J131

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>J131</h1><td>(<a href="https://adarsha.dharma-treasure.org/kdbs/jiangkangyur" target="new2">e-text produced by ADARSHA</a>)<br><br><a href="verif2.php?id=J131&coll=lithang">see text in Tibetan script</a></table>56.180a<br><font size=+1>

@#/ /rgya gar skad du/ Ar+ya bud d+ha d+harma a tsin t+ya nir de shA/  bod skad du/ </font><hr>56.180b<br><font size=+1>

'phags pa sangs rgyas kyi chos bsam gyis mi khyab pa bstan pa/  bam po dang po/ sangs rgyas dang / byang chub sems dpa' mang po 'dus pa la phyag 'tshal lo/ /de nas de na byang chub sems dpa' mang po 'dus pa'i nang nas byang chub sems dpa' kha cig 'di snyam du gyur te/ kha cig ni sangs rgyas bcom ldan 'das rnams kyi sangs rgyas kyi zhing bsam gyis mi khyab snyam/ kha cig ni sangs rgyas bcom ldan 'das rnams kyi sngon gyi smon lam las byung ba rnam par dag pa bsam gyis mi khyab snyam/ kha cig ni sangs rgyas bcom ldan 'das rnams kyi de bzhin gshegs pa'i rigs bsam gyis mi khyab snyam/ kha cig ni sangs rgyas bcom ldan 'das rnams kyi sangs rgyas 'byung ba bsam gyis mi khyab snyam/ kha cig ni sangs rgyas bcom ldan 'das rnams kyi de bzhin gshegs pa'i sku bsam gyis mi khyab snyam/ kha cig ni sangs rgya sa bcom ldan 'das rnams kyi de bzhin gshegs pa'i dbyangs bsam gyis mi khyab snyam/ kha cig ni sangs rgyas bcom ldan 'das rnams kyi de bzhin gshegs pa'i ye shes bsam gyis mi khyab snyam kha cig ni sangs rgyas bcom ldan 'das rnams kyi de bzhin gshegs pa'i rnam par sprul pa bsam gyis mi khyab snyam/ kha cig ni sangs rgyas bcom ldan 'das rnams kyi mi chags par spyod pa bsam gyis mi khyab snyam/ kha cig ni sangs rgyas bcom ldan 'das rnams kyi sangs rgyas kyi rnam par thar pa bsam gyis mi khyab snyam mo/ /de nas bcom ldan 'das kyis byang chub sems dpa' de dag gi sems kyi rtog pa sems kyi mkhyen pas byang chub sems dpa' ud pa la'i snying po la sangs rgyas kyi byin gyi brlabs kyis byin gyi brlabs nas sangs rgyas kyi ye shes kyi shugs su gyur/ de bzhin gshegs pa'i snang</font><hr>56.181a<br><font size=+1>

bas snang bar gyur/ sangs rgyas kyi gzi brjid kyis kun du khyab par gyur/ sangs rgyas kyi mi 'jigs pa la gnas par gyur/ sangs rgyas kyi chos kyi dbyings su 'jug cing 'bab pa dang ldan par gyur/ sangs rgyas kyi che ba dang rdzu 'phrul gyis yul la zhugs par gyur/ chags pa med pa'i rnam par spyod pa med pa bcu rdul yab la gnas par gyur/ sangs rgyas thams cad kyi gdung cig nas gcig tu 'ba' zhig shes par gyur/ sangs rgyas kyi chos kyi tshul brjod du med pa la spyod cing bsgrub par gyur to/ /de nas ud pa la'i snying po byang chub sems dpa' chos kyi dbyings su 'jug pa rtogs shing shes nas/ yid la chags pa med pa'i dbyings su bsgrubs te/ byang chub sems dpa'i spyod pas chos thams cad kyi sgrib pa spangs pa dang / kun du bzang po'i smon lam dang ldan par zhugs pa dang / sangs rgyas thams cad rjes su rtogs shing sangs rgyas mthong ba dang / snying rje chen po'i go cha chen po bgos nas sems can thams cad la lta zhing yongs su sbyong ba dang / byang chub sems dpa' thams cad kyi spyod pa'i yi dam gyi dkyil 'khor brtsams pa dang / skad cig ma'i mthar song ba dang / sangs rgyas kyi ye shes mngon par sgrub pa dang / mi zad pa mthong ba dang / thams cad mkhyen pa mngon du bya ba dang / gzungs thams cad snang bar gyur pa dang / so sor yang dag par rig pa rtogs nas ud pa la'i snying po byang chub sems dpas sangs rgyas kyi mthus pad ma'i snying po byang chub sems dpa' la 'di skad ces smras so/ /kye rgyal ba'i sras sangs rgyas bcom ldan 'das kyis spyod pa dpag tu med do/ /kye rgyal ba'i sras sangs rgyas bcom ldan 'das kyis rnam par sprul pa chen po la gnas so/ /kye rgyal ba'i sras sangs rgyas bcom ldan 'das</font><hr>56.181b<br><font size=+1>

kyi sku'i mtshan thams cad kyi mdzad pa brnyes so/ /sangs rgyas bcom ldan 'das rnams ting nge 'dzin gyi bsam pa dang ldan zhing chos kyi 'khor lo skor ro/ /sangs rgyas bcom ldan 'das rnams so sor yang dag par rig pa bzhi brjod du med par ston to/ /sangs rgyas bcom ldan 'das rnams sangs rgyas bcom ldan 'das thams cad kyi chos bsam du med pa la gnas so/ /sangs rgyas bcom ldan 'das rnams kyis sangs rgyas kyi sgra dbyangs dpag tu med par 'gro'o/ /sangs rgyas bcom ldan 'das rnams brjod du med pa'i chos kyi dbyings rtogs shing chud do/ /sangs rgyas bcom ldan 'das rnams mngon par shes pa thams cad kyi khyu mchog sangs rgyas so/ /kye rgyal ba'i sras sangs rgyas bcom ldan 'das rnams chos kyi dbyings kyi mtha' sgrib pa med pa la 'jug pa mdor bsdus pa'o/ /kye rgyal ba'i sras sangs rgyas bcom ldan 'das rnams kyi chos kyi dbyings mtha' dang dbus med pa'o sangs rgyas kyi chos bcu ste/ bcu gang zhe na/ sangs rgyas bcom ldan 'das rnams kyi gzugs kyi sku mtha' dang dbus med pa rnam par dag cing ma brnyogs pas thams cad du 'gro ba spangs pa dang / sangs rgyas bcom ldan 'das rnams chos thams cad la chags pa med pa'i spyan mtha' dang dbus med pas spyan mnyam pa nyid du mngon par rdzogs par sangs rgyas pa dang / sangs rgyas bcom ldan 'das rnams chags pa med pa'i snyan mtha' dang dbus med pas 'gro ba thams cad kyi sgra sgribs pa med par gsan pa dang / sangs rgyas bcom ldan 'das rnams kyis shangs kyi skye mched mtha' dang dbus med pas sangs rgyas thams cad kyi mnga' mchog brnyes pa dang / sangs rgyas bcom ldan 'das kyi ljags che zhing srab pa mtha' dang dbus med pas chos thams cad</font><hr>56.182a<br><font size=+1>

kyi dbyings su sgra dbyangs kyis 'gro ba dang / sangs rgyas bcom ldan 'das rnams kyi sku mtha' dang dbus med pas las kyi lhag ma ma lus shing sems can gyi khams thams cad kyi sems can gyi rgyud du de bzhin gshegs pa ston cing dmigs pa dang / sangs rgyas bcom ldan 'das rnams kyi yid kyi las mtha' dang dbus med pas chos kyi dbyings kyi sku dbyer med cing dus gsum la ma chags pas rjes su 'gro ba rnam par dag pa dang / sangs rgyas bcom ldan 'das rnams kyi sangs rgyas kyi rnam par thar pa la gnas pa mtha' dang dbus med pas sangs rgyas kyi rnam par sprul pa dang cho 'phrul mi zad pa ston pa dang / sangs rgyas bcom ldan 'das rnams 'jig rten gyi khams thams cad rnam par dag pa mtha' dang dbus med pas brjod du med pa'i rgyan byin gyis brlabs shing nyon mongs pa med pa'i sangs rgyas kyi zhing du bsam pa ji lta ba bzhin du ston pa dmigs pa dang / sangs rgyas bcom ldan 'das rnams byang chub sems dpa' thams cad kyi spyod pa'i khyad par dang / smon lam yongs su rdzogs pa dang / ye shes kyis rnam par rol pa dang / chos kyi yongs su rdzogs shing ye shes kyis rnam par rol pa'i chos yongs su rdzogs pas chos thams cad mngon par byang chub pa ste/ kye rgyal ba'i sras 'di ni de bzhin gshegs pa dgra bcom pa yang dag par rdzogs pa'i sangs rgyas rnams kyi chos kyi dbyings mtha' dang dbus med pa'i sangs rgyas kyi chos bcu'o/ /kye rgyal ba'i sras sangs rgyas bcom ldan 'das rnams sangs rgyas kyi ye shes mngon par sgrub pa'i mtshan nyid ston pa bcu ste/ bcu gang zhe na/ skad cig la 'jig rten gyi khams thams cad du mngon par dga' ldan gyi gnas nas shi 'pho bar ston pa dang / skad cig la 'jig</font><hr>56.182b<br><font size=+1>

rten gyi khams thams cad du byang chub sems dpa'i tshe ston pa dang / skad cig la 'jig rten gyis khams thams cad du mngon par byung bar ston pa dang / skad cig la 'jig rten gyi khams thams cad du byang chub kyi shing drung na bzhugs shing mngon par byang chub par ston pa dang / skad cig la 'jig rten gyi khams thams cad du chos kyi 'khor lo skor bar ston pa dang / skad cig la 'jig rten gyi khams thams cad du sangs rgyas kyis sems can rnams ji ltar smin cing 'dul ba'i dus ji lta ba bzhin du mkhyen nas mgu bar mdzad pa ston pa dang / skad cig la 'jig rten gyi khams thams cad du sems can rnams ji ltar 'dul ba bzhin du de bzhin gshegs pa'i sku sna tshogs brjod du med pa'i dmigs pa ston pa dang / skad cig la 'jig rten gyi khams thams cad du brjod du med pa'i rgyan sna tshogs kyis brgyan cing / khyu mchog de bzhin gshegs pa'i thams cad mkhyen pa'i mdzod ston pa dang / skad cig la 'jig rten gyi khams thams cad du thams cad rnam par dag pa ston pa dang / skad cig la 'jig rten gyi khams thams cad du 'das pa dang / ma 'ongs pa dang / da ltar byung ba'i sangs rgyas 'byung ba dang / dbang po dang / brtson 'grus dang / dad pa sna tshogs kyis spyod pa'i rim pa dang / dus gsum gyi sangs rgyas kyis rigs mngon par mkhyen pa ston pa ste/ kye rgyal ba'i sras 'di ni sangs rgyas bcom ldan 'das rnams sangs rgyas kyi ye shes mngon par sgrubs pa'i mtshan nyid ston pa bcu'o/ /kye rgyal ba'i sras sangs rgyas bcom ldan 'das rnams kyi dus las mi 'da' ba bcu ste/ bcu gang zhe na/ sangs rgyas bcom ldan 'das rnams dus mkhyen nas mngon par rdzogs par 'tshang rgya ba las mi 'da' ba dang / dus de rnams</font><hr>56.183a<br><font size=+1>

sangs rgyas bcom ldan 'das rnams dus mkhyen nas yang dag par dge ba'i rnam par smin pa'i rnam par smin pa las mi 'da' ba dang / sangs rgyas bcom ldan 'das rnams dus mkhyen nas yongs su smin pa'i byang chub sems dpa' rnams lung ston pa dang / sangs rgyas bcom ldan 'das rnams dus mkhyen nas sems can gyi bsam pa bzhin du cho 'phrul ston pa dang / sangs rgyas bcom ldan 'das rnams dus mkhyen nas sems can rnams ji ltar dad pa bzhin du sangs rgyas kyi sku'i byin gyi brlabs ston pa dang / sangs rgyas bcom ldan 'das rnams dus mkhyen nas btang snyoms la gnas pa dang / sangs rgyas bcom ldan 'das rnams dus mkhyen nas grong dang / grong khyer dang / grong rdal du 'jug pa dang / sangs rgyas bcom ldan 'das rnams dus mkhyen nas ji ltar rab tu dang ba'i sems can rnams rab tu 'dzin pa dang / sangs rgyas bcom ldan 'das rnams dus mkhyen nas nyon mongs shing gdul dka' ba'i sems can la mi btsams pas 'dul ba dang / sangs rgyas bcom ldan 'das rnams dus mkhyen nas sangs rgyas kyi rnam par sprul pa bsam gyis mi khyab pa dmigs pa ston pa ste/ kye rgyal ba'i sras 'di ni sangs rgyas bcom ldan 'das rnams dus de nas dus las mi 'da' ba'o/ /kye rgyal ba'i sras sangs rgyas bcom ldan 'das rnams kyi yul mtshungs pa med cing bsam gyis mi khyab pa bcu ste/ bcu gang zhe na/ skyil mo krung gcig gis 'jig rten gyi khams thams cad ma lus par khyab pa dang / sangs rgyas thams cad tshigs su bcad pa'i rtsa ba cig yang dag par rab tu ston pa dang / 'od zer gcig gis 'jig rten gyi khams thams cad ma lus par snang ba dang / sku gcig gis sku thams cad du ston pa dang / phyogs gcig gis gnas dmigs</font><hr>56.183b<br><font size=+1>

pas 'jig rten gyi khams thams cad ma lus pa'i rjes su 'gro ba'i sku dang / ye shes gcig gis chos thams cad bsgribs pa med par chud pa dang / dus mkhyen nas sems cig bskyed pas chos thams cad kyi dbyings kyis ma lus par khyab pa dang / sangs rgyas kyi che ba tshad med pa'i rjes su song zhing gom pa gcig la de kho na nyid ston pa dang / dus gsum thams cad du sangs rgyas kyi zhing phun sum tshogs pas khyab pa dang / sangs rgyas 'gro ba thams cad dang mi 'dre zhing 'das pa dang / ma 'ongs pa dang / da ltar byung ba'i ngo bo nyid gcig ste/ gnyis su med par spyod pa'o/ /kye rgyal ba'i sras 'di ni sangs rgyas bcom ldan 'das rnams kyi yul mtshungs pa med cing bsam gyis mi khyab pa bcu'o/ /kye rgyal ba'i sras de bzhin gshegs pa rnams sangs rgyas kyi byin brlabs mngon par sgrub pa mkhyen pa bcu ste/ bcu gang zhe na/ chos thams cad la mi gnas par 'jug cing smon lam mngon par sgrub pa mkhyen pa dang / lus med pa'i lus mngon par sgrub pa mkhyen pa dang / chos thams cad gnyis su med pas mngon par rdzogs par byang chub par sgrub pa mkhyen pa dang / sems can bdag med pa'i mthar gyur pa la sems can 'dul ba mngon par sgrub pa mkhyen pa dang / chos thams cad mtshan ma med pa la mtshan ma sna tshogs mngon par sgrub pa mkhyen pa dang / 'jig rten gyi khams kyi yul thams cad ma lus pa 'jig rten gyis khams thams cad sdud pa dang 'gyur ba mngon par sgrub pa mkhyen pa dang / yul thams cad la mngon par 'du mi byed cing las kyi rnam par smin pa mngon par sgrub pa mkhyen pa dang / chos thams cad brjod du med pa'i dbyings su mngon par sgrub pa mkhyen pa dang / kun nas nyon mongs pa yang ma yin/ rnam par byang ba yang ma yin par mngon par sgrub pa mkhyen pa dang / </font><hr>56.184a<br><font size=+1>

chos thams cad skye ba med pa la skye zhing 'god pa'i mtshan nyid rkyen dang 'du ba tshogs te byung ba mngon par sgrub pa mkhyen pa ste/ kye rgyal ba'i sras 'di ni de bzhin gshegs pa rnams sangs rgyas kyi byin gyis brlabs mngon par sgrub pa mkhyen pa bcu'o/ /kye rgyal ba'i sras sangs rgyas bcom ldan 'das rnams su gtogs pa tshad med pa bcu ste/ bcu gang zhe na/ dus gsum thams cad kyi rjes su 'gro ba sangs rgyas bcom ldan 'das rnams su gtogs pa dang / sems can thams cad 'dul ba'i cho 'phrul gsum sangs rgyas bcom ldan 'das rnams su gtogs pa dang / sangs rgyas kyi chos dang / gzungs dang tshigs su bcad pa'i rtsa ba rab tu dbye ba la mkhas pas sangs rgyas bcom ldan 'das rnams su gtogs pa dang / chos kyi 'khor lo thams cad dang / de bzhin gshegs pa'i so so yang dag par rig pa bzhi sangs rgyas bcom ldan 'das rnams su gtogs pa dang / snying rje chen pos sems can thams cad yongs su mi gtong ba sangs rgyas bcom ldan 'das rnams su gtogs pa dang / dus thams cad du sems can thams cad la rnam par gzigs shing rtag tu mnyam pas phan par mdzad pa sangs rgyas bcom ldan 'das su gtogs pa dang / dge ba'i rtsa bas sems can thams cad 'dul ba sangs rgyas bcom ldan 'das rnams su gtogs pa dang / chos thams cad kyi dbyings la mi chags par gnas pa sangs rgyas bcom ldan 'das rnams su gtogs pa dang / skad cig la 'das pa dang / ma 'ongs pa dang / da ltar byung ba'i sangs rgyas 'byung ba thams cad sangs rgyas bcom ldan 'das rnams su gtogs pa dang / nyi ma gcig la dus gsum gyi bskal pa thams cad kyi rjes su 'gro zhing ston pa sangs rgyas bcom ldan 'das rnams su gtogs pa ste/ kye rgyal ba'i sras 'di ni</font><hr>56.184b<br><font size=+1>

sangs rgyas bcom ldan 'das rnams su gtogs pa tshad med pa bcu'o/ /kye rgyal ba'i sras sangs rgyas bcom ldan 'das rnams kyi shin tu bzod par dka' ba'i chos kyi bla re bcu ste/ bcu gang zhe na/ bdud kyis rgol ba bcom zhing gtor ba sangs rgyas bcom ldan 'das rnams kyi shin du bzod par dka' ba'i chos kyi bla re chen po dang / gzhan mur 'dug dang pha rol rgol ba thams cad tshar gcod pa shin du bzod par dka' ba'i chos kyi bla re chen po dang / sems can thams cad 'dul zhing tshim par mdzad pa sangs rgyas bcom ldan 'das kyi shin du bzod par dka' ba'i chos kyi bla re chen po dang / sems can 'dul ba'i dbang gis 'jig rten gyi khams thams cad du gshegs pa sangs rgyas bcom ldan 'das rnams kyi shin du bzod par dka' ba'i chos kyi bla re chen po dang / chos kyi dbyings rab tu phigs shing mkhyen pa sangs rgyas bcom ldan 'das rnams kyi shin du bzod par dka' ba'i chos kyi bla re chen po dang / 'jig rten gyi khams thams cad ma lus pa'i rjes su 'gro ba'i sku gnyis su med pas sangs rgyas kyi sku sna tshogs rnam par phye ba sangs rgyas bcom ldan 'das rnams kyi shin du bzod par dka' ba'i chos kyi bla re chen po dang / sangs rgyas bcom ldan 'das kyis dbyangs kyi yan lag thams cad kyis so so yang dag par rig pa bzhi la 'jug pa'i gnas dang / so so yang dag par rig pa ston pa dang / sems can gti mug med cing dang ba'i sems can thos pas 'dul ba shin du bzod par dka' ba'i chos kyi bla re chen po dang / sangs rgyas bcom ldan 'das rnams ba spu'i bu ga gcig bzhin du ba spu'i khams thams cad nas rab tu phra ba'i rdul dang mnyam pa de snyed gshegs pa gnas pa'i tshul gyis 'byung ba dang / sangs rgyas kyi sku'i ba spu'i bu ga nas 'di bzhin du rim pas 'jig rten gyi</font><hr>56.185a<br><font size=+1>

