT phaT/ nA ga rA dza bi drA ba Ni hri da ya/ s+pho Ta ya badz+ra dun+ta na/ hUM hUM hUM hUM hUM/ dz+wa li ta badz+ra dun+te na| ha na ha na/ ga ru Da bak+Sha ni pa te na b+hi smi ku ru ku ru ku ru ku ru ku ru/ duSh+Tan nA gA nAM/ hUM hUM hUM hUM hUM/ phaT phaT phaT phaT phaT/ b+ho b+ho pan na gen+d+ra spu ta spu ta spu tan+tu du nA ga sma 368b sha ni kro d+ha rA dza ma hA ba la pa rA kra ma/ dz+wa la dz+wa la/ pra dz+wa la/ hUM hUM hUM hUM hUM/ phaT phaT phaT phaT phaT/ b+ho ga ru Da ra dza ba badz+ra dun+te/ su bar+Na pak+Sha mahA ba le/ ma hA ka na ka bi tsi tri ma hUM da ra/ bak+Sha ya duSh+Ta nA gaM bi ba du b+ho bA yu ba la ka ne hUM hUM/ phaT phaT/ sho Sha ya shA ta ba la ha ga ga ru Da uSh+me Na/ hUM hUM hUM hUM/ phaT phaT phaT phaT/ b+ho b+ho badz+ra dun+ta bi tsu huM na/ bi t+yad dz+wa la na| hUM hUM hUM/ phaT phaT phaT/ b+hany+dza ya/ sarba sha ri ni mA ti kra ma si ma na/ b+ho pan nA gen+d+ra mA te/ badz+ra dun+te na mur nAM/ po ta yA mi/ ha ra ha ra/ pra ha ra hUM phaT/ ma ha ma ta/ sarba nA gA nAM hUM hUM phaT/ ta thA ga ta ba tsa na ma nu sma ra hUM hUM phaT/ badz+ra pA Ni sa ma ya ma nu pA la ya/ hUM hUM phaT/ trai lokya a d+hi ba te ra ba tsa na ma nu pA la ya/ hUM hUM phaT/ sa ra sa ra/ sma ra sma ra/ sa ma ya ma nu pA la/ tri rat+na sa t+ye na/ hUM hUM hUM/ phaT phaT phaT/ hrIHbadz+ra dun+ta sarba nA ga bi dra ba na ka ra hUM hUM hUM phaT swAhA/ tri rat+na ma nu pa lA ya hUM hUM hUM phaT/ pra ma dan+ta ha da sa hUM hUM hUM phaT swAhA/ pi ni tsakra ha ta hUM hUM hUM phaT swAhA/ ma he shwa ra tri shU la hastA ya hUM hUM hUM phaT swAhA/ ga ru Da te dza hastA ya hUM hUM phaT swAhA/ ga ru Da bi kra mA ya hUM hUM hUM phaT swAhA/ nA ga ku la nA sha nA ya hUM hUM phaT swAhA/ ga ru Da sarba a shA ni ba pa nA ya hUM hUM phaT swAhA/ sarba pA pa bA yu saM b+ha k+Sha NA ya hUM hUM phaT swAhA/ sarba a kA la bA ta me g+ha A shA ni ba ra NA ya hUM hUM phaT phaT 369a @#/ /swAhA/ ma hA badz+ra dz+wa la swAhA| sarba duSh+Tan nA ga ga bi nA sha kA ya swAhA/ ga ru Da hr-i da ya swAhA/ ga ru Da dun+ta ya swAhA/ sarba nA shA nA ya swAhA/ oM du ru du ru swAhA| mu ru mu ru swAhA/ tu ru tu ru swAhA/ di ri di ri/ du ru ru ru ru ru ru ru ru/ hUM hUM hUM hUM hUM/ phaT phaT phaT phaT phaT swAhA/ nam mkha' lding gi dbang pos rdo rje mchu'i gzungs 'di brjod ma thag tu klu'i rgyal po bye ba khrag khrig brgya stong phrag brgyad cu khas bub tu 'gyel nas lus rdul byung zhing lus rab tu 'dar te brgyal nas sa la 'gre ldog go /kye ma'o gzungs chen po sngags kyi tshig mi bzad pa dag smras so/ /zhes 'dzer zhing / thams cad lus 'dar yed yed nas bcom ldan 'das kyi zhabs gnyis la gtugs nas 'di skad ces gsol to/ /bcom ldan 'das/ bskyab tu gsol/ bde bar gshegs pa/ bskyab tu gsol/ bcom ldan 'das/ bdag cag slan chad 'dzam bu'i gling du ma rungs par mi bgyid do// me tog dang / 'bras bu dang / lo tog ma rungs par mi bgyid do/ /bcom ldan 'das/ sa phyogs 'di mchod