J515

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>J515</h1><td>(<a href="https://adarsha.dharma-treasure.org/kdbs/jiangkangyur" target="new2">e-text produced by ADARSHA</a>)<br><br><a href="verif2.php?id=J515&coll=lithang">see text in Tibetan script</a></table>97.68a<br><font size=+1>

@##/ /rgya gar skad du/  ma hA sA ha sra pra marda nA ma sU tra/  bod skad du/  stong chen po rab tu 'joms pa zhes bya ba'i mdo/ sangs rgyas dang byang chub sems dpa' thams cad la phyag 'tshal lo/ /'di skad bdag gis thos pa'i dus gcig na/ bcom ldan 'das rgyal po'i khab na/ bya rgod phung po'i ri'i lho phyogs kyi ngos sangs rgyas kyi spyod yul shing ljon pa rab tu snang ba'i nag tshogs na dge slong gi dge 'dun chen po stong nyis rgya lnga bcu la 'di lta ste/ tshe dang ldan pa shA ri'i bu dang / tshe dang ldan pa maud gol gyi bu chen po dang / tshe dang ldan pa 'od bsrung chen po dang / tshe dang ldan pa ga ya 'od srungs dang / tshe dang ldan pa chu klung 'od srung dang / tshe dang ldan pa cang shes kau de n+ya dang / tshe dang ldan pa dga' byed dang / tshe dang ldan pa bkA' t+ya'i bu chen po dang / tshe dang ldan pa bak+ku la dang / tshe dang ldan pa brlangs pa dang / tshe dang ldan pa bsrus po che dang / tshe dang ldan pa ngag dbang dang / tshe dang ldan pa rta thul dang / tshe dang ldan pa rab 'byor dang / tshe dang ldan pa lag bzang dang / tshe dang ldan pa ma 'gag pa dang / tshe dang ldan pa lteng rgyas 'od srungs dang / tshe dang ldan pa nam gru nas tshe dang ldan pa kun dga' bo'i bar du de la sog pa'i dge slong stong nyis brgya lnga bcu'i dge slong gi dge 'dun chen po dag dang thabs cig tu bzhugs so/ /de yi tshe bcom ldan 'das dge slong gi dge 'dun dang bcas pa la lus 'phags mo'i bu yul ma ga d+ha'i rgyal po ma skyes sgras na bza' dang / bshos dang gzim cha dang / snyun gyi gsol sman dang / yo byad rnam kyis bkur bsti byas/ bla mar byas bsting bstang du byas/ mchod par byas so/ /yang de'i tshe sa yang cher g.yos par gyur/ sprin 'dus pa chen po yang byung / dus ma yin pa'i rlung dang / ser ba chen po dang / sprin chen po las char pa chen po yang 'bab par 'gyur/ </font><hr>97.68b<br><font size=+1>

'brug kyang di ri ri zer/ glog kyang byung / phyogs bcu yang 'khrugs par gyur to mun pa mun nag chen po yang byung ste/ skar ma rnam kyang mi snang nyi ma dang zla ba rnam kyang 'od dang mi ldan par gyur te/ lhan ner ma yin/ lhang nger ma yin zhing 'od mi gsal bar gyur to/ /de nas yang yangs pa can gyi grong khyer chen por 'jig pa de dag byung ba dang / yangs pa can gyi lid tsa byi kha cig gis grong gzhan dang grong khyer pa gang yin pa de gdon 'byung pos btab par 'gyur/ grong gis gzhon nu rnams dang tsis mkhan rnam dang blon po dang / blon po chen po dang / 'khor na gnas pa dang / bran pho dang bran mo dang / las byed pa dang mngag pa dang g.yog kha cig kyang gdon 'byung pos btab par gyur yul yangs pa can gyi ljong kun gyi dge slong dang / dge slong ma dang dge snyen dang / dge bsnyen ma rnam kyang 'jigs skrags dngang te skyi bung zhes byed nas kha gnam du bltas te ngu 'bod cing / sangs rgyas dang chos dang dge 'dun la phyag 'tshal bram ze dang khyim bdag gang dag sangs rgyas kyi bstan pa la mngon par ma dad pa'i bram ze dang / khyim bdag de dag kha cig ni tshang pa la phyag 'tshal kha cig ni brgya byin la kha cig ni 'jig rten skyongs ba rnam la phyag 'tshal kha cig ni dbang phyug chen po dang / nor bu bzang po dang / gang ba bzang po dang / 'phrog ma dang nyi ma dang zla ba dang gza' dang / skar ma dang ri dang nags 'tshogs dang sman dang / shing ljon pa dang klung dang / lteng ka dang mtshe'u dang rdzing bu dang rdzing dang / mchod brten gyi gnas na gnas pa dag la phyag 'tshal zhing bdag cag 'di 'dra ba'i gnod pa 'jigs pa'i gnas nas ji ltar thar bar 'gyur snyam du sems shing 'khod pa dag bcom ldan 'das kyi mi las 'phags pa'i spyan rnam par dag pas gzigs so/ /de nas bcom ldan 'das kyi rdzu 'phrul mngon par 'du mdzad pa gang mngon par 'dus</font><hr>97.69a<br><font size=+1>

mdzad pas stong gsum gyi stong chen po'i 'jig rten gyi khams dbyangs kyi go bar gyur nas lha dang mi dang lha ma yin du bcas pa'i 'jig rten dad par gyur te 'dus par gyur pa rnam pa de lta bu'i rdzu 'phrul mngon par 'dus mdzad pa mngon par 'du mdzad do/ /de nas mi mjed kyi bdag po tshangs pa dang / tshangs ris kyi lha rnam dang lha rnam kyi dbang po brgya byin dang / sum bcu rtsa gsum gyi lha rnams dang rgyal po chen po bzhi dang / rgyal chen bzhi'i ris kyi lha rnams dang gnod sbyin gyi sde dpon nyi shu rtsa brgyad dang gnod sbyin chen po stobs po che sum bcu rtsa gnyis dang 'phrogs ma bu dang bcas 'khor dang bcas pa kha dog 'phags pa dag nub mo 'das pa dang / dag pa lta bu'i bya rgod phung po'i ri la bdag gi kha dog dang mthus snang ba chen pos snang bar byas ste/ bcom ldan 'das ga la ba der dong nas phyin pa dang / bcom ldan 'das kyi zhabs la mgo bos phyag 'tshal te phyogs cig tu 'khod nas tshigs cig dbyangs gcigs ngag gcig tu bcom ldan 'das la tshigs su bcad de mngon par bstod pa/ shin tu 'bar ba'i gser dang 'dra/ /zla ba nyi ma'i 'od dang mtshungs/ /dpal ldan rnams thos bu bzhin brtan/ /rin chen rnams kyi 'byungs gnas lags/ /seng ge glang chen 'dra ba'i 'gros/ /glang chen myos pa bzhin du gnon/ /gser gyi ri bo dang yang mtshungs/ /'dzam bu'i gling gi gser brgyan 'dra/ /skar ma rnam kyi yong bskor ba'i/ /namakha'i zla ba dri med bzhin/ /nyan thos dge 'dun rnams kyi dbus/ /mtshan rnam kyis ni rgyan par 'gyur/ /lha dang bcas pa'i 'jig rten 'di/ /thub pa la ni bskyabs su mchi/ /mi rnams la ni phan pa'i phyir/ /bsrungs ba dus su nye bar gnas/ /sangs rgyas snga mas bshad pa'i/ /stong chen rab 'joms mdo sde 'di/ /khor ra 'khor yug ri mtha'i bar/ /mtshams gcod pa'i dam pa lags/ /</font><hr>97.69b<br><font size=+1>

phyag 'tshal skyes bu dpa' khyod la/ /phyag 'tshal skyes bu mchog khyod la/ /chos kyis rgyal po thub chen la/ /thal mo sbyar te phyag 'tshal lo/ /de nas bcom ldan 'das kyis yud rtsam cig cang mi gsung bar dgongs nas rgyal po chen po bzhi po dag la bka' stsal pa/ rgyal po chen po dag khyod kyis 'khor nga'i 'khor la 'tshe bar sems pa de ni tshul ma yin no/ /de ci'i phyir zhe na/ mi'i 'jig rten 'dir sangs rgyas byung ba dang / chos legs par gsungs pa dang / dge 'dun legs par bsgrubs pa de la sa bon 'di btabs na sangs rgyas bcom ldan 'das rnams dang / rang sangs rgyas rnams dang / dgra bcom pa rnams dang / nyan thos rnams 'jig rten du 'byung bar 'gyur/ de la 'jig rten de dag gis dge ba'i rtsa ba bskyed nas lha'i ris sum bcu rtsa gnyis las lha'i ris gang yang rungs ba dag du skye bar 'gyur/ rgyal po dag kyang dmag rnam bzhi dang ldan pa nas gling bzhi la dbang ba'i 'khor lo bsgyur ba'i rgyal por 'gyur ro/ /rgya 'tsho la thug pa'i sa'i dkyil 'khor chen por chos kyis rgyal srid byed par 'gyur te/ de dag la yang bu dpa' ba/ rtul phod pa/ yan lag mchog gi gzugs dang ldan pa tshan po che'i stobs kyi shug bdog pa pha rol gyi sde rab tu 'jom pa/ rin po che sna bdun dang ldan pa stong 'byung bar 'gyur ro/ /de bas na 'jig rten 'dir rnams pa 'di lta bu 'byung bar 'gyur bar khyed snying las chung ngus gnas pas gnas par gyis shig /de nas rgyal po rnam thos kyi bu stan las langs te/ bla gos phrags pa gcig tu gzer nas pu mo g.yas pa'i lha nga sa la gtsugs te/ bcom ldan 'das ga la ba de logs su thal mo sbyar ba btud de/ bcom ldan 'das la 'di skad ces gsol to/ /bcom ldan 'das bdag cag la grong dang bskyed mo tshal dang gzhal med khang dang khang pa brtseg pa dang bsil khang dang / </font><hr>97.70a<br><font size=+1>

sgo khang dang rta babs dang skar khung dang / dar gyi lda ldi bzangs zhing mdzes pa rnam pa sna tshogs dang ldan pa dang dril bu dang mu tig gi dra bas yongs su bskor ba dang / pog phor nas bdug pas bdug pa dag dang me tog gis gtor bas khyim dang gnas dang khang pa chen po dag mchis te der bdag cag bu med rgya phrag stong dag gis yongs su bskor cing 'dod pa'i yon tan lnga tshang par spyod pa dang ldan par gyur nas gnas te btsun pa bcom ldan 'das bdag cag rab tu myos pas bag ma mchis par gnas pas gnas pa na/ 'khor zas dang skom tshol du phyogs bcu kun tu byer zhing skyes pa dang bu med dang khye'u dang bu mo dang btsas ma thag pa dang / dud 'gro'i skye gnas su gtogs pa'i srog chags rnams kyi mdangs 'phrogs 'tshe bar bgyid/ bgegs bgyid gsod par bgyid srog dang bral bar bgyid de/ btsun pa bcom ldan 'das kyi spyan sngar bdag cag gis 'khor bzhi'i mdun du bdag cag gi 'khor gyi tshul gyi mtshan ma bstan par bgyi'o/ /gang gis 'khor gyi gdon byung ba der rgyal po chen po de'i gzugs mchod brten dang bcas pa chen po bgyid te/ nad pas rgyal po chen po de'i ming nas 'byung zhing dri sna tshogs kyi rang gi lag nas bdug par bgyi'o/ /dog sa la me tog sil ma bkram ste/ zhugs mar bus la mchod rten de la mchod par bgyi'o/ /btsun pa bcom ldan 'das bdag gis 'khor gnod sbyin gyi gdon gyis btabs pa'i tshul gyi mtshan ma ni 'di lta bu lags te/ phyi phyir rgod cing 'jigs par 'gyur/ /smrar bar bgyid cing khro bar 'gyur/ /de ni gnyid kyang log par 'gyur/ /yang na shin du na bar 'gyur/ /rtag tu gyen du lta bar 'gyur/ /skar ma dag la snyeg par bgyid/ /nub mo shin du dga' bar 'gyur/ /rtag du 'dar zhing sgra 'byin te/ /de la sngags kyi tshig mchis kyi/ /'jig rten mgon po bdag la gson/ /</font><hr>97.70b<br><font size=+1>

s+yad ya the dan/ sid d+he su sid d+he/ sa twe a re/ a ra Ne ba le ma hA ba le dzam b+he dza Ti le/ a kha ne ma kha ne kha kha ne/ kha re T+Te khar rge ha ri ping+ga le te ming+gi le ti ming+gi le te ming+gi le ti ming+gi li ni ma~M ga l+ye swa hA/ bdag gi sngags kyi tshig rnam grub par gyur cig rgyal po chen po rnam thos kyi bu'i ming dang stob dang dbang phyug dang byin gyis bdag dge bar gyur cig swa hA/ de nas rgyal po chen po yul 'khor srung stan las langs te/ bla gos phrag pa cig tu gzer nas pus mo g.yas pa'i lha nga sa la btsug te/ bcom ldan 'das ga la ba de logasu thal mo sbyar nas bcom ldan 'das la 'di skad ces gsol to/ /bcom ldan 'das bdag gi 'khor dri za'i gdon gyi btab pa'i tshul gyis mtshan ma ni 'di lta bu lags te/ glu len cing ni bro brdung ste/ /rgyan rnams la yang dga' bar bgyid/ /brkam pa ma mchis med par smra/ /rgod par bgyid cing khro bar 'gyur/ /skom par 'gyur la mig dmar te/ /rtag tu rim gyi 'deb par bgyid/ /mig kyang 'byed par mi bgyid de/ /rgyab kyis phyogs shing nyal bar bgyid/ /de la sngags kyis tshigs mchis kyis/ /'jig rten mgon po bdag la gson/ /s+yAd ya the dan/ a khe/ na khe/ bi na khe/ b+han d+he/ ba rAng+ge/ tsa pa le ba khe ba kha ne/ ba gi ni/ a khe ni na khe ni/ ba hu le/ b+ha khe/ b+ha gan da le/ ba she ba sha brtIn swa hA/ rgyal po chen po yul 'khor bsung gi ming dang / stobs dang / dbang phyugs dang / byin gyis bdag gdon thams cad dang gnod pa thams cad las thar bar gyur cig swa hA/ de nas rgyal po chen po 'phags skyes po stan las langs ste/ bla gos phrag pa gcig tu gzer nas pus mo g.yas pa'i lha nga sa la btsug te/ bcom ldan 'das ga la ba de logasu thal mo sbyar ba nas bcom ldan 'das nyid la phyag 'tshal zhing 'di skad ces</font><hr>97.71a<br><font size=+1>

gsol to/ /bcom ldan 'das bdag gi 'khor yi dag grul bum gyis zin pa'i tshul gyi mtshan ma ni 'di lta bu lags te/ shin tu skom pas 'debs par 'gyur/ /g.yeng bas btab cing lta bar 'gyur/ /bzhin yang dmar por gda' bar 'gyur/ /bskum nas sa la nyal bar 'gyur/ /kha dog ngan cing lus kyang skem/ /skra dang sen mo ring ba ste/ /dri ma can la dri mi bda'/ /brdzun dang kyal pa smra bar bgyid/ /de la sngags kyi tshig mchis kyis/ /'jig rten mgon po bdag la gson/ /s+yAd ya the dan/ kha kha kha mi/ kha la ne/ kha la mi/ kha rA li/ kha ra li/ ka ra khe/ ka sha ni/ ka ra Te/ kA li/ kA mi ni bi ba le/ bi d+he ya sha ya ni sa ma ba te/ sha ma/ sha ma ni swA hA/ rgyal po chen po 'phags skyes po'i ming dang / stobs dang dbang phyug dang / byin gyis bdag gi gdon dang / gnod pa thams cad thams cad zhi bar gyur cig swA hA/ de nas rgyal po chen po mig mi bzang stan las langs te/ bla gos phrag pa gcig tu gzar nas pus mo g.yas pa'i lha nga sa la gtsugs te/ bcom ldan 'das ga la ba de logs su thal mo sbyar nas/ bcom ldan 'das nyid la phyag 'tshal zhing 'di skad ces gsol to/ /bcom ldan 'das bdag gi 'khor klu 'dab bzangs kyi gdon gyis btab pa'i tshul gyi mtshan ma ni/ 'di lta bu lags te/ skyegs bus 'debs shing dbugs kyang 'byin/ /de bzhin dbugs kyang grang bar 'gyur/ /rngul zhing dbu ba kha chu 'byung / /phyi phyir gnyid kyang logs par 'gyur/ /kha dog ldan zhing dpa' ba ste/ /de bzhin 'dar zhing rgyug par 'gyur/ /sen mo dag kyang ston par bgyid/ /dog sar mchis shing ngu bar bgyid/ /de la bsngags kyi tshig mchis kyis/ /'jig rten mgon po bdag la gson/ /s+yAd ya the dan/ kra ka mi/ kra ga ma ni/ kra ga se/ kru gra she/ kra kra/ sha mi/ kru shru mi kru shru me/ kruk+ka/ ku klu ma/ kru ge/ a ga le/ na ga le/ sa ma ga le/ </font><hr>97.71b<br><font size=+1>

