/yang zhus she skar zhus/ thang rgyal gnyis kyi ma dpe gsum la gtugs te zhus chen bgyis bdog cing dag par byas pas slan chad kyang 'di ltar bris//[ ]//thams cad mkhyen pa la phyag 'tshal lo/ /bcom ldan 'das kyis 'jam dpal rnon po la bstod pa/ mthing nag mdzes pas 'jam par 'tsher ba'i dbu/ /lcangs lo rdzings bskyong mthing gi mtsho ltar g.yo/ /dge ba'i spyi gtsug mtshan mchog g.yas su 'khyil/ /gtsug tor 'phags pas skye bos bltar mi mthong / /srid pa'i sdug bsngal ma lus gzhom pa dang / /mthu chen byin gyis rgal ba gzhom pa'i phyir/ /dbu rgyan gcod pan rgyal ba'i mchog gsang zhing / /chos kyi rgyal thabs dbang gi pha rol phyin/ /rin chen spug dang ut+pal 'dra ba yi/ /shin tu dngas par dkar nag phyed pa'i spyan/ /smin tshugs mdzes pas zla ba tshes ltar 'khyug /mig 'dzums zur gyis lta bas byams pa'i rtags/ /sil snyan rnam dag 96.14b mtshan rab 'bru chags pa/ /rin chen ma lus rnam pa du mas spras/ /rgyal bas zhing mang rnam pa sna tshogs su/ /rnam thar dpag yas chos sgo grangs med gnas/ /shangs kyi dbyibs legs skye bo yongs las 'phags/ /mtho la yid tsam zur la legs pa'i mtshan/ /drang la chu phran 'dra bar mdzes pa'i tshul/ /bzangs legs bskal pa brgyar yang bltar mi ngoms/ /pad ma leb rgan tshon ltar dmar ba'i sgros/ /yid gzhungs 'phel ba 'khyil ba bzang legs sku/ /mdog sdug chu skyes snang ba mtsho lo bzhin/ /shin du dang ba'i yid kyis 'dzum pa mdzad/ /zhal ras zla 'dra gser gyi mdog gis rgyas/ /'od kyi dkyil 'khor gser phreng du mas spras/ /gsal ba'i 'od phung nyi ma brgya bas lhag /'od zer sna tshogs sprin phung bzhin du 'phro/ /chos dbyings 'jams pa'i dbyangs kyis sgra sgrogs pa/ /ka la ping ka lta bur yid 'phrog mdzad/ /sang sang dbyangs rab gsung dbyangs rab bsgrags pa/ /seng ge'i nga ro gser gyi dril ltar 'khrol/ /skyes mchog mdzad pa rgam par mdzad pa'i sku/ /cha lugs bzhin 'chang gzi brjid 'phags pa'i sku/ /gzhon nu'i tshul chags shin du gzhon par gda'/ /gdul bya'i skye bo gzhon nu'i gzugs kyis gdul/ /dbu rgyan rin chen rnam pa sna tshogs dang / /mu tig do shal gser gyi rgyan du bkod/ /pad ma lha yi na bza' sil ma bsnams/ /g.yas na mtshon mchog bsnams pa thabs kyis 'dul/ /dpe med rno ba shes rab nyid du nges/ /chos dbyings tshul nyid yang dag brjod pa dang / /mi shigs rdo rje gtan nas 'bigs pa'i tshul/ /g.yon pa shes rab pha rol phyin pa dang / /blang dor gnyis med bsam gyis mi khyab dbyings/ /zab mo'i chos nyid thugs su chud pa'i don/ /bcom ldan 'das kyis 'jam dpal rnon po la bstod pa rdzogs s+ho// |