rten dang 'dra bar 'dzin te/ gang na cho ga'i rgyal po chen po 'di spyod pa dang / gang na gnas pas spyod pa der bcom ldan 'das/ bdag cag gis rgyun du de bzhin gshegs pa'i mchod rten dang 'dra bar 'dzin to/ /yul lam/ grong khyer ram/ ljongs sam/ ri brags 369b gam| grong ngam/ gtsug lag khang de rtag par rgyun du bsrung ba dang / bskyang ba dang / sba bar bgyi'o/ /sad dang / rlung dang / ser ba dang / dus ma lags pa'i sprin thams cad snum pa dang / mngar ba dang / yid du 'ong ba dang / ro zhim pa dang / snyi ba dang / ro bro ba'i me tog dang / 'bras bu dang / lo tog thams cad bsgrub par bgyi'o/ /'thab pa dang / sdig pa thams cad byang ba dang / ltas ngan pa thams cad bsal bar bgyi'o/ /dus dus su char gyi rgyun dbab par bgyi'o/ /me tog dang / 'bras bu dang / lo tog rnams yang dag par 'grub par bgyi/ sha sbrang dang / sbrad bu chu ring dang / byi ba dang / sbrul dang / spal pa dang / trai ma bu ka dang / ma k+Shi ka dang / trai la ta dang / sha ta pa dang / bung ba dang / ne tso dang / ri skegs kyi 'jigs pa thams cad med par bgyi/ rnam par 'jig par bgyi/ yams kyi nad dang / nad 'go ba thams cad rab tu zhi bar bgyi'o/ /bzlog par bgyi'o/ /bcom ldan 'das/ slan chad sdig pa'i las kun tu spyod pa'i tshul mi spyod par bgyi/ char gnod par 'bab pa dang / dus ma lags pa'i char thams cad ma mchis par bgyi'o/ /bcom ldan 'das/ rang gi mna'i yi dam gyis gnas par bgyi'o/ /bcom ldan 'das/ dkon mchog gsum gyi dgongs pa bslab pa'i sdom pa yongs su bskyang bar bgyi'o/ /bcom ldan 'das/ slan chad 'dzam bu'i gling gi sems can rnams la 'tshe bar 370a @#/ /mi bgyid do/ /bu gcig pa bzhin du yongs su bskyang bar bgyi'o/ /bcom ldan 'das/ de bzhin gshegs pa'i bka' lung bzhin du slad ma'i tshe slad ma'i dus na sems can thams cad yongs su bskyang bar bgyi'o/ /kun tu 'dzin par bgyi'o/ /dge ba dang / bde ba dang / lo legs pa kun tu bsgrub par bgyi'o/ /de nas bcom ldan 'das kyi klu'i rgyal po la dbugs phyung nas 'di skad ces bka' stsal to/ /klu'i rgyal po dag /de ltar gyis shig /yal bar ma btang zhig /de nas de'i 'og tu cho ga bya bar brjod par bya ste| sngags 'di dpa' ba gcig pu ni/ /las kun byed pa dge ba ste/ /shes rab can gyis lan gcig dran/ /dgos pa thams cad byed par 'gyur/ /mthon po'i gnas su mkhas pa yis| |sgra skad chen po brjod par bya/ /gnas gang dang gang du sgra bsgrags pa de dang der dus ma yin pa'i rlung dang / sad dang / sprin dang / ser ba dang / glog thams cad kyis mi tshugs so/ /sus kyang byin 'phrog par mi nus so/ /gtse bar mi nus so/ /gnas mthon po'i ri'am/ dgon pa'i gnas sam/ grong ngam/ gtsug lag khang ngam/ gnas khang shin tu mtho ba der rig pa 'dzin pa gtsang mar byas te gos gtsang ma dkar po bgos la kha shar phyogs su bltas te ba'i lci ba dang 'ji ma pa bsres pas dkyil 'khor khru gang gru bzhi 370b pa byas la/ dkyil 'khor gyi dbus su mda' gang tsam pa zhig btsugs te sngags lan nyi shu rtsa gcig bzla'o/ /dkyil 'khor gyi gra bzhir seng ldeng gi