ku hu me gu me/ a la ke /ka lu ke /ka la ma le/ ga la le/ ka la Ta ke /i ri mi re/ d+hi re/ a ru ga ba ti swA hA/ rgyal po chen po mig mi bzang gi ming dang / stobs dang / dbang phyug dang / byin gyis bdag dge bar gyur cig swA hA/ de nas bcom ldan 'das kyis de'i tshe 'khor thams cad kyi mdun du seng ge'i sgra bsgrags pa/ nga ni stob bcu dang ldan zhing mi 'jigs pa bzhis 'jigs pa med pa ste/ 'khor gyi nang du seng gi'i sgra khyu mchog lta bu rgya chen po yang dag par bsgrag go/ /tshangs pa'i 'khor lo bskor ro/ /sde dang mthu dang bzhon bcas pa'i/ /bdud kyang gcig gis rab tu btul/ /sems can thams cad bsrung ba'i phyir/ /rigs sngags thams cad nga la nyon/ /s+yAd ya the dan/ a sang ge/ khaT+ga ba te/ ba la ba te/ ba la ni r+g+ho she/ shU re/ shU ra ba te badzras mi/ badzra ga me badzra d+ha re/ stam b+he/ dza~M b+he dri D+ha sA re/ bi ra dze bi g+ha She/ ba rA gra prAp+te/ a ra Ne a ra N+ye d+har+m+ma yug te/ di shi bi g+huSh+Te swA hA/ de bzhin gshegs pa'i mtshan dang / stobs dang / dbang phyug dang / byin gyis bdag dge bar gyur cig swA hA/ phyogs bzhi'i 'jig rten skyongs ba dag /sangs rgyas kyis ni gsung thos nas/ /'jig dang skrags dang dngangs gyur te/ /thal mo sbyar nas 'khod par gyur/ /'byung po'i tshogs ni lhag ma rnams/ /dngangs 'khrugs rod rod por gyur nas/ /phyogs bcur rab tu 'byer byed cing / /sgra bo che yang sgrogs par byed/ /rgyal po chen pos de shes nas/ /gsang ba gsum ni yang dag smra/ /kye ma rig sngags rig sngags che/ /stong chen rab tu 'jom byed pa/ /sangs rgyas kyis ni gsungs pa de/ /thos nas 'byung po skrag gyur te/ /dper na rab tu 'bar me dang / /til mar ngar btags ral gri bzhin/ /gau ta mas ni rab bshad pa'i/ /rig sngags spu gri'i so dang 'dra/ /drang srong tshig ni legs bshad pa/ /de la gang zhig ma dad na/ /</font><hr>97.72a<br><font size=+1>

de yi bu'i thu bo ni/ /tshangs pa'i zhag pas med par 'gyur/ /me ni rab tu 'bar byas nas/ /bla dang 'og dang phyogs bzhir yang / /sbyin sreg gi ni chus gtor te/ /nas dang yungs kar blangs nas su/ /mar gyi snying po dang sbyar nas/ /me'i nang du blugs par bya/ /legs par gsungs pa 'di thos nas/ /gal te myur du mi gtong na/ /thams cad 'bar bar 'gyur ba ni/ /mar dang yungs kar mer blugs bzhin/ /gnod sbyin chad pas bsdigs nas su/ /de dag bde ba mi rnyed de/ /de'i rtsib logs g.yas par ni/ /'bras chen nad kyang 'byung bar 'gyur/ /gnod sbyin nad kyis btab pa na/ /sha bkra'i nad kyi btab par 'gyur/ /lcang lo can gyi pho brang du/ /gzhar yang 'gro bar mi 'gyur ro/ /lus ngan grags dang ldan pa yi/ /khyim yang mthong bar mi 'gyur te/ /'byung po mang po tshogs pa na/ /stan yang thob par mi 'gyur ro/ /gnod sbyin dag ni dkyil 'khor du/ /zas skom dang yang 'bral bar 'gyur/ /stong chen rab 'jom mdo sde la/ /gnod sbyin gang dag mi phyogs pa/ /de la rdo rje 'chang khros te/ /spyi bo dag ni 'gems par 'gyur/ /spu gri so ni rtsub po yis/ /de yi lce ni gcod par 'gyur/ /mtshon cha shin du rnon po yis/ /de'i sna dang rna ba bcod/ /'khor lo spu gri'i so 'dra bas/ /glad pa rab tu gshags par byed/ /tho ba lcags kyis dkris pa yis/ /de'i snying la 'jom par byed/ /rnag dang khrag ni dron mo dag /de yi kha nas 'dzag par 'gyur/ /rig sngags zhag pa'i chad pa yis/ /rtag tu 'khor bar 'gro ba na/ /'khor ba gnod sbyin dkyil 'khor du/ /de nyid du ni 'khor bar 'gyur/ /rgyal po chen po dpal ldan pa/ /phyogs bzhi dag tu song gyur nas/ /chos kyi go cha bgos gyur te/ /bzang po'i khri la 'dug pa ni/ /shar phyogs na ni yul 'khor srung / /lho phyogs na ni</font><hr>97.72b<br><font size=+1>

'phags skyes po/ /nub phyogs na ni mig mi bzang / /byang phyogs na ni lus ngan po/ /dpal dang gzi brjid 'bar ba yi/ /rgyal po dag ni phyin pa dang / /de tshe ston pa thams cad mkhyen/ /bar snang gnas la rab tu 'phags/ /tshangs pas sprul pa'i gzhal med khang / /der ni rdo rje'i gdan la bzhugs/ /de nas tshangs dang tshangs chen rnams/ /thal mo sbyar 'khod phyag 'tshal lo/ /dpal ldan gser gyi ri bo 'dra/ /gser gyi mchod sdong dang yang mtshungs/ /me tog pad ma bzhin du rgyas/ /sa la'i rgyal po bzhin du rgyas/ /nyi ma dang 'dra zla nya la/ /skar ma rnams kyis yongs bskor bzhin/ /thub sku gser gyi kha dog la/ /mtshan rnams kyi ni yongs su bskor/ /'jig rten mes po tshangs pa yis/ /'jig rten sgron ma bstod byas te/ /'jig rten mgon po'i spyan sngar ni/ /'jig rten skyong la 'di skad smras/ /'jig rten skyong gi 'khor rnams kyis/ /rjes su bstan pa ma thob ste/ /gang phyir 'di las sangs rgyas dang / /rang sangs rgyas dag 'byung 'gyur zhing / /'di las nyan thos rnams kyang skye/ /lha rnaMs dag kyang skye bar 'gyur/ /rig byed yan lag drug mthar phyin/ /bram ze rnams kyang skye bar 'gyur/ /drang srong skal ba chen po dang / /dge sbyong bram ze 'di las skye/ /khyed cag snying las chung byed pa/ /mi'i skye dgu gnod par 'gyur/ /tshangs pa yi ni tshig thos nas/ /'jig rten skyong gi tshig smras pa/ /tshangs pa chen po de bzhin no/ /thub pa chen po de bzhin no/ /bdag gi ri rab bsgul byas shing / /sa yang rab tu bzlog byas pa/ /rgya mtsho la ni thug pa rnams/ /rnam par sbyang ba nyid du bya/ /zhag pa dam po ma nyam pas/ /nyi ma zla ba rlung rnams dang / /skar ma</font><hr>97.73a<br><font size=+1>

dag ni thams cad kyang / /bdag gis su ni bcing bar bya/ /gang dag rab tu sdang byed cing / /'jig rten la ni phan mi byed/ /de dag la ni thams cad du/ /phyogs kyang snang bar mi bya'o/ /'jig rten lha dang bcas pa de/ /'byung po rnams kyi phyir smod do/ /'byung po mi'i skye dgu la/ /gnod par byed cing 'tshe bar byed/ /gang dag sngags dang sman rnams dang / /rig sngags las ni 'da' byed pa/ /'di la sngags kyi dam pa ni/ /pha rol gnon pa ston par byed/ /rig sngags las ni 'da' ba'i 'khor/ /kun du chad pas bsdigs byas te/ /'jig rten mgon po'i spyan sngar ni/ /yang dag par yang brjod par bgyi/ /gang gi 'byung po'i dkyil 'khor du/ /'di bshad pa na mi nyan pa/ /de dag chad pa bshad par bya/ /tshangs pas sprul pa'i mdo sde'o/ /sangs rgyas zhabs la phyag 'tshal te/ /phan tshun du ni blta byas nas/ /bai DUr+ya dang gser dang dngul/ /mu tig rnams dang shel dag dang / /spug dang rdo yi snying po dang / /rin chen bdun gyis brgyan pa'i/ /rtsibs stong kha dog gser 'dra ba'i/ /shing rta rnam pa bzhi byas pa/ /bzo rnams kun dang ldan pa ste/ /rdzu 'phrul gyis ni mkha' la 'gro/ /rgyal po dag ni der bzhugs nas/ /'byung po'i dkyil 'khor nyid du dong / /sa ni gser gyis phye ma dang / /me tog dag gis bkang byas nas/ /mgul par ltung dang skud pa dang / /zhags pa dag kyang gdags byos la/ /phyogs kyi sa ni ci snyed pa'i/ /'byung po thams cad khrid shog ces/ /gnod sbyin gyi ni sde dpon kun/ /phyogs bzhi dag tu dgye ba byas/ /stong chen rab tu 'joms pa yi/ /mdo sde yi ni dam pa 'di/ /tshangs pa'i 'jig rten bar du byung / /lha rnams kun gyis rnams par bsams/ /stong chen po'i lus kyi su/ /gnod sbyin dang ni srin po btul/ /lus ngan po'i tshig thos nas/ /gnod sbyin gyi ni sde dpon dag /phyog bzhi dag tu song nas su/ /gsang ba po la drag tu bsgo/ /thub pa 'byung po nyi shu brgyad/ /dri za las byung gdon gyi rnams/ /</font><hr>97.73b<br><font size=+1>

shar phyogs cha na 'khod pa dag /mdo sde'i zhags pas de dag kun/ /bcing ba lnga yis bsdams pa yi/ /'byung po mang po nga la nyon/ /thub pa 'byung po nyi shu brgyad/ /grul bum las byung gdon gyi rigs/ /lho phyogs cha 'dir 'khod pa dag /mdo sde'i zhags pas de dag kun/ /bcing ba lnga'i bsdams pa'i/ /'byung po mang po nga la nyon/ /thub pa 'byung po nyi shu brgyad/ /klu las gdon du gyur pa rnams/ /nub phyogs cha 'dir 'khod pa dag /mdo sde'i zhag pas de dag kun/ /bcing ba lnga'i bsdams pa'i/ /'byung po mang po nga la nyon/ /thub pa 'byung po nyi shu brgyad/ /gnod sbyin las ni gdon gyur pa/ /byang phyogs cha 'dir 'khod pa dag /mdo sde'i zhags pas de dag kun/ /bcing pa lnga yis bsdams pa yi/ /'byung po mang po nga la nyon/ /lus ngan po'i bu thu bo/ /kun du du rgyal ba mi la zhon/ /de yi drung na 'khod pa yi/ /gnod sbyin bye ba drug bcu dag /bcing pa rnam pa lngas bsdams nas/ /mdo sde'i zhag pa kun du drangs/ /de nyid kyi ni bu gnyis pa/ /skyed pa po zhes rnam grags pa/ /de yi drung na 'khod pa'i/ /gnod sbyin bye ba drug bcu dag /bcing pa rnam pa lngas bsdams nas/ /mdo sde'i zhag pas kun du drang / /de nyid kyi ni bu gsum pa/ /de yi ming ni gdon po che/ /de yi drung na 'khod pa yi/ /gnod sbyin bye ba drug bcu rnams/ /bcing pa rnam pa lngas bsdams nas/ /mdo sde'i zhag pa kun du drangs/ /de nyid kyi ni bu bzhi pa/ /de yi ming ni bum pa'i lto/ /de'i drung na 'khod pa yi/ /gnod sbyin bye ba drug bcu rnams/ /bcing pa rnam pa lngas bsdams nas/ /mdo sde'i zhags pas kun du drangs/ /dbang phyug chen po lha chen po/ /lag bzhi pa la stobs po che/ / de yi drung na 'khod pa'i/ /gnod sbyin bye ba drug bcu rnams/ /bcing pa rnams pa</font><hr>97.74a<br><font size=+1>

lngas bsdams nas/ /mdo sde'i zhags pas kun du drangs/ /'byung po 'joms pa'i ri la ni/ /'byung po thams bcad lhags nas su/ /rigs sngags thams cad 'byung ba'i gnas/ /rig sngags 'di ni kun du bsam/ /chad pa mi zad drag po ste/ /gang phyir sangs rgyas kun gyis gsungs/ /gau ta ma la gus par ni/ /thams cad de la skyabs su song / /g.yo med par ni rjes zhugs shig  / thams cad med par gyur ta re/ /de nas thang cig yud tsam gyis/ /'byung po mang po thams cad lhags/ /ri rnams dang ni g.yang sa dang / /rgya mtsho dang ni mtsho rnams dang / /klung dang 'bab chu lu ma dang / /dba' rlong dag na gang 'khod dang / /bskyed mos tshal dang gzhal med khang / /kun dga' dang ni nags rnams dang / /mchod rten gnas dang grong gi gnas/ /ljon shing drung na gang gnas dang / /grong khyer sgo dang grong dang ni/ /grong rdal dang ni ljongs rnams dang / /rgyal po'i pho brang sgo rnams dang / /gzhal med khang na gang gnas dang / /dkyil 'khor dag dang dur khrod dang / /de bzhin lha khang rnams dang ni/ /mtshams dang sho gam gnas rnams dang / /khang stong dang ni gram sa dang / /gnod sbyin gang rnams bla 'og dang / /phyogs bzhi dang ni mtsham rnams nas/ /gnod sbyin bye ba stong rnams ni/ /rig sngags zhags pas bkug pa rnams/ /rdza rnga dag ni brdungs nas su/ /la las rnga zlum dag ni brdungs/ /pi wang gling bu 'khar ba'i rnga/ /stobs chen rnams ni sgra 'byin te/ /rol mo'i dbyangs sgra sna tshogs dang / /glu dang gar rnams byas nas su/ /dbang po zla ba chu lha dang / /b+ha ra dwa dza skye dgu'i bdag /mi ldan pa dang kun du lta/ /mngon shes gang can rdzogs pa dang / /tsan dan dang ni 'dod chog dang / /mgul ba mdzes dang mgul nges dang / /skye dgu'i bla mar gyur pa dang / /lha las byung ba'i ma ldan dang / /</font><hr>97.74b<br><font size=+1>