khams thams cad kyi rab tu phra ba'i rdul dang mnyam pa'i sems can 'byin pa ste/ 'di ni sangs rgyas bcom ldan 'das rnams kyi shin du bzod par dka' ba'i chos kyi bla re chen po'o/ /de bzhin gshegs pa dgra bcom pa yang dag par rdzogs pa'i sangs rgyas kyi gnas gcig gi rab tu phra ba'i rdul la 'jig rten gyi khams thams cad kyi rab tu phra ba'i rdul dang mnyam pa'i sangs rgyas kyi zhing ston pa dang / sangs rgyas kyi rgyan rang bzhin gyis 'tsher bas chos kyi 'khor lo skor zhing sems can 'dul ba rgyun mi gcod la gtong ba med kyang gnod pa med cing 'jig rten gyi khams thams cad du'ang gnod pa med de/ rab tu phra ba'i rdul de rgyas par byas pa 'ang med/ 'jig rten gyi khams chung ngur byas pa'ang med pa chos kyi dbyings rab tu rtogs shing mkhyen nas gnas pa ste/ 'di ni sangs rgyas bcom ldan 'das rnams kyi shin du bzod par dka' ba'i chos kyi bla re chen po'o/ /mun pa med pa'i dbyings su de bzhin gshegs pas mngon par rdzogs par sangs rgyas te mun pa dang bcas pa snang bar gyur nas/ sangs rgyas kyi chos rab rib med pa/ rnam par rab rib med pa'i gnas la sems can pha rol 'dzud pa dang / de na bcom ldan 'das de bzhin gshegs pa'i stobs bcu'i rjes su song ba ste/ 'di ni sangs rgyas bcom ldan 'das rnams kyi shin du bzod par dka' ba'i chos kyi bla re chen po bcu'o/ kye rgyal ba'i sras 'di ni sangs rgyas bcom ldan 'das rnams kyi zil gyis gnon pa'i chos kyi bla re chen po bcu'o/ /kye rgyal ba'i sras sangs rgyas bcom ldan 'das rnams kyi che ba thams cad du kha na ma tho ba med cing shin du rnam par dag pa bcu ste/ bcu gang zhe na/ sangs rgyas bcom ldan 'das rnams kyi che ba shin du bsgrubs te/ thams cad du kha na ma tho ba med cing shin du rnam par dag pa dang / sangs rgyas</font><hr>56.185b<br><font size=+1>

bcom ldan 'das rnams kyi rigs sngon nas mtho bas 'das pa dang / ma 'ongs pa dang / da ltar byung ba'i sangs rgyas bcom ldan 'das kyi rigs thams cad du kha na ma tho ba med cing shin du rnam par dag cing de bzhin gshegs pa'i rigs rnam par dag pa dang / sangs rgyas bcom ldan 'das rnam par shes pa la mi gnas shing phyi ma'i mtha' ma'i sangs rgyas bcom ldan 'das rnams kyi che ba thams cad du kha na ma tho ba med cing rnam par dag pa dang / sangs rgyas bcom ldan 'das rnams chos thams cad la gnas pa bcom zhing dus gsum la mi gnas par spyod pa ste/ 'di ni sangs rgyas bcom ldan 'das rnams kyi che ba thams cad du kha na ma tho ba med cing shin du rnam par dag pa'o/ /sna tshogs kyi blang ba med pas sangs rgyas bcom ldan 'das rgyan gcig pa'i ngo bo ste/ 'di ni sangs rgyas bcom ldan 'das rnams kyi che ba thams cad du kha na ma tho ba med cing shin du rnam par dag pa'o/ /sangs rgyas bcom ldan 'das bsod nams zad mi shes pas sngon gyi mtha' dang / phyi ma'i mtha' mnyam pa'i chos kyi dbyings la gnas pa'i bsod nams zad mi shes pa dang ldan pa ste/ 'di ni sangs rgyas bcom ldan 'das rnams kyi che ba thams cad du kha na ma tho ba med cing shin du rnam par dag pa'o/ /sems can 'dul ba'i don gyi dbang gis sangs rgyas bcom ldan 'das gzugs dang kha dog mtha' med par 'jig rten gyi khams thams cad na chags pa med par bzhugs te/ 'di ni sangs rgyas bcom ldan 'das rnams kyi che ba thams cad du kha na ma tho ba med cing shin du rnam par dag pa'o/ /sangs rgyas bcom ldan 'das 'jig pa med pa bzhi brnyes te/ bag tsha ba med par gnas nas khyu mchog seng ge'i sgra sgrog ste/ stag chen po ltar rgol ba rnam par gon cing / me mar lta bu'i kun du rtog pas chos ston te/ 'di ni</font><hr>56.186a<br><font size=+1>

sangs rgyas bcom ldan 'das rnams kyi che ba thams cad du kha na ma tho ba med cing shin du rnam par dag pa'o/ /sangs rgyas bcom ldan 'das brjod du med pa'i yang brjod du med pa'i bskal pa nas yongs su mya ngan las 'das mod kyi/ 'on kyang ming mang po rnam par rigs pas sems can rnams kyi sbyin gnas sbyong ste/ ji ltar zhugs pa bzhin no/ /de srid du yun ring po nas yongs su mya ngan las 'das pa rnams kyang rung ste/ sangs rgyas bcom ldan 'das rnams la sbyin gnas bskrun pa ni yongs su zad par mi 'gyur te/ 'di ni sangs rgyas bcom ldan 'das rnams kyi che ba thams cad du kha na ma tho ba med cing shin du rnam par dag pa'o/ /sangs rgyas bcom ldan 'das brjod du med pa'i yang brjod du med pa'i 'jig rten gyi khams thams cad las ring ba'i 'jig rten gyi khams na bzhugs kyang / 'jig rten gyi khams 'di na gnas pa'i sems can gyis sangs rgyas bcom ldan 'das rjes su dran na sku ston par mdzad de/ 'di ni sangs rgyas bcom ldan 'das rnams kyi che ba thams cad du kha na ma tho ba med cing shin du rnam par dag pa'o/ /kye rgyal ba'i sras 'di ni sangs rgyas bcom ldan 'das kyi che ba ste/ thams cad du kha na ma tho ba med cing shin du rnam par dag pa bcu'o/ /kye rgyal ba'i sras sangs rgyas bcom ldan 'das rnams kyi shin du rnam par dag pa bcu ste/ bcu gang zhe na/ sangs rgyas bcom ldan 'das kyi sngon gyi smon lam shin du rnam par dag pa dang / sangs rgyas bcom ldan 'das kyis tshangs par spyod pa dang / sangs rgyas bcom ldan 'das rnams kyi ma chags pa'i tshul khrims rnam par dag cing shin du rnam par dag pa dang / sangs rgyas bcom ldan 'das kyis sems can thams cad phung po las byung bar mdzad pa shin du rnam par dag pa dang / sangs rgyas bcom ldan 'das kyi sangs</font><hr>56.186b<br><font size=+1>

rgyas kyi zhing shin du rnam par dag pa dang / sangs rgyas bcom ldan 'das kyis g.yog 'khor shin du rnam par dag pa dang / sangs rgyas bcom ldan 'das kyi chos kyi sku shin du rnam par dag pa dang / sangs rgyas bcom ldan 'das kyis gzugs kyi sku'i mtshan dang dpe byad bzang po rnam par dag cing shin du rnam par dag pa dang / sangs rgyas bcom ldan 'das kyis chos kyi sku shin du rnam par dag pa dang / sangs rgyas bcom ldan 'das kyis bsgribs pa med pa'i thams cad mkhyen pa'i ye shes kyi phung po shin du rnam par dag pa dang / sangs rgyas bcom ldan 'das kyis sangs rgyas thams cad kyi rnam par thar ba dang / rnam par gnon par mdzad pa dam pa'i mchog brnyes pa shin du rnam par dag pa ste/ kye rgyal ba'i sras 'di ni sangs rgyas bcom ldan 'das rnams kyi shin du rnam par dag pa bcu'o/ /kye rgyal ba'i sras su dus thams cad du 'jig rten gyi yul khams thams cad na sangs rgyas bcom ldan 'das kyis mdzad pa bcu ste/ bcu gang zhe na/ sangs rgyas rjes su dran pa rab tu rnyed pa'i sems can rnams la dus thams cad du sangs rgyas ston pa dang / dus thams cad du sems can shes kyi sems can la chos ston pa dang / dus thams cad du sangs rgyas la sems rab tu dang ba'i sems can la tshad med pa'i dge ba'i rtsa ba bskyed pa dang / dus thams cad du chos mi 'gyur ba'i lam du 'das pa'i sems can la ye shes rtogs par mdzad pa dang / dus thams cad du 'gro ba thams cad la sangs rgyas kyi mdzad pa rgyun mi gcod pa dang / dus thams cad du 'jig rten gyi khams thams cad du de bzhin gshegs pa mi chags par bzhud pa dang / dus thams cad du sems can thams cad la thugs rje chen po rgyun mi gcod pa dang / dus thams cad du sangs rgyas bcom ldan 'das rnams rnam par sprul pa la bzhugs pa dang / dus thams cad du sangs rgyas bcom ldan 'das rnams sangs rgyas sna tshogs su</font><hr>56.187a<br><font size=+1>

sprul par bzhugs pa dang / dus thams cad du sangs rgyas bcom ldan 'das rnams sangs rgyas kyi mthus chos kyi dbyings la gnas pa ste/ kye rgyal ba'i sras 'di ni dus thams cad du 'jig rten gyi yul khams thams cad na/ sangs rgyas bcom ldan 'das rnams kyi sangs rgyas kyi mdzad pa bcu'o/ /kye rgyal ba'i sras de bzhin gshegs pa dgra bcom pa yang dag par rdzogs pa'i sangs rgyas rnams kyi ye shes kyi rgya mtsho'i tshul mi zad pa bcu ste/ bcu gang zhe na/ sangs rgyas bcom ldan 'das kyis de bzhin gshegs pa'i sku'i ye shes kyi rgya mtsho mi zad pa dang / sangs rgyas bcom ldan 'das sangs rgyas kyi mdzad pa tshad med pa brnyes pa'i ye shes kyi rgya mtsho mi zad pa dang / sangs rgyas bcom ldan 'das sangs rgyas kyi spyan gyi yul gyi ye shes kyi rgya mtsho mi zad pa dang / sangs rgyas bcom ldan 'das kyi dge ba'i rtsa ba tshad med pa bsam gyis mi khyab pa'i ye shes kyi rgya mtsho mi zad pa dang / sangs rgyas bcom ldan 'das kyi chos thams cad kyi char 'bebs pa'i ye shes kyi rgya mtsho mi zad pa dang / sangs rgyas bcom ldan 'das kyi sangs rgyas kyi yon tan dang / kha dog gi ye shes kyi rgya mtsho mi zad pa dang / sangs rgyas bcom ldan 'das thams cad mkhyen pas sngon gyi mtha' nas smon lam spyod pa'i ye shes kyi rgya mtsho mi zad pa dang / sangs rgyas bcom ldan 'das phyi ma'i mthar 'gro ba thams cad la sangs rgyas kyi mdzad pa rgyun mi gcod pa'i ye shes kyi rgya mtsho mi zad pa dang / sangs rgyas bcom ldan 'das sems can ma lus pa'i ris thams cad kyi sems kyi spyod pa'i ye shes kyi rgya mtsho mi zad pa dang / sangs rgyas bcom ldan 'das kyi thams cad mkhyen pa'i bsod nams zil gyis mi gnon pa'i ye shes kyi rgya mtsho mi zad pa ste/ kye rgyal</font><hr>56.187b<br><font size=+1>

ba'i sras 'di ni de bzhin gshegs pa dgra bcom pa yang dag par rdzogs pa'i sangs rgyas rnams kyi ye shes kyi rgya mtsho mi zad pa bcu'o/ /kye rgyal ba'i sras sangs rgyas bcom ldan 'das rnams kyi sangs rgyas kyi spyan bcu ste/ bcu gang zhe na/ gang 'di ltar sangs rgyas bcom ldan 'das rnams thams cad kyi pha rol du phyin cing mngon par byung ba'i spyan dang / gang 'di ltar sangs rgyas bcom ldan 'das rnams kyis chos thams cad mi mkhyen pa mi mnga' ba'i spyan dang / gang 'di ltar sangs rgyas bcom ldan 'das rnams thams cad la thugs rje che ba'i spyan dang / gang 'di ltar sangs rgyas bcom ldan 'das rnams tshad med pa'i stobs bcu thams cad dang ldan pa'i spyan dang / gang 'di ltar sangs rgyas bcom ldan 'das rnams bla na med pa'i chos kyi 'khor lo skor ba'i spyan dang / gang 'di ltar sangs rgyas bcom ldan 'das rnams sems can thams cad 'dul bar zhugs pa'i spyan dang / gang 'di ltar sangs rgyas bcom ldan 'das 'gro ba thams cad mngon du rdzogs par sangs rgyas par mdzad pa'i spyan dang / gang 'di ltar sangs rgyas bcom ldan 'das rnams bzhugs pas 'dul ba'i sems can la 'dul ba'i spyan dang / gang 'di ltar sangs rgyas bcom ldan 'das rnams gnyis su med par spyod pa'i chos kyi mtshan nyid la dbang ba'i spyan dang / gang 'di ltar sangs rgyas bcom ldan 'das rnams ji ltar sems can btul te smin par mdzad nas/ sangs rgyas kyi yul gyi mtha'i phyir sangs rgyas yongs su mya ngan las 'da' bar ston pa ste/ kye rgyal ba'i sras 'di ni sangs rgyas bcom ldan 'das rnams kyi sangs rgyas kyi spyan bcu'o/ /kye rgyal ba'i sras sangs rgyas bcom ldan 'das rnams kyi sangs rgyas kyi chos mtha' yas par ston pa bcu ste/ bcu gang zhe na/ </font><hr>56.188a<br><font size=+1>

sangs rgyas bcom ldan 'das sems can gyi khams la mtha' yas par ston pa'i sgo dang / sangs rgyas bcom ldan 'das sems can gyi spyod pa sna tshogs mtha' yas par ston pa'i sgo dang / sangs rgyas bcom ldan 'das sems can thams cad kyi las kyi rnam par smin pa mtha' yas par ston pa'i sgo dang / sangs rgyas bcom ldan 'das sems can thams cad la gdams pa rjes su bstan pa mtha' yas par ston pa'i sgo dang / sangs rgyas bcom ldan 'das sems can gyi khams rnam par spyod pa'i nan tan mtha' yas par ston pa'i sgo dang / sangs rgyas bcom ldan 'das byang chub sems dpa'i spyod pa gdams pa mtha' yas pa bstan pa la 'god pa'i sgo dang / sangs rgyas bcom ldan 'das byang chub sems dpa'i rim pa'i khyad par bzhin smon lam gyis 'byung ba mtha' yas par ston pa'i sgo dang / sangs rgyas bcom ldan 'das sems can gyi khams ma lus pa thams cad la sdud pa dang 'gyur ba mtha' yas par ston pa'i sgo dang / sangs rgyas bcom ldan 'das rnams kyi sangs rgyas kyi zhing rnam par dag par byang chub sems dpa' rnams kyi bsam pa dang dad pa bzhin ston pa'i sgo dang / 'jig rten gyi khams ma lus pa thams cad ni 'das pa dang / ma 'ongs pa dang / da ltar byung ba de dang de dag tu sangs rgyas thams cad cig nas gcig tu bskal par 'byung ba sangs rgyas bcom ldan 'das rnams kyi mthus bsdus nas yongs su snang zhing / sangs rgyas thams cad kyi ye shes rnam par rig pa mtha' yas pa'i sgo ste/ kye rgyal ba'i sras 'di ni sangs rgyas bcom ldan 'das rnams kyi chos mtha' yas par ston pa bcu'o/ /kye rgyal ba'i sras sangs rgyas bcom ldan 'das rnams kyi sangs rgyas kyi mdzad pa bcu ste/ bcu gang zhe na/ </font><hr>56.188b<br><font size=+1>

sangs rgyas bcom ldan 'das rnams kyi gzugs kyi sku bstan pas kyang sems can rnams la sangs rgyas kyi mdzad pa mdzad pa dang / sangs rgyas bcom ldan 'das rnams kyi gsung gis kyang sems can rnams la sangs rgyas kyi mdzad pa mdzad pa dang / sangs rgyas bcom ldan 'das rnams kyi gzung bas kyang sems can rnams la sangs rgyas kyi mdzad pa mdzad pa dang / sangs rgyas bcom ldan 'das rnams kyis mi 'dzin pas kyang sems can rnams la sangs rgyas kyi mdzad pa mdzad pa dang / sangs rgyas bcom ldan 'das kyis sa dang / chu dang me dang / rlung gis kyang sems can rnams la sangs rgyas kyi mdzad pa mdzad pa dang / sangs rgyas bcom ldan 'das rnams kyi byin gyis brlabs kyis yul gyi dbang gis brtsam pa'i yul thams cad kyis kyang sems can rnams la sangs rgyas kyi mdzad pa mdzad pa dang / sangs rgyas bcom ldan 'das rnams kyi mtshan gyis kyang sems can rnams la sangs rgyas kyi mdzad pa mdzad pa dang / sangs rgyas bcom ldan 'das kyi zhing rtsom pas kyang sems can rnams la sangs rgyas kyi mdzad pa mdzad pa dang / sangs rgyas bcom ldan 'das kyi sangs rgyas kyi zhing yongs su dag pas kyang sems can rnams la sangs rgyas kyi mdzad pa mdzad pa dang / sangs rgyas bcom ldan 'das cang mi gsungs pas kyang sems can rnams la sangs rgyas kyi mdzad pa mdzad pa ste/ kye rgyal ba'i sras 'di ni sangs rgyas bcom ldan 'das rnams sems can rnams kyi sangs rgyas kyi mdzad pa mdzad pa bcu'o/ /kye rgyal ba'i sras sangs rgyas bcom ldan 'das rnams kyi sems can gyi chos kyi snying po bcu ste/ bcu gang zhe na/ smon lam rgyun mi gcod cing smon lam brtan pa dang / </font><hr>56.189a<br><font size=+1>

gnyis su med par bshad pa ji ltar smras pa de bzhin byed pa ste/ 'di ni sems can gyi chos kyi snying po dang po'o/ /byang chub sems dpa'i spyod pa la rab tu brtson zhing ma zhum par phyi ma'i mtha' bskal par 'gro zhing yon tan gyi rgyan thams cad yongs su rdzogs pa ste/ 'di ni sems can gyi chos kyi snying po gnyis so/ /brjod du med pa'i yang brjod du med pa'i 'jig rten gyi khams na 'dul bar 'os pa'i sems can gcig gzigs na yang mi bzhugs par 'jig rten gyi khams thams cad du gshegs te/ 'di ni sems can gyi chos kyi snying po gsum mo/ /sems can gyi sems mi 'phrogs pa la thugs rje chen po mnyam pa dang / sems can sems rab tu dang ba la thugs rje chen po mnyam pa ste/ 'di ni sems can gyi chos kyi snying po bzhi'o/ /de bzhin gshegs pa dgra bcom pa yang dag par rdzogs pa'i sangs rgyas 'byung ba'ang ma yin/ ma byung ba'ang ma yin/ gang nas bla na med pa yang dag par rdzogs pa'i byang chub tu zhugs nas nam bla na med pa yang dag par rdzogs pa'i byang chub tu mngon par rdzogs par sangs rgyas kyi bar du byang chub kyi sems mi 'jig ste/ 'di ni sems can gyi chos kyi snying po lnga'o/ /dge ba'i rtsa ba thams cad bsdus nas thams cad mkhyen pa nyid du bsngo bar 'jug cing 'jig rten gyi phyir mi spyod pa ste/ 'di ni sems can gyi chos kyi snying po drug go/ /thog mar sems kyis sangs rgyas thams cad kyi sangs rgyas kyi spyod pa'i rjes su lus kyi las dang / ngag gi las dang / yid kyi las la slob ste/ thams cad mkhyen par bsngo zhing nyan thos dang rang sangs rgyas kyi spyod par ma yin pas bla na med pa yang dag par rdzogs pa'i byang chub du mngon par rdzogs par sangs rgyas pa ste/ </font><hr>56.189b<br><font size=+1>

