J205

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>J205</h1><td>(<a href="https://adarsha.dharma-treasure.org/kdbs/jiangkangyur" target="new2">e-text produced by ADARSHA</a>)<br><br><a href="verif2.php?id=J205&coll=lithang">see text in Tibetan script</a></table>62.222a<br><font size=+1>

bod skad du/ 'phags pa thar pa chen po phyogs su rgyas pa 'gyod tshangs kyis sdig sbyangs te sangs rgyas su grub par rnam par bkod pa zhes bya ba theg pa chen po'i mdo/ sangs rgyas dang / byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das rgyal po'i khab kyi grong khyer chen po na/ dge slong gi dge 'dun chen po brgyad khri dang / byang chub sems dpa'i dge 'dun sum khri drug stong dang thabs gcig tu bzhugs te/ de dag kun kyang skye ba gcig gis thogs pa/ sgrib pa thams cad dang yongs su bral ba/ </font><hr>62.222b<br><font size=+1>

gzi brjid dang dpal gyi dbang phyug dang ldan pa/ de bzhin gshegs pa la gsong ba'i don thabs kyis bskul ba/ sangs rgyas kyi zhing yongs su dag par byed pa/ sangs rgyas kyi bya ba lhun gyis grub pa/ sangs rgyas rnams kyi byin gyi brlabs kyis rnam par bkod pa/ chos kyi sde snod srung zhing skyob pa'i phyir theg pa chen po'i mdo gzungs su 'dzin cing seng ge'i sgras phyogs bcur chos kyi 'brug sgra chen po sgrogs pa/ de dag gi yon tan gyi go 'phang ni ri rab dang 'dra ba shes rab zab cing rgya che ba ni rgya mtsho dang 'dra ste/ bdud kyi sde dpung dang bcas par btul ba/ mu stegs thams cad sdud cing sems rnam par byang ba la 'jog pa/ mthu stobs dang ldan pas rnam par grol ba la thogs pa med pa/ mnyam pa nyid la bde bar gnas pa/ dran pa dang ting nge 'dzin kun du bzung ba/ bstan pa la mos shing blo gros dang ldan pa/ bsdu ba'i dngos po bzhi dang / pha rol du phyin pa drug dang / thabs la mkhas pa dpag tu med pas chos thams cad kyi don dang mi ldan pa med pa/ skye bo rnams kyi yid bzhin du phyir mi ldog pa'i 'khor lo bskor ba/ yod pa dang med pa shes pa'i shes rab dang ldan pas chos kyi rnam grangs la mkhas pa/ mngon par shes pa'i ting nge 'dzin la bzhugs te spyan lngas sems can rnams kyi dbang po rtogs pa/ gzi brjid dang dpal dpag tu med pa skye bo mang po rnams bsam gtan dang shes rab kyis sems su sbyangs te mtshan dang dpe byad bzang pos brgyan cing mchog dang ldan par byed pa/ sems nam mkha' dang 'dra ba/ 'jig rten gyi gzugs dang kha dog yongs su btang ste/ chos rnams kyi chos nyid la mkhas pa/ rang gi rig pa dang ldan pa'i shes rab kyis sems can gang nas gang du 'khor bar shes pa/ ting nge 'dzin thams cad dang ldan pas mnyam pa med pa la bsnyen pa/ dge ba'i rtsa ba yun ring po nas bskyed pas sangs rgyas kyi dbang phyug thob pa/ ye shes dang / stobs bcu dang / mi 'jigs pa bzhi dang / ma 'dres pa bcwa brgyad dang ldan pa/ bzang 'gro'i sgo ni phye/ ngan 'gro rnams kyi sgo ni bkag ste/ sems can kun la</font><hr>62.223a<br><font size=+1>

bu gcig dang 'dra bar snyoms par bstan pa'i phyir lam rgyud lngar skye zhing lus ston par byed pa/ sems can rnams nyon mongs pa las bsgral ba'i phyir sman pa'i rgyal po ltar rdzu zhing 'khor ba la gnas te/ nad gso ba'i cho ga la mkhas pas nad kyi rkyen bzhin du sman byin nas 'khor ba las yongs su thar bar byed pa/ gang gis thos kyang ma grol ba med pa de lta bu'i yon tan tshad med pa dang ldan pa/ sngon 'das pa'i sangs rgyas grangs med pa la mchod pa myong ba/ sangs rgyas kyi ngo bo nyid shin du rig pa/ de bzhin gshegs pa yun du gnas par shes pa/ rtag par yang sems can la sangs rgyas kyi ngo bo nyid yod par bshad pa sha stag la 'di lta ste/ byang chub sems dpa' sems dpa' chen po 'jam dpal dang / byang chub sems dpa' 'od mi g.yo dang / byang chub sems dpa' klu shing ljon pa dang / byang chub sems dpa' spyan ras gzigs dbang phyug dang / byang chub sems dpa' mthu chen thob dang / byang chub sems dpa' sman gyi rgyal po dang / byang chub sems dpa' sman gyi bla dang / byang chub sems dpa' kun du bzang po dang / byang chub sems dpa' chos kyi dbang phyug rgyal po dang / byang chub sems dpa' seng ge'i sgra dang / byang chub sems dpa' gzungs 'dzin dang / byang chub sems dpa' rin chen mdzod dang / byang chub sems dpa' rtag 'grus dang / byang chub sems dpa' rgyun mi gtong dang / byang chub sems dpa' mtshan nyid la dad pa dang / byang chub sems dpa' thub med dang / byang chub sems dpa' byams pa la sogs pa byang chub sems dpa' sems dpa' chen po sum khri drug stong dang / mthu stobs dang ldan pa'i lha bye ba khrag khrig phrag brgyad bcu dang / dge slong dang / dge slong ma dang / dge bsnyen dang / dge bsnyen ma rnams dang / lha dang / klu dang / gnod sbyin dang / mi dang mi ma yin pa la sogs pa dang / tshangs pa dang / brgya byin la sogs te grangs med dpag tu med pa'i lha dang lhan cig tu nam mkha' la 'khod de/ lha'i rin po che'i me tog gi char phab nas rol mo sil snyan yang grangs med dpag tu med pa sgra rang 'byin pa byas te/ lha tshangs pas sam ba ra'i spos</font><hr>62.223b<br><font size=+1>

kyi bdug pa dri zhim pos bdugs te/ de bzhin gshegs pa la mchod pa'i sprin phung phyogs bcu'i 'jig rten grangs med pa'i khams kun khyab par gyur te/ phyogs bcu'i sangs rgyas thams cad dang / phyogs bcu'i chos thams cad dang / phyogs bcu'i byang chub sems dpa'i dge 'dun thams cad la kun du mchod yon gsol bar gyur to/ /de ltar lha rnams kyis mchod pa phul nas theg pa chen po bla na med pa'i lam tshol ba'i phyir ro/ /de nas de'i tshe de'i dus na bcom ldan 'das 'khor chen po grangs med dpag tu med pas bkor ba de dag dang thabs gcig tu shing sa la chen po ga la ba de logs su gshegs nas dpyid zla 'bring po'i tshes bcwa lnga la mya ngan las 'da' ba'i khar/ de bzhin gshegs pa'i byin gyi brlabs kyis byams pa chen pos sems can thams cad sdud cing skyob par dgongs te/ gsung dbyangs chen po phyung nas sgra des phyogs bcu kun du khyab par so so'i skad bzhin du sems can thams cad la bka' stsal pa/ deng ni de bzhin gshegs pa dgra bcom pa yang dag par rdzogs pa'i sangs rgyas kyis sems can la thugs brtse bar dgongs so/ /sems can la srung zhing skyob par dgongs so/ /sems can sdud cing gzhes par dgongs so/ /sems can la snyoms par gzigs pa ni dper na bu gcig la lta ba dang 'dra bar rten med pa la rten bya'o/ /sangs rgyas kyi bdag nyid ma mthong ba ni mthong bar bya'o/ /nyon mongs pa dang ma bral ba ni bral bar bya'o/ /bde ba med pa ni bde bar bya'o/ /ma grol ba ni rnam par grol bar bya'o/ /longs spyod med pa ni longs spyod dang ldan par bya'o/ /the tsom dang ma bral ba ni the tsom dang bral bar bya'o/ /'gyod tshangs ma byas pa ni 'gyod pa tshangs par bya'o/ /mya ngan las ma 'das pa ni mya ngan las bzla bar bya'o zhes bka' stsal pa dang / de'i tshe de'i dus na lam gyi g.yas g.yon du sa gzhi mnyam pa thang bzang po yongs su dag pa/ bkra shis kyi sa chu zheng du mnyam par dpag tshad stong phrag bcu bcu yod par bcom ldan</font><hr>62.224a<br><font size=+1>

'das kyis gzigs nas mod la der gzhes te/ dge slong rnams la 'di skad ces bka' stsal to/ /gnas 'di ni chos bshad pa'i sar 'os so zhes bka' stsal pa dang / dge slong kun dga' bos bcom ldan 'das la 'di skad ces gsol to/ /bcom ldan 'das de bzhin gshegs pa ni sngon rtag tu ri dang / tshal dang / chab gtsang ma 'bab pa dang / bza' shing gi ra ba dang / me tog dag mchis pa la dgyes na deng 'dir ni chab 'bab pa yang ma mchis/ shing dang tshal yang ma mchis/ grong khyim dang / bza' shing gi ra ba dang / mi phal yang ma mchis par bcom ldan 'das 'dir ci la dgyes te bzhugs shing chos bshad ces gsungs/ phal shul ring po nas mchi ba/ bkres skom pa'i sdug bsngal gyis gdungs pa'i sems can rnams srog kyang mi 'tsho ste/ zas mchis na ni srog mchis/ srog mchis na ni lus mchis/ lus mchis na ni chos lam yang mchis so/ /zas ma mchis na srog ma mchis/ srog ma mchis na lus ma mchis/ lus ma mchis na chos lam yang ma mchis pa lags na da 'di'i nang du 'di lta bu'i yid la bab pa gang yang ma mchis par bcom ldan 'das ci'i slad du 'dir chos bshad ces gsungs/ de nas shes rab chen po shA ra dwa ti'i bus sangs rgyas kyi byin gyis brlabs kyis kun dga' bo la smras pa/ sngar chos kyi phyir zhu ba'i rigs kyi gzhan ni bsam mi dgos so/ /de bzhin gshegs pa ni stobs bcu dang / mi 'jigs pa bzhir ma zad kyi de bzhin gshegs pa la stobs dpag tu med pa dang / ces kyang mi bsnyengs pa thams cad mkhyen pa'i ye shes dpag tu med pa dang / gzi brjid dang / rdzu 'phrul dpag tu med pa mnga' ste/ gang brten med pa ni rten du mdzad/ sangs rgyas kyi ngo bo nyid ma mthong ba ni mthong bar mdzad/ nyon mongs pa dang ma bral ba ni bral bar mdzad/ bde ba med pa ni bde ba la reg par mdzad/ ma grol ba ni rnam par grol bar mdzad/ longs spyod dang mi ldan pa ni longs spyod dang ldan par mdzad/ mya ngan las ma 'das pa ni yongs su mya ngan las bzla bar mdzad de/ de</font><hr>62.224b<br><font size=+1>

bzhin gshegs pa la 'di lta bu la sogs pa'i rdzu 'phrul dpag tu med pa dang ldan na de bzhin gshegs pa la rang 'byung med pa'i mya ngan bya ci dgos/ bdag dran pa sngon dra ma chen po dri ma med par grags pas phal mang po la chos bstan pa na 'jig rten gyi khams gzhan nas 'ongs pa'i byang chub sems dpa' dang / nyan thos dang / rang sangs rgyas dang / mthu stobs dang ldan pa'i lha dang / klu la sogs pa'i phal mang po khang pa'i nang du 'dus ste 'khod pa'i tshe zas dag mi snang nas/ bdag de'i tshe phal mang po 'di rnams kyi zas ji ltar 'byor snyam bsams pa las dri ma med par grags pas bdag la smras pa/ nyan thos shes rab dman pa yang dag pa'i chos bsam pa'i rigs kyi thog ma nas zas dang / gos dang / khri stan la sogs pa sgyu ma'i rdzas la ci'i phyir rnam par rtog ces dra ma chen po dri ma med par grags pas de skad smras pa'i tshe lha dang / mi rnams ni chos lam thob bdag ni skyengs te khyod da ltar smras pa yang de dang 'dra'o/ /de nas bcom ldan 'das kyis kun dga' bo la bka' stsal pa/ dga' bo blo gros kyi mchog shA ra dwa ti'i bus smras pa bden te/ theg pa chen po bsam pa'i rigs kyi lus bde ba'i phyir bsam pa ma yin no/ /de skad ces bka' stsal ma thag tu ting nge 'dzin du zhugs nas byin gyis brlabs kyi mod la sa der gser gyi me tog gcig 'bus nas byung ste/ 'phang du dpag tshad khri phrag bzhi bcu yod la/ stong khams kun kyang chub par g.yogs nas bai dUr+ya'i dra bas kyang gser gyi me tog khyab par g.yogs te/ me tog de'i 'og tu rin po che'i khrus kyi rdzing bu yon tan brgyad dang ldan pa'i chu zhes bya bas yongs su gang ba/ de'i ngos bzhir me tog sna tshogs rnam pa mang po la 'di lta ste/ me tog ud pa la dang / ku mu da dang / pad ma dang / pun ta ri ka la sogs pa rnam pa mang po dpag tu med pas rin po che'i rdzing rnam par brgyan pa byung nas/ gang la la zhig gis gser gyi me tog dang / </font><hr>62.225a<br><font size=+1>

rin po che'i rdzing bu mthong ba tsam gyis chos kyi mig rnam par dag pa thob na nang du zhugs te khrus byas pa lta ci smos/ gal te zhugs te khrus byas pa ni rnam par dag pa dang / mi skye ba'i chos la bzod pa thob bo/ /gser gyi me tog de'i 'og tu seng ge'i khri rin po che las byas pa/ 'phang du dpag tshad brgya pa byung ste/ de nas bcom ldan 'das kyis rin po che'i khri de la bzhugs nas sku'i ba spu'i bu ga dang / yan lag kun nas 'od zer chen po btang ste/ de bzhin gshegs pa'i 'od zer yang gser gyi me tog gi kha dog dang 'thun par phyogs bzhir byung bas phyogs bcur sangs rgyas kyi zhing thams cad du khyab par snang bar byas pa'i gnas thams cad du ri lung dang / yul sa kun kyang mnyam par gyur nas thams cad gser gyi kha dog tu gyur te/ sme btsogs pa yang med la sems can dmyal ba yang zhi nas yi dgas kyang rnam par grol te/ log spyod dang dam pa'i chos la yod pa ni ma gtogs so/ /de bzhin gshegs pa'i byin gyi brlabs kyis 'jig rten gyi khams gzhan dang / dbus kyi khams 'di dang 'dra bar gyur nas tha dad pa med do/ /phyogs bcu'i sangs rgyas kyis kyang 'od zer de gzigs nas so so nas tshig 'thun par bcom ldan 'das shAkya thub pa la legs so zhes pas bstod nas legaso legs so/ /bcom ldan 'das byams pa chen pos 'od zer btang ba 'di ni sngon gyi 'od zer dang mi 'dra ste/ sngon chad kyi 'od ni shar phyogs su sngar shar na/ deng gi 'od ni phyogs bzhi nas dus gcig tu phyogs bcur khyab par shar ba las bltas na 'od des ni sdug bsngal ba'i sems can thams cad khams gsum nas bton te/ mya ngan las bzla bar mngon no zhes gsungs so/ /de nas phyogs bcu'i sangs rgyas rnams kyis so so'i 'khor gyi byang chub sems dpa' sems dpa' chen po rnams la bka' stsal pa/ rigs kyi bu dag 'di lta ste/ 'jig rten gyi khams mi mjed nas de bzhin gshegs pa dgra bcom pa yang dag par rdzogs pa'i sangs</font><hr>62.225b<br><font size=+1>

rgyas shAkya thub pas 'od zer chen po gtong ba ni gdon mi za bar dam pa'i chos bstan cing sems can rnams sdug bsngal ba las bsgal gyi cha na/ khyed rnams 'jig rten gyi khams der song la/ sangs rgyas de la mchod pa phul nas the tsom rnams zhu zhing chos kyi rnam grangs nyan cing gsol ba'i rigs so/ /'jig rten gyi khams de'i sems can yongs kyis ngan cing khro la rdzun sgyu can te/ theg pa gcig la ma dad pas de bzhin gshegs pa shAkya thub pas byams pa chen pos thabs sna tshogs kyis theg pa gsum du phye ste/ srid pa gsum rnam par grol bar byed do/ /theg pa gsum du bstan gyis kyang thog mar dge ba/ bar du dge ba/ tha mar dge ba/ don bzang po/ tshig 'bru bzang po/ ma 'dres pa/ yongs su dag pa/ yongs su dkar ba ste/ sangs rgyas bcom ldan 'das de ni bskal pa khri phrag brgya stong du yang mthong bar mi 'gyur/ chos kyi rnam grangs bshad do cog kyang thos par mi 'gyur/ 'khor de dag kyang tshogs 'dus par mi 'gyur/ bcom ldan 'das shAkya thub pa'i gdan khri dang / gser gyi me tog khyad par can la bzhugs pa yang mthong bar mi 'gyur ro/ /de bas na khyed rnams 'jig rten der song la/ sangs rgyas de mthong zhing the tsom dag zhu na khyed rnams kyang bsod nams thob la/ skye bo kun la phan pa dang / bde bar 'gyur ro/ /de skad ces bka' stsal ma thag tu phyogs bcu'i sangs rgyas kyi zhing re re nas byang chub sems dpa' bye ba phrag bcu bcu rang rang gi gnas nas langs te/ so so'i sangs rgyas la phyag 'tshal nas/ thabs gcig tu dong ste/ byang chub sems dpa' re re yang rol mo rnam pa brgya stong thogs te/ me tog rin po che mchog tu bzang po'i char phab nas bcom ldan 'das shAkya thub pa ga la ba der phyin te/ bcom ldan 'das la phyag 'tshal nas lan bdun bskor ba byas nas phyogs gcig tu 'dug go/ /de nas so so nas tshig gcig dang / ngagacig dang / sgra gcig gis bcom ldan 'das la 'di skad ces gsol to/ /bcom ldan 'das bdag cag gsol zhing zhu ba zhig mchis na skye bo rnams</font><hr>62.226a<br><font size=+1>

la sman pa dang bde ba'i slad du bcom ldan 'das kyis skabs dbye zhing bshad par smon to/ /de nas bcom ldan 'das kyis phas byin pa'i byang chub sems dpa' rnams la bka' stsal pa/ rigs kyi bu dag the tsom yod na de kun dris shig dang / ngas khyed rnams la bye brag phyed par bshad do/ /de nas byang chub sems dpa' rnams kyis bcom ldan 'das la 'di skad ces gsol to/ /bcom ldan 'das bdag cag gi de bzhin gshegs pa ni theg pa gcig las mi bshad na/ 'dir bcom ldan 'das kyis ci'i slad du bshad ces gsol pa dang / de nas bcom ldan 'das kyis thogs pa med pa'i ye shes kyis byang chub sems dpa' rnams la bka' stsal pa/ rigs kyis bu khyed rnams sems can la phan pa dang bde ba'i phyir don 'di lta bu 'dri ba legs kyis nyon cig rigs kyi bu rnams dper na mi gcig la ming gsum yod pa lta bu ste/ chung ngu'i tshe na ni byis pa zhes bya/ lo nyi shu yan chad la ni skyes bu zhes bya/ lo brgyad bcu yan chad 'das pa ni rgan po zhes bya'o/ /nga'i theg pa gsum yang de dang 'dra ste/ sems rgya chung ngu nyan thos la ni theg pa chung ngu bstan/ sems rgya 'bring po rang sangs rgyas la ni theg pa 'bring po bstan/ byang chub sems dpa' sems dpa' chen po lam chen po la zhugs pa la ni theg pa chen po bstan to/ /rigs kyi bu khyed rnams yang nyon cig /mdor mtha' gnyis med pa dang phyogs gcig tu 'thun te/ shes pa'i sgo tha dad kyang mtha' gcig tu 'du'o/ /mdo ni theg pa gcig ste/ thabs dpyad pas gsum du bgos so/ nyan thos dang / rang sangs rgyas kyi theg pa yang theg pa chen po'i nang du 'du/ theg pa chen po ni sangs rgyas kyi theg pa'o/ /de bas na theg pa gsum yang theg pa gcig go zhes chos 'di bstan pa'i tshe byang chub sems dpa' stong phrag bcu mi skye ba'i chos la bzod pa thob bo/ /dge slong brgyad brgya ni dgra bcom pa'i 'bras bu thob/ lha nyi khris ni chos kyi mig rnam par dag pa thob/ mi las khri phrag brgya stong ni mod la bla na med pa yang dag</font><hr>62.226b<br><font size=+1>

par rdzogs pa'i byang chub tu sems bskyed do/ /de nas phyogs bcu nas phyin pa'i byang chub sems dpa' rnams kyis bcom ldan 'das ga la ba de logs su thal mo sbyar ba btud nas bcom ldan 'das la 'di skad ces gsol to/ /bcom ldan 'das bdag cag ni de bzhin gshegs pa'i mthu dang / byin gyi brlabs kyis khams 'dir phyin cing bcom ldan 'das kyi zhal mthong ba'i steng du theg pa chen po'i chos kyang thos na chos kyi rnam grangs 'di bdag cag gis blangs te gzungs su 'dzin par gnang bar mdzad du gsol/ de bzhin gshegs pa mya ngan las 'das pa'i slad na 'jig rten gyi khams 'di dang / 'jig rten gyi khams gzhan du ri dang / nags dang / tshal dang / shing drung dang / rig pa 'dzin pa'i gnas dang / grong khyer dang / grong rdal dang / ljongs dang / dgon pa dang / dur khrod dang / mchod rten dang / gtsug lag khang dang / dge 'dun gyi gnas khang dang / chos ston pa'i sa mang po 'du ba dang / khyim pa'i gnas so so'i khyim khyim du rgya cher spel zhing rgyun mi 'chad par bgyi'o/ /de ci'i slad du zhe na/ chos kyi rnam grangs 'di yun ring du gnas na ngan 'gro kun bkag par 'gyur ro/ /sngon de bzhin gshegs pas btud pas sems can dmyal ba'i sgo bcad ces thos te/ gang gis mdo sde 'di las tshig gcig bton na lha rnams rab tu dga' ba dang tshim pa skyes te/ rtag tu bsnyen bkur bgyid cing rang bzhin gyis dge ba spyod do/ /gang la las thar pa chen po phyogs su rgyas pa'i mdo 'di thos te/ dga' ba skyes nas dad pa dang gus pa'i sems kyis yi ger 'bri 'am/ yi ger 'drir 'jug gam/ klog gam/ kha ton du byas sam/ blangs sam/ 'chang ngam/ phyag 'tshal zhing chos kyi rnam grangs 'di'i nang gi sangs rgyas kyi mtshan gcig gam/ byang chub sems dpa'i ming gcig brjod na gang zag de ni tshe 'di nyid la bde ba thob ste/ sdig pa rnams mi mthong zhing tshe zad de 'chi 'phos na yang byang chub sems dpa' bdag cag rnams kyis sngon du lam drangs te/ bdag cag gi 'jig rten</font><hr>62.227a<br><font size=+1>

gyi khams rnam par dag par gnas gcig tu skye bar bgyi'o/ /de ci'i slad du zhe na/ mdo sde 'di blangs pa dang / gzungs su 'dzin pa'i slad du'o/ /mdo sde 'di blangs te/ gzungs su 'dzin pa ni sangs rgyas kyi sku 'dzin pa'o/ /sangs rgyas kyi sku 'dzin pa ni byang chub sems dpa' lags par mngon te/ de bas na de dag ni bdag cag dang bslab pa gcig go/ /rgyu dang rkyen des na mdo sde 'di gzungs su 'dzin pa rnams gnas gcig tu skye zhing mi 'bral bar smon to/ /de nas tshangs pa chen po dang / sum bcu rtsa gsum gyi lha rnams dang / 'jig rten skyong ba rgyal po chen po bzhi dang / gsang ba pa'i bdag po lag na rdo rje dang / gnod sbyin gyi sde dpon chen po yang dag shes la sogs pa dang / klu'i rgyal po dga' bo dang / nye dga' bo dang / lha ma yin dang / nam mkha' lding dang / dbyings can dang / 'phrog ma mo dang / ri'i lha dang / shing gi lha dang / klung gi lha dang / mtsho'i lha dang / sa'i lha dang / chu'i lha dang / me'i lha dang / rlung gi lha la sogs pa grangs med dpag tu med pa dag rang rang gi stan las langs te/ bcom ldan 'das ga la ba de logs su thal mo sbyar cing gus par phyag 'tshal nas bcom ldan 'das la 'di skad ces gsol to/ /bcom ldan 'das bdag cag ni bcom ldan 'das kyis bstan pa'i mdo sde thar pa chen po phyogs su rgyas pa 'di la rtag tu bsrung zhing 'dzin par bgyi'o/ /mdo sde 'di gang du gnas pa der bdag cag gis rtag tu mdun du bdar te yongs su dag par bgyi'o/ /mdo sde 'di mchod rten du 'am gnas khang du 'am/ khyim pa'i khyim du 'am/ dgon pa na gnas kyang rung ste/ gal te gang zag 'ga' zhig gis sug pa mi gtsang bas mdo sde 'di bzung ngam/ ma gus par blags sam/ kha ton du bgyis na bdag cag gis gang zag de 'gro sdod 'dug nyal spyod lam rnam bzhir lus dang sems mi bde bar bgyi'o/ /de gang du gnas pa der 'jigs shing skrag pa dang / glo bur du gnod pa 'byung bar bgyi'o/ /tshe 'di la mi bde ba sna tshogs dang / tshe 'phos na yang sems can</font><hr>62.227b<br><font size=+1>

dmyal bar ltung bar bgyi'o/ /gang la la zhig gis mdo sde 'di la gus par bgyis te/ sug pa gtsang mas blangs shing 'chang ngam/ khrus bgyis te bdug spos kyis bdug cing blags sam/ kha ton du bgyis sam/ 'chang ngam 'dzin tam/ yi ger 'bri 'am/ yi ger 'brir 'jug gam/ rjes su dran nam sdig pa'i chos rnams ma spyad na bdag cag gis mdo sde 'di bsrung ba'i slad du gang zag de'i rim gro bgyi'o/ /bsrung bar bgyi'o/ /gang zag de nyal na yang de'i mdun du mchis te/ ltas ngan pa rnams mi 'byung bar bgyi'o/ /yang gcig tu na dgra ma rungs pa dang / gdon ma rungs pa rnams kyi gnod pas mi tshugs par bgyi'o/ /de gang du gnas pa'i khang khyim yang bsrung bar bgyi'o/ /de ste 'gron du mchi na bdag cag rnams kyis rtag tu phyin 'brang zhing ci 'tshal ba sbyar bar bgyi'o/ /phyogs bzhir gang du mchi na yang bgegs ma mchis par rgyun du dge ba'i chos mthong zhing tshe 'phos na yang lhar skye bar bgyi'o/ /rgyu de dang rkyen des ni sangs rgyas mthong zhing theg pa chen po mi stong bar bgyi'o zhes gsol pa dang / bcom ldan 'das kyis byang chub sems dpa' sems dpa' chen po rnams dang / lha dang / lha ma yin gyi bdag po la sogs pa la bka' stsal pa/ de de bzhin no/ /de de bzhin te/ khyed rnams kyis bshad pa bzhin te/ mdo sde 'di thos par yang mi 'gyur na mthong bar lta ga la 'gyur/ gal te mdo sde 'di blangs te bzung ngam/ 'chang ngam/ klog gam/ kha ton du byed par 'dod na khrus dag par byas la gos gtsang ma bgos te/ khang pa dben pa gtsang ma'i nang du ba dan dang / rgyal mtshan dang / gdugs kyis brgyan nas bdug pa sna tshogs dang / tsan dan dang / phye ma dang / byug pas mchod cing phyag 'tshal nas de ltar nyin mtshan dus drug tu thog mar mgo btsugs nas nyin zhag bdun gyi bar du nyin re re zhing mdo sde 'di bklags te/ sems mi g.yeng ba dang / dran pa mi g.yeng ba dang / rtog pa mi g.yeng ba dang / bsam pa mi g.yeng ba dang / gzungs su 'dzin pa mi</font><hr>62.228a<br><font size=+1>

g.yeng ba dang / spyod pa mi g.yeng ba dang / bstan cing bslab pa mi g.yeng bar nyin mtshan dus drug tu mdo sde 'di'i nang nas 'byung ba'i sangs rgyas dang / byang chub sems dpa' dang / mdo sde bcu gnyis rnams la phyag 'tshal zhing klog pa 'am kha ton du 'don cing mos pa dang gus par byed nus na mdo sde 'di'i nang nas 'byung ba bzhin du sdig lci ba kun 'byang bar 'gyur gyis/ de la the tsom 'am yid gnyis su ma byed cig /de ci'i phyir zhe na/ thar pa chen po phyogs su rgyas pa'i mdo sde 'di ni phyogs bcu'i sangs rgyas kyi spyad pa spyod pa'o/ /'di ni bsrung zhing skyob pa ste/ sangs rgyas thams cad kyi yum mo/ /'di ni mdo sde kun gyi rgyal po'o/ /'di ni don dam pa'i snying po'o/ /'di ni byang chub sems dpa' rnams kyi lam mo/ /thar pa chen po phyogs su rgyas pa'i mdo sde zab mo 'di ni 'jig rten na chen po drug dang 'dra ste/ bsam gyis mi khyab bo/ /drug gang zhe na/ sa chen po dang / chu chen po dang / me chen po dang / rlung chen po dang / nyi ma chen po dang / nam mkha' chen po'o/ /mdo sde 'di ni sa chen po dang 'dra ste/ gtsang sme dang / bzang ngan thams cad theg par byed do/ /mdo sde 'di ni chu chen po dang 'dra ste/ sme btsog thams cad 'khru bar byed do/ /mdo sde 'di me chen po dang 'dra ste/ nyon mongs pa dang / btsog pa dang / ljan ljin thams cad tshig par byed do/ /mdo sde 'di ni rlung chen po dang 'dra ste/ sme btsog thams cad 'bud par byed do/ /mdo sde 'di ni nyi ma chen po dang 'dra ste/ mun nag yod do cog snang bar byed do/ /mdo sde 'di nam mkha' dang 'dra ste/ bzang ngan yod do cog thams cad shong bar byed do/ /de lta bu'i theg pa chen po'i mdo sde thar pa chen po phyogs su rgyas pa 'di rgya che ba ni dpe zla med de/ yar byang chub sems dpa' dang / bar du nyan thos dang / mar 'jig tshogs kyi gzugs can no cog mi shong ba med do/ /de bas na khyed rnams kyis mdo sde 'di gzungs su bzung ste/ chongs shig /kun du spel bar gyis shig /dad cing gus par byos shig dang / khyed byang chub sems dpa' sems dpa' chan</font><hr>62.228b<br><font size=+1>

po rnams sangs rgyas kyi ye shes thugs su chud pa dang / sangs rgyas kyi bdag nyid mngon du mthong bar bya'o/ /khyed lha rnams kyang mdo sde 'di blangs te/ 'chang na rgyun du nga yang mthong la/ ma byon pa'i sangs rgyas thams cad mthong ba dang / chos kyi 'khor lo bskor ba dang / dkyil 'khor chen po la zhugs par bya'o zhes bka' stsal pa dang / de nas 'khor mang po'i nang nas byang chub sems dpa' mtshan nyid dad pa zhes bya ba de 'khor 'dus pa'i nang nas stan las langs te/ bla gos phrag pa gcig tu bgos nas bcom ldan 'das kyi zhabs la mgo bos phyag 'tshal te/ bcom ldan 'das la 'di skad ces gsol to/ /bcom ldan 'das bdag cag rnams gsol zhing zhu ba mchis na dpag tu ma mchis pa'i skye bo la sman pa dang / bde ba'i slad du bcom ldan 'das skabs dbye zhing bshad par smon to/ /de nas bcom ldan 'das kyis byang chub sems dpa' mtshan nyid dad pa la bka' stsal pa/ shin du legs so legs so/ /rigs kyi bu dri ba yod na ci 'dod pa bzhin dris shig dang / ngas khyod la bye brag phyed par bshad do/ /khyod kyis dris pa de yang sems can dpag tu med pa la phan pa dang bde bar 'gyur ro/ /de nas byang chub sems dpa' mtshan nyid dad kyis bcom ldan 'das la 'di skad ces gsol to/ /bdag dran pa sngon yun ring po 'das pa na/ de bzhin gshegs pa mtshan rin chen gtsug phud ces bgyi ba de'i mtshan lan cig thos na lhar skye ba thob bo zhes thos te/ de las yun mi ring ba zhig na rgyal po lha'i dbang phyug 'od kyi yul khams na dgon pa'i nang zhig la rdzing chen po zhig mchis pa'i chab skams nas de na nya chen po stong phrag bcu zhig mchis pa gdugs kyis gdungs te 'gum du nye ba las/ dra ma chu 'bebs zhes bgyi bas nya de dag mthong nas sems can la shin du byams pa dang / snying rje skyes te/ chab dang kha zas stsal kyang dgung 'ga' tsam zhig ni gson 'grang na/ tshe ring por mi thogs par 'tshal bas bcom ldan 'das rin chen gtsug phud kyi mtshan lan gsum brjod pa nya de dag</font><hr>62.229a<br><font size=+1>

gis thos ma thag tu dus las 'das te/ sum bcu rtsa gsum gyi lhar skyes so zhes gda' na deng bcom ldan 'das 'khor 'di dag dang / dus slad ma'i sems can rnams kyi slad du sangs rgyas rnams kyi mtshan bstan cing bcom ldan 'das shAkya thub pa'i mtshan thos na tshad ma mchis dpag tu ma mchis pa'i skye bo la sman pa dang bde ba dang / dpag tu ma mchis pa'i bsod nams dang / rtag tu longs spyod phun sum tshogs pa dang / sangs rgyas kyi bdag nyid kyang mngon sum du rtogs par 'gyur ba'i slad du bshad du gsol/ sdom pa'i rtsa ba nyams pa dang / nyon mongs pas 'khrul pa'i sems can rnams yongs su grol bar 'gyur ba'i slad du bshad par smon to/ /de nas bcom ldan 'das kyis byang chub sems dpa' sems dpa' chen po mtshan nyid dad la 'di skad ces bka' stsal to/ /rigs kyi bu gal te ngas phyogs bcu'i sangs rgyas kyi mtshan rgya cher bshad na bskal pa brgya stong khri'i bar du bshad kyang mi rdzogs te/ 'di ltar chu thams cad kyi thigs pa ni bgrang zhing shes par rung gis sangs rgyas thams cad kyi mtshan ni grangs su shes pa med do/ /ri rab thams cad ni srang grangs su bgrang du rung gi sangs rgyas thams cad kyi mtshan ni grangs su shes pa med do/ /nam mkha'i mtshams dang mtha' thug par shes par rung gi sangs rgyas thams cad kyi mtshan ni grangs su shes pa med do/ /ngas khyod la dus gsum gyi sangs rgyas rnams kyi mtshan mdo tsam zhig bstan gyis gang gis rna bar lan cig thos na gang zag de tshe 'phos ma thag tu lha'i gnas su skye bar 'gyur ro/ /thos nas kyang mos pa dang gus par byas te/ yi ger bris la mtshan nas brjod cing phyag 'tshal na bskal pa grangs med pa nas 'khor ba'i sdig pa kun 'byang bar 'gyur/ bsod nams dpag tu med pa 'thob par 'gyur ro/ /gang zag de dus zad na yang phyogs bcu'i 'jig rten gyi khams gang nas gang du dad pa de dang der skye bar 'gyur/ nga yang mthong la dus ma 'ongs pa na bskal pa bzang po'i</font><hr>62.229b<br><font size=+1>

sangs rgyas rnams kyang mthong bar 'gyur ro/ /de nas bcom ldan 'das kyis yang 'khor mang po rnams la bka' stsal pa/ khyed rnams tshul bzhin du gos tshags bcos la/ lus mi g.yeng ba dang / sems mi g.yeng ba dang / dran pa mi g.yeng ba dang / rtog pa mi g.yeng bar byos la chos thos par 'dod na sems rtse gcig tu bsdus shig /bcom ldan 'das mar me ri rab rgyal po la phyag 'tshal lo/ /bcom ldan 'das rin chen rgyal po la phyag 'tshal lo/ /bcom ldan 'das rin chen gtsug phud la phyag 'tshal lo/ /bcom ldan 'das tshe dpag med la phyag 'tshal lo/ /bcom ldan 'das rnam par gzigs la phyag 'tshal lo/ /bcom ldan 'das rin chen mang la phyag 'tshal lo/ /bcom ldan 'das shAkya thub pa la phyag 'tshal lo/ /bcom ldan 'das chos thams cad sdud cing 'dzin pa la phyag 'tshal lo/ /brjod dpag 'das la phyag 'tshal lo/ /dpe zla med la phyag 'tshal lo/ /mu med chos la phyag 'tshal lo/ /bsam khyab dka' la phyag 'tshal lo/ /stobs la gnas pa'i stobs kyi stobs la phyag 'tshal lo/ /'jig pa med pa'i stobs bcu la phyag 'tshal lo/ /'jig rten gsum gyi gtso la phyag 'tshal lo/ /thams cad 'dren pa'i ston pa chen po la phyag 'tshal lo/ /'ching ba kun gcod la phyag 'tshal lo/ /pha rol mthar phyin la phyag 'tshal lo/ /'jig rten kun las 'das zin pa la phyag 'tshal lo/ /'khor ba'i rgyud dang yongs su bral ba la phyag 'tshal lo/ /ting nge 'dzin rnam par grol ba la phyag 'tshal lo/ /nam mkha' ltar dmigs su med pa la phyag 'tshal lo/ /mang po'i nang na chos kyi rgyal po la phyag 'tshal lo/ /bdud bzhi'i tshogs 'joms la phyag 'tshal lo/ /bu gcig gi pha ltar byams pa chen po la phyag 'tshal lo/ /tshe rabs 'chi 'phos gar byung gar skyes kyang sangs rgyas kyi zhal rtag tu mthong zhing sangs rgyas kyi bdag nyid mngon par rtogs la mya ngan las 'das pa chen por phyin par gyur cig /de ci'i phyir zhe na/ 'jig tshogs can kun la sangs rgyas kyi bdag nyid yod pa'i phyir ro/ /kye</font><hr>62.230a<br><font size=+1>