dri za sna tshogs sde dang ni/ /mi rgyal rgyal ba'i khyu mchog dang / /de bzhin phung po lnga zhes bya/ /g.yer ma dang ni nyi zer dang / /nya ljibs dang ni ral gri pu/ /kun gyi bshes dang grag 'dzin dang / /'brog gnas dang ni yid bzangs dang / /khab sna dang ni ri sul kha/ /lnga 'dzin dang ni khab bzangs dag /sde dang dpung dang bzhon par bcas/ /lha dang klu dang dri za dang / /gnod sbyin srin po lha ma yin/ /nyin gsum pa'i smyo byed dang / /de bzhin bzhi pa'i rims dag dang / /'jig rten 'tshe ba gang yin pa/ /gnod sbyin srin po ma rungs rnams/ /phyogs bzhi nas ni bkug nas su/ /bcing ba lnga'i bsdams pa rnams/ /'jig rten mgon po'i spyan sngar ru/ /thal sbyar 'khod nas 'di skad smras/ /phyag 'tshal skyes bu dpa' khyod la/ /phyag 'tshal skyes bu mchog khyod la/ /thal mo sbyar nas phyag 'tshal lo/ /chos rgyal khyod la phyag 'tshal lo/ /de dag gi ni mdun rgyug pa/ /'byung po gnod sbyin lus po che/ /lag pa bzhi pa ma rungs pa/ /rkang mangs dang ni rkang gcig pa/ /rkang bzhi pa dang rkang gnyis pa/ /rkang pa bsgreng la spyi'u tshugs dang / /lus mang mgo bo gcig pa dang / /lus gcig pa la mgo bzhi pa/ /mig mangs po la lus phyed dang / /mig gcig lto ni bcu gnyis dang / /bong bu rnga mo glang chen mgo /lag pa sgreng la mgo btud dang / /mtshon cha'i so dang mtshon cha'i lag /mtshon cha'i rkang pa srin po'i rnams/ /zangs kyi skra dang zangs kyi so/ /zangs kyi mig dang zangs kyi lag /zangs kyi mtho ba'i rkang pa dang / /zangs kyi sna dang zangs kyi kha/ /rkang lag kun du 'bar ba dang / /mi'i lus su gnas pa rnams/ /sgur zhar lba ba gsum yod pa/ /mig mi sdug la kha glal ba/ /chu srin stag gi gzugs dang ni/ /gzugs mi sdug dang kha ral po/ /mchu 'phyangs po dang so yon po/ /rab tu gtum po khro gnyer can/ /gsus po che dang</font><hr>97.75a<br><font size=+1>

bum rna po/ /rna phyangs pa dang rna ba med/ /lags rings dang ni rna ba ring / /sna'i rtse dang lag rtse ring / /lus skam lus ni ring ba dang / /skra rings rab tu brgyan pa dang / /rkang pa mid pa phra ba dang / /dri nga ba dang bum lto bo/ /yan lag chu srin 'dra ba dang / /gtun shing tho ba 'dra ba'i lto/ /gnam lto bo la rna bo che/ /gyen du brdzes skra rab tu dmar/ /mgo bo che la gzhu mgrin bo/ /skem po sgur po bum lto bo/ /ri rab rtse mo bsgul nas su/ /me mdag gi ni char pa 'bebs/ /ljon shing ri dang rdo ba dang / /sprin gyi tshogs kyi mdog 'dra ba/ /dung dang rnga chen rdza rnga dang / /grul bum rnga bran rnams kyi sgra/ /'jig pa'i sgra ni rab tu 'byin/ /mid po che la bung bu'i sgra/ /nag po ser po sngon po dang / /dmar ser me ltar dmar ser dang / /khab 'dra'i spu dang ral gri'i skra/ /dmar po khrag gis bskus pa rnams/ /mi ro dag ni khyer nas su/ /za bzhin du ni rnam par rgyug /so rnon lag pa dmar po dang / /mchu ni khrag gis bskus pa dang / /lus phyed dag ni zos pa dang / /mkhal ma snying dang nang grol gyis/ /snyim pa shin du bkang ba dang / /byin pa dag ni za bzhin du/ /mer mer po dang srog chags kyi/ /rkang lag rnams kyi stobs kyang 'phrog /keng rus kyi ni lus kyis su/ /skye bo mang po skrag par byed/ /khrag gis rab tu bkang ba yi/ /mi yi lpags pa thogs nas su/ /mi bzang dug gis kun bskus te/ /phyogs phyogs dag tu rnams par rgyug /grong khyer rnams kyi sgo dag dang / /khyim nas khyim du rnam par 'thor/ /rlung dang bad kan mkhris pa rnams/ /phyogs bzhi dag tu 'khrug par byed/ /de ltar de na rgyal po yi/ /gdon dang 'jigs pa chen po rnams/ /lhags pa de dag thams cad kyang / /rig sngags zhags pas rab tu bsdams/ /phyag 'tshal skyes bu dpa'</font><hr>97.75b<br><font size=+1>

khyod la/ /phyag 'tshal skyes bu mchog khyod la/ /thal mo sbyar nas phyag 'tshal lo/ /chos rgyal khyod la phyag 'tshal lo/ /grong khyer grong dang yul 'khor dang / /pho brang 'khor na rgyu ba ni/ /gnod sbyin ma rungs mdangs 'phrog pa/ /snying rje med cing khrag 'thung ba/ /lus chen 'jigs pa chen po ste/ /stobs po che la sgra yang che/ /mgrin bcu po la mig stong bo/ /gdon chen mig ni dmar po rnams/ /'khor ni mang po rnams btang ste/ /lag na mtshon thogs rab tu 'jigs/ /sbrul gyi zhags pa thogs pa dang / /lag bzhi lag na sgron ma thogs/ /lag na mtshon dang dbyig pa thogs/ /rdo rje mdung rtse lag thogs pa/ /rab tu drag pa'i dmag brgal nas/ /phyogs kun du ni skrag par byed/ /sdang ba'i gnas na 'khod pa yi/ /gsang ba po ni dad kun kyang / /mi'i 'jig rten 'di dag tu/ /skyes pa bud med gzhan yang 'dzin/ /sha khrag dron mor bcas pa la/ /rnam par 'khrul cing 'dod pa'i gzugs/ /seng ge dang ni stag dang rta/ /ma he ba lang bong bu rnga/ /glang po che yi gzugs 'dra dang / /dom dang gzig dang spyang ki dang / /khyi dang ba dang ra dag dang / /byi la byi ba spre'u yi gzugs/ /bse dang phag dang sre mong dang / /nya dang rus sbal dag gi gzugs/ /kha cig dag ni sram gyi gzugs/ /khwa dang 'ug pa khu byug dang / /bya rgod khra dang nya mid bcas/ /rma bya ngang pa thi bya dang / /khrung khrung dang ni bya rnams dang / /kha cig bya gag gzugs rnams su/ /gnod sbyin rnams ni mi'i mthong / /'dab bzang bya'i tshul gyis kyang / /skye bo mang po skrag par byed/ /kha cig mi'i mgo can la/ /lus ni bya gag bong bu 'dra/ /kha cig tshon gyi rab tu 'tshe/ /lus dang bral ba dag tu snang / /rnam par 'khrugs shing 'dod la mos/ /rgyu ma'i phreng bas kun du dkris/ /rtse gsum mdung gis rab 'debs shing / /srog chags rnams la gnod par byed/ /mi bzang</font><hr>97.76a<br><font size=+1>

gdug pa'i dbugs 'byin cing / /skye dgu 'di dag skrag par byed/ /srogs chags rgyud ni ci snyed par/ /sna tshogs kyi ni gzugs su snang / /kha cig dag ni ri yang thog /la la ral gri 'khor lo thogs/ /grangs ni brgya khrag stong rnams te/ /dbyug pas bsdigs shing kha drag po/ /mig phyung pa la bzhin mi sdug /srin po so ni rno po dang / /sna dang rna ba bcad pa dang / /lce chad gdong ni gnyer ma can/ /rkang lag dang ni gtub pa dang / /mgo bo bcad pa'i srin po rnams/ /skabs ni rab tu tshol bar byed/ /sdig pa can rnams mdangs kyang 'phrog /mi dag gis ni lus rnams la/ /rab tu phra ba'i gdon du snang / /spu'i bar dang gnad rnams dang / /de bzhin rma yi kha rnams su/ /lhags pa de dag thams cad kyang / /rig sngags zhags rab tu drangs/ /phyag 'tshal skyes bu dpal khyod la/ /phyag 'tshal skyes bu mchog khyod la/ /thal mo sbyar nas phyag 'tshal lo/ /chos rgyal khyod la phyag 'tshal lo/ /ri rgyal po ri rab dang / /de bzhin kho ra khor yug dang / /bya rgod phung po'i gshol mda' 'dzin/ /spos ngad ldang dang gang kyi ri/ /sna tshogs brtseg dang paN Da pA/ /na la dA yi ri gnyis dang / /dpal gyi ri yi rtse mo ni/ /gang dag shin du mthor 'phags dang / /ri bo de dag kun la yang / /lha dang drang srong gang gnas pa/ /de dag thams cad mi dga' zhing / /'jigs pa'i yid kyi mya ngan byed/ /bye ba stong gi lha dag dang / /bye ba phrag brgya'i lha rnams dang / /lha'i bu mo skal chen dag /thal mo rab tu sbyor bar byed/ /thags bzangs ris dang sgra can dang / /sems par byed pa'ang der phyin to/ /lha min bye ba phrag stong dang / /lha min bye ba phrag brgya dang / /de dag bu mo 'phrul ldan pa/ /mang po kun kyang thal mo sbyor/ /rab tu gnas dang rgya mtsho dang / /klu yi rgyal po gzi can dang / /</font><hr>97.76b<br><font size=+1>

klu'i rgyal po madros dang / /dga' bo nye dga' gnyis po dang / /rdo rje blo gros pak+shu dang / /ga~M gA dga' bo sin du mtsho/ /bya'i rgyal po 'dab bzangs dang / /rgya mtsho chen po 'khrug byed dang / /stong phrag bye ba'i klu yi rnams/ /bye ba rgya'i klu dag dang / /de dag bu mo skal chen rnams/ /thal mo rab tu sbyor bar byed/ /nyi ma zla ba gnyis ka yang / /skar ma'i 'khor gyis yongs su bskor/ /gser gyi me tog yan lag na/ /ma ga d+ha na 'jig byed pa/ /gso ba'i mtha' na mi thod can/ /ko sa la na rab tu dkar/ /bzangs po'i yul na kha spu can/ /gyad kyi yul na grag pa 'dzin/ /lnga 'dzin pa na skrag byed pa/ /rta skye ba na mig dmar gnas/ /srung byed pa na ser skya ste/ /sems pa na ni mig ser po/ /be'u la ban bum pa'i lto/ /dga' ba'i yul na ring por skyes/ /ba lang 'dzin na rab tu 'jom/ /dung yul na ni nyi ma'i grogs/ /ljong chen rnams kyi gnod sbyin ni/ /brjod pa bcu drug de dag dang / /lag na rdo rje gnod sbyin che/ /chos skyong rab tu dkar ba dang / /ser skya rab mdzes khyab 'jug pa/ /bum lto gsus pa zlum po dang / /chu srin bden pa 'chang ba dang / /lnga ldan rgyal ba khyu mchog dang / /gnod sbyin chen po dbang phyug che/ /lag pa bzhi can stobs po che/ /sde pa rab tu 'dul ba ni/ /mthu bo che la stobs po che/ /gshin rje gshin rje'i pho nya dang / /bdud rnams sde dang bcas pa dang / /gnod sbyin bye ba'i g.yog 'chang ba/ /gnod sbyin de ming 'phrog po yin/ /sha ri ta ni sder bcas dang / /ri'i bu mo sder bcas dang / /ri'i bu mo gnod sbyin ma/ /gzi rjid chen po 'jigs pa'i gzugs/ /'phrog ma zhes kyang drags pa dang / /gdol pa mo ni gtum mo dang / /bu rnams lta brgyal bskor ba dang / /mi rdung nag mo kar ta te/ /pad ma dang ni pad ma can/ /me tog so dang sa ga dang / /srin mo bong bu'i rna</font><hr>97.77a<br><font size=+1>

can dang / /tsan dan dang ni khyab 'jug len/ /seng ge ser skya dmar ser po/ /glang po klu'i so can dang / /ri bshes drag po'i mche ba can/ /srin mo so bzang yod pa dang / /tshangs pa len dang khyab 'jug len/ /gnod sbyin ha la ha la dang / /gnod sbyin rnam pa'i mchu can dag /mdung dang mda' gzhu kun thogs shing / /mi rta ba lang ri dgas rnams/ /za zhing 'tshe ba de dag ni/ /phyogs rnams kun tu rgyug cing 'dong / /sa 'di rab tu g.yo bar byed/ /nags tshal rnams kyang rab tu skems/ /ri rnams kun nas g.yo bar byed/ /skye dgu 'di dag 'tshe byed cing / /phan tshun nas ni 'du ba dag /rig sngags kyis ni drangs nas lhags/ /phyag 'tshal skyes bu dpa' khyod la/ /phyag 'tshal skyes bu mchog khyod la/ /thal mo sbyar nas phyag 'tshal lo/ /chos rgyal khyod la phyag 'tshal lo/ /'jig rten mgon po'i spyan sngar ru/ /de dag lhags par gyur pa dang / /de nas rgyal po rnam thos bus/ /'jig rten mgon la 'di skad gsol/ /bdag gis phyogs cha byang phyogs su/ /rgyal po'i gnasu sprul pa ni/ /lcang lor ldan pa yid du mchi/ /de bas bdag ni lcang lo'i bdag /rgyal po'i pho brang lcang lo can/ /lha rnams kun gyis bsam par gyur/ /phyir shin du mthon po can/ /rin chen kun gyis brgyan pa lags/ /'phang du dpag tshad bcu drug ste/ /gser gyi rgyu las bgyis pa lags/ /phyogs bzhi lcog ni re re la'ang / /gnod sbyin rdo rje 'chang ba dag /kun nas rab tu gnas par 'gyur/ /lag na mtshon cha legs par sprul/ /rgyal po'i pho brang de yi sgo/ /gzhi po gtod par bgyis pa ni/ /gcig ni gser las bgyis pa'i sgo/ /gnyis pa dngul las bgyis pa ste/ /gsum pa shel gyi sgo mo lags/ /gzhi pa gser gyi rnam par spras/ /grong khyir de yi nang dag na/ /bskyed mos tshal gyi me tog</font><hr>97.77b<br><font size=+1>

rgyas/ /de yi nang na gzhal med khang / /rin chen bdun rgyu sna tshogs mchis/ /rin chen sna tshogs ljon shing can/ /bya bran sna tshogs skad kyang 'byin/ /me tog sna tshogs legs par bkram/ /sna tshogs spos kyis byugs pa lags/ /gnod sbyin mo ni 'jom ma dang / /glu dang rol mos rab tu rgyan/ /dpal gyi dam pa nyamasu myong / /der ni 'byung po'i dkyil 'khor der/ /gang dag 'khor zhing mchis pa dag /rnam pa'i mchog kun ldan pa ste/ /chos 'tshal ba dang chos spyod pa/ /srog chags rnams la 'tshe mi bgyid/ /zas dang skom gyis mi brel te/ /skye dgu mi bzad gzhan dag ni/ /long spyod chen po tshol bgyid cing / /phyogs bzhi kun tu rnam par lta/ /grong khyer sgo yi gam yo dang / /bza' shing ra ba nag 'tshal na/ /gnod sbyin srin po 'byung po'i tshogs/ /bye ba stong phrag brgya mchis pa/ /de dag thams cad mdo sde yi/ /zhags pas drangs te brlag par bgyi/ /rgyal po'i pho brang dbus na ni/ /chos kyi rgyal po'i gnas gyur pa/ /bsil ba'i rdzing bus bskor ba ste/ /tsan dan nag kyis 'khor ba lags/ /kun nas dpag tshad drug bcu ste/ /khang pa rtsegs ma sprul pa dag /gcig ni gser las bgyis pa ste/ /gnyis pa dngul las bgyis pa lags/ /gsum pa bai DUr+ya las bgyis/ /bzhi pa gtsang dang shel gyi rgyu/ /lnga pa mu tig dmar po ste/ /drug pa rdo yi snying po lags/ /bdun pa spug las bgyis pa ste/ /brgyad pa rin chen bdun las bgyis/ /bud med stong phrag rgya dag kyang / /de dag re re kun na gnas/ /lhab lhub sna tshogs mchog dag dang / /cha byad sna tshogs mang po'i brgyan/ /glu dang rol mo sna tshogs dang / /bzo'i gnas la mkhas pa mchis/ /de lta'i rab tu dga' ba yis/ /bde zhing tshim pa'i yid gyur cing / /de na bdag ni dgun skyems dang / /'dod pa dag gis rab myos pas/ /bdag gi 'khor rnams</font><hr>97.78a<br><font size=+1>

