@#/ /rgya gar skad du/ Ar+ya many+dzu shrI ku mA ra b+hU tASh+Tot+ta ra sha ta ka nA ma d+hA ra NI man+t+ra sa hi ta/ bod skad du/ 'phags pa 'jam dpal gzhon nur gyur pa'i mtshan brgya rtsa brgyad pa gzungs sngags dang bcas pa/ phyogs bcu'i yang dag par rdzogs pa'i sangs rgyas shes bya mtha' dag ma lus par khyab cing mchog tu rmad du byung ba rnam par dag pa'i blo mnga' ba rnams la phyag 'tshal lo/ /'jam dpal gzhon nur gyur pa thugs dri ma dang skyon thams cad dang bral ba/ yon tan dri ma med pa'i tshogs gyi 'od zer gyis brgyan pa'i sku/ zhabs rten gyi pad ma la lha dang / mi dang / lha ma yin dang / klu dang / rig sngags 'chang rnams kyi thor tsugs dang cod pan gyi rtse mos bsdugs 98.148b pa la phyag 'tshal lo/ /byang chub sems dpa' chen po 'jam pa'i dbyangs ngan song gis 'gro ba sna tshogs rnam par 'joms pa la phyag 'tshal lo/ /tad+ya thA/ o~M b+ho ma hA ma Ni ru tsi ra ka lA pa bi rtsi tra/ mug ta dA ma/ a laM kr-i ta sha ri ra/ pa ra satwa mo tsa ka /ta thA ga ta ma hA d+harma ko Sha d+ha ra/ pra bar d+harma la b+ha/ bi dza ya su ra ta/ saM b+ho ga u pa de sha ka /kle sha ga ra pra sha ma ka /shUn+ya tA swa b+ha ba/ a nu swa ri/ ma hA bo d+hi satwa ba ra/ ba ra ta/ ba ra Na da da/ o~M ma hA pA sha pra sa ra/ a sa ma sa ma/ a nan ta sa ma/ sa man ta b+ha dra/ sa man ta san d+ha ra/ sa man ta a ka ra/ sa man ta pra sa ra/ sa ra sa ra/ he he/ many+dzu ra ba/ ma hA badzra khaDa ga ts+tshin+da ts+tshin+da/ b+hin+da b+hin+da/ bi ra dza bi ra dza/ karma a ba ga ma ka /ku ru ku ru/ hU ru hU ru/ su ru su ru/ mu ru mu ru/ d+ha d+hu d+ha d+hu/ d+hu d+hu d+hu d+hu/ ma hA ma hA ma hA ma hA/ mo ha ya mo ha ya/ b+ho b+ho/ b+hi ma b+hi ma/ nA da nA da/ sa ra sa ra/ ma hU bi d+hi sa twa/ mo tsa ya/ ma ma nA tha/ ma nu sri ta/ a pA ya duHkhaM/ su ka da/ ma hA ka ru N-i kA/ a nA tho haM/ duHkhi to haM/ sa ra dzo haM/ u pa dru to haM/ a bi big to haM/ ku si d+ho haM/ mA ra na d+harmo haM/ twa na b+ha ga bAM/ duHkhi ta nA~M/ su khan da da/ a nA tha nA~M/ sa nA thA ka ra/ sa ra dza saM/ bi ra dza ska ra/ ud pad dru tA mA~M/ swa ra u pa dra ba pra sha ma ka /a bi bi ka ta nA~M/ ku sha la sa~M b+ha ra/ pa ri pU ra yi tA/ ku si da nA~M/ ma hA bir+ya d+ha tA/ mA ra Na d+harme Na/ ma ma ti pa dA dA tA/ ma ma bi b+ha ga bAn/ nA tho b+ha ba/ sha ra nA~M/ pa ra ya nA~M/ tra tA/ sarba duHkhA ni me pra sha ma ya/ sarba kla sha rA dzA+oM si mi/ a ba na ya/ sarba san sa ra u pa dra ba/ duHkha ni me nA sha ya/ sarbaM ku sha la d+harma pa ri pU ra me ku ru/ sarba karma a ba ra Na/ kle sha pa ra ba ta me bi ki ra/ mA hA bo d+hi satwa si bi d+hi/ bIr+ya pA ra mi tA/ yo goM me san ni yo dza ya/ a ra Na d+harma/ bi ra ka bi ra dza/ san dza ha/ pra dza ha/ d+ha ra Ni sa ma/ kha sa ma/ dza la ni d+ha sa ma/ me ru sa ma/ ma hA bo d+hi sa twa pa ra da swA hA/ rig sngags don kun bsgrub pa 'di/ /'jam pa'i 