phur bu sor brgyad pa btsugs te sngags lan nyi shu rtsa gcig bzlas pa byas la tshon sna lnga pa'i skud pas lan gsum mkhris par bskor ro/ /dkyil 'khor gyi dbus su pog phor bzhag la lan bdun bzlas pa'i bdug pas bdug go /lan nyi shu rtsa gcig bzlas pa byas la yungs kar gyis gtor ro/ /me tog sil mas gang bar gtor ro/ /phyogs bzhir gtor ma'i bum pa bzhi gzhag go/ dkyil 'khor gyi dbus su gtor ma gzhag par bya ste/ zho dang / 'o ma dang / 'bras btsos pa dang / bu ram dang / sha ka ras gdab bo/ /chu dang yungs kar la sngags lan lnga brjod de phyogs bzhir mtshams gcad par bgyi/ zla ba nya la sbyor ba bya'o/ /skad cher bklags la phyogs bzhi dang / steng dang / 'og tu yungs kar gtor zhing klu thams cad kyi so so'i ming nas brjod na/ cho ga 'di byas ma thag tu dus ma yin pa'i rlung dang / sprin dang / ser ba dang / klu mi srun pa thams cad bcings par 'gyur/ thub par 'gyur ro/ /ltas ngan pa dang / yams kyi nad dang / gnod pa dang / nad 'go ba dang / gdon dang / 'byung po dang / sha za dang / gnod sbyin dang / srin po thams cad rgyang ring du spangs bar 'gyur ro/ /dpag tshad gcig khor khor yug tu 371a @#/ /mtshams bcad par 'gyur ro/ /nad thams cad dang / na ba thams cad dang / gnod par sems pa dang / rab tu gnod par sems pa dang / phyir rgol ba dang / phyir gnod par byed pa thams cad kyis mi tshugs par 'gyur ro/ /me tog dang / 'bras bu dang / lo tog thams cad legs par yongs su 'grub par 'gyur/ legs par yongs su smin pa dang / ro zhim par 'gyur ro/ /sa bon legs par btab pa thams cad legs par 'khrungs par 'gyur ro/ /gshed byed dang / las dang / byad stems thams cad rnam par 'jig par 'gyur/ mi tshugs par 'gyur ro/ /ji srid du phur bu ma phyung ba de srid du mtshams chen po bcad par 'gyur ro/ /de srid du klu thams cad char gyi rgyun 'bebs so/ /me tog dang / 'bras bu dang / lo tog thams cad legs par yongs su rgyas par 'grub par 'gyur ro/ /gang dang gang du dgos par 'gyur ba thams cad lan gcig dran par byas na 'grub par 'gyur/ spra tshil las nam mkha' lding gi gzugs sor brgyad pa skyil mo krung bcas pa/ 'dab ma brkyang ba/ klu rgyal gdan du bting ba| mgo dgu pa mgo rgyan du thogs pa/ klu mgo gsum pa lag pa g.yas na thogs pa/ nor bu rin po che 'bar ba lag pa g.yon na thogs pa/ gser gyis g.yogs par 371b byas ta cho ga bzhin du tshon gyis ri mo bris la/ stan sna tshogs kyi steng du bzhag la nyin zhag gcig la sngags stong brjod do/ /nam lus kyis mi thub pa'i tshe kha zas dkar po bza' bar bya ste| yang khrus byas la bsgrub par bya'o/ /gu gul gyis bdug go /me tog dang / bdug pa dang / gtor ma ci 'byor pa sbyar ro/ /mar me btang la de'i mdun du nyal na ston par 'gyur zhing / las thams cad brjod par 'gyur ro/ /mchog thams cad sbyin par 'gyur/ las thams cad byed par 'gyur ro/ /ci bsgo ba byed par 'gyur ro/ /lang long med pa'i gnas su bzhag la/ nam than pa byung ba'i tshe rig pa 'dzin pas blangs te klu'i gnas su bkur bar bya/ klu'i gnas mtshor bzhag la me tog dang