@/ /rgya gar skad du/ Ar+ya tsan dan ang ga nA ma d+dA ra NI/ bod skad du/ 'phags pa tsan dan gyi yan lag ces bya ba'i bzungs/ sangs rgyas dang / byang chub sems dpa' thaMd la phyag 'tshal lo/ /'di skad bdag gis thos pa tu gcig na/ bcom ldan 'das rgyal po'i khab na dge slong gis dge 'dun chen po dge slong khri nyis stong lnga brgya'i dge slong gi dge 'dun chen po dang / byang chu sems dpa' sems dpa' chen po rab tu mang po dang / gzhan yang lha khyad par can mang po dang thabs cig tu bzhugs te/ de nas bcom ldan 'das gdan bshams pa la de bzhin gshegs pa'i cho 'phrul gyis lham me/ lhan ne/ lhang nger bzhugs so/ /de nas bcoM ldan 'das kyis 'khor der byang chub sem pa sems dpa' chen po/ spyan ras gzigs dbang phyugs dang / zla 'od gzhon nur gyur pa la bka' stsal pa/ rig kyi bu 'jig rten gyi khams 'di pha rol gyi yang ches pha rol 'jig rten gyi khaMs bye ba khrag khrig 'buM phrag gang gA'i klung grangs med pa'i bye ma snyed 'das pa na/ can dan gyis dpal zhes bya ba'i 'jig rten gyis khaMs yod de de na de bzhin gshegs pa dgra bcoM pa ya~M dag par rdzogs pa'i sangs rgyas tsan dan gyi yan lag ces bya ba da ltar ya~M bzhugs te/ 'tsho zhing gzhes la chos kyang ston to/ /ga~M 'jig rten gyi khaMs de'i seM can de dag thaMd ni phyir mi ldog par 'gyur ba sha stag ste/ bcoM ldan 'das de bzhin 98.59a gshegs pa dgra bcoM pa yang dag par rdzogs pa'i sangs rgyas tsan dan gyi 'i yan lag des sems can thaMd kyi don gyi phyir tsan dan gyi lan lag ces bya ba'i gzungs kyi rig pa'i gsangs sngags kyi bzhi gsungs pa 'di thos nas phyir mi ldog pa de sdig pa dang bral zhing byang chub kyis seMs dang mi 'bral lo/ /bcoM ldan 'das de bzhin gshegs pa tshe dpag med dang / de bzhin gshegs pa mar me mdzad dang / de bzhin gshegs pa rnaM par snaM mdzad dang / gzhan ya~M 'das pa'i sangs rgyas bcoM ldan 'das rnaMs kyis kyang sngon chad gsungs te/ nges kyang khyed rnaMs la bshad kyis/ seMn thaMd rjes su bzung ba'i phyir leg par rab tu nyon la yid la zung shig /phyi ma'i tshe phyi ma'i dus lnga rgya tha ma la daM pa'i chos rnaM par 'jig pa'i tshe thaMd chos dang mi ldan pa/ mtshams med pa byed pa dang / daM pa'i chos la rmod pa dang / mchod rten 'dral ba/ dge 'dun gyi rdzas la rku 'phrog byed pa dang / dge sbyong ma yin par dge sbyong du khas 'che ba slob dpon dang / mkhan po spong ba dag 'byung ste/ de dag rjes su gzung ba'i phyir tsan dan gyis yan lag gi gzungs kyi gsang sngags gzhi sangs rgyas thaMd kyis byin gyis brlabs pa 'di bshad kyis byang chub seMda' rnaMs nga la nyon gcig /de nas byang chub sems dpa' spyan ras gzigs dbang phyug dang / zla 'od gzhon nur gyur pas bcoM ldan 'das kyi zhabs gnyis la mgo bos phyag 'tshal nas bskul ba/ byang chub sems dpa' seMda' chen po rnaMs dang / gzhan ya~M sems can khrag khrig khrag 'buM rnaMs la thugs rtse ba dang / sdeg pa byang bar bgyi ba'i slad du bac+doMs bshad du gsol/ bde bar gshegs pa bshad du gsol/ de bzhin gshegs pa bshad du gsol/ bdag cag gis kyang gzungs kyi gsang sngags gzhi de dag gzung bar bgyi ste/ seMn thaMd kyi don du rgya cher yang dag par bshad par bgyi'o/ /sang+yas dang byang chub sems dpa' thaMd la phyag 'tshal