@#/ /rgya gar skad du/ si~M ha nA da tan tra nA ma/ bod skad du/ seng ge sgra'i rgyud ces bya ba/ bcom ldan 'das pad ma gsung gi lha la phyag 'tshal lo/ /'di skad bdag gis thos pa dus gcig na/ bcom ldan 'das pad ma'i dbang phyug du bsgyur te rdo rje'i gdan la bzhugs so/ /de nas gsang ba'i bdag pos bcom ldan 'das la 'di skad ces gsol to/ /bcom ldan 'das bsod nams dang ye shes kyi tshogs dang lam rnams ji ltar sbyang / e ma ho sems can rnams la snying brtse ba'i mchog spyan ras gzigs seng ge sgra zhes bya ba yod de/ de yis sngon lam sbyang ba dang / bsod nams dang ye shes kyi tshogs bsags par yid la byas so/ /de nas bcom ldan 'das pad ma'i dbang phyug langs te/ gsang sngags kyi 100.49a tshig 'di dag smras so/ /na mo rat+na tra yA ya/ na maH Ar+yA ba lo ki te shwa rA ya/ bo d+hi satwA ya/ ma hA satwA ya/ ma hA kA ru Ni kA ya/ tad+ya thA/ o~M a ka Te/ bi ka Te/ ni ka Te/ ka ta~M ka Te/ ka ro Te/ ka ro kaM Te/ bI r+yai swA hA/ o~M AHhrIHsi~M ha nA da hU~M/ bruM AM dzrIM kha~M hU~M/ o~M AHhU~M/ o~M ba li na b+huny+dza dzi ba puSh+pe d+hU pe hU~M/ sarba a mr-i te hU~M/ o~M ba ta li/ ma hA ba ta li/ hU~M hU~M hU~M dza swA hA/ o~M b+hak+Sha b+hak+Sha/ sa ma ya tiSh+Tha dzaM hU~M phaT swA hA/ o~M a ta pra ti hU~M phaT/ sri ti ka ra hU~M phaT/ o~M ba ru Na A gats+tsha ya A gats+tsha ya/ ma hA nA ga ki sa ti sarbe b+hur phuHphuHphuHswA hA/ o~M b+ha ga ba ti shru ti smr-i ti sa ma ba ti/ sa ra ma ti sid+d+hi swA hA/ o~M AHhrIHhU~M swA hA/ phuHhrIH o~M si~M ha nA da hU~M phaT phaT/ nA ga du pa li mA ra ya phaT/ dz+wA la dz+wA la hU~M phaT/ o~M a bin+ta kr-i ta hU~M/ o~M ag+na ye a ti bya/ a b+hi sa ma ya bi sha /ma hA shri ye ha bya/ ka bya ma hA ni ya swA hA/ o~M b+ha ba ka ag+na ye/ shAn+ti ku ru ye swA hA/ AHhrIHsi~M ha nA da badzra tsakra brta lo ki ka bruM bruM bruM/ lo kot+ta ra Ni si~M ha nA da bru~M bru~M bru~M hU~M na hU~M na/ si~M ha nA da bru~M bru~M bru~M hU~M hU~M hU~M swA hA/ gsang ba'i bdag po 'di ni maN+Dal gyi bsgrub pa zhes bya ba'o/ /gsad pa dang / phyir ldog pa dang / dgug pa dang / bcing ba dang / zhi ba'i las yin te/ nang par ba'i lci ba sa la ma lhung bas maN+Dal byas te/ mngar gsum lag pa'i 'thil du mnyes pas klu'i zhe sdang zhi bar 'gyur ro/ /'di ni klu'i sde dpon zhes bya ste/ /seng ge'i steng du zla ba la/ /rgyal po rol pa'i stabs kyis bzhugs/ /g.yas na mtho mtshan rtse gsum la/ /drag po'i rgyal rigs dbang du bsdus/ /pad ma'i rtse la thod pa ni/ /'phrin las bzhi ldan ku mu ta/ /shes rab sbyor ba'i ral grir bcas/ /dka' thub ldan pa'i sku de la/ /rigs lngas rnam par brgyan pa'o/ /gsum dang lnga ni mdun du 'phyang / /rtse mor 'od dpag med pas brgyan/ /seng ge'i cha las byung ba yin/ / 100.49b 'dam skyes dmar po'i lo ma gnyis/ /pad ma bzhi la sngags bzhi ldan/ /rang lus 'og nas thal mo sbyor/ /sku la 'dud cing 'phrin las byed/ /rdo rje'i gdan la mi bskyod pa'i/ /thugs ka nas ni sngags 'od 'don/ /spro ba gsum du ldan pa'i sngags/ /nyi shu rtsa gcig gdon par bya'o/ /gsang ba'i bdag po rgyud 'di la smod pa'i sems can de ni sangs rgyas dang byang chub sems dpa' thams cad la smod pa yin no/ /gsang ba'i bdag po rgyud 'di nyan pa dang / sems pa dang / mchod pa dang / 'chang ba dang / tha na 'di la mos pa'i sems can de dag la rgyal chen bzhi'i lha dang / sum bcu rtsa gsum gyi lha dang / tshangs pa'i bu dang / tshangs chen rnams kyis bsrung ba dang / bskyab pa dang / sba ba dang / kun tu rjes su 'brang bar byed de/ de bas ches lhag pa'i sangs rgyas dang byang chub sems dpa' thams cad bu la mas srung ba bzhin du bsrung bar 'gyur ro/ /bdud kyi bar du gcad par mi nus so/ /gang shi 'phos nas nub phyogs bde ba can du pad mo las skye bar 'gyur ro/ /mngal gyi sdug bsngal las thar bar 'gyur ro/ /tshe 'dir me dang chu'i 'jigs pa las thar bar 'gyur ro/ /'dir ni mdo tsam smos su zad kyi/ de ma yin pa gang 'dod pa thams cad bsam pa yid bzhin du 'grub par 'gyur ro/ /gang rgyud 'di la gnod pa dang / 'tshe ba dang / tshul bzhin ma yin pa yid la byed na/ de la lha'i bu dang / klu'i bu khyed rnams kyis bsrung bar gyis shig ces bka' stsal to/ /de nas gsang ba'i bdag po dang / tshangs ris kyi lha'i bu de dag rab tu dga' nas tshul bzhin du khas blang bar byas so/ /de nas gzhan bsrung ba'i phyir bdag sa dkar po la lan du mar bsngags na bar chad thams cad zhi bar 'gyur ro/ /seng ge sgra'i rgyud ces bya ba rdzogs s+ho// //rgya gar gyi mkhan po paN+Di ta pradz+nyA kA ra dang / bod kyi lots+tsha ba 'gos khug pa lhas btsas kyis zhus shing bsgyur te gtan la phab pa'o// zhus dag /yang zhus thang rgyal/ slar lang stag lung rgyud 'bum las zhus// |