J326

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>J326</h1><td>(<a href="https://adarsha.dharma-treasure.org/kdbs/jiangkangyur" target="new2">e-text produced by ADARSHA</a>)<br><br><a href="verif2.php?id=J326&coll=lithang">see text in Tibetan script</a></table>82.203b<br><font size=+1>

/'phags pa dkon mchog brtsegs pa chen po'i chos kyi rnam grangs le'u stong phrag brgya pa las le'u nyi shu rtsa bdun pa ste des pas zhus pa/ bam po gcig pa/ @#/ /rgya gar skad du/ Ar+ya su ra tA pa re pr-its+tsha nA ma ma hA yA na sU tra/  bod skad du/ 'phags pa des pas zhus pa zhes bya ba theg pa chen po'i mdo/ sangs rgyas dang byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na/ dge slong stong nyis brgya lnga bcu'i dge slong gi dge 'dun chen po dang byang chub sems dpa' sum khri nyis stong dag dang thabs gcig tu bzhugs te/ 'khor bzhi dang / rgyal po dang / blon po dang / grong rdal gyi mi dang / ljongs kyi mi rnams kyis bkur stir byas/ bla mar byas/ rim gror byas/ mchod par byas so/ /de'i tshe mnyan yod kyi grong khyer na grong khyer gyi mi dbul po des pa zhes bya ba sangs rgyas la dad pa mi phyed pa dang ldan pa/ chos la dad pa mi phyed pa dang ldan pa/ dge 'dun la dad pa mi phyed pa dang ldan pa/ bslab pa'i gzhi lnga yongs su bzung ba/ dge ba bcu'i las kyi lam dang ldan pa/ byams pa la gnas te sems can thams cad la sems snyoms pa/ snying rje la gnas te yid yongs su skyo ba med pa/ dga' ba la gnas te chos kyi kun dga' la dga' zhing mos pa/</font><hr>82.204a<br><font size=+1>

btang snyoms la gnas te bde ba dang sdug bsngal gyis mi bskyod pa/ bla na med pa yang dag par rdzogs pa'i byang chub la yang dag par zhugs pa/ sngon gyi tshul phun sum tshogs pa/ thabs la mkhas pas sems can yongs su smyin par byed cing dbul por ming du chags pa zhig gnas te/ lha'i dbang po brgya byin gyis lha'i mig rnam par dag pa mi las 'das pas grong khyer gyi dbul po des pa shin du 'dod pa chung ba/ chog shes pa/ tshul khrims dang brtul zhugs dang ldan pa/ yid 'khrugs pa med pa/ rtag tu bzhin 'dzum pa/ gzhan gyi 'khrul pa dag la skyon du mi lta ba/ sems can thams cad kyi sems srung ba/ brkam pa med pa/ shes bzhin du spyod pa/ chog shes shing dgang sla la gso sla ba/ bsam pa phun sum tshogs pa/ g.yo med pa/ nga rgyal med pa/ dka' blo bde ba/ 'thun par 'dzin pa/ rtag tu gso sbyong gi yan lag brgyad dang ldan pa/ lag na shing lo'i snod thogs pa/ rtswa bting ba la nyal ba/ gos ngan pa gyon pa/ rnyed kyang mi len pa/ bzang yang rung ngan kyang rung bgo bsha' byas nas za ba/ dus gsum du de bzhin gshegs pa la lta ba/ chos nyan par 'dod pa/ gtam sna tshogs 'byung ba la spobs pa dang ldan pa/ sems can thams cad kyis mthong na dga' ba de mthong ngo / /mthong nas 'di snyam du sems te/ ci grong khyer gyi dbul po 'di yi dam la brtan nam mi brtan bdag gis brtag go snyam mo/ /de nas lha'i dbang po brgya byin gyis mi mang po mngon par sprul nas grong khyer gyi dbul po des pa la tshig</font><hr>82.204b<br><font size=+1>

ngan pa dag gis gshe zhing spyo bar byed do/ /bong ba dang / dbyug pa dang / mtshon cha dag kyang bstan na nges de bzod pa'i stobs kyis dang du len par byed de/ mi 'khrug cing gnod sems mi bskyed do/ /de nas lha'i dbang po brgya byin gyis mi gzhan dag cig sprul nas des pa'i mdun du bzhag ste/ des pa de la dga' ba'i tshig gis kho bo cag ni khyod kyi don byed par 'dod pa yin gyis/ ci ste khyod 'dod pa lta na khyod la sdigs pa'i dgra gang yin pa de dag kho bo cag gis tshar bcad par bya'o zhes smras so/ /des bas smras pa/ grogs po dag thong de skad ma zer cig /gal te mi 'di dag gi kho bo'i lus dum bu brgyar dum bu dum bur gtubs su zin kyang kho bo ni mi 'di dag la sdig pa'i sems mi skyed do/ /grogs po dag 'jig rten dag ni dge ba dang mi dge ba'i phyogs gnyis la gnas la de'i 'gro ba ni gnyis kho na ste/ dge ba'i phyogs kyi ni bde 'gro'o/ /mi dge ba'i phyogs kyi ni ngan 'gro'o/ /de bas na kho bo ni sems can pha rol tshig pa za bar byed par nga mi 'dod na gtse ba lta ci smos/ de nas de'i tshe tshigs su bcad pa 'di dag smras so/ /sa bon tsha ba rnams kyi ni/ /'bras bu tsha ba skye bar 'gyur/ /sa bon mngar ba rnams kyi ni/ /'bras bu mngar ba skye bar 'gyur/ /dpe zlar bya ba 'di yis na/ /sdig pa'i rnam smin tsha ba dang / /dkar po'i 'bras bu mngar ba dag /mkhas pa'i mis ni shes par 'gyur/ /rtag tu lus dang ngag yid kyis/ /sdig pa rnam gsum mi bya zhing / /gzhan dag byed kyang mkhas pa yis/ /rjes su dga' bar mi bya'o/ /lus dang ngag dang yid rnams kyis/ /dkar po rnam gsum rtag tu bya/ /</font><hr>82.205a<br><font size=+1>

gang dag dge ba spyod byed pa/ /gzhan dag la yang yi rang bya/ /de nas lha'i dbang po brgya byin gyis dus gzhan zhig na des pa la dbyig dang / gser mang po bstan nas 'di skad ces smras so/ /des pa 'o ni las khyer la sbyin bdag byin cig /bsod nams dag gyis shig /gos dang rgyan dag kyang thogs shig /khyod ngan cing dbul bas ci zhig bya/ des pas smras pa/ grogs po dag sngon sems can rnams la lus kyis nyes par spyad pa dang / ngag dang / yid kyis nyes par spyad pas 'dir dbul po zhes bya bar gyur to/ /de bas na kho bo ni ma byin par len pa byed par mi 'dod do/ /brgya byin gyis smras pa/ des pa khyod da ltar je bde bar 'tsho bar gyis shig /'jig rten pha rol bsam pas khyod la ci zhig bya/ des pas smras pa/ grogs po gang tshe 'di ched cher 'dzin pa 'di ni byis pa'i chos yin gyis mkhas pa rnams ni tshe phyi ma ched cher 'dzin to/ /'dod pas zil gyis non pa dang / zhe sdang gis zil gyis non pa dang / gti mug gis zil gyis non pa dang / 'dod chags kyis zil gyis non pa dag ni ma byin par len par byed kyis mkhas pa dag ni brkam pa ma yin no/ /sogs 'jog ched cher 'dzin pa dag ni ma byin par len par byed kyi mkhas pa dag ni sogs 'jog mi byed do/ /bdag gir 'dzin pa dang bcas shing yongs su 'dzin pa dang bcas pa dag ni ma byin par len par byed kyi mkhas pa dag ni bdag tu mi 'dzin cing yongs su 'dzin par mi byed do/ /lus dang srog la lta ba dag ni ma byin par len par byed kyi mkhas pa dag ni lus dang srog la mi lta'o/ /ngoms mi shes shing chog mi shes pa ni ma byin par len par byed kyi mkhas pa dag ni ngoms shes shing chog shes</font><hr>82.205b<br><font size=+1>