lo/ /tad+ya thA tsi rA te/ ma rI tsI ki/ du ra da me/ dur dan te 98.59b du ra nu/ pra biSh+Te/ tsan+da nAng ga dze/ sa man+ta pa ri sho d+ha ni/ bi shud+d+ha shI le/ tsa ri tra ba te/ a na tsed+ya pra ti b+hA ne/ sarba bud+d+hA d+hi te/ b+ha ga ba te/ pA pak+Sha yaM/ A shA me pa ri pU ra ya swA hA/ rigs kyi bu pho 'am/ rigs kyi bu mo gang la la zhig gzungs chen po'i gsang sngags gzhi 'di dag 'dzin tam/ klog gam/ ston tam/ kun chub par byed na/ de tshe 'di nyid la mig rnam par dag par 'gyur ro/ /thos ma thag tu sdig pa las rab tu grol bar 'gyur/ byang chub sems dpa' thaMd kyis byin gyis brlab par 'gyur/ de bzhin gshegs pa'i sku gzugs kyang mthong bar 'gyur/ zla ba phyed kyi bar du bzlas pa byas na/ 'phags pa spyan ras gzigs dbang phyug dang / zla 'od gzhon nur gyur pa mthong bar 'gyur/ mtshams med pa lnga'i sdig byas pa yang 'byang bar 'gyur/ skye ba dran par 'gyur/ tshe brjes nas kyang lha rnams kyi nang du skye bar 'gyur/ khyim bdag chen po skyid pa dag gi nang du skye bar 'gyur/ skye bo thaMd dga' bar 'gyur ro/ /'di ltar sa chen po ma lus pa 'di ni grum par 'gyur yang srid/ rgya mtsho ni skams kyang srid/ de bzhin du ri'i rgyal po ri rab ni 'jig par 'gyur yang srid/ rlung ni zhags pas bcing du rung yang srid/ zla ba dang nyi ma ni sa'i steng du ltung yang srid/ nam mkha' ni lag pa gnyis kyis mnan du rung yang srid/ me ni chur 'gyur yang srid/ 'byung ba chen po bzhi ni gzhan du 'gyur yang srid/ sems can thaMd kyi sems ni gcig tu 'gyur yang srid kyi/ de bzhin gshegs pas gsungs shing byin gyis brlabs pa ni gzhan du 'gyur mi srid de/ sus kyang bskyod pa'am/ bsgul bar mi nus so/ /'di la ni bdud sdig can gyis glags rnyed par mi 'gyur ro/ /de nas byang chub sems dpa' sems dpa' chen po spyan ras gzigs dbang phyug gis bac+doMs la phyag 'tshal nas 'di skad ces gsol to/ /bac+doMs bdag gis kyang gzungs 'di'i cho ga bshad par bgyi'o/ /chos kyi rgyal po'i mchod rten ring bsrel dang bcas pa'am/ sangs rgyas kyi sku gzugs kyi spyan sngar tsan+dan dkar po'i dkyil 'khor bgyis te/ me tog sil ma gtor la tsan+dan gyi bdug pas bdugs te/ zla ba tshes pa nas brtsams nas tshes bco lnga'i 98.60a bar du dus gsum du khrus bgyi zhing gos kyang lan gsuM du brjes te/ kha zas bsreg bya 'tshal zhing gso sbyong dang ldan pa/ sems can thaMd la sems snyoms pas zla ba nya'i nyin par zhag cig bsnyung ba bgyis te/ rtswa bam gyi steng na mchis shing rtswa bam bting ba'i steng du nyal nas seMs rtse gcig tu bzlas pa bgyid cing me tog dri zhim po lan rgya stong du gtor na g.yo bar 'gyur/ bdag nyid kyang bac+doMs de bzhin gshegs pa 'od dpag med dang / spyan ras gzigs dbang phyug mthong bar 'gyur/ gzungs chen po thos ma thag tu ci 'dod pa de thob par 'gyur/ thos pa 'dzin pa yang 'gyur/ las kyi sgrib pa thaMd kyang byang bar 'gyuro/ /bcoM ldan 'das kyi de skad ces bka' stsal nas/ dge slong de dag dang / byang chub seMda' de dag dang / thaMd dang ldan pa'i 'khor de dag dang / lha dang / mi dang / lha ma yin dang / dri zar bcas pa'i 'jig rten yid rangs te/ bcoM ldan 'das kyis gsungs pa la mngon par stod do/ /'phags pa tsan dan gyi yan lag ces bya ba'i gzungs/ rdzogs s+ho// |