'khor mang po rnams sor mo bcu'i thal mo sbyor la yang dag par mnyan cing sems thag pa nas mchod pa phul cig /ngas ni phyogs bcu dus gsum gyi/ /sangs rgyas mtshan rnams bshad kyis nyon/ /sdig pa mtshams med lnga po yang / /rnam grol mtshan nyid bskyed par bya/ /dge rtsa med pa'i gang zag la/ /ngas ni dgrol zhing bshad kyis kyang / /des kyang chud par mi nus te/ /sa bon tshig rnams rang bzhin dong / /grung brtan 'ba' zhig gnas par 'gyur/ /theg pa chung ngu bsal nas su/ /theg chen nyi tshe yod par 'gyur/ /theg pa gnyis po bsal nas su/ theg pa gcig pu yod par 'gyur/ /dge rtsa med pa'i gang zag gis/ /sgra 'di thos par mi 'gyur te/ /sangs rgyas grangs med mchod myong bas/ /gdod des sangs rgyas mtshan thos so/ /len cing 'dzin par byed pa ni/ /phyogs tsam rnam par grol ba ste/ /rnam dag sa la bde bar gnas/ /da yang nga yi chos 'di la/ /sangs rgyas spyad pa kun spyad de/ /sangs rgyas mtshan la phyag 'tshal zhing / /mdo 'di blang zhing klog 'chang na/ /bdud kyi las dang bral bar 'gyur/ /rtsa ba bzhi dang mtshams med dang / /log spyod rnams kyi sdig kyang 'byang / /ma 'ongs dus na gang zag de/ /'phags pa'i lam yang nges par 'grub/ /gang zhig dad pa ma skyes na/ /ngan song gsum du ltung yang dag /dad skyes brtson 'grus phyag 'tshal na/ /tshad med sangs rgyas mthong bar 'gyur/ /de bas rtse gcig phyag 'tshal zhing / /sdig pa dpag med byang bar smon/ /de phyir gus par phyag 'tshal lo/ /de nas 'khor mang po rnams thal mo sbyar te/ yang dag par mnyan nas lus dang sems rtse gcig tu bsdus te/ g.yel zhing 'gyur ba med par yan lag lnga sa la gtugs te sems thag pa nas nyan to/ /de nas bcom ldan 'das kyis sangs rgyas kyi mtshan nas brjod cing bsgrags pa las 'das pa'i sangs rgyas dpag tu med pa la phyag 'tshal lo/ /sangs rgyas nyi zla mar me</font><hr>62.230b<br><font size=+1>

gsal nyi khri la phyag 'tshal lo/ /sangs rgyas mar me mdzad sum khri la phyag 'tshal lo/ /sangs rgyas thogs med ye shes mchog la phyag 'tshal lo/ /sangs rgyas rgyal bu bcu drug la phyag 'tshal lo/ /sangs rgyas nam mkha'i rgyal po la phyag 'tshal lo/ /sangs rgyas rin chen mang la phyag 'tshal lo/ /sangs rgyas sprin dbang mar me rgyal po la phyag 'tshal lo/ /sangs rgyas byin sgra rgyal po la phyag 'tshal lo/ /sangs rgyas 'od dpag med la phyag 'tshal lo/ /sangs rgyas dge bar bsams la phyag 'tshal lo/ /sangs rgyas sku sprul la phyag 'tshal lo/ /sangs rgyas nyi zla gsal gyi dpal la phyag 'tshal lo/ /sangs rgyas pad ma dag pa rgyu skar rgyal po ye shes la phyag 'tshal lo/ /sangs rgyas rnam dag brgyan pa'i rgyal po la phyag 'tshal lo/ /sangs rgyas klu btsun rgyal po la phyag 'tshal lo/ /sangs rgyas sprin 'brug sgra rgyal po la phyag 'tshal lo/ /sangs rgyas sprin 'brug sgra rgyu skar rgyal po ye shes pad ma la phyag 'tshal lo/ /sangs rgyas rin chen rgyal po la phyag 'tshal lo/ /sangs rgyas shing sa la rgyal po la phyag 'tshal lo/ /sangs rgyas rin chen bla ma dpal gzi brjid rgyal po la phyag 'tshal lo/ /sangs rgyas 'od snang rgyal po la phyag 'tshal lo/ /sangs rgyas 'od mi g.yo 'bum phrag brgya la phyag 'tshal lo/ /sangs rgyas 'od rgyang ring la phyag 'tshal lo/ /sangs rgyas zla 'od la phyag 'tshal lo/ /sangs rgyas spos tsan dan la phyag 'tshal lo/ /sangs rgyas ri legs rgyal po la phyag 'tshal lo/ /sangs rgyas ri rab lha'i thor tshugs can la phyag 'tshal lo/ /sangs rgyas 'od snyoms ri rab la phyag 'tshal lo/ /sangs rgyas zla gzugs la phyag 'tshal lo/ /sangs rgyas yang dag pa'i dran pa la phyag 'tshal lo/ /sangs rgyas dri ma bral la phyag 'tshal lo/ /sangs rgyas chags med la phyag 'tshal lo/ /sangs rgyas klu'i lha la phyag 'tshal lo/ /sangs rgyas sa mi g.yo ba'i</font><hr>62.231a<br><font size=+1>

sa la phyag 'tshal lo/ /sangs rgyas me tog mchog la phyag 'tshal lo/ /sangs rgyas bai dUr+ya'i me tog mchog la phyag 'tshal lo/ /sangs rgyas bai dUr+ya dang gser gyi kha dog la phyag 'tshal lo/ /sangs rgyas gser mdzod la phyag 'tshal lo/ /sangs rgyas sa'i gdung la phyag 'tshal lo/ /sangs rgyas zla ba'i gzugs brnyan la phyag 'tshal lo/ /sangs rgyas nyi ma'i dbyangs la phyag 'tshal lo/ /sangs rgyas pad ma rnam grol la phyag 'tshal lo/ /sangs rgyas 'od zer rnam par brgyan la phyag 'tshal lo/ /sangs rgyas blo rgya mtsho mngon par shes pa la phyag 'tshal lo/ /sangs rgyas chu 'od la phyag 'tshal lo/ /sangs rgyas dbyangs chen po la phyag 'tshal lo/ /sangs rgyas dri ma sgyu ma dang bral ba la phyag 'tshal lo/ /sangs rgyas yid skyo spangs la phyag 'tshal lo/ /sangs rgyas rin po che 'bar ba la phyag 'tshal lo/ /sangs rgyas gtsug dam pa la phyag 'tshal lo/ /sangs rgyas dpa' bar 'dzugs la phyag 'tshal lo/ /sangs rgyas shes rab yon tan 'dzin la phyag 'tshal lo/ /sangs rgyas nyi zla'i 'od sgrib la phyag 'tshal lo/ /sangs rgyas nyi zla bai dUr+ya'i 'od la phyag 'tshal lo/ /sangs rgyas bla med bai dUr+ya'i 'od la phyag 'tshal lo/ /sangs rgyas rab mchog gtso la phyag 'tshal lo/ /sangs rgyas byang chub me tog la phyag 'tshal lo/ /sangs rgyas zla gsal la phyag 'tshal lo/ /sangs rgyas nyi 'od la phyag 'tshal lo/ /sangs rgyas me tog mdog gi rgyal po la phyag 'tshal lo/ /sangs rgyas the tshom mun sel la phyag 'tshal lo/ /sangs rgyas sdug bsngal bsgral la phyag 'tshal lo/ /sangs rgyas mos pa dang ba la phyag 'tshal lo/ /sangs rgyas sngon legs la phyag 'tshal lo/ /sangs rgyas rdzu 'phrul gzi brjid la phyag 'tshal lo/ /sangs rgyas chos kyi shes rab la phyag 'tshal lo/ /sangs rgyas bzhad sgra la phyag 'tshal lo/ /sangs rgyas seng ge sgra la phyag 'tshal lo/ /sangs rgyas</font><hr>62.231b<br><font size=+1>

klu'i sgra la phyag 'tshal lo/ /sangs rgyas 'jig rten gnas la phyag 'tshal lo/ /sangs rgyas dbang phyug la phyag 'tshal lo/ /sangs rgyas 'od mtha' yas la phyag 'tshal lo/ /sangs rgyas 'od thogs med la phyag 'tshal lo/ /sangs rgyas 'od zla med la phyag 'tshal lo/ /sangs rgyas 'od 'bar rgyal po la phyag 'tshal lo/ /sangs rgyas 'bar ba'i 'od la phyag 'tshal lo/ /sangs rgyas rab tu dga' ba'i 'od la phyag 'tshal lo/ /sangs rgyas shes rab 'od la phyag 'tshal lo/ /sangs rgyas 'od rgyun mi 'chad la phyag 'tshal lo/ /sangs rgyas 'od bsam dka' la phyag 'tshal lo/ /sangs rgyas 'od brjod med la phyag 'tshal lo/ /sangs rgyas nyi zla'i 'od 'phags la phyag 'tshal lo/ /sangs rgyas mtshan bzangs gser btso ma'i mdog la phyag 'tshal lo/ /sangs rgyas ring du brtag pa la phyag 'tshal lo/ /sangs rgyas rin po che'i mdzod la phyag 'tshal lo/ /sangs rgyas dbyangs dpag med la phyag 'tshal lo/ /sangs rgyas zil dngar gyi ro la phyag 'tshal lo/ /sangs rgyas klu'i rgyal ba la phyag 'tshal lo/ /sangs rgyas rgyal ba'i stobs la phyag 'tshal lo/ /sangs rgyas seng ge'i dbyangs la phyag 'tshal lo/ /sangs rgyas dri ma dang bral ba'i 'od la phyag 'tshal lo/ /sangs rgyas dpal mchog la phyag 'tshal lo/ /sangs rgyas 'jam dpal ri la phyag 'tshal lo/ /sangs rgyas rdo rje rgyal po la phyag 'tshal lo/ /sangs rgyas me tog bla ma la phyag 'tshal lo/ /sangs rgyas 'jigs med stobs kyi rgyal po la phyag 'tshal lo/ /sangs rgyas klu rje dbang phyug la phyag 'tshal lo/ /sangs rgyas seng ge'i gzi brjid rgyal po la phyag 'tshal lo/ /sangs rgyas dbang phyug rgyal po la phyag 'tshal lo/ /sangs rgyas 'od khyab la phyag 'tshal lo/ /sangs rgyas kun du snang la phyag 'tshal lo/ /sangs rgyas kun du gtsang la phyag 'tshal lo/ /sangs rgyas spos ta ma ra bar tsan dan la phyag 'tshal lo/ /sangs rgyas spos tsan dan la phyag 'tshal lo/ /sangs rgyas nor bu'i rgyal mtshan la</font><hr>62.232a<br><font size=+1>

phyag 'tshal lo/ /sangs rgyas dkon mchog brtsegs rab tu dga' ba'i snying po la phyag 'tshal lo/ /sangs rgyas brtson 'grus chen po bla na med pa la phyag 'tshal lo/ /sangs rgyas nor bu'i rgyal mtshan mar me'i 'od la phyag 'tshal lo/ /sangs rgyas shes rab sgron ma snang la phyag 'tshal lo/ /sangs rgyas rgya mtsho'i dpal 'od snang la phyag 'tshal lo/ /sangs rgyas rdo rje sra brtan la phyag 'tshal lo/ /sangs rgyas gser 'od kun du dgram la phyag 'tshal lo/ /sangs rgyas brtson 'grus che btsan la phyag 'tshal lo/ /sangs rgyas dpa' brtul la phyag 'tshal lo/ /sangs rgyas thugs rje'i 'od la phyag 'tshal lo/ /sangs rgyas thugs rje stobs kyi rgyal po la phyag 'tshal lo/ /sangs rgyas byams pa'i snying po'i rgyal po la phyag 'tshal lo/ /sangs rgyas tsan dan gyi phug rnam par bkod pa'i rgyal po la phyag 'tshal lo/ /sangs rgyas bzang legs gtso la phyag 'tshal lo/ /sangs rgyas legs par sad la phyag 'tshal lo/ /sangs rgyas rnam par bkod pa'i rgyal po la phyag 'tshal lo/ /sangs rgyas gser gyi ri bo rin po che'i gdugs la phyag 'tshal lo/ /sangs rgyas gser gyi me tog 'bar ba'i 'od kyi mtshan ma la phyag 'tshal lo/ /sangs rgyas sgron chen 'od snang la phyag 'tshal lo/ /sangs rgyas rin po che'i bla re stong pa nyid du brtan pa'i dbang phyug rgyal po la phyag 'tshal lo/ /sangs rgyas gser gyi me tog gi 'od la phyag 'tshal lo/ /sangs rgyas nam mkha'i rin chen me tog gi 'od la phyag 'tshal lo/ /sangs rgyas bai dUr+ya rnam par bkod pa'i rgyal po la phyag 'tshal lo/ /sangs rgyas sku kun du mngon par ston pa'i 'od la phyag 'tshal lo/ /sangs rgyas ye shes 'od mi 'gyur la phyag 'tshal lo/ /sangs rgyas bdud kyi rgyal po rnams tshar gcod la phyag 'tshal lo/ /sangs rgyas 'od snang stong la phyag 'tshal lo/ /sangs rgyas byams pa'i shes rab rgyal ba la phyag 'tshal lo/ /sangs rgyas</font><hr>62.232b<br><font size=+1>

byams pa'i 'od gsal la phyag 'tshal lo/ /sangs rgyas 'jig rten dag pa'i 'od la phyag 'tshal lo/ /sangs rgyas dge dben zla ba'i dbyangs la phyag 'tshal lo/ /sangs rgyas mchog btsun ye shes rgyal po la phyag 'tshal lo/ /sangs rgyas gdugs rin po che'i rgyal por gnas pa la phyag 'tshal lo/ /sangs rgyas klu'i rigs bla na med pa ye shes gtso bo'i rgyal po la phyag 'tshal lo/ /sangs rgyas nyi zla'i 'od la phyag 'tshal lo/ /sangs rgyas nyi zla nor bu'i 'od la phyag 'tshal lo/ /sangs rgyas ye shes kyi ba dan mchog tu brgyan pa'i rgyal po la phyag 'tshal lo/ /sangs rgyas dri med mdzod kyi rgyal po la phyag 'tshal lo/ /sangs rgyas 'od snang mtshan ma la phyag 'tshal lo/ /sangs rgyas gser 'bar ba'i 'od snang la phyag 'tshal lo/ /sangs rgyas gser 'od snang ba'i mdzod la phyag 'tshal lo/ /sangs rgyas seng ge'i sgra'i stobs kyi dbang phyug rgyal po la phyag 'tshal lo/ /sangs rgyas mchog dbyangs dam pa'i rgyal po la phyag 'tshal lo/ /sangs rgyas ba dan 'od rtag la phyag 'tshal lo/ /sangs rgyas 'jig rten rnam par rtog pa'i mar me'i rgyal po la phyag 'tshal lo/ /sangs rgyas shes rab kyi na bza'i rgyal po thob pa la phyag 'tshal lo/ /sangs rgyas chos kyi mtshan nyid dam pa'i rgyal po la phyag 'tshal lo/ /sangs rgyas ri rab 'od la phyag 'tshal lo/ /sangs rgyas me tog su ma na'i 'od la phyag 'tshal lo/ /sangs rgyas me tog ud pa la'i 'od la phyag 'tshal lo/ /sangs rgyas stobs btsan dam pa'i rgyal po la phyag 'tshal lo/ /sangs rgyas shes rab kyi stobs kyi rgyal po la phyag 'tshal lo/ /sangs rgyas rab tu dga' ba'i 'khrug med kyi 'od la phyag 'tshal lo/ /sangs rgyas sgra dbyangs dpag med rgyal po la phyag 'tshal lo/ /sangs rgyas blo gros 'od la phyag 'tshal lo/ /sangs rgyas gser gyi rgya mtsho'i 'od la phyag 'tshal lo/ /sangs rgyas shes rab kyi ri dang rgya mtsho'i dbang phyug gi rgyal po la phyag 'tshal lo/ /</font><hr>62.233a<br><font size=+1>

sangs rgyas thar pa chen po'i 'od la phyag 'tshal lo/ /sangs rgyas chos thams cad rtag tu gang ba'i rgyal po la phyag 'tshal lo/ /sangs rgyas blun mi ston la phyag 'tshal lo/ /'das pa'i sangs rgyas sprul pa'i sku thams cad la phyag 'tshal lo/ /'das pa'i sangs rgyas gcig /sangs rgyas bcu/ sangs rgyas brgya/ sangs rgyas stong / sangs rgyas khri la phyag 'tshal na bskal pa grangs med dpag tu med pa'i 'khor ba nas sdig bgyis pa'i mi bzad pa thams cad 'byang bar 'gyur ro/ /sangs rgyas 'bum phrag gcig /'bum phrag bcu/ 'bum phrag brgya/ 'bum phrag stong / 'bum phrag khri/ bye ba khrag khrig gang gA'i bye ma snyed grangs med dpag tu med pa'i sangs rgyas la gus par phyag 'tshal lo/ /gal te gang zag la las 'das pa'i sangs rgyas grangs med dpag tu med pa'i mtshan thos na de bskal pa khri phrag brgyad cu'i bar du sems can dmyal ba'i sdug bsngal du mi ltung ste/ de bas na gus par phyag 'tshal lo/ /gang gis sangs rgyas 'das pa'i mtshan/ /de la gus par phyag 'tshal na/ /sems nyid thob cing sdig kyang 'byang / /mi dge bcu dang mtshams med lnga/ /phyin chad mi byed sdom par nus/ /dam pa'i chos ni rtag tu thos/ /theg chen tshul khrims ldan pa ste/ /de phyir da ltar phyag kyang 'tshal/ /rnam pa gnyis shig ma gtogs te/ /theg chen chos la dmod pa dang / /log spyod phyogs su lta ba'o/ /gang zhig sems nyid rnam dag na/ /log spyod ces su mi bya ste/ /sangs rgyas dpag med rtag tu mthong / /sdig pa'i rtsa ba bzhi po dang / /mtshams med lngar bcas gang byas pa/ /rnam dag sems kyis 'gyod nus na/ /de ni tshul bzhin gnas pa yin/ /de yang gus par phyag 'tshal phyir/ /mi dge bcu'i las 'byang zhing / /theg chen tshul khrims thob pas na/ /de bas gus par phyag 'tshal lo/ /</font><hr>62.233b<br><font size=+1>

'das pa'i sangs rgyas rnams kyi mtshan de dag bshad pa'i tshe byang chub sems dpa' stong phrag bcu mi skye ba'i chos la bzod pa thob bo/ /nyan thos brgyad brgyas ni theg pa chen po'i sems shes tsam skyes so/ /dge slong lnga stong ni dgra bcom par grub po/ /lha dang mi khri phrag bcu zhig chos kyi mig rnam par dag pa thob bo/ /da ltar bzhugs pa'i sangs rgyas grangs med dpag tu med pa la phyag 'tshal lo/ /sangs rgyas gsal rgyal 'bum phrag bcu la phyag 'tshal lo/ /sangs rgyas gser gtso ma'i mdog dang bral la phyag 'tshal lo/ /sangs rgyas snang ba dpag med la phyag 'tshal lo/ /sangs rgyas nyi ma'i dkyil 'khor 'od snang rgyal po la phyag 'tshal lo/ /sangs rgyas spos brtsegs la phyag 'tshal lo/ /sangs rgyas seng ge 'bum gzugs la phyag 'tshal lo/ /sangs rgyas seng ge rnam par rol pa la phyag 'tshal lo/ /sangs rgyas yon tan kun du 'od kyi ri'i rgyal po la phyag 'tshal lo/ /sangs rgyas yon tan bde gnas rin po che'i rgyal po la phyag 'tshal lo/ /sangs rgyas rin po che'i me tog rnam par brgyan pa'i rgyal po la phyag 'tshal lo/ /sangs rgyas dka' thub la phyag 'tshal lo/ /sangs rgyas ri rab mtshan ma la phyag 'tshal lo/ /sangs rgyas ri rab rgyal po thob la phyag 'tshal lo/ /sangs rgyas rin chen dpal la phyag 'tshal lo/ /sangs rgyas rin chen zla ba la phyag 'tshal lo/ /sangs rgyas rin chen 'bar ba la phyag 'tshal lo/ /sangs rgyas rin po che'i rgyan la phyag 'tshal lo/ /sangs rgyas dka' thub seng ge'i nga ro la phyag 'tshal lo/ /sangs rgyas 'od chen rgyal po la phyag 'tshal lo/ /sangs rgyas mi 'gyur la phyag 'tshal lo/ /sangs rgyas sman gyi rgyal po la phyag 'tshal lo/ /sangs rgyas rnam par brgyan la phyag 'tshal lo/ /sangs rgyas lding khang phyin la phyag 'tshal lo/ /sangs rgyas zla ba'i gdugs la phyag 'tshal lo/ /sangs rgyas 'od khyab la phyag</font><hr>62.234a<br><font size=+1>

'tshal lo/ /sangs rgyas rin chen rgyal po la phyag 'tshal lo/ /sangs rgyas rnam par gzigs la phyag 'tshal lo/ /sangs rgyas gtsug tor can la phyag 'tshal lo/ /sangs rgyas thams cad skyob la phyag 'tshal lo/ /sangs rgyas log par dad sel la phyag 'tshal lo/ /sangs rgyas gser thub la phyag 'tshal lo/ /sangs rgyas 'od srung la phyag 'tshal lo/ /sangs rgyas 'brug sgra'i rgyal po la phyag 'tshal lo/ /sangs rgyas tsan dan me tog la phyag 'tshal lo/ /sangs rgyas tsan dan 'dab ma la phyag 'tshal lo/ /sangs rgyas yid mchog la phyag 'tshal lo/ /sangs rgyas thub zla med la phyag 'tshal lo/ /sangs rgyas zil mngar rnga la phyag 'tshal lo/ /sangs rgyas rnam par gzigs la phyag 'tshal lo/ /sangs rgyas nyi zla'i 'od snang la phyag 'tshal lo/ /sangs rgyas thub med 'od la phyag 'tshal lo/ /sangs rgyas rnam par brgyan dang ldan pa'i rgyan dang ldan pa'i rgyal po la phyag 'tshal lo/ /sangs rgyas 'od zer kun du khyab pa'i yon tan gyi rgyal po la phyag 'tshal lo/ /sangs rgyas bdud bzhi 'joms pa'i seng ge'i sgra'i rgyal po la phyag 'tshal lo/ /sangs rgyas rdo rje 'jigs med la phyag 'tshal lo/ /sangs rgyas bai dUr+ya'i 'od la phyag 'tshal lo/ /sangs rgyas ri rab rgyal po la phyag 'tshal lo/ /sangs rgyas 'od zer gtsang ma'i rgyal po la phyag 'tshal lo/ /sangs rgyas dge dpal la phyag 'tshal lo/ /sangs rgyas 'od zer dpag med la phyag 'tshal lo/ /sangs rgyas gzungs rnam par rol pa la phyag 'tshal lo/ /sangs rgyas dpa' bar 'gro ba'i ting nge 'dzin gyi stobs kyi rgyal po la phyag 'tshal lo/ /sangs rgyas dge mthong ting nge 'dzin gyi dbang phyug rgyal po la phyag 'tshal lo/ /sangs rgyas yon tan bla med la phyag 'tshal lo/ /sangs rgyas rdzu 'phrul dbang phyug la phyag 'tshal lo/ /sangs rgyas mtshan ma'i gzugs med la phyag 'tshal lo/ /sangs rgyas gzugs</font><hr>62.234b<br><font size=+1>

thor la phyag 'tshal lo/ /sangs rgyas dri mtshan med la phyag 'tshal lo/ /sangs rgyas bro mtshan med la phyag 'tshal lo/ /sangs rgyas reg mtshan med la phyag 'tshal lo/ /sangs rgyas ting nge 'dzin gyi dbang phyug la phyag 'tshal lo/ /sangs rgyas shes rab ting nge 'dzin gyi dbang phyug la phyag 'tshal lo/ /sangs rgyas rin po che'i gzugs kyi dbang phyug la phyag 'tshal lo/ /sangs rgyas kun du sdud la phyag 'tshal lo/ /sangs rgyas drin dpal kun du 'od la phyag 'tshal lo/ /sangs rgyas gtsug tor can la phyag 'tshal lo/ /sangs rgyas thams cad skyob la phyag 'tshal lo/ /sangs rgyas log par dad sel la phyag 'tshal lo/ /sangs rgyas gser thub la phyag 'tshal lo/ /sangs rgyas 'od srungs la phyag 'tshal lo/ /sangs rgyas yid sgra snyan sred la phyag 'tshal lo/ /sangs rgyas rab tu dga' ba la phyag 'tshal lo/ /sangs rgyas mi 'khrugs pa la phyag 'tshal lo/ /sangs rgyas ri rab mtshan ma la phyag 'tshal lo/ /sangs rgyas seng ge dbyangs la phyag 'tshal lo/ /sangs rgyas seng ge'i mtshan ma la phyag 'tshal lo/ /sangs rgyas sprin dbang phyug la phyag 'tshal lo/ /sangs rgyas rtag tu zhi la phyag 'tshal lo/ /sangs rgyas dbang po'i mtshan ma la phyag 'tshal lo/ /sangs rgyas snang ba mtha' yas la phyag 'tshal lo/ /sangs rgyas tshangs pa'i mtshan ma la phyag 'tshal lo/ /sangs rgyas 'jig rten gyi sdug bsngal thams cad las 'das pa la phyag 'tshal lo/ /sangs rgyas ta ma ra bar tsan dan gyi spos la phyag 'tshal lo/ /sangs rgyas ri rab kyi gzugs la phyag 'tshal lo/ /sangs rgyas sprin dbang phyug rgyal po la phyag 'tshal lo/ /sangs rgyas 'jig rten gyi 'jigs pa thams cad bcom pa la phyag 'tshal lo/ /sangs rgyas sprul pa'i sku shAkya thub pa la phyag 'tshal lo/ /da ltar bzhugs pa'i sangs rgyas gcig /sangs rgyas bcu/ sangs rgyas brgya/ sangs rgyas stong / sangs rgyas khri la gus par phyag 'tshal na bskal pa grangs med pa</font><hr>62.235a<br><font size=+1>

nas 'khor ba'i sdig lci ba thams cad 'byang bar 'gyur ro/ /sangs rgyas 'bum phrag gcig /'bum phrag bcu/ 'bum phrag brgya/ 'bum phrag stong / 'bum phrag khri/ bye ba khrag khrig gang gA'i klung gi bye ma snyed grangs med dpag tu med pa'i sangs rgyas la phyag 'tshal lo/ /gang la las da ltar bzhugs pa'i sangs rgyas grangs med dpag tu med pa'i mtshan thos na de ni bskal pa khri phrag drug bcu'i bar du sems can dmyal bar mi ltung ste/ de bas gus par phyag 'tshal lo/ /da ltar phyogs bcur bzhugs pa yi/ /sangs rgyas rnams la phyag 'tshal na/ /las ngan kun las rnam par grol/ /mtshams med lnga po'i sdig kyang 'byang / /rnam dag sa la rtag tu gnas/ /shAkya'i chos la 'ang bde gnas shing / /de rnams ngan song gsum dang bral/ /sangs rgyas byams pa 'ang mthong ba dang / /sangs rgyas stong yang mthong bar 'gyur/ /de bas da ltar phyag kyang 'tshal/ /phyogs bcu'i sangs rgyas yang mthong ste/ /rnam dag zhing du rtag par skye/ /dam pa'i chos kyang thos gyur cing / /sangs rgyas rtag pa 'ang mngon par rtogs/ /da ltar bzhugs pa'i sangs rgyas rnams kyi mtshan bshad pa'i tshe chu bo gang gA gnyis kyi bye ma snyed kyi byang chub sems dpa' gzungs kyi sgor chud par gyur/ lha dang mi 'bum phrag bzhi bcu rtsa gnyis ni bla na med pa'i byang chub tu sems bskyed do/ /bskal pa bzang po'i sangs rgyas ma byon pa dpag tu med pa la phyag 'tshal lo/ /sangs rgyas byams pa la phyag 'tshal lo/ /sangs rgyas rnam dag sku la phyag 'tshal lo/ /sangs rgyas me tog 'od la phyag 'tshal lo/ /sangs rgyas me tog rdzogs la phyag 'tshal lo/ /sangs rgyas 'od snang la phyag 'tshal lo/ /sangs rgyas ming dang mtshan ma la phyag 'tshal lo/ /sangs rgyas 'dzam bu na da'i gser 'od la phyag 'tshal lo/ /sangs rgyas chos snang la phyag 'tshal lo/ /sangs rgyas rin chen snang la phyag 'tshal lo/ /sangs rgyas khyab snang la</font><hr>62.235b<br><font size=+1>

phyag 'tshal lo/ /sangs rgyas kun du mtshan ma la phyag 'tshal lo/ /sangs rgyas kun du 'od la phyag 'tshal lo/ /sangs rgyas shes rab ri dang rgya mtsho la phyag 'tshal lo/ /sangs rgyas rdzu 'phrul gyi dbang phyug gi rgyal po la phyag 'tshal lo/ /sangs rgyas rin po che rnam par bkod pa la phyag 'tshal lo/ /sangs rgyas skyes bu dam pa la phyag 'tshal lo/ /sangs rgyas dbang phyug thob pa'i rgyal po 'bum phrag brgya la phyag 'tshal lo/ /sangs rgyas rin po che'i mtshan nyid la phyag 'tshal lo/ /sangs rgyas mthong dga' la phyag 'tshal lo/ /sangs rgyas 'od kyi mtshan mas rnam par brgyan pa'i rgyal po nyi khri la phyag 'tshal lo/ /sangs rgyas mtshan mthun pa kun du dpal sum khri la phyag 'tshal lo/ /sangs rgyas 'brug sgra'i rgyal po la phyag 'tshal lo/ /sangs rgyas 'od mi 'gyur bzhi khri brgyad stong la phyag 'tshal lo/ /sangs rgyas zla ba rin po che'i rgyal po la phyag 'tshal lo/ /sangs rgyas dri ma dang bral ba'i 'od la phyag 'tshal lo/ /sangs rgyas gzugs dam pa la phyag 'tshal lo/ /sangs rgyas gzugs dam pa'i 'od zer la phyag 'tshal lo/ /sangs rgyas bgegs kyi tshogs thams cad bcom pa la phyag 'tshal lo/ /sangs rgyas dri'i tshogs la phyag 'tshal lo/ /sangs rgyas sgra'i tshogs la phyag 'tshal lo/ /sangs rgyas 'od zer rnam par bkod pa stong phrag brgyad cu la phyag 'tshal lo/ /sangs rgyas 'od zer rnam par bkod pa 'bum phrag brgyad cu la phyag 'tshal lo/ /sangs rgyas rin po che'i me tog rnam par brgyan pa la phyag 'tshal lo/ /sangs rgyas yon tan mchog gi rgyal po la phyag 'tshal lo/ /sangs rgyas gser btso ma'i 'od snang la phyag 'tshal lo/ /sangs rgyas lung bstan pa pad ma'i 'od lnga brgya la phyag 'tshal lo/ /sangs rgyas mi 'jigs sred med kyi bu la phyag 'tshal lo/ /sangs rgyas me tog bzang pos rnam par brgyan pa la phyag 'tshal lo/ /</font><hr>62.236a<br><font size=+1>

lo/ /sangs rgyas rdo rje ting nge 'dzin gyi dbang phyug la phyag 'tshal lo/ /ma byon pa'i sangs rgyas gcig /sangs rgyas bcu/ sangs rgyas brgya/ sangs rgyas stong / sangs rgyas khri la phyag 'tshal na/ bskal pa grangs med dpag tu med pa'i 'khor ba nas sdig lci ba rnams 'byang bar 'gyur ro/ /sangs rgyas 'bum phrag gcig /'bum phrag bcu/ 'bum phrag brgya/ 'bum phrag stong / 'bum phrag khri bye ba khrag khrig gang gA'i bye ma snyed dpag tu med/ grangs med pa'i sangs rgyas kyi mtshan gang zag gang la las thos par gyur na bskal pa khri phrag bzhi bcu'i bar du sems can dmyal bar mi ltung ste/ de bas da ltar phyag 'tshal lo/ /gang zhig sangs rgyas ma byon rnams/ /de la gus par phyag 'tshal na/ /log spyod rnams ni ma gtogs te/ /sgrib pa gsum dang mtshams med lnga/ /sdig pa de rnams 'byang bar 'gyur/ /sangs rgyas chos la bde gnas shing / /dpag med sangs rgyas mthong bar 'gyur/ /dam pa'i chos kyang rtag tu thos/ /de bas da ltar gus phyag 'tshal/ /gang zhig phyogs bcu dus gsum gyis/ /sangs rgyas rnams la phyag 'tshal na/ /kha na ma tho 'das pa dang / /ma 'ongs pa dang da ltar gyi/ /las ngan bcu po byas pa yang / /da ltar mngon du byang bar 'gyur/ /phyi ma'i dus la sangs rgyas kyi/ /ngo bo nyid kyang mthong bar 'gyur/ /de bas de la mos par byos/ /kha ton 'dri klog phyag 'tshal na/ /tshe rabs gar byung gar skyes kyang / /lta ba log par mi skye'o/ /rnam par grol pa rgyun du thob/ /mtha' 'khob sa ru yong mi skye/ /ngan pa'i yul du 'ang mi skye zhing / /rgyal po ma rungs mthong mi 'gyur/ /bskal pa 'bum phrag bzhi khri'i bar/ /sems can dmyal bar mi skye'o/ /de bas gus par phyag 'tshal na/ /mi dge bcu'i las 'byang zhing / /gzungs chen rab tu thob par 'gyur/ /bcom ldan 'das kyis sangs rgyas ma byon pa rnams kyi mtshan bsgrags pa'i tshe byang chub sems dpa' lnga khris phyir mi ldog pa'i sar gnas so/ /dge slong ma bdun brgyas</font><hr>62.236b<br><font size=+1>