pa yin no/ /'tsho ba yongs su ma dag dag ni ma byin par len par byed kyi mkhas pa dag ni 'tsho ba yongs su dag pa yin no/ /las ma mthong ba dag ni ma byin par len par byed kyi mkhas pa dag ni las mthong ba yin no/ /rnam par 'tshe ba ched cher 'dzin pa dag ni ma byin par len par byed kyi mkhas pa dag ni rnam par mi 'tshe ba ched cher 'dzin to/ /byams pa'i sems med pa dag ni ma byin par len par byed kyi mkhas pa dag ni byams pa'i sems dang ldan no/ /phyin ci log bzhis sems bslad pa dag ni ma byin par len par byed kyi mkhas pa dag ni sems phyin ci ma log pa yin no/ /gzhan yang sems can dbul po gang yin pa de dag kho bos tshigs su bcad pa dag gis bshad kyis nyon cig /bye ba phrag stong gter yod kyang / /gang dag la ni gtong med pa/ /de dag 'jig rten 'dir dbul zhes/ /thos mang rnams kyis de skad bshad/ /gang la zan cig med bzhin du/ /de ni gtong la rab gnas na/ /de ni 'jig rten nor che zhes/ /yang dag gzigs pa rnams kyis bshad/ /gang la sdig med 'phags pa ni/ /rnam pa kun gyis mdzes pa yin/ /byis pa sdig pa byed pa ni/ /shin du brgyan kyang mdzes ma yin/ /mkhas pa dag gis spyos sla yi/ /byis pas bsngags pa de lta min/ /byis pa sdig pa bsngags par byed/ /mkhas pa dag ni sdig la smod/ /de nas lha'i dbang po brgya byin gyis dus gzhan zhig na mi gzhan zhig sprul to/ /de nas mi des gser mang po khyer te des pa la 'di skad ces smras so/ /kye des pa gser khyer la kho bo mi gzhan zhig dang rtsod pa de la khyod gcig pus che bzhi bya bar kho bos byas kyi der kho bo'i che bzhi gyis shig /des pas smras pa/ grogs po thong khyod de skad ma zer cig /</font><hr>82.206a<br><font size=+1>

kho bo ni brdzun zer du mi 'dod do/ /kye grogs po brdzun du smra ba ni bdag la yang slu zhing pha rol la yang slu la 'phags pa la slu ba yin te/ grags pa dmas pa byed pa dang / yid mi ches pa dang / yid du mi 'ong bar byed pa dang / brnyas par byed pa dang / sems yongs su gdung bar byed pa yin no/ /kye grogs po brdzun du smra ba ni kha mnam par byed pa dang / lus smad par byed pa dang / lha'i yid du mi 'ong bar byed pa yin no/ /kye grogs po brdzun du smra ba ni dge ba'i rtsa ba rnams la rku ba dang / dran pa rmugs par byed pa dang / mtho ris kyi lam la sgrib pa yin no/ /kye grogs po brdzun du smra ba ni 'phags pa rnams kyis btsan par mi bya ba dang / yang dag par smra ba rnams kyi nang du tshig mi mdzes pa dang / mkhas pa rnams kyis smad pa dang / sdig pa thams cad kyi rtsa ba dang / brtul zhugs yongs su skong ba'i rtsa ba gcod pa dang / ngan 'gro thams cad kyi rtsa bar gyur pa yin no/ /de nas de'i tshe grong khyer gyi dbul po des pas tshigs su bcad pa 'di dag smras so/ /brdzun du smra ba'i kha nas ni/ /rul pa'i dri yang mnam par 'gyur/ /dgon par ji ltar bcom pa bzhin/ /sngon gyi dkar rnams spong bar byed/ /rmongs pas bdag dang lha rnams dang / /'phags rnams yid kyang 'byung bar byed/ /mi ni gang zhig brdzun zer ba/ /de ni rtag tu dogs par 'gyur/ /brdzun du smra bar byed pa de/ /sdig pa kun gyi rtsa ba dang / /dka' thub can gyi rtsa gcod dang / /ngan 'gror 'gro ba zhes kyang bya/ /gal te 'dzam gling gang ba yi/ /gser dag khyod kyis byin na yang / /kho bo chos ni bsrung ba'i phyir/ /rtag tu brdzun ni smra mi byed/ /de nas brgya byin gyis sprul pa'i mis des pa brdzun zer du gzhug ma nus nas song ngo / /de nas lha'i dbang po brgya byin gyis lha'i bu mo nyi 'od dang / lha ma yin gyi bu mo bde sogs la 'di skad ces smras so/ /khyed gnyis song la brtul</font><hr>82.206b<br><font size=+1>

zhugs dang / dka' thub byed pa 'di ci 'dod pa la longs spyod pa zhig gam/ 'on te 'dod pa don du mi gnyer ba zhig yin par rtogs shig /de nas lha ma yin gyi bu mo bde sogs dang / lha'i bu mo nyi 'od nam nangs nas phyogs gang na des pa 'dug pa'i phyogs der song nas des pa la tshig snyan par smras te/ des pa bzhengs/ bdag cag gnyis ni khyod kyi bsnyen bkur bgyid pa lags so/ /des pa bdag cag gnyis kyi gzugs phun sum tshogs pa la gzigs sha tshugs dang / kha dog dang / dbyibs dang / lus byugs pa dang / rgyan dang / chas dang / lhab lhub dag la gzigs/ na tshod dang po'i lang tsho la bab pa la gzigs/ des pa khyod kyi bsnyen bkur bgyid pa 'di 'dra ba bdag nyid kyi bsod nams phun sum tshogs pa la gzigs/ des pas bltas nas smras pa/ khyed gnyis ni sems can dmyal ba dang / dud 'gro'i skye gnas dang / gshin rje'i 'jig rten du zhugs pa rnams kyi bsnyen bkur byed pa yin gyi lha dang mir zhugs pa dag gi ni ma yin no/ /khyed gnyis kyi lus ni sgyu ma dang / rmi lam gyi rang bzhin lta bur kho bos mthong ngo / /khyed gnyis kyi gzugs ni dbu ba dang / chu bur dang / smig rgyu lta bur mthong ngo / /khyed tsan dan gyi mde gus lus byugs pa ni spags pa rlon pa shas yog pa lta bur mthong ngo / /khyed kyi rgyan dang lhab lhub ni mi slu ba'i sgyu ma byas pa lta bur mthong ngo / /khyed kyi lang tsho ni mi rtag pa dang / 'gyur ba'i chos can du mthong ngo / /bsod nams ma yin par mthong ba'i phyir khyed gnyis la kho bo ma chags so/ /khyed gnyis ni spre'u dang / bud med kyi sems lta bur gyur ba rnams kyi bsnyen bkur byed pa yin gyi sems dran pas kun nas bsrungs pa dag gi ni ma yin no/ /che zhe dag 'dod pa la sten pa ni mi sdug pa'o/ /'dod pa la sten pa ni dri nga ba'o/ /'dod pa la sten pa ni rul ba'o/ /'dod pa la sten pa ni shin du sdug bsngal ba'o/ /'dod pa la sten pa ni bde ba thams</font><hr>82.207a<br><font size=+1>

cad yongs su 'grib par byed pa'o/ /'dod pa la sten pa ni sems can dmyal ba dang / dud 'gro'i skye gnas dang / gshin rje'i 'jig rten la sten pa'o/ /'dod pa la sten pa ni ngan 'gro na gnas pa'o/ 'dod pa la sten pa ni 'thab pa dang / rtsod pa dang / 'gyed pa dag la sten pa'o/ /'dod pa la sten pa ni mi mthun pa dang gor na gnas pa'o/ /'dod pa la sten pa ni phyin ci log skyed pa'o/ /'dod pa la sten pa ni srid pa'i bag la nyal ba la gnas pa'o/ /'dod pa la sten pa ni rnam par rmongs shing shin du rmongs la kun du rmongs pa'o/ /'dod pa la sten pa ni nye bar gzir cing rnam par gzir la rab tu gzir ba'o/ /'dod pa la sten pa ni kun du gdungs shing rnam par gdungs la yongs su gdungs pa'o/ /'dod pa la sten pa ni mi dge ba'i rjes su 'jug cing dge ba yongs su nyams par byed pa'o/ /'dod pa la sten pa ni mi dge ba'i rtsa ba skyed pa'o/ /'dod pa la sten pa ni mi dge ba'i sprin gyi dra bas kun nas khebs pa'o/ /'dod pa la sten pa ni srin mo dang 'dris par byed pa dang / gzugs mi sdug pa dang 'dris par byed pa dang / sha za ma dang 'dris par byed pa'o/ /'dod pa la sten pa ni ba lang dang / bong bu dang / khyi dang / phag dang / rnga mo dang / glang po che dang / rta dang / lug dang / wa la sten pa'o/ /'dod pa la sten pa ni skyes bu dam pa ma yin pa la sten pa'o/ /'dod pa la sten pa ni tshul khrims dang / thos pa dang / gtong ba yongs su 'dor ba la sten pa'o/ /'dod pa la sten pa ni brtul zhugs dang / dka' thub 'dor ba'o/ /'dod pa la sten pa ni shin du bag med pa'o/ /'dod pa la sten pa ni nyon mongs pa shin du 'phel bar byed pa'o/ /'dod pa la sten pa ni shin du bar tu gcod par byed pa'o/ /de nas de'i tshe grong khyer gyi dbul po des pas tshigs su bcad pa 'di dag smras so/ /'dod pa mi rtag rtag tu smad pa ste/ /shin du sdug</font><hr>82.207b<br><font size=+1>

