J736

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>J736</h1><td>(<a href="https://adarsha.dharma-treasure.org/kdbs/jiangkangyur" target="new2">e-text produced by ADARSHA</a>)<br><br><a href="verif2.php?id=J736&coll=lithang">see text in Tibetan script</a></table>101.193a<br><font size=+1>

@#/  /rgya gar skad du/ Ar+ya su bA hu pa ri pr-its+tshA nA ma tan+t+ra/  bod skad du/ 'phags pa dpung bzang gis zhus pa zhes bya ba'i rgyud/ thams cad mkhyen pa la phyag 'tshal lo/ /gnod sbyin bdag po nyi ma stong gi gzi/ /thugs rjes rtse gcig yid gyur bzhugs pa la/ /dpung bzang tshul bzhin gus pas phyag 'tshal nas/ /rig dang gsang sngags tshogs kun grub pa zhus/ /bdag gis sa stengs mi rnams bzlas brjod dang / /smyung dang yang dag sdom pa mi bzad pas/ /rab tu bsgrims kyang grub pa ma mthong na/ /yab gcig ci slad dka' thub don ma mchis/ /gtso bo gzi brjid nyi 'od me lta bu/ /khyod kyis sdig 'joms dag byed rnams kyi mchog /bden pa'i gsung gis rab tu bka' stsal na/ /ci ltar sngags rnams 'bras bu ma mchis 'gyur/ /rab dang 'bring dang de bzhin tha ma rnams/ /bsgrubs kyang gsang sngags 'bras bu mi stsol la/ /bsnyen pas ci ste cung zad 'grub med na/ /sgrub pa nyon mongs kho na ci rung lags/ /rgyal bas ye shes zhi ba gang yin pa/ /de yis 'di dag gso bar sngon gsungs na/ /gang la sngags dang rig pa grub med pa/ /de dag rnams kyang ci ltar gso bar bgyi/ /thugs rje ldan pas 'gro la sman slad du/ /khyod kyis gsang sngags sna tshogs bshad pa'i rnams/ /de dag bzlas brjod sbyin sreg brtul zhugs dang / /bsnyen la sogs pas ma</font><hr>101.193b<br><font size=+1>

grub ci las gyur/ /cho ga nyams sam 'on te mthu ma mchis/ /dus kyi rang bzhin lags sam sdig pas bsgribs/ /gsang sngags gzhan du gyur tam 'chol las gyur/ /thams cad ma lus bcom ldan 'das kyis gsungs/ /sras kyi tshig de nges par gsan gyur nas/ /yud tsam dgongs nas dkyus ring spyan phye ste/ /phyag gis rdo rje me stag zer 'phro ba/ /gsor nas rdo rje can gyis 'di skad gsungs/ /e ma'o zla ba'i 'od ltar lham me ba'i/ /snying rjes sems can phan phyir khyod 'dri ba/ /shin tu dri ma med pa'i sems 'di yis/ /bde gshegs sras nang pha rol phyin par gyur/ /byang chub sems dpa' rang gi bde ma chags/ /rang gi sdug bsngal rnams kyis mi brdzi yang / /gzhan gyi sdug bsngal rnams kyis sdug bsngal te/ /de dag bde bas dga' dang ldan par gyur/ /bu khyod rang bzhin bzang po 'di lta bus/ /gang phyir sems can phan phyir khyod 'dri ba/ /de phyir myur du rtse gcig yid byos dang / /gsang sngags mdo sde'i tshul bzhin du ngas bshad do/ /gsang sngags bzlas brjod gang dag ngas gsungs pa/ /de yi brtul zhugs dang por ngas bshad do/ /de yis bde bar gshegs la dang bskyed nas/ /de bzhin du ni byang chub sems kyang bskyed/ /ser sna dregs dang rgyags pa rnam spangs te/ /dkon mchog gsum la dad pas bsnyen bkur bya/ /rdo rje rigs zhes brjod pa rgya chen dang / /nga la yang ni dad cing dga' bar bya/ /tshig rtsub phra ma 'khyal pa smra ba dang / /gzhan gyi bud med bgrod dang brdzun smra dang / /rku dang gzhan gyi srog gcod gnod byed dang / /chang dang byed pa rtag tu spang bar bya/ /rmongs pa gang gis lus dang ngag dang ni/ /de bzhin yid kyis bsod nams bsags byas kyang / /</font><hr>101.194a<br><font size=+1>

thams cad log par lta bas bcom pas na/ /de yi rnam smin mi 'dod 'bras bur 'gyur/ /dper na sa dang chu dang dus ldan yang / /sa bon tshig pa myu gu mi bskyed ltar/ /de bzhin mi shes log ltas bcom pa yi/ /sems la dge ba'i chos rnams mi skye'o/ /de phyir log par lta ba rnam spangs la/ /yang dag lta ba la ni bsten par gyis/ /rtag tu sems ni dge ba bcu dag gi/ /chos kyi lam la gnas par byas na legs/ /lha dang lha min sha za khrag mthung ba/ /mtshan mo rgyu ba mi bzad 'jig rten na/ /sems can rnams la gnod pa byed cing rgyu/ /bzlas brjod brtson pa'i sems ni g.yeng bar byed/ /de dag rnams kyi gnyen por gyur pa'i phyir/ /nga yi gsang sngags rig pa'i tshogs mthong na/ /skrag par byed do snyam du dogs skyes pa/ /de phyir zlos pa'i sems ni g.yeng bar byed/ /de ltar gnod byed de dag gzhom pa dang / /bdag nyid 'byor par bya phyir ngas gsungs pa'i/ /dkyil 'khor lha dang lha min gnas gyur pa/ /dam tshig ci bzhin bsod nams don du blta/ /sna tshogs pa yi gdon rnams gnas pa la/ /gang zhig rnam pa sna tshogs las byed pa'i/ /dkyil 'khor der ni gnod byed gzhom pa'i phyir/ /mi yis rab tu bsgrims nas 'jug par bya/ /gang yang rig pa mchog tu gsungs pa dang / /khro bo'i dkyil 'khor du yang 'jug par bya/ /der ni dam tshig sna tshogs ngas bshad pa/ /sdig pa bsal phyir rgyun tu blta bar bya/ /rdo rje rigs gtso pho nya mo yi tshogs/ /rig pa mang pos bstan pa'i lha mo de/ /zlos pa mthong na bgegs rnams phung ba dang / /rngam pa thon zhing shin tu skrag par 'gyur/ /ci lta ci ltar dkyil 'khor mthong ba dang / /de lta de ltar rdo rje'i rigs bsten dang / /rig pa'i tshogs la bsten pa'i bsod nams kyis/ /de yi lus la ma lus byin</font><hr>101.194b<br><font size=+1>

brlabs 'jug /mi tshugs rdo rje'i bdag nyid de mthong dang / /sa phyogs rdo rje'i me 'bar de shes nas/ /lha klu lha min gnod sbyin grub pa'i rnams/ /bzlas brjod byed pas skrag nas 'byer bar 'gyur/ /nga yi dam tshig mthong ba'i bu dag gis/ /'jig rten 'jig rten 'das pas bshad pa yi/ /gsang sngags des ni ma bsgrims bzhin du 'grub/ /bgegs rnams thams cad brlag par byed par 'gyur/ /rig dang dam tshig ma thob snying rje med/ /de bzhin byang chub sems ni ma bskyed cing / /sangs rgyas ma dad lha gzhan la brten pas/ /nga yi gsang sngags bzlas na phung bar 'gyur/ /bsam pa zhan cing nyams kyis mi lcogs pas/ /dkyil 'khor de kun blta bar mi nus na'ang / /de las gang yang rung ba'i dkyil 'khor ni/ /gcig tsam zhig kyang dad pas mthong gyur na/ /gnod sbyin tshogs dang mtshan mo rgyu ba dang / /sa bla'i gdon rnams kun dang klu bdag dang / /lha la sogs dang bgegs dang log 'dren rnams/ /brtul zhugs gnas pa de la klags mi lta/ /dper na lo tog thams cad sa dag la/ /brten nas skyon med par ni skye ba ltar/ /de bzhin tshul khrims brten nas chos dkar mchog /snying rje'i chus brlan pas ni rnam pa skye/ /rgyal ba ngas gsungs so so thar pa yis/ /tshul khrims rnam dag 'dul ba ma lus las/ /sngags pa khyim pas rtags dang cho ga spang / /lhag ma rnams ni nyams su blang bar bya/ /de ltar sdig pa'i chos las rnam grol nas/ /bde bar gshegs pas legs par gsungs pa'i chos/ /dag cing grol ba dang ni ldan 'gyur ba'o/ /bzlas pas skyo na mdo sde bklag par bya/ /gtsang zhing dben pa sa yi phyogs su ni/ /'jim pa 'am ni bye ma las byas pa'i/ /bde gshegs mchod rten rten 'brel</font><hr>101.195a<br><font size=+1>