'phyan bgyid cing / /phyogs bcu dag tu 'jigs pa bskyed/ /bud med dag dang skyes pa dang / /de bzhin khye'u dang bu mo dang / /mngal na gnas pa'ang 'jig par bgyid/ /dud 'gro'i bskye gnas gtogs pa'ang 'tshe/ /skar ma dag dang nyi zla dang / /gtum pa'i gza' rnams gnod par bgyid/ /lo tog sa bon 'bras bu dang / /me tog sman dang zas skom dang / /mi rnam kyi ni dpal 'phrog cing / /mthon po rnam kyang dma' bar bgyid/ /'jig rten dag na nongs pa rnams/ /dmag dang thabs mo shar gnyer dang / /tshig gam zhig gam gsad phye ba/ /de kun 'byung po'i rnam pas gyur/ /sbed cing ston par bgyid pa dang / /bzlog par bgyid cing rgod par bgyid/ /'jigs par bgyid cing lta bar bgyid/ /dgrar 'gyur ba yang ston par bgyid/ /sdig pa'i rmi lam mthong bar bgyid/ /nyal ba dag la gnod par bgyid/ /sgo nas se gol sgra phyung zhing / /mi snyan brjod de za bar bgyid/ /mdza' bo gnyen bshes gzugs dag tu/ /gda' zhing bka' mchid smra bar bgyid/ /bu mo gdug gu'i gzugs dag tu/ /'dod la spyod pa dga' bar bgyid/ /nyi ma skar ma'i gzugs dang ni/ /zla ba'i gzugs su gda' bar bgyid/ /rlung dang skar mda'i lce gzugs su/ /tshe la gnod par de dag gda'/ /skar ma'i tshogs dang 'dra ba dag /'jigs par bgyid pa wa dang khyir/ /rnam par sprul nas ljon shing dang / /mchod rten dag gi gnas na gda'/ /skyes pa gzhon nu'i gzugs mdzes pa/ /'bar zhing shing rta'i sgra yang 'byin/ /gnas rnams dang ni shul dag tu/ /rnam pa sna tshogs rjes kyang ston/ /grong khyer dag dang khyim rnams kyi/ /sgo yang gnod sbyin de dag 'byed/ /srog dang lus kyang blangs bgyis shing / /lam ngan kun tu skor bar bgyid/ /rnam pa sna tshogs gzugs dag dang / /rnam pa sna tshogs sgra rnams dang / /rnam pa sna tshogs nad</font><hr>97.78b<br><font size=+1>

kyis rnams/ /lus la na ba gnas par ston/ /nad rnams kun gyi mtshan nyid kyang / /phyin ci logs tu ston par bgyid/ /ji snyed 'jig rten rang bzhin dag /thams cad logs par de dag ston/ /rig sngags zhag pas drang pas na/ /de dag kun kyang 'dir mchis so/ /de nas rgyal po rnam thos bu/ /langs te thal mo rab sbyar nas/ /zhabs la 'khor lo'i mtshan mnga' ba/ /gser gyi mchod sdong 'bar ba bzhin/ /'jig rten snang bar mdzad pa po/ /thub pa chen po me dang 'dra/ /gnod sbyin gsang bsngags mi zad can/ /stong phrag drug bcu rtsa bzhi dag /byang gis phyogs cha'i phyogs na gnas/ /byang phyogs dag tu gnod par bgyi/ /'jig rten mgon po'i spyan sngar ni/ /de dag chad pa bdag gi bshad/ /s+yAd ya the dan/ khaD+ge/ khaD+ge/ khaD+ga/ gar+b+he/ bi rtsa k+Shu Ne tsa kra/ rA dza ne/ tsan+d+re/  tsa ba le bA tA le/ b+hI ma bar ba te/ kha rI gre b+ha ku Ti mu khe la ka rA gre/ e kA k+Shi/ bad ga ba ti/ sA ra~M ga ba ti/ mArga ba te/ garga ba te/ tsi tra ba ti/ tsi tra kAn+ti/ bdag byang phyogs su dge bar gyur cig swA hA/ /tshangs pa dang ni rgya byin dang / /'jig rten skyong dang dbang phyugs che/ /gnod sbyin sde dpon thams cad dang / /'phrogs ma bu dang bcas pa yang / /bdag gis me tog spos dag dang / /sbyin sreg 'di ni blang bar gyis/ /de dag gi ni rtson 'grus dang / /gzi rjid dbang phyug stobs kyis kyang / /nad rnam thams cad bcom par gyur/ /bdag 'jig pa dang gnod pa thams cad las dge bar gyur cig swA hA/ phyag 'tshal skyes bu dpa' khyod la/ /phyag 'tshal skyes bu mchog khyod la/ /thal mo sbyar nas phyag 'tshal lo/ /chos rgyal khyod la phyag 'tshal lo/ /rgyal chen yul 'khor bsrung ba yang / /langs te thal mo sbyar btud nas/ /me tog tshogs ltar rgyas gyur cing / /ka la bing ka'i sgra</font><hr>97.79a<br><font size=+1>

dbyangs can/ /khu byug dang ni rma bya'i sgra/ /rnga dang 'brug gi sgra sgrogs pa/ /thub chen gnod sbyin srin po dang / /dri za stong phrag drug bcu bzhi/ /shar phyogs cha'i phyogs na gnas/ /shar phyogs pa la gnod par byed/ /'jig rten mgon gyi spyan sngar ni/ /de dag chad pa bdag gis bshad/ /s+yAd ya the dan/ d+ha ra Ni/ d+hA ra Ni/ pra d+h+wan sa ni/ b+hany+dza ni/ pra b+hany+dza ni/ be d+ha ma ni/ /kim pu ru Shi/ sha ka le/ sA re the/ sA re ba ti/ shu la d+ha re/ /sh+'u la d+hA ri Ni/ shud d+ha tsa ra Ni/ g+ho sha ba te/ sha rA gre/ shAn te/ bdag shar phyogs su dge bar gyur cig swA hA/ tshangs pa dang ni brgya byin dang / /'jig rten skyong dang dbang phyug che/ /gnod sbyin sde dpon thams cad dang / /'phrog ma bu dang bcas pa yang / /bdag gi me tog spos dag dang / /sbyin sreg 'di ni blang bar gyis/ /de dag gi ni brtson 'grus dang / /gzi rjid dbang phyug stobs kyis kyang / /nad rnams thams cad bcom par gyur/ /bdag 'jigs pa thams cad dang gnod pa thams cad las dge bar gyur cig swA hA/ phyag 'tshal skyes bu dpa' khyod la/ /phyag 'tshal skyes bu mchog khyod la/ /thal mo sbyar te phyag 'tshal lo/ /chos rgyal khyod la phyag 'tshal lo/ /rgyal po chen po 'phags skyes po/ /thal mo sbyar te de nas langs/ /thams cad mkhyen pa thams cad gzigs/ /smra ba thams cad rab 'jom pa/ /the tshom thams cad bcod mdzad pa/ /'jig rten thams cad rnam 'dren pa/ /grul bum yi dgas srul po dag /stong phrag drug bcu rtsa bzhi rnams/ /lho'i phyogs cha'i phyogs na gnas/ /de nas byung la gnod par bgyid/ /'jig rten mgon po'i spyan sngar ni/ /de dag chad pa bdag gis bshad/ /s+yAd ya the dan/ shAn te/ shA ra ba te/ kAn te/ kA ra ba ti/ ki ka si/ kIng ka ra te/ ki~M ka si ki riN+Ti/ ki~M ra te/ ki~M ba te/ d+ha ra Ni/ d+ha ba ni b+hu mi d+hA r-i Ni/ hi ma ba te/ dz+yo tiSh+tsa ra Ne/ gA lA gri/ bdag lho phyogs su dge bar gyur cig swA hA/ tshangs pa dang ni rgya byin dang / /'jig rten skyong dang dbang phyug che/ /gnod sbyin sde dpon thams cad dang / /'phrogs ma bu</font><hr>97.79b<br><font size=+1>

dang bcas pa yang / / bdag gi me tog spos dag dang / /sbyin sreg 'di ni blang bar gyis/ /de dag gi ni brtson 'grus dang / /gzi brjid dbang phyug stobs kyis kyang / /nad rnam thams cad bcom par gyur/ /bdag 'jig pa thams cad dang gnod pa thams cad las dge bar gyur cig swA hA/ phyag 'tshal skyes bu dpa' khyod la/ /phyag 'tshal skyes bu mchog khyod la/ /thal mo sbyar te phyag 'tshal lo/ /chos rgyal khyod la phyag 'tshal lo/ /rgyal po mig mi bzang ba yang / /thal mo sbyar ba byas nas langs/ /sprin chen seng ge chen po pa/ /che ba'i che ba rgya mtsho che/ /gsungs ba chen po dpa' chen po/ /g.yul chen rab tu 'jom mdzad pa/ /klu dang 'dab bzangs gsang ba po/ /stong phrag drug bcu rtsa bzhi dag /nub kyi phyogs cha'i phyogs na gnas/ /de nas 'byung la gnod par bgyid/ /'jig rten mgon po'i spyan sngar ni/ /de dag chad pa bdag gis bshad/ /s+yAd ya the dan/ d+har+m+ma bi rA gre/ ba la ba te/ ba li ni/ bi shA~M ge/ bi tsa shi/ sA ga re/ kha ri/ ka pa li/ tsaN Da le/ ki ri N-i/ nIr dza ne/ bid+ha ra Ni/ bal+la te/ a bar+NaM ba te/ a rtsa le/ bdag nub phyogs su/ dge bar gyur cig swA hA/ tshangs pa dang ni brgya byin dang / /'jig rten skyong dang dbang phyugs che/ /gnod sbyin sde dpon thams cad dang / /phrog ma bu dang bcas pa yang / /bdag gi me tog spos dag dang / /sbyin sreg 'di ni blang bar gyis/ /de dag gis ni brtson 'grus dang / /gzi brjid dbang phyug stobs kyis kyang / /nad rnams thams cad bcom par gyur/ /bdag 'jigs pa dang gnod pa las dge bar gyur cig swA hA/ phyag 'tshal skyes bu dpa' khyod la/ /phyag 'tshal skyes bu mchog khyod la/ /thal mo sbyar te phyag 'tshal lo/ /chos rgyal khyod la phyag 'tshal lo/ /de nas tshangs pa tshangs chen yang / /thal mo sbyar ba byas nas langs/ /tshangs pas bkrus pa dag pa po/ /rig byed kun gyi pha rol phyin/ /skye bo dga' mdzad sman pa'i</font><hr>97.80a<br><font size=+1>

rje/ /'jig rten thams cad gso mdzad pa/ /gnod sbyin srin po gang gi rnams/ /phyogs dang phyogs 'tshams gnas pa dang / /sa'i 'og dang bar dang steng / /nam mkha' dag la gnas pa'i gdon/ /'jig rten mgon gyi spyan sngar ni/ /de dag chad pa bdag gis bshad/ /s+yAd the dan/ brah+me/ brah+ma/ g+ho She/ brah+ma swa re/ badzre badzra g+hoShe/ badzra d+ha re/ s+thi te sA re/ a tsa le/ a ra Ne/ a sha ni/ a rA ni te/ shu re/ ba rA gra/ prAb+te/ sA ga ra ba te/ bdag phyogs thams cad tu dge bar gyur cig swA hA/ tshangs pa dang ni rgya byin dang / /'jig rten skyong dang dbang phyug che/ /gnod sbyin sde dpon thams cad dang / /'phrogs ma bu dang bcas pa yang / /bdag gi me tog spos dag dang / /sbyin sreg 'di ni blang bar gyis/ /de dag gis ni brtson 'grus dang / /gzi brjid dbang phyug stobs kyis kyang / /nad rnams thams cad bcom par gyur/ /bdag 'jig pa dang gnod pa thams cad las dge bar gyur cig swA hA/ rlung las gyur dang mkhris las gyur/ /bad kan las gyur 'dus las gyur/ /nad rnams thams cad bcom par gyur/ /bdag 'jig pa dang gnod pa thams cad las dge bar gyur cig swA hA/ phyag 'tshal skyes bu dpa' khyod la/ /phyag 'tshal skyes bu mchog khyod la/ /thal mo sbyar te phyag 'tshal lo/ /chos rgyal khyod la phyag 'tshal lo/ /de nas bcom ldan 'das 'di snyam du dgongs te/ sangs rgyas bcom ldan 'das rnams ni rgyal srid gcig gi phyir 'jig rten du byung ba ma yin/ sangs rgyas bcom ldan 'das rnams ni grong khyer dang / grong rdal dang / ldongs dang / grong dang / khyim nas sems can gcig gi bar gyi don gyi phyir 'jig rten du byung ba ma yin gyi/ 'jig rten lha dang bcas pa/ bdud dang bcas pa/ tshangs pa dang bcas pa/ dge sbyong dang / bram zer bcas pa'i skye dgu dang / </font><hr>97.80b<br><font size=+1>

lha dang / mi dang / lha ma yin dus bcas pa'i don du sangs rgyas bcom ldan 'das rnams 'jig rten du byung ste/ de nas dper na sman pa mkhas pa'i mchog tu phyin pa/ gso ba la brtson pa/ sman pas shes par bya ba shin tu bslabs pa rgyal po gcig gi don du byung ba ma yin/ yul gcig gi don du byung ba ma yin pa nas sems can cig gi don gyi bar du byung ba ma yin pa dang 'dra'o/ /de ci'i phyir zhe na/ phyogs gang na sangs rgyas bcom ldan 'das bzhugs pa'i phyogs de dag tu mi rnams dang / mi ma yin pa de dag kyang rnams par 'tshe bar mi bya bar sems kyis/ nga yang yangs pa can gyi grong khyir chen por ga la ba der song ba dang / yangs pa can gyi grong khyer chen po'i skye bo'i tshogs phal po che'i don kyang byas par 'gyur/ sangs rgyas kyi mdzad pa yang byas par 'gyur ro snyam du dgongs te/ de nas bcom ldan 'das snga dro'i dus kyi tshe chos gos dang / sham thabs bgos nas lhung bzed bsnams te/ dag+s+le+o~M stong nyis brgya lnga bcu dang / thabs cig tu bya rgod phung po'i ri las shod tu gshegs pa dang / mi 'jed gyi bdag po tshangs pas lha'i gdugs lnga brgya tsam blangs te/ bcom ldan 'das la g.yas rol nas phul lo/ /phul nas bcom ldan 'das la rdul yab kyis g.yob cing 'dug par gyur to/ /lha rnam kyi dbang po brgya byin gyis kyang gdugs lnga brgya tsam blangs te/ bcom ldan 'das la g.yon rol nas phul lo/ /phul nas bcom ldan 'das la rdul yab kyis g.yob cing 'dug par gyur to/ /rgyal po chen po bzhis kyang re re zhing lha'i gdug lnga rgya tsam blangs te/ bac+doMs la snam logs nas phul nas bcom ldan 'das la rdul</font><hr>97.81a<br><font size=+1>