bsngal bde ba 'jig par byed/ /rtag tu ngan songs rnams kyi khyim du gyur/ /sems rmongs gyur ba dag gis rtag tu bsten/ /'thab rtsod can de mi bde mtshang du gyur/ /rtag tu 'gyed cing mi mthun go rar gnas/ /'di dag phyin ci log skyed gzhi yin te/ /'dod sten sred pa 'phel byed bde ba med/ /rnam rmongs rab rmongs de bzhin kun du rmongs/ /'dod sten rtag tu gzir cing gnod pa ste/ /'di ni kun gdungs rnam gdungs yongs su gdungs/ /sdig par sbyor zhing dge ba chud gzon pa/ /'di ni mi dge kun gyi rtsa ba ste/ /'dod sten dper na sprin gyi dra ba 'dra/ /'dod sten sha za mo dang srin mo dang / /bud med gzugs mi sdug dang 'dris byed bzhin/ /'di ni ba lang bong bu rta dag dang / /phag dang khyi dang wa dang rnga mo dang / /glang chen lug rnams kyis kyang bsten pa ste/ /'dod pa skyes bu dam pa rnams kyis spangs/ /'dod sten tshul khrims thos dang gtong ba dang / /dka' thub brtul zhugs rnams ni 'joms pa ste/ /'di la rtag tu bag med nyes pa 'phel/ /de phyir thar 'dod rtag tu bud med spong / /gal te 'jig rten 'di dag khyed 'dra ba'i/ /mdangs ldan gzugs can dag gis gang gyur kyang / /yon tan gnas pa kho bo'i sems gcig kyang / /'dod chags la ni nams kyang rton mi 'gyur/ /de nas lha ma yin gyi bu mo bde sogs dang / /lha'i bu mo nyi 'od song nas lha'i dbang po brgya byin la tshigs su bcad de smras pa/ des ni 'di na bu med rnams kyi skyon yang dag /gang lags de dag shin du mthong bar dogs ma mchis/ /ji ltar de yi sems ni yul las log gyur pa/ /de ltar 'dod pa rnams la sems ni chags ma mchis/ /de nas lha'i dbang po brgya byin grong khyer gyi dbul po des pa'i thad du song nas tshigs su bcad de smras pa/ ci zhig don gnyer des pa chos spyod pa/ /brtul zhugs spyod pa de ni rnam dag smros/ /'di yis nyi zla</font><hr>82.208a<br><font size=+1>

'am ni yang na dbang po'am/ /tshangs pa'am lha rgyal ci zhig khyod slong byed/ /des pas smras pa/ nyi ma zla ba de bzhin brgya byin dang / /tshangs pa'am rgyal po'am 'di na gzhan dag kyang / /'gro ba rgya chen gang yod de dag kun/ /gar byed lta bzhin mi rtag mi brtan na/ /mkhas pa su zhig de la dga' bar byed/ /gang la skye med rga med 'chi ba med/ /sdug dang mi sdug rnams dang phrad pa'ang med/ /'gro ba grol mdzad sangs rgyas 'gyur bya zhes/ /de thob bya phyir sems kyi spyod pa des/ /brgya byin gyis smras pa/ phan byed khyod kyi tshig la rjes su yi rang ste/ /khyod kyis smon lam btab pa legs par grub gyur cig /bdud rnams sder bcas myur du nges par bcom nas ni/ /shAkya seng ge rgyal ltar byang chub thob gyur cig /de nas grong khyer gyi dbul po des pas dus gzhan zhig na nor bu rin po che rin thang med pa zhig rnyed nas de 'di snyam du sems te/ nor bu rin po che 'dzam bu'i gling na mchog tu gyur ba 'di bdag gis mnyan yod 'di na thams cad kyi nang na dbul po gang yin pa de la sbyin gor ma chag go snyam nas de grong bar du song ste/ thams cad kyi nang na dbul po su yin pa de la rin po che 'di sbyin no zhes sgra bsgrags pa dang / dbul po mgon med pa la phal po che der 'dus te/ bdag cag dbul po yin gyis bdag cag la byin cig ces 'dzer to/ /des pas smras pa/ khyed ni dbul po ma yin gyi/ mnyan yod 'di na ches dbul ba gzhan zhig yod kyis de la sbyin no/ /de dag gis smras pa/ gang yin/ des pas smras pa/ rgyal po gsal rgyal 'di yin no/ /de dag gis smras pa/ khyod de skad ma zer cig /rgyal po gsal rgyal ni phyug cing nor mang la longs spyod che ba yin gyi/ bdag cag ni dbul zhing mgon med pa yin no/ /des pas smras pa/ nor mang gis ni ci zhig bya/ /</font><hr>82.208b<br><font size=+1>

rgya mtsho la ni klu rnams bzhin/ /gang dag la ni chog med pa/ /ma bsdams de dag dbul po yin/ /gang dag 'dod pa rab 'phel zhing / /ya nga yid ni skye 'gyur ba/ /rmongs pa de dag tshe 'di dang / /pha rol du yang dbul por 'gyur/ /de nas grong khyer gyi dbul po des pa skye bo phal po che de dag gis yongs su bskor cing nor bu rin po che de khyer nas rgyal po gsal rgyal gyi don bya ba'i sa ga la ba der song ngo / /de'i tshe rgyal po gsal rgyal gyis kyang tshong dpon dang / khyim bdag rigs dang ldan pa'i mchog lnga brgya tsam zhig g.yon chung ngu'i phyir bdog pa thams cad phrogs so/ /grong khyer gyi dbul po des pas nor bu rin po che de rgyal po la phul te/ rgyal po chen po nor bu rin po che rin thang ma mchis pa 'dzam bu gling thams cad ri ba bdag gis rnyed pa 'di la bdag gis 'di snyam du bsams te/ mnyan yod 'di na thams cad kyi nang na dbul po gang lags pa de la stsal to snyam mo/ /de la bdag gis 'di snyam du bsam te/ khyod ni 'di na thams cad kyi nang na dbul po lags so snyam bgyid kyis/ kye nor bu rin po che 'di bzhes su gsol/ de nas rgyal po gsal rgyal yul yul por gyur cing ngo tsha bar gyur nas grong khyer gyi dbul po des pa la 'di skad ces smras so/ /des pa ci nga khyod pas kyang ches dbul lam/ des pas smras pa/ lha de lta lags te/ bdag pas khyod ches dbul ba lags so/ /rgyal pos smras pa/ rnam grangs gang gis dbul/ des pas tshigs su bcad de smras pa/ gang gi 'dod pa rab mang rnam par 'phel zhing longs spyod dag gis chog ma 'tshal/ /gnod pa bgyid pa'i slad du rgyal srid 'khrug cing bdag nyid kyang ni 'dor bgyid pa/ /de ni 'di na 'jig rten mi srung yon tan chung ngu dag la mchog tu 'dzin/ /de phyir 'di na de la rtag tu chos 'dod</font><hr>82.209a<br><font size=+1>