'di ni sems can gyi chos kyi snying po bdun no/ /mtha' yas par 'od thams cad kun du snang ba dang / sangs rgyas kyi chos thams cad snang ba dang / byang chub sems dpa' sems rnam par dag pa 'di snang ba thams cad mtshungs pa thams cad mtshungs par thams cad mkhyen pa nyid du yongs su rdzogs par byed pa ste/ 'di ni sems can gyi chos kyi snying po brgyad do/ /'jig rten gyi bde ba thams cad spong ba dang / 'jig rten gyi dga' ba la mi 'dod pa dang / 'jig rten thams cad kyis ma gos pa'i smon lam thams cad mtshungs par 'jig rten gyi bde ba thams cad dang ldan pas sdug bsngal thams cad 'jig cing spros pa thams cad med pa ste/ 'di ni sems can gyi chos kyi snying po dgu'o/ /sangs rgyas kyi yul la dad pas dka' ba dang dka' thub kyi sems bskyed do/ /sangs rgyas thams cad kyi rigs bsrung ba la brtson pas 'gro ba thams cad dang mnyam par sdug bsngal thams cad rigs pas rig cing stobs dang sa bcu'i bar gyi mthar byung ba ste/ 'di ni sems can gyi chos kyi snying po bcu pa'o/ /kye rgyal ba'i sras 'di ni sangs rgyas bcom ldan 'das rnams kyi sems can gyi chos kyi snying po bcu'o/ /kye rgyal ba'i sras sangs rgyas bcom ldan 'das rnams kyi mi chags par spyod pa bcu ste/ bcu gang zhe na/ sangs rgyas bcom ldan 'das 'jig rten gyi khams ma lus pa thams cad du gshegs pa yang mi chags par spyod pa dang / sangs rgyas bcom ldan 'das 'jig rten gyi khams ma lus pa thams cad na bzhugs pa yang mi chags par spyod pa dang / sangs rgyas bcom ldan 'das 'jig rten gyi khams ma lus pa thams cad na 'chag bzhengs/ bzhugs pa yang mi chags par spyod pa dang / sangs rgyas</font><hr>56.190a<br><font size=+1>

bcom ldan 'das 'jig rten gyi khams ma lus pa thams cad na chos ston pa yang mi chags par spyod pa dang / sangs rgyas bcom ldan 'das 'jig rten gyi khams ma lus pa thams cad dang / dga' ldan gnas su gshegs pa yang mi chags par spyod pa dang / sangs rgyas bcom ldan 'das chos kyi dbyings ma lus pa thams cad dang / sngon gyi mtha' dang / phyi ma'i mtha' dang / da ltar byung ba la yang mi chags par spyod pa dang / sangs rgyas bcom ldan 'das 'jig rten gyi khams ma lus pa thams cad du tshad med pa'i 'khor gyi dkyil 'khor du gshegs pa yang mi chags par spyod pa dang / sems can ma lus pa thams cad kyi sems kyi spyod pa la rnam par gzigs shing sems kyi skad cig ma gcig la cho 'phrul gsum ston cing sems can 'dul ba yang mi chags par spyod pa dang / sangs rgyas bcom ldan 'das kyi sku gcig gis tshad med bsam gyis mi khyab par gshegs shing sangs rgyas kyi spyod pa chen po spyod pa yang mi chags par spyod pa dang / sangs rgyas bcom ldan 'das tshad med bsam gyis mi khyab par gshegs shing sems can tshad med pa bcu rdul yab ma lus pa thams cad la ston pa dang / sangs rgyas bcom ldan 'das kyis de bzhin gshegs pa ma lus pa thams cad kyi mtha' yas bsdus pa yang mi chags par spyod pa ste/ kye rgyal ba'i sras 'di ni sangs rgyas bcom ldan 'das kyi mi chags par spyod pa bcu'o/ /kye rgyal ba'i sras sangs rgyas bcom ldan 'das rnams kyi sangs rgyas kyi sku'i rgyan mchog dam pa bla na med pa bcu ste/ bcu gang zhe na/ sangs rgyas bcom ldan 'das rnams kyi sku'i mtshan dang dpe byad bzang pos brgyan pa sangs rgyas kyi sku'i rgyan mchog dam pa bla na med pa'o/ /sangs rgyas bcom</font><hr>56.190b<br><font size=+1>

ldan 'das rnams yan lag drug bcu mchog dam pa dang ldan zhing gsung gi yan lag brgya rtsa lnga yongs su bzung ba brgya stong du mas brgyan pa mtha' dang mu med pa'i dbyangs kyi yan lag rnam par dag pa brjod du med pa'i sangs rgyas kyi chos dang / don tshig 'bru rab tu dang ba dang / 'jigs pa med pa chen pos mi 'jigs shing bag tsha ba med par seng ge'i sgra sgrags pas chos kyi dbyings ma lus pa thams cad sems can thams cad la thos pa dang / snang ba dang / shes par mdzad pa dang / sems can rnams kyi bsam pa sna tshogs dang / dbang po sna tshogs kyi rim pa so sor slong zhing 'dul ba ste/ 'di ni sangs rgyas bcom ldan 'das rnams kyi gsung gi rgyan mchog dam pa bla na med pa'o/ /sangs rgyas bcom ldan 'das kyi yid kyi las stobs bcus brgyan pa/ sangs rgyas thams cad ting nge 'dzin chen pos rgyas shing sangs rgyas kyi chos ma 'dres pa bcwa brgyad kyi rgyan gyis shin du brgyan te chags pa med pa'i yul gyi spyod yul ba/ chos kyi dbyings la rab tu gnas shing sangs rgyas kyi chos thams cad kyi yan lag brnyes te chos kyi dbyings ma lus pa thams cad kyi brgyan dang / sems kyi skad cig ma gcig dang ldan pa'i shes rab kyi dus gsum ma lus pa dang / chos thams cad kyi dbyings dang / sems can thams cad kyi sems kyi spyod pa thams cad rab tu mkhyen pa ste/ 'di ni sangs rgyas bcom ldan 'das rnams kyi thug kyi brgyan dam pa mchog bla na med pa'o/ /sangs rgyas bcom ldan 'das kyis brjod du med pa'i 'od bye ba khrag khrig rab tu btang nas/ 'od zer brjod du med pa gcig nas gcig tu 'od zer gyi dra bar bskor cing zhing ming bcu rdul yab ma lus pa thams cad du snang bar byas pa/ 'jig rten gyi khams thams cad kyi mun</font><hr>56.191a<br><font size=+1>

pa'i rigs ston pa/ 'dzum pa ston pa'i zhal gyi sgo nas 'od zer kha dog sna tshogs du ma kha dog brgya stong bye ba khrag khrig tshad med grangs med pa byung bas phyogs bcu'i 'jig rten gyi khams tshad med grangs med pa ma lus pa thams cad kyi sems can gyi khams la snang bas shes par byed cing / bla na med pa yang dag par rdzogs par byang chub par mdzad pa dang / sangs rgyas 'byung ba dang mi bral zhing sangs rgyas kyi mdzad pa gdon mi za ba phyir mi ldog pa brjod du med pa'i sangs rgyas 'byung zhing bzhugs pa'i sku rnam par dag pas dga' ba med par 'byung ba ste/ 'di ni sangs rgyas bcom ldan 'das rnams kyi 'od kyi rgyan mchog dam pa bla na med pa'o/ /sangs rgyas bcom ldan 'das rnams gzhan du lung ston pa dang / 'gro ba thams cad kyi sgrib pa med par mdzad pa ste/ 'di ni sangs rgyas bcom ldan 'das rnams kyi rab rib med pas 'jig rten thams cad du 'dzum pa mdzad pa ston pa'i rgyan mchog dam pa bla na med pa'o/ /tshad med pa'i sangs rgyas bcom ldan 'das rnams kyi chos kyi sku bsgrib pa med cing rnam par dag pa/ chos thams cad la ma chags pa mtha' med pa'i chos kyi dbyings mtha' dang dbung med par chud pa/ 'jig rten thams cad dang ma 'dres pa/ 'jig rten thams cad de kho na nyid kyi rjes su 'brang ba 'jig rten thams cad 'jig rten las 'das par spyod par 'jug pa'i tshig gi lam chad cing brjod du med par chud pa/ phung po dang / khams dang / skye mched dang bral ba ste/ 'di ni sangs rgyas bcom ldan 'das rnams kyi chos kyi rgyan mchog dam pa bla na med pa'o/ /sangs rgyas bcom ldan 'das kyi 'od tshad med pa/ 'jig rten gyi khams ma lus pa thams cad dbyer med pa'i 'od brjod du med pa'i yang brjod du med pa'i brgyan kha</font><hr>56.191b<br><font size=+1>

dog sna tshogs du ma'i rkyen kun nas mi phrog pa'i 'od/ 'jig rten thams cad la ma chags pa'i 'od/ tshad med pa bsgribs pa med pa'i 'od kyi dkyil 'khor gyi mdzod thams cad khang pa ltar gyur pa ste/ 'di ni sangs rgyas bcom ldan 'das rnams kyi 'od kyi brgyan bla na med pa mchog dam pa'o/ /sangs rgyas bcom ldan 'das kyi kha dog mtha' yas pa/ kha dog 'tsher ba/ kha dog rang bzhin gyis 'tsher ba/ kha dog tshad med pa/ sems can ma lus pa thams cad kyi bsam pa dang / dad pa ji lta ba bzhin du rnam par rig par byed pa'i kha dog ste/ sangs rgyas bcom ldan 'das mi zlog pa'i kha dog dang / kha dog thams cad kyi mchog brnyes pas de las gzhan pa'i kha dog dang / khams gsum gyi kha dog thams cad khyab pa zil gyis mnan pa ste/ 'di ni sangs rgyas bcom ldan 'das rnams kyi kha dog gi rgyan mchog dam pa bla na med pa'o/ /sangs rgyas bcom ldan 'das kyi dge ba shin du rnam par dag pas 'das pa dang / ma 'ongs pa dang / da ltar byung ba'i sangs rgyas kyi rigs dge ba rin po che 'byung ba'i 'jig rten thams cad kyis ma smad pa/ kha na ma tho ba med pas chos thams cad kyi de kho na mnyam pa dang mi mnyam par spyod pa rnam par dag pa'i rgyan dang / de bzhin gshegs pa'i rigs sgribs pa med cing rigs rnam par dag pa thams cad mkhyen pa nyid kyi ye shes las byung zhing 'dus pa ste/ 'di ni sangs rgyas bcom ldan 'das rnams kyi rigs dang / gdung rnam par dag pa'i rgyan mchog dam pa bla na med pa'o/ /sangs rgyas bcom ldan 'das kyi sku byams pa chen po'i stobs kyis brgyan pa shin du dang zhing rnyog pa med pa'i kun du rtog pa'i sku'i 'du byed nyam rangs pa/ shin du rnam par phye ba blta bas mi ngoms pas/ thugs rje chen po'i thugs 'gro ba thams cad kyi</font><hr>56.192a<br><font size=+1>

sbyin gnas dang / skyabs med kyi mchog bla na med pa so sor 'dzin pa rnams la thugs brtse zhing phan par bzhed pa/ sems can thams cad la ye shes chen po'i byin gyis rlob pa bsod nams chen po 'phags pa/ 'gro ba thams cad kyi bsod nams mtha' yas pa'i zhing sems can thams cad la yon tan dang ye shes kyi phung po thams cad rnam par 'phel bar mdzad pa ste/ 'di ni sangs rgyas bcom ldan 'das rnams kyi byams pa chen po dang / thugs rje chen po dang / bsod nams kyis mtha'i rgyan mchog dam pa bla na med pa bcu'o/ /kye rgyal ba'i sras 'di ni sangs rgyas bcom ldan 'das rnams kyi sangs rgyas kyi rgyan mchog dam pa bla na med pa'o/ /'phags pa sangs rgyas kyi chos bsam gyis mi khyab pa bstan pa/ bam po gnyis pa/ /kye rgyal ba'i sras sangs rgyas bcom ldan 'das rnams kyi bdag po dbang gi chos bcu ste/ bcu gang zhe na/ sangs rgyas bcom ldan 'das chos thams cad kyi bdag po dbang gis chos thams cad snang bar mdzad pa dang / mtha' med pa'i tshig dang 'bru la spobs pa chags pa med pa dang / chos ma lus pa thams cad yongs su ston pa ste/ 'di ni sangs rgyas bcom ldan 'das rnams kyi sangs rgyas kyi bdag po'i dbang gi chos dang po'o/ /sangs rgyas bcom ldan 'das kyi bdag pos ji ltar sems can gnas pa'i 'dul zhing yongs su smin pa de ltar smon lam dang chos ston te/ 'di ni sangs rgyas kyi bdag po'i chos gnyis so/ /sangs rgyas bcom ldan 'das kyi bdag pos 'jig rten gyi khams ma lus pa thams cad rnam pa drug tu g.yos kyang sems can gcig la yang gnod pa med pa tshad med grangs med pa'i rgyan gyis brgyan pa/ nam mkha'i khams kyi mtha'i 'jig rten gyi khams ma lus pa thams cad gcig nas</font><hr>56.192b<br><font size=+1>

gcig tu 'deg pa dang / 'jog pa dang / sad pa dang / 'phen pa dang / 'jig rten gyi khams gcig nas gcig dang / phyogs gcig nas gcig tu 'jog kyang sems can gyi khams kun nas gti mi mug cing the tsom med de/ 'di ni sangs rgyas kyi bdag po'i dbang gi chos gsum mo/ /sangs rgyas bcom ldan 'das kyi bdag po'i sems kyi skad cig ma gcig la 'jig rten gyi khams ma lus pa thams cad ye shes kyi byin gyis brlobs te/ rgyan sna tshogs 'jig rten gyi khams gcig nas gcig tu byin gyis rlob pa dang / 'jig rten gyi khams thams cad du lhab lhub dang rgyan ston pa dang / grangs med pa'i bskal par 'jig rten gyi khams ma lus pa thams cad du nyon mongs pa med pa'i lus su ston cing lhab lhub dang rgyan thams cad kyi kha dog mi zad par ston pa dang / sangs rgyas kyi zhing rnam par dag pa thams cad sangs rgyas kyi zhing gcig tu kun 'brang bar byin gyis rlob pa ste/ 'di ni sangs rgyas bcom ldan 'das rnams kyi sangs rgyas kyi bdag po'i dbang gi chos bzhi'o/ /sangs rgyas bcom ldan 'das kyi bdag pos sangs rgyas kyis 'dul ba'i sems can gzigs nas sems can gcig gi phyir brjod du med pa'i yang brjod du med pa'i bskal par dkyil mo dkrung mi 'jig pa gang zag de la dgongs kyang / de bzhin gshegs pa'i sku dang thugs la skyo ba mi mnga' zhing 'dul ba'i dus su de las mi 'da' ste/ ji ltar gang zag re re la yang de bzhin du rim pas 'jig rten gyi khams ma lus pa thams cad kyi phyi ma'i mthar tshe la dbang ba byin gyis brlabs te bzhugs kyang sangs rgyas bcom ldan 'das la kun du bsnyengs pa mi mnga'/ skyo ba mi mnga' ste/ de bzhin du sems can gyi khams ma lus pa thams cad du sangs rgyas kyis 'dul ba'i gang zag gi phyir rim pas rab tu skyong ste/ 'di ni sangs rgyas</font><hr>56.193a<br><font size=+1>

bcom ldan 'das rnams kyi sangs rgyas kyi bdag po'i dbang gi chos lnga'o/ /sangs rgyas bcom ldan 'das kyi bdag pos sems kyi skad cig ma de bzhin gshegs pa 'jig rten gyi khams ma lus pa thams cad du 'brang zhing gshegs nas/ phyogs bcu'i 'jig rten gyi khams 'gyur ba rgya mtsho med pa bcu rdul yab ma lus pa thams cad kyi chos kyi dbyings gcig nas gcig tu thams cad byin gyis brlabs pa dang / phyogs kyi 'jig rten gyi khams thams cad kyi rigs kyi dra ba bzlog cing tshad med par gshegs te/ chos kyi dbyings ston pa dang / mi 'phrogs pa'i chos kyi 'khor lo bskor ba ste/ 'di ni sangs rgyas bcom ldan 'das rnams kyi sangs rgyas kyi bdag po'i dbang gi chos drug go/ /sangs rgyas bcom ldan 'das kyis bdag pos sems kyi skad cig ma la sems can gyi khams 'dul ba'i phyir sems kyi skad cig ma la bla na med pa yang dag par rdzogs pa'i byang chub tu mngon par rdzogs par sangs rgyas kyang 'di ltar mngon du rdzogs par sangs rgyas pa 'ang med/ sangs rgyas kyi chos thams cad las mngon par sangs rgyas pa 'ang med/ mngon du rdzogs par 'tshang rgya bar 'gyur ba 'ang med/ slob pa'i sa la gnas pa dang / mngon par rdzogs par byang chub tu phye ba dang / sangs rgyas kyi chos thams cad bsgribs pa med par rtogs shing rig pa 'ang med de/ sems can 'dul ba'i phyir sangs rgyas rnam par sprul pa chen po'i yul rgyun mi gcod cing dpag tu med pa'i ye shes brnyes te/ 'di ni sangs rgyas bcom ldan 'das rnams kyi sangs rgyas kyi bdag po'i dbang gi chos bdun no/ /sangs rgyas bcom ldan 'das kyi bdag pos gang spyan gyi skye mched kyis sangs rgyas kyi mdzad pa de snyan gyi skye mched kyis kun du sgrub/ gang snyan gyi skye mched kyis sangs</font><hr>56.193b<br><font size=+1>

rgyas kyi mdzad pa de shangs kyi skye mched kyis kun du bsgrub/ gang shangs kyi skye mched kyis sangs rgyas kyi mdzad pa de ljags kyi skye mched kyis kun tu sgrub/ gang ljags kyi skye mched kyis sangs rgyas kyi mdzad pa de sku'i skye mched kyis kun du sgrub/ gang sku'i skye mched kyis sangs rgyas kyi mdzad pa de thugs kyi skye mched kyis kun tu sgrub/ gang thugs kyi skye mched kyis sangs rgyas kyi mdzad pa de'i bar gyis 'jig rten gyi khams ma lus pa thams cad du sna tshogs su rtsom zhing 'jig rten dang / 'jig rten las 'das pa'i rnam par phye ba brnyes te/ de bzhin du rtsom pa re res sgrub cing sprul pas sangs rgyas kyi mdzad pa rtsom pa gcig ji lta ba bzhin du rtsom pa ma lus pa thams cad kyang de bzhin te/ 'di ni sangs rgyas bcom ldan 'das rnams kyi sangs rgyas kyi bdag po'i dbang gi chos brgyad do/ /sangs rgyas bcom ldan 'das kyis dbang pos rang gi sku'i ba spu gcig gi bu gar sems can re re'i lus kyang brjod du med pa'i yang brjod du med pa'i sangs rgyas kyi ltar che ba'i sems can gyi khams ma lus pa thams cad bcug cing nang du 'dus par mdzad de/ de la sems can re res kyang bskal pa grangs med par gnas kyang sems can de dag la gnod pa yang med/ kun du gnod pa med do/ /'jig rten gyi khams brjod du med pa'i 'jig rten gyi khams gcig nas gcig tu gom pa cig gis gshegs te 'jig rten gyi khams de dag gis sangs rgyas byung zhing sangs rgyas byung ba dang / de dag gis brjod du med pa'i 'jig rten gyi khams 'das te/ de'i dbang gis sems can gyi snying pos brjod du med pa'i yang brjod du med pa'i chos kyi 'khor lo bskor bar shes so/ /de la ba spu'i bu ga'i sems can brjod du med pa dag gcig nas gcig tu sangs rgyas su</font><hr>56.194a<br><font size=+1>

gyur te/ gcig nas gcig tu brjod du med pa'i chos kyi 'khor lo skor zhing / gcig nas gcig tu brjod du med pa'i chos kyi dbyings ston/ gcig nas gcig tu 'das pa brjod du med pa dang / gcig nas gcig tu ma 'ongs pa brjod du med pa dang / gcig nas gcig tu da ltar byung ba brjod du med pa snang bar byed/ mtha' dang dbung med pa'i nam mkha'i khams skabs byed pa ston/ sems can thams cad 'ong ba dang / 'gro ba dang / thams cad skye ba'i skye mched dang / bsgribs pa med pa dang / 'dod chags la yongs su spyod par 'jug pa mkhyen te/ 'di ni sangs rgyas bcom ldan 'das rnams kyi sangs rgyas kyi bdag po'i dbang gi chos dgu'o/ /sangs rgyas bcom ldan 'das rnams kyi bdag pos chos kyi dbyings ma lus pa thams cad pad mo'i rgyan chen pos brgyan te pad mo'i snying po'i seng ge'i gdan la de bzhin gshegs pa re re bzhugs pa dang / chos thams cad kyi dbyings dang / sku dpag tu med pa dang / byang chub tu mngon par rdzogs par sangs rgyas pa dang / sangs rgyas thams cad rnam par rol pa ston te/ ji ltar de bzhin gsheg sa pa gcig pa de ltar 'jig rten gyi khams thams cad kyi rab tu phra ba'i rdul dang mnyam par sems can gyi snying po re re sems kyi skad cig ma la byin gyis brlob bo/ /sems kyi skad cig ma gcig ji lta ba bzhin du sems kyi skad cig ma thams cad kyang de bzhin no/ /ji ltar pad ma'i le'u dang / rnam par dag cing mngon du rdzogs par sangs rgyas pa de ltar chos kyi dbyings ma lus pa thams cad dang / med bcu rdul yab brjod du med pa'i yang brjod du med pa'i sangs rgyas kyi zhing rnam par dag pa dang / bsam gyis mi khyab pa'i rgyan sna tshogs dang / 'jig rten gyi khams su rtsom pa sna tshogs kyi rim pa dang / </font><hr>56.194b<br><font size=+1>

