J298

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>J298</h1><td>(<a href="https://adarsha.dharma-treasure.org/kdbs/jiangkangyur" target="new2">e-text produced by ADARSHA</a>)<br><br><a href="verif2.php?id=J298&coll=lithang">see text in Tibetan script</a></table>71.289b<br><font size=+1>

@#/ / rgya gar skad du/ dwi da sha lo tsa na nA ma sU tra/ bod skad du/ </font><hr>71.290a<br><font size=+1>

mig bcu gnyis pa zhes bya ba'i mdo/ grub par gyur cig /sangs rgyas bcom ldan 'das rgyal po'i khab kyi grong khyer 'od ma'i tshal na bzhugs te/ de'i tshe glog byung / skar mda' ltung / gnam lcags bab pa dang / de nas rgyal po gzugs can snying po 'khor dang bcas pas ltas mkhan bram ze rnams bkug nas smras pa/ ci'i rgyu ci'i rkyen gyis gnam kun 'khrug par 'gyur/ bram ze rnams kyis gsol pa/ ltas 'di lta bu dag mig bcu gnyis zhes bgyi ba'i gtsug lag las 'byung ste/ bdag gis khrel bar rngo mi thog go/ /de nas rgyal po gzugs can snying po bcom ldan 'das ga la ba der song ste/ zhabs la phyag 'tshal nas 'di skad gsol to/ /bcom ldan 'das sems can gyi don du thugs brtse bar dgongs te/ mig bcu gnyis kyi ltas kyi gtsug lag bshad du gsol/ bcom ldan 'das kyis bka' stsal pa/ rab tu byung bas ni phyi rol pa 'jig rten gyi gtsug lag 'di lta bu dag bshad pa'i cha ma yin no/ /de nas yang rgyal po gzugs can snying pos bcom ldan 'das la bskyar te gsol pa/ bcom ldan 'das bdag la thugs brtse bar dgongs te the tsom 'di dgrol du gsol/ de nas bcom ldan 'das kyis bshad par gnang nas sngon gyi gleng gzhi bka' stsal pa/ rgyal po chen po sngon 'das pa'i dus na gangs kyi ri drung na b+ha ga zhes bya ba zhig gnas pa de dus gzhan na stag mo gzhon nu zhig 'khyam pa mthong ba dang 'dod chags skyes te/ drang srong gis 'khrig pa'i chos spyad pa las lo dus su bu bcu gnyis byung bar gyur to/ /bu btsas nas lo bdun lon pa dang / pha ma gnyis shi nas phru gu rnams kyis lo bcu gnyis kyi bar du tshangs pa'i dngos grub bsgrubs nas/ </font><hr>71.290b<br><font size=+1>

bsam pa dang re ba bskang bar gsol ba dang / de nas tshangs pas snying rjes bltas te/ brgya byin lha'i dbang po dang / rgyal po chen po bzhi 'khor dang bcas par 'dzam bu'i gling du lhags te/ de nas tshangs pas byis pa de rnams la smras pa/ bu khyed rnams ci 'dod/ de nas byis pa rnams kyis tshangs pa la smras pa/ lha bdag cag rnams ni byis pa'i rang bzhin shin du blo dman pa lags te/ legs nyes ma 'tshal lags na/ nyi zla dang / gza' dang / rgyu skar gyi ltas dang / dkyil 'khor dang / gtsug lag ji lta bu lags pa bshad du gsol/ de nas brgya byin lha'i dbang pos tshangs pa la 'di skad ces smras so/ /lha'i ston pa khyod kyis byis pa 'di rnams la dngos grub stsal ba'i rigs so/ /de nas tshangs pas byis pa rnams la smras pa/ byis pa nyon cig /rgyu skar nyi shu rtsa brgyad dang / skar ma thams cad kyi dkyil 'khor dang / ltas dang / nyi zla dang / gza' dang / gnam lcags 'bab pa dang / sa g.yo zhing 'gul ba dang / ltas kyi gtsug lag ji lta bu yin pa dag bstan par bya'o/ /dgun zla ra ba yar gyi ngo dang / mar gyi ngo dang / tshes brgyad dang / bcu bzhi dang / bcwa lnga la nyi ma'i 'od mun pa 'dra ba nag por gyur na mi ya rabs 'dzangs shing mkhas pa rnams la bgegs chen po 'byung bar 'gyur ro/ /rgyu skar a tha skar shwi nI'i nyi ma la nyi ma las du ba 'dra ba byung ste/ 'khor zhing 'thul na lo bcu gnyis kyi bar du char mi 'bab par 'gyur ro/ /rgyu skar b+ha ra NI[(]bra nye[)]'i nyi ma la nyi ma gser gyi mdog 'dra bar gyur na nye skor gyi rgyal khams kyi yul 'jig pa dang dbus su mu ge chen po 'byung ngo / /dgun zla tha chungs kyi ngo rgyu skar karti ka[(]smin drug[)]'i nyi ma la nyi ma lhag par gsal bar gyur na mtha'i yul khams 'jig cing dbus su</font><hr>71.291a<br><font size=+1>