yab kyis g.yob cing 'dug par gyur to/ /lha'i bu dbang phyug chen po dang gnod sbyin gyi sde dpon chen po nyi shu rtsa brgyad dang / gnod sbyin mthu bo che sum bcu rtsa gnyis dang / 'phrog ma'i bu lnga brgya 'khor dang bcas pas kyang so so nas lha'i gdugs dag blangs ste/ nyan thos rnams la phul nas rdul yab kyis g.yob cing 'dug par gyur to/ /de lta bu'i grags pa dang bkur sti dang / bsnyes par bya ba bsnyes nas/ bcom ldan 'das dge slong gis dge 'dun dang thabs gcigs tu bya rgod phung po'i ri las shod tu babs te/ yangs pa can gyi grong khyer chen po ga la ba der gshegs pa dang / yangs pa can gyi li tsa bi rnams kyis bcom ldan 'das shin du mdzes pa dad par 'os pa dbang po zhi ba/ thugs zhi ba dbang po dul ba thugs dul ba dul ba dang / zhi gnas kyis dam pa'i pha rol tu phyin pa bsnyes pa/ dbang po dben zhing khugs pa glang po chen po lta bu shin du dul ba mtsho' ltar dang zhing rnyog pa med la rnam par gsal ba skyes bu chen po'i mtshan sum bcu rtsa gnyis kyis sku legs par brgyan pa/ dpe' byad bzang po brgyad bcu shin du rgyas pa shing sA la'i rgyal po ltar de bzhin gshegs pa'i sku rnam par spras pa nyi ma ltar 'od zer gyis dra ba kun du 'gyed pa mtshan mo mun pa'i nang na ri bo'i spo la me'i phung po rab tu 'bar ba dang 'dra zhing bcom ldan 'das gser gyi ri bo chen po dam pa ltar lham me lhan ne/ lhang nge rgyang ring po nas gshegs pa mthong ngo mthong ma thag tu yangs pa can gyi li tsa byi rnams bcom ldan 'das la sems dad par gyur nas sems dad par gyur pa de dag bcom ldan 'das yangs pa can gyi grong khyer chen por lam gang nas gshegs pa'i lam de phyag shing chag chag 'deb byi dor byed me tog thor dar gyi lda ldi dang dril bu dang gdugs dang rgyal tshan dang ba dan sna tshog kyi rgyan te gdug</font><hr>97.81b<br><font size=+1>

spos sna tshogs kyi gdug nas bcom ldan 'das ga la ba der dong ste phyin pa dang / bcom ldan 'das kyi zhabs la mgo bos phyag 'tshal lo/ /de nas bcom ldan 'das kyi phyag gis mthil 'khor lo rtsebs stong dang ldan pa'i ri mo can me tog pad ma'i snying po ltar 'jam pa sngon legs par spyad pa'i mtshan gyi brgyan pa/ gzhon sha chags shing 'jam pa nyi ma'i 'od zer bas lhag pa'i 'od dang ldan pa 'od zer brgya phrag mang po kun du phro ba dri ma med pa'i phyag gis li tsa bi dag gis mgo la byugs te rjes su bstan pa mdzad do/ /de nas bcom ldan 'das yangs pa can gyi grong khyer chen po'i nang du gshegs nas nam gyi gung thun la sgo skyes kyi gzhi zhabs kyi mnan nas phyogs bzhir gzigs te phyag gser gyi mdog can brkyang nas na bza' bla gos gsol te bka' stsal pa/ phyi ma'i dus na dge slong ngam dge snyen nam/ dge snyen ma 'am gang su yang rung ba dag de bzhin gshegs pa'i sku gdung ring bsrel yungs 'bru rtsam la mchod pa byed pa dang / stong chen po rab tu 'joms pa'i rigs sngags kyi brgyal mo gdon thams cad las thar bar byed pa'i chos kyis rnam grangs de bzhin gshegs pa dgra bcom pa yang dag par rdzogs pa'i sangs rgyas gang ga'i klung gi bye ma snyed kyi sangs rgyas kyi phyag rgya 'di 'dzin cing 'chang ba dang / klog cing bston pa dang / kun chub par byed pa de dag la yams kyi nad dang / 'jigs pa dang 'tshe ba dang / nad 'go ba dang 'khrugs pa dang / 'thab pa dang / rtsod pa dang 'ching ba dang / kha mchis dang shags dang / tha na phra ma dang sdig pa mi dge ba'i sdug bsngal ba'i las kyis mi tshugs shing / 'tshe bar byed pa thams cad kyi mi thub par 'gyur ro/ /de skad ces bka' stsal pa dang / bcom ldan 'das la mi mjed kyi bdag po tshangs pas 'di skad ces gsol to/ /btsun pa bcom ldan 'das stong chen po rab tu 'jom pa zhes bya ba'i</font><hr>97.82a<br><font size=+1>

gsang sngags kyi rgyal mo gdon thams cad las thar bar bgyid pa'i chos kyi rnam grangs de bzhin gshegs pa dgra bcom pa yang dag par rdzogs pa'i sangs rgyas gang gA'i klung gi bye ma snyed rnams kyi sangs rgyas kyi phyag rgya de gang lags/ de skad ces gsol pa dang / bcom ldan 'das kyis mi mjed kyi bdag po tshangs pa la 'di skad ces bka' stsal to/ /tshangs pa de'i phyir khyod legs par rab tu nyon la yid la zung shig dang ngas khyod la bshad do/ /btsun pa de bzhin no zhes gsol nas mi mjed kyi bdag po tshangs pa bcom ldan 'das kyis ltar nyan pa dang de la bcom ldan 'das kyis 'di skad ces bka' stsal sto/ /s+yAd the dan/ a tsa le/ ma tsa le/ sA ra ma tsa le/ pra kri ti bir+Na pra kr-i ti nod g+ho She/ sa man ta mu khe/ s+thi re s+thA pa re bi g+huSh+Te/ bi g+huSh+Ta sha ba de pra ga la ni/ sA rang ga mi ba sI sa ra su tre rang ga ba te/ ba le ma ha ba le ma hA nir b+hA se swa hA/ de la 'di skad ces bya ste/ lus su gtogs pa dran pa dang / zhi gnas dang lhag mthong dang ting nge 'dzin gsum dang / rdzu 'phrul gyi rkang pa bzhi dang / yang dag par spong ba bzhi dang / dran pa nye bar bzhag pa bzhi dang bsam gtan bzhi dang / 'phags pa'i bden pa bzhi dang / dbang po lnga dang bstobs lnga dang / rjes su dran pa drug dang byang chub kyi yan lag bdun dang / 'phags pa'i lam yan lag brgyad pa dang mthar gyis gnas pa'i snyoms par 'jug pa dgu dang / de bzhin gshegs pa'i bstobs bcu dang / rnam par grol ba'i skye mched bcu gcig dang / rten cing 'brel bar 'byung ba yan lag bcu gnyis dang / rnam pa bcu gnyis dang ldan pa'i chos kyi 'khor lo dang / dbug dbyung ba dang rngub pa rjes su dran pa rnam pa bcu drug dang / sangs rgyas kyi chos ma 'dres pa bcwa brgyad dang yi ge bzhi bcu rtsa gnyis te tshangs pa de ni stong chen po rab tu</font><hr>97.82b<br><font size=+1>

'joms pa zhes bya ba'i rigs sngag kyi rgyal mo gdon thams cad las thar bar byed pa'i mdo de bzhin gshegs pa dgra bcom pa yang dag par rdzogs pa'i sangs rgyas gang gA'i klung gi bye ma snyed rnams kyis sangs rgyas kyi phyag rgya ste/ sangs rgyas bsgrubs pa'o chos bsgrubs pa'o dge 'dun bsgrubs pa'o/ /tshangs pa bsgrubs pa'o dbang po bsgrubs pa'o/ /'jig rten skyong ba bsgrubs pa'o/ /dbang phyug bsgrub pa'o/ /bden pa bsgrub pa'o lam bsgrubs pa'o/ /rten cing 'brel bar 'byung ba bsgrub pa'o zla ba bsgrub pa'o/ /nyi ma bsgrubs pa'o bza' bsgrub pa'o/ /rgyu skar bsgrubs pa'o/ /s+yAd thA+e dan/ sA le ka si ni/ be d+ha ra ni ba rA gra sA re A maR+Sha Ni a mo g+ha ba ti/ sa tsa ne kA li na kA li kA shi ka pa ti/ b+ha ra Ni b+ha ra ka sha khe sa man ta prA pI/ sA ra prA p+te/ stam+b+ha ni/ s+ham+b+ha prA p+te badzra d+ha re swa hA/ de nas bcom ldan 'das kyi de'i tshe tshigs su bcad pa 'di dag bka' stsal to/ /'jig rten 'di 'am yang dag 'das pa dang / /mtho' ris dag na rin chen mchog yod pa/ /de bzhin gshegs pa lha'i lhar gyur pa/ /mi yi mchog dang 'dir ni mtshungs pa med/ /de bas 'di ni rin chen mchogs tu gsungs/ /bden pa de yis 'dir ni dge bar shog /zad pa chags bral bdud rtsi 'dus ma byas/ /shes pas shAkya thub des rab tu phye/ /bdud rtsi zhi ba 'dus byas ma yin pa/ /chos de dang ni mtshungs pa gang yang med/ /de bas 'di ni rin chen mchog tu gasrungs/ /bden pa de'i 'dir ni dge bar shog /mchog tu gang 'dod 'tshul bzhin rab bstan pa/ /ston pa'i rnal 'byor bla med rtag sgrub pa/ /rdo rje lta bu'i mig gnyi lam mthong ba/ /ting 'dzin de dang mnyam pa yod ma yin/ /de bas 'di ni rin chen mchog tu gsung / /bden pa de'i 'dir ni dge bar shog /gang zag chen po brgyad po rab sngags shing / /gang zag zung bzhir brjod pa de</font><hr>97.83a<br><font size=+1>

dag ni/ /drang srong chen po gang zag mtshungs med pa/ /bde bar gshegs pas sbyin pa'i gnas shes gsung / /de la byin na 'bras bu 'cher 'gyur te/ /zhing rab gshin la sa bon btab pa bzhin/ /'di ni dge 'dun rin chen mchog tu gsungs/ /bden pa de'i 'dir ni dge bar shog /gang dag brtan pa'i yid kyi rab brtson zhing / /gau ta ma'i stan la 'jugs byed na/ /de dag thob nas bdud rtsi 'jug thob te/ /mun pa gsal nas mya ngan 'das thob pa/ /de bas dge 'dun rin chen mchog tu gsungs/ /bden pa de'i 'dir ni dge bar shog /lta ba 'di la sbyar ma thag tu ni/ /'jig tshogs lta dang tshul khrims brtul zhugs dang / /the rtsom dang ni nyon mongs gsum po dag /gcig char spang te 'phags pa'i bden mthong ba/ /des na dge 'dun rin chen mchog tu gsung / /bden pa de'i 'dir ni dge bar shog /lus sam ngag gam 'on te yid kyis kyang / /sdig pa rnam gsum nam yang mi byed cing / /blo bur byas na 'ang 'chab par mi byed la/ /de ltar de dag lta bas 'dzin mi byed/ /de bas dge 'dun rin chen mchog tu gsung / /bden pa de'i 'dir ni dge bar shog /ji ltar dbang po'i sdong po sar btsug pa/ /phyogs bzhi rlung rnam kyi ni mi g.yo ltar/ /'phags pa'i lam gyi dam pa mthong ba'i/ /gang zag 'phags pa'i dge 'dun de bzhin no/ /des na dge 'dun rin chen mchog tu gsung / /bden pa de'i 'dir ni dge bar shog /shes rab zab mo shin tu bstan pa'i/ /'phags pa'i bden pa su dag rnam sgom zhing / /lus kyang sbyin par yid la byas pa ni/ /de dag 'jig pa brgyad dang phrad mi 'gyur/ /des na dge 'dun rin chen mchog tu gsung / /bden pa de'i 'dir ni dge bar shog /ji ltar me ni rlung gis rab gtor ba/ /lag du blangs te bgrangs du med pa nyid/ /de ltar kun du sbyor ba rab btang ba/ /sangs rgyas sras</font><hr>97.83b<br><font size=+1>

rnams bstan du med par 'gro/ /des na dge 'dun rin chen mchog tu gsungs/ /bden pa de'i 'dir ni dge bar shog /sems can gang dag 'gro dang mi 'gro ba/ /de dag thams cad 'dir ni bde gyur cig /ston mchog dam pa lha mis mchod 'os pa/ /sangs rgyas phyag 'tshal deng 'dir dge bar shog /sems can gang dag 'gro dang mi 'gro ba/ /de dag thams cad 'dir ni bde gyur cig /zhi ba chag bral lha mis mchod 'os pa/ /chos la phyag 'tshal deng 'dir dge bar shog /sems can gang dag 'gro dang mi 'gro ba/ /de dag thams cad 'dir ni bde gyur cig /tshogs kyi dam pa lha mis mchod 'os pa/ /dge 'dun phyag 'tshal deng 'dir dge bar shog /'byung po gang dag 'dir ni lhag gyur te/ /sa 'am 'on te bar snang 'khod pa dag /skye dgu rnams la rtag tu byams byed shog /nyin dang mtshan du chos kyang spyod par shog /'di ni rgyal ba dgra rgyal bden gang gis/ /shin du bden pa bsungs zhing brdzun med pa/ /bden pa de'i 'dir ni dge bar shog /de kun 'jig pa che las thar gyur cig swa hA/ s+yAd ya the dan/ d+hi ri d+hi d+hi re ba li nir g+ho She/ ba li swa re sA ra ba te stu ti pra stu ti pra p+ta/ a ra be a ra nir g+ho She A ra ba te a ts+yu te ba la ba te shu ra prA p+te sA ra~M ga mi su r+ya ba le sU r+ya nir g+ho She swa hA/ tshangs pa stong chen po rab tu 'jom pa zhes bya ba'i rigs sngag kyi rgyal mo gdon thams cad las rab du thar bar byed pa 'di ni de bzhin gshegs pa dgra bcom pa yang dag par rdzogs pa'i sangs rgyas gang gA'i klung gi bye ma snyed kyi sangs rgyas kyi phyag rgya'o/ /sangs rgyas kyi gnas so so dge 'dun gyi gnas so tshangs pa'i gnas so/ /dbang po'i gnas so 'jig rten skyong ba'i gnas so/ /dbang phyug gi gnas so drang srong chen po'i gnas so 'byung po'i gnas so mi gis gnas so/ /rgyu'i gnaso/ /phyog kyi gnaso/ /</font><hr>97.84a<br><font size=+1>

bstan pa'i gnas so/ /sangs rgyas rnam kyi mngon par rdzogs par sangs rgyas pa'o nyan thos rnam kyi rigs pa'o/ /tshungs pa'i pa'i byin kyi brlabs pa'o dbang po rab tu bsngag pa'o 'jig rten skyong ba rnam kyi mchod pa'o/ /dbang phyug gis phyag byas pa'o/ /lha thams cad kyi kun mchod pa'o/ /rnal 'byor spyod pa rnam kyi bsngag pa'o/ /mkhas pa rnam mngon par dga' bar gyur pa'o/ /drang srong rnam kyi rab tu sngags pa'o/ /tshangs pa rnams kyi rab tu brgyan pa'o/ /lha rnam kyi mngon par stod pa'o/ /khru byed pa rnam kyis bsang ba'o/ /rigs bzhi'i 'jig rten gyi dga' bar byas pa'o/ /sangs rgyas thams cad kyi spyod yul lo/ /rang sangs rgyas rnam kyi bskyed mos 'tshal lo/ /drang srong rnam kyi gnas so/ /nyan thos rnam kyi mya ngan las 'das pa'o/ /rnal 'byor spyod pa rnam kyi gnas so/ /byang chub kyi phyogs kyi chos rnam kyis 'byung gnas so/ /nyon mongs pa rnam 'jom pa'o/ /bag la nyal gyis zug rngu rnam 'byin pa'o/ /'phags pa'i lam kun du ston pa'o/ /thar pa'i sgo rnam 'byed pa'o 'jig tshogs la blta ba rnam 'jig par byed pa'o/ /nga rgyal gyi ri rab tu brnyil bar byed pa'o/ /'khor ba'i rgya mtsho' skem pa'o/ /'khor ba'i rgya mtsho' lhung ba'i sems can thams cad sgrol ba'o/ /bdud kyi zhags pa gcod pa'o bdud kyi 'khor skrag par byed pa'o/ /bdud kyi mchil pa 'dor ba'o/ /nyon mongs pa'i g.yul las sgrol ba'o/ /mya ngan las 'das pa'i grong khyer du 'jug par byed pa'o/ /'khor ba'i khyim nas 'byung bar byed pa'o/ /s+yAd ya the dan/ khaD+ge khaD+ge khaD+ge go/ u sho d+ha ne sA ra thi pra b+he de bi pu la pra b+he sa~M kar+tha Ni bi kar+tha Ni bi sha gra ba te shud d+ha sA d+ha ni/ ba ru Na ba te bA sa be b+hu She ne be sa~M ga me pa shu pa ti puspa gar+b+he/ / bdag dang sems can thams cad 'jig pa dang nye bar 'tshe ba dang ngal ba thams cad las bde legs su gyur cig swa hA/ </font><hr>97.84b<br><font size=+1>