med bcu rdul yab brjod du med pa'i zhing rnam par dag pa dang / sna tshogs kyi mtshan nyid dang / mtshan nyid sna tshogs med pa dang / rigs med bcu rdul yab tshad med pa dang / grangs med pa'i dus 'gyur ba dang / mi chags pa ston pa dang / tshad med pa'i blo rgyas pa'i dad pa dang / skad cig ma sna tshogs dang / gnas med pa dang / skad cig ma bsam gyis mi khyab pa dang / tshad med par gshegs pa dang / sems kyi skad cig ma dang / sems kyi skad cig ma gcig la thams cad ston te/ sangs rgyas bcom ldan 'das mched du mdzad pa ni mi mnga'o/ /'di ni sangs rgyas bcom ldan 'das rnams kyi sangs rgyas kyi bdag po'i dbang gi chos bcu'o/ /kye rgyal ba'i sras 'di ni sangs rgyas bcom ldan 'das rnams kyi bdag po'i dbang gi chos bcu'o/ /kye rgyal ba'i sras sangs rgyas bcom ldan 'das rnams kyi sangs rgyas kyi chos tshad med bsam gyis mi khyab pa yongs su rdzogs pa bcu ste/ bcu gang zhe na/ gang gis bsod nams brgya pa'i mtshan mtshan re re nas yongs su dag nas sangs rgyas bcom ldan 'das byang chub tu mngon par rdzogs par 'tshang rgya ste/ 'di ni yongs su rdzogs pa dang po'o/ /sangs rgyas bcom ldan 'das sangs rgyas kyi chos thams cad yongs su rdzogs nas byang chub tu mngon par rdzogs par 'tshang rgya ba dang / sangs rgyas bcom ldan 'das dge ba'i rtsa ba thams cad yongs su rdzogs nas byang chub tu mngon par rdzogs par 'tshang rgya ba dang / sangs rgyas bcom ldan 'das yon tan thams cad kyi 'byung gnas dang / spyod pa rnam par dag pa phun sum tshogs pa yongs su rdzogs nas byang chub tu mngon par rdzogs par 'tshang rgya ba dang / sangs rgyas bcom ldan 'das sems can 'dul zhing yongs su smin par mdzad pa yongs su rdzogs nas byang chub tu mngon par rdzogs par 'tshang</font><hr>56.195a<br><font size=+1>

rgya ba dang / sangs rgyas bcom ldan 'das sangs rgyas kyi bdag po 'gro ba thams cad gang gis kyang zil gyis mi gnon pa yongs su rdzogs nas byang chub tu mngon par rdzogs par 'tshang rgya ba dang / sangs rgyas bcom ldan 'das zhing yongs su dag par mdzad pa yongs su rdzogs nas byang chub tu mngon par rdzogs par 'tshang rgya ba dang / sangs rgyas bcom ldan 'das thams cad mkhyen pa'i ye shes yongs su rdzogs nas byang chub tu mngon par rdzogs par 'tshang rgya ba dang / sangs rgyas bcom ldan 'das gzugs kyi sku'i mtshan dang dpe byad gti mug med par ston pa yongs su rdzogs nas byang chub tu mngon par rdzogs par 'tshang rgya ba dang / sangs rgyas bcom ldan 'das de bzhin gshegs pa thams cad dang mnyam pa nyid yongs su rdzogs nas byang chub tu mngon par rdzogs par 'tshang rgya ba dang / sangs rgyas bcom ldan 'das sangs rgyas kyi mdzad pa mdzad pa thams cad yongs su rdzogs nas yongs su mya ngan las 'da' ste/ kye rgyal ba'i sras 'di ni sangs rgyas bcom ldan 'das rnams kyi sangs rgyas kyi thabs bsam gyis mi khyab pa'i sangs rgyas kyi chos yongs su rdzogs pa bcu'o/ /kye rgyal ba'i sras sangs rgyas bcom ldan 'das rnams kyi sangs rgyas kyi thabs la mkhas pa bcu ste/ bcu gang zhe na/ sangs rgyas bcom ldan 'das kyis byin gyis brlabs ma yin pa'i chos thams cad mkhyen nas spros pa med pa dang dge ba dang / sangs rgyas kyi byin gyis brlabs ston cing snang bar mdzad de/ 'di ni sangs rgyas bcom ldan 'das rnams kyi thabs la mkhas pa dang po'o/ /sangs rgyas bcom ldan 'das rnams kyis chos thams cad bltar med pa dang / phan tshun</font><hr>56.195b<br><font size=+1>

shes par mi rung ba dang / ma bcing ba dang / ma grol ba dang / gzung du med pa dang / reg par mi rung ba dang / ma byung ba'i chos thams cad la mnga' dam pa'i pha rol du phyin pa brnyes shing / sangs rgyas bcom ldan 'das chos de dag thams cad yang dag pa nyid dang / de kho na dang / ma nor ba de bzhin nyid dang / gzhan ma yin pa'i chos thams cad dang / bdag med pa dang / gzung ba med pa'i chos rnams kyi de kho na'i mtha' la chags pa med pa'i dbang du gyur pa de la dbang gis chen po bslabs te/ bslab pa'i rjes su 'brang zhing chos thams cad la gzigs te/ 'di ni sangs rgyas bcom ldan 'das rnams kyi sangs rgyas kyi thabs la mkhas pa gnyis pa'o/ /sangs rgyas bcom ldan 'das mtshan ma thams cad kyi mtha' dang bral zhing mtshan ma thams cad la mi gnas pa/ mtshan ma mngon par mkhyen pas mi chags pa de'i ngo bo nyid dang ngo bo nyid med pa dang / ji ltar ngo bo nyid smra ba'i tshul gyis rjes su song ba/ grangs med pa'i gzugs kyi mtshan ma'i tshogs kyi sku rnam par dag pa sna tshogs kyi zhing thams cad kyi mtshan ma dang spyod pa'i mtshan ma zad par ston pa/ mun pa'i 'du shes kyi phung po yang dag par rab tu 'chang ba mun pa'i 'gro ba thams cad la sgron ma chen pos snang ba ston te/ 'di ni sangs rgyas bcom ldan 'das rnams kyi sangs rgyas kyi thabs la mkhas pa gsum pa'o/ /sngon gyi mtha' dang / phyi ma'i mtha' dang / da ltar byung ba la ma chags pa dang / 'das pa dang / ma 'ongs pa dang / da ltar byung ba dang / chos kyi dbyings la mi gnas pa/ de bzhin nyid kyi mtshan nyid ma byung ba dang / 'das pa dang / ma 'ongs pa dang / da ltar byung ba'i sangs rgyas byung ba snang bar mdzad pa/ brjod du med par bstan pa/ de ltar tshad med</font><hr>56.196a<br><font size=+1>

pa'i rigs kyi phyir dang / sangs rgyas kyi phyir lta ba/ sangs rgyas kyi yul kun tu gzigs pa ste/ 'di ni sangs rgyas bcom ldan 'das rnams kyi sangs rgyas kyi thabs la mkhas pa bzhi pa'o/ /sangs rgyas bcom ldan 'das lus kyi las dang / ngag gi las dang / yid kyi las mngon par 'du mi byed pa/ blang ba med pa dang / rgya med pa'i mtha' la gnas pa/ dor ba med pa'i chos kyi gnas kyi pha rol du song ba/ ma nges pa'i rnam pa'i mdzod dang / grangs kyi spyod pa las legs par tshogs mtha' yas pa sgrub pa dang / sna tshogs kyi rim pa 'jig rten pa dang / 'jig rten las 'das pa'i grangs su gtogs pa'i rjes su song ba/ bsgribs pa med pa'i ye shes kyi lta ba tshad med mtha' yas pa'i rdzu 'phrul sna tshogs mngon par 'du mdzad pa/ chos kyi dbyings ma lus pa thams cad sems can rnams 'dul zhing rnam par rig par byed pa ste/ 'di ni sangs rgyas bcom ldan 'das rnams kyi sangs rgyas kyi thabs la mkhas pa lnga'o/ /chos thams cad bltar med pa dang / sna tshogs med par song ba de ni ma pa med par song ba/ ma byung bar song ba/ mtshan nyid med par song ba/ sna tshogs med par song ba/ rgyan med par song ba/ blang ba med par song ba/ ngo bo nyid med par song zhing chos thams cad mkhyen te/ chos kyi klong las rim par 'byin pa rab tu mkhyen pa/ 'jig rten gyi chos dang mi 'gal bar mdzad pa/ yang dag pa'i ngo bo nyid med par lta ba/ thams cad mkhyen cing thams cad gzigs pa/ ye shes kyis ma lus par gzigs pa/ chos thams cad dbang gis snang bar mdzad cing de bzhin nyid kyi ngo bo nyid las mi 'pho ste/ 'di ni sangs rgyas bcom ldan 'das rnams kyi sangs rgyas kyi thabs la mkhas pa drug pa'o/ /dus cig tu mtshan ma gcig phan tshun rtogs shing mkhyen pa de chos gsha'</font><hr>56.196b<br><font size=+1>

mar 'jug pa yongs su mi gnas pa'i dge ba'i rtsa ba mnyam pa rnam par dag pa/ chos gsha' ma nyid dang / dus thams cad du mi gnas pa de la nyi ma gcig dang / zla ba phyed dang / lo gcig dang / lo brgya dang / bskal pa sdud pa dang 'gyur ba'i rjes su 'jug pa 'ang ma yin/ /ldog pa 'ang ma yin/ tshad med pa'i dus dang / nyi ma gcig dang / yud tsam gyi dus dang / snga dro dang / nyi ma phyed kyi dus dang / phyem red dang / srod dang / nam gyi gung dang / tho rangs kyi dus dang / nyi ma dang / grangs su gtogs pa'i dus dang / zhag bdun dang / zla ba phyed kyi dus dang / zla ba gcig dang / lo gcig dang / lo brgya'i dus dang / bskal pa gcig gi dus dang / tshad med/ grangs med/ bsam gyis mi khyab/ brjod du med pa'i dus dang / phyi ma'i dus kyi mtha'i bar dus chos ston te/ chos kyi 'khor lo la gnas pa'ang med ldog pa 'ang med rgyun kyang mi gcod sbyor ba 'ang med/ mtshams su 'ang mi 'gyur/ mi 'dor/ mi 'pho/ mi g.yo/ ring ba 'ang ma yin/ de mtha' la yang gnas pa ma yin te/ 'di ni sangs rgyas bcom ldan 'das rnams kyi sangs rgyas kyis thabs la mkhas pa bdun pa'o/ /sangs rgyas bcom ldan 'das kyis chos kyi dbyings ma lus pa thams cad dang / tshad med pa'i mi 'jigs pa brnyes pa/ so so yang dag par rig pa grangs med pa dang / so so yang dag par rig pa tshad med pa dang / so so yang dag par rig pa mi zad pa dang / so so yang dag par rig pa gnas pa med pa dang / so so yang dag par rig pa mtha' yas pa dang / so so yang dag par rig pa dang / so so yang dag par rig pa kun nas gzung ba med pa dang / de kho na nyid so so yang dag par rig pa dang / tshig dang / tshul dang / rtog pa so so'i yang dag par rig pa dang / chos thams cad so so yang dag par</font><hr>56.197a<br><font size=+1>

rig pa dang / ji ltar bsam pa dang / dad pa dang / dbang po dang / ji ltar btags pa'i chos rnams dang / chos kyi gzhung gi mtshams ston pa dang / de dang de dag tu brjod du med pa'i yang brjod du med pa'i mdo sde bye ba khrag khrig brgya stong gi thog ma dang / bar ma dang / tha ma'i mdo yang dag par rab tu ston te/ 'di ni sangs rgyas bcom ldan 'das rnams kyi sangs rgyas kyi thabs la mkhas pa brgyad pa'o/ /ming med pa dang / ming dang / rigs dang / 'byung ba yang chos thams cad kyi ming dang / 'byed pa dang / khams 'bar ba dang / mngon du rdzogs par sangs rgyas pa dang / 'das pa med pa'i ming dang / ma 'ongs pa med pa'i ming dang / da ltar byung ba med pa'i ming dang / sems can med pa'i ming dang / zhing med pa'i ming dang / chos med pa'i ming dang / yon tan med pa'i ming dang / byang chub sems dpa' med pa'i ming dang / sangs rgyas med pa'i ming dang / grangs med pa'i ming dang / grangs med pa ma yin pa'i ming dang / ma byung ba'i ming dang / mi 'gog pa'i ming dang / med pa'i ming dang / med pa ma yin pa'i ming dang / gcig ma yin pa'i ming dang / rnam pa thams cad ma yin pa'i ming rang bzhin gyis brjod du med pa'o/ /chos thams cad ni phyogs ma yin/ brda ma yin/ ngag gi lam gyi sgra dang bral ba/ sgra byung ba thams cad kyis ma bsgrubs pa/ ma bskyed pa dang / sna tshogs su bskyed pa dang / rnam pa gcig ma yin pa dang / rnam pa mang po ma yin pa dang / smra ba thams cad brjod du med pa'i dam pa'i pha rol du phyin pa brnyes pa/ kun tu mi rtogs pa'i yul mngon par 'du mi byed pa dang ldan pa/ rtog pa dang / kun du rtog pa dang / yongs su rtog pa thams cad 'gags pa/ smra ba thams cad la mi gnas pa gnas pa ste/ 'di ni sangs rgyas bcom ldan 'das</font><hr>56.197b<br><font size=+1>

rnams kyi sangs rgyas kyi thabs la mkhas pa dgu'o/ /gzugs kyi chos thams cad ma skyes par mkhyen te/ tshor ba ma yin/ spros pa ma yin/ grangs ma yin/ 'du shes kyi spyod pa ma yin/ 'du byed ma yin/ len pa ma yin/ rnam par shes pa ma yin te/ rang bzhin gyis zhi bar rab tu mkhyen/ skye mched med par 'jug pa dang / chos thams cad kyi dbyings mi dmigs pa dang / chos thams cad mi 'jigs pa dang / chos thams cad ldang ba med de/ rang bzhin gyis nam mkha' dang mnyam pa/ chos thams cad dben pa/ las ma yin pa spyod pa med pa las byung ba/ ma skyes pa/ ma byung ba/ grangs mang bar rtogs pa/ yod pa ma yin pa med pa ma yin pa/ ma skyes pa/ ma 'gags pa/ kun nas nyon mongs pa ma yin/ rnam par byang ba ma yin/ ming med pa/ gsha' ma ma yin pa/ mi gnas pa yongs su mi gnas pa yongs su smin pa ma yin pa/ dul ba ma yin pa/ sems can med pa/ sems can med pa ma yin pa/ srog med pa/ srog med pa ma yin pa/ rkyen med pa/ rkyen med pa ma yin pa/ rkyen dang 'du ba med pa ma yin par chos thams cad mkhyen te/ chos thams cad kyi dbyings ston pa'i dam pa'i pha rol du phyin pa brnyes pa/ tshogs gsum pa rnam par gnas pas nges pa dang / ma nges pa dang / log par nges pa dang / ma nges pa dang / de bzhin gshegs pa'i stobs bcu dang / thams cad mkhyen pa'i ye shes dang / mi 'jigs pa bzhi rnam par dag pa dang / sangs rgyas kyi yul chen po ste 'di ni sangs rgyas bcom ldan 'das rnams kyi sangs rgyas kyi thabs la mkhas pa bcu'o/ /kye rgyal ba'i sras 'di ni sangs rgyas bcom ldan 'das rnams kyi sangs rgyas kyi thabs la mkhas pa</font><hr>56.198a<br><font size=+1>

bcu'o/ /kye rgyal ba'i sras 'di ni sangs rgyas bcom ldan 'das kyi mdzad pa dang / sangs rgyas kyi byin gyis brlabs yangs pa/ tshad med pa bsam gyis mi khyab pa/ lha dang 'jig rten du bcas pa gang gis kyang tshad gzung bar mi nus pa/ 'das pa dang / ma 'ongs pa dang / da ltar byung ba'i nyan thos dang / rang sangs rgyas thams cad kyis 'jug par mi nus pa bcu ste/ bcu gang zhe na/ phyogs bcu'i 'jig rten gyi khams ma lus pa'i nam mkha'i dbyings kyi mtha' dang / chos thams cad kyi dbyings dang / 'jig rten gyis khams thams cad du dga' ldan du skye ba ston pa dang / byang chub sem sa dpa'i spyod pa dang / sangs rgyas kyi mdzad pa mtha' med pa dang / kha dog tshad med pa dang / gzi brjid tshad med pa dang / snang ba tshad med pa dang / dbyings tshad med pa dang / dbyangs kyi yan lag rnam par dag pa tshad med pa dang / sgra sgrogs pa rnam par rig pa tshad med pa dang / ting nge 'dzin tshad med pa la gnas pa dang / shes rab dang / ye shes kyi yul tshad med pa dang / mtha' dang 'jig rten du bcas pa rjes su 'dzin pa dang / bdud du bcas/ tshangs par bcas/ dge sbyong dang / bram zer bcas pa dang / skye dgu dang / lha dang / mir bcas pa dang / lha ma yin gyi 'jig rten rjes su 'dzin pa/ mi 'phrogs pa'i byams pa chen po'i spyod yul ba snying rje chen po la phyogs pa'i mtha' la phyogs pas sems can rjes su 'dzin pa/ gzhan mtho ris su skye ba'i sems can rjes su 'dzin pa/ bsod nams kyi stobs kyi dbang po phun sum tshogs pa dbang po rnam par dag pa dang / sems cang shes yongs su dag pa'i sems can yang rjes su 'dzin pa/ theg pa sna tshogs rnam par dag pa'i sems can yang rjes su 'dzin pa/ theg pa chen po yongs su</font><hr>56.198b<br><font size=+1>

rdzogs pa'i sems can yang rjes su 'dzin pa/ 'gro ba thams cad las 'byung ba'i sems can yang rjes su 'dzin pa ste/ 'di ni sangs rgyas bcom ldan 'das rnams kyi mdzad pa dang spyod pa rnam par dag pa rdzogs pa'o/ /dga' ldan gnas nas 'pho zhing yum gyi lhums su gshegs pa dang / byang chub sems dpa'i tshe dang / bdag gi lus su skye ba dang / sgyu ma lta bur spyod pa dang / sprul pa lta bu'i ting nge 'dzin la thug pa dang / mig yor lta bu'i rnam par rig pa dang / yul nam mkha' ltar tshad med par song ba/ 'dod pa lta bur skye ba la ma chags pa/ smig rgyu dang / mnyam par snang ba dang / nyon mongs pa med pa'i chos la 'brang ba/ gnas med pa'i ye shes la 'jug pa/ rang bzhin gyis 'dod chags dang bral zhing rnam par dag pa/ bla re dang brgyan chen po'i mdzod bdag gi lus skye ba'i mtha' yang sangs rgyas kyi mdzad pa mdzad pa dang / rin po che chen pos spras pa'i khang bu brtsegs pa rin po ches mchod pa'i gnas chen po la gnas shing sangs rgyas kyi mdzad pa mdzad pa dang / rdzu 'phrul gyis kyang sangs rgyas kyi mdzad pa mdzad pa dang / yid la byed pa chen po'i byin gyis brlabs kyis kyang sangs rgyas kyi mdzad pa mdzad pa dang / rnam par sprul pa chen po'i mdzod ston pas kyang sangs rgyas kyi mdzad pa mdzad pa dang / ye shes chen po'i nyi ma'i dkyil 'khor gyis kyang sangs rgyas kyi mdzad pa mdzad pa dang / ma las skyes pa de la gnas pas kyang sangs rgyas kyi mdzad pa mdzad pa dang / yul chen po sangs rgyas kyi yul rab tu brnyes pas kyang sangs rgyas kyi mdzad pa mdzad pa dang / 'jig rten du sangs rgyas kyi byin gyi brlabs mtha' yas pas kyang sangs rgyas kyi mdzad pa mdzad pa dang / grangs</font><hr>56.199a<br><font size=+1>

med pa'i ting nge 'dzin chen po la rnam par spyod cing mnyam par 'jog pas kyang sangs rgyas kyi mdzad pa mdzad pa dang / ting nge 'dzin de dang de dag las bzhengs pas kyang sangs rgyas kyi mdzad pa mdzad pa dang / thog ma dang / bar ma dang / tha ma dang / spyod pa dang po nas yongs su mya ngan las 'da' ba chen po'i mtha'i bar gyis kyang sangs rgyas kyi mdzad pa mdzad pa dang / sa 'di nas gnyis kyi bar du thams cad byin gyis brlabs nas phyis 'jig rten gyi grangs la shes par ston pa dang / gzi brjid sna tshogs kyis kyang 'jig rten thams cad du sangs rgyas kyi mdzad pa mdzad pa dang / gzhon nur gyur pas kyang 'jig rten thams cad du sangs rgyas kyi mdzad pa mdzad pa dang / byang chub sems dpar gyur pas kyang 'jig rten thams cad du sangs rgyas kyi mdzad pa mdzad pa dang / mngon par byung ba dang / rdzogs par sangs rgyas pa dang / chos kyi 'khor lo bskor bas kyang 'jig rten ma lus pa thams cad du sangs rgyas kyi mdzad pa mdzad pa dang / thabs rnam pa sna tshogs kyis kyang 'jig rten ma lus pa thams cad du sangs rgyas kyi mdzad pa mdzad pa dang / sna tshogs kyis kyang 'jig rten du sangs rgyas kyi mdzad pa mdzad pa dang / 'jig rten dpag tu med pa dang / 'jig rten kun dang / phyogs thams cad du rgya mtsho'i rgyun dang / rigs kyis 'jig rten thams cad du sangs rgyas kyi mdzad pa mdzad pa dang / zhing dang dus ma lus pas 'jig rten du sangs rgyas kyi mdzad pa mdzad pa dang / las kyi rnam par smin pa ma lus pas 'jig rten du sangs rgyas kyi mdzad pa mdzad pa dang / sems can gyi rigs ma lus pas kyang 'jig rten du sangs rgyas kyi mdzad pa mdzad pa dang / </font><hr>56.199b<br><font size=+1>