snying po can/ /sdig pa sbyang ba'i phyir ni rtag tu gdab/ /ring bsrel can gyi sku gzugs mchod rten la/ /bstod cing phreng ba dri dang mar me dbul/ /gdugs dang rgyal mtshan ba dan rol mo dang / /mchog tu dad pa yis ni mchod par bya/ /nam yang 'khor lo gcig pa'i shing rta ni/ /rta dang ldan yang lam du mi 'gro ltar/ /de bzhin bsgrub pa yi ni grogs med na/ /lus can dngos grub thob par mi 'gyur ro/ /de ni blo ldan gzugs bzang gtsang sgra che/ /rigs ni btsun zhing chos la gzhol ba dang / /spobs pa che zhing dpa' la dbang po dul/ /snyan par smra zhing sbyin phod snying rje can/ /bkres dang skom dang nyon mongs bzod pa dang / /bram ze dag dang lha gzhan mchod mi byed/ /sgrin zhing bzo la byas pa bzo ba dang / /dkon mchog gsum la dad pa grogs po yin/ /de lta'i yon tan ma lus ldan pa dag /rtsod pa'i dus na shin tu dkon pas na/ /yon tan phyed dang bzhi cha'am brgyad cha can/ /de lta bu dag sngags pa'i grogs por bsten/ /'phags pa dpung bzang gis zhus pa'i le'u dang po'o// // rang sangs rgyas dang bde gshegs nyid skyes dang / /rgyal ba sngon chad gang na bzhugs bzhugs pa'i/ /gnas gang bsod nams ldan zhing yid dga' ba/ /lha dang lha min sogs pas phyag 'tshal mchod/ /gso sbyong sdom pa dag dang ldan pa yis/ /bdag nyid dag par bya phyir bsnyen par bya/ /de lta bu dag ma rnyed gzhan yang ni/ /chu bo chu klung 'bab chu mod pa dang / /pad ma ud pa las ni brgyan pa'i mtsho/ /skye bo rnams kyang shin tu mi rgyu ba/ /dang zhing zhim pa'i chu ni mang ba dang / /mi bzad gdon rnams kyang ni mi gnas pa/ /me tog 'bras bu gtsang ma yod pa dang / /sman ljongs ljon shing sna tshogs dkrigs pa dang / /sa steng gnas mal</font><hr>101.195b<br><font size=+1>

shin tu gtsang ba dang / /gang na stag gzig seng ge med pa dang / /yid 'ong mnyam zhing tsher ma med pa dag /mi yi dngos grub gnas su bsgrags pa yin/ /grog po grog mkhar thal ba skra shad dang / /nyal nyil sol ba tsha sgo'am rtsog can spang / /der ni sa brkos sbyangs nas gnas brtsigs pa/ /dro la brtan zhing 'jim pas zhal zhal bya/ /shar ram byang ngam nub du sgo gtod cing / /lho phyogs su ni nam yang sgo mi gtod/ /dri gtsang khang pa de yi phyogs gcig tu/ /rgyal ba lam mchog rnam par ston pa yi/ /ras kyi sku gzugs las phyir brtan par gdags/ /yang na shing gzugs legs pa mchod phyir bzhag /tha ga pas btags 'jam la snyoms pa dang / /thags bzang de bzhin skra shad med pa dang / /kho lag che zhing ma nyams kha tshar bcas/ /ras kyi gzugs de mi la dngos grub ster/ /gtsang ma spos chus btab pa de la ni/ /tshon rtsi spyin med snod gsar blugs pa yis/ /khrus byas gtsang la gso sbyong gzung ba'i mi/ /mkhas pas ba lang spu yis bri bar bya/ /phreng ba bdug spos mar me lha bshos dang / /byug pa dag gis sku gzugs cher mchod de/ /nub phyogs zhal bstan mi g.yo brtan par gdags/ /de yi spyan sngar dngos grub brtsam par bya/ /gtsug phud bzhag ste skra ni bregs nas su/ /'byung khung tshon gyis gos kyi kha dog bsgyur/ /gos dkar dag gam shing lo'am gso ma 'am/ /zar ma'am shing shun rnams kyi gos bgo'o/ /ku ba'am lcags sam 'jim pa las byas pa'i/ /dbyibs ni legs shing mi rtsub 'jam pa dang / /ma chags zlum zhing ma gas rma med pa/ /yid du 'ong ba'i lhung bzed bcang bar bya/ /ha cang mi nye ha cang mi ring la/ /bza' btung mod cing rmangs rigs</font><hr>101.196a<br><font size=+1>

mang ba dang / /'gron la mchod byed legs par gnas pa'i grong / /bram ze phyi rol skye bo med par brten/ /nga rgyal gyis ni non pa'i bram ze rnams/ /rigs kyis rlom zhing snying rjer mi ldan pa/ /de dag bde bar gshegs pa'i mchod rten la/ /mchod pa mthong nas gegs kyang byed par 'gyur/ /bram ze sangs rgyas pa las ci ltar dman/ /smrang las bram ze dag la dmangs rigs rnams/ /bsnyen bkur dang ni mchod par 'byung bas na/ /dmangs rigs kyis kyang gsang sngags ci ltar bzlas/ /lha dang 'gron mchod pa dang las drug dang / /rgyal po dang ni me lha bsten pa dang / /bu yi don du 'gro bar bya ba dag /bram ze rnams kyi nges par 'grub pa yin/ /rgyal rigs rje'u rigs rnams kyang rang gi las/ /grub pas 'di la the tshom ma byed ces/ /brdzun du smra ba sna tshogs skyon dag gis/ /bdag dang gzhan gyi sems ni bsreg par byed/ /yan lag brgyad lam gnas pas rtag tu ni/ /nyi ma phyed 'tshams tshun chad bslang bar bya/ /bram ze'i dus ni phyi dro yin pas na/ /de phyir bram ze'i khyim du 'gro mi bya/ /dge dang mi dge shes pa bzung na ni/ /bram ze dmangs rigs dag la khyad par med/ /'on kyang 'gro ba'i blos ni bram ze dang / /'di ni dmangs rigs yin zhes brtags par zad/ /bden pa'i lam dmigs dge ba'i rjes 'brang na/ /dmangs rigs dag kyang skye shi med par 'gro/ /log pa'i lam zhugs nyes par spyod ldan na/ /bram ze gang yin mi bzad dmyal bar ltung / /lus can shin tu dri ma ldan pa dag /'di na gzhan gyis dag par mi 'gyur te/ /de ni sdig pa rnam par bsal ba dang / /bsod nams ma lus yongs su bzung bas 'dag /dper na rma ni gso dang bsal ba'i phyir/ /nad pa dag la sman ni</font><hr>101.196b<br><font size=+1>