stong chen po rab tu 'jom pa zhes bya ba'i rigs sngags kyi rgyal mo gdon thams cad las thar bar byed pa'i mdo sde 'di ni de bzhin gshegs pa dgra bcom pa yang dag par rdzogs pa'i sangs rgyas gang gA'i klung gi bye ma snyed kyi sangs rgyas kyi phyag rgya ste/ 'di ni lha dang mi dang lha ma yin du bcas pa'i 'jig rten phyag rgyas btab pa ste/ mya ngan las 'das pa'i grong khyer bla na med par zhugaso/ /de'i don gyi phyir sngon mngon par rdzogs par sangs rgyas pa'i yang dag par rdzogs pa'i sangs rgyas dang rang sangs rgyas rnams dang nyan thos rnams dang pha ma dang sbyin gnas dang bla ma lta bu rnams la bsnyen bkur to/ /tshangs par spyod pa spyad do tshul khrims bsrungaso sbyin pa byin no/ /snying rje'i pha rol tu phyin pa yongs su bskangaso byang chub thob par bsgrubaso bdud pham par byas so de nas mi mjed gyi bdag po tshangs pa dang lha rnam kyi dbang po brgya byin dang / rgyal po chen po bzhi dag gis skad cig dang blo gros gcig dang dbyangs gcig gis bcom ldan 'das la phyag 'tshal nas gsol pa kye ma rigs sngags rigs sngags che/ /stong chen rab tu 'jom byed pa/ /sangs rgyas phyag rgya de'i ni/ /phyog bzhi'i sems can thams cad bsrungs/ /phyag rgya gang gis btab gyur na/ /'byung po thams cad skrag bgyid pa/ /stong chen rab tu 'joms pa'i mdo/ /phyag rgya bdag cag stsal bar bgyi/ /mi gang rab tu sdang ba dang / /bstan pa 'di la ma dad pa/ /de dag tshangs pas sprul pa yi/ /rigs sngags chad pas gcad par bgyi/ /rgya byin gyi ni spyi bo blangs/ /'jig rten skyong bas rgyas btabs po/ /s+yAd ya the dan/ ka li gi b+ha ra de dzau ta gre dzA ma ni si hA pa si de sA rA gra prA p+te ha~M sa gA mi ni ma le ni/ hu le si hu le si hu li si hu le me ha ham ha ham su da ma ni ba rA gra ba te/ haste ni ne ba ra mi ta tsaN+Ta le tsa ra mi tsa rA me tsa rA tsa rA re swa hA/ stong chen po rab tu 'jom pa zhes bya ba rigs sngag kyi rgyal mo 'di bshad pa'i tshe/ stong gsum gyi stong chen po'i 'jig rten gyi khams 'di rnam pa drug du g.yos rab tu</font><hr>97.85a<br><font size=+1>

g.yos kun du g.yos kun du rab tu g.yos/ phyog bzhi'i gnod sbyin dang srin po sha za ba rnam kyi sgra skad drag po phyung ba/ kye ma'o sdug bsngal kye ma'o brlag bdag cag 'byung po'i tshogs phung po/ /'byung po'i tshogs ni rab tu phung / /bdag cag rtag tu dbang gis khrid/ /srog chags 'byung po thams cad ni/ /de ring dgrar ces dbang med do/ /de dag sa la 'khod nas ni/ /zhum zhing rnam par zhum gyur nas/ /'gre zhing ldog par rab tu byed/ /de nas bcom ldan 'das kyis sa gzhi rdo rjer mngon par sprul pa dang / de dag kyang phyog bzhir byer ro/ /de nas rgyal po chen po bzhi phyog bzhir mi lce'i phung po chen po mngon par sprul pa dang de dag namakha' la kun tu rgyug go /de nas mi mjed kyi bdag po tshangs pas namakha' lcagasu mngon par sprul pa dang / de dag shing ta la bdun rtsam nas namakha' la kun tu rgyug go /de nas lha rnams kyi dbang po rgya byin gyis ral gri dang / mda' dang mdung thung dang / mdung dang mda' bo che dang / shing ljon pa dang ri'i char mngon par phab bo/ /de'i tshe gnod sbyin lnga stong mi mjed kyi 'jig rten gyi khamasu kun nas 'dus pa rnams rigs sngag kyi dmod pas bcom ste/ rims nad kyis btab nas myos te rmye zhing bcom ldan 'das kyi zhabs gnyis la btugs te gsol pa/ dge sbyong gau ta ma ni sems can thams cad la phan pa dang / thugs brtse ba can lags kyis dge sbyongs gau ta mas bdag cag bskyab tu gsol/ de nas bcom ldan 'das kyis gsang ba de dag la byams pas khyab par mdzad nas bslab pa'i bzhi 'dzin du btsud do/ /bdag cag phyag rgya spong gyur na/ /ma bsad pa yi 'gro gang dang / /pha bsad pa yi 'gro gang dang / /dgra bcom pa yang gsod gang dang / /dge 'dun dbyen bgyid 'gro gang dang / /rdzogs sangs rgyas la sdang sems kyis/ /sku 'tshal phyung ba bgyid pa'i/ /'gro ba gang lags der mchi'o/ /ardza ka'i dog pa ltar/ /mgo ni 'tshal pa bdun 'gas shing / /gnod sbyin nad kyi btab pa dang / /bdag lus sha bkra 'byung bar shog /gang 'di rgyal bas gsungs pa'i mdo/ /stong chen rab tu 'jom pa'i/ /rigs sngags rgyal las 'gal bgyis na/ /</font><hr>97.85b<br><font size=+1>

bdag cag 'dod bzhin mi 'gyur ro/ /de'i tshe grong khyer chen po yangs pa can na yams kyi nad dang 'jig pa dang gnod pa dang / nad 'go ba dang 'khrugs pa thams cad rgyun chad par gyur to/ /gnod sbyin dang srin po dang mi dang mi ma yin pa rnam kyang rang rang gi spyod yul las 'das so/ /ngang pa dang ne rtso dang / ri skegs dang / khu byug dang rma bya dang ngur pa dang / shang shang te'u dang / bya'i tshogs rnam kyang sgra snyan pa 'byin to/ /mi 'am ci rnams ni lha'i bu mo bzhin du lus la gnod pa med do/ /rin po che'i cha byad rnam kyang ma bkrol bar 'khrol lo/ /rnga bo che dang dung dang / rdza rnga dang rnga bran dang pi bang dang / gling bu rnams kyang ji ltar gnas su bkod pa bzhin du sgra byung ngo / /bal po se'u dang bel ba dang / skyu ru ra dang n+ya gro d+ha dang byang chub kyi shing dang / spre'u gnas dang blak+Sha sha dang u dum ba ra dang sA la dang / ta ma la'i shing ljon pa rnam kyang dri rab tu 'byin to/ /lha brgya stong dag gis kyang a la la zhes bya ba'i sgra phyung ste/ bar snang las me tog gi char mngon par phab bo/ /mi ma yin pa'i dri dag kyang 'jig rten du byung ngo / /de nas rgyal po chen po bzhis thal mo sbyar te/ bcom ldan 'das la 'di skad ces gsol to/ /btsun pa bcom ldan 'das gang la la zhig gis bslab pa'i bzhi yongs su gzung ste/ gos ngur smrigs bgos nas stong chen po rab tu 'joms pa'i mdo sde'i rgyal po gdon thams cad las thar bar byed pa/ sangs rgyas kyi phyag rgya'i chos kyi rnams grangs 'di blangs shing gzung ste/ bklags shing bshad la kun chub par bgyis shing yi ger bris nas mdud pa bor te 'chang na/ de la yams kyis nad dang / 'jigs pa dang gnod pa dang nad 'go ba dang / 'khrugs pa dang / khrag khrug dang / 'thab mo dang / bcing ba dang / rtsod pa dang / 'gyed pa nas phra ma'i bar gyi sdig pa mi dge ba'i chos rnams kyis mi tshugs par 'gyur lagaso/ /rnam par 'tshe ba thams cad las rgyal bar 'gyur lagaso/ /yul 'khor 'tshams gcad par</font><hr>97.86a<br><font size=+1>

'tshal ba/ khrus bgyis pa/ zas dkar gsum 'tshal ba/ zas ngan pa rnam lnga spangs pa/ mi'i bslab pa'i gzhi thams cad yongs su bzung ba/ sems can thams cad la sems snyoms pa/ shin du brgyan pa/ gos dang / rgyan dang ldan pa des grong dang / grong khyer dang / grong rdal dang / yul 'khor dang / sum mdo dang / khyim rnams nyal nyil gyi phung po ma mchis par bgyis te/ rgyal po'i pho brang 'khor gyi dbus gyi dog sa rnams su me tog sil ma bkram la/ spos sna tshogs kyis rab tu bdug par bgyi'o/ /phyogs bzhir bu mo shin du khrus bgyis pa brgyan pa/ lag na mtshon thogs pa bzhi dang / dril bu bzhi dang / rin po che'i snod bzhi bzhag go /snga dro'i dus kyi tshe gdugs shar ba dang / rig sngags bklag par bgyi ste/ mdo sde bzlas shing bklag par bgyi'o/ /yi ger bris te mchod rten chen po dang / shing ljon pa chen po dang / rgyal mtshan chen po'i rtse mo la bstod de btags la/ me tog sna tshogs dang / spos sna tshogs dag gis dgung zla phyed kyi bar du mchod par bgyi'o/ /gdugs re re zhing rigs sngags lan re bklag par bgyi'o/ /de ltar na yul 'khor yongs su thar bar bgyur ro/ /de ltar grong dang / grong khyer dang / grong rdal dang / ljongs dang / yul 'khor dang / pho brang 'khor dang / gnas dang / gtsug lag khang dang / khyim dang / zhing dang / las khang dang / shing ljon pa dang / 'bras bu dang / ne'u sing dang / kun dga' ra ba dang / gnag lhas dang / phyug lhas rnams nyal nyil ma mchis par bgyis te/ seng ldeng dang / rgya shug gi zhugs gtams la/ dog sa la me tog sil ma bkram ste/ sgo gang g.yas g.yon nas dri sna tshogs kyis gdugs la/ sa bon thams cad mar gyis bskus te phyogs bzhir gtor bar bgyi/ chab sgor tshon skud sna tshogs bre bar bgyi'o/ /dud 'gro'i skye gnas su gyur pa dag ni bton la slar yang</font><hr>97.86b<br><font size=+1>

gzud par bgyi'o/ /rig sngags kyang bklag par bgyi'o/ /yi ger bris sam/ mdud pa mdud de mthon po'i khar btags la mchod par bgyi'o/ /nad pa'i mdun du sangs rgyas kyi sku gzugs sam/ sangs rgyas kyi ring bsrel lam tshangs pa'i gzugs sam/ brgya byin gyi gzugs sam/ rgyal po chen po bzhi'i gzugs khri'u 'am/ za ma tog gi steng du bzhag ste/ phyag rgya bzhi bgyis la bzhag par bgyi'o/ /me tog sna tshogs dang / spos sna tshogs dang / tshangs pa dang / brgya byin dang / rgyal po chen po bzhi dang / dbang phyug chen po dang / gnod sbyin gyi sde dpon dang / gnod sbyin stobs po che dang / 'phrog ma la sogs pa'i ming gis dkon mchog gsum la mchod par bgyi'o/ /de rnams kyi stobs dang / dbang phyug dang / byin gyis bdag dge bar gyur cig /bdag la srung ba gyis shig /nad thams cad las thar bar gyur cig /nad pa'i zas dang / skom dang / sman rnams kyang rig sngags 'dis btab ste stsal bar bgyi'o/ /rdzogs sangs rnam par sangs rgyas tshe/ /'jig rten skyong bas phyogs bzhi nas/ /snod bzhi dag ni blangs nas su/ /bde bar gshegs la phul ba dang / /mthu yis gcig tu sprul mdzad pa/ /lha yi snod mchog de dang ni/ /bdud rtsi 'dra ba'i sman gyi rnams/ /ston pa'i phyag na bsnams gyur pa/ /bden pa'i tshig ni de dag gis/ /sman rnams bdud rtsir gyur par shog /de bzhin lha mo 'phrog ma yis/ /lha rdzas dge ba a ru ra/ /blangs nas ston la rab phul ba/ /bdud rtsi 'dra ba'i sman gyi rnams/ /bden pa'i tshig ni 'di dag gis/ /nad pa rnams kyi nad sel cing / /nyes pa thams cad 'phrog byed pa/ /sman rnams bdud rtsir gyur par shog /sangs rgyas rnam gzigs gzi brjid dang / /gtsug tor can gyi stobs rnams dang / /thams cad skyob kyi bden tshig dang / /log dad sel gyi ting 'dzin dang / /gser zhes bya ba'i ye shes dang / /'od srung gi ni rdzu 'phrul dang / /shAkya seng ge'i mthu rnams kyis/ /sman rnams bdud rtsir gyur par shog /</font><hr>97.87a<br><font size=+1>

nad pa shar phyogs kha bstan la/ /sman rnams nye bar stsal bar bgyi/ /de yi tshe na rig sngags 'di/ /lag mthil bzhag ste klag par bgyi/ /s+yAd ya the dan/ kha Te kha Te/ kha Te/ kha Ta bi kha Ti/ bi ma le/ bi lam be ba le/ ba la ba ti/ tsan dre/ tsa ra Ne/ a mri ta nir g+ho She swA hA/ rlung las gyur dang mkhris las gyur/ /bad kan las gyur 'dus las gyur/ /nad rnams thams cad rab bcom ste/ /bdag la rtag tu dge bar shog /byad stems dang ro langs dang ldan pa'i las rnams la skyes pa'am/ bud med gdugs zhag gcig smyung ba bgyis pa/ rab tu bkrus pa/ shin du brgyan pa des dog sa la me tog sil ma bkram ste/ spos sna tshogs kyis bdugs la seng ldeng dang / rgya shug rigs gnyis kyi zhugs bus te/ sa bon thams cad phyogs bzhir gtor bar bgyi'o/ /zhugs kyi nang du'ang gtor bar bgyi'o/ /rtsa ba thams cad dang / me tog thams cad tshon skud sna tshogs la brgyus te ral gri 'am/ mdung rtse gsum pa 'am/ mdung ngam/ mda' la gdags par bgyi'o/ /spos chab sna tshogs sbyar te/ bum pa chen po'i nang du blug la/ gang byad stems kyis phog pa de skud pa des bcings te/ bum pa'i chab kyis bkru bar bgyi'o/ /skud pa yang ral gris bcad de zhugs kyi nang du dor ro/ /stong chen po rab tu 'joms pa'i mdo sde 'di yang brjod par bgyi'o/ /gang dag sangs rgyas rang sangs rgyas/ /sangs rgyas rnams kyi nyan thos dang / /tshangs dbang dang ni 'jig rten skyong / /gnod sbyin sde dpon dbang phyug dang / /de bzhin gnod sbyin stobs chen dang / /'phrog ma bu dang bcas pa dang / /de dag mthu dang gzi brjid kyis/ /ro langs las rnams chad gyur cig /rdo rjes rin chen phug pa dang / /me yis bus shing sreg pa dang / /rlung gis sprin ni 'thor ba dang / /nyi mas nags tshal skems byad pa/ /bden pa'i tshig ni de dag gis/ /byad stems las rnams tshigs par shog /spos dang me tog</font><hr>97.87b<br><font size=+1>