char mi 'ong ngo / /dpyid zla ra ba'i ngo rgyu skar A grA[(]lag[)]'i nyi ma la nyi ma khyims pa dang / nyi ma gnyis su snang na mi nad 'byung / rgyal po sde gnyis la gnod pa'i bgegs 'byung / dgun zla 'bring po'i ngo rgyu skar pu Sh+ya[(]rgyal[)]'i nyi ma la nyi ma mun pa 'dra bar 'gyur zhing nyi ma nub kar kha dog skya bor gyur na rgyal po chen po la bgegs 'byung / dpyid zla tha chungs kyi ngo rgyu skar b+ha ra NI[(]bra nye[)]'i dus la nyi zla gzas zin na blon pos rgyal po bsad par 'ong ngo / /dbyar zla ra ba'i ngo rgyu skar pUr ba b+ha dra pA dA[(]khrums stod[)]'i dus la nyi ma dmar por gyur na/ rgyal po dang / blon po dang / de'i yul 'khor du gnod pa'i bgegs chen po 'byung / dbyar zla 'bring po'i ngo rgyu skar pUrbA shA TA[(]chu stod[)]'i dus la zla ba nya la gzas zin na yul 'khor 'khrug pa dang / mi nad dang / mu ge 'byung / dbyar zla tha chungs kyi ngo rgyu skar mU la~M[(]basnrub[)]'i dus la nyi zla gas shing ser ga byung bar snang na yul der gnod pa chen po 'byung / ston zla ra ba'i ngo rgyu skar a shwi nI[(]tha skar[)]'i dus la nyi zla dus cig tu shar na yul 'khor der khrag 'khrug chen pos khrag 'bab par 'ong ngo / /ston zla 'bring po'i ngo rgyu skar kArti ka[(]smin drug[)]'i dus zla ba nya la zla ba me'i kha dog 'dra bar gyur na yul 'khor der dgra'i dmag gis yul 'jig par 'gyur/ dgun zla ra ba'i ngo rgyu skar b+ha ra NI[(]bra nye[)]'i nyi ma la rlung dmar nag po byung la nyi ma mi gsal bar gyur na/ dgra'i tshogs kyis yul 'jig par 'gyur ro/ /dgun zla tha chungs kyi ngo rgyu skar pUr ba phal gu nI[(]gre[)]'i nyi ma la sa bab cing rlung dmar chen po byung na rgyal po chen po la gnod pa 'byung / dpyid zla ra ba dang 'bring po'i ngo rgyu skar bi shA khA[(]sa ga[)]'i nyi ma la ser ba bab na yul 'khor der khrag nad dang gnod pa 'byung / dpyid zla tha chungs kyi ngo rgyu skar dz+yeSh+ThA[(]snron[)]'i nyi ma la nam langs kar skar ma nyi ma bas 'od bzang por gsal bar byung na gza' thams cad la bgegs chen po 'byung / dbyar zla ra ba'i ngo rgyu skar</font><hr>71.291b<br><font size=+1>