rnams ni dbul po lags par sems/ /gang zhig byams pa rab tu bsgoms te sems can rnams la tha ba ma mchis shing / rtag par rgyun du ngan ngon tsam gyis chog par 'dzin cing 'dod pa ma mchis la/ /nyam thag mthong na rtag tu snying rje bgyid cing shar gnyer bgyid pa ma mchis pa/ /ni phyug cing nor bzang shin du nor che dad pa la sogs longs spyod gnas/ /gang zhig 'gro ba 'di na dbang phyug rgya chen ldan la chos srung mi bgyid dang / /gang zhig 'di na skye bo dman zhing sdug bsngal gzir pa bzung nas chad pas gcod/ /gang zhig chung ma dag gis mdun bltas dga' zhing 'jig rten pha rol mi lta ba/ /de ni chos srung mi bgyid shin du dbul zhing dman pa'i mi zhes rig par bgyi/ /dad pas bsam pa dri ma med cing rab brtan tshul khrims dag la yang dag gnas/ /rtag tu ngo tsha shes shing khrel yod thos pa 'dzin te gtong la dga' ba dang / /shes rab kyis ni mthar phyin blo gros ldan zhing 'jig rten kun la lta bgyid pa/ /de dag rtag tu mi dbul thob cing chos 'dod rnams kyis mchod par 'os pa lags/ /gang dag longs spyod rnams la rab chags bde la dga' zhing gtong ba ma mchis la/ /lus dang srog la snying por 'dzin cing rtag par snying po don du mi gnyer dang / /gang dag glang chen myos pa lta bur rtag tu yid myos rnam par rgyu ba dang / /lha cig gang dag dran pa ma mchis de dag dbul ba nyid ni thob pa lags/ /gang dag dkon mchog gsum po dri ma med la gus pa shin du che ba dang / /lus dang srog dang nor rnams las ni rtag tu snying po sgrub pa'i mkhas pa dag /rtag tu mi brkam sdang bar mi bgyid glen pa ma lags rab tu rgyags ma mchis/ /lha cig gang dag chos kyis brgyan pa de dag nor che skyes bu dam pa lags/ /lha cig me ni rtag tu nags kyi sban sbun skam po sreg pas chog ma 'tshal/ /lha cig 'di na rgya mtsho chu klung rnams kyi chu 'dzin pas kyang chog ma 'tshal/ /</font><hr>82.209b<br><font size=+1>

'di na nyi ma zla ba 'di dag mkha' la mthar gyis rgyu bas chog ma 'tshal/ /rgyal po brkam phyir rtag tu longs spyod dag gis chog mi mkhyen pas brlag par 'gyur/ /zhugs ni gum par gyur bas rtswa mang dag gis slar yang 'bar bar yod mi bgyid/ /de bzhin mkhas pa shes rab chog par mi 'dzin nyon mongs rnams kyis 'bar mi bgyid/ /chu yi thigs pa bzhin du rgyal srid dag kyang mi brtan 'jig par rab phyogs na/ /gnod pa'i rtsa bar gyur cing dge ba 'joms pa'i rgyal srid de ni su zhig 'tshal/ /de nas rgyal po gsal rgyal sems 'khrugs nas grong khyer gyi dbul po des pa la 'di skad ces smras so/ /des pa de ltar nga ni dbul la khyod ni phyug par khyod la dpang su yod/ des pas smras pa/ lha de bzhin gshegs pa dgra bcom pa yang dag par rdzogs pa'i sangs rgyas mnyan yod 'di na bzhugs pa khyod kyis ma gsan tam/ rgyal pos smras pa/ ngas mthong yang ma mthong ngo / /des pas smras pa/ lha de ni lha dang bcas pa'i 'jig rten gyi mig tu gyur cing tshad mar gyur ba ste/ de ni bdag gi dpang lags so/ /rgyal pos smras pa/ song la de bzhin gshegs pa de spyan drongs shig dang des ji skad du lung bstan pa de bzhin du ngas gzung bar bya'o/ /des pas smras pa/ ston pa de la ngan bu'am/ pho nya gzhan gtang 'os ma lags/ /'dir ni bdag gis bsam bgyis na/ /de mkhyen nas ni gshegs par 'gyur/ /'jig rten 'di 'am pha rol la/ /de ni mi mkhyen cang mi mnga'/ /thugs kyis bsam pa mkhyen nas kyang / /'dren pa de ni gshegs par 'gyur/ /sems can rnams la thugs brtse bas/ /de la nga rgyal skyon mi mnga'/ /sems can rnams la legs dgongs pas/ /shin du ring du'ang gshegs 'gyur gyis/ /rgyal chen bdag gis gsol ba la/ /da ni legs par thugs ches mdzod/ /gang gis ston pa 'dir gshegs pa'i/ /bden pa'i byin brlabs bgyi bar</font><hr>82.210a<br><font size=+1>

'tshal/ /me tog spos dang me tog phreng / /rgyal mtshan gdugs dang byug pa dang / /sil snyen sta gon mdzod cig dang / /'dren pa de ni gshegs par 'gyur/ /des pas thal mo sbyar nas kyang / /phrag pa gcig tu gos gzar 'dug /pus mo sa la btsugs byas nas/ /'di skad du ni tshig kyang smras/ /kun mkhyen bden po gang gis su/ /bdag gis bsam pa mkhyen ce na/ /bden pa'i tshig ni 'di nyid kyis/ /thub pa bdag gi mdun du bzhugs/ /de nas tshig 'di smras nas kyang / /sa ni rab tu g.yos par gyur/ /sa gzhi rnam par brtol nas ni/ /de bzhin gshegs pa byung bar gyur/ /rdzu 'phrul dag dang ldan pa yi/ /nyan thos lnga brgyas yongs su bskor/ /brgya phrag bcu gnyis snyed dag gi/ /byang chub sems dpa' rnams dang ni/ /skyong ba dang ni lha klu dang / /brgya byin tshangs pas mdun gyis bltas/ /de 'dra'i rdzu 'phrul mthong nas ni/ /de tshe 'jig rten ngo mtshar 'dzin/ /rgyal po dpung bcas blon por bcas/ /ston pa'i zhabs la 'dud par byed/ der ni srog chags stong dag gis/ /ston pa la ni mchod pa byas/ /rdzogs pa'i sangs rgyas mchod byas nas/ /byang chub don du yid btud do/ /de nas grong khyer gyi dbul po des pas bcom ldan 'das kyi zhabs la mgo bos phyag 'tshal nas bcom ldan 'das la lan bdun bskor ba byas te 'di skad ces gsol to/ /bcom ldan 'das bdag mnyan yod 'di na 'khyam zhing mchis mchis pa las nor bu rin po che rin thang ma mchis pa zhig rnyed nas de la bdag 'di snyam bgyid de/ mnyan yod 'di na thams cad kyi nang na dbul po gang lags pa de la stsal to snyam nas de la bdag 'di snyam bgyid de/ rgyal po gsal rgyal 'di ni thams cad kyi nang nas ches dbul ba ste/ 'di ni pha rol gyi nor 'phrog par bgyid pas na ngoms ma 'tshal ba lags so/ /slar zhing don du gnyer bar bgyid pas na chog ma 'tshal ba</font><hr>82.210b<br><font size=+1>

lags so/ /gzhan gyi longs spyod dag gis ngoms ma 'tshal ba lags so/ /sdug bsngal ba rnams la rnam par mtho 'tsham pa lags so/ /skyid pa rnams thal mar 'byin pa lags so/ /dbul po rnams rab tu phung bar bgyid pa lags so/ /phyug po rnams tshar gcod pa lags so/ /shin du rab tu myos pa lags so/ /rgyal po'i longs spyod rnams dang sred pas rnam par bcings pa lags so/ /snyam nas de la bdag gis stsal na len par mi bgyid par 'di skad du de ltar nga ni dbul la khyod ni 'byor bar khyod la dpang su yod ces kyang mchi'o/ /de'i slad du bcom ldan 'das sems can thams cad la thugs snyoms pa/ ngo zlog mi spyod pa mi mnga' ba/ tha ba dang / dri ma dang / khong khro ba mi mnga' ba/ bcom ldan 'das kyis don 'di legs par lung bstan par gsol/ bcom ldan 'das kyis bka' stsal pa/ rgyal po chen po khyod ni tshe 'di'i rgyal srid kyis dbang phyug gi longs spyod gser dang / nor bu dang / mu tig dang / baidU r+ya dang / dung dang / man shel dang / byi ru dang / sa le sbram dang / dngul dang / rta dang / glang po che dang / shing rta dang / dpung pu chung dang / bzhon pa dang / mdzod dang / bang mdzod thob pa gang yin pa 'di dag gis bdag phyug go snyam du sems so/ /rgyal po chen po des pa ni sbyin pa dang / dul ba dang / legs par sdom pa dang / bzod pa dang / des pa dang / tshul khrims dang / brtul zhugs dang / dka' thub dang / bag yod pa dang / sbyangs pa'i yon tan dang / yo byad bsnyungs pa la gnas pa dang / byams pa dang / snying rje dang / dga' ba dang / btang snyoms la gnas pa dang / sangs rgyas dang / chos dang / dge 'dun la dang ba dang / dad pa dang / tshul khrims dang / thos pa dang gtong ba dang / shes rab dang / ngo tsha shes pa dang / khrel yod pa dang / brtan pa dang / sdom pa gang yin pa 'di dag gis bdag phyug go snyam du sems so/ /rgyal po chen po khyod kyi 'og tu gtogs pa'i sems </font><hr>82.211a<br><font size=+1>