sbyin pa ltar/ /de bzhin 'dir yang bkres pa'i sdug bsngal dag /bsal phyir rgyal bas kha zas bza' bar gsungs/ /la la lam gyis dub cing 'gro ba'i tshe/ /bkres skom gdungs pas rang gi bu yi sha /za ba bzhin du rnal 'byor sems dman bzhin/ /tshe dang rgyags phyir bza' bar mi bya'o/ /mang du blugs na rtsol med mtho ba dang / /de bzhin nyung ngus srang ni dma' gyur la/ /ran pas skad cig mnyam par 'gro ba ltar/ /lus can kha zas de ltar bza' bar bya/ /dper na khang rnying mi zhig bya ba'i phyir/ /mi yis ka ba brtan po btsugs pa ltar/ /de bzhin lus kyi 'khrul 'khor gnas pa dang / /shing rta'i mig bsku bzhin du kha zas bza'/ /'dod pa'i khams ni kha zas kyis gnas shes/ /rgyal bas chos gcig tu ni bka' stsal pas/ /lus ni chu shing bzhin du rig byas te/ /sems ni bza' btung tshogs la chags mi bya/ /dbang po drug po yul la 'phro ba dag /bde gshegs gsungs pa'i shes pas bsrung bar bya/ /lhung bzed de dag las ni gcig thogs nas/ /gnya' shing gang du lta zhing bsod snyoms spyad/ /'dzum zhing 'gro la smra zhing zur mig can/ /yan lag thams cad yid 'phrog byed pa'i gzugs/ /bud med gzugs ni mtshon cha 'jebs 'dra bas/ /skyes pa'i sems ni mngon du 'phrog par byed/ /lcags kyi thong lcags rab tu 'bar ba yis/ /mig ni rnam par bkab pa ches sla yi/ /nyis na dran pa nyams byed bud med kyi/ /dkyus ring mig can bzhin ni ma mthong sla/ /gang du dga' bar 'gro zhing 'dzin med la/ /sems kyis sems ni rnam par 'dul bzhin du/ /rab dang 'bring la sogs pa spangs nas su/ /mi smra bar ni gzhan gyi khyim du 'gro/ /gang na ba bzhon be'u phrug chung ba dang / /</font><hr>101.197a<br><font size=+1>

gang na skyes bu chang ni 'thung ba dang / /gang na bu mo gzhon bsten rtse ba dang / /de bzhin gang na gzhon nu rtse ba dang / /gang na khyi za dga' ston byed pa dang / /gang na skye bo mang po 'dus pa dang / /de bzhin gang na rol mo byed pa rnams/ /der ni skyes bu nam yang 'gro mi bya/ /bsod snyoms ci snyed khyer te 'ongs nas kyang / /dang por ci ltar bde bar bgo bar bya/ /rkang bkrus glo bur pa la byin nas su/ /lus bsrung phyir ni kha zas bza' bar bya/ /dus su zos nas dus gsum khrus byas te/ /phreng ba mar me bdug pa bstod dang dri/ /sha chang med pa'i lha bshos phul nas su/ /ku sha'i khres la 'dug nas bzlas brjod bya/ /bdug pa byug spos la sogs ma rnyed na/ /dri zhim me tog sna tshogs dbul bar bya/ /spra ba arka bil ba bri ha ti/ /ku sha dri ngan yid du mi 'ong spang / /'greng ngam 'dug gam ma log nyal ba dang / /'gro 'phres za klog bzlas brjod byed pa na/ /rjes su dran drug so so'i yon tan dag /rig par bcas te rjes su dran par bya/ /'phags pa dpung bzung gis zhus pa'i le'u gnyis pa'o// // 'dod chags la sogs nyon mongs tshogs ldan pa'i/ /sems ni 'khor ba yin par kun du brjod/ /nyon mongs rnam grol shel dang zla 'dra ba'i/ /srid pa'i rgya mtsho'i mthar ni yongs su bsgrags/ /dper na dri med chu ni rdul tshogs kyis/ /skad cig du yang rnyog par byed pa ltar/ /de bzhin rnam dag dri ma med pa'i sems/ /'dod chags la sogs skyon gyis rnyogs par 'gyur/ /pu tra dzi dang dung shel ru rag sha / lung tang pad ma'i snying po zha nye zangs/ /khar ba'i bgrang phreng brgya ni rtsa brgyad pa/ /de dag las ni bgrang phreng gcig blangs te/ /de ni lag pa g.yas pas bzung ba 'am/ /lag pa g.yon pas bsgrims te mi 'khrul bzung / /tshar re phyin cing nor bu re re nas/ /sngags pa yis ni</font><hr>101.197b<br><font size=+1>

rim bzhin drang bar bya/ /'dug nas dbang po yang dag bsdam pa dang / /lus kyang drang zhing brtan par bzhag nas su/ /phyis ni ma mchu shin tu mdzes par yang / /bsgul zhing gsang sngags ci dgar bzlas brjod bya/ /sems ni glog dang sprin dang rlung dang mtshungs/ /rgya mtsho chen po yi ni rlabs dang 'dra/ /sgyu can 'dod dgur yul la mngon dga' ba/ /g.yo zhing 'phyan pa nges par 'dul bar bya/ /gang tshe zlos pa'i sems ni zhi ba la/ /bsten pas gnyid kyis dran pa rmongs gyur na/ /langs nas bcag cing phyogs su blta ba dang / /chu yis gdong yang yongs su bkru bar bya/ /las kyi dbang gyur bdag po med pa dang / /mgon med skyabs med tshe rabs gcig nas gcig /lus kyi kha brgyud rjes su rab 'gro ba/ /de yi rjes su dge dang mi dge 'brang / /tshol dang mdza' bshes dang ni rnam par bral/ /mi sdug pa dang phrad cing 'dod pas gdungs/ /ngan pa skye rga na 'chi'i sdug bsngal can/ /yul rnams kun du song na 'ang med pa min/ /sha sbrang tsha grang bkres dang ngal la sogs/ /gang du song yang sdug bsngal nyid yin pas/ /yul la mngon dga'i sems ni 'byung ba na/ /rnam rtog de dag rnams kyis bzlog par bya/ /'dod chags shas che mi gtsang sha tshil dang / /lpags pa keng rus lta bas rnam par bzlog /byams dang snying rje'i chus gdab zhe sdang la/ /gti mug la ni rten 'brel lam gyis so/ /re zhig na ni dgra yang mdza' bor 'gyur/ /mdza' bo dag kyang dgrar ni 'gyur ba nyid/ /de bzhin kha cig kyang ni bar mar 'gyur/ /bar ma de nyid kyang ni dgra bor 'gyur/ /de ltar mdza' bshes 'gyur bar rig bya ste/ /blo gros ldan pas nam yang chags mi bya/ /gnyen la dga' ba'i sems kyi rtog pa dag /bzlog nas dge la ci bder bzhag par bya/ /dang po bzlas nas bzlas brjod zin bar du/ /bram ze rgyal rigs rje'u rigs zhing pa dang / /bud med ma ning khye'u bu mo dang / /sngags 'chang</font><hr>101.198a<br><font size=+1>

nam yang smra bar mi bya'o/ /ci ste dgos pa yod na sngags g.yog dang / /bzlas brjod zin nas cung zad smra bar bya/ /smras nas lud pa bshang gci bor nas kyang / /chu yi nang du zhugs nas khrus kyang bya/ /me tog dri snod mar me phul ba dang / /tshul khrims brtson 'grus dka' thub byas pa yi/ /dge ba de kun bla na med pa yi/ /sangs rgyas byang chub bla med mchog tu bsngo/ /dper na chu klung rgya mtshor phyin pa na/ /lan tshwa'i ror ni gcig tu gyur pa bzhin/ /de ltar bla med byang chub bsngos pa yis/ /bsod nams rgyal ba'i ror ni gcig tu 'gyur/ /dper na skyes bu la la 'bras bu'i phyir/ /sA lu bskyed kyis sog ma'i phyir min yang / /sA lu rnyed nas bsgrim pa med par ni/ /sog ma'i phung po zhar la 'byung ba bzhin/ /de bzhin byang chub 'bras bu 'dod pa'i phyir/ /bsod nams bsgrub kyi longs spyod phyir min yang / /sog ma'i phung po dag dang mtshungs par ni/ /ma bsgrims bzhin du mi yi longs spyod 'grub/ /tshe ring ba 'di legs par 'thob pa dang / /chos bzhin sgrub pa'i yul dag rnyed pa 'am/ /skyo ba med par 'gyur zhing 'gro ba yi/ /bsam pa rnams ni rtag tu rdzogs par bya/ /grags dang ma grags rnyed dang ma rnyed dang / /bde dang sdug bsngal de bzhin bstod smad dag /sems kyis 'jig rten chos rnams rab bcom ste/ /sdig pa'i gnas su gyur pa spang bar bya/ /dper na rgya mtsho skad cig tsam yang ni/ /mi yi ro dang lhan cig mi gnas ltar/ /de bzhin rnam rtog sems kyis sdig byas pa/ /sngags pas skad cig tsam yang gnas mi bya/ /dper na rlung med khang pa'i nang du ni/ /mar me btsugs pa mi g.yo 'bar ba ltar/ /rtse gcig sems kyis zlos la mngon dga' ba'i/ /lus la chos kyang de bzhin 'bar bar 'gyur/ /stangs dang mchong ba dang ni gar byed dang / /glu len rnga brdung skye bos dpyas gyur dang / /lhag pa'i nga rgyal 'drid</font><hr>101.198b<br><font size=+1>