'chi 'pho zhing skye ba dang / rigs ma lus pas kyang 'jig rten du sangs rgyas kyi mdzad pa mdzad pa dang / sprul pa chen po dang / rigs dang / sangs rgyas kyi rig dang / chos dran pa'i sgo'i 'khor los kyang sangs rgyas kyi mdzad pa mdzad de/ 'di ni sangs rgyas bcom ldan 'das rnams kyi sangs rgyas kyi mdzad pa gnyis pa'o/ /dge bar spyod pa las rnam par dag pa dang / skye ba thams cad dang / ye shes dang / spyod pa rnam par dag pa dang / skye ba bstan pa'i rjes su song ba dang / sems can 'dul zhing rjes su chud par byed pa dang / dge ba'i rtsa ba thams cad dang yongs su rdzogs par byed pa dang / sems can rnams la dgos pa'i slas ston pa'i rjes su song zhing sangs rgyas thams cad 'dod chags dang bral te gnas la gnas pa dang / gnas pa med pa dang / sgra dbyangs tham sa cad dang bral bar so sor rtog pa dang / srid pa thams cad dang / mi dang srid par 'byung ba la rtog pa dang / dngos po thams cad ye shes su 'jug pa dang / tshul khrims thams cad mkhyen pa'i mthar yongs su rdzogs par byed pa dang / snying rje chen pos slas ltar 'gro ba la rnam par lta ba dang / byams pa chen pos sems yul la so sor rtog pa dang / dga' ba chen pos 'jig rten las mngon par dga' ba shes par byed pa dang / btang snyoms chen pos sems la dbang sgyur zhing 'jug par byed pa dang / thams cad mkhyen pa'i yon tan bdag la yongs su rdzogs par byed pa dang / chos kyi dbyings ma lus pa thams cad dus lus mngon par sgrub pa dang / thams cad du gnas pa med pa'i lus yongs su rdzogs par byed pa dang / g.yog 'khor thams cad rnam par dag par nan tan</font><hr>56.200a<br><font size=+1>

byed pa dang / chos ston cing smra ba rjod pa dang / 'jig rten gyi dbang po smad pa dang / 'gro ba thams cad kyi nyes pa rtogs pa ji ltar spyod pa'i dge ba'i rtsa ba rnams kyi rnam par smin pa ston pa dang / ji ltar gnas pa'i sems can rnams 'dul ba dang / yongs su ma smin pa'i sems can yongs su smin par byed pa dang / ji ltar yongs su smin pa 'dul ba dang / thabs la mkhas pa grangs med pa mngon par sgrub pa dang / sangs rgyas kyi mdzad pa las mi ldog par ston pa dang / spyod pa'i sgo sna tshogs kyi chos snang bar byed pa dang / gnas med pa'i rnam pa'i sems can rnams kyi bsam pa rnam par dag pa byed pa dang / snying rje chen po skyes pa'i chos kyi sprin mngon par 'bebs par byed pa dang / sbrang bu 'gro ba ltar byams pa la 'jug cing cho 'phrul gsum yongs su 'bebs par byed pa dang / sangs rgyas thams cad la lta ba rnam par rig cing slas kyi dbus na 'dug pa ston pa dang / de las mtha'i mtha' dang / dbung med pa'i 'jig rten du sangs rgyas kyi mdzad pa ston pa dang / ye shes chen po la gnas pas gnod cing sgribs pa med pa'i sangs rgyas kyi mngon par shes pa mngon par sgrub pa dang / las kyi mtha'i chos gsum la thabs mkhas pa ste/ lus kyi las shin du rnam par dag pa dang / ngag gis mi 'phro ba'i ye shes shin du rnam par dag pa dang / yid kyi las zab mo chags pa med pa'i mthar phyin pa'i thabs la mkhas pa'i sems can rnams kyi don mdzad de/ 'di ni sangs rgyas bcom ldan 'das rnams kyi sangs rgyas kyi mdzad pa gsum pa'o/ /mngon par byung ba'i rnam par rgyal ba chen pos slas tshad med pa'i rgyan</font><hr>56.200b<br><font size=+1>

gyis brgyan pa yid du 'ong ba spangs te/ 'byung ba'i spyod pa ston cing 'jig rten gnas pa'i sems can 'dzud pa dang / 'jig rten mngon par chags par 'gyur bar byed pa dang / 'jig rten gyi grangs mi rtog go zhes shes par byed pa dang / 'jig rten sna tshogs la mngon par chags pa zlog par byed pa dang / 'jig rten gyi dga' ba'i sred pa gcod pa dang / nyon mongs pa spangs pa 'jig rten sbyong du 'jug pa dang / don thams cad rjes su dran par byed pa dang / 'byung ba'i don gyi phyir 'brang bar byed pa dang / khyim pa'i mtshan ma yongs su gtong ba ston pa dang / nyon mongs pa med pa'i chos la sbyor zhing gnas par byed pa dang / sngon gyi smon lam yongs su rdzogs par byed pa dang / dpag tu med pa'i yon tan gyi dkyil 'khor snang bar byed pa dang / ye shes chen po'i dkyil 'khor so sor rnyed par byed cing sems can rnams kyi mi shes pa'i rab rib la lta ba dang / bdag bla na med pa'i bsod nams kyi zhing du gyur pas 'gro ba thams cad nye bar khrid pa dang / dge ba'i rtsa ba thams cad 'du zhing sangs rgyas las bskyed pa'i dge ba'i rtsa ba thams cad skye dgu thams cad la bsngags pa dang / bdag ye shes kyi don mthong ba'i ston pa dang / sems can rnams la rnam par dag pa'i sgo brjod pa dang / sems can rnams la kha na ma tho ba med pa'i sgo sgrub tu 'dzud pa dang / 'jig rten thams cad la 'byung ba'i sgo rab tu ston pa dang / mngon par 'byung zhing thams cad mkhyen pa'i rgyal mtshan kun sgreng bar byed pa ste/ 'di ni sangs rgyas bcom ldan 'das rnams kyi sangs rgyas kyi mdzad pa bzhi pa'o/ /mdzad pa dang ye shes du ma dang rab tu ldan pas byang chub kyi</font><hr>56.201a<br><font size=+1>

shing drung du gshegs te/ thams cad mkhyen pa'i ye shes kyi mthar phyin nas byang chub tu mngon par sangs rgyas pas chos thams cad thugs su chud de/ bdud kyi stobs rab tu bcom zhing zil gyis mi non pa'i sku'i byin gyi brlabs kyi mdzod dang / chos kyi dbyings ma lus pa thams cad du khyab par byed pa dang / byin gyi brlabs mi zad pa'i mthas mtha' rnam par spangs pa dang / tshad med pa'i spyod pa rab tu brnyes pas thams cad mkhyen pa'i yul la rnam par rol pa'i ye shes kyi don gyi rjes su gshegs pa dang / thams cad mkhyen pa'i yon tan bsgrubs pa yongs su rdzogs pa dang / 'jig rten gyi khams ma lus pa thams cad du spras pa'i gdan yongs su gsal ba dang / sangs rgyas kyi zhing ma lus pa thams cad du byang chub sems dpa' rnam par rig par byed pa dang / byang chub sems dpa'i spyod pa'i mchog rab tu brnyes pa dang / byang chub sems dpa'i rnam pa'i 'khor gyi dkyil 'khor thams cad dang / yang dag pa'i khyad par gyi smon lam la rnam par lta ba dang / byang chub sems dpa' thams cad la dgongs pa dang / zab mo'i byang chub sems dpa' la chos zab mo'i 'khor lo bskor ba dang / tshad med pa'i sangs rgyas kyi yul rtsom pa dang / brjod du med pa'i byang chub sems dpa'i 'byung gnas kyi phyir 'brang zhing sna tshogs kyi spyad pa spyod pa dang / byang chub sems dpa'i 'khor gyi dkyil 'khor rnam par dag pa dang / 'jig rten thams cad la sangs rgyas kyi byin gyis brlabs kyi yul du byas pa dang / sems can la dge ba'i rtsa ba rnam par rig par byed pa dang / dge ba'i rtsa ba thams cad dbyer med pas 'byung ba'i</font><hr>56.201b<br><font size=+1>

ba'i sa dang byang chub sems dpa'i spyod pa mtha' yas pa'i stobs la gnas shing yon tan thams cad kyi khyad par ma lus pa'i mtha' rab tu rnyed de 'dug pa dang / 'jig rten thams cad du 'gro ba dang / sems can thams cad ma lus pa'i mthar 'gro ba dang / zhing thams cad du 'gro ba dang / chos thams cad du 'gro ba dang / byang chub sems dpa' thams cad du 'gro ba dang / yongs su smin pa thams cad du 'gro ba dang / dus thams cad du 'gro ba dang / 'dul ba thams cad du 'gro ba dang / sangs rgyas thams cad kyi rnam par rol par 'gro ba dang / 'gro ba ma lus pa thams cad kyi dad pa ji lta ba bzhin du rnam par chud par byed pa sangs rgyas kyi mdzad pa mdzad pa ste/ 'di ni sangs rgyas bcom ldan 'das rnams kyi sangs rgyas kyi mdzad pa lnga pa'o/ /sangs rgyas bcom ldan 'das rnams phyir mi ldog pa'i tshul gyis phyir mi ldog pa'i chos kyi 'khor lo bskor te/ 'jig rten thams cad mngon par shes par byed pa'i tshul gyis 'khor lo dang / ma lus pa thams cad du ma lus par rdzogs par sangs rgyas shing mi 'jigs pa'i seng ge'i sgra chen po'i tshul gyis 'khor lo dang / chos thams cad kyi ye shes kyi mdzod dang / mun pa med pa'i chos kyi mdzod kyi sgo snang ba'i tshul gyis 'khor lo dang / nam mkha'i ngos ltar chags pa med pa'i ye shes tshad med pa'i tshul gyis 'khor lo dang / chos thams cad ngo bo nyid med pa'i ngo bo nyid bsgribs pa med pa la so sor rtog pa'i tshul gyis 'khor lo dang / sems can thams cad kyi chos kyi mig rnam par dag pa dang / 'jig rten thams cad kyi sgron ma'i tshul</font><hr>56.202a<br><font size=+1>

gyis 'khor lo dang / thams cad mkhyen pa'i chos snang bar byed pa'i dus gsum du 'jig rten thams cad la khyab pa'i tshul gyis 'khor lo dang / sangs rgyas thams cad kyi gcig tu snyug pa sangs rgyas thams cad kyi chos dang mi 'gal ba'i tshul gyi 'khor lo dang / de la sogs pa grangs med pa'i rnams bye ba khrag khrig brgya stong gi chos kyi 'khor lo bskor te/ sems can thams cad kyi sems kyi spyod par 'gro ba'i chos kyi 'khor lo skor ro/ /'di ltar chos kyi 'khor lo skor bas kyang sangs rgyas bcom ldan 'das bsam gyis mi khyab pa'i sangs rgyas kyi mdzad pa mdzad de/ 'di ni sangs rgyas bcom ldan 'das rnams kyi sangs rgyas kyi mdzad pa drug pa'o/ /grong dang / grong khyer dang / grong rdal dang / rgyal po'i pho brang du 'jug pas kyang sangs rgyas bcom ldan 'das sems can rnams la sangs rgyas kyi mdzad pa mdzad de/ mi'i rgyal po'i pho brang dang / lha'i rgyal po'i pho brang dang / klu'i rgyal po'i pho brang dang / gnod sbyin gyi rgyal po'i pho brang dang / dri za'i rgyal po'i pho brang dang / lha ma yin gyi rgyal po 'i pho brang dang / nam mkha' lding gi rgyal po'i pho brang dang / mi 'am ci'i rgyal po'i pho brang dang / lto 'phye chen po'i rgyal po'i pho brang dang / 'bar ba'i rgyal po'i pho brang dang / sha za'i rgyal po'i pho brang de dag tu sangs rgyas bcom ldan 'das 'jug pas kyang sangs rgyas kyi mdzad pa mdzad de/ gang 'di grong khyer gyi sgor gshegs nas sa g.yo zhing 'od zer gyi snang bas long ba rnams ni so sor mig thob/ 'on pa rnams ni so sor sgra thos/ smyon pa rnams ni so sor dran pa rnyed/ gcer bu rnams kyang so sor gos rnyed/ sdug bsngal ba rnams ni so sor bde ba thob/ sil snyan dang brdung ba rnams ma brdungs par yid du 'ong ba'i sgra skad</font><hr>56.202b<br><font size=+1>

'byin pa dang / brdung ba ma brdungs pa dang / 'phyang 'phrul rnams 'phyang ba dang / brdungs pa'i sgra dang / bram ze sna tshogs mang po rnams kyi sgra skad yid du 'ong ba dang / lta bas mi ngoms shing mi mthun pa med pa gzugs kyi sku ston pas kyang sangs rgyas bcom ldan 'das sems can rnams la sangs rgyas kyi mdzad pa mdzad pa dang / mtshan dang dpe byad bstan pas kyang sangs rgyas bcom ldan 'das sangs rgyas kyi mdzad pa mdzad pa dang / kun du gzigs pa dang / rnam par gzigs pa dang / brkyang ba dang bskum pas kyang sems can la sangs rgyas kyi mdzad pa mdzad pa dang / mngon par shes pa dang / byon pa dang / bzhengs pa dang / 'chag pa dang / bzhugs pa dang / gzims pas kyang sangs rgyas bcom ldan 'das sems can rnams la sangs rgyas kyi mdzad pa mdzad pa dang / chos 'chad pa dang / cang mi gsung bas kyang sangs rgyas bcom ldan 'das sems can rnams la sangs rgyas kyi mdzad pa mdzad pa dang / rdzu 'phrul gyi cho 'phrul dang / ston pa'i cho 'phrul dang / rjes su bstan pa'i cho 'phrul gyis kyang sangs rgyas bcom ldan 'das sems can rnams la sangs rgyas kyi mdzad pa mdzad pa dang / sna tshogs kyi sems can gyi bsam pa rgya mtsho ma lus pa dang / 'jig rten gyi spyod pa grangs med pa thams cad dang / 'jig rten gyi khams kyi yul dang / dge ba'i rtsa ba chen po la gnas pa dang sangs rgyas dang / sngon gyi gnas rjes su dran pa dang / byang chub sems dpa' dang / yang dag par rdzogs pa'i sangs rgyas kyi gzugs lta bas mi ngoms pa'i phyir 'brang ba dang / sangs rgyas rnams 'byung zhing skye ba dang / smra ba dang / de bzhin gshegs pa mthong ba dang / smra ba shin du dkon pa dang / dkar po'i chos thams cad dang / bsod nams kyi 'byung gnas dang / sangs rgyas mnyes par bya ba dang / de bzhin gshegs</font><hr>56.203a<br><font size=+1>

pa kha dog mtha' yas pa la 'jug pa dang / sems can thams cad de bzhin gshegs pa'i mngon du rtogs pa dang / de bzhin gshegs pa sems can gyi tshogs bsam gyis mi khyab pa la rtog pa dang / de bzhin gshegs pa zhing thams cad la gzigs shing 'jug pa dang / 'di ltar dge ba'i rtsa ba thams cad nye bar spyod pas kyang 'jig rten gyi sems can thams cad la sangs rgyas kyi mdzad pa mdzad pa dang / de dag dang ba dang / phyag 'tshal ba dang / thal mo sbyar ba'i las dang / rjes su ston pa dang / tshig tu 'byin pa dang / yang dang yang du yid la byed pa dang / mngon par lta ba dang / mngon du dran pa dang / sems dang bas sangs rgyas la sdug par sems pa'i sems can rnams la yang sangs rgyas bcom ldan 'das sangs rgyas kyi mdzad pa mdzad pa dang / sangs rgyas rjes su dran pa'i sems can rnams la yang sangs rgyas bcom ldan 'das sangs rgyas kyi mdzad pa mdzad pa dang / sangs rgyas lta bar 'dod pa'i sems can rnams la yang sangs rgyas bcom ldan 'das sangs rgyas kyi spyod pa'i ro dang / sangs rgyas 'byung bas 'jig rten thams cad rnam par dag par 'jug pa dang / sangs rgyas kyi yon tan dang / kha dog mtha' yas pa la lta ba dang / ma 'ongs pa'i sangs rgyas 'byung ba'i de bzhin gshegs pa'i rigs 'dzin pas dge ba'i rtsa ba dang / dad pa sna tshogs dang / sangs rgyas bcom ldan 'das sangs rgyas kyi mdzad pa mdzad pa dang / de bzhin gshegs pa'i sku kha dog dang dbyibs sna tshogs tshad med pa la lta ba'i sems can rnams la yang sangs rgyas kyi mdzad pa mdzad pa dang / de bzhin gshegs pa'i sgra thos pa'i sems can rnams la yang sangs rgyas bcom ldan 'das sangs rgyas kyi mdzad pa mdzad de/ de la sogs pa'i mtha' med bsam gyis mi khyab brjod du med pa'i rnam pa</font><hr>56.203b<br><font size=+1>

bye ba khrag khrig brgya stong du sangs rgyas bcom ldan 'das rnams sangs rgyas kyi mdzad pa la 'jug cing 'jig rten gyi khams ma lus pa thams cad du sems can thams cad kyi bsam pa'i stobs ji lta ba bzhin du 'dul ba las mi 'da' ste/ 'di ltar sangs rgyas kyi mdzad pa thams cad la 'jig rten thams cad 'dzud de/ yul las phyir mi ldog cing thugs rje chen po gtong ba dang / sngon gyi smon lam la mi skyo ba dang / sangs rgyas kyi mdzad pa'i ye shes kyi stobs kyis 'gro ba thams cad la rtog pa dang / sems can thams cad kyi sems kyi spyod pa la gnas shing dge ba rgyas pa tshad med pa brnyes te/ 'di ni sangs rgyas bcom ldan 'das rnams kyi sangs rgyas kyi mdzad pa bdun pa'o/ /dgon pa na bzhugs pa dang / sangs rgyas bcom ldan 'das rnams zhi bar bzhugs pa dang / dben pa na bzhugs pa dang / sangs rgyas bcom ldan 'das rnams zhi bar bzhugs pa dang / dben pa na bzhugs shing sangs rgyas kyi spyod yul la bzhugs pa dang / ting nge 'dzin chen po la gnas shing bzhugs pa na gcig pur dgyes pa na bzhugs pa dang / sku bltar mi snang bar bzhugs pa dang / ye shes zab mo la gnas shing bzhugs pa dang / dpag tu med pa'i sangs rgyas kyi yul gyi stobs la bzhugs pa dang / sku'i spyod pa bltar med pa la bzhugs pa rgyun mi gcod pas kyang sangs rgyas bcom ldan 'das sangs rgyas kun gyi mdzad pa la 'jug pa dang / sems can rnams kyi bsam pa dang dang ba ji lta ba bzhin du 'dul zhing gzhan gyis mi thub pa'i ye shes dang / smon lam gyi tshul gyis sangs rgyas lha yongs su 'tshol zhing sangs rgyas kyi mdzad pa la 'jug pa dang / sangs rgyas klu yongs su 'tshol bas kyang sangs rgyas kyi mdzad pa la 'jug pa dang / sangs rgyas nam</font><hr>56.204a<br><font size=+1>