ni dgra bcom bar grub bo/ /lha dang mi 'bum phrag drug cu rtsa gnyis ni chos kyi mig rnam par dag pa thob bo/ /gzungs chen po dang / mdo sde bcu gnyis la phyag 'tshal lo/ /mdo yi sde la phyag 'tshal lo/ /lung du bstan pa'i sde la phyag 'tshal lo/ /tshigs su bcad pa'i sde la phyag 'tshal lo/ /dbyangs kyis bsnyad pa'i sde la phyag 'tshal lo/ /ched du brjod pa'i sde la phyag 'tshal lo/ /gling gzhi'i sde la phyag 'tshal lo/ /rtogs pa brjod pa'i sde la phyag 'tshal lo/ /'das pa brjod pa'i sde la phyag 'tshal lo/ /skyes pa rabs kyi sde la phyag 'tshal lo/ /shin du rgyas pa'i sde la phyag 'tshal lo/ /rmad du byung ba'i sde la phyag 'tshal lo/ /gtan la phab par bstan pa'i sde la phyag 'tshal lo/ /theg pa chen po'i sde snod thams cad la phyag 'tshal lo/ /gang gis mdo sde bcu gnyis dang / pha rol du phyin pa rnams kyi mtshan thos na bstod pa byas sam/ phyag 'tshal lam/ brjod dam/ mos pa bskyed dam/ blangs sam/ 'chang bar byed na gang zag de bskal pa khri phrag nyi shu'i bar du sems can dmyal bar mi ltung ste/ tshe snga phyi dran pa'i ye shes dang ldan par 'gyur ro/ /de'i phyir gus pas phyag 'tshol cig /bcom ldan 'das kyis mdo sde bcu gnyis kyi mtshan bshad pa'i tshe byang chub sems dpa' brgyad khri lnga stong rdo rje'i ting nge 'dzin thob bo/ /nyan thos 'bum phrag bcu theg pa chen po'i sems bskyed do/ /dge slong dang / dge slong ma stong phrag bcus dgra bcom pa'i 'bras bu thob bo/ /lha dang mi dpag tu med pa zhig ni chos kyi mig rnam par dag pa thob bo/ /phyogs bcu'i byang chub sems dpa' sems dpa' chen po thams cad la phyag 'tshal lo/ /byang chub sems dpa' 'jam dpal gzhon nur gyur pa la phyag 'tshal lo/ /byang chub sems dpa' spyan ras gzigs dbang phyug la phyag 'tshal lo/ /byang chub sems dpa' mthu chen thob la phyag 'tshal lo/ /byang chub sems dpa' brtson 'grus rtag la phyag 'tshal lo/ /byang chub sems dpa' rgyun mi gtong la phyag 'tshal lo/ /byang chub sems dpa' rin chen lag la phyag 'tshal lo/ /</font><hr>62.237a<br><font size=+1>

byang chub sems dpa' smin gyi rgyal po la phyag 'tshal lo/ /byang chub sems dpa' dpa' bar rgyan la phyag 'tshal lo/ /byang chub sems dpa' rin chen zla ba la phyag 'tshal lo/ /byang chub sems dpa' zla 'od la phyag 'tshal lo/ /byang chub sems dpa' zla gang la phyag 'tshal lo/ /byang chub sems dpa' stobs po che la phyag 'tshal lo/ /byang chub sems dpa' stobs dpag tu med pa la phyag 'tshal lo/ /byang chub sems dpa' khams gsum 'phags la phyag 'tshal lo/ /byang chub sems dpa' bzang skyong la phyag 'tshal lo/ /byang chub sems dpa' byams pa la phyag 'tshal lo/ /byang chub sems dpa' rin chen brtsegs la phyag 'tshal lo/ /byang chub sems dpa' 'dren mkhan la phyag 'tshal lo/ /byang chub sems dpa' dpal gyi snying po la phyag 'tshal lo/ /byang chub sems dpa' 'chad mos la phyag 'tshal lo/ /byang chub sems dpa' klu'i sdong po la phyag 'tshal lo/ /byang chub sems dpa' tsan dan rin po che'i me tog la phyag 'tshal lo/ /byang chub sems dpa' spyod pa bla ma la phyag 'tshal lo/ /byang chub sems dpa' spyod pa mtha' yas la phyag 'tshal lo/ /byang chub sems dpa' spyod pa rnam par bkod pa la phyag 'tshal lo/ /byang chub sems dpa' spyod pa rnam dag la phyag 'tshal lo/ /byang chub sems dpa' gzungs 'dzin la phyag 'tshal lo/ /byang chub sems dpa' rdo rje sred med la phyag 'tshal lo/ /byang chub sems dpa' rtag par gus la phyag 'tshal lo/ /byang chub sems dpa' sngon gyis rgyal po'i me tog la phyag 'tshal lo/ /byang chub sems dpa' mthong na dga' ba la phyag 'tshal lo/ /byang chub sems dpa' dbyangs dam pa la phyag 'tshal lo/ /byang chub sems dpa' brtson 'grus yon tan gyi stobs la phyag 'tshal lo/ /byang chub sems dpa' blo gros mi zad pa la phyag 'tshal lo/ /byang chub sems dpa' snying po rnam dag la phyag 'tshal lo/ /byang chub sems dpa' spyan rnam dag la phyag 'tshal lo/ /byang chub sems dpa' kun du bzang po la phyag 'tshal lo/ /byang chub</font><hr>62.237b<br><font size=+1>

sems dpa' 'jam dpal la phyag 'tshal lo/ /byang chub sems dpa' byams pa la phyag 'tshal lo/ /byang chub sems dpa' bsam legs la phyag 'tshal lo/ /byang chub sems dpa' stong med la phyag 'tshal lo/ /byang chub sems dpa' rdzu 'phrul me tog la phyag 'tshal lo/ /byang chub sems dpa' 'od gsal la phyag 'tshal lo/ /byang chub sems dpa' shes rab 'od gsal la phyag 'tshal lo/ /byang chub sems dpa' shes rab bla ma la phyag 'tshal lo/ /byang chub sems dpa' ye shes rgyal mtshan la phyag 'tshal lo/ /byang chub sems dpa' dbang po zhi ba la phyag 'tshal lo/ /byang chub sems dpa' shes rab smon lam la phyag 'tshal lo/ /byang chub sems dpa' spos kyi gzugs brnyan la phyag 'tshal lo/ /byang chub sems dpa' rin chen gsal la phyag 'tshal lo/ /byang chub sems dpa' dbung gnas la phyag 'tshal lo/ /byang chub sems dpa' 'gog spyod la phyag 'tshal lo/ /byang chub sems dpa' rnam grol la phyag 'tshal lo/ /byang chub sems dpa' chos kyi snying po la phyag 'tshal lo/ /byang chub sems dpa' mnyam par rtog la phyag 'tshal lo/ /byang chub sems dpa' mnyam mi rtog la phyag 'tshal lo/ /byang chub sems dpa' mnyam mi mnyam rtog la phyag 'tshal lo/ /byang chub sems dpa' ting nge 'dzin gyi dbang phyug gis rgyal po la phyag 'tshal lo/ /byang chub sems dpa' chos kyi dbang phyug gi rgyal po la phyag 'tshal lo/ /byang chub sems dpa' chos kyi mtshan nyid la phyag 'tshal lo/ /byang chub sems dpa' 'od kyi mtshan ma la phyag 'tshal lo/ /byang chub sems dpa' 'od kyis brgyan pa la phyag 'tshal lo/ /byang chub sems dpa' rgyan chen po la phyag 'tshal lo/ /byang chub sems dpa' dkon mchog brtsegs la phyag 'tshal lo/ /byang chub sems dpa' blo brtsegs la phyag 'tshal lo/ /byang chub sems dpa' rin chen lag la phyag 'tshal lo/ /byang chub sems dpa' lag na rin po che'i phyag rgya la phyag 'tshal lo/ /byang chub</font><hr>62.238a<br><font size=+1>

sems dpa' lag rgyun du bteg la phyag 'tshal lo/ /byang chub sems dpa' lag rgyun du phab la phyag 'tshal lo/ /byang chub sems dpa' rtag tu brtse ba can la phyag 'tshal lo/ /byang chub sems dpa' dga' ba'i dbang po la phyag 'tshal lo/ /byang chub sems dpa' dga' ba'i rgyal po la phyag 'tshal lo/ /byang chub sems dpa' blo'i dbyangs la phyag 'tshal lo/ /byang chub sems dpa' nam mkha'i snying po la phyag 'tshal lo/ /byang chub sems dpa' rin chen sgron ma 'dzin la phyag 'tshal lo/ /byang chub sems dpa' rin chen dpa' bo la phyag 'tshal lo/ /byang chub sems dpa' rin chen blta ba la phyag 'tshal lo/ /byang chub sems dpa' bden pa'i dra ba la phyag 'tshal lo/ /byang chub sems dpa' dra ba snang la phyag 'tshal lo/ /byang chub sems dpa' rkyen med rtog la phyag 'tshal lo/ /byang chub sems dpa' shes rab brtsegs la phyag 'tshal lo/ /byang chub sems dpa' rin chen gtsug phud la phyag 'tshal lo/ /byang chub sems dpa' lha'i rgyal po la phyag 'tshal lo/ /byang chub sems dpa' bdud rnam par 'joms pa la phyag 'tshal lo/ /byang chub sems dpa' glog gi dpal la phyag 'tshal lo/ /byang chub sems dpa' dbang phyug rgyal po la phyag 'tshal lo/ /byang chub sems dpa' yon tan gyi mtshan nyid du rnam par brgyan pa la phyag 'tshal lo/ /byang chub sems dpa' seng ge sgra la phyag 'tshal lo/ /byang chub sems dpa' 'brug sgra la phyag 'tshal lo/ /byang chub sems dpa' mtshan ma ri sgul ba'i sgra la phyag 'tshal lo/ /byang chub sems dpa' spos kyi glang po che la phyag 'tshal lo/ /byang chub sems dpa' spos kyi glang po che dkar po la phyag 'tshal lo/ /byang chub sems dpa' dam pa skyes la phyag 'tshal lo/ /byang chub sems dpa' me tog rgyan la phyag 'tshal lo/ /byang chub sems dpa' tshangs pa'i dra ba la phyag 'tshal lo/ /byang chub sems dpa'</font><hr>62.238b<br><font size=+1>

rin po che'i dbyug pa la phyag 'tshal lo/ /byang chub sems dpa' thub med la phyag 'tshal lo/ /byang chub sems dpa' zhing gi rgyan la phyag 'tshal lo/ /byang chub sems dpa' gser gyi gtsug pud la phyag 'tshal lo/ /byang chub sems dpa' nor bu'i gtsug phud la phyag 'tshal lo/ /byang chub sems dpa' gzhon nu brgyan pa'i 'od la phyag 'tshal lo/ /byang chub sems dpa' 'jig rten 'dzin la phyag 'tshal lo/ /byang chub sems dpa' snang shar la phyag 'tshal lo/ /byang chub sems dpa' dka' rgyal la phyag 'tshal lo/ /byang chub sems dpa' dge ba'i yon tan la phyag 'tshal lo/ /byang chub sems dpa' me tog gi 'od la phyag 'tshal lo/ /byang chub sems dpa' rin po che'i tsan dan gyi me tog la phyag 'tshal lo/ /byang chub sems dpa' chos gsong ba la phyag 'tshal lo/ /byang chub sems dpa' chos kyi dbang phyug la phyag 'tshal lo/ /byang chub sems dpa' dpal gyi gtso la phyag 'tshal lo/ /byang chub sems dpa' mig mi 'dzums la phyag 'tshal lo/ /byang chub sems dpa' dpal gyi gtsug tor la phyag 'tshal lo/ /byang chub sems dpa' sngon gyi dge ba la phyag 'tshal lo/ /byang chub sems dpa' dge ba'i rtsa ba la phyag 'tshal lo/ /byang chub sems dpa' dpung mchog la phyag 'tshal lo/ /byang chub sems dpa' skyes bu dam pa la phyag 'tshal lo/ /byang chub sems dpa' seng ge la phyag 'tshal lo/ /byang chub sems dpa' seng ge'i dbyangs la phyag 'tshal lo/ /byang chub sems dpa' gtsang shes la phyag 'tshal lo/ /byang chub sems dpa' legs ldan sred med la phyag 'tshal lo/ /byang chub sems dpa' dge yid la phyag 'tshal lo/ /byang chub sems dpa' mngon sum mthong la phyag 'tshal lo/ /byang chub sems dpa' kun du srung la phyag 'tshal lo/ /byang chub sems dpa' glog gi 'od la phyag 'tshal lo/ /byang chub sems dpa' mthong na dga' ba la phyag 'tshal lo/ /byang chub</font><hr>62.239a<br><font size=+1>

sems dpa' snang ba'i mtshan ma la phyag 'tshal lo/ /byang chub sems dpa' dam pa'i yid la phyag 'tshal lo/ /byang chub sems dpa' blo gros mi zad pa la phyag 'tshal lo/ /byang chub sems dpa' shes rab zab mo la phyag 'tshal lo/ /byang chub sems dpa' zhi ba'i mtshan ma la phyag 'tshal lo/ /byang chub sems dpa' thogs med la phyag 'tshal lo/ /byang chub sems dpa' dge ba'i bla ma la phyag 'tshal lo/ /byang chub sems dpa' bsod nams kyi zhing la phyag 'tshal lo/ /byang chub sems dpa' pad ma'i rgyan la phyag 'tshal lo/ /byang chub sems dpa' yon tan gyi snying po la phyag 'tshal lo/ /byang chub sems dpa' zla ba'i bla ma la phyag 'tshal lo/ /byang chub sems dpa' lag na rin po che'i phyag rgya la phyag 'tshal lo/ /byang chub sems dpa' nor bu'i gtsug tor gyi rgyal po la phyag 'tshal lo/ /byang chub sems dpa' bden mos la phyag 'tshal lo/ /byang chub sems dpa' shes rab mthong la phyag 'tshal lo/ /byang chub sems dpa' rgyal po thob la phyag 'tshal lo/ /byang chub sems dpa' rgyal po zab la phyag 'tshal lo/ /byang chub sems dpa' rgyal po me tog la phyag 'tshal lo/ /byang chub sems dpa' gzugs dam pa la phyag 'tshal lo/ /byang chub sems dpa' 'dri mkhas la phyag 'tshal lo/ /byang chub sems dpa' lan ldon mkhas la phyag 'tshal lo/ /byang chub sems dpa' mtshan nyid mngon du rtogs la phyag 'tshal lo/ /byang chub sems dpa' nges pa'i mtshan ma la phyag 'tshal lo/ /byang chub sems dpa' nges par brtsegs la phyag 'tshal lo/ /byang chub sems dpa' dga' ba skyed la phyag 'tshal lo/ /byang chub sems dpa' bde bar gnas la phyag 'tshal lo/ /byang chub sems dpa' bdud skrag la phyag 'tshal lo/ /byang chub sems dpa' skyabs mdzad la phyag 'tshal lo/ /byang chub sems dpa' shes rab go 'phang 'phags la phyag 'tshal lo/ /byang chub sems dpa' sbyin pa dpa' la phyag 'tshal lo/ /byang chub sems</font><hr>62.239b<br><font size=+1>

dpa' ye shes dmigs la phyag 'tshal lo/ /byang chub sems dpa' shes rab smon lam la phyag 'tshal lo/ /byang chub sems dpa' bsdu ba rnam bzhi la phyag 'tshal lo/ /byang chub sems dpa' dbyangs ston la phyag 'tshal lo/ /byang chub sems dpa' rgya mtsho mchog la phyag 'tshal lo/ /byang chub sems dpa' chos dga' la phyag 'tshal lo/ /byang chub sems dpa' byang chub kyi lam la phyag 'tshal lo/ /byang chub sems dpa' mdo 'dzin la phyag 'tshal lo/ /byang chub sems dpa' byams pa'i rgyal po la phyag 'tshal lo/ /byang chub sems dpa' dbang phyug chen po la phyag 'tshal lo/ /byang chub sems dpa' tshangs pa'i dbyangs la phyag 'tshal lo/ /byang chub sems dpa' kha dog dam pa la phyag 'tshal lo/ /byang chub sems dpa' tsan dan tshal la phyag 'tshal lo/ /byang chub sems dpa' seng ge'i dbyangs la phyag 'tshal lo/ /byang chub sems dpa' sgra mchog la phyag 'tshal lo/ /byang chub sems dpa' kha dog dam pa'i gzugs la phyag 'tshal lo/ /byang chub sems dpa' rnam pa sna tshogs brgyan pa la phyag 'tshal lo/ /byang chub sems dpa' shAkya'i rgyal mtshan la phyag 'tshal lo/ /byang chub sems dpa' spyi bo skyes la phyag 'tshal lo/ /byang chub sems dpa' snang ba'i rgyal po la phyag 'tshal lo/ /byang chub sems dpa' 'od chen la phyag 'tshal lo/ /byang chub sems dpa' 'jigs med la phyag 'tshal lo/ /byang chub sems dpa' gsang ba brtsegs la phyag 'tshal lo/ /byang chub sems dpa' me tog 'tsher la phyag 'tshal lo/ /byang chub sems dpa' gtso mchog la phyag 'tshal lo/ /byang chub sems dpa' lus kun du mngon par ston la phyag 'tshal lo/ /byang chub sems dpa' mngon par shes la phyag 'tshal lo/ /byang chub sems dpa' rgya mtsho dpal la phyag 'tshal lo/ /byang chub sems dpa' mtha' yas la phyag 'tshal lo/ /byang chub sems dpa'</font><hr>62.240a<br><font size=+1>

sman gyi rgyal po'i dbang phyug la phyag 'tshal lo/ /byang chub sems dpa' 'od srungs la phyag 'tshal lo/ /byang chub sems dpa' dri med mdzod kyi rgyal po la phyag 'tshal lo/ /byang chub sems dpa' thams cad skyob la phyag 'tshal lo/ /byang chub sems dpa' mtho btsun dpal gyi rje la phyag 'tshal lo/ /byang chub sems dpa' bai dUr+ya'i 'od la phyag 'tshal lo/ /byang chub sems dpa' 'jigs med la phyag 'tshal lo/ /byang chub sems dpa' rgya mtsho'i rgyal po la phyag 'tshal lo/ /byang chub sems dpa' seng ge'i sgra la phyag 'tshal lo/ /byang chub sems dpa' mtshan nyid dad la phyag 'tshal lo/ /byang chub sems dpa' sa chen 'dzin la phyag 'tshal lo/ /byang chub sems dpa' 'od rgyan la phyag 'tshal lo/ /byang chub sems dpa' 'od zer la phyag 'tshal lo/ /byang chub sems dpa' spobs pa chen po la phyag 'tshal lo/ /byang chub sems dpa' byams pa'i stobs la phyag 'tshal lo/ /byang chub sems dpa' snying rje chen po la phyag 'tshal lo/ /byang chub sems dpa' rten pa'i rgyal po la phyag 'tshal lo/ /byang chub sems dpa' rten pa'i stobs la phyag 'tshal lo/ /byang chub sems dpa' rten pa'i dpal la phyag 'tshal lo/ /byang chub sems dpa' kun du phan gdags la phyag 'tshal lo/ /byang chub sems dpa' kun du bzung la phyag 'tshal lo/ /byang chub sems dpa' 'od mi 'gyur la phyag 'tshal lo/ /byang chub sems dpa' kun du 'od la phyag 'tshal lo/ /byang chub sems dpa' yang dag pa'i 'od la phyag 'tshal lo/ /byang chub sems dpa' log par dad sel la phyag 'tshal lo/ /byang chub sems dpa' lha'i 'od la phyag 'tshal lo/ /byang chub sems dpa' rin po che'i rgyal po la phyag 'tshal lo/ /byang chub sems dpa' 'od chub la phyag 'tshal lo/ /byang chub sems dpa' ston pa'i mkhan po la phyag 'tshal lo/ /byang chub sems dpa' bzod pa chen po la phyag 'tshal lo/ /byang chub sems dpa' me tog rgyal po la</font><hr>62.240b<br><font size=+1>

phyag 'tshal lo/ /byang chub sems dpa' me tog brtsegs la phyag 'tshal lo/ /byang chub sems dpa' shes rab 'od la phyag 'tshal lo/ /byang chub sems dpa' shes rab rgya mtsho la phyag 'tshal lo/ /byang chub sems dpa' blo brtan la phyag 'tshal lo/ /byang chub sems dpa' shAkya'i rigs la phyag 'tshal lo/ /byang chub sems dpa' gser gyi 'od la phyag 'tshal lo/ /byang chub sems dpa' gser gyi snying po la phyag 'tshal lo/ /byang chub sems dpa' rtag tu snying rje la phyag 'tshal lo/ /byang chub sems dpa' chos bla ma la phyag 'tshal lo/ /byang chub sems dpa' nor gyi dbyig la phyag 'tshal lo/ /byang chub sems dpa' ri'i 'od la phyag 'tshal lo/ /byang chub sems dpa' shes rab ri la phyag 'tshal lo/ /byang chub sems dpa' snang ba chen po la phyag 'tshal lo/ /byang chub sems dpa' kun 'dzin la phyag 'tshal lo/ /byang chub sems dpa' ri ngar can la phyag 'tshal lo/ /byang chub sems dpa' ri'i rtse la phyag 'tshal lo/ /byang chub sems dpa' ri'i rgyal mtshan la phyag 'tshal lo/ /byang chub sems dpa' ri'i rgyal po la phyag 'tshal lo/ /byang chub sems dpa' bdud 'dul la phyag 'tshal lo/ /byang chub sems dpa' 'brug sgra la phyag 'tshal lo/ /byang chub sems dpa' char pa'i rgyal po la phyag 'tshal lo/ /byang chub sems dpa' 'brug gi rgyal po la phyag 'tshal lo/ /byang chub sems dpa' 'khor lo rin po che la phyag 'tshal lo/ /byang chub sems dpa' rin chen 'tsher la phyag 'tshal lo/ /byang chub sems dpa' rin chen gtso la phyag 'tshal lo/ /byang chub sems dpa' rin po che'i mdzod la phyag 'tshal lo/ /byang chub sems dpa' rin chen snang la phyag 'tshal lo/ /byang chub sems dpa' rin chen mi 'gyur la phyag 'tshal lo/ /byang chub sems dpa' rin po che'i phyag rgya la phyag 'tshal lo/ /byang chub sems dpa' rin po che'i dkyil 'khor la phyag 'tshal lo/ /byang chub</font><hr>62.241a<br><font size=+1>

sems dpa' rin po che'i rgyan la phyag 'tshal lo/ /byang chub sems dpa' rin chen chu la phyag 'tshal lo/ /byang chub sems dpa' rin chen 'od la phyag 'tshal lo/ /byang chub sems dpa' rin chen 'bar la phyag 'tshal lo/ /byang chub sems dpa' rin chen ston la phyag 'tshal lo/ /byang chub sems dpa' rin chen byed la phyag 'tshal lo/ /byang chub sems dpa' chos mos la phyag 'tshal lo/ /byang chub sems dpa' rgyal po rnam dag la phyag 'tshal lo/ /byang chub sems dpa' gtsug tor gyi mtshan ma la phyag 'tshal lo/ /byang chub sems dpa' gser 'od la phyag 'tshal lo/ /byang chub sems dpa' rin po che'i thor tshugs la phyag 'tshal lo/ /byang chub sems dpa' 'od stong la phyag 'tshal lo/ /byang chub sems dpa' yang ba la phyag 'tshal lo/ /byang chub sems dpa' blo rig la phyag 'tshal lo/ /byang chub sems dpa' zla ba rtogs la phyag 'tshal lo/ /byang chub sems dpa' zla 'od la phyag 'tshal lo/ /byang chub sems dpa' chos kyi 'khor lo la phyag 'tshal lo/ /byang chub sems dpa' rnam dag 'od la phyag 'tshal lo/ /byang chub sems dpa' sbyin brtag la phyag 'tshal lo/ /byang chub sems dpa' kun du dpal la phyag 'tshal lo/ /byang chub sems dpa' snang khyab la phyag 'tshal lo/ /byang chub sems dpa' rgyal mtshan dam pa la phyag 'tshal lo/ /byang chub sems dpa' mnyen pa'i dbyangs la phyag 'tshal lo/ /byang chub sems dpa' dpal 'bar la phyag 'tshal lo/ /byang chub sems dpa' mtshan ma'i 'od la phyag 'tshal lo/ /byang chub sems dpa' rgya mtsho'i zla ba la phyag 'tshal lo/ /byang chub sems dpa' rgya mtsho'i snying po la phyag 'tshal lo/ /byang chub sems dpa' zla ba dam pa la phyag 'tshal lo/ /byang chub sems dpa' shes rab gtsang ma la phyag 'tshal lo/ /byang chub sems dpa' 'od 'phags la phyag 'tshal lo/ /byang chub sems dpa' zla ba'i dpal la phyag 'tshal lo/ /byang chub sems dpa' nyi ma'i 'od la phyag 'tshal lo/ /</font><hr>62.241b<br><font size=+1>

byang chub sems dpa' rdo rje la phyag 'tshal lo/ /byang chub sems dpa' 'bar ba'i rgyal mtshan la phyag 'tshal lo/ /byang chub sems dpa' dpal btsun la phyag 'tshal lo/ /byang chub sems dpa' rgya mtsho gsal la phyag 'tshal lo/ /byang chub sems dpa' rgya mtsho che la phyag 'tshal lo/ /byang chub sems dpa' yul rnam par brtag la phyag 'tshal lo/ /byang chub sems dpa' shes rab gsal la phyag 'tshal lo/ /byang chub sems dpa' snang thar la phyag 'tshal lo/ /byang chub sems dpa' gsang ba ston la phyag 'tshal lo/ /byang chub sems dpa' rab tu sbyin la phyag 'tshal lo/ /byang chub sems dpa' gzugs stobs la phyag 'tshal lo/ /byang chub sems dpa' rab tu 'dul la phyag 'tshal lo/ /byang chub sems dpa' lus sbed la phyag 'tshal lo/ /byang chub sems dpa' gcig dang / bcu dang / brgya dang / stong dang / khri la phyag 'tshal lo/ /byang chub sems dpa' khri phrag brgya/ khri phrag nyis brgya/ khri phrag sum brgya/ khri phrag bzhi brgya/ khri phrag lnga brgya/ khri phrag drug brgya/ khri phrag bdun brgya/ khri phrag brgyad brgya/ khri phrag dgu brgya/ khri phrag stong rnams la phyag 'tshal na bskal pa dpag tu med pa tshun chad kyi 'khor ba'i sdig lci ba 'byang bar 'gyur ro/ /byang chub sems dpa' sems dpa' chen po 'bum phrag gcig /'bum phrag bcu/ 'bum phrag brgya/ 'bum phrag stong / 'bum phrag khri/ 'bum phrag khri phrag khri la phyag 'tshal na/ bskal pa dpag tu med pa tshun chad kyi 'khor ba'i sdig pa mi zad pa thams cad 'byang bar 'gyur ro/ /byang chub sems dpa' sems dpa' chen po gang gA gcigi bye ma snyed la phyag 'tshal lo/ /gang gA gnyis kyi bye ma snyed la phyag 'tshal lo/ /gang gA gsum gyi bye ma snyed la phyag 'tshal lo/ /gang gA bzhi'i bye ma snyed la phyag 'tshal lo/ /gang gA lnga'i bye ma snyed la phyag 'tshal lo/ /gang gA drug gi bye ma snyed la phyag 'tshal lo/ /gang gA bdun gyi bye ma snyed la phyag 'tshal lo/ /gang gA brgyad kyi bye ma snyed la phyag 'tshal lo/ /gang gA dgu'i bye ma snyed la phyag 'tshal lo/ /gang</font><hr>62.242a<br><font size=+1>

gang gA bcu'i bye ma snyed la phyag 'tshal lo/ /gang gA brgya'i bye ma snyed la phyag 'tshal lo/ /gang gA stong gi bye ma snyed la phyag 'tshal lo/ /gang gA khri'i bye ma snyed la phyag 'tshal lo/ /gang gA bye ba khrag khrig phrag brgya stong du ma'i bye ma snyed la phyag 'tshal lo/ /de rnams la phyag 'tshal na bskal pa grangs med dpag tu med pa tshun chad kyi 'khor ba'i sdig lci ba thams cad yongs su 'byang bar 'gyur ro/ /gang la la zhig gis byang chub sems dpa' sems dpa' chen po'i mtshan 'di dag thos na bskal pa stong phrag bzhi bcu'i bar du sems can dmyal ba'i sdug bsngal du mi ltung zhing srid pa gsum gyi khams su mi gtogs te/ rtag tu rnam par grol ba'i khams su gtogs par 'gyur ro/ /mtha' 'khob tu mi skye/ yul ngan par mi skye/ lus ngan pa mi len/ log par mi lta/ rigs ngan du mi skye/ mu stegs can du mi skye/ dbang po yan lag tshang bar 'gyur/ dam pa'i chos rtag tu thos par 'gyur/ sdom pa'i tshul khrims ma mnos kyang khrims dang rtag tu ldan par 'gyur/ theg pa chen po spyod lam mdzes pa dang / sangs rgyas kyi bdag nyid kyang mthong bar 'gyur/ de bas gus par phyag 'tshal te/ sangs rgyas kyi chos la bde par gnas shing phyi ma'i tshe sangs rgyas grub pa thob par 'gyur ro/ /byang chub sems dpa' sems dpa' chen po de dag gi mtshan bshad pa'i tshe rigs kyi bu 'am rigs kyi bu mo dad pa can 'bum phrag brgyad cu rtsa brgyad kyis ni phyir mi 'ong ba'i 'bras bu thob bo/ /lha 'bum phrag dgu bcu rtsa bzhis ni lan cig phyir 'ong ba'i 'bras bu thob bo/ /dge slong sems stor ba 'bum phrag bdun cu rtsa brgyad ni sems kyi bdag nyid slar rnyed de dgra bcom pa'i 'bras bu thob po/ /byang chub sems dpa' 'bum phrag bcus ni gzungs chen po thob ste/ ma 'ongs pa'i dus na mngon par 'tshang rgya'o/ /de nas bcom ldan 'das kyis byang chub sems dpa' sems dpa' chen po mtshan nyid dad la bka' stsal pa/ rigs kyi bu 'das pa'i sangs rgyas bcom ldan</font><hr>62.242b<br><font size=+1>