can ji snyed pa de dag 'di ltar khyod dang 'dra bar nor dang ldan par gyur kyang de dag ni des pas gom pa bdun bor ba'i bar gyi tshul khrims dang / thos pa dang / brtul zhugs dang / dka' thub dang / bag yod pa'i bsod nams kyi phung po'i brgya'i char yang mi phod pa nas dpe'i bar du yang mi bzod do/ /gsal rgyal gyis gsol ba/ bcom ldan 'das bdag cag gi yul na sems can yon tan gyi che ba nyid 'di lta bu dang ldan pa bdag gnas pa ni bdag gis rnyed pa legs par rnyed lags so/ /bcom ldan 'das kyis bka' stsal pa/ rgyal po chen po khyod kyi yul na sems can yon tan gyi che ba nyid 'di lta bu dang ldan pa dag mang du gnas so/ /de nas rgyal po gsal rgyal gyis des pa la tshigs su bcad de smras pa/ khyod kyis glengs pas kho bo'i nga rgyal nges bcom phyir/ /des pa khyod ni kho bo'i ston pa gnyis pa ste/ /rgyal srid 'di kun khyod sbyin kho bo dpung dang bcas/ /khyod kyi slob ma yin gyis khyod kyis bdag slobs shig /kho bo yun ring dag tu nga rgyal gyis kyang bslus/ /sdig pa'i grogs po dag gis bskor cing bzung ba las/ /des pa khyod nyid las ni chos 'di thos pas na/ /rab tu bsdams te kho bos chos bzhin spyad par bya/ /khyim na gnas pa brgya phrag lnga po 'di dag ni/ /nor gyi ched du kho bos go rar bcug pa ste/ /kho bos thams cad btang gis bde bar 'khod par gyis/ /phyin cad 'di 'dra ba dag kho bo yong mi bgyid/ /lnga brgya btang bar gyur ba gang yin de dag kyang / /des pa la ni zhes legs par bskyed nas kyang / /sems ni skyo bar gyur cing ci la'ang mi lta bar/ /bde ba thams cad mkhyen pa nyid du smon lam btab/ /nga ni dbul ba ma yin khyod ni dbul po zhes/ /des pa khyod kyis tshig 'di legs par smras pa ste/ /des pa la ni gang zhig dbul po zhes brjod pa/ /mi de rgyal po'i khrims dang</font><hr>82.211b<br><font size=+1>

'gal bar byed pa yin/ /de nas bcom ldan 'das la rigs kyi bu des pas 'di skad ces gsol to/ /bcom ldan 'das skye bo'i tshogs chen po 'dus pa 'di ni bcom ldan 'das la lta bas chog ma 'tshal ba lags na bcom ldan 'das de'i slad du ci nas 'di dag gis de bzhin gshegs pa mthong ba don mchis par 'gyur ba de lta de ltar 'di dag la legs par chos bstan du gsol/ bcom ldan 'das kyis bka' stsal pa/ des pa rigs kyi bu chos bzhi dang ldan na de bzhin gshegs pa legs par mthong ba yin no/ /bzhi gang zhe na/ yid ches pa dang / dad pa dang / phangs par 'dzin pa dang / gus pa ste/ chos bzhi po de dag dang ldan na de bzhin gshegs pa legs par mthong ba yin no/ /gzhan yang bzhi ste/ de bzhin gshegs pa'i gzugs kyi sku mthong na bdag kyang 'di 'dra bar gyur cig ces bla na med pa yang dag par rdzogs pa'i byang chub tu sems bskyed pa dang de bzhin gshegs pa ni slu bar mi mdzad pa'i phyir lhag pa'i bsam pa yongs su dag par sems bskyed pa dang / sems can thams cad ston cing cher na rab tu grol bar bya ba'i phyir yang sems de bskyed pa dang / dkon mchog gsum gyi gdung mi 'chad par bya ba'i phyir dam pa'i chos yongs su gzung bar yang sems de bskyed pa ste/ bzhi po de dag dang ldan na de bzhin gshegs pa legs par mthong ba yin no/ /gzhan yang bzhi ste/ gzugs dben par mthong ba dang / tshor ba dang / 'du shes dang / 'du byed dang / rnam par shes pa dben par mthong ba dang / khams bzhi nam mkha' dang 'dra bar mthong ba dang / skye mched grong stong pa lta bur mthong ba ste/ bzhi po de dag dang ldan na de bzhin gshegs pa legs par mthong ba yin no/ /gzhan yang bzhi ste/ bdag med pa'i phyir bdag rnam par dag pa dang / sems can med pa'i phyir sems can rnam par</font><hr>82.212a<br><font size=+1>

dag pa dang / srog med pa'i phyir srog rnam par dag pa dang / gang zag med pa'i phyir gang zag rnam par dag pa ste/ bzhi po de dag dang ldan na de bzhin gshegs pa legs par mthong ba yin no/ /gzhan yang bzhi ste/ lha'i mig mngon par 'du byed pa dang / shes rab kyi mig kun du sbyong ba dang / chos kyi mig gis so sor rtog pa dang / sangs rgyas kyi spyan rjes su rtogs par byed pa ste/ bzhi po de dag dang ldan na de bzhin gshegs pa legs par mthong ba yin no/ /gzhan yang bzhi ste/ chos thams cad mi dmigs pa'i phyir tshul khrims kyi phung po yongs su dag pa dang / chos thams cad mnyam pa nyid kyi phyir ting nge 'dzin gyi phung po yongs su dag pa dang / 'jig rten las 'das pa'i ye shes khong du chud pa'i phyir shes rab kyi phung po yongs su dag pa dang / de'i rnam par grol ba mthong ba'i phyir rnam par grol ba'i ye shes mthong ba'i phung po yongs su dag pa ste/ des pa rigs kyi bu chos bzhi po de dang ldan na de bzhin gshegs pa legs par mthong ba yin no/ /de nas bcom ldan 'das kyis skye bo'i tshogs chen po de dag chos kyi gtam gyis yang dag par dga' bar mdzad nas dang pa'i rgyal po ltar 'khor dang bcas te bar snang la gshegs so/ /de nas ko sa la'i rgyal po gsal rgyal gyis rigs kyi bu des pa la 'di skad ces smras so/ /des pa khyod nam de bzhin gshegs pa la ltar 'gro ba de'i tshe kho bo la yang sbron cig dang / kho bo yang de bzhin gshegs pa la ltar 'gro'o/ /des pas smras pa/ rgyal po chen po de ltar bgyi'o/ /bdag ni khyod bud med dang / gzhon nu dang / blon po la sogs pa'i 'khor dang bcas te de bzhin gshegs pa la gzigs su gshegs par 'tshal lo/ /rgyal po chen po byang chub sems dpa' rnams ni bdag gcig pu la phan</font><hr>82.212b<br><font size=+1>

pa'i phyir zhugs pa ma lags te/ byang chub sems dpa' rnams ni 'khor phal che na mdzes so/ /rgyal pos smras pa/ des pa byang chub sems dpa'i 'khor gang yin/ des pas smras pa/ rgyal po chen po yongs su smin par bgyi ba dang / gdul ba'i slad du sems can thams cad ni byang chub sems dpa'i 'khor lags so/ /rgyal po chen po gzhan yang theg pa gzhan la 'dod pa ma mchis pa'i slad du gzhan dag kyang byang chub yang dag par 'dzin du 'jug pa'i byang chub kyi sems ni byang chub sems dpa'i 'khor lags so/ /rgyal po chen po sems can g.yon can 'dul bar 'gyur ba'i lhag pa'i bsam pa ni byang chub sems dpa'i 'khor lags so/ /rgyal po chen po phyir mi zlogs par 'gyur ba'i 'dun pa drag po ni byang chub sems dpa'i 'khor lags so/ /rgyal po chen po sems can ser sna can yongs su smin par bgyid par 'gyur ba'i sbyin pa ni byang chub sems dpa'i 'khor lags so/ /rgyal po chen po sems can tshul khrims 'chal pa yongs su smyin par bgyid par 'gyur ba'i tshul khrims ni byang chub sems dpa'i 'khor lags so/ /rgyal po chen po sems can gnod sems can yongs su smin par bgyid par 'gyur ba'i bzod pa ni byang chub sems dpa'i 'khor lags so/ /rgyal po chen po sems can le lo can yongs su smin par bgyid par 'gyur ba'i brtson 'grus ni byang chub sems dpa'i 'khor lags so/ /rgyal po chen po sems can sems rnam par g.yengs pa yongs su smin par bgyid par 'gyur ba'i bsam gtan ni byang chub sems dpa'i 'khor lags so/ /rgyal po chen po sems can 'chal ba'i shes rab can yongs su smin par bgyid par 'gyur ba'i shes rab ni byang chub sems dpa'i 'khor lags so/ /rgyal po chen po sems can thams cad la sems</font><hr>82.213a<br><font size=+1>