pUrbA shA DA[(]chu stod[)]'i nyi ma la sa bab cing nyi ma mi gsal na rgyal po stong 'khrug cing 'thab par 'gyur/ yang dbyar zla ra ba'i ngo rgyu skar pUrbA shA TA[(]chu stod[)]'i nyi ma la rlung chen po byung na chu dkon/ kha zas dang / 'bru zan ma rung bar 'gyur/ dbyar zla 'bring po'i ngo rgyu skar shra ba NA[(]gro bzhin[)]'i nyi ma la rlung drag por langs shing nam mkha' mun par gyur na nyen skor gyi yul khams gzhan du 'jigs pa chen po 'byung / dbyar zla 'bring po'i ngo rgyu skar pUr bA b+ha drA pA dA[(]khrum stod[)]'i nyi ma la ser ba bab/ gnam lcags grum na yul 'khor der nad dang mu ge 'byung / dbyar zla tha chungs kyi ngo rgyu skar pUrbA b+ha drA pa dA[(]khrum stod[)]'i nyi ma la byang phyogs nas rlung dmar chen po langs nas lha khang dang / mchod rten dang / khang khyim dang / shing sdong po chen po bsgyel na yul khams su gnod pa chen po 'byung ngo / /ston zla ra ba'i ngo rgyu skar A shwi nI[(]tha skar[)]'i nyi ma la thog bab bam/ skar mda' ltung ngam/ ser ba bab na yul khams der thab mo chen po 'ong / dgun zla ra ba'i ngo rgyu skar ma g+hA[(]mchu'[)]'i nyi ma la char pa bab na yul khams thams cad kha zas mod par 'ong / dgun zla tha chungs kyi ngo rgyu skar A grA[(]lag[)]'i nyi ma la gnam me'i kha dog 'dra bar gyur na ltas rab tu ngan te/ yul khams su mi bde ba dang 'jigs pa chen po 'byung ngo / /dpyid zla tha chungs kyi ngo rgyu skar b+ha ra NI[(]bra nye[)]'i nyi ma la byang phyogs nas sgra chen po byung ngam/ gnam ser por song na dgra thams cad kyis yul khams gshig par 'gyur ro/ /dpyid zla ra ba'i ngo rgyu skar swA tI[(]sa ri[)]'i nyi ma la char bab la rlung ma langs par 'ja' byung na grong khyer chen po mes tshig par 'gyur ro/ /dbyar zla ra ba'i ngo rgyu skar pu Sh+ya[(]rgyal[)]'i nyi ma la glog dang / sbur ma dang / nyal nyil gyi char bab na yul khams der mu ge 'byung / dbyar zla 'bring po'i ngo rgyu skar mU laM[(]bsnubs[)]'i nyi ma la char</font><hr>71.292a<br><font size=+1>

cher bab la 'ja' byung na/ rgyal rigs rnams la gnod par 'gyur/ dbyar zla tha chungs kyi ngo rgyu skar ud ta ra b+ha dra pA dA[(]khrum stod[)]'i nyi ma la sa las sgra byung ngam/ rlung nag po langs na yul der mu ge 'byung / dbyar zla 'bring po'i ngo phyogs mtshams dag nas sgra chen po byung na yul phyogs der khrag khrug chen po 'byung / ston zla ra ba'i ngo rgyu skar b+ha ra NI[(]bra nye[)]'i nyi ma la gnam las sgra chen po byung na btsun pa dang / dka' thub can rnams la gnod pa 'byung / ston zla ra ba'i ngo dbang po'i nyi ma la gnam nas sgra byung na mi le lo can dang / phyugs la gnod pa 'byung / ston zla tha chungs kyi ngo rgyu skar d+ha niSh+tha[(]mon gru[)]'i nyi ma la gnam las rol mo'i sgra byung na rtswa dang / lo tog legs par 'gyur/ char dus su 'bab/ mjug tu mi nad 'byung / dgun zla ra ba'i ngo rgyu skar swA ta[(]sa ri[)]'i nyi ma la gnam las sgra chen po 'byung zhing gnam 'khrug na yul 'khor der 'jigs pa chen po 'byung / dgun zla tha chungs kyi ngo rgyu skar dz+yeSh+tha[(]basnron[)]'i nyi ma la tshub ma langs shing sa g.yos na dge sbyong dang / bram ze rnams la bgegs dang gnod pa 'byung / dpyid zla ra ba'i ngo rgyu skar pUr bA b+ha drA pa dA[(]khrum stod[)]'i nyi ma la nyin par sa g.yos na lo gnyis kyi bar du dus su yul khams der dmag 'ong / dpyid zla 'bring po'i ngo rgyu skar pUrbA shA DA[(]chu stod[)]'i nyi ma la sa 'gul na blon pos rgyal po bsad pa dang / yul khams der 'khrug pa chen po 'byung / dbyar zla 'bring po'i ngo rgyu skar mU laM dbang ba la nub mo sa g.yos na khams kyi dbang po rnams la gnod pa 'byung / dbyar zla tha chungs kyi ngo rgyu skar ro hi NI[(]snar ma[)] dbang ba la nub mo sa g.yos shing rlung mar byung / char ma bab na 'bru zan ma rungs par 'gyur zhing dmag 'ong / ston zla 'bring po'i ngo rgyu skar ud ta ra b+ha dra pa dA[(]khrum smad[)]'i nyi ma la nyin par sa g.yos na pha rol gyi dgras rgyal po de pham par 'gyur/ yul phyogs kyang chom rkun gyis 'jigs par 'gyur/ ston zla</font><hr>71.292b<br><font size=+1>