'das rin chen gtsug phud ces bya ba de'i mtshan sems can sdug bsngal gyis gzir ba can rnams kyis lan cig thos na 'chi 'phos pa'i tshe lhar skye'o zhes khyod nyid kyis bshad pa dang / da yang nga la sangs rgyas thams cad kyi mtshan bshad par gsol zhing sems can kun sdug bsngal dang bral zhing 'jig rten las bzla bar 'dod pa de'i phyir ngas kyang khyod dang skye bo kun la dkon mchog gsum gyi mtshan rdzogs par bshad kyis/ don dam par na dkon mchog gcig la bkri ba'i dbang gis gsum du bshad pa gang la las de'i mtshan thos nas sems thag pa nas dran par byas te/ 'chi kar dge ba'i bshes gnyen 'ga' zhig gis dkon mchog gsum gyi mtshan lan gsum du/ na mo bud d+hA ya/ na mo d+harmA ya/ na maHsa~Mg+hA ya zhes de skad ched du brjod du bcug na mi 'di 'chi 'phos nas ngan song gsum du mi 'gro ste/ phyogs bcu'i 'jig rten gyi khams gang nas gang du dad pa de dang der skye bar 'gyur ro/ /sangs rgyas thams cad la mthar gyis rim gro byed par 'gyur/ byang chub sems dpa' thams cad mthong bar 'gyur/ 'jam dpal dang kun du bzang pos theg pa chen po'i phyogs su rgyas pa bshad pa 'ang thos par 'gyur/ thos nas kyang de ma thag tu skye ba med pa'i chos la bzod pa thob par 'gyur ro/ /rigs kyi bu gang zag de yang bskal pa grangs med pa nas dge ba'i rtsa ba shin du bstsags pas gdod dkon mchog gsum gyi mtshan thos pa yin no/ /de nas bcom ldan 'das la byang chub sems dpa' mtshan nyid dad kyis 'di skad ces gsol to/ /bcom ldan 'das ji ltar na dkon mchog gsum zhes bgyi/ dngos po gcig gam/ dngos po gnyis sam/ dngos po gsum du bgyi/ ci ste dngos po gcig na ni skyabs gcig tu song bas dngos po gsum lags na ni skyabs gsum du gyur pas skyabs gsum du gyur na ni sangs rgyas dang chos kyang dbyings tha dad par 'gyur te/ dge 'dun yang de bzhin no/ /gal te skyabs gsum zhig lags na ni skye bo rnams rnam pa gsum du mthong</font><hr>62.243a<br><font size=+1>

bas bskal pa gsum gyi bar chos spyod kyang theg pa gcig tu brda mi mjal bar mchi na/ bcom ldan 'das sems can rnams la sman pa dang bde ba'i slad du bdag la bshad du gsol/ bdag 'di thos nas kyang skye bo kun la bye brag phyed par bshad par 'tshal lo/ /bcom ldan 'das mya ngan las 'das pa'i slad na gang la las mtshan thos na/ bla na med pa'i byang chub kyi gnas thob par yang 'gyur ro/ /zhes gsol pa dang / bcom ldan 'das kyis byang chub sems dpa' mtshan nyid dad la legs so zhes bya ba byin te/ rigs kyi bu legs so legs so/ /don chen po 'di lta bu nga la zhu bar nus pa ni shin du legs so legs so/ /rigs kyi bu khyod 'di lta bu'i don chen po 'dri ba yang sa dang po dang / sa gnyis pa dang / sa gsum pa dang / sa bzhi pa dang / sa lnga pa dang / sa drug pa dang / sa bdun pa dang / sa brgyad pa la gnas pa ma yin te/ sa bcu chos kyi sprin la gnas pa'i skyes bu chen po ni de bzhin gshegs pa la don chen po 'di lta bu 'dri ba yin no/ /khyod legs par nyon cig /ngas bye brag phyed par bshad do/ /rigs kyi bu skye bo thams cad ni thog ma med pa nas ma rig pas bsgribs te/ khams gsum gyi btson ra na 'khor zhing sdug bsngal sna tshogs kyis gzir te/ lam rgyud drug tu phan tshun rnam par rgyu ba la skyabs dang rten pa'i gnas med nas lha ma srin la phyogs te skyabs tshol ba/ mu stegs rnams rang gi rkang lag bcings shing srog btang ste/ skyabs tshol na yang sdug bsngal las thar pa med do/ /me dang mtsho'i nang du mchongs te srog btang yang 'khor ba las thar pa'i dus med do/ /de'i phyir mgon po chen po de bzhin gshegs pas byams pa'i ting nge 'dzin gyis skye bo rgyun du 'khrul pa rnams la thugs brtse bar dgongs te/ dkon mchog gsum gyi mtshan bstan cing yang dag pa'i rten gnas su bya ba'i phyir bslab pa dang po nyan thos dang / rang byang chub pa rnams la them skas dang 'dra bar dkon mchog gsum yang dngos po tha dad par bshad do/ /</font><hr>62.243b<br><font size=+1>

de'i 'og tu rgyun ring du tshangs par spyad pa'i skyes bu dam pa la yang dag pa mthar phyin pa'i dkon mchog gsum dngos po gcig par yang bshad de/ sangs rgyas dkon mchog gcig gi nang na chos dang dge 'dun gyi dkon mchog kyang yod par bshad do/ /rigs kyi bu ci'i phyir dkon mchog ces bya zhe na/ dper na 'jig rten gyi rin po che sna bdun po phongs pa rnams la 'tsho ba bstangs pa dang 'dra bar dkon mchog gsum yang 'jig rten na skye bo rnams kyi chos kyi sku bskyed pa dang / ye shes spel bar byed pas dkon mchog ces bya'o/ /dkon mchog gsum dngos po tha dad pa ni sangs rgyas rgyal po'i khab tu sku sprul cing byang chub sems dpa' yin pa skad du sems can bsgral ba'i phyir brtul zhugs dang dka' thub spyad de/ byang chub kyi shing drung du mngon par byang chub nas bdag dang gzhan gyi don mdzad ces bya ba ni sangs rgyas zhes bya'o/ /sangs rgyas ni ma rig pa'i gnyid las sad pa'o/ /dge 'dun zhes bya ba ni mchod pa'i gnas so/ /ston pa las slob mas don rnyed pa'i phyir dge 'dun zhes bya'o/ /dge 'dun la rnam pa gnyis te/ 'thun pa dang / 'dus ma byas pa'o/ /'dus ma byas pa thob pa ni yang dag pa'i stong pa nyid kyis shes rab kyi mtshan nyid stong pa nyid grol ba ni 'dus ma byas pa'o/ /'khrul pa bar mi chad par 'byung ba'i zag pa zad pa yang 'dus ma byas zhes bya'o/ /zag pa thams cad 'gags nas 'phags pa rnams dang gnas gcig tu 'thun te/ rtsod pa med pa ni 'thun pa ste/ don de gnyis dang ldan pa ni dge 'dun zhes bya'o/ /rigs kyi bu chos ni dge sdig gi chos thams cad dang / 'dus byas dang / 'dus ma byas rnams so/ /sdig pa'i chos ni spang bar bya/ dge ba'i chos ni 'phel bar bya'o/ /de yang sems kyis dmigs so cog chos kyi dkon mchog ces bya'o/ /de'i phyir sangs rgyas dang / dge 'dun gnyis dngos po yang mi gcig la/ ngo bo nyid kyang tha dad do/ /chos ni dge 'dun dang sangs rgyas su dbyings 'thun te so sor dbye bar dka'o/ /ji ltar so sor dbye bar dka' zhe na/ /gal te</font><hr>62.244a<br><font size=+1>

sangs rgyas dang dge 'dun gnyis kyi mtshan bla dgas su btags te/ rnam par dpyod pa bas rnam par grol ba'i phung po thob pa dang / dge ba'i yon tan thams cad chos kyi dkon mchog go zhes bya bar don de lta bu yang ma yin te/ de ci'i phyir zhe na/ dge ba'i yon tan dang bsod nams kyi dbang gis mi lus thob pa yin no/ /chos dang bral na mi byed/ mi las gud na yang chos kyi dkon mchog ces bya ba ga la yod/ /deng 'dir gleng ba ni mi dang chos su gcig tu 'thun la tha dad pa yang yod de/ chos kyi dbang gis mir grub/ mi'i dbang du chos 'gro bas de'i phyir rnam par grol ba'i phung po dang / stobs bcu dang / mi 'jigs pa bzhi dang / mtshan sum bcu rtsa gnyis dang / dpe byad bzang po brgyad cu dang / pha rol tu phyin pa la sogs te/ ting nge 'dzin grangs med pa yang sangs rgyas dkon mchog tu bshad do/ /nyan thos kyi rnam par grol ba'i phung po ni dge 'dun dkon mchog tu bshad do/ /yon tan 'di rnams 'dus byas dang 'dus ma byas pa'i chos kyi rnam grangs dang / gtan tshigs su dmigs pa'i sbyor ba ni chos kyi dkon mchog ces bya'o/ /ye ni dbyings gcig ste/ don gnyis su bshad kyis kyang chos kyi dbyings la sangs rgyas dang dge 'dun tha dad pa yang yod de/ de yang chos kyi dkon mchog tu bsdu'o/ /de ltar na 'khor ba'i spyod pa thams cad kyis sdug bsngal sbom po las thar gyis kyang sdug bsngal phra mo ma zad de/ de'i phyir yang dag pa mthar phyin pa'i dkon mchog gsum bshad par bya'o/ /sngon bshad pa la sangs rgyas la sdug bsngal mnga'o/ /chos ni mi rtag go/ /dge 'dun yang mi rtag ste/ sdug bsngal yin pas yang dag pa'i rten gnas ma yin zhes zer na deng 'dir bshad pa ni rtag tu gnas pa ni rnal 'byor spyod pa pa rnams kyis chos nyid stong pa nyid du mngon par chud cing / phyin ci log brgyad dang bral ba/ skye 'gag med pa yang dag pa'i rten gnas su gyur pa de ni sangs rgyas dkon mchog ces bya'o/ /rtag pa'i chos rnyed do cog dmigs pa'i mthar phyin par spyad pa ni yang dag pa'i chos dkon mchog ces bya'o/ /</font><hr>62.244b<br><font size=+1>

spyod pa pa rnams kyis yang dag pa'i chos kyi chos nyid khong du chud cing rtag tu 'dus ma byas pa'i gnas su grub pa ni dge 'dun zhes bya'o/ /yang phyin ci log brgyad gtan du bral bas 'phags pa dang skye bo thams cad 'thun zhing nam du yang rtsod pa med pa ni dge 'dun dkon mchog ces bya'o/ /sngon dkon mchog gsum mi dang chos su tha dad par bshad/ deng 'dir ni sangs rgyas dngos po gcig la chos dang dge 'dun yang der byung bas don de'i phyir ngas khyod la dngos po gcig pa'i dkon mchog gsum bshad de/ skye bo kun theg pa gcig tu phyogs par bya'o/ /de nas bcom ldan 'das la byang chub sems dpa' mtshan nyid dad kyis 'di skad ces gsol to/ /sangs rgyas bcom ldan 'das gang la rnam par rtog ste theg pa chen po bsgrub par bgyi/ bcom ldan 'das kyis bka' stsal pa/ rigs kyi bu khams gsum mi rtag par bsams te theg pa chen por bsgrub bo/ /byang chub sems dpa' mtshan nyid dad kyis gsol pa/ ji ltar na mi rtag pa la rnam par rtog par bgyi/ bka' stsal pa/ mi rtag pa la rnam par rtog par bya na nyon mongs pa rnam par sbyangs te yang dag pa'i dran pa mngon du bzhag la byams pa dang snying rje thog mar 'gro bar bya ste/ skye bo rnams la chos bshad cing bsgral na yang lan mi re ba ni byang chub sems dpa' zhes bya'o/ /de ltar sems can yongs su mi gtong ste theg pa chen po bsgrub par bya'o/ /rigs kyi bu dper na grong khyer chen po gcig 'khor rgya dpag tshad gcig la/ sgo mang po zhig yod pa der 'gror ni lam na g.yang sa dang / mun nag pa dang / shin du 'jigs pa'i sa cher yod kyis kyang / grong khyer der phyin na shin du bde skyid par 'gyur bas skyes bu mi gcig la bu gcig pu zhig yod pa shin du yang sdug mod kyi/ grong khyer de na bde skyid pa'i longs spyod dpag tu med pa yod do zhes thos pas bu sdug pa der 'gro 'dod pa'i phyir thabs sna tshogs kyis lam 'jigs</font><hr>62.245a<br><font size=+1>

sa rgal nas grong khyer de'i sgor phyin pa dang / rkang pa ya gcig nang du bcug ste/ rkang pa ya gcig ma bteg pa'i bar du bu de dran nas 'di ltar bsams so/ /bdag la bu gcig pu yod pa bdag chas pa'i khar ci ste ma khrid/ da su zhig slad na gso zhig gu zhes bsams nas grong khyer de btang ste slar bu'i thad du chas so/ /rigs kyi bu byang chub sems dpa'i byams pa dang snying rje yang de dang 'dra ste byams shing snying brtse ba'i phyir mngon par shes pa lnga bsgom par byed do/ /bsgoms te zag pa zad nas yang mi shes grub pa mi len te/ de ci'i phyir zhe na/ sems can la snying brtse ba'i phyir zag pa zad pa dang / mngon par shes pa spong ste/ so so'i skye bo'i sar bgrod par bya'o/ /rigs kyi bu dper grong khyer bde skyid pa zhes bya ba ni rnam par thar pa chen po la bya'o/ /dper sgo mang po zhes bya ba ni ting nge 'dzin gyi sgo brgyad khri bzhi stong la bya'o/ /dper lam 'jigs sa chen po zhes bya ba ni bdud dang bgegs lta bu la bya'o/ /dper grong khyer gyi sgor phyin zhes bya ba ni mngon par shes pa lnga thob pa la bya'o/ /dper rkang pa ya gcig bteg ste them pa'i nang du 'jug pa ni ye shes la bya'o/ /dper rkang pa ya gcig ma bteg pa ni byang chub sems dpa' gzhan rnam par ma grol ba la bya'o/ /dper bu gcig pu lus zhes smra ba ni lam rgyud lnga'i sems can la bya'o/ /dper bu la dran pa ni snying rje chen po la bya'o/ /dper bu'i thad du log pa ni sems can 'dul zhing rnam par grol ba thob par byed pa la bya'o/ /dper lan dang 'grub pa mi re ba ni thabs mkhas pa la bya'o/ /rigs kyi bu byang chub sems dpa' sems dpa' chen po'i byams pa chen po dang snying rje chen pos bsdus te/ mi gtong ba ni bsam gyis mi khyab bo/ /rigs kyi bu yang 'di lta ste/ byang chub sems dpa' skyes bu dam pa dang po sems bskyed pa nas byang chub kyi snying po la thug</font><hr>62.245b<br><font size=+1>

gi bar du sems can la rtag tu dge ba bcu dpog par bya'o/ /bcu po gang zhe na/ srog mi gcod pa dang / ma byin par mi len pa dang / 'dod pas log par mi g.yem pa dang / brdzun du mi smra ba dang / phra ma dang dbyen mi byed pa dang / ngag rtsub po mi smra ba dang / don med pa'i gtam tshig khyal ba mi smra ba dang / brnab sems mi byed pa dang / gnod sems mi byed pa dang / log par mi lta ba ste/ byang chub sems dpa' de bzhin du byams pa dang / snying rje phun sum tshogs par spyad na byams pas ni dge ba ston cing bde ba la 'god par byed/ snying rjes ni sdug bsngal las thar ba dang / dmyal ba las sgrol bar byed do/ /skye bo rnams mya ngan las 'da' bar bsgrub 'dod pa'i sgo ma shes pa mthong na byang chub sems dpas skye bo de dag la snying rje ba'i sems bsgom par bya'o/ /snying rje ba'i dbang gis sems can thams cad mya ngan las 'da' ba'i sgo 'byed pas bde ba'i gnas mngon par ston te/ theg pa chen po'i 'bras bu thob par byed pa ni byang chub sems dpa' sems dpa' chen po'i spyad pa spyod pa zhes bya'o/ /de nas bcom ldan 'das la byang chub sems dpa' mtshan nyid dad kyis 'di skad ces gsol to/ /bcom ldan 'das yang dag pa'i dran pa zhes bgyi ba gang / bka' stsal pa/ mi skye mi 'gag pa'i chos spyad pa'o/ /gsol pa/ bcom ldan 'das chos mi skye ba ni gang / mi 'gag pa ni gang / bka' stsal pa/ rigs kyi bu sdig pa'i chos ni mi skye bar bya/ dge ba'i chos ni mi 'gag par bya'o/ /de lta bu'i spyod pa khams gsum du spyad pa ni 'dod pa rnam pa lnga'i bag chags kyi dri mas gos par mi 'gyur ro/ /rigs kyi bu khams gsum na bgrod cing sems can bsgral bar 'dod na chos rnams pa bcu po 'dis khams gsum du bgrod par bya ste/ kun rdzob kyi tshig dang / yi ge'i rjes su khams gsum yod par bshad mod kyi/ bla na med pa'i byang chub ni dus gsum du mi gnas la/ mthar phyin pa'i byang chub rnam grangs su</font><hr>62.246a<br><font size=+1>

mi ltung na dus gsum dang khams gsum lta ci smos/ chos bcu po gang zhe na/ stod pa dang smad pa la sems skye bri med pa dang / snyan pa dang mi snyan par thos pa la sems rnam par mi rtog pa dang / shes rab can dang / gti mug can la 'dra bar snying rje bskyed pa dang / sems can bla 'og gang yang rung ste/ snyoms par lta ba dang mchod pa gus ma gus la sems rnam pa gnyis su mi 'byed pa dang / gzhan gyi nyes skyon la 'phyas mi 'dogs pa dang / theg pa rnam pa sna tshogs su mthong na yang theg pa gcig tu lta ba dang / ngan song gsum gyi sgra thos na yang 'jigs pa dang skrag pa mi skyed pa dang / byang chub sems dpa' rnams la de bzhin gshegs pa dang 'dra bar blta ba dang / bskal pa snyigs ma can gyi dus su sangs rgyas 'byung ba la ngo mtshar rmad du byung ba'i 'du shes bskyed pa dang bcu ste/ chos bcu po de dag dang ldan na byang chub sems dpa'i nyon mongs pa'i bag chags kyis nyon mongs par mi 'gyur ro/ /byang chub sems dpa' skyes bu dam pa khams gsum na bgrod pa'i tshe snying rje chen pos gzhi byas na mnol ba'i zhing der 'od 'dres kyang rdul mi gcig ste/ de bas na bsam gyis khyab dka' zhes bya'o/ /gang zhig 'jig rten rnam dag na/ /bskal pa gcig gi bar dag tu/ /tshul khrims dam du bsrung ba ni/ /skyes bu de ni skad cig tsam/ /byams pa spyad pas dam pa mchog /gang zhig 'jig rten 'di ru ni/ /lus dang ngag yid sdig spyad de/ /ngan song gsum du ltung nges dag /byams sems de yis 'phral du 'byang / /byang chub sems dpa' 'ga' zhig gis/ /'jig rten ngan par skyes na yang / /'jigs dang dogs pa ma skyed cig /ngan song ltung ba'i sdig yod kyang / /mgo bo na ba tsam gyis 'byang / /gang zhig 'ching ba gcod 'dod dam/ /nyon mongs sgrib pa spang 'dod pa/ /'jig rten ngan 'dir skyes na yang / /dam chos</font><hr>62.246b<br><font size=+1>

bsrung bas shes rab 'phel/ /rnam dag zhing du bskal pa 'bum/ /tshul khrims rnam dag spyad pa bas/ /deng nas sang gi bar dag tu/ /'jig rten 'di na gnas kyang sla/ /de ci'i phyir zhe na/ ngas ni mi 'khrugs 'jig rten dang / /bde ba can gyi 'jig rten gnyis/ /shin du rnam dag mthong ba na/ /sdug bsngal bya ba'i ming yang med/ /khams der bsod nams bya ba ni/ /dka' ba snyam du mi mdzad de/ /gang zhig 'jig rten 'di dag tu/ /rang gis mi bzod bzod bya ste/ /pha rol po yang bzod bcug na/ /de ni bsod nams dam pa mchog /de phyir byang chub sems dpa' rnams/ /'jig rten ngan 'dir bgrod pa'i tshe/ /nyon mongs mya ngan ma byed par/ /sems can thams cad 'dren bya ste/ /brtson 'grus brtan pa'i sems bskyed na/ /bla med byang chub myur du thob/ /de nas bcom ldan 'das la byang chub sems dpa' sems dpa' chen po nam mkha'i snying pos 'di skad ces gsol to/ /bcom ldan 'das bdag cag rnams kyis deng 'dir byang chub sems dpa' byang chub kyi rgyu dang rkyen zhig zhu zhing mchis na/ de bzhin gshegs pas skabs dbye bar gnang na spobs pa bskyed de zhu bar bgyi'o zhes gsol pa dang / bcom ldan 'das kyis bka' stsal pa/ legs so/ /rigs kyi bu khyod sngon sangs rgyas brgya stong du ma la dge ba'i rtsa ba rnams bskyed pa/ byang chub sems dpa' thams cad kyi phyir byang chub spyod pa'i brtson 'grus brtan pa dri ba legs kyis 'dod pa bzhin dris shig /ngas khyod la bye phrag phyed par bshad do/ /bcom ldan 'das kyis skabs dbye bar gnang nas bcom ldan 'das la nam mkha'i snying pos 'di skad ces gsol to/ /bcom ldan 'das byang chub sems dpas ci bgyis na brtul zhugs dang dka' thub kyi sems la gdung ba ma mchis par 'gyur/ byang chub sems dpas ci bgyis na nges pa'i tshig la 'gyod pa ma mchis par 'gyur/ byang chub sems dpas ci bgyis na dge</font><hr>62.247a<br><font size=+1>

ba'i rtsa ba 'phel bar 'gyur/ byang chub sems dpas ci bgyis na 'jigs pa ma mchis shing tshul mi g.yo bar 'gyur/ byang chub sems dpas ci bgyis na dam pa'i chos yongs su 'grub par 'gyur/ byang chub sems dpas ci bgyis na sa gcig nas sa bcu'i bar du legs par 'tshal bar 'gyur/ byang chub sems dpas ci bgyis na/ thabs la shin du mkhas par 'gyur/ byang chub sems dpas ci bgyis na sems can gyi ston pa bgyid par 'gyur/ byang chub sems dpas ci bgyis na tshe rabs su byang chub kyi sems chud mi gzon par 'gyur/ byang chub sems dpas ci bgyis na sems spyod pa rnams gcig las rnam pa sna tshogs su spyod pa ma mchis par 'gyur/ byang chub sems dpas ci bgyis na chos rin po ches legs par sgrub par 'gyur/ byang chub sems dpas ci bgyis na tshul khrims dang 'dul ba las bcas pa'i kha na ma tho ba las 'byung bar 'gyur/ byang chub sems dpas ci bgyis na nyon mongs pa rnams 'gag par 'gyur/ byang chub sems dpas ci bgyis na tshogs mang po kun dang 'thun par 'gyur/ byang chub sems dpas ci bgyis na chos kyi sbyin pa'i sgo legs par 'byed par 'gyur/ byang chub sems dpas ci bgyis na sngon gyi dbang gi mthus dge ba'i rtsa ba mi stor bar 'gyur/ byang chub sems dpas ci bgyis na gzhan gyis bstan pa la rag mi lus par rang bzhin gyis pha rol tu phyin pa drug spyad par 'gyur/ byang chub sems dpas ci bgyis na bsam gtan dang ting nge 'dzin btang ste/ 'dod pa'i khams su skye bar 'gyur/ byang chub sems dpas ci bgyis na sangs rgyas kyi chos las phyir mi ldog par 'gyur/ byang chub sems dpas ci bgyis na dge ba'i rtsa ba 'phel ba dang / khams gsum du bgrod cing sems can la ston pa bgyid de/ sangs rgyas kyi ngo bo nyid bar mi 'chad par 'gyur/ </font><hr>62.247b<br><font size=+1>

de nas bcom ldan 'das kyis byang chub sems dpa' nam mkha'i snying po la legs so zhes bya ba byin te/ khyod de bzhin gshegs pa la byang chub sems dpa'i bya ba rnams zhu nus pa yang shin du legs so legs so/ /khyod legs par nyon la dran pa mngon du zhog shig /gsol pa/ bcom ldan 'das bka' bzhin du thos par smon te/ mnyan cing mnos par 'tshal lo zhes gsol pa dang / bcom ldan 'das kyis byang chub sems dpa' nam mkha'i snying po la bka' stsal pa/ rigs kyi bu byang chub sems dpa' chos bzhi dang ldan na brtul zhugs dang dka' thub kyis sems mi gdung bar 'gyur ro/ /chos bzhi gang zhe na/ sems can thams cad la snying rje cher bskyed pa dang / brtson 'grus bskyed cing le lo mi byed pa dang / skye shi'i 'khor ba rmyi lam tsam dang 'dra bar shes pa dang / yang dag pa'i yid kyis sangs rgyas kyi ye shes bsam pa dang bzhi ste/ byang chub sems dpa' chos bzhi po de dag dang ldan na dka' thub dang brtul zhugs kyi sems gdung ba med par 'gyur ro/ /byang chub sems dpa' yang chos bzhi dang ldan na nges pa'i tshig la bar ma dor 'gyod par mi 'gyur ro/ /bzhi gang zhe na/ nges pa'i tshig chos la bdag med par mngon par chud ces brjod pa dang / nges pa'i tshig skye gnas so cog la dad pa'i 'du shes bskyed pa mi rigs zhes brjod pa dang / nges pa'i tshig gis theg pa chen po la rgyun du bsngags pa brjod pa dang / nges pa'i tshig gis las dge sdig gi 'bras bu mi rlag ces brjod pa dang bzhi'o/ /byang chub sems dpa' yang chos bzhi dang ldan na dge ba'i rtsa ba rnam par 'phel bar 'gyur ro/ /bzhi gang zhe na/ tshul khrims bsrung ba dang / mang du thos pa dang / sbyin pa byin pa dang / rab tu byung ba dang bzhi'o/ /byang chub sems dpa' yang chos bzhi dang ldan na 'jigs pa med cing tshul las mi g.yo bar 'gyur ro/ /bzhi gang zhe na/ khe stor ba dang mi</font><hr>62.248a<br><font size=+1>

snyan par grags pa dang / smad cing dma' dbab pa dang / sdug bsngal gyis non kyang mi g.yo ba dang bzhi'o/ /byang chub sems dpa' yang chos bzhi dang ldan na chos dkar po yongs su 'grub par 'gyur ro/ /bzhi gang zhe na/ pha rol po la las dge sdig yid ches par ston pa dang / sbyin pa la lan mi re ba dang / dam pa'i chos bsrung zhing skyong ba dang / shes rab chen pos byang chub sems dpa' thams cad la bstod par byed pa dang bzhi'o/ /rigs kyi bu byang chub sems dpa' yang chos bzhi dang ldan na sa gcig nas sa bcu'i bar du legs par 'gyur ro/ /chos bzhi gang zhe na/ dge ba'i rtsa ba yun du bskyed pa dang / nyes skyon thams cad sel ba dang / thabs la shin tu mkhas pa dang / dge ba'i brtson 'grus ci spyad pa byang chub tu bsngo ba dang bzhi'o/ /byang chub sems dpa' yang chos bzhi dang ldan na thabs la shin du mkhas par 'gyur ro/ /bzhi gang zhe na/ sems can gyi yid dang 'thun par byed pa dang / gzhan gyi bsod nams dang yon tan la rjes su yi rang ba'i sems skyed pa dang / sdig yod na 'gyod tshangs byed pa dang / de bzhin gshegs pa thams cad la chos kyi 'khor lo bskor bar gsol ba 'debs pa dang bzhi'o/ /byang chub sems dpa' yang chos bzhi dang ldan na sems can gyi ston pa byed par 'gyur ro/ /bzhi gang zhe na/ rtag tu sems can la phan pa dang bde ba bsgrub par byed pa dang / rang gi dga' ba yongs su 'dor ba dang / mnyen des byas te bzod pa bsgom pa dang le lo spong ba dang bzhi'o/ /byang chub sems dpa' chos bzhi dang ldan na tshe rabs su byang chub kyi sems chud mi zos par 'gyur ro/ /bzhi gang zhe na/ phyogs bcu'i sangs rgyas thams cad rtag tu dran par byed pa dang / bsod nams byas so cog sems can gyi phyir bla na med pa'i byang chub tu bsngo ba dang / dge ba'i bshes gnyen la brten pa dang / theg pa chen po yongs su sgrog par byed pa dang bzhi'o/ /byang chub sems dpa' yang chos bzhi dang</font><hr>62.248b<br><font size=+1>

ldan na sems spyod pa rnam pa gcig las rnam pa sna tshogs su mi spyod par 'gyur ro/ /bzhi gang zhe na/ nyan thos kyi sems spang ba dang / rang sangs rgyas kyi sems spang ba dang / chos sgrub pas skyo mi ngas pa dang / chos ci thos pa gzhan la ston par byed pa dang bzhi'o/ /byang chub sems dpa' yang chos bzhi dang ldan na chos rin po che legs par bsgrub par 'gyur ro/ /bzhi gang zhe na/ theg pa chen po chos dkon pa'i phyir rin po che dang 'dra bar 'du shes bskyed pa dang / theg pa chen po'i chos sems kyi nad thams cad sel ba'i phyir sman dang 'dra bar lta ba dang / theg pa chen po'i chos nam yang mi rlag pa'i phyir nor gyi dbyig dang 'dra bar lta ba dang / theg pa chen po'i chos mya ngan las 'da' bar byed pa'i phyir sdug bsngal 'gog par lta ba dang bzhi'o/ /byang chub sems dpa' yang chos bzhi dang ldan na tshul khrims nyams pa dang / nyon mongs pa'i kha na ma tho ba las 'byung bar 'gyur ro/ /bzhi gang zhe na/ chos rnams 'ong ba med pa'i phyir chos la mi skye ba'i bzod pa thob pa dang / chos rnams song ba med pa'i phyir chos la mi 'gog pa'i bzod pa thob pa dang / chos rnams rgyu dang rkyen las skye bar shes pa'i phyir chos la rten cing 'brel bar 'byung ba'i bzod pa thob pa dang / tha dad pa'i sems rgyud med pa'i phyir mi gnas pa'i bzod pa thob pa dang bzhi'o/ /byang chub sems dpa' yang chos bzhi dang ldan na nyon mongs pa rnams 'gag par 'gyur ro/ /bzhi gang zhe na/ yang dag pa'i dran pa mngon du gzhag pa dang / dbang po rnams bsdam pa dang / dge ba'i chos kyi stobs bskyed nus pa dang / dben pa'i gnas su dad cing 'du 'dzi spang bar bya ba dang bzhi'o/ /byang chub sems dpa' yang chos bzhi dang ldan na tshogs mang po kun dang 'thun par 'gyur ro/ /bzhi gang zhe na/ bdag chos sgrub na yang khyad par thob par mi sgrub pa dang / le lo med par rtag tu bkur sti dang gus pa'i sems skyed pa dang / chos kyi phan pa 'ba' zhig tshol gyi bdag mi spyom pa dang / gzhan</font><hr>62.249a<br><font size=+1>

la dge ba'i chos bstan kyang rnyed pa dang / bkur sti dang / grags pa mi tshol ba dang bzhi'o/ /byang chub sems dpa' yang chos bzhi dang ldan na chos kyi sbyin pa'i sgo legs par 'byed par 'gyur ro/ /bzhi gang zhe na/ dam pa'i chos yongs su bsrung zhing bskyab pa dang / rang gi shes rab la phan par byed cing gzhan la ston par byed pa dang / rtag tu ya rabs kyi chos spyod pa dang / rnam par dag pa dang ma dag pa'i chos la mi rtog pa dang bzhi'o/ /byang chub sems dpa' yang chos bzhi dang ldan na sngon gyi dbang gi mthus dge ba'i rtsa ba mi rlag par 'gyur ro/ /bzhi gang zhe na/ pha rol po'i nyes skyon la dbang mi bza' ba dang / zhe sdang can la rtag tu byams sems bsgom pa dang / rtag tu chos thams cad rten 'brel du bshad pa dang / bla na med pa'i byang chub rtag tu dran par bya ba dang bzhi'o/ /byang chub sems dpa' yang chos bzhi dang ldan na gzhan gyis bstan pa la rag ma lus par rang bzhin gyis pha rol du phyin pa drug spyod par 'gyur ro/ /bzhi gang zhe na/ rtag tu chos kyi sbyin pa gzhan la sbyin pa dang / gzhan gyi kha na ma tho ba mi brjod pa dang / chos kyis bsdus te sems can gyi ston pa la mkhas pa dang / chos zab mo chub par shes pa dang bzhi'o/ /byang chub sems dpa' yang chos bzhi dang ldan na bsam gtan dang ting nge 'dzin btang ste 'dod pa'i khams su mngon du skye bar 'gyur ro/ /bzhi gang zhe na/ sems mnyen des su bya ba dang / dge ba'i rtsa ba'i mthu rnyed par bya ba dang / sems can thams cad mi gtong ba dang / shes rab dang thabs mkhas pa'i mthu stobs rgyun du bsgom nus pa dang bzhi'o/ /byang chub sems dpa' yang chos bzhi dang ldan na/ sangs rgyas kyi chos las phyir mi ldog par 'gyur ro/ /bzhi gang zhe na/ skye shi'i 'khor ba grangs med par myong na yang skyo ba'i sems mi skyed pa dang / rtag tu sangs rgyas tshad med pa la mchod pa bya ba dang / byams sems tshad med pa bsgom par bya ba dang / sangs rgyas kyi ye shes tshad med pa la mos pa</font><hr>62.249b<br><font size=+1>

bskyed pa dang bzhi'o/ /rigs kyi bu byang chub sems dpa' yang chos bzhi dang ldan na sangs rgyas kyi bdag nyid rgyun mi 'chad par 'gyur ro/ /bzhi gang zhe na/ sems can thams cad kyi phyir smon lam mi gtong ba dang / sbyin pa'i spyod lam la dad pa dang / brtson 'grus chen po la 'dun pa dang / sangs rgyas kyi chos la sems zab mos rgyun du spyod pa dang bzhi ste/ byang chub sems dpa' sems dpa' chen pos khams gsum du bgrod cing spyod pa rnam pa bzhi po'i rnam grangs spyad de/ sems can la phan pa dang bde bar byas shing 'jig rten las bzla bar bsgoms na sangs rgyas kyi bdag nyid rgyun mi 'chad par 'gyur ro/ /de'i tshe theg pa chen po'i chos rnam pa bzhi bzhir bshad pa'i tshe na lha bzhi khri ni bla na med pa'i byang chub tu sems bskyed do/ /mi las nyi khri lnga stong ni chos la mi skye ba'i bzod pa thob bo/ /byang chub sems dpa' bzhi khri brgyad stong ni chos kyi khams kyi bzod pa'i pha rol tu phyin pa thob ste sangs rgyas kyi ye shes la mngon par chud do/ /de'i tshe de'i dus na yang bcom ldan 'das kyis byang chub sems dpa' sems dpa' chen po nam mkha'i snying po la 'di skad ces bka' stsal to/ /rigs kyi bu khyod mdo sde 'di legs par zung shig /chongs shig ces bka' stsal nas byang chub sems dpa' nam mkha'i snying pos 'di skad ces gsol to/ /bcom ldan 'das mdo sde 'di'i ming ci lags/ 'di ji ltar gzung bar bgyi/ bcom ldan 'das gyis bka' stsal pa/ mdo sde 'di'i ming ni thar pa chen po phyogs su rgyas pa bdud kyi yul 'joms pa/ mu stegs kyi dpung dang bcas par gzhig pa/ nyon mongs pa thams cad sel ba/ log par lta ba dang / 'dod pa rnam pa lnga'i 'ching ba 'grol ba/ khams gsum gyi btson ra 'dril ba/ 'khor ba las thar cing mya ngan las 'da' ba'i phyogs su bsgrol ba/ sa bon dam pa'i rgyu skams pa rlan par byed pa/ rgyu rkyen chen po pha rol du phyin pa drug gi chos kyi char 'bebs pa/ sems can theg pa gsum gyi myu gu dang me tog rgyas</font><hr>62.250a<br><font size=+1>

shing 'phel bar byed pa/ byang chub kyi 'bras bu mchog theg pa gcig tu 'grub par byed pa zhes bya bar zung shig /de nas bcom ldan 'das la byang chub sems dpa' nam mkha'i snying pos 'di skad ces gsol to/ /bcom ldan 'das bdag sngon 'das pa'i sangs rgyas grangs ma mchis pa'i spyan snga dang / 'dus pa grangs ma mchis pa dang / tshogs dpag tu ma mchis pa'i nang du chos rnam pa sna tshogs dang / don rnam pa sna tshogs dang / mtshan ma rnam pa sna tshogs dang / theg pa rnam pa sna tshogs kyang thos na ngo mtshar rmad du byung ba'i chos de lta bu dang / ngo mtshar rmad du byung ba'i don de lta bu dang / ngo mtshar rmad du byung ba'i mtshan ma de lta bu dang / ngo mtshar rmad du byung ba'i theg pa chen po de lta bu ni thos ma myong ste/ deng thos pa 'di dag rgyun mi 'chad par bgyi'o/ /bcom ldan 'das de bzhin gshegs pa ni rtag la chos dang dge 'dun ni 'gag par mi 'gyur te/ khams gsum gyi sems can rang skye zhing rang 'gag par gyur nas de bzhin gshegs pa ma mthong ba dang / chos dang dge 'dun ma mthong bas mya ngan las 'das te 'gag par 'gyur ro zhes brjod do/ /bdag cag de bzhin gshegs pa'i byin gyi brlabs kyis khams gsum du bgrod cing so so'i skye bo'i rjes su snyegs te/ mya ngan las 'da'o zhes bla dgas su brjod pa lags so/ /bcom ldan 'das de bzhin gshegs pa mya ngan las 'das pa'i slad na/ bdag cag rnams kyis theg pa brgyad khris sangs rgyas kyi ye shes su chud par skyes bu chen po'i chos kyi sku thob par bgyi'o/ /chos kyi khams su gtogs pa'i sems can rnams la mdo sde 'di spel bar bgyi'o/ /gzung zhing 'chang ba dang / klog pa dang / kha ton du 'don par bgyi'o/ /ji ltar bshad pa bzhin bsgoms te/ dus gcig tu sangs rgyas su 'grub par bgyi'o/ /mi gtong bar bgyi'o/ /bcom ldan 'das rigs kyi bu dang / rigs kyi bu mo gang la las bcom ldan 'das mya ngan las 'das pa'i slad na snyigs ma can gyi dus su mdo sde 'di gzungs su bzung zhing klog gam/ kha ton du bgyid dam/ glegs bam du yi ger 'bri 'am/ </font><hr>62.250b<br><font size=+1>