dang 'dod chen dang / /brgyan po dang ni 'dus la lta 'dod dang / /dus min gnyid dang mi 'grub smra ba dang / /bstan bcos ngan dang snyan ngag klog 'don dang / /chags dang 'tshig dang dregs dang rgyags pa dang / /zhe la 'dzin dang le lo g.yo sgyu spang / /sha chang ke'u dang tsong dang sgog rdog dang / /'bru mar til dang la phug su ra na/ /'byung po'i zas dang lha bshos gtor ma dang / /gu lang mchod byas gtor ma mi bza'o/ /ngas ni sngags pa kha zas dkar gsum dang / /rtsa ba sdong bu 'bras bu tshod ma dang / /zho dang nas dang 'o ma mar dag dang / /'bru mar tshigs ma ngar ba 'ol kon dang / /thug pa rnams ni bza' btung yin par gsungs/ /sha za srin po dag dang gnon po dang / /ro langs dang ni 'jigs pa sgrub pa dang / /lha min bu mo'i 'khrul 'khor 'joms pa'i tshe/ /'bru mar tshigs ma'i bza' ba mchog tu bsngags/ /de ltar bzlas brjod byed pa'i bsgrub pa pos/ /nyin gcig bzhin du byas nas bzlas pa ni/ /phul nas cho ga bzhin du gshegs su gsol/ /nub mo ku sha bting nas nyal bar bya/ /byams pa snying rje dga' dang btang snyoms ldan pa dang / /bde gshegs chos dang dge 'dun bcas pa dran byas te/ /shA ri'i bu dang nga la thal sbyar btud nas nyal/ /de ltar sngags pa sdig pa mtha' dag zad par bya/ /'phags pa dpung bzang gis zhus pa'i le'u gsum pa'o// // bsgrub pa po yis nges par btsang ba yi/ /rdo rje de dag gang yin bshad par bya/ /sor bcu bcu gnyis bcu drug bcwa brgyad dang / /mchog gi tshad ni sor yang nyi shu pa'o/ /gser gyi rdo rje rig 'dzin nyid dang ni/ /sa rnams thob par bya phyir rab tu shis/ /rgyal po'i don du dngul gyis mchog yin te/ /zangs kyi rin chen 'byung ba'i klu bsgrub la/ /lha min dbang po'i 'khrul 'khor gzhig pa dang / /phug du 'gro la rdo yi rdo rje'o/ /don kun bsgrub pa la ni lcags gsum gyi/ /gsang ba'i sde gzhom pa la</font><hr>101.199a<br><font size=+1>

lcags kyi'o/ /gdon gzhan la ni seng ldeng dpal dang tshe/ /nad med nor rdzas la ni bil ba'o/ /gnod sbyin mo bsgrub pa la ma du'i shing / /chos kyi don du a shwad las byas shis/ /gsal shing rtse mo'i dgra rnams gzhig pa la/ /mi rnams bsad pa la ni mi rus kyi/ /shel las byas pa mig 'phrul chen po la/ /dbye phyir nim pa las byas rab tu shis/ /gsad cing bskam pa la ni ba ru'i shing / /sha za bsgrub pa la yang rab tu shis/ /lha dang gnod sbyin dri za bsgrub pa la/ /sgron shing las ni byas pa'i rdo rje'o/ /ci ste klu ni dbang du byed 'dod na/ /de tshe klu shing rtsa ba las byas pa'o/ /gzugs bsgyur ba la sa las byas pa ste/ /ro langs bsgrub pa la ni ka tam pI/ /pun da ka dang ra dza arka dang / /a shwad shing gi rdo rje nor gyi phyir/ /gla ba a mra shri bar rna ba yi/ /a rdzu la sogs pa las byas pa dag /mi rnams g.yul las rgyal bar bya phyir ro/ /yid du 'ong ba'i 'dod pa thob bya'i phyir/ /tsan dan dkar po dang ni dmar po ste/ /dbyibs legs 'jam zhing ma nyams rma med pa'i/ /rdo rje rtse lnga sra ba bcang bar bya/ /dang po zlos tshe de ni thogs nas su/ /bzlas brjod zin nas myur ba kho nar yang / /dad pa'i sems kyis phyag byas dri sogs kyis/ /mchod nas rdo rje rgyal ba'i zhabs drung bzhag /nga yi rigs kyi gsang sngags sgrub pa pos/ /rdo rje med na 'grub par mi 'gyur ro/ /de las gcig kyang rnyed par ma gyur na/ /khu tshur bcangs nas rtse gcig sems kyis bzlas/ /ldong ros gi'u wang ral gri any+dza na/ /spangs ma bab la zhags pa li kri btsag /mar dang shu dag 'khor lo rdo rje mdung / /lpags pa go cha mdung ni rtse gsum pa/ /rdzas ni bcu bdun bsgrags pa de rnams kyis/ /grub pa rnam pa gsum rnams thob par byed/ /rang sngags cho ga lhag par bshad pa gang / /der yang grub pa rnam pa gsum du mthong / /bgegs dang log 'dren grub par mi dga' ba/ /rig pa'i tshog</font><hr>101.199b<br><font size=+1>

rnams kyi ni mdun nas rgyu/ /rigs 'dzin brtsen pa'i bdag nyid can dag la/ /rnam pa sna tshogs glags skabs tshol zhing rgyu/ /bgegs kyi rigs ni rnam pa bzhi yod de/ /sa steng 'di na 'khod pa'i bgegs rnams ni/ /rnam par 'jig dang wa dang ne'u le dang / /de bzhin so gcig pa dang rigs rnam bzhi/ /de dang de las 'phros pa mtha' yas so/ /sa steng 'jig rten skyong bzhi gang yin pa/ /de dag g.yog 'khor mya ngan med pa yin/ /de yi g.yog 'khor bye ba phrag bdun rnams/ /de dag gsang sngags sgrub la bgegs byed do/ /wa yi rigs ni bye ba bcwa brgyad dag /dbang phyug chen po'i 'khor te de rnams kyi/ /sde dpon glang chen gdong ste stobs po che/ /sa steng mtha' dag kun tu bgegs kyang byed/ /so gcig rigs kyi sde dpon gtsug 'phyang ste/ /bye ba drug bcu'i bgegs la dbang sgyur zhing / /tshangs dbang khyab 'jug nyi ma zla ba rlung / /de rnams kyis bshad sngags la bgegs byed do/ /ne'u le'i rigs gang yin pa rgya che ste/ /khri phrag bye ba ther 'bum phrag stong dang / /de dag rnams ni sde dpon gtsug nas phyung / /nga yi rigs dang sngags la bgegs byed do/ /dga' byed pad ma 'dra bar dkyus ring mig /lngas rtsen sngags rgyud la ni bgegs kyang byed/ /nor spyod bu ni gang yin gang ba pha/ /rang gi gsang sngags rgyud la bgegs kyang byed/ /sgrub pa po ni 'byor par mi dga' ba/ /brtse med rang rang rigs la bgegs kyang byed/ /rang gi gsang sngags gzugs su rnam sprul nas/ /phreng ba dang ni gtor ma mngon du len/ /lha yis log 'dren kyis byas de mthong nas/ /khros shing 'khrugs nas phyir yang phyogs par 'gyur/ /sngon chad sems ni 'jungs dang rmongs pa yis/ /lha yis log 'dren bgegs kyi lugs 'di btang / /lugs 'di lha dang klu dang grub pa dang / /sum bcu rtsa gsum lhas kyang bzlog</font><hr>101.200a<br><font size=+1>