98.149a dbyangs kyis bshad pa na/ /de ma thag tu sems can rnams/ /skye dang rga ba zad par 'gyur/ /ngan 'gro thams cad zhi gyur nas/ /bdud kyi sde rnams rab tu 'dar/ /lha rnams thams cad rab tu dga'/ /log 'dren rnams ni skrag par gyur/ /sdig pa zhi bar byed pa yi/ /gzungs 'di bshad pa'i mod la yang / /grangs med phrag ni dung phyur snyed/ /'khor ba'i btson ra dag nas thar/ /'jam dpal gzhon nur gyur pa yis/ /'jam pa'i dbyangs ni rab bsgrags shing / /gang tshe rig sngags bshad pa na/ /brag dang nags dang tshal du bcas/ /rgyu ba dang ni mi rgyu ba'i/ /sa gzhi de yi tshe na g.yos/ /sangs rgyas 'od kyi snang ba yis/ /sa yi steng yang khyab par gyur/ /bgegs dang log 'dren thams cad dang / /srin po mi bzad gzugs can rnams/ /stobs bcu ldan la phyag 'tshal zhes/ /skad phyung tshig ni 'thun par smras/ /lha rnams zhi ba'i cha lugs can/ /thams cad yid ni dga' gyur nas/ /gang na rdo rje'i ral gri che/ /de yi drung lhags smras pa ni/ /phyag 'tshal mchog sbyin rdo rje'i mchog /'jam pa'i dbyangs ni stobs chen la/ /shugs stong ldan pa rgyal ba can/ /bgegs kyi yul 'khor rab 'joms pa/ /sngags 'chang gsang sngags chen po 'chang / /sna tshogs gzugs can mi yi bdag /shin du stobs ldan gzugs mdzes 'jigs/ /drag po drag po rab 'joms pa/ /gzi brjid gzi brjid mnga' ba'i dpal/ /dpal ldan mnyam pa med pa'i dpe/ /rdo rje can te snying sbyong ba/ /mi shes pa yi rab rib sel/ /sgeg pa'i cha lugs mchog mnga' ba/ /skye dgu'i bdag po sgeg par dgyes/ /gzhu stobs can la phyag ring ba/ /nyon mongs dgra rnams sel bar mdzad/ /mdzes pa na bza' sna tshogs gsol/ /me tog phreng rgyan sna tshogs can/ /spyan bzang dbu ni mdzes pa ste/ /dgyes shing na bza' mdzes par gsol/ /'jam pa'i dbyangs de 98.149b rab tu bzhad/ /dkar nag 'byes pa'i spyan mnga' ba/ /ha ha'i sgra ni grags par bsgrags/ /rab tu dang bas bstan pa dga'/ /rgya chen gser gyi mdog dang ldan/ /rgya mtsho snying po'i spyod yul can/ /tshul mkhyen tshul ldan 'jigs pa te/ /sdang ba'i snying ni 'jigs par mdzad/ /cha lugs sngo la sa skyong ba/ /lha yi bdag po dga' bar mdzad/ /'dod pa'i lha ste 'dod sel bstan/ /rgyal po'i 'jig rten sa 'dzin pa/ /brtan po rnams la brtan par grags/ /yon tan dag gis phyogs su bzhad/ /btud pa yis btud phyag bgyis pa/ /rtag tu mchod cing rjed pa lags/ /stobs po che la shugs che ba/ /phyag ring g.yul chen mnga' ba po/ /sgeg chen rdo rje dam pa ste/ /'dzem shes rab bsrung ngo tsha shes/ /dkyil 'khor chen po'i snying po'i mchog /dkyil 'khor chen po ston pa po/ /dkyil 'khor chen por grags pa ste/ /dkyil 'khor chen po mdzad pa lags/ /dkyil 'khor slob dpon dkyil 'khor can/ /zhabs la rjed pa'i tshogs dang ldan/ /ha ha swA hA'i bdag che ba/ /mchod pa chen po sa dang mnyam/ /hUM gis 'jig mdzad 'jigs pa ste/ /'jigs pa'i 'od kyis gsal ba po/ /lha dang lha min rnams kyis btud/ /de bzhin mchod cing ri mor bgyid/ /zham ring gad rgyangs chen po can/ /rlung drag mun pa sel mdzad pa/ /'jig rten gsum du snyan par grags/ /gnod sbyin srin pos bsnyen bkur ba/ /drag po dkar mdzad bde 'byung ba/ /mnga' bdag gtsug gi nor bu can/ /'dzum zhing sgeg par kun du ston/ /spyod pa sa ltar brtan pa lags/ /nor bu'i dkyil 'khor 'od mdzes pa/ /nyi ma gsal ba lam me ba/ /nyi ma'i 'od 'dra 'ja' khugs bzhin/ /tha ler zhugs shing rgya cher bzhad/ /mthong na dga' zhing dga' bar mdzad/ /nor sbyin de bzhin gsang sngags sbyin/ /dbang phyug sbyin zhing rgyal srid sbyin/ /gzugs sbyin de bzhin stobs sbyin pa/ /dpal ldan dpal mdzad bgegs gnon ri/ / 98.150a kun du rmongs pa sel bar mdzad/ /'dus pa'i nang du gdan gshegs pa/ /zhabs la mchod pa'i tshogs bsags pa/ /dpung rgyan snyan cha gdub kor can/ /nor bu'i rgyan gyis brgyan pa ste/ /rgyu dang mi rgyu 'gro ba'i sgron/ /rab rib sel bar mdzad pa po/ /ston pa ston mdzad skyong mdzad pa/ /dbang po mnga' bdag dmag gi mchog /'jigs pa sel bar mdzad pa te/ /'jigs pa med pa'i gnas sbyin pa/ /dkar ba sngo ba 'od bzang ba/ /mgrin sngon gyi ni ston pa lags/ /ji ltar 'dul ba 'dul 'gyur ba/ /de bzhin cha lugs rab tu ston/ /shes rab ral gris 'debs par mdzad/ /stong nyid chos ni lhur 'dzin pa/ /byams pa mchog dang tha ma mkhyen/ /rnam par grags pa gsan pa nges/ /rig sngags 'chang ba rnams kyis bstod/ /rig sngags 'chang ba stobs po che/ /shin du rnam rgyal 'khor los bsgyur/ /'jigs med blo gros shes rab can/ /de bzhin gshegs pa chos 'dzin pa/ /mgur bzangs 'dul mdzad zhi ba ste/ /zhi ba'i lam ni ston mdzad pa/ /lha dang lha min bcas pas bkur/ /sems can thams cad 'jigs med mdzad/ /sems can kun la rab ston pa/ /brtan po sems can kun gyi mchog /sems can rnams kyi blo la mkhas/ /sred med bu ste drag shul stobs/ /me yi 'od dang 'dra ba ste/ /byis pa sku mchog mchog sbyin pa/ /rtsed mo rol mo ston par mdzad/ /phyag rgya mdzad pas gsang sngags mdzad/ /bdag gir mi 'dzin rdul med brtan/ /mkha' 'dra dpe med smra mkhas pa/ /bdud dpung nges par 'joms pa po/ /mi mchog brtsan ba bskyod du med/ /de bzhin thub med rnam par rgyal/ /brtan po sangs rgyas de bzhin gshegs/ /mya ngan med cing gnas pa med/ /'jom med tshig bzang cha lugs bzang / /dpa' bo dgra rnams rab 'joms pa/ /tshan chen nges 'joms rnam 'byor pa/ /'dod pa gnod pa khyab par gshegs/ /mgon 98.150b po rgyal ba'i sras kyi mchog /gshin rje pham mdzad skye dgu bsrung / /las dang nyon mongs rab bsreg pa/ /ston mdzad nyon mongs sel ba lags/ /legs pa khyod kyi mchog gi mtshan/ /brgya rtsa brgyad pa rab gsal zhing / /dad pa bskyed par byed pa 'di/ /lha mchog rnams kyis rab tu bshad/ /bgegs chen dang ni log 'dren dang / /gnod sbyin lha min srin po dang / /mdangs 'phrog gtum po rgod rnams kyis/ /de ring legs par bstod par gyur/ /'jam dpal rdo rje mchog gis rab/ /bsgyings pas bltas pa'ang bde bar gyur/ /de dag kun la bltas nas kyang / /'di skad du ni tshig smras pa/ /khyed kun rtag