yi ger 'brir 'jug na bsod nams ji tsam zhig thob par 'gyur/ bcom ldan 'das kyis bka' stsal pa/ rigs kyi bu gang la las stong gsum gyi stong chen po'i 'jig rten gyi khams nor bu rin po ches yongs su bkang ste sbyin pa byin pa bas mdo sde 'di'i ming tsam thos pas bsod nams dpag tu med par che'o/ /gang la las 'jig rten gyi khams stong phrag bcur/ nor bu rin po ches yongs su bkang ste sbyin pa byin pa bas mdo sde 'di glegs bam du byas te 'chang ba tsam gyis bsod nams dpag tu med par che'o/ /gang la las phyogs bcu'i 'jig rten gyi khams su nor bu rin po ches yongs su bkang ste sbyin pa byin pa bas theg pa chen po phyogs su rgyas pa'i mdo sde 'di'i nang na yi ge 'bru gcig gam/ tshigs bcad gcig gam/ shu lo ga gcig 'bri 'am/ 'brir 'jug na de bas kyang bsod nams dpag tu med par che'o/ /'jig rten grangs med pa'i khams su rin po ches yongs su bkang ste sbyin pa byin pa bas sems thag pa nas mdo sde 'di shu lo ga gcig klog gam kha ton byas na bsod nams de bas kyang dpag tu med par che'o/ /stong khams yongs su gang ba'i sems can gyi srog gi skyabs byin pa bas kyang gang gis sems thag pa nas mdo sde 'di'i don tshig gcig shes te/ gzhan la tshig gcig gam/ shu lo ga gcig gi don bstan na bsod nams de bas kyang dpag tu med par che'o/ /de ci'i phyir zhe na/ zang zing gi sbyin pa ni nyan thos kyi sbyin pa yin te/ tshe dang longs spyod bskyed par zad kyi 'khor ba las mi thar ro/ /theg pa chen po chos kyi sbyin pa ni sems can rnams kyi byang chub kyi rtsa ba bskyed pa dang / theg pa gsum gyi ye shes kyi srog sdud par byed pa'o/ /rigs kyi bu mdo sde 'di klog pa dang 'chang ba ni sngon sdig can ma rungs pa yin na yang da dge ba dang ldan pa'o/ /sngon sdug bsngal can yin na yang da longs spyod dang ldan pa'o/ /sngon 'ching ba can yin na yang da grol thar pa dang ldan par 'gyur ro/ /sngon ma rgal ba yin na yang da rgal ba can no/ /sngon blun pa zhig yin na yang da ni slob dpon du chud pa'o/ /sngon zag pa dang bcas pa zhig na</font><hr>62.251a<br><font size=+1>

yang da ni zag pa med pa'o/ /sngon so so'i skye bo'i spyod pa can zhig yin na yang da ni 'phags pa'i spyod pa dang ldan pa'o/ /sngon chos lam dang 'gal ba zhig yin na yang da ni 'phags pa'i lam la chud pa'o/ /lus skye bo'i lus can yin na yang mdo sde 'di klog pa dang 'chang ba'i phyir blo ni 'phags pa'i ye shes dang 'dra'o/ /sngon nyon mongs pa can zhig yin na yang da mdo sde 'di klog pa dang 'chang ba'i phyir sangs rgyas bcom ldan 'das dang 'dra bar mya ngan las 'da' ba can no zhes bka' nas/ byang chub sems dpa' nam mkha'i snying pos 'di skad ces gsol to/ /bcom ldan 'das de bzhin gshegs pas bshad pa ltar na/ sngon so so'i skye bo lags kyang da ni 'phags pa'i spyod pa dang ldan no zhes bgyi ba dang / sngon nyon mongs pa can lags na yang da ni mdo sde 'di klog pa dang / 'chang bas sangs rgyas bcom ldan 'das dang 'dra bar mya ngan las 'da' ba can no/ /zhes byung na tshul khrims zhig pa dang / mtshams ma mchis par spyad pa dang / dam pa'i chos la skur pa btab pa yang ci mdo sde 'di klog pa tsam gyis nyon mongs pa spong ste/ mya ngan las 'da' ba dang 'thun pa zhig lags sam/ don de rig par dka' zhing mchis na bcom ldan 'das bye brag phyed par bstan du gsol zhes bgyis pa dang / bcom ldan 'das kyis bka' stsal pa/ legs so legs so/ /rigs kyi bu khyod kyis legs par zhus pas ngas kyang legs par bshad par bya'o/ /rigs kyi bu sems can thams cad sangs rgyas ma mthong ba'i phyir log par lta ba dang / tshul khrims nyams pa dang / dam pa'i chos la skur pa btab pa yin no/ /sangs rgyas 'jig rten du bzhugs pa na tshul khrims nyams pa dang / dam pa'i chos la skur pa btab pa yong med do/ /de ji lta zhe na/ dper na dri ma mi gcig la bu gcig pu zhig yod pa de shin du 'ang phangs shing sdug na pha yod pa'i tshe na ni nyin mtshan du bstan cing bslabs pas byas so cog la 'gal ba med bu yang pha la sri zhu che ste/ pha'i ngag nyan cing nyes pa yong ma byung</font><hr>62.251b<br><font size=+1>

ngo / /re shig dus gcig na pha lam ring por 'dron du song ba las ring du lon te slar ma 'khor ba'i bar du bu de pha'i bstan ngag brjed nas nyes pa yang mang du byung ngo / /pha ring du lon te slar ma 'khor ba'i phyir pha shi ba skad du brjod de ngud mo dag byed cing khad kyis 'chal du byed do/ /mya ngan gyis non te sems stor nas pha'i bstan pa yang brjed de chos la skur pa dang 'dra bar 'gal ba sha stag byed do/ /pha de yun ring mo zhig lon nas dus gcig na slar khyim du log pa'i tshe bu yang shin du dga' ba dang tshim pa skyes nas pha'i bstan ngag kyang dran te gzungs su bzung nas nyes pa yang ma byung ngo / /pha mthong ba'i phyir pha ma shi bar yang yid ches nas log par ltung ba can zhes kyang mi bya'o/ /pha'i bka' bzhin du mi 'gal bar spyad pas skur pa can zhes kyang mi bya ste/ rigs kyi bu dra ma zhes bya ba ni de bzhin gshegs pa'o/ /bu gcig pu zhes pa ni sems can thams cad do/ /phas bstan cing bslabs shes bya ba ni tshul khrims so/ /lam ring por song zhes bya ba ni de bzhin gshegs pa khams gzhan du chos kyi 'khor lo bskor bar gshegs pa'o/ /pha ma mthong zhes bya ba ni tshe 'das so zhes brjod pa'o/ /mya ngan gyis non pa ni sgrib pas bsgribs pa'o/ /gzungs su mi 'dzin pa ni tshul khrims zhig pa'o/ /shi ba skad brjod pa'i phyir sdig spyod pa'o/ /don 'khrul pa'i phyir skur pa btab pa'o/ /de bzhin gshegs pas khams gzhan nas slar gshegs te/ sems can gyis mthong ba ni sangs rgyas mya ngan las mi 'da' bar yid ches pa'o/ /sangs rgyas kyis chos bstan nas sems kyi rang bzhin slar rnyed pas tshul khrims mi nyams pa'o/ /mya ngan las mi 'da' bar yid ches pa ni ltung ba med pa'o/ /bstan pa dang mi 'gal bar spyod cing don shes pa ni chos la mi skur pa yin no/ / rigs kyi bu mdo sde 'di klog pa dang 'chang ba ni 'khor ba grangs med pa'i nyon mongs pa'i sdig lci ba kun 'byang bar 'gyur ro/ /gang mdo sde 'di thos pa ni sangs rgyas kyi mtshan thos pa'o/ /</font><hr>62.252a<br><font size=+1>

gang mdo sde 'di mthong ba ni sangs rgyas kyi zhal mthong ba'o/ /gang mdo sde 'di 'dzin pa ni sangs rgyas kyi sku 'dzin pa'o/ /gang mdo sde 'di spyod pa ni sangs rgyas kyi mdzad pa spyod pa'o/ /gang mdo sde 'di bshad pa ni sangs rgyas kyi mdzad pa bshad pa'o/ /gang mdo sde 'di'i don shes pa ni sangs rgyas kyi don shes pa'o/ /gang sangs rgyas kyi mdzad pa spyod pa dang / sangs rgyas kyi don legs par khrol ba de ni nyon mongs pa gtan med par 'gyur ro/ /de ci'i phyir zhe na/ mdo sde 'di lag tu 'ongs pa'i phyir nyon mongs pa yongs su spang bar 'gyur ba'o/ /rigs kyi bu bskal pa brgyad khri la nyin zhag gcig tu brtsi ba/ zhag sum bcu la zla ba gcig /zla ba bcu gnyis la lo gcig tu bsgres pa'i bskal pa brgya stong bye ba khrag khrig 'das pa la sangs rgyas gcig 'byung ba dang phrad do/ /yang bskal pa grangs de dang 'dra ba 'das nas sangs rgyas gcig 'byung ba dang phrad kyang mdo sde 'di dang phrad pa ni phyogs bcu dus gsum gyi sangs rgyas thams cad dang phrad pa dang 'dra'o/ /de'i phyir blo dang ldan pas mdo sde 'di blang ba dang / 'chang ba dang / klog pa dang / kha ton du 'don pa dang / yi ger 'bri ba dang / 'brir 'jug pa dang / gzhan la yang bstan na log par lta ba dang / ma rig pa'i nyon mongs pa dang / zag pa dang bcas pa'i sdig pa yongs su 'byang bar 'gyur/ bsod nams kyi zhing la gnas par 'gyur/ 'jig rten gyi mchod yon dpag tu med pa yang 'ju bar 'gyur ro/ /zhes bka' stsal pa dang / nam mkha'i snying pos gsol pa/ bcom ldan 'das rang sangs rgyas kyang 'jig rten gyi yon 'ju ba skad mi gda' na so so'i skye bo lta ba zhig yon 'ju bar 'gyur ram/ bcom ldan 'das kyis bka' stsal pa/ rang sangs rgyas yon mi 'ju mi srid de/ sems can la chos bshad cing bsgral mi nus na yang bsam gtan dang ting nge 'dzin la 'jug pas ting nge 'dzin las langs te/ rdzu 'phrul chen po rnam par sprul cing sems can rnams sgrol bar byed pas mchod yon 'ju bar 'gyur ro/ /de nas bcom ldan 'das la byang chub sems</font><hr>62.252b<br><font size=+1>

dpa' nam mkha'i snying pos 'di skad ces gsol to/ /bcom ldan 'das mdo sde kha cig las byung ba lta ba log pa dang / tshul khrims zhig pa rnams khams gcig tu lhan cig gnas su yang mi rung ba dang / chu klung gcig la chab 'tshal du yang mi rung ngo zhes byung la gso sbyong gi tshe gang zag de 'phags pa'i lam stor ba lags te/ dge 'dun gyi nang du 'ang mi chud ces 'byung na ci'i slad du deng 'dir tshul khrims zhig pa rnams kyang mchod yon 'ju bar 'gyur zhes gsungs/ gal te de dag mchod yon 'ju bar 'gyur na ni de bzhin gshegs pa dang yang tha mi dad la/ 'phags pa dgra bcom pa dang / rang sangs rgyas dang 'dra na bcom ldan 'das de tsam zhig bye brag phyed par bshad par smon/ bdag kyang de thos nas de bzhin du sems can rnams la bstan par bgyi'o/ /rnam par dgrol bar bgyi'o/ /bcom ldan 'das kyis byang chub sems dpa' nam mkha'i snying po la bka' stsal pa/ legs so legs so/ /rigs kyi bu khyed la sogs pa deng 'dir byams pa dang / snying rje phun sum tshogs par ldan pas sems can rnams la snying brtse bar bsams te/ don de zhu ba ni rab tu 'ang legs te ngas kyang bye brag phyed par bshad kyis legs par soms la nyon cig /chos kyi rnam grangs 'di'i spyod yul ni nyan thos dang / rang sangs rgyas rnams kyis rig par yang mi 'gyur la/ bdud dang / mu stegs dang / so so'i skye bo rnams kyi bsam pa'i gnas kyang ma yin te/ de ni sangs rgyas mkhyen pa dang khyod kyi khong du chud par zad do/ /rigs kyi bu ngas rtag tu byang chub tu sems bskyed pa rnams la bstan pa/ sems can bzang ngan rnam par mi rtog par sbyin pa byas na bsod nams kyi tshogs yongs su 'grub po zhes bshad de/ byol song la sbyin pa byin pas ni bsod nams kyi yon tan brgya thob par 'gyur ro/ /log spyod la sbyin pa byin pas ni bsod nams kyi yon tan lan stong thob par 'gyur ro/ /rigs kyi bu dge ba'i rtsa ba rgyun chad pa ni 'chi</font><hr>62.253a<br><font size=+1>

'phos nas log spyod kyi rgyud du 'gro'o/ /drin mi gzo ba dang khrel med pa ni 'chi 'phos na byol song gi rgyud du 'gro'o/ /log spyod kyi 'bras bu rnam par smin pa yang bsod nams can gyi yon 'ju na mdo sde 'di klog pa dang / 'chang ba'i gang zag lta zhig ci smos/ de bas na theg pa chen po'i mdo sde thar pa chen po'i phyogs su rgyas pa'i mthu dang byin gyi brlabs bsam gyis mi khyab bo/ /tshul khrims 'jig pa dang / mtshams med par 'gro ba dang / dam pa'i chos la skur pa dang / log par lta ba dang / nyon mongs pa can gyi sdig pa yongs su 'byang bar byed pas na mchod yon yang 'ju bar nus so/ /bcom ldan 'das la byang chub sems dpa' nam mkha'i snying pos gsol pa/ bcom ldan 'das de bzhin gshegs pa yang bsam gyis mi khyab/ thar pa chen po phyogs su rgyas pa'i mthu dang byin yang bsam gyis mi khyab/ mdo sde 'di 'dzin pa dang / klog pa'i gang zag de'i yon tan yang bsam gyis mi khyab bo/ /bcom ldan 'das kyis bka' stsal pa/ de de bzhin no/ /rigs kyi bu de de bzhin no/ /khyod kyis bshad pa bzhin te/ yon tan bsam gyis mi khyab pa mtha' yas pa thob par 'gyur ro zhes gsol pa dang / de nas bcom ldan 'das kyis byang chub sems dpa' nam mkha'i snying po la 'di skad ces bka' stsal to/ /ngas dran pa sngon 'das pa'i bskal pa rnam par dag pa zhes bya ba na nga de'i tshe sangs rgyas bye ba khrag khrig dgu bcu rtsa gnyis la mchod pa phul te/ bsnyen bkur byas na yang nyan thos kyi tshul du spyad pas nyes skyon mang du byung ba dang / tshul khrims nyams pa dpag tu med pa dag byung ba'i phyir de bzhin gshegs pa de dag gis kyang nga la lung bstan par ma gyur to/ /bskal pa de 'das nas bskal pa mthong bar mos pa zhes bya ba na nga de'i tshe sangs rgyas bye ba phrag bzhi bcu la mchod pa phul te/ bsnyen bkur byas na yang sangs rgyas de dag gis nga la lung ma bstan to/ /bskal pa de 'das nas kyang bskal pa tshangs pa'i dbyangs shes bya ba na nga de'i</font><hr>62.253b<br><font size=+1>

tshe sangs rgyas bye ba phrag nyi shu rtsa gnyis la mchod pa phul te/ bsnyen bkur byas na yang sangs rgyas de dag gis nga la lung ma bstan to/ /bskal pa de 'das nas yang bskal pa sems dga' zhes bya ba na nga de'i tshe sangs rgyas brgyad khri bzhi stong la mchod pa phul te/ bsnyen bkur byas na yang sangs rgyas de dag gis lung ma bstan to/ /bskal pa de 'das nas yang bskal pa sdug bsngal skyabs zhes bya ba dang / 'jig rten rnam par brgyan pa zhes bya ba na de bzhin gshegs pa dgra bcom pa yang dag par rdzogs pa'i sangs rgyas mkhyen pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba bla na med pa/ lha dang mi rnams kyi ston pa/ sangs rgyas bcom ldan 'das sbyin pa chen po zhes bya ba byung ste/ nga de'i tshe sangs rgyas bye ba phrag bzhi bcu la mchod pa phul te/ bsnyen bkur byas nas gdod mdo sde 'di'i ming thos te/ nyon mongs pa yongs su spangs kyis kyang mdo sde 'di da dung ma mthong ste/ nga de'i tshe de'i dus na mchod pa'i yo byad bsam gyis mi khyab pa rnam pa sna tshogs bstsags te/ mchod pa phul na yang de bzhin gshegs pa de dag gis kyang nga la lung bstan par ma gyur to/ /rigs kyi bu nga sngon bskal pa de snyed du sangs rgyas de snyed la mchod pa de snyed cig phul ba dang / bsnyen bkur dang bstod pa byas nas nyon mongs pa rnam par spangs te/ nyan thos kyi sdom pa dang / tshul phun sum tshogs pa tshangs par spyad cing sbyin pa byin pa dang / tshul khrims bslab pa dang nga rgyal dang / zhe sdang dang / gti mug spangs te/ sbyangs pa'i yon tan spyad pa dang / bzod pa dang / byams pa'i sems dang / ji ltar thos pa bzhin brtson 'grus su bshad pa dang / thos so cog thams cad mi brjed pa dang / 'du 'dzi spangs te dben pa la gnas pa dang / bsam gtan dang ting nge 'dzin la 'jug pa dang / bsam gtan las byung nas chos nyan pa dang / klog pa dang / kha ton du 'don pa dang / bsam pa la sogs pa byas kyang rgyal ba de dag gis</font><hr>62.254a<br><font size=+1>

nga la lung ma bstan ste/ de ci'i phyir zhe na/ sdom pa mnos so cog 'jig pa dang / nyams pa mang du byung ba'i phyir ro/ /nyan thos dang / rang sangs rgyas kyi theg pa la chags pa'i phyir ro/ /theg pa chen po'i mdo sde thar pa chen po phyogs su rgyas pa 'di ma thos pa'i phyir ro/ /de bas na byang chub sems dpa' sems dpa' chen po rnams kyis nyan thos dang / rang sangs rgyas kyi spyod lam spang bar bya/ theg pa chen po'i mdo sde thar pa chen po phyogs su rgyas pa bsgom par byas na lung bstan pa thob par 'gyur ro/ /gal te ngas bskal pa gcig nas bskal pa gcig gi bar du sangs rgyas kyi mtshan bshad na yang rdzogs par mi nus te/ rigs kyi bu bskal pa de dag 'das pa'i 'og tu de bzhin gshegs pa 'od mi 'gyur gyis tshogs chen po dpag tu med pa la theg pa chen po'i mdo sde thar pa chen po phyogs su rgyas pa'i chos kyi rnam grangs 'di bshad pa der mthong nas nga de'i tshe de'i dus na gdod thos pa dang mthong bar gyur to/ /rgyal ba de las blangs te 'dzin pa dang / klog pa dang / kha ton du bya ba dang / don bsam pa la sogs pa byas nas de ma thag tu chos la mi skye ba'i bzod pa thob bo/ /de bzhin gshegs pa 'od mi 'gyur gyis nga la lung bstan pa/ khyod ma 'ongs pa'i dus na de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya bar 'gyur ro zhes lung bstan to/ /de bas na rigs kyi bu chos kyi rnam grangs 'di blangs te/ 'chang ba dang / klog pa la sogs pa byas na sangs rgyas kyi sa yang myur du thob par 'gyur na/ 'jig rten na lha dang mir bcas pa'i mchod yon 'ju bar 'gyur ba lta ci smos/ rigs kyi bu de'i phyir ngas theg pa chen po'i chos kyi rnam grangs kyi mthu stobs rin po che'i snying po dang 'dra ba bsam gyis mi khyab pa tshul khrims 'jig pa dang / dbul phongs pa rnams kyi tshul dang rin po che'i nor bu sbyin par byed pa la bstod pa'i tshigs su bcad pa</font><hr>62.254b<br><font size=+1>

brjod par bya'o/ /theg chen dpe tshad rgya mtsho bzhin/ /theg pa chung ngu ba rjes chu/ /theg chen dpe tshad ri rab lhun/ /theg pa chung ngu grog ma'i mkhar/ /theg chen dpe tshad nyi zla bzhin/ /theg pa chung ngu me stag tsam/ /theg pa 'di ni theg chen yin/ /bsam gyis mi khyab theg pa'o/ /dper na nam mkha' dang 'dra ba/ /sems can thams cad go 'byed do/ /theg pa thams cad kun gyi nang / /theg pa 'di las 'da' ba med/ /theg pa chen po 'di nang nas/ /theg pa rnam pa sna tshogs 'byung / /dpag pa'i grangs shig yod na ni/ /thams cad bsgral bar mi nus so/ /theg pa bla na med pa 'di/ /sems can yongs su bsgral nus pa/ /nam mkha' 'dra ba'i theg chen la/ /gang gis dpag med 'di spyad pa/ /nam mkha' dpag tu med pa bzhin/ /gzugs dang dbyibs kyang yong med do/ /theg pa chen po'ang de bzhin te/ /thogs pa med cing dpag tu med/ /sems can thams cad de dag kun/ /theg pa chen po 'di zhon la/ /theg pa'i mtshan ma rnam rtog na/ /gtos rgya che zhing mang du shong / /gal te theg chen yon tan dang / /theg pa gcig tu spyod pa ni/ /bskal pa dpag med rab bshad kyang / /mtha' ru rdzogs par yang mi nus/ /theg pa thams cad kun gyi nang / /theg pa chen po dam pa mchog /sems thag theg chen 'di blangs na/ /byang chub shing drung mngon par 'gro/ /'ching ba med cing thogs med pa/ /bla na med pa'i theg pa 'di/ /theg pa dman pa'i mchog 'gyur bas/ /byang chub dkyil du 'dug par 'ong / /rten 'brel bcu gnyis rnam rtag ste/ /sems can rnams la snying brtse'i phyir/ /phyogs bcu'i sems can thams cad la/ /theg chen mdo sde bshad par bya/ /gang zhig theg chen theg pa ni/ /'phel ba'am 'grib pa yong med de/ /nam mkha' bzhin du kun shong bas/ /theg pa chen po bsam mi khyab/ /de phyir sems can thams cad kyis/ /brtson 'grus su ni bsgom bya ste/ /mngon par shes pa rnams dang ni/ /ye shes chen po thob par bya/ /lha yi tshogs dang lha'i bdud/ /mu stegs</font><hr>62.255a<br><font size=+1>

nyon mongs sel 'dod na/ /theg pa chen po'i skyabasong la/ /mngon shes drug dang ldan par byos/ /rig pa gsum dang rnam thar gsum/ /des ni bdud dang mu stegs 'joms/ /log par lta ba 'ang 'jil bas na/ /theg pa chen po mchog tu dgos/ /nyon mongs thams cad 'jig pa dang / /dge rtsa phun sum tshogs 'gyur bas/ /theg chen mthu ni bsam mi khyab/ /de bas dpag pa 'ang rab tu dka'/ /'jig rten pa'i chos rnams dang / /'jig rten 'das pa'i chos thams cad/ /slob dang mi slob de dag kun/ /theg pa chen por kun 'dus so/ /sems can gang zhig ngan 'gror spyod pa ni/ /log par lta ba dang ni sdig grogs bsten/ /gang zhig theg pa chen por ma dad pa/ /des ni nyon mongs bdud rnams 'joms mi nus/ /de rnams spangs te theg chen skyabs song ba/ /grol thar 'dod pas theg pa chen po slob/ /skyes bu gang zhig don 'di shes 'dod pa/ /theg chen bshad pa thos na dga' ba skye/ /de ni theg chen mi ni yin par mngon/ /zhi gnas sems ni mngon par shes dang ldan/ /de yang theg chen dbang gis rnam par brgyan/ /gang zhig theg pa chen por spyod nus pa/ /de ni dkon mchog gsum gyi rigs mi chad/ /gang zhig dkon mchog gsum la phyogs pa ni/ /de ni bsod nams dpag med thob pa'o/ /phyogs bcu'i 'jig rten khamasu phyin pa dang / /phyogs bcu'i rgyal ba dpag med mchod pa dang / /de bzhin theg chen phyogs su rgyas pa'i mdo/ /mchod na 'jig rten theg pas thub pa med/ /dpal dang gzi brjid ldan zhing 'khor ba 'joms/ /de phyir theg pa chen po bsam khyab dka'/ /byad gzugs stobs dang dbang phyug thob par 'gyur/ /phun sum tshogs ldan chos sku mngon par 'grub/ /gang zhig theg chen 'di la zhon pa ni/ /bla na med pa'i dga' ba myong ba yin/ /lus kyi sbyin pas snying rje byams bsgoms na/ /de phyir theg pa bla med thob par 'gyur/ /tshul khrims brtson 'grus tshangs par spyod pa ni/ /rdzu 'phrul mngon du nyi zla sgrib kyang nus/ /de yang theg chen spyod pa'i dbang gis so/ /rang gi sems</font><hr>62.255b<br><font size=+1>

kyis brtson 'grus rgyun spyod pa/ /des ni theg pa chen po thob pa'o/ /sdug bsngal non pa'i sgrib pa yod na yang / /theg chen bsgoms pas de dag kun kyang 'byang / /gang zhig theg chen chos la bde gnas pa/ /de ni tshe dang longaspyod sangs rgyas bzhin/ /yang dag dran pa brtson par ldan pa ni/ /rdzu 'phrul rkang pa bzhi yi stobs kyang rnyed/ /dam chos yang dag don la brten pa yang / /theg pa chen po bsgoms pa'i dbang gis so/ /mi 'jigs dang ni stobs bcu ldan pa dang / /mtshan bzang sum bcu rtsa gnyis brgyan pa dang / /rdo rje ting 'dzin ye shes thams cad kyang / /theg pa chen po bsgom pa'i dbang gis so/ /rigs kyi bu gang la las theg pa chen po chos kyi rnam grangs 'di bzung ste/ 'bru gcig gam/ tshig gcig gam/ tshigs bcad gcig 'chang ngam klog na bsod nams 'di lta bu dang ldan par 'gyur ro/ /gang zhe na/ 'di lta ste/ gang gis mdo sde 'di 'dzin pa/ /sdug bsngal kun dang yong bral lo/ /nam du 'ang ngan 'gror mi ltung ste/ /bde ba'i gnas su phyin par 'gyur/ /gang gis mdo sde 'di thos pa/ /phyi ma ma 'ongs dus ngan tshe/ /mtha' ru sangs rgyas 'grub par yang / /ngas ni lung du bstan par bya/ /gang gis rgyal ba rtag gzhol ba/ /rgyal ba 'ang rtag tu de la gzhol/ /gang gis rgyal ba'i chos bsrungs na/ /rgyal ba 'ang de la bsrung bar 'gyur/ /rdzu 'phrul chen po thob pa dang / /chos kyi 'khor lo bskor bar nus/ /'khor ba'i rgyud las bsgral ba dang / /bdud kyi dpung bcas 'jil yang nus/ /rgyal ba 'od mi 'gyur de las/ /ngas ni mdo sde 'di thos nas/ /bzod par gnas te lung bstan pa/ /shAkya thub ces bya bar grub/ /nga ni mya ngan 'das 'og na/ /gang zhig mdo sde 'di 'chang ba/ /mngon par rdzogs par 'tshang rgya bar/ /ngas kyang lung du bstan par bya/ /gang gis ma 'ongs dus kyi tshe/ /mdo sde 'di yi don shes te/ /blun po rnams la rab bshad pa/ /dkon mchog gsum gyi rigs mi 'chad/ /sangs rgyas 'jig rten mi bzhug kyang / /mdo 'di 'jig rten gang na bar/ /gnas pa'i</font><hr>62.256a<br><font size=+1>

mchod gnas de dag tu/ /sangs rgyas mngon sum bzhugs pa bzhin/ /de ci'i phyir zhe na/ ngas sngon de bzhin gshegs pa dpag tu med pa las mdo sde 'di mnos te 'chang ba dang / bskal pa 'jig pa'i tshe gzhan la rgya cher bshad pas na mtshan sum bcu rtsa gnyis kyang de ltar thob bo/ /de nas bcom ldan 'das la byang chub sems dpa' nam mkha'i snying pos 'di skad ces gsol to/ /bcom ldan 'das de bzhin gshegs pa thams cad kyis kyang skyes bu chen po'i mtshan sum bcu rtsa gnyis bshad/ deng 'dir yang bcom ldan 'das kyis mtshan sum bcu rtsa gnyis bshad na/ las kyi rgyu gang dang gang gi dbang gis de dag 'grub par 'gyur ba bcom ldan 'das kyis skabs dbye zhing bstan du gsol zhes bgyis pa dang / bcom ldan 'das kyis bka' stsal pa/ rigs kyi bu de bzhin gshegs pa ni yon tan dpag tu med pa bsgrubs pas mtshan sum bcu rtsa gnyis 'grub pa yin te/ gal te ngas rgya cher bshad du bskal pa'i bar du yang bshad pa mi rdzogs pas deng mdo tsam zhig khyod la bshad do/ /de dag gang zhe na/ 'di lta ste sems thag pa nas tshul khrims dag par bsrung ba dang / yi dam la brtan pas zhabs shin du gnas pa'i mtshan dang ldan par 'gyur ba dang / bla ma la bsu skyal dang / chos nyan pa dang / gtsug lag khang dang / mchod rten bsgrub pa la phu dud du byas pas phyag dang zhabs 'khor lo'i mtshan rtsibs stong dang ldan par 'gyur ba dang / sems can thams cad la ma brnyas pas rting pa yangs pa'i mtshan dang ldan par 'gyur ba dang / dam pa'i chos yongs su bsrung bas sor mo ring ba'i mtshan dang ldan par 'gyur ba dang / bsdu ba rnam bzhi goms par byas pas phyag dang zhabs dra bas sor mo bar 'brel ba'i mtshan dang ldan par 'gyur ba dang / gos bzang po sbyin pa byin pas/ phyag dang zhabs gzhon zhing 'jam pa'i mtshan dang ldan par 'gyur ba dang / bza' ba dang / btung ba dang / zhim po dang / gtsang ma dang / nyams su bde ba byin pas/ bdun shin du mtho</font><hr>62.256b<br><font size=+1>

ba'i mtshan dang ldan par 'gyur ba dang / sangs rgyas kyi chos la thos par dga' bas ri dgas e na ya'i byin pa lta bu'i mtshan dang ldan par 'gyur ba dang / gzhan gyi g.yo dang mtshang sbed cing bcabs pas gsang ba'i gnas sbubs su nub pa'i mtshan dang ldan par 'gyur ba dang / dge ba bcu sgoms pas seng ge'i ro stod lta bu'i mtshan dang ldan par 'gyur ba dang / dge ba'i chos yang dag par blangs te sems can la rtag tu ston pas phrag so shin du rgyas pa'i mtshan dang ldan par 'gyur ba dang / 'jigs pa rnams kyi mgon dang skyabs byas pas phrag pa'i lhun mdzes par grub pa'i mtshan dang ldan par 'gyur ba dang / gzhan gyi gtsug lag khang ngam/ mchod rten bsgrub pa'i grogs byed par mos pa dang / slong ba rnams la bdog pa med ces ma byas pas phyag brla drang por pus mo'i lha nga la sleb pa'i mtshan dang ldan par 'gyur ba dang / rtag tu dge ba'i chos thams cad bsgrub pa dang / srog gi rim gro byas pas sku che zhing drang ba'i mtshan dang ldan par 'gyur ba dang / na ba rnams kyi rtsi sman dang / rim gro dang / nyams su phan pa'i zas byin pas ro bro ba'i mchog thob pa'i mtshan dang ldan par 'gyur ba dang / yun ring po nas tshig khyal pa spangs shing dus su smra bas seng ge'i 'gram pa lta bu'i mtshan dang ldan par 'gyur ba dang / sems can thams cad la sems mnyam par snyoms pas tshems mnyam zhing bzhi bcu tshang ba'i mtshan dang ldan par 'gyur ba dang / rtsod pa rnams sdum pa la dga' bas tshems thags bzang ba'i mtshan dang ldan par 'gyur ba dang / rin po che'i sbyin pa byas pas tshems mnyam pa'i mtshan dang ldan par 'gyur ba dang / lus dang ngag yid yongasu dag pas tshems shin du dkar ba'i mtshan dang ldan par 'gyur ba dang / ngag gi nyes pa bsdams pas ljags shin du yangs shing srab pa'i mtshan dang ldan par 'gyur ba dang / sems can rnams la rtag tu tshig 'jam po smra bas tshangs pa'i dbyangs kyi mtshan dang ldan par 'gyur ba dang / byams pa'i sems bsgoms te rmongs pa med</font><hr>62.257a<br><font size=+1>

pa'i mig gis blta lta bas spyan dkar nag 'byes pa'i mtshan dang ldan par 'gyur ba dang / sems thag pa nas bla na med pa'i byang chub tu sgrub pas ba'i rdzi ma lta bu'i mtshan dang ldan par 'gyur ba dang / gzhan la bsod nams dang yon tan yod pa rjes su yi rang zhing bsngags pas zhal mdzod spus brgyan pa'i mtshan dang ldan par 'gyur ba dang / pha dang / ma dang / mkhan po dang / slob dpon la sogs pa bla ma rnams la tshul bzhin du rim gro dang / btsun par byas pas dbu spyi gtsug dang ldan pa'i mtshan dang ldan par 'gyur ba dang / theg pa chen po'i chos bstan pa la mos pas mdog shin du 'jam pa'i mtshan dang ldan par 'gyur ba dang / stan dang / gos dang / khang pa dang / gnas bzang po byin pas gser gyi kha dog dang ldan pa'i mtshan dang ldan par 'gyur ba dang / 'jig rten gyi gtam sna tshogs de smra ba spangs pas ba spu re re nas g.yas phyogs su 'khyil pa'i mtshan dang ldan par 'gyur ba dang / dge ba'i bshes gnyen dang / mkhan po dang / bla ma rnams kyis bstan pa'i tshig yang dag par blangs pa dang / bzung ba mngon du spel zhing 'grib par ma byas pas yan lag gi spu gyen du 'khyil pa'i mtshan dang ldan par 'gyur ba dang / yon tan dpag tu med par bsgrubs pas zhabs legs par mtho ba'i mtshan dang ldan par 'gyur ba dang / sems can rnams ting nge 'dzin bsgom par bskul bas shing n+ya gro d+ha ltar chu zheng gab pa'i mtshan dang ldan par 'gyur ba ste/ rigs kyi bu byang chub sems dpa' sems dpa' chen pos de ltar dpag tu med pa'i yon tan bsgrubs na mtshan sum bcu rtsa gnyis de lta bu dag dang ldan par 'gyur ro zhes de skad ces bka' stsal pa dang / byang chub sems dpa' nam mkha'i snying pos 'di skad ces gsol to/ /bcom ldan 'das chos thams cad la bdag gis brtags na gang yang dngos po dang mtshan mar ma grub ste ma mchis la/ de bzhin gshegs pa la brtags na yang de bzhin gshegs pa'i spyod lam de ma lags na ci'i slad du spyod lam rgya cher grub ces gsungs/ dkon mchog gsum dang / bden pa bzhi dang / phung po dang / skye</font><hr>62.257b<br><font size=+1>