snyoms pa'i byams pa ni byang chub sems dpa'i 'khor lags so/ /rgyal po chen po 'khor ba la yongs su mi skyo ba'i snying rje ni byang chub sems dpa'i 'khor lags so/ /rgyal po chen po chos kyi kun dga' la dga' zhing mos pa'i dga' ba ni byang chub sems dpa'i 'khor lags so/ /rgyal po chen po rjes su chags pa dang / khong khro ba spong ba'i btang snyoms ni byang chub sems dpa'i 'khor lags so/ /rgyal po chen po sems can thams cad yongs su smin par bgyid par 'gyur ba'i bsdu ba'i dngos po bzhi po dag ni byang chub sems dpa'i 'khor lags so/ /rgyal po chen po sangs rgyas kyi zhing yongs su dag par bgyid par 'gyur ba'i dge ba'i rtsa ba rnam pa sna tshogs sogs pa ni byang chub sems dpa'i 'khor lags so/ /rgyal po chen po bdud kyi las thams cad las yang dag par 'da' bar 'gyur ba'i stong pa nyid dang / mtshan ma med pa dang / smon pa med pa rnams ni byang chub sems dpa'i 'khor lags so/ /rgyal po chen po tshig btsun par 'gyur ba'i bden pa dang mi rtsub pa ni byang chub sems dpa'i 'khor lags so/ /rgyal po chen po spobs pa phun sum tshogs par 'gyur ba'i mi 'phya ba dang 'thing slad mi bgyid pa ni byang chub sems dpa'i 'khor lags so/ /rgyal po chen po brjed ngas par mi 'gyur ba'i thos pa'i yo byad sogs pa ni byang chub sems dpa'i 'khor lags so/ /rgyal po chen po thos pa 'dzin par 'gyur ba'i slad du slob dpon dang mkhan po la gus pa ni byang chub sems dpa'i 'khor lags so/ /rgyal po chen po dam pa'i chos yongs su 'dzin par 'gyur ba'i thos pa 'dzin pa ni byang chub sems dpa'i 'khor lags so/ /rgyal po chen po de bzhin gshegs pa thams cad kyi bstan pa yang dag par 'dzin par 'gyur ba'i dam pa'i chos yongs su 'dzin pa ni byang chub sems dpa'i 'khor lags so/ /rgyal po chen po dge ba'i rtsa ba thams cad yongs</font><hr>82.213b<br><font size=+1>

su rdzogs par 'gyur ba'i dgon pa la gnas pa ni byang chub sems dpa'i 'khor lags so/ /rgyal po chen po sems can ma dad pa dad par 'gyur ba'i 'tsho ba yongs su dag pa ni byang chub sems dpa'i 'khor lags so/ /rgyal po chen po byang chub sems dpa'i sgrub par 'gyur ba'i bag yod pa ni byang chub sems dpa'i 'khor lags so/ /de nas rgyal po gsal rgyal dga' zhing mgu la yi rangs te/ rab tu dga' zhing dga' ba dang yid bde ba skyes nas rgyal po la 'os pa'i ras bcos bu zung stong chos la dgab pa'i phyir des pa la byin no/ /des pas smras pa/ rgyal po chen po bdag la bkur sti dang mchod pa mdzad pas 'tshal to/ /gang gis bdag la 'tshal bar 'gyur ba'i gos ras rul pa'i dum bu brgya btsems pa bdag la mchis kyis bdag ni bdag gir 'dzin pa dang bcas shing yongs su 'dzin pa dang bcas pa'i gos rnams mi 'tshal lo/ /rgyal po chen po dpyid kyi dus na ras rul pa'i dum bu'i gos 'di shing gis yal ga la bkal te dgung gcig gam/ dgung gnyis sam/ dgung bcu 'am/ dgung brgyar mchis kyang de la su yang len pa ma mchis shing de la su yang chags pa'i sems skyed pa ma mchis te/ bdag kyang de bor nas mi lta bar mchi ba'i dus de mchis so/ /rgyal po chen po bdag ni bdag gir 'dzin pa dang / yongs su 'dzin pa dang bcas pa'i gos rnams mi 'tshal lo/ /rgyal po chen po byang chub sems dpa' ni gang la bdag nyid kyang 'dod pa spong bar 'gyur zhing gzhan yang 'dod pa skyed par mi 'gyur ba de lta bu'i gos bcang bar bgyi'o/ /rgyal pos smras pa/ des pa gal te de ltar ras bcos bu zung 'di dag khyod mi len na kho bo la snying brtse ba'i phyir rkang pas rdzis shig /des pas lha de bzhin du bgyi'o zhes smras nas ras bcos bu zung de dag la rkang pas brdzis te song ngo / /rgyal pos smras pa/ des pa ras bcos bu zung khyod kyi rkang pa'i dman mar gyur ba</font><hr>82.214a<br><font size=+1>

'di rnams ni ji ltar bya/ des pas smras pa/ rgyal po chen po sems can dbul po gcer bu gos ma mchis pa gang lags pa de dag la stsol cig /rgyal pos des pa de ltar bya'o zhes smras nas rgyal po'i mi'i rnams la bsgo ste/ de dag gis kyang ji skad bsgo ba bzhin du byas so/ /ras bcos bu zung de dag dbul po de dag gis bgos ma thag tu 'di snyam du sems bskyed de/ bdag gis des pa la ji ltar lan glan par bya snyam pa las sangs rgyas kyi byin gyis brlabs dang / des pa'i smon lam gyi stobs kyis de dag gis bar snang las tshigs su bcad pa 'di dag thos so/ /'dod pa bzhin du lan ni glan bya ba/ /me tog dang ni spos dang byug pa dang / /zas skom nor rnams kyis kyang mi nus te/ /byang chub sems kyis des pa dga' bar 'gyur/ /des pa zas dang gos 'dod ma yin te/ /rnyed dang bkur sti grags pa 'dod ma yin/ /des pa byang chub sems las chos 'dod de/ /byang chub sems kyis des pa dga' ba skye/ /de nas dus gzhan zhig na rigs kyi bu des pa dang / rgyal po gsal rgyal btsun mo'i 'khor dang bcas/ blon po dang bcas 'khor dang bcas pa dang / mnyan yod kyi skyes pa dang / bud med dang / khye'u dang / bu mo dang / srog chags brgya phrag mang po dag bcom ldan 'das blta ba'i phyir dong ngo / /de nas mnyan yod dang rgyal bu rgyal byed kyi tshal gyi bar du lha'i dbang po brgya byin gyis 'khor gyi khyams chen po bkra ba blta na sdug pa yangs shing mtho la rgyan thams cad kyis brgyan pa 'di lta ste dper na sum bcu rtsa gsum gyi lha rnams kyi khang bzangs rnam par rgyal ba lta bu zhig sprul te/ dbus su shing yongs 'du sa brtol sprul to/ /yongs 'du sa brtol gyi drung du yang bcom ldan 'das kyi gdan seng ge khri bkra ba blta na sdug cing chu zheng gab pa la lha'i ras bcos bu brgya stong du ma bting ba mngon par sprul to/ /byang chub sems dpa' rnams kyi stan drug</font><hr>82.214b<br><font size=+1>