tha chungs kyi ngo rgyu skar kArti kA[(]smin drug[)]'i nyi ma la sa g.yos na grong khyer chen po dang / khang khyim 'jig cing mu ge 'byung / dgun zla ra ba'i ngo rgyu skar a shwi nI[(]tha kar[)] dang / ud ta ra phal gu NI dbang ba'i nub mo sa g.yos na byis pa chung ngu dang / bud med sbrum ma la bgegs dang gnod pa 'byung / dgun zla 'bring po'i ngo rgyu skar mr-i ga shi rA[(]mgo'[)] dang / pUrbA b+ha drA pa dA[(]khrum stod[)]'i nyin par sa g.yos na rkang 'gros la bgegs dang gnod pa 'byung / dbang po 'am/ ma g+hA[(]mchu'[)]'i nyi ma la gtsug lag khang sku gzugs g.yos zhing 'gul lam/ sa 'phos na yul khams de myur du 'jig par 'gyur/ gtsug lag khang gi sku gzugs gdan las 'phos sam/ dngul lta bu byung ngam/ 'gyel na yul khams de rgyal po dang bcas par rgyal khams gzhan gyi dbang du 'gyur/ gtsug lag khang gi sku gzugs 'phos sam/ spyan nas mchi ma byung na yul khams de'i mi dpa' bo gces pa bu smad dang bcas par yul byung bar 'gyur/ gtsug lag khang gi sku gzugs gdan las 'phos sam 'gul la lha khang nas dud pa 'dra ba/ byung na yul khams de'i rgyal po la gnod par 'gyur/ gtsug lag khang chen po dang / gnas khang lta bu g.yos na/ grong khyer de phyogs rgyal khams gzhan gyis gnangs su bcad pa 'am mes tshig par 'gyur/ zla ba'i zur la gza' phur bu byung na mi phyug po la rgyal pos nor 'phrog cing gnod par 'gyur/ nyi zla dmar por song na khams kyi dbang po la gnod pa 'byung / gza' spen pa zla ba'i steng du byung na yul 'khor der 'jigs pa chen po dang bgegs 'byung / ltas 'di rnams byung ba'i dus su zla ba gzas zin na rgyal po chen po rnams la gnod pa dang bgegs 'byung / rgyal po dang po skyes pa'i rgyu skar gyi steng du zla ba byung zhing / zla ba'i steng du yang gza' mjug rings byung na/ yul khams de'i rgyal po dang / rgyal khams nye ba gzhan gyi rgyal po dang 'thab</font><hr>71.293a<br><font size=+1>