mched dang / khams dang / rten 'brel bcu gnyis dang / pha rol du phyin pa'i chos rnams la bdag gis brtags na yang phyi nang gi rgyu 'bras kun stong pa nyid de/ mtshan ma ma mchis/ smon pa ma mchis/ skye zhing 'byung ba yang ma mthong / 'gag cing nub pa yang ma mthong / sgyu ma dang 'dra ba/ sprul pa dang 'dra ba/ 'bar ba dang 'dra ba/ brag ca dang 'dra ba/ chab kyi zla ba dang 'dra ba/ rus sbal gyi spu dang 'dra ba/ ri bong gi rwa dang 'dra ba/ nam mkha'i me tog dang 'dra ba/ mo gsham gyi bu dang 'dra ba/ gzugs brnyan gyi gos gyon zhing sgyu ma'i glang po che la 'tshal ba dang 'dra ba/ mchis pa yang 'dra ba/ ma mchis pa yang 'dra ba/ de dag ni mchis pa dang ma mchis pa/ mchis pa yang ma lags/ ma mchis pa yang ma lags/ rtag pa ma lags/ chad pa ma lags/ skye ba ma lags/ 'gag pa ma lags/ nang du ma lags/ slad rol ma lags/ mthong ba ma lags/ shes pa ma lags/ dper na nam mkha' dang 'dra ba la bcom ldan 'das ci'i slad du ngas ni spyod lam de dag spyad ces gsungs/ de bzhin gshegs pa la bdag gis brtags na bdag ma lags/ sems can ma lags/ srog ma lags/ gso ba ma lags/ skyes bu ma lags/ gang zag ma lags/ shed can ma lags/ shed bdag ma lags/ byed pa po la sogs pa ma lags/ mig ma lags/ gzugs ma lags/ mig dang gzugs kyi mtshan nyid kyi spyod yul ma lags/ rna ba ma lags/ sgra ma lags/ rna ba dang sgra'i mtshan nyid kyi spyod yul ma lags/ sna ma lags/ dri ma lags/ sna dang dri'i mtshan nyid kyi spyod yul ma lags/ lce ma lags/ ro ma lags/ lce dang ro'i mtshan nyid kyi spyod yul ma lags/ lus ma lags/ reg bya ma lags/ lus dang reg bya'i mtshan nyid kyi spyod yul ma lags/ yid ma lags/ chos ma lags/ yid dang chos kyi mtshan nyid kyi spyod yul ma lags/ rnam par shes pa ma lags/ gzugs ma lags/ rnam par shes pa</font><hr>62.258a<br><font size=+1>

dang gzugs kyi mtshan nyid kyi spyod yul yang ma lags/ gzugs ma lags/ sdug bsngal ma lags/ gzugs dang sdug bsngal gyi mtshan nyid kyi spyod yul yang ma lags/ bdag ma lags/ bdag gi ma lags/ 'gro ba ma lags/ gzugs can ma lags/ phung po ma lags/ bden pa ma lags/ brdzun pa ma lags/ bsdus pa ma lags/ gtor ba ma lags/ 'byung ba ma lags/ 'jug pa ma lags te/ tshor ba dang / 'du shes dang / 'du byed dang / rnam par shes pa rnams kyang de bzhin no/ /phar bzhud pa ma lags/ tshur byon pa ma lags/ bzhugs pa'i gnas kyang mi mnga'/ sems dang yid dang rnam par shes pa yang mi mnga'/ lus dang ngag dang yid kyi las mi mnga'/ gcig pa yang ma lags/ tha dad pa 'ang ma lags/ 'das pa yang ma lags/ ma byon pa yang ma lags/ da ltar byung ba yang ma lags/ dri ma can ma lags/ yongs su dag pa ma lags/ bdag ma lags/ sems can ma lags/ srog dang / skyes bu dang / gang zag la sogs pa yang ma lags/ rtag pa ma lags/ chad pa ma lags/ skye ba ma mchis/ 'gag pa ma mchis/ sgom du ma mchis/ spyod du ma mchis/ dor du ma mchis/ blang du ma mchis/ mtha' las 'das pa/ yun du bzhugs pa la gang gi slad du spyod lam rgya cher bsgrubs shes gsungs shes gsol pa dang / de nas bcom ldan 'das kyis byang chub sems dpa' sems dpa' chen po nam mkha'i snying po la legs so zhes bya ba byin nas legs so legs so/ /rigs kyi bu khyod sngon 'das pa'i dus na sangs rgyas grangs med dpag tu med pa rnams la bya ba byas pa/ dge ba'i rtsa ba bskrun pa/ yun ring po nas theg pa chen po bla na med pa'i don chub par chud de/ chos so cog kun kyang stong pa nyid du mngon par shes pa dang / de bzhin gshegs pa yang dag pa'i mtha' las 'das te/ yun du gnas par yang shes pas rigs kyi bu 'di lta ste/ </font><hr>62.258b<br><font size=+1>

dper na/ nor bu rin po che bai dUr+ya shin du dang ba gsal ba/ 'dam rdzab kyi nang du lo stong gi bar du bzhag kyang / rang bzhin yong gis dag pas phyir phyung na yang snga mkho bzhin te/ khyod kyang de dang 'dra bar chos kyi mtshan nyid mngon par rtogs la/ rang bzhin rnam par dag pas/ khyed rnams da ltar khams gsum na snyigs ma can rnam lnga'i 'dam rdzab tu gnas te/ de bzhin gshegs pa dang / sems can gyi don byas kyis kyang 'dam rdzab kyis ma gos pas na don 'di lta bu dag 'dri nus pa yin no/ /rigs kyi bu khyod yang nyon cig /'di lta ste/ chos so cog thams cad yang dag par na dngos po med de/ yi ge yod pa'i phyir chos yod ces bshad/ chos kyi nang du yi ge med la yi ge'i nang du yang chos med do/ /kun du spel ba'i phyir yi ge bstan to/ /yi ge'i nang du ni byang chub kyang med/ byang chub kyi nang du ni yi ge yang med mod kyi/ don dam par ni yi ge med kyang kun rdzob tu yi ge yod par bshad pas sems can la sangs rgyas kyi ngo bo nyid dang / bla na med pa'i byang chub kyang yi ge las gud na mi rnyed do/ /rigs kyi bu khyod zer ba 'ang bden te/ de bzhin gshegs pa la zad pa med/ skye ba med/ mi bsgom mi spyod/ bsgom spyod rnams dang bral ba/ yang dag pa'i chos la mi 'jug /de las ldog cing 'gyur ba 'ang ma yin/ skye ba gcig gis dga' ldan gyi gnas su yang ma skyes/ de las babs te yum gyi lhums su yang ma gnas/ chos thams cad la sems mi gnas pas nga ni skye rga na 'chi las 'das so zhes kyang ma byas/ phyogs bzhir gom pa bdun bdun yang ma bor/ nga ni 'jig rten na bla na med pa'i btsun pa yin no zhes kyang ma brjod/ grong khyer mchog tu na cung bzang mo dang yang ma rtsen/ 'jig rten gyi bya ba yig rtsis la sogs pa yang ma bslabs/ stobs dang 'phong rtsol yang ma bsgrun/ sems can yongs su mya ngan las bzla ba'i phyir rgan po mngon sum du bstan pa ni lus la chags pa rnams bkag pa'o/ /nad pa mngon sum du bstan pa ni tshe la chags pa rnams bkag pa'o/ /shi ba'i</font><hr>62.259a<br><font size=+1>

mtshan ma mngon sum du bstan pa ni 'dod chags dang nga dang ngar 'dzin pa rnams bkag pa'o/ /dge slong mngon sum du bstan pa ni sems can rnams tshangs pa dang brgya byin gyi lus su mi smon par 'jig rten las 'das pa bla na med pa'i chos brtson par bsgrub par bya ba'o/ /grong khyer mchog nas byung ste gshegs pa ni khams gsum gyi btson ra nas thar pa dang 'bras bu ma yin pa rnams bstan pa'o/ /slar gzigs pa ni byams sdang mi mnga' bar bstan pa'o/ /de'i phyir mtshan sum bcu rtsa gnyis kyis sku rnam par brgyan cing sems can gyi bsod nams kyi zhing du bya ba'o/ /dbu breg pa dang / rgyan rnams spangs pa dang / rta tsan ta ka zhabs ring dad pa can la slar bskur ba ni nyon mongs pa thams cad dang dbral bar bstan pa'o/ /kha spu bregs pa ni chos thams cad la mi chags par bstan pa'o/ /ka sha ngur smrig gyon pa ni sems can 'dul bar bstan pa'o/ /drang srong u ta ka dang / a ran ta la chos 'dri rtog bya ba ni rang gi nga rgyal gyi sems 'joms par bstan pa'o/ /lo drug gi bar du dka' thub spyad pa ni mu stegs 'dul ba'o/ /zhal zas blangs pa ni 'jig rten pa'i chos kyi rjes su 'brang ba'o/ /rtswa sa sti ka bslangs pa ni chog shes par bstan pa'o/ /rtswa bting ba'i steng du bzhugs pa ni nyam rangs dang g.yel ba rnams 'joms par bstan pa'o/ /lha klu kun gyis bstod cing bsngags pa dang bsnyen bkur byas pa ni yon tan gyi 'bras bu la bkod par bstan pa'o/ /bdud rnams btul ba ni dpa' ba'i mthu bstan pa'o/ /phyag g.yas pa sa la bstan pa ni bsod nams kyi mthu bstan pa'o/ /sa chen po kun du g.yo ba ni drin gyi lan ldon par bstan pa'o/ /de ltar mtshan ma med par bsgoms pa'i phyir bla na med pa'i byang chub kyi lam thob pa yin no/ /'di ltar chos thams cad kyi mtshan nyid mngon sum du mkhyen nas/ chos kun mnyam pa nyid du bstan pa ni sangs rgyas shes bya'o/ /sangs rgyas kyi ye shes la thub pa med de/ chos bstan</font><hr>62.259b<br><font size=+1>

to cog la sangs rgyas su 'grub pa'i don bstan pas na de bzhin gshegs pa zhes bya'o/ /dus gsum gyi bya ba dge ba dang mi dge ba'i chos mngon du gsal bar gzigs shing mkhyen pas na thams cad mkhyen pa zhes bya'o/ /bden pa dang yang dag par gsungs pa'i phyir lha dang mi'i mkhan po zhes bya'o/ /gang zhig de ltar bslab cing rtog pa ni byang chub sems dpa' zhes bya'o/ /de la log par rtog pa ni byang chub sems dpa' zhes mi bya ste/ sangs rgyas thams cad la bslu ba can zhes bya'o/ /rigs kyi bu sangs rgyas thams cad ni mi 'byung mi 'jug mi skye mi 'gog ste/ sems can thams cad mya ngan las bzla ba'i phyir 'jig rten du 'byung ngo zhes brjod pa dang / sangs rgyas mya ngan las 'da'o zhes brjod pa yin no/ /de nas bcom ldan 'das la byang chub sems dpa' nam mkha'i snying pos 'di skad ces gsol to/ /bcom ldan 'das bdag kyang yang dag par na chos thams cad kyi ngo bo nyid ni stong pa nyid du rtogs te/ de bzhin gshegs pa la 'byung ba 'am nub pa mi mnga' bas rgyal po'i pho brang du yang ma bltam/ byang chub kyi shing drung du yang mya ngan las ma 'das/ mtha' las 'das te yun du gnas pa/ sems can yongs su bsgral par mdzad pa'i slad du dka' thub spyad cing mya ngan las 'da' bar bstan kyang yang dag par na 'gyur ba 'am spros pa mi mnga' zhing de bzhin gshegs pa'i spyod yul du gnas te/ khams gsum na sku 'byung ba yang chos kyi sku rnam pa lnga 'byung ngo / /lnga po gang zhe na/ 'di lta ste/ sku yang dag pa'i ngo bo nyid dang / sku yon tan dang / sku chos kyi ngo bo nyid las skyes pa dang / sku sprul cing 'byung ba dang / sku nam mkha' lta bu dang lnga ste/ de la sku yang dag pa'i ngo bo nyid ces bgyi ba ni yang dag pa'i 'bras bu'i mchog mtshan ma thams cad las 'das pa rang gi dbyings la yun du gnas pas na sku yang dag pa'i ngo bo nyid ces bgyi'o/ /sku yon tan can zhes bgyi ba ni sems can mya ngan</font><hr>62.260a<br><font size=+1>

las bzla ba'i slad du spyod pa rnam pa sna tshogs mdzad cing dge ba thams cad phun sum tshogs par mdzad pas na sku yon tan can zhes bgyi'o/ /sku chos kyi ngo bo nyid las skyes zhes bgyi ba ni chos kyi mtshan nyid thams cad thugs su chud de mi mkhyen mi mnga'/ spyod yul de la yang dag par mkhyen pa'i stong pa nyid las skyes te/ yang dag par rdzogs pas na sku chos kyi ngo bo nyid las skyes zhes bgyi'o/ /sku sprul cing 'byung ba zhes bgyi ba ni de bzhin gshegs pa 'jig rten du 'byung yang lam rgyud lngar dge sdig kun la mngon par bstan cing skyabs su mi mdzad pa ma mchis te/ sprul pa'i rdzas las mtshan du 'gyur bas na sku sprul cing 'byung ba zhes bgyi'o/ /sku nam mkha' lta bu zhes bgyi ba ni nam mkha' mtha' yas pas na chos kyi sku yang mtha' yas so/ /nam mkha' la dpag pa dang gzhal du ma mchis pas na chos kyi sku yang dpag cing gzhal du ma mchis te/ de bzhin gshegs pa'i sku yang nam mkha' chen po dang 'dra ba sems can yongs su mya ngan las 'da' ba'i slad du sku rnam pa lngar ston pas na de bzhin gshegs pa la skye ba mi mnga'/ 'gag pa mi mnga' bar mngon no/ /chos thams cad kyang de bzhin te sems can yongs su mya ngan las bzla ba'i slad du sangs rgyas mngon du sprul cing chos rnam par spel ba lags so zhes gsol pa dang / de nas bcom ldan 'das kyis byang chub sems dpa' nam mkha'i snying po la 'di skad ces bka' stsal to/ /rigs kyi bu khyod ni de bzhin gshegs pa dang 'dra bar chos kyi mtshan nyid la mkhas pas spyod yul thams cad la bar du chod pa 'am thogs pa med de/ rigs kyi bu khyod ma 'ongs pa'i dus na bskal pa stong rnam par dag pa zhes bya ba dang / 'jig rten longs spyod can zhes bya ba der byang chub sems dpa' sems dpa' chen po she dag theg pa chen po 'ba' shig spyod de/ nyan</font><hr>62.260b<br><font size=+1>

thos dang / rang sangs rgyas kyi theg pa'i ming rna ba'i thog mar yang mi grag na ngan song lta ci zhig smos/ khyod bskal pa de dang 'jig rten der de bzhin gshegs pa dgra bcom pa yang dag par rdzogs pa'i sangs rgyas rgyan rnam par dag pa zhes bya ba 'byung ste/ 'jig rten gzhan nas skyes bu chen po dag kyang der phyin cing theg pa chen po thar pa phyogasu rgyas pa'i mdo sde mnyan pa dang / blangs pa dang / bcangs par 'gyur ro/ /de bas na sems can gang la las byang chub sems dpa' nam mkha'i snying po'i ming thos te phyag 'tshal zhing mchod pa byas na 'jig rten longs spyod can gyi khams der skye bar 'gyur ro/ /sems can gang la las theg pa chen po'i chos sgrub na yang mi skye ba'i chos la bzod pa thob par 'gyur/ gang chos kyi rnam grangs 'di blang zhing bcangs pa des ni sangs rgyas 'byung ba bcu ma 'das par lung bstan pa yang thob par 'gyur ro/ /de'i tshe de'i dus na bcom ldan 'das shAkya thub pa la byang chub sems dpa' mtshan nyid dad kyis bdag dang sems can thams cad kyi don gyi phyir zhus nas bcom ldan 'das kyis phyogs bcu dus gsum gyi sangs rgyas kyi mtshan dang / mdo sde bcu gnyis kyi mtshan dang / byang chub sems dpa'i dge 'dun rnams kyi mtshan bstan nas yang seng ge'i sgra chen po sgrogs te/ seng ge'i sgra zhes bya ba ni nges pa'i tshig bstan pa'o/ /nges pa'i tshig bstan pa ni de bzhin gshegs pa rtag par 'tsho skyong zhing gzhes te/ mya ngan las mi 'da' bar rig pa'o yang sems can thams cad la sangs rgyas kyi ngo bo nyid yod do zhes bstan pa dang / lha'i bdud mu stegs la sogs pa spa skong ste/ skyabs kyi dbang du gyur pas na seng ge'i sgra zhes bya'o/ /de ltar bstan nas ljags kyi mtshan rgya chen pos stong gsum gyi stong chen po'i khams kun khebs par g.yog nas/ 'jig rten gyi khams thams cad rnam pa drug tu g.yoso/ /rnam pa drug tu g.yos zhes bya ba ni shar phyogs mtho na nub phyogs dma'/ nub phyogs mtho na shar phyogs dma'/ lho phyogs mtho na byang phyogs dma'/ byang phyogs</font><hr>62.261a<br><font size=+1>

mtho na lho phyogs dma'/ dbus mtho na mtha' dma'/ mtha' mtho na dbus dma' ba ni sa rnam pa drug tu g.yos zhes bya'o/ /ljags kyi drung nas 'od zer chen po btang ste phyogs bcur snang ba chen po byas so/ /snang ba chen po des mi rtag pa ni rtag par byas/ ma dag pa ni dag par byas/ sdug bsngal can ni bde bar byas/ ma rig pa ni rig par byas/ de'i tshe sangs rgyas kyi 'od kyis reg cing snang ngo cog la ri dang / nags tshal dang / yul sa dang / chu bo'i klung dang / rgya mtsho dang / lcags kyi ri khor yug dang / dmyal ba la sogs pa thams cad kyang mtho dma' med par mnyam par gyur cing nyal nyil dang / ljan ljin med de/ kun kyang yongs su dag par gyur nas 'di lta ste/ dper na shar phyogs na 'jig rten zla gang rnam dag yongs su brgyan dang 'dra'o/ /de'i tshe de'i dus na bcom ldan 'das shAkya thub pa'i sku sprul pa ni nam mkha' nas bab pa ni me tog gi char bab pa dang 'dra'o/ /sa 'og nas byung ba ni sprin dang / na bun byung ba dang 'dra bar nam mkha' yongs su gang ste nam mkha' stong pa cung zad kyang med do/ /sprul pa'i zhal so so nas tshig 'thun par de bzhin gshegs pa ni rtag par 'tsho skyong zhing gzhes te mya ngan las mi 'da'o/ /sems can thams cad la sangs rgyas kyi ngo bo nyid yod do zhes gsungs/ yang chos thams cad ni stong pa nyid do zhes gsungs so/ /spyod lam de dag gi rgyu 'bras ni theg pa gcig tu zad pa las sems can gyis theg pa rnam pa gsum du mthong zhes bshad nas de ma thag tu kun mi snang bar gyur nas bcom ldan 'das gdan la bzhugs pa nyi tshe snang ste/ de'i tshe tshogs mang po thams cad kyis sku sprul pa de dag mthong ba ni bcom ldan 'das shAkya thub pa'i byin gyi brlabs kyi mthu ste/ shAkya thub pa yang byams pas 'di 'dra ba'i rdzu 'phrul dang / gzi brjid mngon par sprul pa'i tshe tshogs kyi nang nas byang chub sems dpa' gang gA'i klung bzhi bcu'i bye ma snyed kyis ni mi skye ba'i chos la bzod pa thob bo/ /nyan thos brgyad khri zhig ni theg pa chen po'i sems</font><hr>62.261b<br><font size=+1>

bskyed do/ /dge slong stong phrag bcu zhig ni dgra bcom pa'i lam thob bo/ /dge slong ma khri brgyad stong zhig gis ni phyir mi 'ong ba'i lam thob bo/ /dge bsnyen khri phrag bzhi bcus ni lan cig phyir 'ong ba'i lam thob bo/ /dge bsnyen ma 'bum phrag bcu zhig ni rgyun du zhugs pa'i lam thob bo/ /lha dang mi grangs med pa zhig ni chos kyi mig rdul med pa dri ma dang bral ba rnam par dag pa thob ste/ rang gi tshe snga phyi shes pa dang 'dus byas kyi chos thams cad mi rtag par mthong ngo / /de nas tshogs kyi nang nas byang chub sems dpa' sems dpa' chen po seng ge'i sgra stan las langs te/ bla gos phrag pa gcig tu bgos nas bcom ldan 'das kyi zhabs la spyi bos gtugs te phyag 'tshal nas bcom ldan 'das la 'di skad ces gsol to/ /bcom ldan 'das kyis gong du bstan pa bzhin na ni sangs rgyas kyi mtshan thos na yang sdig 'byang / chos kyi mtshan thos na yang sdig 'byang / dge 'dun gyi mtshan thos na yang sdig 'byang bar 'gyur ro/ /zhes 'byung na sangs rgyas kyi mthu lags sam/ chos kyi mthu lags sam/ dge 'dun gyi mthu lags sam/ sangs rgyas kyi mthu lags na ni sangs rgyas la gsol ba bgyi/ chos kyi mthu lags na ni chos la gsol ba bgyi/ dge 'dun gyi mthu lags na ni dge 'dun la gsol ba bgyi ba lags na gsum char la gsol ba bgyi ci 'tshal/ gong na gsungs pa theg pa gcig la so so'i skye bos rnam pa gsum du mthong ngo zhes byung na/ bcom ldan 'das nyid kyis kyang gsum du bshad na sems can lta ci zhig smos zhes gsol pa dang / bcom ldan 'das kyis byang chub sems dpa' sems dpa' chen po seng ge'i sgra la 'di skad ces bka' stsal to/ /legs so legs so/ /rigs kyi bu sems can la phan pa dang / bde ba'i phyir don de lta bu 'dri ba yang shin du legs par nyon cig ngas khyod la bye brag phyed par bshad do/ /sangs rgyas kyi mthu 'ba' shig kyang ma yin/ chos kyi mthu 'ba' zhig kyang ma yin/ dge 'dun gyi mthu 'ba' zhig kyang ma</font><hr>62.262a<br><font size=+1>

yin te/ kun tshogs pa'i mthus sangs rgyas ni sems can gyi mgon gyi skyabs kyi pha ma/ byang chub sems dpa' ni dge ba'i bshes gnyen yin no/ /sems can bslad pa can sems stor ba slar rnyed de 'khor ba las skyo nas dran pa'i mthu mang pos khams gsum na nyon mongs pa'i rgya mtsho las bsgral bar 'dod na phyogs su rgyas pa'i mdo sde 'dis bsgral ba'i gru chen po byed do/ /de bas na rigs kyi bu sangs rgyas kyang chos so/ /chos kyang dge 'dun no/ /dge 'dun ni 'dus ma byas pa'o/ /'dus ma byas pa ni stong pa nyid de/ 'dus ma byas pa'i stong pa nyid dang / 'dus byas kyi stong pa nyid dang / nang gi stong pa nyid dang / phyi'i stong pa nyid dang / chen po stong pa nyid dang / chung ngu'i stong pa nyid kyang stong pa nyid du 'dra ste/ de las gzhan med do/ /rigs kyi bu khyod zer ba lta na/ rnam pa gcig tu bsgrub pa'i rigs kyi rnam pa gsum du bsgrub ci dgos zhes bya ba ni rigs kyi bu 'di lta ste/ dper na mi gcig nam mkha' stong pas skrag ste/ gar phyin dgur gab kyang nam mkha' dang yong ma bral lo/ /rigs kyi bu phyogs bcu'i de bzhin gshegs pas bshad pa dang / ngas bshad do cog dge ba thams cad kyi rgyu rkyen dang / dkon mchog gsum dang / theg pa gsum yang gcig las mi 'da'o/ /byang chub sems dpa' seng ge sgras gsol pa/ legs so legs so/ / bcom ldan 'das 'phags pas bstan pa ltar na bdag snga nas 'tshal te sems can rnams kyi slad du don de zhu ba lags so/ /bcom ldan 'das kyis bka' stsal pa bzhin du mi gnyis mi gsum mo/ /phyogs su rgyas pa'i chos kyi rnam grangs 'di ni sangs rgyas rnams kyi ni yum/ byang chub sems dpa' rnams kyi ni shul chen po/ rnal 'byor pa rnams kyi mig ste/ lta ba log pa rnams sdud pa dang / sems stor ba rnams skyong ba dang / ngan song gsum gyi sgo gcod pa dang / bla na ma mchis pa'i byang chub kyi sgo 'byed pa dang / nyan thos rnams bzlog pa ste/ theg pa chen por 'dzud pa'i slad du bdag gis gzungs chen mo'i</font><hr>62.262b<br><font size=+1>

sngags kyis bsrung zhing bskyab par bgyi'o/ /sdom pa ma nyams pa dang / mdo sde 'di la sgom zhing bslab par bgyid pa de la yang srung zhing bskyab par bgyi'o/ /gal te gang zag gang la las mdo sde 'di la bsnyen bkur bgyid cing dgung bdun gyi bar du spyad pa spyod pa la bdud sdig can gyis 'khrug cing glags lta ba mchis bdud sdig can gyis glags kyi skabs mi rnyed par bgyi'o/ /bcom ldan 'das bdag mdo sde 'di la rim gro bgyis te/ yun ring por gnas par bgyi ba yang byang chub kyi snying po la mchis kyi bar du gnas par bgyi'o/ /bcom ldan 'das gyis bka' stsal pa/ rigs kyi bu khyod mdo sde 'di la rim gro bya ba ni dkon mchog gsum la rim gro bya ba dang 'dra'o/ /ston pa la yang rim gro bya ba dang 'dra'o/ /de nas byang chub sems dpa' seng ge sgras bcom ldan 'das kyi spyan sngar gzungs sngags 'di skad ces smras so/ /na mo bud d+hA ya/ na mo d+harmA ya/ na maHsang g+hA ya/ a dan ti da ra ni/ ta tha ta/ A kA sha ni ba ni/ sarba d+harmA ni ba ni/ i sha ma da/ pi pa sha na/ bi ma la su pa ri/ d+harma ni kha na/ ba ra ru ni tsa ya ta ma le/ tsa le/ hu lu hu lu/ shi bi te/ man+t+ra man+t+ra/ man+t+raHswA hA/ sngags 'di dus gcig la lan brgya rtsa brgyad bzlas shing mchod rten la lan bdun bskor ba bgyi/ de ltar gdugs bdun gyi bar du mdo sde gzhan la mi bsam par gdugs gcig kyang dus gsum du phyogs su rgyas pa'i mdo sde 'di la sems rtse gcig tu bgyi ste sems gzhan du mi g.yeng bar bgyi'o/ /bcom ldan 'das gzungs sngags 'di ni sangs rgyas khri phrag brgyad brgyas gsungs pa ste/ deng 'dir bdag gis kyang brjod pa lags so/ /gal te 'ga' zhig gzungs 'di la smod pa mchis na sangs rgyas de dag la smod par 'gyur ro/ /gzungs 'di la smod pa ni tshe rabs du ma'i bar du byang chub tu bsgrub kyang 'grub par mi 'gyur te/ srid pa gsum las kyang mi 'da'o/ /de ci'i slad du zhe na/ sngags 'di ni sems dran pa</font><hr>62.263a<br><font size=+1>

nyams pa rnams slar rnyed pa dang / gzungs 'di lan cig tsam rna bar thos sam/ thos nas yi ger bris te/ sha dang chang mi 'tshal bar sdom pa la gnas shing bdag nyid rtsen 'jo la sogs pa spangs te/ 'du 'dzi'i nang du mi 'jug la/ rgyun du byams pa chen po spyod cing bsam gtan la gces par 'dzin na gang zag de dpag tu ma mchis pa'i sgrib pa gsum gyi sdig lci ba rnams 'byang bar 'gyur ro/ /gzungs 'di thos ma thag tu sems thag pa nas blang ba dang / bcang ba dang / nyin re zhing klog pa dang / kha ton du bgyid pa dang / yi dam du mi bskyud par bgyid na gang zag de mngon par byang ma chub kyi bar du ngan song gsum du ltung bar mi 'gyur ro zhes gsol pa dang / bcom ldan 'das kyis byang chub sems dpa' seng ge sgra la bka' stsal pa/ legs so legs so/ /rigs kyi bu khyod dkon mchog gsum gyi rim gro bya ba dang / byams pa'i sems kyis sems can rnams spid pa gsum las 'don pa dang / bslab pa mang po grangs med pa la phan pa dang / bde ba chen po bya ba'i phyir ston pa'i sgo 'byed cing log par lta ba rnams bzlog ste yang dag par lta ba la 'dzud pa'i phyir gzungs sngags 'di bshad pa ni shin du 'ang legs so/ /rigs kyi bu sems can thams cad khyod kyi ming dang sngags kyi sgra thos nas dad pa dang gus pa bskyed de mi smod na gang zag de tshe 'di nyid la yang bde la/ 'chi 'phos na yang rtag tu sangs rgyas thams cad mthong zhing nga yang mthong la/ khyod la sogs pa byang chub sems dpa' thams cad kyang mthong bar 'gyur ro/ /mngon par 'tshang rgya bar yang nges par rang gis rig ste the tsom med do/ /kun nas nyon mongs pa spangs pa dang / /dge ba kun gyi lam bsgrubs te/ /sangs rgyas rang bzhin mthong ba yang / /rnam dag dad pa'i dbang gis so/ /yang bcom ldan 'das kyis 'di skad ces bka' stsal to/ /nga mya ngan las 'das pa'i 'og tu rigs kyi bu 'am/ rigs kyi bu mo gang la las nyan gcig gam/ dus gcig gam/ mtshan gcig gam/ skad cig ma</font><hr>62.263b<br><font size=+1>

gcig la phyogs bcu dus gsum du gshegs pa'i sangs rgyas dang / mdo sde bcu gnyis dang / byang chub sems dpa'i dge 'dun chen po rnams la phyag 'tshal zhing theg pa chen po tshul bzhin du yid la byed pa dang / don dam pa'i bden pa la bsams na gang zag de ni skad cig ma se gol gtogs pa tsam gyis mi dge ba bcu dang / mtshams med pa lnga dang / mnyam pa nyid la skur pa dang / kun nas nyon mongs pa'i las thams cad yongs su ma lus par 'byang bar 'gyur ro/ /gal te dge slong ngam/ dge slong ma 'am/ byang chub sems dpa' 'am/ dge sbyong ngam/ dge sbyong mas sems kyi rang bzhin stor nas rtsa ba bzhi dang / sdom pa brgyad nyams pa dang / mi dge ba bcu dang / mtshams med pa lnga byas pa dang / mnyam pa nyid la skur pa rnams phyogs bcu dus gsum du gshegs pa'i sangs rgyas kyi mtshan la dad pa bskyed de phyag 'tshal na 'di lta bu'i las ngan pa kun ma lus par 'byang bar 'gyur ro/ /de skad ces bka' stsal ma thag tu sngon sangs rgyas 'od mi 'gyur gyi dus na rgyal bu dge mthong zhes bya ba de'i tshe mi sum stong dang lhan cig tu skad cig ma der lhags nas bcom ldan 'das kyi zhabs la mgo bos gtugs te phyag 'tshal nas tshig 'thun par bcom ldan 'das la 'di skad ces gsol to/ /bdag cag bskal pa grangs ma mchis pa nas kun nas nyon mongs pa'i las bgyis pa lta zhig bshad kyis mi rdzogs te/ mi dge ba bcu dang / mtshams ma mchis pa lnga dang mnyam pa nyid la skur pa'i sdig grangs ma mchis par bgyis pa de dag de bzhin gshegs pa'i mdo sde bcu gnyis la brten nas byang chub sems dpa'i dge 'dun rnams kyi spyan sngar mthol te/ 'gyod tshangs su gsol zhing mchis na skabs dbye zhing ci gnang zhes gsol pa dang / bcom ldan 'das kyis bka' stsal pa/ leg so legs so/ /rigs kyi bu 'jigs pa'i sems bskyed pa 'ang dka' la/ dge ba'i rtsa ba bskyed pa 'ang dka' ste/ mi dge ba bcu dang / mtshams med pa lnga 'thol zhing 'chags par 'dod pa ni longs spyod la sogs pa yang</font><hr>62.264a<br><font size=+1>

sangs rgyas kyi bdag nyid mthong du nye bas yid la dran pa bzhin du mthol zhing shogs shig /de nas rgyal bu dge mthong la sogs pa mi sum stong gis bcom ldan 'das kyis skabs dbye bar gnang ba byams pa'i gsung thos nas gos tshags bcos te thal mo sbyar cing phyag 'tshal nas bla gos phrag pa g.yas su gzar te/ pus mo g.yas pa'i lha nga sa la btsugs nas bcom ldan 'das la 'di skad ces gsol to/ /bcom ldan 'das bdag cag phyogs bcu'i sangs rgyas la skyabs su mchi'o/ /phyogs bcu'i chos la skyabs su mchi'o/ /phyogs bcu'i dge 'dun la skyabs su mchi'o/ /yang 'di lta ste/ shar phyogs kyi sangs rgyas 'khrug pa mi mnga' la phyag 'tshal zhing skyabs su mchi'o/ /lho phyogs kyi sangs rgyas rin chen 'byung gnas la phyag 'tshal zhing skyabs su gsol lo/ /nub phyogs kyi sangs rgyas 'od dpag med la phyag 'tshal zhing skyabs su gsol lo/ /byang phyogs kyi sangs rgyas don yod grub pa la phyag 'tshal zhing skyabs su gsol lo/ /bla ma phyogs kyi sangs rgyas dri brtsegs la phyag 'tshal zhing skyabs su gsol lo/ /'og ma phyogs kyi sangs rgyas gzugs brnyan 'bum la phyag 'tshal zhing skyabasu gsol lo/ /yang shar phyogs na skyes bu chen po kun du bzang po la phyag 'tshal zhing skyabs su gsol lo/ /lho phyogs na skyes bu chen po 'jin rten 'dzin la phyag 'tshal zhing skyabs su gsol lo/ /nub phyogs na kun du spyan ras gzigs dbang phyug la phyag 'tshal zhing skyabasu gsol lo/ /byang phyogs na zla gang la phyag 'tshal zhing skyabs su gsol lo/ /bla ma phyogs na nam mkha'i snying po la phyag 'tshal zhing skyabs su gsol lo/ /'og ma phyogs na skyes bu chen po brtan dpal la phyag 'tshal zhing skyabasu gsol lo/ /yang bdag cag gi mkhan po de bzhin gshegs pa 'od mi 'gyur la phyag 'tshal zhing skyabs su gsol lo/ /ma byon pa'i sangs rgyas kyi bdag nyid la phyag 'tshal zhing skyabs su gsol lo/ /phyogs gzhan na sangs rgyas sprul</font><hr>62.264b<br><font size=+1>

pa'i sku la yang phyag 'tshal zhing skyabs su gsol lo/ /da ltar bdag cag gi mkhan po bcom ldan 'das shAkya thub pa la yang phyag 'tshal zhing skyabs su gsol lo/ /skyes bu chen po dri ma med par grags pa dang 'jam dpal gzhon nur gyur pa la phyag 'tshal zhing skyabs su gsol lo/ /'phags pa dga' bo dang 'od srung la yang phyag 'tshal zhing skyabs su gsol lo/ /'phags pa'i 'bras bu rnam bzhi mngon par 'byung ba rnams la yang phyag 'tshal zhing skyabs su gsol lo/ /byang chub kyi sems dang po bskyed pa rnams la yang phyag 'tshal zhing skyabs su gsol lo/ /sde snod chen po gsung rab mdo sde bcu gnyis dang mnyam pa nyid yang dag pa'i mdo sde gzhan bzhugs so 'tshal la yang phyag 'tshal zhing skyabs su gsol lo/ /cha brgyad du bgos pa'i sku gdung dang ring bsrel dang bcas pa'i mchod rten la yang phyag 'tshal zhing skyabs su gsol lo/ /da lta na sku gzugs bzhugs pa thams cad la yang phyag 'tshal zhing skyabs su gsol lo/ /phyogs bzhi'i rgyal po chen po bzhi dang / tshangs pa dang / brgya byin dang / sum bcu rtsa gsum gyi lha'i dbang phyug dang / bar snang la gnas pa'i lha dang / sa'i lha dang / ri dang / nags tshal dang / shing drung gi lha dang / drang srong dang / rdzu 'phrul gyi rkang pa dang ldan pa rnams dang / lha'i spyan mnga' ba rnams dang / lha'i snyan mnga' ba thams cad kyis snyan gyis gsan cing mkhyen par mdzod cig /kun dbang du gsol te/ sems can thams cad la ma mthol ma bshags pa zhig mchis na yang sdig pa thams cad byang bar gyur cig /yang de skad ces smras pa dang / bdag cag thog ma ma mchis pa nas da ltar gyi lus ngan pa 'di thob pa'i bar du nor cing 'khrul pa'i sems kyis phyin ci log tu lta ba dpag tu ma mchis pa nyon mongs pa dang mi dge ba'i las/ bgyis pa brjod kyis mi lang ste/ sdig pa'i tshogs bgyis so 'tshal rang gis ma tshor ma rig pas ngan sems rab tu rgyas</font><hr>62.265a<br><font size=+1>