khri dag kyang mngon par sprul to/ /lha ma yin gyi bu mo bde sogs dang / lha'i bu mo khri nyis stong yang me tog dang / bdug pa dang / spos dang / me tog phreng dang / byug pa dang / lha'i tsan dan gyi phye ma dag khyer nas sil snyan dang / pheg rdob pa dag byed cing des pa'i g.yog bya ba'i phyir bcom ldan 'das kyi seng ge'i khri brgyan par byed do/ /de nas bcom ldan 'das kyis skye bo'i tshogs chen po de dag 'ong bar thugs su chud nas gtsug lag khang nas byung ste/ byang chub sems dpa' dang / nyan thos rnams kyis yongs su bskor cing gdan bshams pa la bzhugs so/ /de nas dri za'i bu gtsug phud lnga pas lha'i bu mo nyi 'od la smras pa/ bzang mo tshur shog /des pa'i g.yog bya ba'i phyir rgyud kyi sgra dang / glu'i sgra dbyangs kyis de bzhin gshegs pa la mchod par bya'o/ /de nas lha'i bu mo nyi 'od kyis lha'i bu mo lnga brgya tsam dang thabs gcig tu rgyud kyi sgrar sbyar ba'i tshigs su bcad pa dag gis bstod pa/ khyod kyis bskal pa brgyar ni sngan chad dka' thub spyad/ /khyod ni bsdu ba dag dang dul dang sbyin la dgyes/ /khyod kyi sku gsung thugs rnams yongs su dag pa ste/ /srid gsum 'jig rten bla ma la ni bdag phyag 'tshal/ /khyod ni tha ba mi mnga' bzod dang byams la dgyes/ /khyod ni brtson 'grus brtan dang stobs kyi pha rol gshegs/ /khyod ni bsam gtan blo dang tshul rnams snang la dgyes/ /dri ma gsum gyi nyes pa sel la bdag phyag 'tshal/ /khyod ni 'dod chags zhe sdang gti mug sel la dgyes/ /khyod kyi thugs ni zhi zhing snyoms la thugs rje ldan/ /khyod ni yang dag gsung zhing dam pa'i don yang mkhyen/ /srid pa gsum po thar par mdzad la bdag phyag 'tshal/ /khyod ni mthong ba rnams kyi the tshom sel bar mdzad/ /khyod ni mthong ba rnams kyi skyon rnams mtha' dag sel/ /khyod ni mthong ba rnams la mchog tu dga' bar mdzad/ /bdag ni rgyal</font><hr>82.215a<br><font size=+1>

la srog gis skyabs su mchi bar bgyi/ /lha'i bu mo mchog ni 'dod chags chags gyur pa/ /gang gis mthong ba de yang chos la dga' bar 'gyur/ /dga' bas dran pa shin du rgya cher thob 'gyur te/ /dga' bas sdug la 'dod pa'i dga' dang bral bar 'gyur/ /mtshan mchog sum bcu rtsa gnyis dag gi rgyan rnams kyis/ /legs par brgyan pa gsal ba'i yon tan mchog mnga' ba/ /gsung mchog mi yi dam pa gsung ni rnam par dag /mtshungs pa med pa'i 'od mnga' khyod la bdag phyag 'tshal/ /'phags pa 'dzam bu chu bo'i gser mdog phyag mthil sdug /thub pa'i sku stod seng ge'i 'dra zhing glang chen stabs/ /smin tshugs legs shing shangs legs tshems snyoms thags bzang mdzes/ /dpal gyi snying po shAkya thub mchog khyed la 'dud/ /rgyal ba yon tan brgya phrag dag gis rgyas gyur pa/ /bde gshegs shin du dga' ba skyed mdzad bstod pa yi/ /bsod nams yon tan mtha' yas bsgrubs pa gang lags pa/ /de yis 'dir ni 'jig rten sangs rgyas mnyam gyur cig /de nas rigs kyi bu des pa skye bo'i tshogs chen po de dag gis yongs su bskor nas bcom ldan 'das ga la ba der song ste lhags nas bcom ldan 'das kyi zhabs la mgo bos phyag 'tshal te phyogs gcig tu 'dug go/ /de nas rgyal po gsal rgyal gyis rigs kyi bu des pa la khri'u stan bzang po bdag nyid kyis byin te 'di la 'dug cig ces byas nas rigs kyi bu des pa khri'u stan bzang po de la 'dug go/ /rgyal po gsal rgyal 'khor dang bcas pa yang bcom ldan 'das kyi zhabs la mgo bos phyag 'tshal nas rang rang gi stan la 'khod do/ /de nas lha'i bu gang dag gis rigs kyi bu des pa sngon ma mthong ba de dag 'di skad du dbul po gos ngan pa gyon pa 'di la 'di lta bur mchod pa byed do zhes 'dzer to/ /de</font><hr>82.215b<br><font size=+1>

nas lha'i dbang po brgya byin gyis lha'i bu de dag la 'di skad ces smras so/ /grogs po dag 'di la brnyas par ma byed cig /rigs kyi bu 'di yon tan gyi che ba nyid ji snyed pa dang ldan pa de ni kho bo'i mngon sum du gyur to/ /grogs po dag khyed re shig sdod cig dang / rigs kyi bu 'di'i yon tan gyi bkod pa mthong bar 'gyur ro/ /de nas rigs kyi bu des pas lha'i bu de dag gi bsam pa rtogs nas bcom ldan 'das la 'di skad ces gsol to/ /bcom ldan 'das byang chub sems dpa' rnams kyi sems can yongs su smin par bgyi ba'i bkod pa'i thabs dang / ye shes kyi bkod pa'i thabs bcom ldan 'das kyis bshad du gsol/ /de nas bcom ldan 'das kyis sku las 'od phyung ste/ 'od des des pa'i lus la reg nas lha'i dbang po brgya byin gyi gzugs kyi lus yongs su grub pa ci 'dra ba de las 'bum gyur bas kyang ches lhag par gyur to/ /de nas lha'i bu de dag ya mtshan du 'dzin par gyur te/ des pa la me tog dag gis gtor to/ /de nas bcom ldan 'das kyis rigs kyi bu des pa la bka' stsal pa/ des pa gang gi tshe byang chub sems dpa' rdo rje lta bu'i mthu la gnas pa'i tshe yang sems can yongs su smin par bya ba'i phyir dman par ston cing dman pa'i mthu la gnas kyang sems can yongs su smin par bya ba'i phyir mchog tu ston par byed pa 'di ni de'i bkod pa yin no/ /ye shes la gnas kyang mi shes par ston cing mi shes par ston kyang shes par snang ba 'di ni de'i bkod pa yin no/ /ye shes ma thob pa rnams la yang lus kyi spyod pa dang / spyod lam gyi dad pa skyed par byed cing ye shes thob pa rnams la yang spyod pa thams cad yang dag par ston pas rdzu 'phrul ston par byed pa 'di ni de'i bkod pa yin no/ /rtag tu sems la dbang byed pas ngan cing dbul bar ston kyang tshangs pas kyang mchod</font><hr>82.216a<br><font size=+1>

pa dang / mchog gi bkod pa la gnas kyang skye bo phal gyis kyang mchod pa 'di ni de'i bkod pa yin no/ /sems can bsdu ba'i phyir ngan cing dbul bar yang nye bar ston la sems can rnams la mngon par 'byung ba bskyed pa'i phyir longs spyod rgya chen po dang ldan yang mngon par 'byung bar ston pa 'di ni de'i bkod pa yin no/ /de nas bcom ldan 'das la tshe dang ldan pa kun dga' bos 'di skad ces gsol to/ /bcom ldan 'das rigs kyi bu des pas ji srid cig nas byang chub kyi phyir spyad pa bgyis lags/ bcom ldan 'das kyis stsal pa/ kun dga' bo rigs kyi bu des pa ni sangs rgyas bye ba mang po la bsnyen bkur byas pa/ sngon gyi tshul phun sum tshogs pa/ bzod pa gsum thob pa/ spobs pa thob pa/ mngon par shes pas rnam par rtse bar byas pa/ sems can yongs su smin par bya ba la mkhas pa ste/ ngan cing dbul bas sems can rnams 'dul bar byed do/ /gsol pa/ bcom ldan 'das 'dis ngan cing dbul ba 'dis sems can ji snyed cig btul lags/ bcom ldan 'das kyis bka' stsal pa/ kun dga' bo lha'i bu 'bum phrag mang po dag bla na med pa yang dag par rdzogs pa'i byang chub tu yongs su smin par byas te/ mi rnams kyang de dang 'dra 'o/ /kun dga' bos gsol pa/ bcom ldan 'das 'di ji srid cig na ni bla na med pa yang dag par rdzogs pa'i byang chub mngon par rdzogs par 'tshang rgya bar 'gyur/ 'di'i sangs rgyas kyi zhing gi bkod pa rnams ni ci 'dra ba zhig tu 'gyur/ ming ni ji skad ces bgyi ba zhig tu 'gyur lags/ de nas bcom ldan 'das kyis tshe dang ldan pa kun dga' bo la tshigs su bcad de bka' stsal pa/ sems can don la brtson dang brtul zhugs brtan pa dang / /grags pa rgya chen dag gis bsam pa khyab byas dang / /byang chub yon tan gnas pa spyod pa ci 'dra ba/ /ngas ni khyod</font><hr>82.216b<br><font size=+1>