mo 'ong / gza' spen pa rgyu skar ro ha NI dang / kArti kA'i dbus su shar na rgyal khams de'i mi thams cad la gnod pa chen po dang / bgegs byung nas mi sum cha cig lus par 'gyur/ gza' pa ba sangs dang / rgyu skar ma g+hA dang / pUrba phal gu ni zla ba'i dbus su shar na lo tog la gnod pa 'byung / gza' phur bu dang / pa ba sangs dang / spen pa rnams dmar por song na yul khams der 'jigs pa chen po 'byung / gza' mjug rings rgyu skar pu Sh+ya'a'i steng du shar na ring po mi thogs par phyogs bzhi nas dmag chen po 'byung / gza' phur bu dang / mig dmar rgyu skar shra ba NA'i steng du shar na lo gsum gyi bar du yul khams der 'jigs pa chen po dang gnod pa 'byung / gza' phur bu dang / spen pa rgyu skar bi shA khA'i steng du shar na mi mang po 'thab mo la 'chi bar 'gyur ro/ /lha khang dang khang pa chen po'i steng du bya rog gar byed cing 'phyang mo nyug na yul khams der 'thab mo chen po 'byung / bud med la mi ma yin pa'i bu byung ngam/ yang na phyugs la mi'i bu byung na yul khams de'i bud med la bgegs dang gnod pa chen po 'byung / ma'i mngal na bu yod pa rgod dam/ smra 'am/ ngu na yul khams de 'jig par 'gyur/ bud med kyi mngal nas bu rkang gcig pa 'am/ gsum pa 'am/ rkang bzhi pa byung na yul de'i rgyal po la gnod pa 'byung / bud med kyi lto nas bu ma ning mtshan gnyis pa byung na yul khams de'i rgyal po 'chi bar 'gyur/ bud med las byol song gi bu dang / bu mgo mang po can byung na yul khams de 'jig par 'gyur/ bud med las bu mgo gcig la gdong gnyis mig gsum pa byung na yul khams de myur du 'jig par 'gyur/ bud med las bu grul bum mgo bzhi pa byung na yul 'khor der 'jigs pa chen po 'byung / bud med las bu phag gi</font><hr>71.293b<br><font size=+1>

gdong can byung na phyogs bzhi nas yul khams de 'jig par 'gyur/ bud med las bu nyi ma'i 'od bzhin 'bar ba byung na nang 'khrug gis yul khams de 'jig par 'gyur/ byis pa tshem bu na gnas pa chen po bzhin tshig smra na yul 'khor de 'jig par 'gyur/ ma nyid kyis ma tshor bar mngal nas bu byung na 'dre gdon dang / bgegs nad kyis yul khams de 'jig cing 'jigs pa chen po 'byung / bud med las bu skye nub pa dang / so skyes pa byung na yul khams de dgon par 'gyur te/ mi thams cad kyang phyogs gzhan du 'gro bar 'gyur/ bud med las bu mgo med pa lag pa gcig pa byung na yul khams der gnod pa chen po 'byung / yul khams su me tog dang / shing tog 'bras bu las khu ba 'dzag na rgyal po'i rgyal 'tshab la bgegs dang gnod pa 'byung / dus ma yin par bza' shing las me tog dang 'bras bu skye na rgyal po dang / yul mir bcas pas yul bor bar 'gyur/ bza' shing gi 'bras bu lhag par mdog bzang por gyur tam/ yang na khrag 'dra ba 'dzag na yul khams der 'jigs pa chen po dang / nad dang / mu ge 'byung / bskyed shing gi grib ma mi 'khor bar phyogs gcig tu 'dug na dgra'i dmag byin chen pos yul phyogs de bcom par 'gyur/ bskyed shing 'gro ba ltar snang na yul khams der 'jigs pa chen po 'byung / bskyed shing lhag par brjid cing gsal bar snang na yul khams de'i rgyal po tshe thung bar 'gyur/ 'jig rten pa'i lha mchod pa'i tshe lha smra 'am 'dzum na/ rgyal po la bgegs dang gnod pa 'byung / me tog gi char 'bab pa 'am/ rlung dmar langs shing gnam las srin bu bab na yul khams der chom rkun gyis 'jig par 'gyur/ 'jig rten pa'i</font><hr>71.294a<br><font size=+1>