te/ tshe phyi ma ma mthong zhing tshe 'di 'ba' zhig mthong bas nyon mongs pa'i bag chags la mos te/ dge ba'i rtsa ba dang ring du gyur cing las ngan pas bar du chod nas sdig pa'i grogs po dang bsten cing dge slong dang / dge slong ma la mi rigs mi tshul ba'i las bgyis pa dang / pha dang ma la mi rigs mi tshul ba'i las bgyis pa dang / yang bdag rang nyams kyi dbang gis dge 'dun gyi dkor nor thugs thub tu spyad pa dang / dge 'dun sde lnga la mi rigs mi tshul bar bgyis pa dang / 'jig rten pa'i kun nas nyon mongs pa'i 'bras bu dpag tu ma mchis par bshad pa 'am/ byang chub kyi dge ba'i rtsa ba dang ldan pa'i sems can bkum pa 'am/ chos kyi slob dpon la skur te/ chos la chos ma lags zhes skur/ chos ma lags pa ni chos lags zhes brjod/ de bzhin gshegs pa la ni mi rtag ces bgyis/ dam pa'i chos la yang mi rtag go zhes bgyis/ dge 'dun dkon mchog kyang mi rtag go zhes bgyis/ sbyin pa dang shes rab la ni ma mos/ log pa'i chos la dad cing 'dzin pa de dag gi slad du deng 'jigs shing skrag pa dpag tu ma mchis/ khrel zhing ngo tsha ba yang dpag tu ma mchis te/ dkon mchog gsum la skyabs su gsol lo/ /sangs rgyas bcom ldan 'das ni byams pa dang thugs rje mnga' ste/ phyogs su snyoms pa'i yab yum lags/ byang chub sems dpa' rnams ni dge ba'i bshes gnyen lags na bdag cag gi sdig pa bskal pa grangs ma mchis pa nas 'khor ba nas bgyis pa mthol zhing bshags par 'tshal na gnang ba'i skabs dbye bar gsol zhing slan chad kyang mi bgyid par smon to/ /yang 'di lta ste/ bcom ldan 'das bdag cag bskal pa dpag tu ma mchis pa tshun chad mtshams ma mchis pa lnga bgyis pa dang / sangs rgyas dus gsum du gshegs pa'i bslab pa zhig bgyis pa dang / log spyod kyi spyad pa spyod pa dang / ngag rtsub mo gtong ba</font><hr>62.265b<br><font size=+1>

dang / dam pa'i chos la skur pa'i las ngan pa de dag 'gyod cing mthol ma myong ste/[ ]sems la gnong ba 'am/ ngo tsha ba ma mchis par mi dge ba bcu dang / mtshams ma mchis pa lnga la sogs pa'i sdig pa mi dge ba'i las lci ba nges par bgyis par rang gis 'tshal kyang nongs pa bcabs nas 'jigs shing skrag pa dang / gnong zhing ngo tsha ba'i sems thog ma nas ma mchis par dad pa can gyi mchod pa blangs nas mthol zhing bshags ma myong ste/ dam pa'i chos yun du btsugs te rim gro bgyi ba'i sems ma mchis par rtag tu smos shing brnyas pa dang / ngag gi sgo nas kun nas nyon mongs pa'i nongs pa mang po bgyis pa dang / ched na dkon mchog gsum yang med do/ /zhes brjod pa dang / mi dge ba bcu dang / mtshams ma mchis pa'i sdig de dag bgyis pa'i slad du deng 'jigs shing skrag pa dpag tu ma mchis/ gnong zhing khrel pa dpag tu ma mchis te dkon mchog gsum la skyabs su gsol lo/ /sangs rgyas bcom ldan 'das ni byams pa dang thugs rje mnga' ste phyogs su snyoms pa'i yab yum lags/ byang chub sems dpa' rnams ni dge ba'i bshes gnyen lags na bdag cag gi sdig bskal pa grangs ma mchis pa'i 'khor ba nas bgyis pa mi 'chab pa'i sems kyis mthol zhing bshags par 'tshal na/ gnang ba'i skabs dbye bar gsol/ slan chad kyang mi bgyid par smon yang 'di lta ste/ bcom ldan 'das bdag cag bskal pa grangs ma mchis pa tshun chad phyin ci log tu lta lta ste/ rtsa ba bzhi ni sbom por bshad/ sbom po ni rtsa ba bzhir bshad/ zhig pa rnams ni ma zhig par bshad/ ma zhig pa rnams ni zhig par bshad/ lci ba rnams ni yang bar bshad/ yang ba rnams ni lci bar bshad/ dag pa rnams ni ma dag par bshad/ ma dag pa rnams ni dag par bshad pa dang / yang log par lta bas 'jig rten pa'i gtsug lag la bstod cing bsngags nas chos dang mdo sde la ni ma gus te smre ngan gyi</font><hr>62.266a<br><font size=+1>

gtam rtag tu gleng zhing brjod pa dang / ma brtags pa'i rnam pa brgyad po 'chang ba dang / de bzhin gshegs pa'i bka' yang dag pa ni/ bdud kyi tshig go zhes bgyis pa dang / bdud kyi tshig yang dag pa ni de bzhin gshegs pa'i bka' zhes bgyis pa dang / mu stegs mkhen gyi tshig la yid ches par 'dzin pa dang / de bzhin gshegs pa mthar mya ngan las 'das te med pas dkon mchog gsum yang mi rtag go zhes bgyis nas lus dang sems 'khrul cing phyin ci log tu lta ba dpag tu ma mchis pa'i slad du deng 'jigs shing skrag pa dpag tu ma mchis/ gnong zhing ngo tsha ba yang dpag tu ma mchis te/ dkon mchog gsum la skyabs su gsol lo/ /sangs rgyas bcom ldan 'das ni byams pa dang thugs rje mnga' ste/ phyogs su snyoms pa'i yab yum lags/ byang chub sems dpa' rnams ni dge ba'i bshes gnyen lags na bdag cag gi sdig pa bskal pa grangs ma mchis pa'i 'khor ba nas bgyis pa de dag mi 'chab pa'i sems kyis 'thol zhing bshags par 'tshal na gnang ba'i skabs dbye bar gsol/ slan chad kyang mi bgyid par smon to/ /yang 'di lta ste/ bcom ldan 'das bdag cag bskal pa dpag tu ma mchis pa nas tshe lus 'di la thug gi bar du dge 'dun spyi'i nor ram/ phyogs bcu'i dge 'dun gyi nor ram/ /da ltar bzhugs pa'i dge 'dun gyi nor ram/ dge 'dun sde lnga'i nor ram/ dge slong gang zag gi nor ram/ yon bdag thams cad kyi nor rdzas la brkus pa 'am/ rang nyam du spyod pa dang / yang rang smos te/ bdag dam pa'i chos bsam gtan bzhi 'am/ 'bras bu bzhi ma thob par thob bo zhes smras pa la sogs pa rkyen de lta bu'i las ngan pa mi dge ba'i rgyu rkyen du gyur te khyim nas khyim med par rab tu byung na yang pham pa bzhi dang / sdom pa brgyad dang / drug dang / dge 'dun gyi lhag ma bcu gsum dang / ma nges pa'i chos gnyis dang / spang ba'i ltung ba sum bcu dang / ltung ba dgu bcu dang / so sor bshags</font><hr>62.266b<br><font size=+1>

pa bzhi dang / bslab pa mang po dang / bdun shin du lci ba'i chos rnams te/ tshul khrims de dag re re la nyes byas nas pham pa la thug gi bar du nyams pa dang / mtshams ma mchis pa lnga bgyis pa dang / dam pa'i chos dang / mdo sde zab mo la skur pa dang / log spyod kyi spyad pa spyod pa nas nongs pa bcabs te 'gyod cing mthol ma myong bas nyin mtshan du 'phel zhing skye ba sngon rgyal ba dag bshad pa las thos pa ni dam pa'i chos la skur pa 'am/ mtshams ma mchis pa lnga bgyis pa 'am/ rtsa ba bzhi pham par gyur pa rnams ma bshags ma mthol na sems can dmyal bar nges par ltung ste/ de bzhin gshegs pa dang / byang chub sems dpa' rnams dang / nyan thos dang / rang sangs rgyas kyis kyang skyabs mdzad par mi 'gyur/ dge 'dun dang / pha ma dang / lha rnams dang / mi rnams kyis kyang skyabs dang 'or ba bgyid mi nus so zhes byung bas na de'i slad du deng 'jigs shing skrag pa dpag tu ma mchis/ gnong zhing ngo tsha ba dpag tu ma mchis te/ de'i slad du deng dkon mchog gsum dang / 'das pa'i sangs rgyas rin chen mang dang / ma 'ongs pa'i sangs rgyas stong dang / da ltar bzhugs pa'i sangs rgyas sprul pa'i sku shAkya thub pa la skyabasu gsol lo/ /sangs rgyas bcom ldan 'das ni byams pa dang thugs rje'i mnga' bdag ste/ phyogs su snyoms pa'i yab yum lags/ byang chub sems dpa' rnams ni dge ba'i bshes gnyen lags na bdag cag bskal pa dpag tu ma mchis pa tshun chad kyi nyon mongs pa'i sgrib pa dang / las kyi sgrib pa dang / shes bya'i sgrib pa dang / pham pa bzhi dang / mtshams ma mchis pa dang / mi dge ba bcu la sogs pa'i sdig lci ba rnams mthol zhing bshags par 'tshal na gnang ba'i skabs dbye bar gsol/ yang 'di lta ste/ bcom ldan 'das deng bdag cag gis sems can rnams dang / bdag cag rang rang gi slad du phyogs bcu'i rgyal ba'i spyan sngar da mthol zhing bshags par 'tshal lo/ /sems can thams cad kyis bskal pa dpag tu ma mchis pa tshun chad de bzhin gshegs pa</font><hr>62.267a<br><font size=+1>

rnams dang / pha ma'i drin glo bar ma chud pa dang / rnam par byang ba'i chos ma mtshal te/ mi dge ba sna tshogs bgyis pa dang / rang gi rigs snyems te/ dregs shing rgyags pa'i tshe kun nas nyon mongs pa'i las nyam bag tu bgyis kyang nongs par ma mthong bas skye bo blun po'i las bgyis pa dang / sdig pa'i bshes gnyen la bsten cing nyon mongs pa'i sems 'khrugs pa dang / 'dod pa lnga'i yon tan la chog ma 'tshal te/ mi dge ba'i las rnams bgyis pa dang / 'gro ba bzang mos bslus te 'dod chags dang / zhe sdang dang / gti mug gi nyon mongs pas gzir cing sems 'khrugs te/ spros pa dang / lus dang / ngag dang yid gsum gyi sgo nas bstsogs pa'i las mi dge ba bdag rang gis bgyis pa dang / gzhan bgyid du stsal pa dang / bgyid pa la rjes su yi rang ba de dag thams cad deng so sor 'chags so/ /mthol lo/ /mi 'chab bo/ /sangs rgyas dang / chos dang / 'phags pa'i dge 'dun la bsnyen bkur ma bgyis pa'i sdig pa yang deng so sor shags so mthol lo/ /mi 'chab bo/ /byang chub sems dpa' dang / rang sangs rgyas la yang bsnyen bkur ma bgyis pa'i sdig pa yang deng so sor 'chags so/ /mthol lo mi 'chab bo/ /ma rig pa'i dbang gis dam pa'i chos la skur pa btab pa dang / pha ma dang / mkhan po dang / slob dpon gyi drin glo bar ma chud pa'i slad du bsnyen bkur ma bgyis pa'i sdig pa de dag kyang deng so sor 'chags so/ /mthol lo/ /mi 'chab bo/ /blun zhing rmongs pas bsgribs te/ nyam rangs dang rgyags pas mi dge ba sna tshogs bgyis pa'i sdig pa de dag kyang deng so sor 'chags so/ /mthol lo/ /mi 'chab bo/ /slan chad kyang mi bgyid do/ /phyogs bcu'i sangs rgyas thams cad la bdag cag gis yon phul zhing mchod pas ni ma lus pa'i sems can de dag kun sa bcu la 'khod de/ de bzhin gshegs pa dgra bcom pa yang dag par rdzogs pa'i byang chub tu mngon par rdzogs par</font><hr>62.267b<br><font size=+1>

'tshang rgya bar gyur cig /de nas bcom ldan 'das kyis rgyal bu dge mthong la 'di skad ces bka' stsal to/ /legs so skyes bu chen po rang gi las legs nyes kyi rtog pa la mkhas te/ kun nas nyon mongs pa'i las la 'jigs pa dang skrag pa skyes nas nyes pa rnams mngon par mthol ba'i steng du sems can gyi sdig mang po yang khyod kyis mthol zhing 'chags pa'i phyir khyod ni skyes bu dam pa yang dag pa zhes bya'o/ /rang gi nyon mongs pa spong ba'i steng du sems can kun nas nyon mongs pa yang ring du dbral bar byas pas de'i phyir khyod ni skyes bu dam pa yang dag pa zhes bya ba yin te/ rang gi don du smon pa ma yin te/ thog mar sems can thams cad kyi don du bla na med pa yang dag par rdzogs pa'i byang chub tu mngon par rdzogs par 'tshang rgya bar smon lam btab pa'i phyir khyod ni skyes bu dam pa yang dag pa skyes bu dam pa yang dag pa zhes bya'o/ /de nas rgyal bu dge mthong la sogs pa mi sum stong gis 'gyod tshangs bgyis pa'i 'og tu bcom ldan 'das la tshigs su bcad de 'di skad ces bstod do/ /bcom ldan nyagacig gtso bo khyod/ /khams gsum pha ma thams cad mkhyen/ /thams cad mi mnyam mnyam pa nyid/ /bcom ldan dkon la phyag 'tshal lo/ /skye bo sbyin gtong rang gi phyir/ /nor rdzas byin cing lan yang re/ /byams chen rgyal ba de min te/ /dgra gnyen byams dang phan snyoms mdzad/ /rkang gnyis nang na rgyal ba btsun/ /shes rab spyan gyis mkhyen gzigs la/ /brtson 'grus che bdag skyabs su mchi/ /lha gzhan shes rab de ma 'tshal/ /'das dang ma byon da ltar bzhugs/ /rgyal ba kun la bdag phyag 'tshal/ /de bzhin rgyal la skyabs gsol pa 'ang / /dus gsum rgyal ba mchod pa bzhin/ /de nas phyogs bcu'i sangs rgyas rnams kyis rgyal bu dge mthong dang mi sum stong la tshigs su bcad de bstod pa/ gang zhig sangs rgyas 'grub 'dod pa/ /mang du thos la 'brang bar byos/ /slob dpon dge la bkur byas na/ /sangs rgyas 'grub</font><hr>62.268a<br><font size=+1>

la yun mi ring / /gang zhig tshul khrims rnam dag spyod/ /de ni dge slong yang dag yin/ /gang zhig stong par sgom nus pa/ /de ni ting 'dzin thob ces bya/ /gang zhig brtson 'grus spyod nus pa/ /de ni byang chub spyod pa'o/ /gang zhig mya ngan 'da' 'gyur ba/ /de ni dga' ba yang dag pa'o/ /tshul khrims 'dzin pa'i dge slong dang / /rnam dag khrims 'dzin dge slong ma/ /zla ba phyed cing gso sbyong byos/ /chos gos rnam pa lus gyon te/ /lhung bzed gseg gshang thogs nas su/ /rnam dag bsod snyoms 'gro byas na/ /lha rnams kun kyang dga' 'gyur bas/ /thal mo sbyar cing gus phyag 'tshal/ /ngas kyang lha dang mi rnams kun/ /de yi bya ba byed du gzhug /dper na lha bran thams cad kyis/ /lha yi dbang po brgya byin la/ /rim gro gus par byed pa bzhin/ /da ltar 'phral du 'ang lan thob ste/ /phyi ma'i dus su 'ang dpag tu med/ /rab tu byung zhing khrims 'dzin pa/ /sangs rgyas drin lan lon zhes bya/ /rgyal bu dge mthong 'di lta ste/ /nga dang sems dpa' ma gtogs par/ /'jig rten pa yi mi kun kyang / /rnam dag dad pa'i sems bskyed do/ /phyogs bcu'i sangs rgyas de dag kun/ /mya ngan mi 'da' rtag tu bzhugs/ /chos dang dge 'dun de bzhin te/ /de ltar mngon par shes pa ni/ /sangs rgyas drin lan lon zhes bya/ /rgyal bu dge mthong 'di lta ste/ /'jig rten pa yi mi dag kun/ /rnam par 'byed pa'i sems med cing / /theg pa gcig lam mngon par shes/ /'das pa dang ni ma 'ongs pa/ /phyogs bcu dang ni da lta'i rnams/ /sangs rgyas theg chen gcig pu la/ /gnyis sam gsum zhes bya med par/ /de ltar yid la bskyed nas su/ /sems kyis rnam par mi rtog na/ /de lta bu yi mi rnams ni/ /rgyal ba'i drin lan lon zhes bya/ /rgyal bu dge mthong 'di lta ste/ /gang zag la la 'ga' zhig gis/ /sangs rgyas mya ngan 'das phyi na/ /rtag tu dad pa'i sems bskyed de/ /sems can kun la sangs rgyas kyi/ /bdag nyid yod par bshad pa ni/ /de lta bu yi gang zag rnams/ /</font><hr>62.268b<br><font size=+1>

rgyal ba'i drin lan lon zhes bya/ /gang zhig skad cig dge spyod cing / /lha yi 'bras bu mi re ste/ /cig car bla med lam bsgrubs na/ /rgyal ba'i drin lan lon zhes bya/ /rgyal bu dge mthong 'di lta ste/ /sangs rgyas mya ngan 'das phyi na/ /gal te gang zag 'ga' zhig gis/ /yud tsam mdo sde 'di bklags te/ /dkon mchog gsum la gus byas shing / /mkhan la srid zhu mchod byas na/ /de lta bu yi gang zag rnams/ /rgyal ba'i drin lan lon zhes bya/ /gang zhig nor rdzas sna 'ga' 'am/ /kha zas dang ni gos kyi rnams/ /kun la khyab par sbyin byas na/ /rgyal ba'i drin lan lon zhes bya/ /rgyal bu dge mthong 'di lta ste/ /nga yi chos rnams 'jigs pa na/ /gang zhig 'ga' la blo brtan nas/ /yud tsam mdo sde 'di mnyan na/ /byang chub sems dpa' 'bum brgya la/ /mchod pa phul bas de lhag go/ /theg chen mdo sde 'di dag kyang / /sangs rgyas byang chub kun gyi yum/ /sangs rgyas byang chub sems dpa' dang / /mdo sde 'di la dran byas te/ /snyoms sems phan tshun gnyis med na/ /rgyal ba'i drin lan lon zhes bya/ /rgyal bu dge mthong 'di lta ste/ /gang zhig chos 'di 'jigs pa'i tshe/ /rgyal ba'i drin lan blan 'dod pas/ /skad cig yud tsam sgom byed pa/ /stong khams gang ba'i sems can gyi/ /srog gi sbyin pa byin pa bas/ /bsam gtan bsgom pa yon tan che/ /gang zhig bsgom la skur pa dang / /dge 'dun 'khrugs par byed pa ni/ /stong khams gsum po gang ba yi/ /mi rnams kyi ni srog bcad dang / /srog chags thams cad bsad dang 'dra/ /de sdig yang ni de bzhin no/ /gang zhig dge spyod mthong ba la/ /skur pa 'debs shing ma dad pa/ /dkon mchog gsum gyi rigs gcod pas/ /de ni rgyal ba'i lan mi ldon/ /de nas rgyal bu dge mthong dang mi sum stong po bcom ldan 'das rnams kyis bstan par gnang ba dga' bas tshim nas bstan pa nyid spyi bos blangs te/ tshigasu bcad pa 'di skad ces gsol to/ /bcom ldan 'das kyi bstan pa la/ /gang mang lags shing gang mi mang / /mang dang mi mang gnyi ga yang / /</font><hr>62.269a<br><font size=+1>

dngos po dmigs su yong ma mchis/ /yang dag mtshan nyid de lta bu/ /chos rnams kun dang mi 'gal lo/ /sems can kun la byams slad du/ /thabs kyis chos kyi 'khor lo bskor/ /'phags pa gang nas byon pa nas/ /de bzhin gshegs pa 'ang de nas byon/ /yang dag mtshan nyid ji lta ba/ /de bzhin gshegs pa 'ang de bzhin no/ /'phags pa kun gyi bden tshig ltar/ /de bzhin gshegs pa 'ang de bzhin bshad/ /de yi slad du rgyal ba'i mtshan/ /de bzhin gshegs shes bgyi ba lags/ /bzod pa'i go cha brtan pa'i sems/ /sra ba'i gzhu stobs brtson 'grus che/ /rno ba'i mda' ni shes rab mgyogs/ /le lo'i dgra rnams 'joms mdzad cing / /'jig rten lha dang mi rnams kyi/ /mchod yon phul ba bzhes pas na/ /de yi slad du rgyal ba'i mtshan/ /dgra bcom zhes ni bgyi ba lags/ /rab tu sdug bsngal mtshan nyid mkhyen/ /sdug bsngal rgyu yang shin du mkhyen/ /sdug bsngal zhi ba'i mtshan nyid la/ /zhi ba'i tshul yang rab tu mkhyen/ /'phags pa'i bden bzhi mkhyen pas na/ /'gyur ba ma mchis bden par nges/ /de bas phyogs bcu'i nang na yang / /mtshan ni yang dag rdzogs zhes bgyi/ /rig pa gsum po mchog brnyes pas/ /spyod lam rnam dag dang yang ldan/ /de slad mtshan ni bcom ldan 'das/ /mkhyen dang zhabs su ldan zhes bgyi/ /chos rnams thams cad kun mkhyen cing / /dam pa'i chos nyid rab brnyes pas/ /thams cad kun la byams slad du/ /dus skabs sbyar zhing thabs kyis bshad/ /skye rga na 'chi rab bsal cing / /bde ba'i gnas su phyin par mdzad/ /de yi slad du rgyal ba'i mtshan/ /bde bar gshegs shes bgyi ba lags/ /'jig rten gang nas mchis pa dang / /'jig rten bas pa'i mtha' yang mkhyen/ /de yi slad du rgyal ba'i mtshan/ /'jig rten mkhyen zhes bgyi ba lags/ /thugs rje chen pos sems can bsgral/ /mnyen des dge ba bstan cing btul/ /de yi slad du rgyal ba'i mtshan/ /skyes bu 'dul ba'i kha lo sgyur/ /tshul khrims ting 'dzin shes rab spyan/ /</font><hr>62.269b<br><font size=+1>

thub cing bla ru 'da' ba med/ /de yi slad du rgyal ba'i mtshan/ /bla na med ces bgyi ba lags/ /nyon mongs mi mnga' shes rab ldan/ /rnam grol dam pa mchog bshad pas/ /de yi slad du rgyal ba'i mtshan/ /lha dang mi yi ston zhes bgyi/ /dus gsum g.yo 'am mi g.yo ba/ /bas sam ma bas chos kun yang / /byang chub shing drung kun mkhyen pas/ /de yi slad du mtshan sangs rgyas/ /de nas phyogs bcu'i sangs rgyas rnams rdzu 'phrul chen po'i ting nge 'dzin du zhugs nas sku nam mkha' la 'phags te zhal so so nas tshig 'thun par 'di skad ces bka' stsal to/ /kye rgyal bu dge mthong dang mi sum stong po khyed rnams kyi sdig gi rang bzhin ni nang na yang mi gnas/ phyi rol na yang mi gnas/ bar na yang mi gnas so/ /sems brtan pa'i phyir dge ba'i mthu yang brtan no/ /rnam par grol ba'i phyir sdig gi rang bzhin yang rnam par grol lo/ /shes rab stong pa nyid kyi phyir sdig gi rang bzhin yang stong pa nyid do/ /dad pa'i mthu che ba'i phyir bsod nams kyi mthu yang che'o/ /de bzhin du mthol bshags te 'gyod tshangs nus pa ni nged rnams mthong ba'i steng du sangs rgyas rin chen mang dang / sprul pa'i sku thams cad kyang mthong bar 'gyur ro/ /'gyod tshangs kyis sdig sbyangs pas rgyun du nga yang mthong la/ deng byang chub sems dpa' rnams la bstan bcos pa dang 'dra bar de bzhin du 'gyod tshangs byas pa ni nga dang sprul pa rnams dang / 'das pa'i sangs rgyas rin chen mang la sogs pa thams cad kyang dgyes par 'gyur ro/ /phyogs bcu dus gsum gyi sangs rgyas mthong ba dang / mchod pa byas par 'gyur ro/ /de dag kyang dgyes par 'gyur te/ theg pa chen po'i mdo sde 'di'i rjes su byang chub tu chud par 'gyur ro/ /bcom ldan 'das kyis 'khor zhabs ring ba rnams la bka' stsal pa/ sdig can rnams kyis sdig bshags par 'dod na/ rgyal bu dge mthong bzhin du dus gsum gyi sangs rgyas dang / mdo sde bcu gnyis dang / byang chub sems dpa'i dge 'dun chen po rnams la/ re re nas dmigs te phyag 'tshal ba nga dang phrad pa dang 'dra ba 'am/ mthong ba</font><hr>62.270a<br><font size=+1>

dang 'dra bar 'du shes bskyed de/ sangs rgyas gcig gam/ sangs rgyas gnyis sam/ sangs rgyas bcu 'am/ sangs rgyas brgya 'am/ sangs rgyas stong ngam/ sangs rgyas khri 'am/ sangs rgyas grangs med pa'i 'du shes su bskyed de/ mthong ba dang 'dra bar dmigs la/ de bzhin du re re nas sems kyis phyag 'tshal na de dag gis bsod nams dpag tu med pa yang thob par 'gyur la/ 'khor ba'i sdig lci ba thams cad kyang sel bar byed do/ /bskal pa grangs med pa'i bar du ngan song gsum du ltung bar mi 'gyur/ sangs rgyas kyi chos la bde bar gnas par 'gyur bar yang nges te the tsom med do/ /de'i phyir sdig pa rnams mthol zhing bshags par byas la sems thag pa nas dad pa bskyed na gdon mi za bar sdig 'byang bar 'gyur ro/ /de nas rgyal bu dge mthong dang mi sum stong gis cig car du skad bskyed de/ bcom ldan 'das la tshigs su bcad de bstod pa 'di skad ces gsol to/ /bcom ldan byams shing thugs rje che/ /shA kya'i gdung rigs chos kyi rje/ /tshogs kyi nang na seng ge'i sgras/ /khyab par sems can bsdus pa ni/ /pha la gzigs pa bu gcig bzhin/ /rnam par 'byed pa yong ma mchis/ /de lta bu yi bla med pa/ /mthong nas de slad gus phyag 'tshal/ /de nas bcom ldan 'das kyis rgyal bu dge mthong dang mi sum stong rnams la 'di skad ces bka' stsal to/ /rigs kyi bu dag khyed rnams 'di ltar 'gyod tshangs byas te/ mi 'chab pa'i sems kyis mthol zhing bshags pas da ni byang chub sems dpa' zhes bya'o/ /khyed rnams ma 'ongs pa'i dus na gdon mi za bar sangs rgyas su 'grub bo/ /rigs kyi bu yang 'di lta ste/ nga mya ngan las 'das pa'i 'og tu gang zhig sems thag pa nas phyogs bcu'i de bzhin gshegs pa rnams dang / mdo sde bcu gnyis dang / byang chub sems dpa'i dge 'dun rnams la phyag 'tshal bar nus pa ni dkon mchog gsum gyi drin gyi lan lon zhes bya ba ste/ de ma thag tu mi dge ba bcu dang / mtshams med pa lnga dang / mnyam pa nyid la bskur pa'i</font><hr>62.270b<br><font size=+1>

sdig byang bar gyur nas rgyun du zhugs par 'os pa ni/ rgyun du zhugs pa'i 'bras bu sbyin no/ /lan cig phyir 'ong bar 'os pa ni lan cig phyir 'ong ba'i 'bras bu sbyin no/ /phyir mi 'ong bar 'os pa ni phyir mi 'ong ba'i 'bras bu sbyin no/ /dgra bcom par 'os pa ni dgra bcom pa'i 'bras bu sbyin no/ /rang sangs rgyas su 'os pa ni rang sangs rgyas kyi 'bras bu sbyin no/ /byang chub sems dpar 'os pa ni/ byang chub sems dpa'i 'bras bu sbyin no/ /da ltar mdo sde 'di'i nang na/ byang chub sems dpa' sems dpa' chen po rnams skye ba gcig gis yang dag pa'i mtshan nyid thob pa yang phyogs bcu dus gsum gyi sangs rgyas la phyag 'tshal ba'i yon no/ /byang chub sems dpa' skye ba gnyis kyis chos kyi dbyings thob pa yang dus gsum gyi sangs rgyas rnams la phyag 'tshal ba'i yon no/ /byang chub sems dpa' yang dag pa'i mthar phyin pa'i ye shes thob pa yang dus gsum gyi sangs rgyas rnams la phyag 'tshal ba'i yon no/ /byang chub sems dpa' la las don dam pa'i bden pa khong du chud pa yang dus gsum gyi sangs rgyas rnams la phyag 'tshal ba'i yon no/ /byang chub sems dpa' dpa' bar 'gro ba'i ting nge 'dzin dang ldan pa yang dus gsum gyi sangs rgyas rnams la phyag 'tshal ba'i yon no/ /byang chub sems dpa' nam mkha'i ting nge 'dzin dang / ye shes kyi phyag rgya'i ting nge 'dzin dang ldan pa yang dus gsum gyi sangs rgyas rnams la phyag 'tshal ba'i yon no/ /byang chub sems dpa' la las phyir mi ldog pa'i bzod pa dang / chos sbyin gyi bzod pa dang / chos bzhin gyi dbyings ldan pa yang dus gsum gyi sangs rgyas rnams la phyag 'tshal ba'i yon no/ /byang chub sems dpa' la las gzungs dran pa chen po'i sems dang / rang gis rig pa'i ye shes dang ldan pa yang dus gsum gyi sangs rgyas rnams la phyag 'tshal ba'i yon no/ /byang chub sems dpa' la las seng ge'i sgra'i ting nge 'dzin dang / rdo rje'i ting nge 'dzin</font><hr>62.271a<br><font size=+1>

dang / ye shes lnga'i phyag rgya'i ting nge 'dzin dang ldan pa yang dus gsum du gshegs pa'i sangs rgyas rnams la phyag 'tshal ba'i yon no/ /byang chub sems dpa' la las mnyam pa nyid kyi ting nge 'dzin dang / byams pa chen po dang / snying rje chen po dang / bla na med pa yang dag par rdzogs pa'i sangs rgyas kyi spyod lam dang ldan pa yang dus gsum du gshegs pa'i sangs rgyas rnams la phyag 'tshal ba'i yon no/ /de nas byang chub sems dpa' sems dpa' chen po chos kyi rje 'jam dpal gyis bcom ldan 'das la 'di skad ces gsol to/ /bcom ldan 'das sems can thams cad nor cing 'khrul pa'i sems 'khrugs te/ mi dge ba dang mtshams ma mchis pa bgyis pa rnams ji ltar bgyis na sdig rnams 'byang bar 'gyur/ bcom ldan 'das kyis 'jam dpal la bka' stsal pa/ gong du bstan pa yin te/ gang la las phyogs su rgyas pa'i chos kyi rnam grangs 'di dang / phyogs bcu dus gsum gyi sangs rgyas dang / mdo sde bcu gnyis dang / byang chub sems dpa' rnams kyi mtshan thos nas dga' ba dang / rab tu dga' ba bskyed la dad pa dang gus pa dpag tu med pas blangs sam/ 'chang ngam/ klog gam/ 'don tam/ yi ger bris sam/ kun chub par byas te/ dben pa'i gnas khang gcig gi nang du dkyil 'khor byas la dri chus chag chag btab ste/ 'phan gdugs bzang pos brgyan cing pog spos zhim po bsregs nas rgyal ba rnams spyan drang zhing gshegs su gsol ba mang yang rung / nyung yang rung spyan drangs nas bdag khrus dag par byas la/ gos gtsang ma gyon cing lan cig phyi rol che chung du 'gro na khrus lan gcig byas te seng ge'i khri btsugs te chos kyi rnam grangs 'di yun ring du bsgoms la/ chos kyi mtshan nyid la bdag dang / gang zag dang / sems can la sogs pa'i lta ba med par mngon par rtogs par bya ste/ dang po pas bye brag phyed cing gsal bar brjod par bya'o/ /de nas dri spos zhim po bsregs la 'khrul sems bsal cing dran pa yang dag pa dang bsam pa yang dag pas de bzhin gshegs pa la sems rtse gcig tu bsam mo/ /de</font><hr>62.271b<br><font size=+1>

ltar spyod pa rnams 'thun zhing 'dum pa ni mchog ste/ de la mi 'thun zhing rtsod pa ni mthol tshangasu mi 'gyur ro/ /khro ba des kun 'jig par byed de spyod lam dang yang 'gal bar 'gyur ro/ /theg pa chen po dran zhing don dam pa bsams la nyin mtshan bdun gyi bar du nyal zhing gnyid log tu mi rung ngo / /nyin gcig kyang dus gsum mdo sde 'di kha ton nam/ klog pa nyin mtshan dus drug tu byas la dri bsrung gis mchod cing phyag 'tshal nas mthol tshangs su byas te/ mdo sde 'di nyan na sangs rgyas dang / byang chub sems dpa' dang / mdo sde bcu gnyis kyi mtshan brjod cing sems thag pa nas mi 'khrugs pa dang / sems thag pa nas mi nor ba dang / sems thag pa nas mi g.yeng ba dang / sems thag pa nas dus kyis 'grus pa dang / sems thag pa nas nyin gcig pas nyin gcig 'grus pa dang / sems thag pa nas dad pa bskyed pa dang / sems thag pa nas dga' ba bskyed pa dang / sems thag pa nas rim pa bskyed pa dang / sems thag pa nas rgyun mi bcad pa dang / sems thag pa nas gzab pa dang / sems thag pa nas mi 'bral ba dang / sems thag pa nas sdig mi bsams pa dang / sems thag pa nas sangs rgyas dran pa dang / sems thag pa nas chos dran pa dang / sems thag pa nas dge 'dun dran pa dang / sems thag pa nas tshul khrims dran pa dang / sems thag pa nas gtong ba dran pa dang / sems thag pa nas don dam pa'i lha dran pa ste/ de dag de bzhin du klog pa dang / de bzhin du phyag bya ba dang / de bzhin du sems thag pa nas so sor 'chags shing mthol ba thog ma'i nyin par nas zhag drug tu lon pa'i nang par dri chus yang chag chag btab ste/ lus yang spos chus bkru bar bya'o/ /pog spos bzang po bsreg cing sems thag pas mchod pa byas pa de dag de lta bur sems thag pa nas so sor mthol zhing bshags pas phyogs bcur bskul par gyur te/ nga de'i tshe de'i dus na sangs rgyas dpag tu med pa gang gA'i klung gi bye ma snyed dang / byang chub sems dpa' dpag tu med pa gang gA'i klung gi bye ma snyed dang 'grogs te</font><hr>62.272a<br><font size=+1>

sgra dbyangs kyi rjes su khang bu de'i nang du phyin cing mngon du grub pa'i dbang bya'o/ /de bzhin du nyin mtshan bdun gyi bar du byas na gdon mi za bar sdig 'byang bar 'gyur ro/ /ji ltar sdig 'byang bar shes she na/ so so'i skye bo rnams kyi don dam par da dung ma grub pas rmyi ltas kyi mtshan ma la brtag tu byas te/ rmyi lam rnam gcig rmyis na mtshams med pa rnam gcig 'byang ngo / /rmyi lam rnam lnga rmyis na mtshams med pa rnam lnga 'byang ste/ des nub mo'i rmyi lam na chu klung chen po brgal bar 'dod de zam pa chen po'i steng du 'gro bar rmyis na de ni nges par rnam par grol ba thob pa yin no/ /gal te de'i rmyi lam na gzhan gyis bdag la khrus bya ba dang / lus la char bab par rmyis na de ni nges par rnam par dag pa thob pa yin no/ /gal te de'i rmyi lam na bdag dge 'dun mang po'i nang du zhugs te/ gral du 'dug par rmyis na de ni nges par sangs rgyas kyi slob ma yang dag par gyur to/ /gal te de'i rmyi lam na bdag mchod rten nam/ gtsug lag khang du zhugs te/ sangs rgyas dang byang chub sems dpa'i gzugs brnyan mthong bar rmyis na de ni chos kyi sgo mo dam par zhugs par gyur to/ /gal te rang gis shing thog rnyed cing za bar rmyis na de'i tshe 'di nyid la yon tan gyi 'bras bu 'grub par mngon no/ /yang bcom ldan 'das kyis 'jam dpal la bka' stsal pa/ gal te dge slong ngam/ dge slong ma 'am/ dge sbyong ngam/ dge sbyong ma 'am/ byang chub sems dpa' dad pa can gang la las dran pa nyams te/ nor cing 'khrul pas sdom pa'i tshul khrims re re nas zhig pa 'am/ nyams pa de bzhin du so sor 'chags shing mthol na sdig mi 'byang mi srid de/ sems thag pa nas ma byas pa ni ma gtogs so/ /de nas bcom ldan 'das la 'jam dpal gyis 'di skad ces zhus so/ /bcom ldan 'das cho ga 'di ltar bgyi ba'i tshe mi mang na rung ngam mi rung / bcom ldan 'das kyis bka' stsal pa/ mi gcig yan chad nyi shu man chad rung ngo / /cho ga 'di ltar spyod pa'i tshe mdo sde</font><hr>62.272b<br><font size=+1>

gzhan mi bsam mo/ /de ltar mthol tshangs bgyis pa'i 'og tu phyin chad nyes pa mi byed na de ni mthol tshangs zhes bya'o/ /de ltar dran par gyis shig /bdag cag rnams da ltar 'chi ba las slar 'tsho ba dang 'dra bas da ni bdag tshul khrims bsrung ngo / /da ni bdag brtson 'grus su spyod do/ /da ni bdag theg pa chen po'i mdo sde klog pa dang / kha ton bgyi'o zhes de'i tshe de'i dus na dran pa de ltar gyis shig /bdag deng nas sdom pa bzung ba ni rdo rje dang 'dra bar sran thub par smon to/ /des de ltar dran pa'i tshe skyes bu dam pa dri ma med par grags pa dang / byang chub sems dpa' dpag tu med pa dang lhan cig tu de'i mdun du 'greng ste dpang du byed do/ /'phags pa kun du bzang po yang 'gyod tshangs kyi mkhan po byed do/ /'phags pa 'od srungs kyang zhu gnas kyi rten byed do/ /'jam dpal 'di ni sdig pa sbyangs pa zhes bya'o/ /'di ni rnam par grol ba zhes bya'o/ /'di ni tshul khrims dang ldan pa zhes bya'o/ /'di ni gnas thob pa zhes bya'o/ /bcom ldan 'das kyis yang byang chub sems dpa' sems dpa' chen po 'jam dpal la 'di skad ces bka' stsal to/ /gang la la zhig gis rtsa ba bzhi dang / sdom pa brgyad dang / sdom pa phyed can dang / khrims bcu dang / gsum la skyabs su song ba dang / khrims lnga dang / dge ba bcu dang / tshul khrims dang 'dul ba re re nas zhig pa 'am/ nyams pa 'am/ mtshams med pa lnga byas pa 'am/ mnyam pa nyid la skur pa'i sdig byas pa zhig yod pa de log spyod ma gtogs par so sor ma bshags ma mthol na mi de tshe 'phos ma thag tu gdon mi za bar mnar med pa'i sems can dmyal bar ltung bar 'gyur ro/ /'jam dpal gyis gsol pa/ bcom ldan 'das ci'i slad du mnar med pa'i dmyal ba zhes bgyi/ de bzhin gshegs pas sems can thams cad kyi don gyi slad du de ci'i rgyu ci'i rkyen gyis ltung ba dang / dmyal ba'i dbyibs che chung dang / rnam par smin pa'i sdug bsngal bskal pa'i grangs ji tsam gyi bar du gnas par 'gyur ba bshad du gsol zhes bgyis pa dang / bcom ldan 'das kyis bka' stsal pa/ </font><hr>62.273a<br><font size=+1>