bdug pa byin la yungs kar la sngags lan gsum bzlas te gnas su gtor na/ 'phral du klu thams cad char gyi rgyun 'bebs so/ /gal te 'phral du char gyi rgyun mi 'bebs na/ de'i phyir klu'i gnas kun tu nam mkha' lding gis gang bar mthong bar 'gyur/ gnas me lce gcig tu 'bar bar 'gyur/ bye tshan mgo la 'bab bar 'gyur/ chu bskams par 'gyur ro/ /than pa byung ba'i tshe sprin la bstan na/ char 'bebs par 'gyur ro/ /rlung dang / sprin dang / ser ba dang / sad dang / char sprin la bstan na/ skad cig tu med par 'gyur ro/ /dpag tshad bdun gyi nang du phyogs bzhi kun tu ser ba mi 372a @#/ /'bab cing / sad dang / dus ma yin pa'i rlung gis mi tshugs par 'gyur te/ thams cad thub par 'gyur/ rlung 'khrugs pa'i tshe lam gyi bzhi mdor gzhag go/ yang na grong khyer gyi sgor ro/ /yang na rgyal po'i sgor gzhag go /des rlung thams cad chod par 'gyur ro/ /rlung chen po rnam par 'thor rlung yang chod par 'gyur ro/ /phyis ldang mi nus so| |bstan ma thag tu klu thams cad 'bros par 'gyur ro/ /rdo rje mchu'i gzungs las thams cad byed pa/ nam mkha' lding bklags pas grub pa mchog tu 'grub bo/ /de nas tshangs pa dang / dbang phyug chen po dang / rgyal po chen po dang / bcom ldan 'das ga la ba der dong ste lhags nas bcom ldan 'das la lan gsum bskor ba byas te bcom ldan 'das la 'di skad ces gsol to/ /bcom ldan 'das/ bdag cag thams cad tshogs pas kyang rdo rje 'bar ba'i lce 'bab pa'i mchu zhes bgyi pa'i gzungs brjod par bya ste/ klu thams cad kyi snying 'phrog pa/ snying 'gems pa/ klu mi srun pa'i rigs phung bar bgyid pa/ rlung dang / sprin dang / ser ba thams cad sel ba/ lo tog dang / me tog dang / 'bras bu thams cad sgrub pa 'bul na/ sems can thams cad la sman par bgyi ba'i slad du bcom ldan 'das kyis byin gyis brlab tu gsol/ de nas bcom ldan 'das kyis tshangs 372b pa dang / khyab 'jug dang / dbang phyug chen po dang / rgyal po chen po bzhi dag la/ 'di skad ces bka' stsal to/ /rigs kyi bu dag /sems can thams cad kyi don dang / phan pa dang / bde ba'i phyir ngas byin gyi rlabs kyi rjod cig /de nas tshangs pa dang / khyab 'jug dang / dbang phyug chen po dang / rgyal po chen po bzhi po dag gis gzungs 'di smras so| |na mo rat+na tra yA ya/ na mo b+ha ga ba te/ shAkya mu na ye/ ta thA ga tA ya/ ar+ha te sa myak+saM bud+d+h+ya ya/ na ma sh+tsaN+Da badz+ra d+ha rA ya/ mahA ba la ba rA kra mA ya/ na ma ste lokya murta ye/ na ma sh+tsa tur NaM/ na mo badz+ra sha ni dz+wa la ti rau trA T+Ta ha sA ya/ dza ya mahA ba la bIR+Ya pa ra kro d+ha ra brah+ma dza brah+ma sa ra/ b+ho b+ho nA ga a d+hi pa ti bi sa ra ta bi sa ra ta/ ma ro brah+ma dAn+te nA ma mUrtA nAM/ pra ta ya hUM hUM phaT/ b+ha ra b+ha ra/ bik+Shu tsakra hasta na bo sh+ma nA gen du ma ti biSh+Ta tsa kre shi ts+tshe n+dI mi/ tu ti tu ti/ li li li li hUM hUM phaT/ mu hu mu hu mu h+yan+tu sarba duSh+Ta nA gA nAM/ s+pho Ta yahr-i da yaM ma he shwa ra dz+wa la ti tri shU la d+ha ra/ ha na ha na hUM hUM phaT/ mu tsi mu tsi/ tu