la bshad kyis kun dga' khyod nyon cig /'di na rgyal mchod mchog phyir ni gus byed cing / /dam pa'i chos ni bsrung phyir rab tu brtson byed pa/ /des pa yi ni spyod pa'i rnam pa gang yin pa/ /de dag 'dir ni bgrang bar nus par mi 'gyur ro/ /pha rol phyin pa 'di dag la ni legs par bslabs/ /mngon par shes pa dag gis sngan chad rtse bar byas/ /tshangs pa'i gnas rnams kyis ni mtha' mar phyin par song / /thabs la mkhas pa'i spyod pa dag la legs par bslabs/ /'dir ni de yis 'dus byas skyon rnams legs par mthong / /sangs rgyas byang chub kyang ni mngon sum gyur bar byas/ /'dis ni sems can ji lta ji ltar thar 'gyur ba'i/ /rnam par smin pa'i mtshan nyid la yang legs par bslabs/ /'jigs pa med cing blo dang rtogs dang dran dang ldan/ /spobs pa dang ni gzungs rnams dang yang ldan pa ste/ /bdud kyi lcags kyu nyon mongs rdzab las nges byung zhing / /sangs rgyas spyod yul don chen la ni rab tu gnas/ /'jig rten chos rnams mang po dag gis ma gos la/ /chags pa la sogs rnams kyis brag ltar yong mi g.yos/ /su yi drung du mi 'gro ring bar byed pa 'am min/ /nam mkha' lta bur bcings dang grol ba med pa yin/ /snying rjer gnas shing sems kyang yongs su skyo ba med/ /shin du bsdams shing nem nur can la byams sems ldan/ /sems can kun la bdag dang 'dra bar sdug par lta/ /skyon la mi lta 'khrug pa dag dang ldan ma yin/ /ji ltar bstan pa bzhin du sgrub pa rnams la gnas/ /'di ni ji skad smras pa bzhin du spyod par byed/ /chos nyid la ni chos kyi tshul gyis legs par bslabs/ /stong pa nyid la mos shing gnyis las rnam par grol/ /bzod pa gsum thob skye bo'i spyod yul ma yin te/ /sangs rgyas tshul dang yon tan dag la rab tu gnas/ /</font><hr>82.217a<br><font size=+1>

'di ni 'jig rten gang du rgyu ba byed pa na/ /der ni skye bo mang po rnam par grol bar byed/ /sangs rgyas kyi ni sras 'di gang du gnas pa der/ /de bzhin gshegs pas yul ni stongs pa ma yin te/ /de la lha dang bcas pa'i 'jig rten ma lus pas/ /ji ltar sangs rgyas bzhin du 'di la gus par gyis/ /nga ni mya ngan 'das nas nyams pa'i dus bab tshe/ /des pa 'di ni sangs rgyas spyod pa spyad nas kyang / /sngon chad gnas pa mngon par dga' ba'i 'jig rten khams/ /mi 'khrugs 'jig rten nyid du phyir yang 'gro bar 'gyur/ /brtan po srog chags rnams la phan par bya ba dang / /zhing gi 'byor pa dag ni yongs su btsal ba dang / /byang chub tu ni sems can yongs su smin bya'i phyir/ /bskal pa grangs med gsum du spyad pa spyod par byed/ /de yi 'og tu de ni skyob pa rgyal bar 'gyur/ /ming ni 'jig rten rgyal po dbang phyug ces kyang bya/ /de bzhin gshegs pa mi 'khrugs pa zhes bya ba yi/ /zhing dang de yi 'jig rten du ni mtshungs pa yin/ /'jig rten khams de legs par sbrul pa zhes bya ste/ /yon tan thams cad dang ni ldan par 'gyur ba yin/ /de yi tshe yi tshad ni lo khri thub par 'gyur/ /de yi dge 'dun shin du mang ste bgrang las 'das/ /nyan thos theg pa can gyi dge 'dun nyung bar 'gyur/ /phal cher byang chub don du brtson pa byas nas su/ /de dag thams cad ye shes stobs dang rdzu 'phrul ldan/ /rnam par thar pa rnams dang ldan zhing 'jigs pa med/ /gcig tu nges par chos ni legs par bshad rnams kyis/ /'jig rten khams der rtag tu sgra chen sgrogs par 'gyur/ /de na bdud rnams med cing srid par chags pa med/ /de dag thams cad yang dag rig cing rnam par dag /bde bar gshegs de yongs su mya ngan 'das gyur nas/ /lo ni brgyad cu dag las bzhi</font><hr>82.217b<br><font size=+1>

lhag rnams su yang / /de yi dam pa'i chos ni rab tu spyod par 'gyur/ /de tshe de yi chos kyi tshul ni 'khrugs pa med/ /des pa de yis gang dag yongs su smin byas pa/ /de dag byang chub bla na med pa'i don du spyod/ /zhing der sems can gang dag 'byung bar 'gyur ba rnams/ /de dag thams cad skyon rnams dang ni bral ba yin/ /bcom ldan 'das kyis rigs kyi bu des pa'i lung bstan pa bshad ma thag tu de nas de'i tshe stong gsum gyi stong chen po'i 'jig rten gyi khams rnam pa drug tu g.yos te/ lha'i me tog dang / phye ma dang / gos dang / rgyan gyi char yang mngon par bab bo/ /thams cad dang ldan pa'i 'khor gyis kyang rang rang gi gos rnams rigs kyi bu des pa la bkab bo/ /tshong dpon dang / khyim bdag dang / bram zer brgya phrag mang po dag kyang rab tu byung ngo / /de nas bcom ldan 'das la des pas 'di skad ces gsol to/ /bdag kyang legs par gsungs pa'i chos 'dul ba la rab tu 'byung bar gsol/ /de nas bcom ldan 'das kyis rigs kyi bu des pa'i mgo bo la phyag gi byugs so/ /bcom ldan 'das kyis rigs kyi bu des pa'i mgo bo la reg ma thag tu gos ngur smrig bgos shing dge slong du snang bar gyur to/ /de nas bcom ldan 'das kyis tshe dang ldan pa kun dga' bo la 'di skad ces bka' stsal to/ /kun dga' bo snyigs ma lnga po dus kyi snyigs ma dang / sems can gyi snyigs ma dang / zhing gi snyigs ma dang / tshe'i snyigs ma dang / nyon mongs pa'i snyigs ma'i dus su byang chub mngon par rdzogs par sangs rgyas nas der des pas ji ltar 'dul ba las rnam pa gzhan gyis gdul bar mi bya'o/ /kun dga' bo nga ni 'jig rten gyi khams mi mjed du sangs rgyas kyi 'dul bas sems can rnams 'dul bar mi byed kyi/ kun dga' bo nga ni ngan cing dbul ba dang / ngan 'gro'i 'jigs</font><hr>82.218a<br><font size=+1>

pas bsdigs pas sems can rnams 'dul bar byed do/ /kun dga' bo gal te 'jig rten gyi khams 'dir ngas sangs rgyas kyi yul gyis chos bstan cing sangs rgyas kyis yul nye bar bstan du zin na sems can gcig kyang 'dul bar mi 'gyur la chos kyang rtogs par mi 'gyur ro/ /kun dga' bo de lta bas na nga dang des pa ji ltar 'dul bar byed pa de bzhin du khyod kyis kyang sems can 'dul bar gyis shig /kun dga' bo sems can dad pa can dang / rtogs pa mang ba dag 'byung bar 'gyur te/ de dag gis chos kyi rnam grangs 'di thos nas dad pa rnyed cing de bzhin du sgrub par 'gyur ro/ /bcom ldan 'das kyis de skad ces bka' stsal nas/ tshe dang ldan pa kun dga' bo dang / byang chub sems dpa' des pa dang / byang chub sems dpa' de dag dang / dge slong de dag dang / lha'i dbang po brgya byin dang / rgyal po gsal rgyal dang / lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do/ /'phags pa dkon mchog brtsegs pa chen po'i chos kyi rnam grangs le'u stong phrag brgya pa las des pas zhus pa'i le'u zhes bya ste nyi shu rtsa bdun pa rdzogs so// //rgya gar gyi mkhan po dzi na mi tra dang / su ren dra bo d+hi dang / zhu chen gyi lo ts+tsha ba ban de ye shes sde la sogs pas bsgyur cing zhus te gtan la phab pa/ </font><hr>

</table>