mi nus/ /bgegs kyis 'jigs su rung ba byas pa dag /sngar bshad pas ni de dag bzlog par byed/ /bzlas brjod zin nas legs par bsrung ba dang / /dkyil 'khor mang byas bsgrub la 'jug par bya/ /gzhan du mchod pa'i cho ga med pa dang / /bzlas brjod sbyin sreg cho ga bral ba'am/ /gang zhig rtag tu sems ni 'di ltar sems/ /rig pa gang zhig bdag gis bzlas par bya/ /yul dang rgyal sogs gtam la chags pa de'i/ /lus la thogs pa med par rab tu 'jug /'di ltar phan tshun du ni 'gro ba na/ /rig pa 'don pa'i sems ni g.yeng bar byed/ /dper na chu nang grib ma snang ba ltar/ /de bzhin mi yi lus la 'jug par 'gyur/ /'khru tshe gzhan la zlos pa na yang gzhan/ /nyal na gzhan yin me tog bdug pa dang / /mar me 'bul ba'i tshe na gzhan yin la/ /sbyin sreg byed pa na yang bgegs gzhan 'jug /dper na nyi zer me shel bab pa yi/ /rkyen gyis ma bsgribs me ni 'byung ba ltar/ /de bzhin bgegs kyang lus la zhugs gyur na/ /'dod chags me chen kun du bskyed par byed/ /g.yo zhing 'gul ba zhes ni bya ba'i bgegs/ /chu nang skyes bu 'khru ba'i tshe na'ang 'dzin/ /bkres shing lus la snyoms pa'i gnyid kyang che/ /de bzhin lus lci mchog du khro bar 'gyur/ /de bzhin dri za zhes ni bya ba'i bgegs/ /de ni dri 'bul ba na lus la 'jug /yul dang rgyal po gnyen dang nor la sems/ /snyom zhing bud med la ni chags par 'gyur/ /nag po gzugs can sa ni brtol nas su/ /bdug pa rab tu 'bul ba'i tshe na 'jug /'jungs dang g.yo sgyu byed cing mi srun la/ /'dod chen che la rab tu khu chu 'dzag /mar me gtsug phud gcig pa bgegs byed de/ /snying ga tsha zhing gzer thabs sems nyams byed/ /'greng ba'i tshe na gtsug 'phyang 'jug 'gyur te/ /rims dang khru</font><hr>101.200b<br><font size=+1>

skyug drag pos 'debs par byed/ /me tog 'bul tshe me tog cher bkod pa/ /rang gi gnas skabs rnyed nas lus la 'jug /rims dang cham pa lus tshigs na ba dang / /grogs po dag dang rnam par bral bar byed/ /bgegs kyis brlams pa phyogs na lam min lam du mthong / /spyod pa sna tshogs byed cing 'dod chags rnams kyis gdungs/ /blo bur smra zhing klog la don med kun tu 'phyan/ /don du sgrub pa rnams la sems kyang yid gnyis byed/ /sems ni log par lta bas non pas na/ /gsang sngags med cing mtho ris lha yang med/ /bsod nams med cing sdig pa cung zad med/ /thar ba med cing 'ching ba'i rgyu yang med/ /skye bo don med nyon mongs dka' thub ches/ /sna tshogs 'khyal pa'i tshig 'di rtag tu smra/ /sen mos rtsa gcod bong rngo 'jig pa dang / /mtshan mo so yang krig krig 'cha ba dang / /bu mo bdag 'dod khyo ni mi rnyed cing / /skyes pa bdag 'dod chung ma gzhan mi rnyed/ /dgos pa'i don ni mi 'grub mi dgos 'grub/ /gar yang 'gro 'dod gnyid med mi yang brlam/ /de bzhin stag gzig seng ge khyi dang phag /bong bu rnga mo byi la sha za wa/ /bya rgod 'ug pa skya mo mU+i thung hrul/ /gcer bu thal ris can dang mi nag po/ /khron skams thod pa rus gong phung po dang / /lcags dang rdo khung mi gtsang khang rul dang / /kha bzhin gyur cing ral gri mdung thogs pa/ /rmi lam 'di rnams rmis pa'i mi yang brlams/ /bgegs dang log 'dren rnam par gzhig pa'i phyir/ /bdud rtsi thabs sbyor drag shul thabs las sbyar/ /sngags pa de yi gsang sngags ma zhugs pa/ /bgegs dang log 'dren rnams kyis yongs mi tshugs/ /phyugs lhas shing gcig lha yi khang pa 'am/ /lam gyi bzhi mdo khang stong nags tshal du/ /</font><hr>101.201a<br><font size=+1>

dkyil 'khor gru bzhi lham pa khru bzhi'i tshad/ /mtshon rtsi rnam pa sna tshogs rnams kyis bri/ /phyogs kyi lha rnams gnas ni yongs su bzung / /sgo bzhi pa la ku sha rtswa yang bkram/ /bza' dang sha chang la phug la sogs bcas/ /'bras chan 'bras bu mang po'i gtor ma sbyin/ /bum pa pad ma dmar po'i mdog 'dra ba/ /nag po ra ri med cing rin chen bcas/ /sman dang 'bru dang spos chus bkang ba bzhi/ /ldum bus kha brgyan ras kyis mgul pa dkri/ /lus dmar po dang kI li kI la dang / /'gro lding ba la sogs pas brgya bzlas te/ /dkyil 'khor 'khor yug du ni bzhag par bya/ /de nas byug spos bdug spos la sogs dbul/ /bgegs kyis brlams pa shar phyogs kha bstan te/ /dkyil 'khor gyi dbus bde ba'i stan la bzhag /bzlas brjod byed cing bum pa re res bkru/ /'on tang log 'dren rnams las thar bar 'gyur/ /sgrub pa po yi mi ni 'ba' zhig la/ /bgegs rnams gzhig phyir phan par ma zad kyi/ /rgyal po'i 'khor dang bud med bu med dang / /bu mo dag dang rol mo mkhan rnams dang / /bud med phal dang tshong pa rnams kyang rung / /zhing pa rnams dang dbul zhing phongs pa dang / /gdon gyis zin cing rims kyis btab pa dang / /bus pa'i gdon dang me tog 'bras bu 'phrog /rmi lam smyo dang sems ni g.yengs pa dang / /dug kyang sel te khrus 'dis dag par byed/ /'phags pa dpung bzang gis zhus pa'i le'u bzhi pa'o// //bgegs kyi bsod nams ma lus zad par byed/ /de bas mi yis gsang sngags 'grub mi 'gyur/ /ji ltar zla ba sprin las rnam grol ltar/ /de bzhin bgegs las grol ba rnam par gsal/ /dper na sa chu dus dang rnam bral ba'i/ /snod gnas 'bras bu me tog myu gu med/ /de dang ma bral myu gu lo ma dang / /sdong bu dag dang me tog 'bras bu skye/ /cho ga nyams shing yi ge gug skyed med/ /mchod pa med cing mi gtsang bzlas brjod byas/ /gug skyed yi ge</font><hr>101.201b<br><font size=+1>