ti tu ti/ b+ha ba b+ha ba/ k+Shi Ni k+Shi ni k+Shi ni/ tsa tur+NAM ma ri tsi nAM/ dz+wa li ta sha k+ti/ d+ha ra d+ha ra/ hUM hUM phaT/ spu ra spu ra/ bi spur ji spu ra/ tsa ra tsa ra/ nA sha ya/ duSh+Tan nA ga hri da yaM/ s+pho Ta ya hUM hUM phaT/ saM ha ra saM ha ra/ duSh+Ta ne ya sha na/ ba ti nA gan shI ta ba d+yud dz+wa la b+hasmaM ku ru hUM hUM phaT phaT/ sa ma ya ma nu 373a @#/ /sma ra b+ho nA ga a d+hi pa te badz+ra ba ya b+ho b+ho tu ti tu ti hUM hUM phaT phaT swAhA/ badz+ra A sha na ni nA sha ye hUM phaT swAhA/ sarba nA ga hr-i da yA ni/ bi s+pho Ta ya hUM phaT swAhA/ bud+d+ha bi lo ka tI ya swAhA/ brah+mA ya swAhA/ biSh+Nu murti swAhA/ ma he shwa ra dz+wa li ta tri shU lA ya swAhA/ tsa tur ma hA rA dza sa ma ya d+ha rA ya swAhA/ b+hu dza gA ye swAhA/ nA ga a d+hi pa ta ye swAhA/ oM d+hi ri d+hi ri swAhA/ dz+wa li ta wA ka trA ya swAhA/ ro ma hA ra nA sha ya swAhA/ dzu ti dzu ti dzu ti swAhA/ phaT phaT phaT phaT phaT swAhA/ de nas rdo rje 'bar ba'i lce 'bab pa'i mchu zhes bya ba'i gzungs 'di brjod ma thag tu klu mi srun pa thams cad lus rul te dri mi zhim par gyur to/ /lus shig shig por gyur cing sha bkras btab par gyur nas bcom ldan 'das kyi zhabs gnyis la gtugs te 'di skad ces gsol to/ /bcom ldan 'das/ bskyab tu gsol/ bcom ldan 'das/ lha dang bcas pa'i 'jig rten gyis smad par gyur to/ /bcom ldan 'das/ bdag cag ni/ brlag go /bcom ldan 'das/ slan chad 'dzam bu'i gling gi sems can rnams la 'tshe bar mi bgyid do/ /gnod par mi bgyid do/ /bcom ldan 'das| rdo rje 'bar ba'i lca 'bab pa'i mchu'i gzungs 'di brjod pa der bcom ldan 'das/ klu thams cad gnod par sems shing mi mchi ste/ tha na lta bar yang mi bgyid 373b na| 'jug pa lta smos kyang ci 'tshal/ de nas de'i chog brjod de/ gzungs 'di dran pa tsam gyis klu thams cad kyi lus dum bu dum bur 'brul lo/ /lus dri mi zhim par 'gyur ro/ /yungs kar la lan nyi shu rtsa gcig bzlas te phyogs bzhir gtor na/ klu thams cad bcings par 'gyur ro/ /dpag tshad bdun kho ra khor yug tu mtshams bcad par 'gyur ro/ /rdo rje la lan brgya rtsa brgyad bzlas pa byas te klu bzlog par bya'o/ /lan gcig brjod na/ rlung dang / sprin dang / ser ba thams cad zlog go/ thams cad med par 'gyur ro/ /dran pa tsam gyis ser ba thams cad skad cig tu med par 'gyur ro/ /gal te 'bab na yang yud tsam gyis chur 'gyur ro/ /ser ba 'bab pa'i dus na rdo rje bskor na/ phyogs gang du bskor ba der ser ba 'drim par 'gyur te/ phyogs der ser ba mi 'bab par 'gyur ro/ /nang par dben par song ste nang du yang dag 'jog tu zhugs la skyil mo krung gi phyag rgya bcings te/ sngags 'di lan sum cu rtsa gnyis brjod de/ brjod ma thag tu rlung dang / sprin dang / ser ba thams cad med par 'gyur ro/ /rlung thams cad rnam par 'jig par 'gyur ro/ /mi 'byung bar 'gyur ro/ /yungs kar phyogs bzhir gtor na/ lo gcig khyud kor du mtshams bcad par 'gyur ro/ /rlung dang / sprin dang / ser ba thams cad bcings par 'gyur ro/ /klu/ 374a @#/ /thams cad dbang du 'gyur