lha khang du me ma bus par du ba byung zhing / lha yang mtshan dang cho 'phrul ston na rgyal po la bgegs dang gnod pa 'byung / 'jig rten pa'i lha khang du me mar ma bus par me mar 'dra bar snang na rgyal po'i gnang chen la bgegs dang gnod pa 'byung / rgyal po btsun mo'i 'khor du song ste 'dod chags mi ldang na rgyal po'i pho brang mes tshig cing rgyal po la mi dge ba sna tshogs 'byung / char pa dang ser ba 'bab la/ gnam la kha dog gsal ba dag byung na yul khams der 'jigs pa chen po 'byung / grong khyer tshub mas bskor cing 'gro ba dang / rlung mar langs shing char pa khrag 'dra ba bab na yul khams der 'jigs pa chen po 'byung / glog 'byung zhing char pa 'bab la sprin 'khor ling 'khor ling du chad de/ sprin ling du chad pa'i bar bar na dri za'i grong khyer 'dra ba snang na yul khams der 'jigs pa chen po 'byung / zla ba dmar por gyur na yul khams der grong khyer mes tshig pa dang / rims kyis mi ngas par 'gyur/ zla ba mtha' dmar la dbus nag por song na yul khams der 'jigs pa chen por 'gyur/ zla ba'i kha dog btsag 'dra bar dmar por snang la slar yang 'phral du dkar po'i rang bzhin du gyur na rlung mi ldang bar drag por 'bab/ ro skam lta bur chu mig byung na lo tog legs par 'gyur/ me ma bus par yul khams der du ba byung na yul khams der 'jigs pa chen po 'byung / mda' gzhu skyis kor la me'am dud pa byung na yul khams der dgra'i 'jigs pa 'byung ngo / /de skad ces bcom ldan 'das kyis bka' stsal pa dang / rgyal po gzugs can snying po 'khor dang bcas pa bcom ldan 'das kyis gsungs pa la yi rangs te mngon par bstod do/ /mig bcu gnyis pa zhes bya ba'i mdo/ rdzogs so// //zhus te dag go/ /yang zhus she bsod nams chen po'i dpal gyis phyogs las rnam par rgyal ba gtsug lag gnyis kyi mdzad pas bstan pa rin po che'i zhabs tog dang / 'gro ba dpag tu med pa'i mgon</font><hr>71.294b<br><font size=+1>

skyabs dang dpung gnyen dam par gyur pa sngon gyi smon lam rnam par dag pa yongs su rdzogs pas 'jig rten gyi bya ba rnams snying po med par gzigs te rnam g.yeng gi dri ma kun spangs nas ri khrod dben gnas kho nar bzhugs shing bslab gsum gyi khangs bzang mang du thos pa'i nor gyis phyug la thugs rje'i rgyal mtshan rdo rje lta bu'i ting nge 'dzin gyi tog gis mdzes pa dpal ldan bla ma bzang po'i mtshan can dge sbyong chen po de'i thugs dgongs rdzogs par bya ba'i phyir dang / 'gro ba ma lus pa'i gnas skabs dang mthar thug gi phan bde ma lus pa'i 'byung gnas rgyal ba'i bstan pa rin po che yun ring du gnas shing phyogs kun du dar cing rgyas par bya ba'i phyir bod khams su smon lam gyi stobs can mnga' bdag lha btsan po byang chub sems dpa' rnams dang / lo paN skye mched khyad par can rnams kyi bdag rkyen la brten nas/ bde bar gshegs pa'i gsung rab thog mtha' bar du dge zhing / sgro skur gyi mtha' dang bral la/ gzhung lugs ngan pa'i dri mas dben pa mdo sde dang / rgyud sde'i phyogs snga phyir 'gyur ro cog rnams dpal ldan rgyal ba'i sdes/ ti shiha kun dga' rgyal mtshan dpal bzang po bstan pa/ skyong ba'i dus rgyal ba'i bstan pa lnga brgya bdun pa'i mthar nye ba 'gro ba'i bla ma ston pa gdul bya'i/ ngor zhi bar gshegs pa'i tshul bstan nas/ lo sum stong bzhi brgya brgyad bcu 'das pa me mo phag lo la dbu gtsugs te/ bzhengs pa rnams rgyal sras byang chub dpal gyis rgyu'i dngos po bzang zhing kha na ma tho ba med pa rnams kyis bstan pa'i 'byung gnas dpal na len dra dang mtshungs pa'i chos gra chen po dpal gung thang gi gtsug lag khang du dad pa dang / brtson 'grus che zhing blo gros</font><hr>71.295a<br><font size=+1>