lhag par gyur pa yi/ /gsang sngags dngos grub rgya chen mi ster ro/ /dper na dbyar gyi dus na char sprin dag /skye bo'i skal bzhin char pa legs par 'bebs/ /de bzhin mi yi skal ba gzigs nas ni/ /'dod pa bzhin du gsang sngags dngos grub stsol/ /yul dang dus dang cho ga las rnams dang / /sdig pa sbyang zhing bsod nams bsag pa dang / /gus dang bzlas brjod kun la gzigs nas ni/ /de dag gsang sngags 'bras bu rnam par stsol/ /ji tsam sdig pa mang pos rab gang zhing / /ji tsam las dkar bsod nams ma bsags dang / /ji srid cho ga med par bzlas byas pa/ /de srid sngags pas dngos grub mi thob bo/ /cho ga nyams sam bar bcad sngags gzhan bzlas/ /bzlas pa btang ngam gzhan la btang gyur na/ /dus gsum mchod pa la ni brtson byas nas/ /slar yang 'bum zlas bsgrub la 'jug par bya/ /stong phrag bcu 'am brgyad dam bdun nam bzhi/ /bzlas mthar de la mar gyis sbyin sreg bya/ /yang na ma grugs nas sam til nag gam/ /yungs kar mar dang bcas pa'i sbyin sreg bya/ /'dzam bu ma du blag sha pa la sha /u dum seng ldeng a shwad a pa mar/ /arga a sho ka dang rardza ka /n+ya gro bil ba a mra sha mi yi/ /yam shing gzhon nu sor ni bcu gnyis pa/ /btsal nas zho mar sbrang rtsi la btags nas/ /rtag tu me la sbyin sreg bya bar bya/ /de ltar byas na dngos grub myur du thob/ /gzhan gyi gsang sngags kyis ni gsang sngags gang / /gcad dam bcings sam mnan par gyur kyang rung / /de yi gzugs brnyan sa la byas nas su/ /nga yi zhabs drung mngon du phyogs bzhag ste/ /sngags pas kI li kI sogs snying po rnams/ /mar dang 'o mas de yi gzugs brnyan bkru/ /de ltar zhag bdun byas pas gsang sngags dag /bcings pa dang ni mnan las grol bar 'gyur/ /mchod pa la sogs cho gar ldan yang ni/ /ci ste gsang sngags 'bras bu mi ster na/ /de'i gzugs dug dang ske tshes byugs nas su/ /kI li kI la 'gro</font><hr>101.202a<br><font size=+1>

lding la sogs pas/ /sngags kyis de la yungs mar tsha sbyar bas/ /zhag bdun dus gsum sbyin sreg las byas na/ /gsang sngags 'ongs nas rmi lam dag du ni/ /cho ga nyams dang yi ge lhag chad ston/ /sngon gyi sngags lugs 'chang bas bstan mod kyi/ /ji ltar rgya mtsho dus las mi 'da' bzhin/ /sngags kyis gzhan gyi gsang sngags mi bsnan cing / /bcing dang bcad pa nam yang mi bya'o/ /dper na byams pa'i mi yis mi gzhan la/ /che ge mo yi khyim 'dir phyin cad khyod/ /blta ba'i phyir yang 'gro bar mi bya zhes/ /rigs pa'i tshig gis rnam par bstan pa dang / /des kyang de yi tshig de mnyan nas su/ /khyim du smra dang blta phyir mi 'gro ba/ /de bzhin sngags pas gang yang rung ba'i sngags/ /bzlas nas gzhan gyi gsang sngags bsnan mi bya/ /gsang sngags gcad dang bcing ba mi bya zhing / /yi ge lhag chad gsang sngags mi sbyin no/ /las rnams spyad pa gzhan du bsgyur mi bya/ /gnas rnams gzir bar nam yang mi bya'o/ /dbab dang bcing dang brdeg dang rmongs bya dang / /yan lag mi gzhig rigs kyang mi brlag cing / /sngags pas klu dang gdon la sogs pa rnams/ /gzhan du bskrad par nam yang mi bya'o/ /dgar dang bskrad pa dang ni bsad pa dang / /byis pa gdon zin nam yang mi gso zhing / /rgya mo sa mda' snyi dang mdzol bu yis/ /sems can gnod pa nam yang mi bya'o/ /dngos grub phyir ni rnam pa bcur gsungs te/ /sngags pa dang ni rang sngags g.yog dang rdzas/ /brtson 'grus phyogs dang sa gzhi dus dang ni/ /yan lag rdzogs pa'i lha dang sems stobs so/ /gzhan dag kha cig rig 'dzin grogs shes zer/ /gzhan dag phyogs dang brtson 'grus dus rnams nyid/ /gzhan ni rdzas dang lha dang sngags yin zer/ /kha cig sems stobs yin zhes rnam par smra/ /'grub phyir</font><hr>101.202b<br><font size=+1>

de ltar bcu dang brgyad dang lnga/ /de bzhin bzhi dang gsum dang gcig nyid ces/ /sngags rig rang rang blo yis rnam par 'chad/ /sangs rgyas rgyud la cho ga gnyis kyis 'grub/ /sgrub pa gang zhig rang gi yon tan rdzogs/ /brtson 'grus mchog dang yang dag ldan pa dang / /gzhan gyi rnyed pa dag la phrag dog med/ /'dod la ma chags lus kyi nyon mongs bzod/ /gug skyed klad skor tsheg tshang zur phyin la/ /gsang sngags dag cing shin tu cho gar bcas/ /sangs rgyas byang chub sems dpa' bsten pa yi/ /gnas su bzlas na yid 'ong dngos grub thob/ /ci ltar ri dgas rgyal po bkres pa dag /mthu stobs chen pos glang chen gsod pa dang / /de bzhin spyang ki phag dang ri dgas dang / /wa rnams kyang ni myur du gsod pa ltar/ /de bzhin sngags pa seng ge'i tshul gyis su/ /rab dang 'bring dang tha ma'i las rnams la/ /brtson 'grus chen po dang ni ldan pa dang / /'bad pa mchog rnams kyis kyang bsten par bya/ /rdza rnga'i sgra dang dung dang rnga sgra dang / /shin tu 'jigs byed skye bo'i sgra dag dang / /gad rgyangs bshugs glu dag dang glu gar dang / /gling bu pi wang rdza rnga chen po'i sgra/ /bya bran sna tshogs sgra dang chu sgra dang / /bud med rgyan gyi sil 'khrol sgra rnams dang / /sha sbrang tsha grang rlung gi gnod pa yis/ /mi yi sems ni g.yeng zhing g.yo bar byed/ /bzlas brjod byed tshe mi myur mi dal zhing / /sgra cher mi dbyung ha cang chung ba 'ang min/ /smra bzhin ma yin gzhan du g.yengs bzhin min/ /gug skyed klad skor tsheg rnams nyams par min/ /ci ltar chu klung nyin mtshan rtag tu ni/ /rgyun mi 'chad par 'bab par 'gyur ba ltar/ /de bzhin phyag bcas bzlas dang brtul zhugs kyis/ /bsod nams lus can la ni 'phel bar 'gyur/ /le lo 'dod chags mi dgar ldan pa'i sems/ /gang dag gang du g.yo</font><hr>101.203a<br><font size=+1>

zhing rgyu ba dag /de dang de nas myur du bzlog nas ni/ /gsang sngags yi ge mchog la legs par sbyar/ /sna rtser blta zhing rnam par rtog pa spong / /nam zhig bskyod kyang rnam par mi g.yo ba/ /de tshe dmigs la gnas pa thob pa ste/ /sems ni las su rung bar 'gyur bar nges/ /rtse gcig sems dang ldan pa'i mi la ni/ /yid las byung ba'i dga' ba rab tu skyed/ /dga' bas lus ni shin tu sbyangs pa 'thob/ /lus sbyangs pas ni bde ba'i skal ldan 'gyur/ /lus bde rtse gcig sems dang ting 'dzin gyis/ /de tshe bzlas brjod thogs pa med par 'gyur/ /tshe rabs gzhan du gang dang gang byas pa'i/ /sdig pa ma lus bzlas brjod byas pas 'byang / /bzlas pas sdig pa ma lus byang gyur nas/ /dang ba'i yid kyis dngos grub thob par 'gyur/ /de phyir bcom ldan rgyal ba'i dbang po yis/ /chos 'di kun gyi rtsa ba sems zhes gsungs/ /sems ni dang bas lha mi'i bde ba dang / /mtho ris dang ni byang grol thob par 'gyur/ /sems kyi skyon gyis dud 'gror skye ba dang / /sems dmyal gnas shing mi sdug dbul por 'gyur/ /sems ni rab tu dang bar gyur pa'i mis/ /sa chu me rlung skye rga na 'chi sogs/ /bar dang tha ma gnod pa kun bral ba/ /rnam grol bde zhing zhi ba thob par 'gyur/ /gsang sngags dngos grub kun dang thun mong ba/ /bde ba chung zhing sdug bsngal brgya dang 'brel/ /nyon mongs dug bcas rnam par 'jig 'gyur pa/ /dang ba'i sems kyis thob par gyur pa yin/ /'dod rgyal las las ma byung dus las min/ /rang bzhin dbang phyug las kyang byung ba min/ /rgyu med can min skyes bus ma byas kyang / /las dang nyon mongs pa las sems can byung / /gzugs ni 'byung ba chen po bzhi dang ldan/ /de ni bdag min bdag kyang gzugs ma yin/ /gzugs la bdag med bdag la gzugs</font><hr>101.203b<br><font size=+1>