ro/ /bu dang tsha bo 'khor dang bcas pa rgyun du rgyun mi 'chad par phyi bzhin 'brang bar 'gyur ro/ /las thams cad byed par 'gyur ro| |dril bu la lan nyi shu rtsa gcig bzlas te ser ba 'bab pa'i dus na dkrol na/ klu mi srun pa thams cad kyi klad pa 'gas par 'gyur ro/ /nam mkha' las sa la lhung bar 'gyur te| las thams cad byed par 'gyur ro/ /gzungs 'di ni/ thams cad du thogs pa med par 'gyur/ de nas bcom ldan 'das kyis nam mkha' lding gi dbang po chen po dang / tshangs pa dang / khyab 'jug dang / dbang phyug chen po la legs so zhes bya ba gnang ste/ tshangs pa chen po/ sems can thams cad la phan pa dang / bde ba dang / klu mi srun pa dang / snying rje med pa 'tshe ba rnams gdul ba dang / tshar gcad pa dang / chad pas gcad pa'i phyir khyod kyis rig pa chen po'i gzungs sngags kyi tshig 'di brjod nas 'dzam bu'i gling du bzhag pa legs so legs so| |de nas klu'i rgyal po chen po rgya mtsho dang / klu'i rgyal po chen po gdugs kyi rnam pas kun nas bskor ba dang / gzhan yang klu'i rgyal po chen po gzi brjid che zhing rdzu 'phrul che ba dang / gzhan yang klu mi srun pa bye ba phrag du ma dag bcom ldan 'das ga la ba der dong ste lhags nas bcom ldan 'das kyi zhabs la mgo bos phyag 'tshal te bcom ldan 'das la 'di skad ces gsol to/ / 374b bcom ldan 'das/ bdag cag 'khor dang bcas pas slad ma'i dus na 'dzam bu'i gling thams cad kyi me tog dang / 'bras bu dang / lo tog dang / lo ma dang / yal ga rnams bsrung bar bgyi'o// yongs su bskyang bar bgyid do/ /rlung dang / sprin dang / ser ba dang / sad dang / tshad pa thams cad bzlog par bgyid do/ /dus dus su char gyi rgyun 'bebs par 'tshal lo/ /rang gi mna'i yi dam gyis de bzhin gshegs pa'i dam tshig bskyang bar 'tshal lo/ /sems can thams cad kyi re ba yongs su rdzogs shing bsam par grub par 'tshal lo/ /mi 'tshe bar 'tshal lo/ /bcom ldan 'das/ gal te cho ga'i rgyal po 'di las gong du sngags dang / gzungs ji skad bshad pa'i yon tan gyi khyad par rnams dang 'gal bar bgyid na/ bdag cag byang chub tu mngon par 'tshang rgya bar ma gyur cig /'di ni/ bro bor ba ste/ tad+ya thA/ ba ki tsa ti/ shu li shu mu li/ sha sha shu shu/ ti ti pi ri ti/ hu yu hu yu/ hu ri ti swAhA/ bcom ldan 'das/ 'di ni/ klu'i mna' lags te/ slad ma'i tshe slad ma'i dus na klu mi srun pa rnams 'jig par bgyid do/ /than pa dang / than pa che ba dang / dus ma lags pa'i char dang / rlung dang / sprin dang / ser ba dang / sad dang / dus ma lags pa'i rlung dang / glog byung na/ ri'am khang pa mthon po'i steng du rig pa 'dzin pa kha shar phyogs su bltas te 375a @#/ /mna' 'di dag gis bstod de lan bdun brjod la/ chu dang yungs kar bsres pas phyogs bzhir gtor bar bya'o/ /gtor cing dran ma thag tu klu thams cad kyi lus rnams dum bu brgyar 'chad par 'gyur ro/ /gyes par 'gyur ro/ /'gag par 'gyur te/ de'i slad du char gyi rgyun 'bebs so/ /bcom ldan 'das kyis bka' stsal pa| klu'i rgyal po/ khyed kyis de ltar byos shig /rdo rje mchu'i cho ga rdzogs so// // |