gsal la tshul khrims kyi rgyan dang ldan pa'i dge ba'i bshes gnyen rnams kyis zhus dag lan gsum mdzad pa 'di sa mo glang gi lo gsar gyi zla ba lo stong lnga brgya bcwa brgyad bstan pa'i lhag mar yod pa'i dus su legs par grub pa'o/ /kha ta dang dos rnams btsun pa thang chen pa kun dga' 'bum la sogs pa sdom brtson dam pa mang du thos shing sde snod 'dzin pa rnams kyis rgya gar skad la sogs pa legs par sbyar ba'i skad sor bzhag rnams ni sngon gyi lo ts+tsha ba chen po rnams kyi mdzad pa bye brag tu rtogs byed chen po dang / sgra sbyor bam po gnyis pa la sogs pa la brten nas dag par byas shing / bod skad rnams ni yul skad dang / 'phral skad ngan pa rnams dang ma 'dres par bod yul gyi sngon gyi brda mas mkhan po rnams dang / sgyur byed dam pa snga phyir byon pa rnams kyi brda gsar rnying / skad gsar bcad la sogs pa'i rjes su 'brangs nas ma mya da drag sa stsogs la sogs pa yod med rnams mkhas pa rnams kyis ji ltar mdzad pa ltar gsung rab kyi dpi byi rnams la snga zhus gsung rab gsum gsum dang gtugs te brda don ma nor bar dag par bgyis nas gzhi dung gi sa bzhi ltar dkar zhing 'jam la mkhregs pa'i lho rgyal po lha khang gi sho gu la/ dam che zhing mdangs gsal ba ud pa la sngon po lta bu rgya nag chen po las 'ongs pa'i snag tshas/ /'bur dkyus tshugs gsum la mkhas pa'i mthar phyin pas yi ge'i rig byed la slob dpon kyi go 'phang thob pas</font><hr>71.295b<br><font size=+1>

dag snyoms mdzes par bzhengs pa/ dbus gtsang gi yi ge pa yid gzhungs shing mkhas pa rnams kyis legs par bris pa la phyi zhus lan gsum du bgyis te bzhengs pa rnams las khyad par du thugs dam mdo mangs skye dgu'i blo gros mun sel phan bde'i gter chen zhes bya ba 'di bla ma dam pa chos kyi rgyal po rin po che'i thugs dam lha mi'i rgyan mchog ma zhes bya ba dang / pho brang chen po gtsang chu mig ring mo'i gtsug lag khang gi mdo mangs rnams kyi nang nas mchog tu gyur pa dge ba'i shes gnyen 'dar phyar kyis bzhengs pa'i mdo mangs 'dar phyar ma zhes grags pa dang / 'brang mtshams phug chud ma zhes grags pa dang / dga' 'bar ma zhes grags pa dang / dpal snar thang gi gtsug lag khang gi mdo mangs rnams kyi mchog tu gyur pa mkhan po chen po mchims kyi thugs dam mdo mangs gser gzhung ma dang / phyug rgyal ma dang / dgon gsar ma la sogs pa rnams dang / gzhan yang bla ma gru spang rtsa ba'i thugs dam mdo mangs 'dzam gling rgyan dang / shog chung gi gtsug lag khang gi mdo mangs drug bcu rtsa gnyis dum dang / spun gsum gyi gtsug lag khang gi mdo mangs dang / zha lu gser khang gi gtsug lag gi mdo mangs gzhi ma dang / smon dar zhes grags pa la sogs pa mdo sna mang zhing go rims legs pa rnams la dpe phyi byas nas snar thang du bzhengs pa rnams phyi mor gdan drangs te/ mdo dngos ma yin pa rgyud sder gtogs pa'i gzungs rnams ni rgyud 'bum gyi nang du bris shing / gser mdog gi rtogs pa brjod pa dang / dge ba'i bshes gnyen gyi rtogs pa brjod pa dang / kun la'i rtogs pa brjod pa dang / dge 'dun 'phel gyis lung bstan pa dang / li lung bstan pa la sogs pa rnams ni bde bar gshegs</font><hr>71.296a<br><font size=+1>