med de/ /gzugs ni stong pa'o phung bzhi'ang rig par gyis/ /gzugs ni wu ba dag dang 'dra ba ste/ /tshor ba chu bur bzhin du rtag pa med/ /de ltar mthong ba lta ba bzang po yin/ /gang zhig gzhan gyur de ni lta ngan gsungs/ /de ltar zlos pa'i gsang sngags nye gyur na/ /mtshan mo nyal ni rmi lam 'di dag mthong / /khang bzangs ljon shing rgyal mtshan seng ge rta/ /ri bo shing rta sgra ldan sprin dang klu/ /stag dang seng ge glang chen khyu mchog la/ /rmi lam na ni dga' bas zhon pa dang / /me tog phreng ba gos dang dri rnams dang / /sha chang nya dang 'bras bu glegs bam dang / /lha yi gzugs dang ud pal dmar po dang / /shing rta gang ba'am ba bzhon be'u phrug can/ /gdugs dkar rnga yab lham dang ral gri dang / /bsil yab gser g.yu can dang phreng ba dang / /nor bu mu tig nya phyis dung dang dngul/ /bud med gzugs bzang yid 'ong bu mo dang / /rin chen sna tshogs rnams kyis spras pa'i rgyan/ /mal stan dkar po bting ba rnyed pa dang / /tho rangs khar ni chu bo chu klung dang / /'bab chu'am rgya mtsho dang ni rdzing bu dang / /lu ma la ni 'thung ngam rkyal rmi dang / /de bzhin khrag gis lus ni khrus byed dang / /lha khang mchod rten gdugs dang rgyal ba'i gzugs/ /byang chub sems dpa' mchog dang rang sangs rgyas/ /zag med dge 'dun dge slong dge slong ma/ /dge bsnyen rnams dang sa bdag lha rnams dang / /mchod gnas bram ze yid 'ong skyes bu dang / /mi dang mi mchog phyug cing 'byor pa'i bu/ /pha ma mdza' bshes gnyen dang gnod sbyin dang / /grub pa'i lha dang na chung tshogs dag dang / /ci ste nyi ma zla ba za ba dang / /sa'i nang 'gro sa bon 'thung ba dang / /me la rdzi zhing sha ni za ba dang / /lus kyi nang du me ni zhugs pa mthong / /rmi lam bzang po 'di dag mthong ba dang / /de dag ring por mi thogs 'grub par 'gyur/ /zla ba gcig dang zla phyed nyin zhag dang / /skad cig gis kyang phyir phyir nye bar 'gyur/ /'phags pa dpung bzang gis zhus pa'i</font><hr>101.204a<br><font size=+1>

le'u lnga pa'o// // dngos grub nye na zlos la dga' ba dang / /sems ni sdig la nam yang dga' mi 'gyur/ /bkres skom tsha grang rlung dang ngal ba yi/ /sdug bsngal drag pos gdungs kyang g.yo mi 'gyur/ /sbrang bu sha sbrang srin bu grog sbur dang / /sdig sbrul rkang brgya pa dang sbrul dang dred/ /sha za srul po rnams kyang de dag gi/ /lus dang grib ma la yang mi 'gong ngo / /tshig ni gzung bar 'os shing yid gzhungs la/ /snyan dngags dang ni bri ba rnams la mkhas/ /chos la mngon dga' gter rnams mthong ba dang / /lus kyi nad dang dri ma med par 'gyur/ /skyes bus mthong ngam thos par gyur kyang rung / /myur du mngon dga' yid du 'ong bar 'gyur/ /bud med 'dod lha'i mdas phog pa rnams kyis/ /'dod la longs spyod phyir ni 'bod par 'gyur/ /gang tshe mkhas pas lha dang gnod sbyin dang / /dri za lha yi bu mo'i lus dang sgra/ /mis ni dga' ba'i yid kyis mthong thos na/ /de tshe shin tu nya bar gyur ba yin/ /lus ni dri med dag par rig pa dang / /gso sbyong sdom pa dang ni ldan pa yis/ /nyin zhag gcig gam gnyis sam gsum du ni/ /kha zas spangs shing smyung bar gnas pa yis/ /nyin zhag de dag 'das par byas nas su/ /rang gi 'byor phyir bsgrub la 'jug par bya/ /gsung de dpung bzang gis thos slar gsol pa/ /zas kyis mi 'dag ces ni sngar gsungs na/ /mchod 'os khyod kyis lus dag bgyi phyir yang / /ci slad smyung ba mi bzad bgyi bar gsungs/ /srid pa'i mthar phyin bde bar gshegs pa yis/ /shing rta'i mig bsku bza' ba'ang ci phyir gsungs/ /rdo rje can gyis dpung bzang tshig gsan nas/ /'brug sgra zab 'dra'i gsung gis bka' stsal pa/ /bu gcig lus dag bya phyir smyung bya bar/ /bde gshegs 'di na nam yang mi gsung yang / /lus 'di mi gtsang lpags pa sha khrag rkang / /klad rgya rgyu ma mcher mchin mkhal ma zhag /mkhris pa bad kan</font><hr>101.204b<br><font size=+1>

khu ba phyi sa dang / /gcin snabs ba spu skra dang rus pa dang / /mig dang rna ba sna dang kha dang ni/ /bshang sgo mtshan dang bu ga dgu po yi/ /rma nas dri ma sna tshogs mi gtsang ba/ /'dzag pa'i rgyun ni rtag tu 'byung ba yin/ /de ltar yan lag thams cad 'dus pa dang / /sa chu me rlung nam mkha' rnams dang ldan/ /ci bzhin las kyi rjes 'brang mi yi lus/ /thams cad ldan pa'i gzugs la gnas pa yi/ /bshang gci snabs dang mchil ma bad kan dang / /'di dag zad par bya phyir smyung bar gsungs/ /dri ma zad nas mi yi lus dag na/ /rang gi 'byor phyir bsgrub la bde bar 'jug /'dod chags kyis ni gdungs par gyur na yang / /lus kyi yan lag 'di dag thams cad la/ /dran pa rtse gcig mngon du byas nas ni/ /ye shes mig gis so sor rnam par brtag /de ltar rang gis nges par brtags pa na/ /lus dang srog la rjes su chags pa yi/ /'dod chags rtsa nas yongs ye zhi 'gyur te/ /nyi mas mun nag gtan nas bsal ba bzhin/ /phan yon de yis gsang sngags nye bsnyen nas/ /rang gi lus la nye bar rig pa dang / /yar gyi tshes brgyad dam ni bcu bzhi la/ /yang na bcwa lnga la ni bzlas brjod bya/ /lha yi gnas kyi sa dag bstar ba'i phyir/ /sa dang lci bar bsres la sogs pas byug /dad pas bde gshegs kun la phrad pa dang / /lha bshos me tog dri dang mar mes mchod/ /de nas rdo rje 'dzin pa dang khor mchod/ /de nas gsang sngags lha la dbul bar bya/ /bstod 'os sangs rgyas rnams la bstod nas su/ /phyir zhing byang chub sems kyang dran byas te/ /sems can skye rga na bas gzir ba la/ /ci ltar rigs par snying rje'ang bsgom par bya/ /'dus chen mdo sde bklag pa'am bkra shis kyi/ /tshigs su bcad pa'am chos kyi 'khor lo mchog /de bzhin gshegs pa'i gsang</font><hr>101.205a<br><font size=+1>