'jam dpal shin du 'ang mkhas so/ /shin du 'ang mkhas so/ /don 'di lta bu 'dri ba yang shin du mkhas te/ legs par nyon la phal mang po rnams kyang legs par soms shig /ngas bye brag phyed par bshad do/ /ji ltar mnar med pa'i sems can dmyal ba zhes bya zhe na/ skad cig kyang mnar zhing bstir med pa'i phyir mnar med pa'i dmyal ba zhes bya'o/ /gcig tu na dgag pa 'am/ 'or bar bya ba yang med/ 'gyur ba 'ang med de/ tsha ba ni rab tu tsha/ sdug bsngal ba ni shin du 'ang mi bzad pa skad cig kyang mi dal/ skad cig kyang mi sdod cing bar skabs med pa'i phyir mnar med pa'i dmyal ba zhes bya'o/ /yang rnam pa gcig tu na/ me chen po 'bar ba/ rab tu tsha ba/ kun du 'bar/ rab tu 'bar zhing / mched pa khong du zhugs pa'i phyir mnar med pa'i dmyal ba zhes bya'o/ /bcom ldan 'das kyis yang 'jam dpal la bka' stsal pa/ rigs kyi bu dmyal ba chen po mnar med pa'i dbyibs ni gru bzhi lham pa dpag tshad brgyad khri yod de/ lcags kyi ra ba rim pa bdun gyis bskor cing steng du yang lcags kyi dra ba rim pa bdun gyis g.yogs te/ 'og tu bar chad bcwa brgyad yod do/ /de'i kho ra khor yug tu ral gri'i tshal rim pa bdun gyis bskor to/ /lcags kyi ra ba rim pa bdun gyi nang logs su nags tshal ral gri lo ma can yod do/ /lcags kyi khang pa bar chad bcwa brgyad po brtseg mar 'dug ste/ rim pa brgyad khri bzhi stong yod do/ /de'i grwa bzhir zangs kyi khyi chen po bzhi 'dug pa lus kyi bong tshad ni 'phang du dpag tshad bzhi bcu la/ mig ni klog gi 'od bzhin/ mche ba ni ral gri'i sdong po dang 'dra/ so ni spu gri gtams pa'i ri dang mtshungs/ lce ni lcags kyi mchil ba bzhin/ sder mo ni lcags kyi gsal shing dang mtshungs/ mjug ma ni lcags kyi sbrul dang 'dra/ spu'i bu gu re re nas 'bar ba'i me shin du mched cing kun du 'bar rab tu 'bar ba 'byung ste/ de'i dud pa mnam pa ni 'jig rten gyi rdzas mnam pa gang dang yang bsgrun du med do/ /dmyal ba</font><hr>62.273b<br><font size=+1>

de'i sgo bzhi la de'i sgo re re na dmyal ba'i srung ma bcwo brgyad 'dug go/ /mgo ni srin po'i mgo /kha ni srin po'i kha dang 'dra ste/ mgo la rwa bcwa brgyad yod pa/ lag na lcags kyi gsal shing thogs so/ /ra ba rim pa bdun gyi nang logs su lcags kyi rgyal mtshan grangs med pa zhig yod de/ rgyal mtshan gyi mgor me byung ba ni chu mig dang 'dra bar 'byung ngo / /lcags 'ju ba'i khu ba 'bab pa ni kun du khyab par 'bab ste/ dmyal ba'i sgo bzhir sgo re re'i steng na zangs po che bcwa brgyad yod pa'i nang na lcags khol ba'i khu ba khar lud cing sgo bzhir bab pa/ dmyal ba'i nang du gang bar 'bab bo/ /khang pa bar chad re re'i nang na yang lcags kyi sbrul chen po brgyad khri bzhi stong yod pas khar gdug pa'i me skyug cing ra ba kun du gang bar gtong ngo / /sbrul gyi sgra sgrogs pa ni 'brug sgra chen po zer ba bzhin no/ /lcags kyi thu lum chen po'i char bab pa yang mnar med pa kun du gang ngo / /der sdug bsngal mi bzad pa ni 'bum phrag brgyad khri'i sdug bsngal gyi nang na sdug bsngal mi bzad pa'i nang na mi bzad pa kun kyang der 'dus te dpe zla med do/ /mnar med pa'i dmyal ba de'i sgo bzhir sgo re re'i phyi rol du 'bar ba'i me shin du mched cing 'bar ba lho byang shar nub bsnol zhing phyad par rgyu'o/ /'bar ba yang lcags kyi ra ba kho ra khor yug dpag tshad brgyad khri nas steng lcags kyi dra ba la thug gi bar du yar thal mar thal zhing bla za 'og dang / phyogs bzhir kun tu 'bar/ rab tu 'bar bar gyur te/ sdug bsngal cig car ldang ba ni gong du smos pa bzhin no/ /rtsa ba bzhi dang / sdom pa brgyad 'jig pa dang / mtshams med pa lnga dang / mnyam pa nyid la skur pa 'debs pa rnams mdo sde 'di las 'byung ba bzhin mthol tshangs ma byas na gnang bskur ba 'am/ khrel ba med na mi de tshe 'di 'phos ma thag tu stobs tshan po che'i dpung pa brkyang zhing bskums pa tsam gyis mnar med pa'i dmyal bar ltung bar 'gyur ro/ /lus kyang de'i nang du gang ste/ tsha ba'i gzir bas phongs nas kha gdangs</font><hr>62.274a<br><font size=+1>

mig btsums kyang kha 'thams pas smra ma nus so/ /de sdig mang ba'i phyir ral gri 'khor lo grangs med pa du ma zhig nam mkha' nas char bzhin 'bab ste/ glad par phog cing rkang par byung ba'i sdug bsngal thams cad ni sngar gong du bshad pa bzhin brgya stong khri phrag tu bsgyur ba'o/ /gang la la rtsa ba bzhi po tshang bar zhig par gyur na sdug bsngal chen po nyams su myong ba ni bskal pa chen po lnga rdzogs kyi bar du'o/ /sdom pa brgyad 'jig pa ni de las gyur cig gis mang ngo / /mtshams med pa lnga yang gyur cig gis mang ngo / /mnyam pa nyid kyi mdo sde la skur pa 'debs pa yang gyur cig gis mang ngo / /dkon mchog gsum la dmod pa dang / dge 'dun gyi nor brkus pa dang / dge slong dang / dge slong ma tshangs par spyad pa la dri ma can du spyod pa dang / mkhan po dang slob dpon la dbang za ba dang / ma la g.yem pa rnams gong ma dag las kyang gyur cig gis bskyed do/ /log spyod kyi rnams ni dge ba'i rtsa ba gtan chad pas nams kyang mnar med pa'i dmyal ba nas mi thar ba ni der ma gtogs so/ /de la sogs pa'i sdig can rnams sdug bsngal nyams su myong ba'i tshe 'bar ba'i me shin du mched pa khong du zhugs te/ rmugs nas 'chi'o/ /de nas srin po dmyal ba'i srungs mas lcags kyi gsal shing sa la brdabs te/ sos sos zhes bos pa dang / bos pa'i sgra bzhin du yang sos yang sos nas nyin mtshan gcig la lan khri ni 'chi/ lan khri ni 'tsho ste/ sdug bsngal mi bzad pa chen po nyams su myong ba ni gong du bstan pa bzhin no/ /nam zhig mnar med pa'i dmyal ba nas slar phyin na yang tshul khrims bshig pa dang / yon bdag dad pa can gyi yon blangs pa'i las kyis yang dmyal ba chung ngu rnams kyi nang du 'jug ste/ de la dmyal ba grang sbrebs pa dang / dmyal ba mun nag pa dang / dmyal ba rab tu tsha ba dang / dmyal ba spu gri so gtams pa dang / dmyal ba ral gri 'khor lo dang / dmyal ba me'i shing rta can dang / dmyal ba phyi sa'i 'dam dang / dmyal ba chu tshan dang / </font><hr>62.274b<br><font size=+1>

dmyal ba me mur klung dang / dmyal ba nags tshal ral gri lo ma can dang / dmyal ba lcags kyi 'khrul 'khor dang / dmyal ba lcags kyi shal ma ri ka ba can dang / dmyal ba lcags kyi khri can dang / dmyal ba lcags kyi 'khor lo can dang / dmyal ba lcags kyi phug dang / dmyal ba lcags kyi thu lum dang / dmyal ba bsdus 'joms thug ri can dang / dmyal ba zangs khol dang / 'di rnams so sor re re'i nang du yang lo khri phrag brgyad brgya'i bar du nyon mongs nas gzod thar te/ 'on kyang rtag tu ma rabs su skyes la/ tshe rabs lnga brgya'i bar du dkon mchog gsum gyi sgra mi thos so/ /brgya la dge ba'i bshes gnyen dang phrad na ni byang chub tu sems bskyed kyang srid/ dge ba'i bshes gnyen dang ma phrad na ni slar yang dmyal bar ltung ngo / /nyes byas kyi sdig pa rnams ma mthol ma bshags na dmyal bar sdug bsngal myong ba yang rgyal chen ris bzhi'i lha'i lo grangs lta bur lo khri phrag brgyad brgya'i bar du nyams su myong bar 'gyur ro/ /de la ltung ba rnams kyi sdig pa ni de las nyis gyur du bskyed do/ /dge 'dun gyi lhag ma yang de las nyis gyur du bskyed do/ /sdig can de dag gis sdug bsngal nyams su myong ba'i tshe tshig gzhan mi phyin te/ A~M pa pa/ A~M ta ta/ A~M la la/ A~M ba ba 'ba' zhig zer zhing 'dug go/ /de bas na sdig can rnams rings par so sor mthol zhing bshags la/ dkon mchog gsum gyi skyabs su song bar gyis shig /'jam dpal yang 'di lta ste/ sdig pa myur du bsal cing / 'byang bar 'dod na mdo sde 'di'i nang nas 'byung ba bzhin du so sor mthol bshags te 'gyod tshangs byos shig /cho ga nyin zhag bdun gyi bar du nyin gcig za gcig tu byas la/ yang dag pa'i rtog pa dang / yang dag pa'i dran pas de bzhin gshegs pa sangs rgyas su 'grub pa'i tshe mi chen po'i mtshan dang / mngon par 'tshang rgya ba'i mtshan dang / mi g.yo ba'i mtshan dang / rnam par</font><hr>62.275a<br><font size=+1>

grol ba'i mtshan dang / 'od zer can gyi mtshan dang / ye shes yongs su rgyas pa'i mtshan dang / pha rol du phyin pa rnams dang ldan pa'i mtshan dang / dpa' bar 'gro ba la sogs pa'i ting nge 'dzin rgya mtsho'i mtshan rnams bsam par bya'o/ /yang gcig tu na byang chub sems dpa' sems dpa' chen po byams pa'i yid dam ting nge 'dzin las langs te/ yid 'gog pa'i ting nge 'dzin du 'jug par bya'o/ /yid 'gog pa'i ting nge 'dzin las langs te slar dpa' bar 'gro ba'i ting nge 'dzin la 'jug par bya'o/ /dpa' bar 'gro ba'i ting nge 'dzin las langs te shes rab sgron ma'i ting nge 'dzin la 'jug /shes rab sgron ma las langs te chos rnams kyi mtshan nyid kyi ting nge 'dzin la 'jug /chos rnams kyi mtshan nyid las langs te mtshan ma 'od zer can gyi ting nge 'dzin la 'jug /mtshan ma 'od zer can las langs te seng ge'i nga ro'i ting nge 'dzin la 'jug /seng ge nga ro'i ting nge 'dzin las langs te seng ge sprug pa'i ting nge 'dzin la 'jug /seng ge sprug pa las langs te rgya mtsho yid kyi ting nge 'dzin la 'jug /rgya mtsho yid las langs te kun du ye shes kyi ting nge 'dzin la 'jug /kun du ye shes kyi las langs te gzungs kyi phyag rgya'i ting nge 'dzin la 'jug /gzungs kyi phyag rgya las langs te kun du snang ba'i lus gzugs can gyi ting nge 'dzin la 'jug /kun du snang ba'i lus gzugs can las langs te chos kyi dbyings nyid kyi ting nge 'dzin la 'jug /chos kyi dbyings nyid las langs te seng ge'i rgyal po'i ting nge 'dzin la 'jug /seng ge'i rgyal po las langs te chos kyi rgyal po'i ting nge 'dzin la 'jug /chos kyi rgyal po las langs te bdud rnams kyi mtshan ma 'gog pa'i ting nge 'dzin la 'jug /bdud rnams kyi mtshan ma 'gog pa las langs te stong pa nyid kyi shes rab kyi ting nge 'dzin la 'jug /stong pa nyid kyi shes rab las langs te stong pa nyid kyi mtshan nyid du shes pa'i ting nge</font><hr>62.275b<br><font size=+1>

'dzin la 'jug /stong pa nyid kyi mtshan nyid du shes pa las langs te chen po stong pa nyid kyi ye shes kyi ting nge 'dzin la 'jug /chen po stong pa nyid kyi ye shes las langs te gnas thams cad du khyab pa'i lus gzugs can gyi ting nge 'dzin la 'jug /gnas thams cad du khyab pa'i lus gzugs can las langs te sems kyi mtshan nyid la rnam par rtog pa'i ting nge 'dzin la 'jug /sems kyi mtshan nyid la rnam par rtog pa las langs te byang chub sems dpa' sems dpa' chen po rdo rje'i mtshan nyid kyi ting nge 'dzin la 'jug /byang chub sems dpa' sems dpa' chen po rdo rje'i mtshan nyid kyi ting nge 'dzin las langs te rdo rje'i gtsug tor gyi ting nge 'dzin la 'jug /rdo rje gtsug tor las langs te rgya mtsho thams cad kyi ting nge 'dzin la 'jug /rgya mtsho thams cad las langs te gzungs thams cad kyi rgya mtsho'i ting nge 'dzin la 'jug /gzungs thams cad kyi rgya mtsho'i ting nge 'dzin las langs te sangs rgyas thams cad kyi spyod yul gyi rgya mtsho'i ting nge 'dzin la 'jug /sangs rgyas thams cad kyi spyod yul rgya mtsho las langs te sangs rgyas thams cad kyi rnam par grol ba dang / rnam par grol ba'i ye shes gzigs pa'i rgya mtsho'i ting nge 'dzin la 'jug /sangs rgyas thams cad kyi rnam par grol ba dang / rnam par grol ba'i ye shes gzigs pa'i rgya mtsho las langs te gdod thabs kyi ting nge 'dzin mtha' med mu med pa'i rgya mtsho'i sgor 'jug par bya'o/ /mtha' med mu med pa'i rgya mtsho'i sgo nas langs te yid 'gog pa dang zhi ba'i ting nge 'dzin la 'jug /yid 'gog pa dang zhi ba las langs te rdo rje gdon mi za ba'i rnam par grol ba chen po'i ting nge 'dzin la 'jug par bya'o/ /'jam dpal nga mya ngan las 'das pa'i 'og tu rigs kyi bu 'am/ rigs kyi bu mo gang la las dad pa skad cig ma'i sems bskyed de/ mdo 'di yi ger 'dri ba 'am/ klog pa 'am/ kha ton du skad cig mar dran te/ bsam pa'i 'du shes dang / dran pa'i 'du shes dang / rtogs pa'i 'du shes su</font><hr>62.276a<br><font size=+1>

dad pa'i sems grub na skad cig mar bskal pa bye ba khrag khrig 'bum phrag dgu bcu'i gang gA'i bye ma snyed kyi 'khor ba'i sdig phyir bsnyil bar 'gyur ro/ /ma rig pa'i sgrib pa yang gtan bral bar 'gyur ro/ /de bas na de bzhin gshegs pa rtag tu 'tsho skyong zhing gzhes te mya ngan las mi 'da' bar mngon no/ /de nas bcom ldan 'das kyis 'khor mang po rnams la tshigs su bcad de bka' stsal pa/ yi dgas mthu chen thams cad dang / /dud 'gro glang po ma rungs dang / /bud med g.yem dang ma rungs klu/ /dpag tu med pa'i ma rungs rnams/ /ba su dang ni ma skyes dgra/ /lha sbyin dang ni sor mo'i phreng / /lus dang sems kyis sdig spyad pas/ /dmyal ba mnar med ltung 'os kyang / /phyogs bcu dus gsum rgyal ba la/ /dad pa bskyed de phyag 'tshal phyir/ /thub pa mya ngan 'da' ba'i khar/ /bskal pa grangs med phyir bshol lo/ /ma ga d+ha yi skye bo dag /kun kyang byang chub sems bskyed pa 'ang / /phyogs bcu dus gsum rgyal ba la/ /gus par phyag bya'i dbang gis so/ /kau di n+ya la sogs dang / /nyan thos lnga brgya rnam dag gis/ /ma 'ongs dus su 'tshang rgya ba 'ang / /phyogs bcu dus gsum rgyal ba la/ /gus par phyag bya'i dbang gis so/ /mu stegs dang ni bram ze dang / /sngags 'chang chen po drang srong bcu/ /da ltar dgra bcom grub pa yang / /'das pa'i phyogs bcu dus gsum gyi/ /rgyal ba rnams la phyag bya'i yon/ /dam pa'i don la chud pa dang / /phyogs bcu rgyal ba'i zhing rnams la/ /byang chub sems dpa'i tshogs thams cad/ /tshe dpag med par skyes pa yang / /phyogs bcu dus gsum rgyal ba la/ /gus par phyag bya'i dbang gis so/ /rgyal bu dge mthong 'di lta ste/ /sngon nga rgyal por byed pa'i tshe/ /drang srong chen po sbyin zhes bya/ /de tshe sangs rgyas ma byung ste/ /bram ze lnga brgya rnams zhig la/ /kha zas dang ni gos rnams dang / /khang khyim dang ni mal cha'i bar/ /rab tu byung ba'i mchod pa phul/ /des ni de tshe bskos pa la/ /khyed rnams byang chub sems bskyed cig /bram ze lnga</font><hr>62.276b<br><font size=+1>

brgya de dag gis/ /mchod pa phul ba blangs kyis kyang / /dkon mchog gsum la ma dad pas/ /mod bzhin nga la slar smras pa/ /'jig rten nang na byang chub dang / /rnam par grol ba med do zhes/ /de skad smras par ngas thos nas/ /mnyam nyid mdo sde bsrung ba'i phyir/ /bram ze lnga brgya'i srog bcad do/ /bram ze de dag tshe 'phos nas/ /dmyal ba mnar med ltung bar 'gyur/ /sems can dmyal bar lhung nas su/ /dran pa rnam gsum g.yos nas kyang / /dus gsum rgyal la phyag byas so/ /mnyam pa nyid kyi mdo sde dang / /byang chub dge 'dun dad bskyed de/ /dran pa rnam gsum byas nas su/ /mod la dmyal nas byung ste dong / /'jig rten zil mngar lnga ru skyes/ /tshe ni bskal pa chung bcu thob/ /de yang gus pa'i sems kyis su/ /phyogs bcu'i rgyal la phyag bya'i yon/ /bram ze de dag thams cad kyis/ /thog mar skur pas dmyal ltung yang / /phyis ni dad pas mod la thar/ /byang chub sems dpa' khyed rnams ni/ /khrel dang ldan pa smos ci dgos/ /sdig gi rang bzhin thog ma nas/ /med pas sems can rnams kyi phyir/ /rtsa ba bzhi po sdom pa dang / /mtshams med lnga po'i sdig rnams dang / /log spyod bar du mthol bshags so/ /so so'i skye bo la la zhig /de lta bu yi sdig byas pa/ /de bzhin mthol tshangs byed nus na/ /rtsa ba bzhi dang mtshams med lnga/ /log spyod bar du sdig 'byang ste/ /sangs rgyas 'grub pa 'ang gdon mi za/ /ma dad pa ni der ma gtogs/ /gang zhig dad pa'i sems shes te/ /rgyal ba rnams la phyag byas na/ /chos lam mi 'grub mi srid do/ /de nas rgyal bu dge mthong dang / /sum stong po yi mi rnams kyis/ /bcom ldan 'das la tshig 'thun par/ /'di skad gsol te bdag cag rnams/ /sangs rgyas grub nas skye shi las/ /'khor ba'i rnam dag bsgral bar smon/ /lha mi'i nang na btsun bzhugs pas/ /bye brag phyed par bshad du gsol/ /de la gzungs su bzung ba dang / /</font><hr>62.277a<br><font size=+1>

yi ger bris shing klog 'chang ba/ /de yi bsod nams ji tsam mchis/ /bcom ldan 'das kyis bka' stsal pa/ /bye brag phyed par ngas bshad kyis/ /rgyal bu dge mthong legs par nyon/ /gang zhig rin chen sna bdun gyis/ /stong khams gang ba'i sems can la/ /sbyin pa byas shing yon phul nas/ /de yi steng du chos bshad cing / /dgra bcom 'bras bu thob byas pas/ /la la zhig gis rgyal ba'i mtshan/ /thos nas dad pa'i sems bskyed de/ /de yi bsod nams de bas 'da'/ /yi ger bris shing klog 'chang ba/ /dad pas phyag 'tshal smos ci dgos/ /de yi bsod nams dpag tu med/ /gang gis yi ger bris pa dang / /klog pa dang ni 'don pa dang / /dus su phyag 'tshal sems bskyed na/ /mchod rten stong khams chub bar ru/ /brtsigs pa'i bsod nams pas ni che/ /de nas 'od srungs chen po dang / /shA ri'i bu dang kun dga' bo/ /'jig rten bsrung ba mthu bo che/ /tshangs lha rnams dang lha dbang po/ /'khor los sgyur dang rgyal chen bzhis/ /bcom ldan zhabs la mgos btud nas/ /tshig 'thun par ni 'di skad gsol/ /bcom ldan mya ngan 'das slad na/ /bdag cag rnams kyis sems can la/ khyab par spel zhing bstan par bgyi/ /lus sems rtag tu bde ba'i phyir/ /phyag 'tshal rnams la bsrung bar bgyi/ /gang zhig sdom pa zhig pa dang / /mtshams med lnga'i sdig pa dang / /mnyam pa nyid la skur pa rnams/ /sangs rgyas de dag mtshan thos pas/ /rnam dag sa ru bde bar gnas/ /dper na rgyal bu dge mthong bzhin/ /da dung ma 'ongs phyi dus la/ /sangs rgyas rang bzhin mthong bar ro/ /de nas bcom ldan 'das shAkya thub pas tshogs chen po rnams la 'di skad ces bka' stsal to/ /khyed rnams legs par nyon cig /khyed rnams la sngon byung ba'i las kyi rgyu rkyen bshad par bya'o/ /nga sngon bskal pa dpag tu med pa 'das pa'i sngon rol na de bzhin gshegs pa dgra bcom pa yang dag par</font><hr>62.277b<br><font size=+1>

rdzogs pa'i sangs rgyas mdzes pa'i 'od ces bya ba las phyogs bcu dus gsum gyi sangs rgyas kyi mtshan thos nas shin du dga' ba'i sems skyes te/ thal mo sbyar cing spyi bos blangs so/ /blangs nas kyang sems can gang nas gang du gnas pa de dang der dpag tu med pa mtha' yas pa'i sems can rnams la rgya cher spel zhing bstan te sangs rgyas kyi mtshan thos par byas so/ /de'i tshe de'i dus na tshogs rnams kyi nang du mi sum stong nyi tshe zhig nga'i chos kyi don dang 'thun te dad pa'i sems dpag tu med pa skyes nas nga'i thad du sangs rgyas de rnams kyi mtshan nas brjod cing phyag byas pas/ da ltar phyogs bcur snang zhing mngon par 'tshang rgya ba yin no/ /rigs kyi bu dag rtsa ba bzhi dang / mtshams med pa'i sdig lci ba dang / mnyam pa nyid la skur pa dang / log spyod kyi bar du sdig 'byang bar 'dod na dad pa'i sems kyi dbang du 'gro bar bya'o/ /rigs kyi bu yang 'di lta ste/ gang la las ma dad cing ma gus pas mdo sde bcu gnyis la skur cing dbang bzas pa dang / rdo rje'i sku dang / skyes bu dam pa 'jam dpal dang / phyogs bcu'i rgyal ba rnams la skur cing dbang bza' ba rnams gdon mi za bar sems can dmyal bar ltung ste/ brdzun pa ma yin no/ /de ci'i phyir zhe na/ de ma dad pa'i phyir ro/ /dam pa'i chos la skur pa'i phyir ro/ /bla ma rnams la brnyas pa'i phyir ro/ /phyogs bcu dus gsum gyi sangs rgyas la smad pa'i phyir te/ nges par dmyal bar ltung ngo / /sangs rgyas kyi mtshan de dag la dad cing sems thag pa nas phyag 'tshal na mi dge ba bcu dang / mtshams med pa lnga dang / mnyam pa nyid la skur pa'i sdig lta zhig mi 'byang mi srid de ma dad pa dang / ma gus pa dang / dge ba'i rtsa ba rgyun chad pa dang / log spyod rnams ni der ma gtogs so/ /rigs kyi bu dag shAkya thub pa'i sku 'bum phrag brgyar sprul pa yang 'jig rten re re na ston pa mdzad cing bzhugs te tha ma'i sku ni nga yin no/ /de'i tshe nga dang 'grogs pa'i mi sum</font><hr>62.278a<br><font size=+1>

stong po kun da ltar sangs rgyas su grub ste/ stong dang po'i gtso bo ni sangs rgyas pad ma'i 'od ces bya/ stong bar ma'i gtso bo ni sangs rgyas rdo rje'i sku zhes bya/ stong tha ma'i gtso bo ni sangs rgyas byams pa zhes bya'o/ /de bas na khyed rnams kyang de bzhin du phyogs bcu dus gsum gyi sangs rgyas kyi mtshan brjod cing phyag 'tshal ba'i rigs so/ /khyed rnams ma 'ongs pa'i dus na tshogs mang po rnams la ston pa rgya cher byed cing mtha' med pa'i sems can rnams la phan gdags te/ khams gsum nas bzlas shing zhi ba dang dben pa'i gnas su dkyil 'khor gyis la nga dang 'dra bar byos shig /de nas byang chub sems dpa' gzungs 'dzin stan las langs te/ bla gos phrag pa gcig tu gzar nas pus mo g.yas pa'i lha nga sa la gtsugs te/ bcom ldan 'das ga la ba de logs su thal mo sbyar cing phyag 'tshal nas/ bcom ldan 'das la 'di skad ces gsol to/ /bcom ldan 'das chos kyi rnam grangs 'di'i ming ci lags/ ji ltar gzung bar bgyi/ ji ltar bsgom zhing spyad par bgyi/ de skad ces gsol pa dang / bcom ldan 'das kyis bka' stsal pa/ rigs kyi bu chos kyi rnam grangs 'di'i ming ni sdom pa lci ba rnams la phan gdags pa'o zhes bya bar zung shig /rdo rje rin po che'i snying po zhes bya bar zung shig /sde snod kyi sgo dpag tu med pa'o zhes bya bar zung shig /thams cad kun du bsdus pa'o zhes bya bar zung shig /rgyan chen po dpe zla med pa'o zhes bya bar zung shig /mi sum stong sangs rgyas su grub par rnam par bkod pa zhes bya bar zung shig /'gyod tshangs kyis sdig sbyangs de bsod nams thob pa'o zhes bya bar zung shig /thar pa chen po phyogs su rgyas pa zhes bya bar zung shig /be nas bcom ldan 'das la byang chub sems dpa' gzungs 'dzin gyis 'di skad ces gsol to/ /bcom ldan 'das de bzhin gshegs pas bstan</font><hr>62.278b<br><font size=+1>

pa ltar na/ chos kyi rnam grangs 'di ni sems can dpag tu ma mchis pa rnams la sman pa dang / bde ba chen po mdzad pa'i slad du sdig sbyangs pa dang / sangs rgyas su 'grub par mdzad pa'i mdo 'di ni sangs rgyas thams cad kyi ni yum mo/ /byang chub sems dpa' thams cad kyi ni lam mo/ /nyan thos rnams kyi ni mig go/ /lha dang mi rnams kyi ni khang khyim lags te/ de lta bu'i bsam gyis mi khyab pa'i don dang ldan pa bdag gis gzungs su bzung bar bgyi'o/ /lha dang mi gang nas gang du gnas pa de dang der rgya cher spel bar bgyi'o/ /rgyun mi 'chad cing yun du gnas par bgyi'o/ /bcom ldan 'das kyis bka' stsal pa/ legs so legs so/ /khyod ni skyes bu dam pa yin te/ sde snod chen po dpag tu med pa thams cad gzungs su 'dzin pa lags te/ khyod ma 'ongs pa'i dus na nga 'gro ba'i gnas su khyod 'gro shig /nga 'dug pa'i gnas su khyod 'dug shig /bcom ldan 'das kyis chos kyi rnam grangs 'di bstan pa'i tshe/ byang chub sems dpa' dpag tu med pa zhig phyir mi ldog pa dang mi 'gyur ba'i sar gnas so/ /nyan thos brgyad khri zhig theg pa chen po'i sems bskyed do/ /dge slong stong phrag bcu zhig dgra bcom pa'i 'bras bu thob bo/ /lha dang mi brgyad khri bzhi stong zhig chos kyi mig rnam par dag pa thob bo/ /sems can stong phrag brgya zhig ni bla na med pa yang dag par rdzogs pa'i byang chub tu sems bskyed do/ /de nas bcom ldan 'das kyis mdo sde 'di bshad zin nas/ shing sA la ga la ba de logs su gshegs so/ /gshegs nas gser gyi me tog rin po che'i rdzing bu dang bcas par mi snang bar gyur te/ de bzhin gshegs pa'i 'od kyang bsdus nas/ mi mjed kyi 'jig rten gyi khams mtho dma' dang / gtsang sme yang sngon bzhin no/ /mi rnams nyes byas pa'i phyir dmyal ba yang sngon bzhin no/ /bcom ldan 'das kyis de</font><hr>62.279a<br><font size=+1>

skad ces bka' stsal nas/ byang chub sems dpa'i tshogs thams cad dang / lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do/ /'phags pa thar pa chen po phyogs su rgyas pa 'gyod tshangs kyisdig sbyang ba ste sangs rgyas yongasu grub pa bkod pa zhes bya ba theg pa chen po'i mdo rdzogs s+ho// //rgya nag gi 'gyur shu lo ga bdun brgya rtsa bcu gnyis te bam po gnyis dang shu lo ga brgya bcu gnyis/       </font><hr>

</table>