mkha' lding yongs su tshol ba dang / sangs rgyas mi 'am ci yongs su tshol ba dang / sangs rgyas lto 'phye chen po yongs su tshol ba dang / sangs rgyas 'bar ba yongs su tshol ba dang / sangs rgyas mi dang mi ma yin pa yongs su tshol ba dang / nyan thos dang / rang sangs rgyas kyi theg pa can dang / byang chub sems dpa' dang / sangs rgyas yongs su tshol bas kyang sangs rgyas kyi mdzad pa la 'jug pa dang / chos ston pas kyang sangs rgyas kyi mdzad pa la 'jug pa dang / sangs rgyas gcig gi mthus kyang sangs rgyas kyi mdzad pa la 'jug pa dang / sangs rgyas thams cad kyi mthus kyang sangs rgyas kyi mdzad pa la 'jug pa dang / byang chub sems dpa' thams cad kyi spyod pa'i khyad par dang / smon lam gcig tu bsdus pa dang / byang chub sems dpa' gcig gi spyod pa rnam par phye ba dang / spyod pa'i rim pa'i mthu dang / 'jig rten gyi yul dang / sangs rgyas kyi yul gyi mthu dang / sangs rgyas kyi yul dang / 'jig rten gyi yul gyi mthu dang / yul ma yin pa dang / sangs rgyas kyi yul gyi mthus kyang sangs rgyas kyi mdzad pa mdzad pa dang / mtshan mo dang / nyin par dang / zla ba phyed dang / lo gcig dang / bgrang bar gnas na bzhugs pa nas brjod du med pa'i yang brjod du med pa'i bskal par gnas na bzhugs pa'i bar gyis kyang sangs rgyas bcom ldan 'das sems can rnams la sangs rgyas kyi mdzad pa mdzad de/ 'di ni sangs rgyas bcom ldan 'das rnams kyi sangs rgyas kyi mdzad pa brgyad pa'o/ /khang pa lta bur gyur pa dang / dge ba'i rtsa ba rnams rnam par sbyangs par gyur pa dang / sangs rgyas sems can thams cad kyi bsam pa rnams dad par gyur pa dang / mos par gyur pa la sems 'jug cing sgrub par gyur pa dang / dbang po rnams 'dul bar gyur</font><hr>56.204b<br><font size=+1>

pa dang / sems can dang skye dgu thams cad la dad par gyur pa dang / 'gro ba thams cad 'byung bar gyur pa dang / byang chub sems dpa' thams cad bskur bar gyur pa dang / rtog pa la gnas shing ye shes snang bar gyur pa dang / gzhan dring la mi 'jog pa'i yongs su mya ngan las 'da' ba dang / sangs rgyas bcom ldan 'das rnams mya ngan las 'das pa ston cing sangs rgyas kyi mdzad pa rgyun mi gcod pa dang / 'jig rten mi rtag pa ston pa dang / sangs rgyas kyi snang bar mdzad pa rgyun mi gcod pa dang / byas pa'i dgos pa'i mtha' bsdus pa dang / ngo bo ma tshang ba med pas chos la 'jug pa snang bar byas pa dang / rtsa ba bcad pa la srid pa'i mig snang bar byed pa dang / sems can rnams la skyo ba ston pa dang / sangs rgyas kyi rjes su song ba'i sems dang 'thun par byed pa dang / sems can rnams tshe'i mtha' ston pa dang / sems can thams cad la 'jig rten gyi mngon par mi dga' ba nye bar ston pa dang / sems can rnams ma 'ongs pa'i sangs rgyas 'byung ba la mnyes par byed pa dang / sangs rgyas bcom ldan 'das rnams bltar mi smad pa'i chos kyi 'khor lo bskor zhing rnam par chud par mdzad pa dang / 'jig rten spro ba snang bar mdzad pa dang / sangs rgyas sems rtsom pa dang ldan pa dang ldan par 'jog pa dang / su de bzhin gshegs pa rjes su dran zhing lta ba rnam par dag pa'i yongs su rtog pa'i sems can rnams la sems can rnams slong bar mdzad pa dang / dbang po skyo ba zlog cing yongs su sbyong bar mdzad pa dang / sangs rgyas la mngon par dga' ba thams cad sgrub par mdzad pa dang / skyo ba rnyed pa'i sems can rnams la byin gyis rlob pa dang / 'jig rten gyi khams ma lus pa thams cad du sangs rgyas kyi brtsem bar dgongs pa'i rkyen brnyes pa dang / lus</font><hr>56.205a<br><font size=+1>

gyes pa thams cad la de bzhin gshegs pa'i skus sems can rnams 'dzin pa dang / 'jig rten gyi sems can 'khrugs pa dang myos pa rnams sdom pa la 'jog par mdzad de/ 'di ni sangs rgyas bcom ldan 'das rnams kyi sangs rgyas kyi mdzad pa dgu pa'o/ /kye de bzhin gshegs pa rnams mya ngan las 'das nas 'jig rten gyi sems can rnams thams cad smre sngags 'don pa dang / ngu ba dang / mya ngan slos pa dang / mchi ma byung bar 'gyur te/ yang dag par rdzogs pa'i sangs rgyas zhes bya ba dang / thugs rje chen po zhes bya ba dang / ded dpon chen po zhes pa dang / thugs brtse ba zhes pa dang / lha dang 'jig rten du bcas pa dang / sems can thams cad kyi mgon du gyur pa dang / skyabs su gyur pa/ dpung gnyen du gyur pa/ bla na med pa'i bsod nams kyi zhing 'das par gyur ces pa dang / sangs rgyas bcom ldan 'das 'byung bar dga' ba zhes pa dang / rnam pa 'di lta bur smre sngags 'don/ mya ngan slos shing sangs rgyas mthong ba rjes su dran pa'i sems can rnams tshad med pa'i sangs rgyas kyi mdzad pa la 'jug pa ste/ de dang de dag tu sems can gyi bsam pa dang / yid la byed par yongs su mya ngan las 'das nas sangs rgyas bcom ldan 'das rnams kyis sems can rnams kyi bsam pa dang dad pa ji lta ba bzhin du sku gdung dang ring bsrel byin gyis rlob ste/ lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi'i gnas tham sa cad du ji ltar 'dul ba dang / ji ltar dad pa bzhin du sku gdung dang ring bsrel byin gyis rlob ste/ rang gi sku bor nas tshad med grangs med/ bsam gyis mi khyab/ brjod du med pa'i yang brjod du med par</font><hr>56.205b<br><font size=+1>

sku gdung dang ring bsrel byin gyis rlob cing / gang 'di'i sems can rnams kyi sems dang ba'i dbang dang / sems can rnams kyi dad pas mchod pa'i dbang dang / sems can rnams kyi lhag pa'i bsam pa rnam par dag pa'i dbang dang / sems can rnams yongs su smin pa'i dbang dang / sems can rnams yongs su sbyangs pa'i dbang dang / sems can rnams kyi 'dul ba'i dbang dang / sems can rnams kyi bsod nams kyi tshogs yongs su rdzogs pa'i dbang dang / sems can rnams de bzhin gshegs pa la mchod par rtsom pa'i dbang dang / de bzhin gshegs pa'i mchod rten gyi rgyan sna tshogs yul dang / ljongs sna tshogs kyi sems can rnams kyi dge ba'i rtsa ba 'phel ba'i dbang dang / sangs rgyas kyi sku gdung bgos shing 'jig rten thams cad kyis mchod rten du byas shing yul dang phyogs der lha'i gnas sam/ klu'i gnas sam/ gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po'i gnas dang / mi'i gnas dang / 'bar ba'i gnas su sku gdung dang ring bsrel mchod par 'gyur/ sku gdung dang / ring bsrel dang / dbu skra dang / sen mo'i mchod rten dang / sangs rgyas bzhugs par mchod rten brtsigs pa/ 'gro ba thams cad nges par sangs rgyas rjes su dran par 'gyur/ chos kyi phyir 'brang bar 'gyur/ dge 'dun la dad pa so sor rnyed par 'gyur/ yul dang phyogs de dang der gnas shing rgyun mi 'chad par mchod par bsam pas gnas nas/ sbyin pa byin zhing bsod nams byed par 'gyur te/ de dang de dag mtho ris kyi yongs su dag pa so sor rnyed par 'gyur/ rigs chen po so sor rnyed par 'gyur/ longs spyod chen po dang / g.yog</font><hr>56.206a<br><font size=+1>

'khor rnam par dag pa so sor rnyed par 'gyur/ lha dang mi'i phun sum tshogs pa so sor myong bar 'gyur/ ngan par mi lhung ba'i nan tan yongs su rdzogs par 'gyur/ de dag sangs rgyas byung ba na gti mug med pas sgrub par 'gyur/ dkar po'i chos la gnas pa so sor rdzogs par 'gyur/ khams gsum nas 'byung ba'i yon tan yongs su rdzogs par 'gyur/ ji ltar theg pa la dad pa dang / smon lam gyis 'byung bar 'gyur/ de dang de dag de bzhin gshegs pa la shing byas pa gzo ba so sor rnyed par 'gyur te/ phyir 'brang ba dang / gnas dang / mgon dang / skyabs dang / dpung gnyen sangs rgyas bcom ldan 'das rnams 'byung bar 'gyur te/ sangs rgyas bcom ldan 'das yongs su mya ngan las 'das pas kyang bsam gyis mi khyab pa'i sbyin gnas sbyong ste bsod nams yongs su mi gnas pa'i sbyin gnas sangs rgyas bcom ldan 'das 'jig rten du skye ba 'di lta bu'i rnam pa mang por sems can rnams kyi dge ba'i rtsa ba 'phel zhing bsod nams kyi tshogs yongs su rdzogs par 'gyur te/ 'di ni sangs rgyas bcom ldan 'das rnams kyi sangs rgyas kyi mdzad pa bcu pa'o/ /kye rgyal ba'i sras 'di ni sangs rgyas bcom ldan 'das rnams kyi sangs rgyas kyi mdzad pa yangs pa dpag tu med pa bsam gyis mi khyab pa ste/ sangs rgyas kyi byin gyis brlabs ma gtogs par gzhan 'jig rten gyi yul thams cad kyi lha dang 'jig rten du bcas pa gang gis kyang tshad gzung bar mi nus/ 'das pa dang / ma 'ongs pa dang / da ltar byung ba'i nyan thos dang / rang sangs rgyas su bcas</font><hr>56.206b<br><font size=+1>

pas kyang 'jug par nus pa ma yin no/ /'phags pa sangs rgyas kyi chos bsam gyis mi khyab pa bstan pa/ bam po gsum pa/ kye rgyal ba'i sras sangs rgyas bcom ldan 'das rnams gnyis su med pa'i ngo bo chos kyi dbang po'i chos mi gnyis par 'gro ba bcu ste/ bcu gang zhe na/ 'di ni sangs rgyas bcom ldan 'das thams cad lung ston te/ mi gnyis par 'gro ba dang / sangs rgyas bcom ldan 'das sangs rgyas rjes su dran pa dang ldan pa'i sems can rnams kyi sems dang bsam pa sna tshogs/ med bcu rdul yab brjod du med par gshegs pa mi gnyis pa dang / chos kyi don ma lus pa thams cad las rdzogs par sangs rgyas pa'i sku mi gnyis pa dang / 'das pa dang / ma 'ongs pa dang / da ltar byung ba'i ngo bo dang / de bzhin gshegs pa'i ye shes gnyis su med pa dang / 'byung ba'i skad cig ma'i mtha'i ye shes mi gnyis shing thog ma'i mtha' dang / tha ma'i mtha' dang / da ltar byung ba gnyis su med pa dang / dus gsum gyi sangs rgyas kyi zhing thams cad dang / sangs rgyas gcig gi zhing gi rjes su 'gro ba bstan pa'i ye shes gnyis su med pa dang / sangs rgyas gcig gi gsung dang / sangs rgyas thams cad kyi gsung gnyis su med pa dang / de bzhin gshegs pa thams cad kyi 'dul ba dang / rab tu phigs pa dang / rnam par rig pa gnyis su med pa dang / 'jig rten thams cad kyi chos nyid dang / sangs rgyas kyi chos nyid gnyis su med pa dang / 'das pa dang / ma 'ongs pa dang / da ltar byung ba'i sangs rgyas thams cad kyi dge ba'i rtsa ba thams cad dang / gcig gi dge ba'i rtsa ba gnyis su med de/ kye rgyal ba'i sras 'di ni</font><hr>56.207a<br><font size=+1>

sangs rgyas bcom ldan 'das rnams kyi gnyis su med pa'i chos kyi dbang po'i chos kyis mi gnyis par gshegs pa'o/ /kye rgyal ba'i sras sangs rgyas bcom ldan 'das de bzhin gshegs pa rnams chos thams cad la nan tan gyis gnas pa bcu ste/ bcu gang zhe na/ sangs rgyas bcom ldan 'das chos kyi dbyings la gnas shing ye shes kyi rjes su sangs rgyas pa la gnas pa dang / sangs rgyas bcom ldan 'das thugs rje chen po la gnas pa dang / sangs rgyas bcom ldan 'das ji ltar smon lam gyis 'byung ba la gnas pa dang / sangs rgyas bcom ldan 'das sems can yongs su mi gtong zhing 'dul ba la gnas pa dang / sangs rgyas bcom ldan 'das ngo bo med pa la rab tu gnas pa'i chos nyid la gnas pa dang / sangs rgyas bcom ldan 'das don med pa ma yin pa dang / de bzhin gshegs pa rnams skal ba mnyam pa ma yin par gnas pa dang / sangs rgyas bcom ldan 'das rtag tu sems mnyam pa la gnas pa dang / sangs rgyas bcom ldan 'das chos thams cad ma nyams pa'i dbang po la gnas pa dang / sangs rgyas bcom ldan 'das sems chags pa med par spyod pa la gnas pa dang / sangs rgyas bcom ldan 'das chos thams cad mnyam pa nyid la 'jug cing mi 'jigs pa yang dag pa'i mtha'i mtshan nyid la gnas pa ste/ kye rgyal ba'i sras 'di ni sangs rgyas bcom ldan 'das de bzhin gshegs pa rnams chos thams cad kyi nan tan la gnas pa bcu'o/ /kye rgyal ba'i sras sangs rgyas bcom ldan 'das rnams kyis chos thams cad ma lus par mngon par mkhyen pa bcu ste/ bcu gang zhe na/ 'di lta ste chos kyi dbyings ma lus pa thams cad kyi 'das pa'i grangs thams cad mngon par mkhyen pa dang / ma 'ongs pa thams cad kyi grangs thams cad mngon par mkhyen pa</font><hr>56.207b<br><font size=+1>

dang / da ltar byung ba thams cad kyi grangs thams cad mngon par mkhyen pa dang / ngag thams cad kyi lam thams cad mngon par mkhyen pa dang / 'jig rten thams cad kyi 'jug pa thams cad mngon par mkhyen pa dang / sems can thams cad kyi ngo bo'i ye shes thams cad mngon par mkhyen pa dang / byang chub sems dpa' thams cad kyi dge ba'i rtsa ba chung ngu dang / 'bring dang / chen po dang / sna tshogs rnam par gnas pa'i mtshan nyid dang / dge ba'i rtsa ba thams cad dang / bsam pa tshad med pa rgyun mi gcod pa'i mtshams kyi skad cig ma'i ye shes yongs su rdzogs par byed pa thams cad mngon par mkhyen pa dang / chos thams cad rkyen dang 'dus pa tshogs par khong du chud pa thams cad mngon par mkhyen pa dang / 'jig rten gyi khams thams cad kyi rigs rab tu 'byed pa'i ye shes mthong ba thams cad mngon par mkhyen pa dang / chos kyi dbyings dbye ba mig 'phrul mkhan gyis rnam par phye ba ltar thams cad mngon par mkhyen pa ste/ kye rgyal ba'i sras 'di ni sangs rgyas bcom ldan 'das rnams kyis chos thams cad ma lus par mngon par mkhyen pa bcu'o/ /kye rgyal ba'i sras sangs rgyas bcom ldan 'das rnams kyi stobs chen po dang / stobs dang / stobs tshad med pa dang / stobs kyi bdag nyid che ba dang / bzod par dka' ba'i stobs dang / yongs su ma nyams pa'i stobs dang / snying po'i stobs dang / mi phyed pa'i stobs dang / 'jig rten thams cad kyis bsam kyis mi khyab pa'i stobs dang / sems can thams cad kyis mi 'phrogs pa'i stobs dang / sangs rgyas kyi mthu chen po'i stobs kyi dpal gyi chos bcu ste/ bcu gang zhe na/ gang 'di sangs rgyas kyi sku pha rol rgol ba thams cad kyis mi phyed pa dang / 'tsho ba'i dbang po 'jig rten gyi khams thams cad kyis mi chod cing dug gis mi 'jigs pa</font><hr>56.208a<br><font size=+1>

dang / 'jig rten gyi khams thams cad 'tshig pa'i me'i bskal pas mi tshig pa dang / 'jig rten gyi khams thams cad sdud pa dang 'dzin pa'i chu'i phung po'i chus mi 'chi ba dang / bdud thams cad dang / bdud kyi sde thams cad dang / lha thams cad kyi stobs dang / klu thams cad dang / gnod sbyin thams cad dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang mi ma yin pa'i stobs dang / sha za dang / 'bar ba thams cad kyi stobs dang / sems can ma lus pa thams cad kyi mig gi stobs kyis mi tshugs pa dang / ri rab lhun po'i ri dang mnyam pa'i rdo rje'i char 'bebs pa dang / gzhan yang 'khor yug chen po'i ri dang mnyam pa dang / gzhan yang stong gsum gyis stong chen po'i tshad kyi rdo rje'i char babs te/ des bcom ldan 'das de bzhin gshegs pa dgra bcom pa yang dag par rdzogs pa'i sangs rgyas kyi ba spu yang mi 'gul/ bag tsha bar yang mi 'gyur bzhud pa dang / bzhengs pa dang / bzhugs pa dang / mnal ba'i spyod lam spang ba 'ang mi mnga' ste/ yul gang du de bzhin gshegs pa de ni de bzhin gshegs pa kun du ji tsam du bzhed pa kun du de tsam du ma bab bo/ /sangs rgyas kyis bsngags pa la yang gtses par ma gyur/ sangs rgyas kyi byin gyis brlabs kyi sems can la yang gtses par ma gyur na de bzhin gshegs pa'i sku mi 'khrugs pa lta ci smos te/ 'di ni sangs rgyas bcom ldan 'das rnams kyi mthu chen po'i stobs kyi dpal la gnas pa'i chos dang po'o/ /gzhan yang sangs rgyas bcom ldan 'das bzhed na chos thams cad kyi dbyings mchog ma lus pa thams cad dang / 'jig rten gyi khams thams cad dang / ri rab lhun po'i ri dang bcas/ kho ra khor yug dang / khor yug chen po'i ri dang bcas/ rgya mtsho'i ri dang nags stug por bcas pa dang / sems can</font><hr>56.208b<br><font size=+1>

gnas pa'i gnas sna tshogs dang / 'jig rten gyi khams ma lus pa de dag thams cad de bzhin gshegs pa'i ba spu'i bu ga gcig tu bcug ste tha ma'i mtha'i bskal pa'i mtha' bzung na/ de bzhin gshegs pa'i byin gyis brlabs ma gtogs par sems can gzhan gyis shes par mi nus so/ /'jig rten gyi khams du ma de dag thams cad de bzhin gshegs pa nyid kyi sku'i ba spu'i bu gar bcug nas mtha' ma'i mtha'i bskal par bzung ste/ bzhengs pa dang / bzhud pa dang / bzhugs pa dang / mnal ba dang / bskal par gshegs kyang de bzhin gshegs pa'i thugs la skad cig kyang sdug bsngal du mi 'gyur/ skyo ba mi mnga' ste/ stobs dang mthu yongs su nyams par mi 'gyur/ spyod lam la rnam par rtog par mi 'gyur ro/ /kye rgyal ba'i sras 'di lta ste dper na nam mkha' ni chos kyi dbyings ma lus pa thams cad dang / 'jig rten gyi khams thams cad 'dzin te/ 'bying ba ma yin/ zhum pa ma yin/ 'phel ba ma yin/ 'bri ba ma yin/ 'byung ba ma yin/ skye ba ma yin/ rnam pa ma yin no/ /de bzhin du sangs rgyas bcom ldan 'das rnams ba spu'i bu ga gcig tu 'jig rten gyi khams ma lus pa thams cad kun 'dzin kyang de'i phyir sdug bsngal tshor ba'i sems skye ba gcig kyang mi mnga' ste/ 'di ni sangs rgyas bcom ldan 'das rnams sangs rgyas kyi mthu chen po'i stobs kyi dpal la gnas pa'i chos brnyes pa'o/ /gzhan yang sangs rgyas bcom ldan 'das gom pa gcig gi spyod pa'i sangs rgyas kyi zhing brjod du med pa'i yang brjod du med pa'i rab tu phra ba'i rdul dang mnyam pa'i 'jig rten gyi khams 'dra'o/ /sangs rgyas kyi zhing brjod du med pa'i yang brjod du med pa'i rab tu phra ba'i rdul dang mnyam pa'i bskal par gom pas spyod do/ /du ma'i sems skye zhing 'jug pa de ltar gshegs shing 'jig rten gyi khams rab tu phra ba'i rdul</font><hr>56.209a<br><font size=+1>