tu bgegs med cing / /nges legs thar pa thob gyur la/ /'jigs med bkra yang shis par shog /nga la 'jigs par ma sems shig /de nas rab tu cher bzhad cing / /'brug chen sgra ni sgrogs pa yi/ /de bzhin gshegs pa zhal gsal bas/ /shar phyogs gzigs nas bka' stsal pa/ /kye ma gsang sngags mchog gi yul/ /sems can gti mug bsal ba'i phyir/ /sems can rnams kyi bsod nams tshogs/ /shin tu rgyas pa byung bar gyur/ /kye ma bsod nams cher byas pa'i/ /sems can rnams ni rab sbyang phyir/ /dam pa sbyin pa'i grub pa'i gzungs/ /'jam pa'i klog gis rab tu bshad/ /la la gang zhig mnyam bzhag nas/ /sdug bsngal thams cad sel ba yi/ /grub pa'i gzungs 'di 'don pa 'am/ /yang na nyan tam sems kyang rung / /de yi don kun 'grub 'gyur zhing / /sdug bsngal kun las thar bar 'gyur/ /sdig pa thams cad rnam dag pa/ /de yis nges par thob par 'gyur/ /de bzhin gshegs pa'i sa chen yang / /ring por mi thogs de yis 'thob/ /byang chub sems dpa' rnams kyi sa/ /rab dga' shin tu dri ma med/ /'od byed pa dang 'od 'phro can/ /sbyang dka' de bzhin mngon du gyur/ /ring du song dang mi g.yo ba/ /legs pa'i blo gros 98.151a chos kyis sprin/ /sa chen dam pa de dag kyang / /gang zhig nges gnas 'dod pa yi/ /sems can chen pos mi thogs par/ /tshe zad nas ni thob par 'gyur/ /sdig pa thams cad rnam dag dang / /sems can kun la sdug pa dang / /spros pa thams cad zhi ba yi/ /byang chub bla med thob par 'gyur/ /rig sngags 'chang kun bskyed pa dang / /sdigs pa thams cad zhi byed cing / /bkra shis mchog tu dge ba yi/ /ming brgya tsa brgyad yid 'ong 'di/ /sor mo bcu yi thal sbyar nas/ /'jam pa'i dbyangs kyis mdun 'dug la/ /shin tu dang ba'i sems kyis su/ /nang par langs nas su brjod pa/ /de la rig sngags 'chang kun dang / /de bzhin lha'i bdag po rnams/ /gnod sbyin srin po mang po dag /rtag tu yang ni bsrung bar byed/ /de bzhin gshegs pa'i sras kun dang / /de bzhin gshegs pa nyid rnams dang / /de bzhin rdo rje'i mtshon 'chang rnams/ /de la nges par bsrung bar byed/ /de nas sangs rgyas skur bzhugs shing / /mnyam par bzhag par snang bar 'gyur/ /gnod sbyin lha'i bdag po rnams/ /bgegs dang log 'dren chen po dag /dga' zhing bsam pa dam pa yis/ /rgyang ma dag nas phyag kyang 'tshal/ /de phyir bgegs rnams dga' gyur pas/ /'tshe bar byed kyang mi nus so/ /lan gcig klags na tshangs chen dang / /bsod nams mnyam pa thob par 'gyur/ /shes rab chen po gang zhig gis/ /nyin re mtshan mchog brjod byas na/ /dri ma med cing rab dag la/ /rab tu 'od gsal sgra snyan dang / /sems can thams cad dga' ba'i/ /yid du 'ong ba'i gnas kyang 'thob/ /mtshungs pa med cing stobs bskyed lam mchog 'gro ba dang / /'od gsal dam tshig can gyi lha rnams kyis bstod cing / /yid 'phrog lha dang lha min tshogs te 'dun pa yi/ / 98.151b gzungs 'di rgyal ba rnams kyi legs par gsungs pa yin/ 'phags pa 'jam dpal gyi mtshan brgya rtsa brgyad pa gzungs sngags dang bcas pa rdzogs s+ho// // |