pa mya ngan las 'das nas phyis 'phags pa rnams kyis mdzad pa yin zhing / gdags pa'i bstan bcos rnams kyang mdo sde pa la sogs pa grub mtha' smra ba kha cig bkar mi 'dod la/ skyes rabs dang / sangs rgyas bcom ldan 'das la bstod pa bsngags par 'os pa bsngags pa la sogs pa'i bstod pa rnams dang / gzhon nu ma bdun gyi rtogs pa brjod pa la sogs pa rnams ni phyis slob dpon dpa' bo la sogs pa bstan bcos mkhan po rnams kyis mdzad pa yin pa'i phyir dang / thub pa drang srong garga'i ltas kyi rnam pa bstan pa la sogs pa 'ga' zhig phyi rol pa'i rig byed kyi gzhung gi cha shas su snang bas bstan bcos 'gyur ro cog gi nang du bris pas 'dir ni theg pa che chung gi mdor nges pa rnams theg pa dang brjod bya 'thun pa dang / mtshan 'thun pa dang / sde tshan 'thun pa rnams so sor bsdebs te grangs dang go rims tshang la ma nor bar rgyu bzang zhing bkod pa legs par bzhengs pa yin no/ /de ltar bsod nams dpal gyis rab mtho ba/ /dpal ldan bla ma dge sbyong chen po de'i/ /thugs kyi dgongs pa rdzogs par bya ba'i phyir/ /mkhas pa'i 'byung gnas dpal gyi snar thang nas/ /bka' 'gyur dri med phyi mor gdan drangs te/ /chos kyi rgyal po dpal ldan rgyal ba'i sdes/ /phan dang bde ba'i 'byung gnas rgyal ba yi/ /bstan pa spel phyir bde bar gshegs pa'i gsung / /gangs ri'i khrod 'dir ji snyed 'gyur ro cog /legs par bzhengs par gyur pa de dag las/ /'di ni skye dgu'i blo gros mun sel zhing / /phan bde'i gter chen zhes bya'i mdo sde'o/ /de ltar dpal ldan lhag bsam dag pa'i mthus/ /gsung rab rin chen tshul bzhin bzhengs pa las/ /byung ba'i dge ba ston ka'i zla 'od dang / /mkha' ltar dag cing yangs pa gang thob des/ /'gro kun phan</font><hr>71.296b<br><font size=+1>

bde'i 'byung gnas rgyal ba yi/ /bstan pa rin chen phyogs dus kun khyab cing / /sde 'dzin skyong dang srung ba'i dam pa rnams/ /skye dgu'i dpal du yun ring bzhugs gyur cig /gang gis gsung rab dri med 'di bzhengs pa/ /chos kyi rgyal po dpal ldan rgyal ba'i sde/ /bstan dang 'gro ba'i rtsa lag dam par ni/ /sa chen steng 'dir yun ring bzhugs gyur cig /khyad par du yang des pas sa skyong ba'i/ /mi dbang yon mchod 'khor dang bcas pa rnams/ /snyun med sku tshe ring zhing chab srid brtan/ /byams brtse'i thugs kyis skye dgu skyong gyur cig /srid 'bangs rnams kyang phan tshun byams ldan zhing / /nad dang mu ge 'thab rtsod la sogs pa/ /phyi nang nyer 'tshe'i gnod pa kun zhi nas/ /tshe ring 'byor ldan bstan la dad gyur cig /gang dag 'di la sgo gsum gus pa yis/ /bya ba byed dang rjes su yi rang dang / /rgyu rkyen 'bul dang chos spyod rnam bcu yis/ /tshul bzhin sgrub par byed pa de dag kyang / /'dir yang tshe ring nad med 'byor ldan zhing / /skye zhing skye ba'i skye ba thams cad du'ang / /'khor lo bzhi dang yon tan rnam bdun dang / /rnam smin brgyad ldan dal 'byor lus thob nas/ /mthong dang bsgom pas spong bya'i nyon mongs dang / /shes bya'i sgrib pa bag chags bcas pa kun/ /spong byed gnyen po lam lnga sa bcu rnams/ /rim gyis bgrod nas kun mkhyen thob par shog /gang la brten nas nyes tshogs rnam spong zhing / /gnas skabs</font><hr>71.297a<br><font size=+1>

mthar thug dge legs kun 'byung ba/ /spobs pa bzhi ldan bde bar gshegs pa'i gsung / /mdo sde dkon mchog rnams kyi bkra shis shog /zhus te/ dag go/ /yang zhus she/ dus phyis mdo mangs kyi po ti rang ga rnams kyi gzhung lugs dang 'thun pa'i 'chos dgos rnams legs par gtan la phab nas dag par bzhugs pa skar mas bgyis so/ /bkra shis par gyur cig / // ye d+harmA he tu pra b+ha bA he dun te ShA~M ta thA ga to h+ya ba data/ te ShAny+tsa yo ni ro d+ha e ba~M bA dI ma hA shra ma NaH// //mdo mangs pu ti sum bcu rtsa gnyis la/ mdo grangs nyis brgya brgyad bcu rtsa bzhi bzhugs// //

</font><hr>

</table>