dang mnyam pa'i bskal par gshegs te/ 'jig rten gyi khams ma lus pa thams cad du sems bskyed pa bzhin du bskal par gshegs shing 'jig rten gyi khams thams cad kyi rab tu phra ba'i rdul dang / mnyam pa'i 'jig rten gyi khams kun gnas shing tshad med pa dang / khor yug chen po'i ri brjod du med pa'i yang brjod du med par 'gyur ba dang mnyam pa'i sangs rgyas kyi zhing tha dad pa'i rab tu phra ba'i rdul dang mnyam pa 'das shing ba spu'i bu ga gcig 'gag par 'gyur te/ ji ltar ba spu'i bu ga gcig pa de ltar sku'i spu'i bu ga thams cad de sems can thams cad ji snyed pa ba spu'i bu gar gyur la/ de ltar sems can thams cad lci bar gyur la/ sems can de dag thams cad de bzhin gshegs pa'i sor mo gcig gi rtse mos tha ma'i mtha'i bskal par 'dzin te/ ji ltar sor mo gcig gis dang por 'dzin pa de ltar sor mo thams cad kyi rtse mos 'dzin kyang de'i phyir de bzhin gshegs pa'i sku bsnyel ba yang mi mnga'/ thugs la skyo bar yang mi 'gyur/ sdug bsngal gyi reg pa tshor ro snyam pa'i sems phra rab gcig tsam yang mi skye'o/ /de ltar 'jig rten gyi khams re rer gshegs shing 'jug pa dang / nam mkha' la gshegs shing 'jug pa dang / rgya mo'i phyogs thams cad du gshegs shing 'jug pa dang / de ltar nam mkha'i khams kyi mtha' ma lus pa thams cad dang / chos kyi dbyings kyi mthar 'jug pa dang / skra'i rtse mo'i mtha'i tshad kyi khams thams cad du 'jug pa dang / skra rtse re re'i mtha' tshad kyi grangs kyi nam mkha'i khams ma lus pa thams cad yongs su gsol ba'i skra'i rtse mo'i mtha'i tshad kyi nam mkha'i khams su 'jug pa 'dis de bzhin gshegs pa'i spyod lam thog ma'i mtha' dang tha ma'i mtha'i</font><hr>56.209b<br><font size=+1>

bskal par zad cing 'das kyi bar du phyogs dang phyogs na skyil mo krung gcig gis bzhugs shing yongs su longs spyod de/ 'di ni sangs rgyas bcom ldan 'das rnams kyi sangs rgyas kyi mthu chen po'i stobs kyi dpal la gnas pa'i chos bzhi pa'o/ /gzhan yang sangs rgyas bcom ldan 'das sangs rgyas kyi zhing brjod du med pa'i yang brjod du med pa'i rab tu phra ba'i rdul dang mnyam pa'i sku dang dbu du mar gyur la/ dbu gcig la sangs rgyas kyi zhing brjod du med pa'i yang brjod du med pa'i rab tu phra ba'i rdul dang mnyam pa'i ljags su gyur pa la sangs rgyas kyi zhing brjod du med pa'i yang brjod du med pa'i rab tu phra ba'i rdul dang mnyam pa'i dbyangs kyi yan lag dang / sgra dang / gsung 'jug ste/ chos kyi dbyings ma lus pa thams cad sems can kyi khams la go bar byed pa dang / dbyangs kyi yan lag dang / sgra dang / gsung re res kyang sangs rgyas kyi zhing brjod du med pa'i yang brjod du med pa'i rab tu phra ba'i rdul dang mnyam pa'i mdo sde dam pa rab tu bshad la/ mdo sde re re la yang sangs rgyas kyi zhing brjod du med pa'i yang brjod du med pa'i rab tu phra ba'i rdul dang mnyam pa'i chos ston pa'i rjes su 'brang la chos bstan pa re re la sangs rgyas kyi zhing brjod du med pa'i yang brjod du med pa'i rab tu phra ba'i rdul dang mnyam pa'i chos kyi tshig dang 'byed pa rnams kyi brjod pa 'gro ste/ ji ltar gang gi phyir chos ston pa de ltar chos thams cad ston te/ de dag la sangs rgyas kyi zhing brjod du med pa'i yang brjod du med pa'i rab tu phra ba'i rdul dang mnyam pa'i bskal par ston cing sangs rgyas kyi zhing brjod du med pa'i yang brjod du med pa'i rab tu phra ba'i rdul dang mnyam pa'i bskal pa rnams yongs su zad nas/ yang sangs rgyas kyi zhing brjod du med pa'i yang brjod du med pa'i rab tu phra ba'i</font><hr>56.210a<br><font size=+1>

rdul dang mnyam pa'i bskal par ston te/ gzhung 'dis 'jig rten gyis khams thams cad kyi rab tu phra ba'i rdul dang mnyam pa'i bskal par ston la/ gzhung 'dis 'jig rten gyi khams thams cad kyi rab tu phra ba'i rdul dang mnyam pa'i bskal pa zad pa dang / sems can thams cad kyi sems kyi spyod pa snyed kyi bskal pa zad cing 'das kyang de bzhin gshegs pa'i sprul pa ni de lta ma yin te/ chos thams cad mgal me'i 'khor lo ltar 'jug cing chos thams cad shes rab gyi ston te/ brda sprod cing the tsom thams cad gcod pa'i chos kyi 'khor lo skor ba dang / chos thams cad snang bar byed pa'i chos kyi 'khor lo skor ba dang / chags pa med pa'i mdzod kyi 'khor lo skor ba dang / sems can mtha' yas pa tshim par byed pa'i 'dul ba'i rgyan gyi chos kyi 'khor lo skor ba dang / byang chub sems dpa'i spyod pa thams cad bsdus pa'i rgyan gyi 'khor lo skor ba dang / ye shes kyi nyi ma'i dkyil 'khor chen po'i rgyun gyi 'khor lo skor ba dang / 'gro ba ma lus pa thams cad la ye shes kyi sgron ma chen po'i rgyun gyi 'khor lo skor ba dang / so so yang dag par rig pa dang / mi 'jigs pa chen po'i rgyan gyis chos kyi 'khor lo skor zhing ji ltar sangs rgyas gcig gi sku'i byin gyis brlabs kyis chos kyi 'khor lo skor ba'i sprin chen po yang dpe thams cad gyis dper bya ba ma yin te/ de ltar chos kyi dbyings ma lus pa thams cad dang / nam mkha'i khams kyi mthar skra'i rtse mo'i mtha' nas rnam par phye ba chags pa med pa ma lus pa thams cad dang / sangs rgyas kyi zhing brjod du med pa'i yang brjod du med pa'i rab tu phra ba'i rdul dang mnyam pa'i sems kyi skad cig ma dang / sems kyi skad cig ma re re de snyed kyi sangs rgyas kyi sprul pa sprul pa</font><hr>56.210b<br><font size=+1>

dang / ji srid du mtha' ma'i bskal par de bzhin gshegs pa thams cad kyi sprul pa'i sku rnams kyi de bzhin gshegs pa'i sku re re ba de snyed de snyed kyi dbur gyur pa'i bar du sngar kun du brjod pa bzhin du dbu re re la/ de snyed de snyed kyi ljags su gyur pa'i ljags re re la de snyed de snyed kyi dbyangs kyi yan lag dang / gsung dang / sku dang / gsung 'jug ste/ chos kyi dbyings ma lus pa thams cad sems can gyi khams na go bar byed pa dang / dbyangs kyi yan lag dang / sgra dang / gsung re res de snyed de snyed kyi mdo sde rnams 'chad de/ mdo sde re re la de snyed de snyed kyi chos ston pa rjes su 'brang la chos ston pa re re la de snyed de snyed kyi chos kyi tshig dang 'byed pa'i brjod pa 'gro ste/ chos kyi tshig dang 'byed pa re res chos kyi dbyings ma lus pa thams cad sgra gsal bar byed cing sems can gyi khams ma lus pa thams cad la go bar byed kyang de bzhin gshegs pa'i gsung 'dzin pa 'ang med/ nyams pa 'ang med/ zad pa 'ang med/ dmas pa 'ang med de/ de ltar tha ma'i mthar bskal pa'i bar du gnas shing chos kyi 'khor lo bskor te/ 'di ni sangs rgyas bcom ldan 'das rnams kyi sangs rgyas kyi mthu chen po'i stobs kyi dpal la gnas pa'i chos lnga pa'o/ /gzhan yang sangs rgyas bcom ldan 'das kyi thugs dpal gyi be'u yi rgyun dang ldan zhing / rdo rje'i snying po chen pos bzung ba de dag byang chub kyi shing drung du gshegs pa rnams la bzhag nas sems can thams cad snyed kyi bdud sdig can gyi sde gzugs sna tshogs bskrad cing mi sdug pa/ mchog tu 'jigs pa'i gzugs 'jig rten thams cad 'jigs pa'i gzugs/ mchog tu sems bskyed pa'i gzugs su 'phrul par byed do/ /byang chub kyi shing mchog gi drung du song nas chos thams cad kyi dbyings nam mkha'i mthar bdud kyi mi sdug pa'i gzugs 'dzin pa/ skrag pa chen pos 'jigs pa</font><hr>56.211a<br><font size=+1>

chen por byed pa/ 'gro ba thams cad 'jom pas/ 'jig rten thams cad 'jig pa'o/ /de na de bzhin gshegs pa byang chub kyi shing drung du gshegs nas thams cad la gzigs te/ gzigs nas mi bsnyengs/ bag mi tsha/ spu 'ga' yang mi g.yo/ gzugs sna tshogs kyi mtshan ma sna tshogs 'dzin pa yang mi mnga'/ sems phra mo yang mi mnga' bar gnas te mi g.yo/ mi skyod mi 'gyur rnam par mi rtog /shin du rab tu zhi/ bsnyengs shing ba spu ldang ba shin du mi mnga'/ 'dod pa dang khong khro ba shin du mi mnga'/ sangs rgyas kyi mdzad pa byams pa chen po chags pa med pa'i stobs kyis gtong ba/ dbang po sbed cing thugs rje chen po la gnas pa/ bag mi tsha ba'i thugs dbyer mi phyed pa'i snying po thugs mi dngangs shing zil gyis mi non pa'i thugs kyis bdud dang / bdud kyi ris kyi lha thams cad dang / bdud kyi sde mang po sna tshogs thams cad zil gyis gnon cing gzod nas zil gyis gnon/ bzung nas de bzhin gshegs pa la skyabs su dong ste/ de dag la bcom ldan 'das kyis cho 'phrul gsum dang de bzhin gshegs pas 'dul ba bstan te/ bla na med pa yang dag par rdzogs pa'i byang chub las phyir mi ldog par gyur to/ /'di lta ste/ sangs rgyas bcom ldan 'das rnams kyi sangs rgyas kyi mthu chen po'i stobs kyi dpal la gnas pa'i chos drug pa'o/ /gzhan yang sangs rgyas rnams kyi gsung thogs pa med pas 'jig rten gyis khams ma lus pa thams cad du 'jug cing de dang de dag tu 'jig rten thams cad kyis rnam par rig cing sems can rnams 'dul ba'i dbang gis de bzhin gshegs pa'i sgra de ri la thogs pa med de/ ri rab lhun po la mi thogs rin po che'i ri la ma yin/ khor yug dang khor yug chen po la ma yin/ lha'i gnas la ma</font><hr>56.211b<br><font size=+1>

yin/ klu'i gnas la ma yin/ gnod sbyin gyi gnas la ma yin/ dri za'i gnas la ma yin/ lha ma yin gyi gnas la ma yin/ nam mkha' lding gi gnas la ma yin/ mi 'am ci'i gnas la ma yin/ mi dang mi ma yin pa'i gnas la lta zhing chags par mi 'gyur ro/ /gal te 'jig rten gyi khams thams cad du gshegs na 'ang mi chags te/ 'jig rten srid pa'i khams thams cad kyi sgra chen po dang / 'jig rten thams cad kyi sgra sna tshogs rab tu rdzogs pa de la de bzhin gshegs pas brjod pa'i sgras sgrib par 'gyur te/ ji ltar 'dul ba'i sems can rnams kyi rna bas rnam par rig ste/ gang 'di rna bas rnam par rig cing rnam par rig pa'i tshig dang 'byed pa nyams par mi 'gyur te/ de ni 'di ltar de bzhin gshegs pa'i sgra/ lham me/ lhan ne/ lhang nge'o/ /'di ni sangs rgyas bcom ldan 'das rnams kyi sangs rgyas kyi mthu chen po'i dpal gyi stobs la gnas pa'i chos kyi sgra bdun pa'o/ /gzhan yang sangs rgyas bcom ldan 'das rnams kyi thugs brjod du med pa'i yang brjod du med pa'i bskal pa bye ba khrag khrig brgya stong du shin du yongs su sbyangs pas chags pa med/ 'das pa dang / ma 'ongs pa dang / da ltar byung ba'i sangs rgyas thams cad kyi rgyan dang zhing rnyog pa med pa/ bdag gi med pa'i chos thams cad la gnas pa/ nang dang phyi dang ldan pa ma yin/ ma skyes pa la brtsam pa thams cad rnam par phye ba/ zhi ba/ gnas med pa/ rtsom pa sna tshogs thams cad med pa/ ngo bo thams cad rnam par rtog pa'i 'du shes la gnas pa 'gag pa/ rang bzhin 'od gsal ba/ shin du yongs su dag pa/ rtsom pa dang yid la byed pa thams cad la ma chags pa'i nyon mongs pa med pa'i chos thams</font><hr>56.212a<br><font size=+1>

cad kyi yul gyi rjes su song ba/ yang dag pa'i mtha' 'dod chags dang bral zhing dag pa/ chos kyi dbyings ston pa'i mthar song ba/ chos kyi dbyings kun du mi zad pa'i rjes su song ba/ 'du shes su gyur pa thams cad dang / tshad dang tshad med pa dang / 'dus byas dang / 'dus ma byas dang / mngon par smra ba thams cad 'gags pa dag gis lam brjod du med pa'i mtha'i yul mi zad cing chags pa med pa'i dbyings kyi mtha'i sngon du ye shes 'gro zhing 'jug pa dang / stobs bcu'i rgyan dang chos thams cad rnam par dag pa/ thabs mkhas pa la zhugs pas chos sna tshogs dang / chos du ma dang / chos thams cad dang / ston pa 'gal ba med pa/ dus gsum du dbyer med pa/ chos kyi dbyings thams cad dang / chos thams cad dang / chos thams cad dngos po med pa'i dbang gi pha rol du song ba/ chos thams cad kyi dbang gi 'byung gnas kyi mdzod kyi khyad par chos thams cad kyi tshul dran zhing kun nas gti mug pa zhing thams cad du 'gro ba'i dbang dang / rgya mo'i phyogs ma lus pa thams cad kyi mdo med bcu rdul yab la mi gnas pa/ brtan par gnas shing mi 'pho ba/ ye shes kyi lta ba chos ma lus pa thams cad kyi mthar thug pa/ zag pa thams cad yongs su zad cing zag pa med pa/ sems rnam par grol ba/ shes rab rnam par grol ba/ shin du rnam par grol ba yang dag pa'i mtha' mi zad pa'i mchog chags pa med par gnas pa/ rtag tu mnyam pa dang rab tu ldan pa/ dus gsum la chags pa med par gnas pa/ sems kyi skad cig ma la dus gsum gyi sems kyi spyod pa thams cad ma lus par rab tu shes pa ste/ 'di ni sangs rgyas bcom ldan 'das rnams kyi mthu chen po'i stobs kyi dpal la gnas pa'i stobs brgyad pa'o/ /gzhan yang sangs rgyas bcom ldan 'das rnams kyi chos kyi sgra</font><hr>56.212b<br><font size=+1>

dang lus gcig tu 'dus pa/ sangs rgyas thams cad kyi sku dang yul tshad med pa mtha' dang dbung med pa'i sku yongs su grub pa/ 'jig rten thams cad yongs su 'dzin pa'i sku/ khams gsum gyis mi gos pa'i sku/ rkyen gyi sku rnam par rig cing lhag pa'i bsam pas rjes su dran pa la byin gyi brlabs kyi su'i tshogs ston pa/ mi bden mi brdzun zhing mnyam pa nyid rnam par dag pa'i sku/ 'ong ba dang / 'gro ba med pa'i chos kyi sku 'dus pa/ 'dus ma byas shing 'jig pa med pa'i sku/ mtshan nyid gcig dang / mtshan nyid med pa'i chos kyi ngo bo nyid kyi sku/ yul na mi gnas phyogs na mi gnas pa'i sku/ tshogs ma lus pa thams cad kyi sku/ sangs rgyas khyu mchog rnam par sprul pa'i sku/ kha dog mtha' yas pa'i sku/ sku thams cad rjes su 'brang ba/ sku sna tshogs su rnam par rig pa/ chos kyi sku'i tshul gyi rjes su song ba/ mtha' yas par snang ba'i ye shes kyi snying po'i dkyil 'khor gyi mdzod kyi sku/ bya ba sna tshogs med pa/ chos thams cad kyi dbyings ston pa'i sku/ sems can gyi khams ma lus pa thams cad la khyab par gsol ba'i sku 'dus pa/ mi g.yo mi sems pa'i sku rnam par dag pa/ med pa dang med pa ma yin pa dang / tshul dang tshul ma yin pas phye ba'i sku/ sems can thams cad kyi dad pa sna tshogs kyi rjes su song zhing 'dul ba'i sku/ 'gags pa dang / 'gags pa ma yin pa 'dul ba la gzigs pa'i yon tan dkon mchog thams cad byung ba bsgreng ba'i sku/ chos thams cad sangs rgyas kyi chos dang de bzhin nyid bsdus pa'i sku/ rang bzhin gyis shin du zhi ba dang bsgribs pa med pa'i mtha'i sku thogs pa med pa'i chos thams cad las skyes pa'i sku/ thams cad kyi rjes su song ba/ chos kyi dbyings dag pa/ 'jig rten thams cad du rnam par phye ba'i sku/ brtsam pa las mi ldog pa/ sangs rgyas kyi rnam par thar pa'i ye</font><hr>56.213a<br><font size=+1>

shes thams cad kyi rjes su 'brang ba/ kun 'brang ba'i rjes su song ba'i sku ste/ 'di ni sangs rgyas bcom ldan 'das rnams kyi mthu chen po'i dpal gyi stobs dang / sangs rgyas kyi chos kyi sku 'dus pa dgu pa'o/ /gzhan yang sangs rgyas bcom ldan 'das rnams mnyam pa dang / mnyam pa'i ye shes rnam par chud pa de bzhin gshegs pa thams cad byang chub sems dpa'i spyod pa thams cad las byung ba/ spyod pa las mngon par byung ba/ smon lam gyi khyad par dang byang chub sems dpa'i spyod pa rnam par dag pa/ byang chub sems dpa'i spyod pa thams cad yongs su rdzogs pa'i ye shes bya ba sna tshogs med pa'i sangs rgyas thams cad dang / byang chub sems dpa'i spyod pa thams cad las byung ba/ byang chub sems dpa'i spyod pa rgya mtsho'i spyod pa thams cad kyi cho ga shes pa/ smon lam chen po dang / spyod pa mi chung ba/ spyod pa thams cad yongs su rdzogs par dga' ba ma yin pa/ spyod pa'i stobs bzod par dka' ba'i spyod pa thams cad las byung zhing spyod pa thams cad rnam par dag pa/ byang chub sems dpa'i spyod pa bzang po spyad pa mi 'bri bar spyod pa/ sangs rgyas thams cad ting nge 'dzin tshad med pa thams cad la gnas pa/ spyod yul mtha' yas pa lam thams cad ston pa/ lam ma yin pa'i yul dang lam thams cad la zhugs pa/ ye shes mchog gi stobs kyi cho ga shes pa/ 'dzem pa med par chos kyi 'khor lo 'bebs pa/ dge ba 'dri ba dang / mi 'dri ba dang / btsun pa'i chos kyi tshul ston pa'i ye shes mnyam pa dang mnyam pa'i ye shes shin du yongs su dag pa lus dang / ngag dang / yid kyi spyod pa gsum yongs su dag pa/ sangs rgyas kyi sgo ma rnyed pa dang / sangs rgyas kyi spyod pas song ba de bzhin gshegs pa thams cad kyi rigs dang / sangs rgyas kyi ye shes dang / mdzad pa thams cad la zhugs pa/ thams cad mkhyen pa la gnas pa/ </font><hr>56.213b<br><font size=+1>