sna tshogs kyis/ /sdig pa thams cad nges par bsal/ /tad+ya thA/ hu me hu me/ ka kha li/ ka kha li/ dzu hwi ni/ dza ba le/ ha ra gre/ ha ri Ni shA ba ri/ shAn ti/ pra shAn ti swA hA/ d+hA ba ni swA hA/ pra d+hA ba ni swA hA/ g+han d+har be swa hA/ pra la~M gi ni swA hA/ sarba kA khorda kr-i ta me tA Da ts+tsha ra ra ni swA hA/ lha thams cad kyi gsang sngags 'di dag gis bdag gi byad stems dang / ro langs dang / sman dang / sngags dang / dug dang / dug sbyar ma rnams bcad do/ /bshig go /pham par byas so/ /pha rol pham par byas so swA hA/ lba ba dang / shu ba dang / smyo ba dang / 'bras dang / 'brum bu dang / rkom po dang / dug 'thungs pa las thar bar 'tshal ba shin du khrus bgyis pa/ shin tu brgyan pa/ stan bzang po'i steng du mchis te/ rig sngags 'di brjod par bgyi'o/ /sangs rgyas kun gyi gzi brjid dang / /rang rgyal dag gi gzi brjid dang / /dgra bcom dag gi mthu dag dang / /gsang sngags 'dzin pa thams cad dang / /shA r-i'i bu yi shes rab dang / /maung gal bu yi rdzu 'phrul dang / /ma 'gags pa'i ming dang ni/ /'od srung sbyang pa'i yon tan dang / /kau di n+ya'i sngar thob dang / /kun dga' bo yi thos pa dang / /tshangs pa yi ni byams pa dang / /brgya byin gyi ni dbang rnams dang / /'jig rten skyong ba'i yul rnams dang / /dbang phyug chen po'i stobs dag dang / /sde dpon rnams kyi mthu dag dang / /'phrog ma gzi brjid rdzu 'phrul dang / /de dag rnams kyi mthu dang gzis/ /bdag gi dug ni dug med shog /dug med dug rnams 'jil byed pa/ /gsang sngags tshig rnams de lags so/ /</font><hr>97.88a<br><font size=+1>

s+yAd ya the dan/ ha ri gi shi na ki li/ e he re/ a ma re/ aN+Da re/ paN D+ha re/ ka Ta ke /ke y+'u re/ ha se ha se ha se kha se kha se kha se kha ra~M ge/ ma ru ga ha Ne swA hA/ mu mu k+sha swA hA/ hi le swA hA/ mi le swA hA/ 'bras dang rma dang shu ba dang / /g.yan pa dang ni 'brum bu dang / /lhog pa dang ni g.ya' ba ni/ /bdun pa lags te rab tu bcom/ /'dod chags zhe sdang gti mug rnams/ /de dag 'jig rten dug gsum ste/ /bcom ldan sangs rgyas dug mi mnga'/ /sangs rgyas gzi yis dug bcom mo/ /'dod chag zhe sdang gti mug rnams/ /de dag 'jig rten dug gsum ste/ /bcom ldan chos chos dug mi mnga'/ /chos kyi gzi yis dug bcom mo/ /'dod chags zhe sdang gti mug rnams/ /de dag 'jig rten dug gsum ste/ /bcom ldan dge 'dun dug mi mnga'/ /dge 'dun gzi yis dug bcom mo/ /sa ni dug gi ma yin te/ /sa ni dug gi pha yang yin/ /bden pa'i bden tshig de dag gis/ /bdag gi dug ni dug med shog /dug ni sa yis nang du song / /gang ba'i snod du dug song shig swA hA/ de nas khrag khrug dang / 'thab pa dang / brtsod pa dang / 'gyed pa dang / pha rol gyi dmag tshog dang / dgra rnam las rgyal bar 'tshal bas thog mar mchod rten chen po la mchod par bgyi'o/ /stong chen po rab tu 'jom pa'i rig sngag kyi rgyal mo 'di yang brjod par bgyi'o/ /sangs rgyas kyis ni bdud pham mdzad/ /chos ma yin ni chos kyis so/ /dge 'dun gyis ni mu stegs pham/ /dbang po lha min pham par gyur/ /lha min rnams kyis zla ba pham/ /namakha lding gis rgya mtsho'o/ /me yis shing rnam pham par gyur/ /chus ni me yang pham par 'gyur/ /rlung gis sprin rnam rab tu pham/ /rdo rje yis ni rin chen phug /lha rnams bden par rab tu gsungs/ /sa yang bden par gnas pa lags/ /sangs rgyas dang</font><hr>97.88b<br><font size=+1>

ni chos kyang bden/ /bden pa rgyal gyur brdzun ma lags/ /s+yAd ya the dan/ a mr-i te/ a gra puspe/ ba hu pha le/ ni bA ra ni/  sarba ar+tha sA d+ha ni/ a pa rA dzi te/ ba ra Te d+ha ra ni/ gu h+ya bar te/ gau ta me/ gu gu ma ti/ dzam+b+ha ni swAhA/ pra dzam+b+ha mi swAhA/ ba la pra b+hany+dza ni swA hA/ dza ye swAhA/ bi dza ye swAhA/ dza ya bi dza ye swA hA/ phyir rgol ba ni kun las rgyal/ /sdig pa thams cad rab tu pham swAhA/ de nas ston pa kun mkhyen gyi/ /tshigs su bcad pa 'di dag gasrungs/ /mi 'khrugs pa dang snang mdzad spyan ras gzig kyi dbang / /rin chen 'od 'phro ri rab mu khyud 'od dpag med/ /rdo rje rnams kyi mtshan rnams rtag tu bzung na ni/ /'jigs par 'gyur ba ma yin non par mi 'gyur ro/ /gang gis mthu stobs chen po brgyad po 'di dag gis/ /mtshan rnams rjesu bzung ba'i phyir ni rab brjod cing / /kun du bskyab pa byas na de yi lus la ni/ /mi dang dug dang mtshon gyis tshugs par mi 'gyur ro/ /gal te de la gnod pa byed pa nye bar gnas/ /gshed mas mtshon rnams kyi ni gdab par gzas pa las/ /spyan ras gzigs kyi dbang po rjes su dran na ni/ /mtshon cha de dag dum bu dum bur chag cing 'brul/ /gal te mtshon cha rnams ni thogs par gyur na yang / /lag pa chag nas sa la rab tu ltung bar 'gyur/ /de yi lus la cung zad 'bab par mi 'gyur te/ /sngan chad byas pa gang yin pa ni ma gtogs so/ /lha rnams kyis 'thun par tshigs su bcad pa 'di dag gsol to/ /sangs rgyas spyod yul mtha' yas khyod la phyag 'tshal lo/ /bden pa rab ston thub pa khyod la phyag 'tshal lo/ /deng ni bden pa rnams la gnas nas mchis bar bgyi/ /bdag gis las rnams thams cad 'bras bur bcas gyur cig /de nas tshangs pa tshangs chen</font><hr>97.89a<br><font size=+1>

gyis/ /langs te thal mo sbyar btud nas/ /stong chen rab tu 'jom byed pa/ /legs par gsungs pa'i rigs sngags 'di/ /byis pa rnams la phan bgyid pa/ /rigs sngags bdag gis brjod par bgyi/ /gang gis dang por 'dzam gling du/ /rig sngags rab tu ston mdzad pa/ /chos kyi rgyal po snang mdzad pa/ /sangs rgyas dpal la phyag 'tshal lo/ /khyad par 'phag pa'i chos rnams dang / /tshogs kyi dam pa dge 'dun dang / /sangs rgyas zhabs la phyag 'tshal nas/ /tshangs pas 'di skad tshig gsol to/ /gang dag sangs rgyas rang sangs rgyas/ /sangs rgyas kyi ni nyan thos dang / /drang srong dang ni 'jig rten skyong / /lha rnams ji snyid mchis pa dang / /de kun mi yi 'jig rten na/ /'di las skyes pa sha stag go /thub chen mngal la 'tshal ba yi/ /gnod sbyin srin po 'di na mchis/ /rgyal po rnam kyis mthong mi nus/ /bstan par yang na mi nus so/ /gang la bu ni mi 'chags dang / /gang gi mngal ni mi gnas dang / /skyes pa bud med 'du ba na/ /dbang po rnams ni myos par bgyid/ /mer mer po dang nur nur po/ /bu yi sa bon ma rung bgyid/ /gang yang mngal ni thur du gyur/ /sha ma mi 'byung gnod bgyid pa/ /de rnams kyi ni ming brjod kyis/ /'jig rten mgon po bdag la gson/ /'jam pa po dang ri dgas rgyal/ /skem byed brjed byed khu tshur can/ /ma mo dang ni dza mi ka /'dod pa can dang nam gru dang / /srul po dang ni ma dga' byed/ /bya dang gnya' ba'i lag can dang / /bzhin brgyan dang ni mig 'phyang ba/ /de dag thams cad sa la rgyu/ /gdon rnams bcwa lnga de dag ni/ /byis pa rnams la 'jigs par bgyid/ /ji ltar byis pa 'dzin pa'i/ /mtshan dang gzug kyang brjod par bgyi/ /'jam ba pos ni zin gyur na/ /mig ni rab tu 'gyur bar bgyid/ /ri dwags rgyal gyis</font><hr>97.89b<br><font size=+1>

zin gyur na/ /skyugs pa mi bzad skyug par 'gyur/ /skem byed kyis ni zin gyur na/ /skem byed pas ni byis pa 'gul/ /brjed byed kyis ni zin gyur na/ /'gre zhing de ltar sgra yang 'byin/ /dbu ba dang ni kha chu 'dzag /khu tshur can gyis rab zin na/ /khu tshur 'chang zhing 'byed par bgyid/ /ma mo yis ni zin gyur na/ /rgod cing de bzhin sgra yang 'byin/ /dza mi kas ni rab zin na/ /nu zho nu bar mngon mi dga'/ /'dod pa can gyis rab zin na/ /mal na gnyid log ngu bar 'gyur/ /nam gru rab tu zin gyur na/ /lce la sos ni 'cha' bar bgyid/ /srul pos rab tu zin gyur na/ /ku co 'don cing sgra yang 'byin/ /ma dga' byed pas zin gyur na/ /rnam pa sna tshogs gzugasu 'gyur/ /bya yis rab tu zin gyur na/ /mnam pa'i dri ni 'byung bar 'gyur/ /gnya' lag can gyis zin gyur na/ /mgul pa rab tu 'gag par 'gyur/ /bzhin brgyan gyis ni zin gyur na/ /rim kyis btab cing 'khru bar 'gyur/ /mig 'phyang bas ni zin gyur na/ /skyigs bu dang ni sdam pa 'byung / /byis pa ji ltar skra bgyid pa/ /de yi gzugs ni brjod par bgyi/ /'jam ba po ni ba lang gzugs/ /ri dgas rgyal po ri dag 'dra/ /skem byed pa ni gzhonu'i gzugs/ /brjed byed pa ni ba 'dra'o/ /khu tshur can ni bya rog gzugs/ /ma mo de ni mi yi gzugs/ /dza mi ka ni rta yi gzugs/ /'dod pa can ni rdo rje'i gzugs/ /nam gru khyi'i gzugs kyis te/ /srul po phag gis gzugs kyis so/ /ma dga' byed pa byi la'i gzugs/ /bya ni 'dab chags gzugs kyis so/ /gnya' lag can ni bya gag gzugs/ /bzhin rgyan 'ug pa'i gzugs su ste/ /mig 'phyang ba ni pha bang gzugs/ /'di dag byis pa skrag par bgyid/ /'di dag bu 'phrog ma rung pa/ /byis pa rnams la 'jigs bgyid pa/ /mdo sde'i zhags pas drangs nas ni/ /'di dag shin</font><hr>97.90a<br><font size=+1>

du dgug par bgyi/ /gnod sbyin sde dpon chen po ni/ /dri za tsan dan zhes bgyi ba/ /yi ge phyag rgya de stsal te/ /song la gdon ni drag po pa/ /bcwa lnga de dag khug shig ces/ /pho nyar yang ni btang bar bgyi/ /de dag rnams ni skad cig gis/ /bcing ba lnga yis bcing bzhin bkug /de nas 'jig rten mgon po la/ /tshangs chen thal sbyar 'di skad gsol/ /srog chags sa bon 'jigs bgyid pa/ /'byung po 'di dag rnams lhags te/ /mgon po yi ni spyan snga ru/ /'di dag chad pa bshad par bgyi/ /bud med gang dag bu mi 'tshal/ /gang zhig btsas pa 'dzin 'tshal bas/ /tshes brgyad dang ni bcu bzhi la/ /bslab bzung dam chos skyabs mchis la/ /mchod rten legs par mchod par bgyi/ /khrus bgyis shin du brgyan nas ni/ /sa bzhir yungs kar gtor nas su/ /me tog spos kyis brgyan par bgyi/ /sna lnga'i tshon gyi skud pas ni/ /'khor yug tu ni bskor bar bgyi/ /nam phyed bar du mchis nas ni/ /spyi bor yungs kar bzhag nas su/ /tshangs pas rab tu byas pa ste/ /tshangs pas sprul ces brjod par bgyi/ /lo grangs bcu gnyis bar du ni/ /gzhon nu rnams la phan bgyid pa/ /tshangs pas sprul pa'i mdo sde yi/ /rig sngags 'di la gang 'da' ba/ /a rdza ka yi dog pa bzhin/ /mgo bo tshal pa bdun du 'gas/ /s+yAd yA the dan/ a~M ge/ ba~M ge/ ba~M gi ni/ b+ha ba ne/ i nan di/ bi nan di/ su ra li/ gi ri gi ri/ sha ba ri/ ga ru Ni/ sha ru Ni gi ri/ ga ba re/ lo tsa ni/ ro Sha Ni/ la sa ni/ ro tsa ne/ a la b+he/ a ga ne/ a li b+he/ ta la b+he/ pra kar Shi Ne swA hA/ mngal na bde bar gnas gyur cig /dbang po yang dag 'phel bar shog /mngal na 'dug pa bde gyur cig /btsas pa 'jig par ma gyur cig /mngal na bde bar</font><hr>97.90b<br><font size=+1>

gnas gyur cig /dus bzhin du ni 'byung bar shog /tshon skud sna tshogs rnams dang ni/ /yungs dkar 'bru ni ma grugs pa/ /de dag bsrung bar gsungs pa ste/ /byis pa ring du 'tsho bar shog /de nas ston pa kun mkhyen gyis/ /rig pa'i sngags ni 'di dag gsungs/ /mngal na 'dug pa bsrung bar shog /byis pa rnams ni bde gyur cig /s+yAd ya the dan/ bo d+hi bo d+hi/ ma hA bo d+hi/ bo d+ha a nu ma te/ pha li ni/ ba hu pha le/ shik+Sha shik+Sha/ sA ra ba te/ sA ga li/ du rA sa de/ du rA ga me/ shU ra prAp+te/ shU ra ba te/ b+ha ge/ b+ha ga ba te/ b+ha ge ni ni bA ra Ni swA hA/ de nas gdon ni bcwa lnga po/ /rtag tu khrag la 'thung rnams kyis/ /'jig rten mgon la phyag 'tshal te/ /thal mo sbyar nas 'di skad gsol/ /grong ngam khyim 'am grong khyer ram/ / gang na legs par gsungs pa yi/ /mdo sde 'di ni bzhugs pa der/ /byis pa rnams ni 'chi mi 'gyur/ /thub chen khyod ni ji bzhin du/ /rjes su 'thun par 'jug par bgyi/ /sangs rgyas bcom ldan 'das la phyag 'tshal lo/ /'tshangs pa la phyag 'tshal lo/ /gsang sngags kyi tshig rnams grub par gyur cig /grub par gyur cig /rig sngags kyis sgrol bar gyur cig /tshangs pas bsam par gyur cig swA hA/ de nas rgyal po chen po rnams thos kyi bus bla gos phrag pa gcig tu gzar nas thal mo sbyar te/ bcom ldan 'das la phyag 'tshal nas 'di skad ces gsol to/ /btsun pa bcom ldan 'das nyan thos gang la la stong chen po rab tu 'joms pa'i mdo sde 'di 'dzin tam/ 'chang ngam/ ston tam/ klog gam/ kun chub par bgyid pa des mang du thos pa la btson par bgyi'o/ /mchod rten mchod pa la brtson par bgyi'o/ /tshes brgyad dang / bcu bzhi dang / bcwa lnga'i dus su mchod rten la mchod pa rgya chen po bgyis nas rig sngags bklag par bgyi'o/ /tshes brgyad kyi tshe ni rgyal</font><hr>97.91a<br><font size=+1>