tshad med par ston pa dag gnas pa/ rtsa ba med cing mtha' med pa'i mngon par shes pa thams cad kyi ye shes bsam gyis mi khyab pa/ ye shes 'jig rten gyi sems can rnams kyi rjes su 'gro ba/ 'gro ba ma lus pa thams cad kyi thams cad chos thams cad kyi ye shes kyi mthong ba dang / phra ba ma lus pa mtha' dang dbung med pa'i ye shes/ dus gsum thams cad la 'jug pa'i tshul dang phra ba'i ye shes rjes su rtogs pa/ 'jig rten gyi khams ma lus pa thams cad rnam par dag pa dang / 'jig rten las 'das pa'i don dang / ye shes dang / sangs rgyas kyi mdzad par brjod du med pa 'jig rten gyi khams thams cad dang ldan zhing / phyir mi ldog pa'i ye shes kyi sangs rgyas thams cad kyi sku/ grangs la 'jug pa'i ye shes kyi chos yi ge med par rab tu rtog pa/ brjod du med pa'i ye shes sna tshogs rnam par bye ba dang / yi ge thams cad brjod du med par shes par byed/ ye shes kyi dge bar spyod pa'i chos thams cad rnam par dag pa kun du bzang po'i ye shes kyi rim pa/ sems skad cig ma gcig dang ldan pa'i ye shes kyis chos thams cad khong du chud pa'i ye shes ji ltar 'os pa dang / sems can thams cad kyi lus dang / ji ltar skye mched kyi chos gtong bar rab tu yid la byed pa'i ye shes chos thams cad kyi yul gyi mtshams ma yin pa/ 'jig rten gyi yul khams ma lus pa thams cad dang / 'gro ba ma lus pa thams cad dang / sems can ma lus pa thams cad dang / chos kyi dbyings ma lus pa thams cad dang / dus gsum gyi sems gyi skad cig ma gcig la chags pa med pa'i ye shes kyi mthong ba'i yul de bzhin gshegs pa ma lus pa thams cad kyi sangs rgyas 'byung ba'i yul la 'jug cing thams cad 'dul ba'i yul ma lus pa thams cad kyi rjes su song ba/ rnam par dag par sangs rgyas kyi</font><hr>56.214a<br><font size=+1>

yid kyi mtshams su thob pa mngon par mkhyen cing yul thams cad las mngon par sangs rgyas pa/ sems can gyi sems dang yid kyi rnam par shes pa ma lus pa thams cad rtogs pa/ dus gsum gyis phye ba'i sems kyi skad cig ma la ye shes kyi rjes su sangs rgyas shing mtshams ma yin pa'i sangs rgyas pa/ sems can thams cad du 'gro ba mtha' yas pa dang / 'jig rten gyi khams thams cad du 'gro ba mtha' med pa dang / 'jig rten gyi khams thams cad du 'gro ba mtha' yas pa dang / dus gsum thams cad du 'gro ba dpag tu med pa dang / sangs rgyas khyu mchog thams cad du 'gro ba dang / khong du chud pa ma lus pa thams cad du 'gro ba dang / de dag ma lus pa thams cad las mngon par rdzogs par sangs rgyas pa rnam par chud pa thams cad kyi rjes su 'gro zhing sangs rgyas kyi ye shes mi gtong ba/ sangs rgyas thams cad rdzu 'phrul rnam par sprul pa la bzhugs te/ de na sangs rgyas bcom ldan 'das mtha' dang dbung med par gnas pa/ sangs rgyas khyu mchog gi sku mtha' dang dbung med par gnas pa/ sems chags pa med par gnas pa/ mtha' dang dbung med pa'i snying rje chen po sbyor ba la gnas pa/ dus thams cad du rtag tu rgyun mi 'chad par chos ston par gnas pa ste/ 'di ni sangs rgyas bcom ldan 'das rnams kyi sangs rgyas kyi mthu chen po'i dpal dang / ye shes chen po la gnas pa'i chos bcu pa'o/ /kye rgyal ba'i sras 'di ni sangs rgyas bcom ldan 'das rnams kyi sangs rgyas kyi mthu chen po'i stobs kyi dpal la gnas pa'i chos bcu ste sems can thams cad dang / 'das pa dang / ma 'ongs pa dang / da ltar byung ba'i nyan thos dang / rang sangs rgyas thams cad kyis bsam gyis mi khyab cing tshad mi zin pa'o/ /kye rgyal ba'i sras sangs rgyas bcom ldan 'das</font><hr>56.214b<br><font size=+1>

rnams bzhugs pa'i chos bcu ste/ bcu gang zhe na/ sangs rgyas bcom ldan 'das rnams tshe ji tsam par dga' ldan na bzhugs shing tshe zad nas 'pho bar byed pa dang / sangs rgyas bcom ldan 'das rnams zla ba bcur bzhugs pa'i tshe ston pa dang / sangs rgyas bcom ldan 'das rnams mngon par 'byung zhing 'byung bar bzhed pa'i thugs kyis bzhugs pa dang / sangs rgyas bcom ldan 'das rnams byang chub kyi shing drung na bzhugs shing sangs rgyas kyi chos thams cad kyis mngon par rdzogs par sangs rgyas te bzhugs pa dang / sangs rgyas bcom ldan 'das rnams kyi skad cig ma gcig la sangs rgyas kyi chos thams cad kyi mngon par rdzogs par byang chub nas bzhugs shing / 'jig rten gyi khams thams cad du de bzhin gshegs pa thams cad rnam par sprul par ston pa dang / sangs rgyas bcom ldan 'das rnams 'dul ba'i dus ji lta ba bzhin du chos kyi 'khor lo bskor zhing bzhugs pa dang / sangs rgyas bcom ldan 'das rnams dge ba'i rtsa ba skyed pa'i dus ji lta ba bzhin du ston te brda sprod cing bzhugs pa dang / sangs rgyas bcom ldan 'das rnams dus ji lta ba bzhin du sangs rgyas kyi mdzad pa la bzhugs pa dang / sangs rgyas bcom ldan 'das rnams yongs su rdzogs pa'i byang chub sems dpa' rnams la brda sprod cing bzhugs pa dang / sangs rgyas bcom ldan 'das skad cig la sems can thams cad kyis dri ba dris pa rnams skad cig la brda sprod cing bzhugs te/ kye rgyal ba'i sras 'di ni sangs rgyas bcom ldan 'das rnams bzhugs pa'i chos bcu'o/ /kye rgyal ba'i sras sangs rgyas bcom ldan 'das gzigs ma thag tu myur ba'i de bzhin gshegs pa'i chos bcu ste/ bcu gang zhe na/ sangs rgyas bcom ldan 'das rnams sems can</font><hr>56.215a<br><font size=+1>

ngan par 'gro ba'i sems can rnams gzigs ma thag tu de dag myur du zlog pa dang / sangs rgyas bcom ldan 'das rnams sems can gzigs ma thag tu myur du bsod nams yongs su rdzogs par lhag par 'gro ba dang / sangs rgyas bcom ldan 'das rnams sems can gzigs ma thag tu myur du dge ba'i rtsa ba yongs su smin par mdzad pa dang / sangs rgyas bcom ldan 'das rnams sems can gzigs ma thag tu myur du mtho ris su skye ba rnam par dag pa so sor thob par mdzad pa dang / sangs rgyas bcom ldan 'das rnams sems can gzigs ma thag tu myur du nem nur dang / yid gnyis 'joms par nye bar gshegs pa dang / sangs rgyas bcom ldan 'das rnams byang chub tu sems bskyed pa'i sems can gzigs ma thag tu phyir mi ldog par mdzad pa'i phyir myur du gshegs shing sems rgya chen po la dad pa dang / sangs rgyas kyis 'dul ba'i 'gro ba byang chub tu sems ma bskyed pa bla na med pa yang dag par rdzogs pa'i byang chub tu sems bskyed par mdzad pa dang / sangs rgyas bcom ldan 'das rnams gsha' mar zhugs pa gzigs ma thag tu dmigs par lta ba dang / gsha' mar 'jug pa'i rgyu rab tu 'dzin pa dang / sangs rgyas bcom ldan 'das rnams sems can rnams gzigs ma thag tu myur du sems can rnams kyi dbang po 'jig rten las 'das pa rnam par dag par mdzad pa dang / sangs rgyas bcom ldan 'das rnams sems can gzigs ma thag tu myur du bsgribs pa thams cad zad par mdzad du gshegs pa dang / sangs rgyas bcom ldan 'das rnams sems can gzigs ma thag tu myur du snang ba so sor rnyed cing zhum pa med de/ mi 'jigs pa la spobs pa rtsom par mdzad pa ste/ kye rgyal ba'i sras</font><hr>56.215b<br><font size=+1>

'di ni sangs rgyas bcom ldan 'das gzigs ma thag tu myur ba'i de bzhin du gzigs pa'i chos bcu'o/ /kye rgyal ba'i sras sangs rgyas bcom ldan 'das bdag rjes su dgongs pa rnam par dag pa bcu ste/ bcu gang zhe na/ sangs rgyas bcom ldan 'das byang chub sems dpa' rnams kyi sems kyi spyod pa rjes su dgongs pa rnams yin/ sangs rgyas bcom ldan 'das byang chub sems dpa' rnams kyi pha rol du phyin pa yongs su rdzogs pa yang rjes su dgongs pa rnams yin/ sangs rgyas bcom ldan 'das byang chub sems dpa' rnams kyi smon lam chen po yongs su rdzogs pa yang rjes su dgongs pa rnams yin/ sangs rgyas bcom ldan 'das byang chub sems dpa' rnams kyi bsgrubs pa'ang rjes su dgongs pa rnams yin/ sangs rgyas bcom ldan 'das rnams kyi sangs rgyas kyi sngon gyi tshangs par spyod pa dang / byang chub sems dpa' rnams kyi 'ang rjes su dgongs pa rnams yin/ sangs rgyas bcom ldan 'das byang chub sems dpa' rnams mngon par rdzogs par byang chub pa'i sgo'ang rjes su dgongs pa rnams yin/ sangs rgyas bcom ldan 'das byang chub sems dpa' rnams kyi gzugs kyi lus tshad med mtha' yas pa'ang rjes su dgongs pa rnams yin/ sangs rgyas bcom ldan 'das sangs rgyas kyi yul dang / rnam par sprul pa tshad med mtha' yas pa dang / byang chub sems dpa' rnams kyi yang rjes su dgongs pa rnams yin/ sangs rgyas bcom ldan 'das byang chub sems dpa' sems kyi stobs bcu dang / mi 'jigs pa yang rjes su dgongs pa rnams yin te/ kye rgyal ba'i sras 'di ni sangs rgyas bcom ldan 'das bdag rjes su dgongs pa rnam par dag pa bcu'o/ /kye rgyal ba'i sras de bzhin gshegs pa</font><hr>56.216a<br><font size=+1>

thams cad mkhyen pa la gnas pa bcu ste/ bcu gang zhe na/ 'di lta ste/ chos thams cad kyi dbyings ma lus pa thams cad dang / dus gsum gyi sems can thams cad kyi sems sna tshogs dang / sems gcig gi spyod pa dang / rnam par g.yo ba ldog pa sems kyi skad cig ma la mkhyen pa dang / sems can ma lus pa thams cad kyi dus gsum kun gyi las rnams dang / las dang ldan pa sna tshogs dang / rnam pa dang / rim pa dang / las rnams kyi 'phel zhing sog pa'ang phyi ma'i rnam par smin pa'i rim pa sems kyi skad cig ma gcig la mkhyen pa dang / chos kyi dbyings ma lus pa thams cad dang / sems can can gyi ris sna tshogs dang / sems can gyi ris gcig dang / sems can ma lus pa thams cad dus ji lta ba bzhin du sems can rnams 'dul zhing ston pa'i cho 'phrul dang rjes su bstan pa'i cho 'phrul dang / rdzu 'phrul gyis cho 'phrul gyi byin gyis brlabs ston pa mkhyen pa dang / chos kyi dbyings ma lus pa thams cad dang / rgya mo'i phyogs kyi ris thams cad dang / 'jig rten gyi khams thams cad du song ba dang / sems can thams cad kyi sems kyis mtshan mar bzung ba dang / sangs rgyas 'byung ba lta ba rnam par phye ba mkhyen pa dang / 'jig rten gyi khams ma lus pa thams cad kyi sems can rnams kyi bsam pa ji lta ba dang / dad pa ji lta ba dang / 'dul ba ji lta ba bzhin du skad cig la tshad med pa'i rim pas sangs rgyas la lta ba dang / rnam par rig pa'i byin gyis brlabs mkhyen pa dang / 'jig rten gyi khams ma lus pa thams cad kyi sems can pha rol gyi bsam par sangs rgyas kyi byin gyis brlabs ston pa mkhyen pa dang / chos kyi dbyings ma lus pa thams cad 'dzin pa med pas sangs rgyas nas sems can rnams ji lta bus 'dul ba bzhin du 'doms shing rjes su bstan pa dang / </font><hr>56.216b<br><font size=+1>

de bzhin gshegs pa 'byung ba ston par mkhyen pa dang / chos kyi dbyings ma lus pa thams cad dang sems can thams cad kyi thams cad du 'gro zhing sems kyi skad cig ma la de dang de dag tu 'gro ba'i nan tan mkhyen pa dang / sems kyi skad cig ma la chos kyi dbyings ma lus pa thams cad kyi sems can rnams kyi phyogs thams cad la sangs rgyas rjes su dran pa gtong zhing sbyor ba mkhyen pa dang / sems kyi skad cig ma la chos kyi dbyings ma lus pa thams cad kyi sems can rnams kyi dad pa tshad med pa ji lta ba bzhin du sangs rgyas kyi sku la lta ba dang / gzugs kyi sku'i kha dog gi gnas mtha' yas pa ston pa mkhyen pa ste/ kye rgyal ba'i sras 'di ni de bzhin gshegs pa dgra bcom pa yang dag par rdzogs pa'i sangs rgyas rnams thams cad mkhyen pa la gnas pa bcu'o/ /kye rgyal ba'i sras de bzhin gshegs pa dgra bcom pa yang dag par rdzogs pa'i sangs rgyas rnams kyis sangs rgyas kyi ting nge 'dzin tshad med pa bsam gyis mi khyab pa bcu ste/ bcu gang zhe na/ 'di lta ste/ sangs rgyas bcom ldan 'das chos thams cad la rtag tu snyoms par 'jug cing sems kyi skad cig ma la chos kyi dbyings ma lus pa thams cad sems can rnams la chos ston pa dang / sangs rgyas bcom ldan 'das chos kyi dbyings ma lus pa thams cad la snyoms par 'jug cing sems kyi skad cig ma la sems can gyi khams sna tshogs kyi rim pa bdag med pa'i mthar gyur pa kun nas snang bar mdzad pa dang / sangs rgyas bcom ldan 'das chos kyi dbyings ma lus pa thams cad dang / dus gsum la snyoms par 'jug cing sems kyi skad cig ma'i mtha' la snyoms par 'jug cing gnas pa dang / sangs rgyas bcom ldan 'das chos kyi dbyings ma lus pa med bcu rdul yab thams cad kyi rgya mo thams cad dang / sangs rgyas kyi zhing</font><hr>56.217a<br><font size=+1>

rigs dang zhing thams cad la rtag tu snyoms par zhugs shing zhing mi zad pa'i mthar gyur par gnas pa dang / sangs rgyas bcom ldan 'das chos kyi dbyings ma lus pa thams cad dang / sangs rgyas kyi sku tha yas pa la snyoms par zhugs shing skad cig la 'jig rten thams cad du sangs rgyas kyi sku sna tshogs rnam par rig pa ston pa dang / sangs rgyas bcom ldan 'das chos kyi dbyings ma lus pa thams cad dang lus dang / ngag dang / sems yongs su gsal ba la rtag tu snyoms par zhugs shing / sems can thams cad kyi sems sna tshogs kyi gnas mdzod du gnas shing skad cig la dad pa ji lta ba bzhin du yid la byed pa dang sangs rgyas bcom ldan 'das chos kyi dbyings ma lus pa dang / chos thams cad kyi ngo bo nyid la snyoms par zhugs shing 'dod chags dang bral ba'i mthar gyur pa dang / sangs rgyas bcom ldan 'das chos kyi dbyings ma lus pa thams cad dang / 'jig rten thams cad kyi rkyen la snyoms par 'jug cing skad cig la smra ba'i rkyen ston pa dang / sangs rgyas bcom ldan 'das chos kyi dbyings ma lus pa thams cad dang 'jig rten gyi dang 'jig rten las 'das pa med bcu rdul yab thams cad la rtag tu snyoms par zhugs shing skad cig la mtha' yas pa'i rkyen gyi rjes su song ba ste sangs rgyas la lta ba mi gcod cing sems can sangs rgyas mtha' yas pa la lta bar mdzad pa dang / sangs rgyas bcom ldan 'das chos kyi dbyings ma lus pa thams cad bsgrub pa med pa la snyoms par zhugs shing / skad cig la sangs rgyas kyi chos thams cad rtogs shing rig nas/ sangs rgyas kyi rnam par thar pa mtha' yas pa'i pha rol du phyin pa brnyes pa ste/ kye rgyal ba'i sras 'di ni sangs rgyas bcom ldan 'das de bzhin gshegs pa dgra bcom pa yang dag par rdzogs pa'i</font><hr>56.217b<br><font size=+1>

sangs rgyas rnams kyi sangs rgyas kyi ting nge 'dzin tshad med bsam gyis mi khyab pa bcu'o/ /kye rgyal ba'i sras sangs rgyas bcom ldan 'das rnams kyi rnam par thar pa bcu ste/ bcu gang zhe na/ rab tu phra ba'i rdul gcig la brjod du med pa'i yang brjod du med pa'i sangs rgyas 'byung ba ston pa rnam par thar pa dang / rab tu phra ba'i rdul gcig la brjod du med pa'i yang brjod du med pa'i chos kyi 'khor lo skor ba ston pa rnam par thar pa dang / rab tu phra ba'i rdul gcig la brjod du med pa'i yang brjod du med pa'i sems can 'dul zhing yongs su smin par mdzad pa ston pa rnam par thar pa dang / rab tu phra ba'i rdul gcig la brjod du med pa'i yang brjod du med pa'i zhing ston pa rnam par thar pa dang / rab tu phra ba'i rdul gcig la 'das pa dang / ma 'ongs pa dang / da ltar byung ba'i sangs rgyas 'byung bar ston pa rnam par thar pa dang / rab tu phra ba'i rdul gcig la 'das pa dang / ma 'ongs pa dang / da ltar byung zhing rje ba rnam par thar pa dang / rab tu phra ba'i rdul gcig la 'das pa dang / ma 'ongs pa dang / da ltar byung ba'i de bzhin gshegs pa thams cad kyi rdzu 'phrul dang / rnam par sprul pa ston pa rnam par thar pa dang / rab tu phra ba'i rdul gcig la 'das pa dang / ma 'ongs pa dang / da ltar byung ba'i sems can rnams la chos ston pa rnam par thar pa dang / rab tu phra ba'i rdul gcig la 'das pa dang / ma 'ongs pa dang / da ltar byung ba'i sangs rgyas thams cad kyi mtshan ston pa rnam par thar pa ste/ kye rgyal ba'i sras 'di sangs rgyas bcom ldan 'das rnams kyi rnam par thar pa bcu'o/ /snyan gyi gong rgyan rgyas pa chen po'i mdo le'u 'bum pa las sangs rgyas kyi chos bsam gyis mi khyab pa bstan pa'i le'u nyi shu dgu pa rdzogs so// //</font><hr>

</table>