po chen po bzhi'i skyes bu dag rgyal po chen po rnams kyis mdun na de la sems par bgyid/ ming nas kyang 'don par bgyid do/ /tshes bcu bzhi'i tshe ni rgyal po chen po bzhi po dag nyid mdun na sems par bgyid/ ming nas kyang 'don par bgyid do/ /tshes bcwa lnga'i tshe ni rgyal po chen po bzhi po dag ni sems par bgyid cing ming nas kyang 'don par bgyid de/ bcom ldan 'das kyi nyan thos gang stong chen po rab tu 'joms pa'i mdo sde 'di len pa dang / 'chang ba dang / ston pa dang / klog pa dang / kun chub par bgyid pa de ni srog chags 'byung po thams cad la snying brtse zhing phan par bgyid pa lagaso/ /btsun pa bcom ldan 'das bdag cag rgyal po chen po bzhis kyang de la gos dang / zas dang / mal cha dang / stan dang / na ba'i gsos sman dang / yo byad rnams kyis mi brel bar bgyi'o/ /sems can thams cad kyis kyang bsti stang bgyid par 'gyur/ /rgyal po dang / blon po dag gis kyang bla mar bgyi ba dang / rim gro bgyi ba dang / mchod par bgyi par 'gyur ro/ /gzhan mu stegs can dang / dge sbyong dang / bram ze dang / spyod pa can dang / kun du rgyu dang / mdza' ba dang / mi mdza' ba dag gis nang du mchis kyang mchod par 'gyur ro/ /rigs kyi bu 'am/ rigs kyi bu mo dad pa des gtsang mar bgyis te/ lus gtsang ba dang / gos dang / rgyan dang / mal cha dang / stan dang / yo byad khyad par can gtsang mar bgyi/ yul ngan pa rnyed par mi bgyi/ yul ngan pa'i 'dza' bo dang bsten par mi bgyi/ yul ngan pa na gnas pa la bsngags par mi bgyi'o/ /gang 'byung po'i gdon gyis zin pa'i mdun du stong chen po rab tu 'joms pa'i mdo sde 'di dran par gyur na/ de la rgyal po chen po bzhi po bdag nyid bsrung ba dang / skyob pa dang / sbed par bgyid par 'gyur ro/ /btsun pa bcom ldan 'das de ltar na stong chen po rab tu 'joms pa'i mdo sde 'di mthu che ste/ gang gis rang gi khyim du mtshan gcig gam/ nyin gcig kyang rung yang dag par bsam</font><hr>97.91b<br><font size=+1>

na/ de la lo gcig gi bar du mi ma lags pas glags rnyed par mi 'gyur ro/ /'byung po'i tshogs tham cad kyis phyag bgyi ba'i 'os su 'gyur ba lags so/ /gang stong chen po rab tu 'joms pa'i mdo sde 'di 'chang ba de 'tshal na/ rgyal po chen po bzhi yang bzhin bston par 'gyur na/ gnod sbyin dang / srin po dang / phal pa gzhan lta smos kyang ci 'tshal/ de ci'i slad du zhe na/ sems can rnams la sman pa'i slad du 'jig rten la gang su dag rig sngags bgyid pa de dag pas gsang sngags kyi tshigs 'di dag rab mchog /gtso bo/ khyad par du 'phags pa/ dam pa/ zab pa/ rgya che ba/ tshad ma mchis pa/ 'jug par dka' ba/ thun mong ma lags pa'i slad du ste/ 'di ni chos kyi phyag rgya lags so/ /de nas dbang po mig stong po/ /lha yi rgyal po bde sogs khyod/ /thal mo sbyar te phyag 'tshal nas/ /'jig rten mgon la 'di skad gsol/ /'jig rten kun la phan bgyid pa/ /rig sngags 'di ni legs par gsungs/ /gsang sngags sman dang ldan pa yi/ /rig sngags bdag gis brjod par bgyi/ /shi rI sha me tog a pa mA rga dang / /ka ta kA yi 'bras bu a ga ru/ /rdo dreg dang ni mi dA btsod rnams dang / /su ka rI dang dzA ya marga ti/ /pa ri pe la ra sad bI rA dang / /sA ma ka dang p+'uspa rgya spos dang / /tsan dan a bar ta ga ru rta dang / /sder mo lo ma ka Ta ma rA dang / /pri yang ku dang 'bru gsug smig bcud dang / /yungs kar dag dang ldong ros rnams dang ni/ /shing tsha shu dag gur gum shing kun dang / /lo ma dag dang ldan pa'i brna kaM/ /de dag sbyar te ring bur bgyis pa ni/ /gnod rnams kun las grol bar bgyid pa ste/ /'byung po dag ni kun gyi 'gyur ba la/ /mig la de yis bskus pa bgyis na ni/ /de nas 'byung po rdo rje dang / /gnam lcags mda'</font><hr>97.92a<br><font size=+1>

yis zin las thar/ /ljon shing che dang de bzhin du/ /mchod rten che la bskus bgyis na/ /gang gis gnas de mthong ba de/ /'byung po la ni 'jigs ma mchis/ /der ni 'byung po mi gnas te/ /gnod byed gzhan yang ma lags so/ /rnga chen dung dang rdza rnga dang / /rnga bran dag la bskus na ni/ /de dag sgra ni gar grag par/ /'byung po'i dkyil 'khor skrag par 'gyur/ /grong du rgyu ba'i bya rnams kyi/ /'dab ma dag la bskus na ni/ /yul dang phyogs ni gzhan dag du/ /bya de gang du mchis pa der/ /'byung po rnams ni mi gnas te/ /gnod byed gzhan yang ma lags so/ /chu mig mtsho dang lteng ka 'am/ /gang dang gang du bor yang rung / /der ni dpag tshad khor yug du/ /bde ba dang ni zhi bar 'gyur/ /pha rol dmag tshogs nang mchis te/ /mtshon cha dag ni 'bab pa na/ /gnas rnams kun tu byug bgyis na/ /bde blag tu ni thar par 'gyur/ /lba ba dang ni gzhang nad dang / /me dbal dang ni 'bras byung dang / /bdug pas zin dang dug 'thungs pas/ /'thungs sam byugs nas thar par 'gyur/ /lus la de yis byugs na ni/ /byad sdems thams cad gcod par bgyid/ /rtsod pa rnams las thar bar 'gyur/ /rgyal po'i gyod las thar bar 'gyur/ /ma grub pa yang grub par 'gyur/ /dbul po las ni phyug por 'gyur/ /bu ma mchis pa bu rnyed 'gyur/ /nor ma mchis pa nor rnyed 'gyur/ /rig sngags 'chang gnas bar du yang / /'di ni gsang sngags grub par bgyid/ /dud 'gro'i skye gnas gyur pa dang / /ljon shing rnams kyi 'bras bu dang / /rig sngags 'chang ba thob la yang / /'di ni zhi ba'i las dge byed/ /'di la gsang sngags tshig mchi te/ /dper na dbang po'i tshigs bzhin no/ /s+yAd ya the dan/ a kra me/ bi kra me/ b+h+'u ta g+ho</font><hr>97.92b<br><font size=+1>

She b+hU ha~M ga me/ da ha ni d+ha d+ha ne/ d+ha ra ba re/ da d+hi ni/ ni khu me/ khu khu me/ kha kha kha kha/ sA ra~M ga me/ tsan dre/ tsa pa le/ ha li me/ ha le/ hA rI Ne swA hA/ phyogs thams cad nas bdag gi sdig pa tham cad zhi bar gyur cig swAhA/ de nas tshang pa dbang po dang / /'jig rten skyong dang dbang phyug che/ /gnod sbyin sde dpon thams cad dang / /'phrog ma bu dang bcas pa yang / /thal mo dag ni rab sbyar nas/ /sgra skad gcig tu 'di skad gsol/ /nyi ma stong ltar gsal ba po/ /zla ba nya ltar 'od gsol ba/ /lha mir bcas pa'i 'jig rten na/ /khyod dang 'dra ba yong ma mchis/ /legs bsam legs par sbyar na ni/ /gnod sbyin srin po rnams 'joms pa/ /rgyal srid thar bgyid ces bgyi ba/ /rig sngags rgyal srid rab sbyor ba/ /stong chen gyi ni 'jig rten na/ /bsrung ba'i mdo sde dam pa lags/ /phyag 'tshal skyes bu dpa' khyod la/ /phyag 'tshal skyes bu mchog khyod la/ /thal mo sbyar te phyag 'tshal nas/ /de nyid du ni mi snang gyur/ /de nas bcom ldan 'das nub kha'i dus kyis tshe/  nang du yang dag 'jogs las bzhengs nas dge slong rnams la bka' stsal pa/ dge slong dag stong chen po rab tu 'joms pa zhes bya ba'i mdo sde long shig /chongs shig /lhogs shig /ston cig /kun chub par gyis shig dang / de lha dang bcas pa'i 'jig rten la yun ring po'i don dang / phan pa dang / //           //          //      //      //         //         //         //              //             //                   //           //              //             //</font><hr>97.93a<br><font size=+1>

bde ba dang /  bde ba la reg par gnas par 'gyur ro/ /dge slong dag nga'i dge slong gang la la zhig gis stong chen por rab tu 'jom pa'i mdo sde 'dis shing skam po la skud pas bcings na de la lo ma dang / me tog dang 'bras bu rnams skyes bar 'gyur na/ rnams par shes pa dang bcas pa'i lus la lta smos kyang ci dgos te/ sngon gyi las kyi rnam par smin pa ni ma gtogs so/ /de skad ces bka' stsal pa dang / bcom ldan 'das la dge slong de dag gis 'di skad ces gsol to/ /btsun pa bcom ldan 'das kyis mdo sde chen po lnga gsungs pa de dag ni 'di lta ste/ stong chen po rab tu 'jom pa dang / rma bya chen mo dang / bsil ba'i tshal chen mo dang / so sor 'brang ba chen mo dang / gsang sngags kyi rjes su 'brang ba chen mo lags te/ btsun pa bcom ldan 'das kyis de dag zas rnam pa lnga yongs su spangs la chongs shig ces kyang bka' stsal la/ zas bsod snyoms la brten te rab tu byung shig ces kyang gsungs na/ bcom ldan 'das zas rnam pa lnga dang ma 'dres pa'i bsod snyoms ni nyung / 'di ltar zas rnam pa lnga dang 'dres pa de ni mang lags na/ btsun pa bcom ldan 'das de la bdag cag gis ji ltar nan tan du bgyi/ de skad ces gsol pa dang / bcom ldan 'das kyis dge slong de dag la 'di skad ces bka' stsal to/ /dge slong dag de nyid kyi phyir su stong chen po rab tu 'jom pa'i mdo sde 'di 'chang ba des/ rma med pa'i nor bu'i gzungs zhes bya ba de bdag nyid bsrung bar bya ba'i phyir chongs shig /des bsod snyoms len pa'i tshe zas la mi mthun pa med pa'i 'du shes bskyed par bya'o/ /zas rnam</font><hr>97.93b<br><font size=+1>

pa lnga dang 'dres pa'i bsod snyom la yang zas rnam pa lnga dang ma 'dres pa'i 'du shes bskyed par bya/ 'dus byas thams cad la mi rtag pa'i 'du shes dang / mi rtag pa la sdug bsngal ba'i 'du shes dang / sdug bsngal ba la bdag med pa'i 'du shes skyed par bya'o/ /zas rnam pa lnga po dag ga la yod/ zas rnam pa lnga po su'i yin/ su zhig zas rnam lnga po za/ sems can dmigs su med do/ /de la zas rnam lnga dang 'dres na tshes brgyad dang / bcu bzhi dang / bcwa lnga la bdag bsrungs ba byas te/ rgyal rigs kyi bu mo legs par dkrus pa/ shin du brgyan pa/ nyin zhag gcig zas bcad pa/ bslab pa'i gnas lnga bzungs ba/ skud pa dmar po bzhi sgril du 'khal du bcug la gsang sngags 'dzin pas rig sngags dran par byas te skud pa de mdud pa mdud la/ skud pa de mtshon sar pas bcad de bsregs la rin po che'i snod dam/ lcags kyi snod kyang rung / chus khong ste me tog gis khyab par khrom la bdug pa sna tshogs kyis bdugs te/ snod kyi nang nas skud pa de slar 'byor te ma byung gi bar du rig sngags 'di brjod par bya'o/ /de yang lag pa la bcings la tshigs 'di skad brjod do/ /bram ze rnams kyis bslus nas su/ /shAkya seng ge skyob pa la/ /dpal sbas kyis ni dug can gyi/ /bsod snyoms dag ni phul ba dang / /de las de ni blangs nas su/ /ston pas dug ni bsad nas gsol/ /bden pa'i tshig ni 'di'i su/ /zas ni bdud rtsir 'gyur bar shog /rnam par gzigs pa lha gang dang / /gtsugs gtor can dang kun skyob dang / /logs par dad pa sel ba dang / /stobs chen</font><hr>97.94a<br><font size=+1>

lha gang dad pa dang / /gser dang dpal ldan 'od srung dang / /shAkya yi ni seng ge la/ /rab dad lha'i dbang po dang / /tshangs dbang sum bcu'i dbang phyug dang / /'jig rten skyong ba bzhi dag dang / /nor bu bzang dang dbang phyug che/ /srin mo nag mo chen mo dang / /de bzhin gdol ma gtum mo dag /me tog dang ni bdug pa dang / /bdag gi sbyin bsreg 'di bzhes shig /de dag tshim zhing mchod gyur nas/ /bdag gi kha zas byang bar mdzod/ /zas lnga dag dang 'dres pa yang / /bdag la ma 'dres mdzad du gsol/ /kha zas lnga dang 'dres pa yang / /zas de kun ni bza' bar bgyi/ /sa bon dag gis tshogs kun la/ /sa'i bcud ni zhugs pa yi/ /kha zas 'dres pa thams cad kyang / /bdag la ma 'dres mdzad du gsol/ /ji ltar skud pa bcad bsregs pa/ /de lta bu yang slar 'byor ba/ /de ltar zas rnams 'dres pa yang / /ma 'dres par yang bdag la mdzod/ /s+yAd ya the dan/ kha kha me/ kha kha kha kha/ khu khu me/ shi me shi me/ shi hu me/ shi me shi me/ swA sti swa sti swa sti swa sti/ ma ma shAn te/ shA rA gri/ kha zas lnga dang 'dres pa yang / /ji ltar ma 'dres zas bzhin du/ /gang gis ji ltar skud bsregs pa/ /de 'dra'i bden pa mdzad du gsol/ /s+yAd ya the dan/ ka la ke /ka la le/ ba la ni/ ka ru ta a la ye/ a g+ne/ sa~M krA ma Ne</font><hr>97.94b<br><font size=+1>

swA hA/ sangs rgyas rnam par gzigs dang gtsug tor can/ /bde gshegs kun skyobs sangs rgyas log par dad sel dang / /gser thub 'od srung shAkya thub pa gau ta ma/ /bsnyengs pa mi mnga' ba la bskyabs su nye bar mchi bar bgyi/ /mi mchog bdun po de dag gi ni sku rnams la/ /me tog dag dang spos rnams kyis ni mchod par bgyi/ /lus dang ngag dang rab tu dang ba'i sems kyis ni/ /de dag rnam la bskyabs su nye bar mchi bar bgyi/ /sangs rgyas rdzu 'phrul che dang ldan pa de dag la/ /lha gang mngon par rab tu dang ba yod pa yi/ /lha de mgu zhing yid ni rab tu dgar gyu nas/ /rab tu dang bas yid kyis bdag la bsrung du gsol/ /bcom ldan 'das kyis de skad ces bka' stsal nas/ dge slong de dag yi rangs te/ bcom ldan 'das kyis gsungs pa la mngon par bstod do/ /'phags pa stong chen po rab tu 'joms pa zhes bya ba'i mdo rdzogs s+ho// //rgya gar gyi mkhan po shI len+d+ra bo d+hi dang / dz+nyA na sid+hi dang / shAkya pra b+ha dang / zhu chen gyi lo tsa ba ban+de ye shes sdes bsgyur cing zhus te skad bsar chad kyis kyang bcos nas gtan la phab pa'o// //slar yang lo tsa ba gzhon nu dpal gyis chos rje phyag lo'i rgya dpe dang bstun nas zhu dag par bgyis so/ /stag lung rgyud 'bum dang bdur zhus dag rdag          /                 /           /           /              /              /               /             /             /</font><hr>

</table>