ba'am sgron ma che/ /gang yang rung ba gcig ni rim bzhin bklag /de nas bla 'og phyogs rnams bcings nas su/ /lus la go cha bgo bar byas nas ni/ /gong du smos pa'i dkyil 'khor de rnams las/ /gcig cig tshon rtsi rnams kyis bri bar bya/ /rdo rje me chu rlung dang mdung thung dag /rim bzhin dkyil 'khor 'dir ni bri bar bya/ /ra bar bris pas lha dang lha min dang / /sdang ba'i bdag nyid sems ni myos par 'gyur/ /seng ge'i gdan gyis mngon par bsngags pa'i stan/ /de ni dkyil 'khor dbus su bzhag par bya/ /bdag nyid bsrung ba byas te der 'dug nas/ /rdzas blangs myur du bzlas brjod byas nas ni/ /bdug pa'i sbyin sreg stong yang sbyin sreg bya/ /de nas de ni dri chus bkrus nas su/ /bgegs mang rnams kyang rab tu bsal byas nas/ /byang chub shing lo gsum gyi steng du bzhag /bzhi yis bkab nas ci srid grub pa ni/ /rnam gsum mthong gi bar du gsang sngags bzlas/ /dro dang dud 'thul me bzhin 'bar ba 'am/ /rim bzhin bzlog nas 'byung na'ang 'grub par gsungs/ /dro bas 'gro ba thams cad dbang 'gyur te/ /du ba 'thul bas lus ni mi snang 'gyur/ /'bar bas mkha' la shin tu 'gro 'gyur te/ /mi yi lus ni lha ltar gsal bar 'gyur/ /ci ltar lus la grang ba 'jug pa dang / /ci ltar mngal du dri za 'jug pa dang / /nyi zer me shel zhugs nas me 'byung ltar/ /de bzhin dngos grub lus la 'jug par 'gyur/ /mar me mched cing shin tu 'bar ba dag /snum zhing dkyus ring gser gyi mdog ltar dang / /'bru mar zad kyang 'bar bar gyur na ni/ /de tshe sngags pa dngos grub thob 'gyur te/ /de dag rdzas las byung ba'i dngos grub bo/ /mis ni ri mo'i sku gzugs 'gul ba 'am/ /phreng ba smin ma mig dang rnga yab bam/ /gal te rgyan rnams g.yo bar</font><hr>101.205b<br><font size=+1>

gyur pa 'am/ /mkha' las me tog char ram rdzi char 'bab/ /sa ni myur du g.yo bar gyur pa 'am/ /lus ni mi snang mkha' las tshig du ni/ /bu gcig dam pa ci 'dod slongs shig ces/ /lha yi rnga sgras lus kyi ba spu ldang / /rgyan gyi char chen rab tu 'bab pa 'am/ /ci ste mkha' la lha dang lha min dang / /gsang sngags gzugs ni mngon du mthong na 'grub/ /ma nyams me tog dbyig dang chur bsres shing / /bstod dang bcas par mchod yon rgyun sbring nas/ /rtse gcig sems kyis mgo btud phyag byas te/ /dad dang 'bad pa'i rjes 'thun mchog slang ngo / /mchog thob nas ni dga' bas phyag byas te/ /dad pas bstod cing mchod yon phul nas su/ /gsang sngags brjod cing slar yang gshegs su gsol/ /gsang sngags kun la tshul ni 'di yin no/ /gang zhig sems stobs mchog dang ldan pa des/ /'dir ni 'jigs dang bcas pa'i las kyang bya/ /sems stobs chung ba'i mi la sha za yis/ /glags mthong nas ni phung bar byed par 'gyur/ /dpa' bos go bgos mtshon cha'i thabs mkhas pas/ /chas pa'i glang chen mchog zhon gzhu thogs te/ /mda' 'phen mthu dang ldan pa gcig pus kyang / /dgra bo'i tshogs kun las ni rgyal bar nus/ /de bzhin sems stobs chen po'i tshul khrims kyi/ /go bgos legs bsrungs glang chen zhon nas su/ /gsang sngags gzhu thogs bzlas brjod mda' 'phen pas/ /'byung po la sogs mtshan mo rgyu las rgyal/ /sgur po yan lag lhag chad thung ngu dang / /de bzhin ring po yang na sbom po 'am/ /smad pa'i mngal nas skyes pa ma ning ngam/ /rnam pa de 'dra'i ro dag spang bar bya/ /ma zhu ba dang rims drag tshad pa dang / /'khru skyug bcings dang chu dang gsal shing dang / /sbrul gyis gsad dam dug gis shi ba 'am/ /bad kan sbrul sogs mthong dmigs bsad pa la/ /</font><hr>101.206a<br><font size=+1>

yan lag tshang zhing kha bzhin ma smad pa/ /lus la rma med skyes pa'i ro mthong na/ /ral gri be con lag na thogs pa yis/ /nyin par thog thag du ni bsrung bar bya/ /dur khrod khang stong dang ni shing gcig dang / /bzhi mdo 'bab chu dag gam chu klung ngam/ /mtsho 'am rgya mtsho 'am ni ri bo la/ /skad cig gis kyang ro langs 'grub par 'gyur/ /gang yang rung ba'i gnas gcig brtags nas ni/ /sa dang lci ba la sogs byug par bya/ /gtsang ma der ni dkar nag dmar po 'am/ /tshon rtsi sna tshogs rnams kyis dam tshig bri/ /gong du smos pa'i dkyil 'khor de rnams las/ /bsams nas 'dod pa gang yang rung ba gcig /dad pa chen pos rigs kyi yum gyi mchog /zlos shing rab tu bsgrims te bri bar bya/ /'jigs pa med pa'i g.yog gis de blangs nas/ /khyer nas 'ongs te ku sha'i steng bzhag ste/ /skra dang kha spu rnams kyang bregs nas su/ /de yi mod la 'bru mar dag gis bsku/ /de nas bum pa zhabs mi gnag pa bzhi/ /gtsang ma'i chus bkang khrus rtsis sbyar te bkru/ /de nas gos dkar phrugs cig bskon nas su/ /de nas dkyil 'khor dbus su rtswa stan dang / /ma nyams me tog steng du ro bzhag cing / /ro yi mgo bo shar ram byang du bstan/ /dri yis byug cing bdug pas bdug par bya/ /phreng bas gdags shing me tog sil mas gtor/ /sha dang nya sha mar khu til bsres pa'i/ /khur ba la sogs ci snyed bungs bskyed de/ /'byung po klu dang sha za gnod sbyin dang / /'dre la bla 'og phyogs su sbyin par bya/ /grogs po mchog ldan bdag nyid bsrung bya ste/ /rtse gcig sems kyis gsang sngags bzlas brjod bya/ /ro ni ldang du nye ba'i tshe na ni/ /'jigs pa'i gzugs can bgegs ni sna tshogs 'byung / /gtsug tor rgyal po'i sngags kyis thal ba 'am/ /ma grugs yungs kar</font><hr>101.206b<br><font size=+1>

sogs la bsngags nas su/ /gtor ma phyogs bzhi dag nas 'ong ba'i bgegs/ /gsang sngags mthu yis de dag 'byer bar 'gyur/ /de dag zhi bar bya phyir khro bo ni/ /bdud rtsi thab sbyor drag shul las can sbyar/ /bgegs rnams bcom pas de nas ro de yang / /gsang sngags mthu yis myur du ldang bar 'gyur/ /gang zhig gsang sngags cho ga zhib mo las/ /mthong ba de ni thogs med nges par 'grub/ /gal te ro de langs par gyur pa las/ /de yi gsang sngags cho ga mi shes na'ang / /gsang sngags gzhan du bstan pa'i cho ga yis/ /langs pa de la rang gis dngos grub blangs/ /gter gyi phyogs dang phug du 'gro ba dang / /ral gri an dza bzhon pa mngag gzhug dang / /'byung khung gser 'gyur rtsi dang bcud kyis len/ /mkha' la 'gro ba'i dngos grub rab tu ster/ /bsrung ba'i stobs med sngags kyi stobs med dang / /dka' thub stobs med sems stobs med pa yi/ /blo zhan gang zhig ro langs dngos grub tshol/ /de ni mtshan mo rgyu ba rnams kyis bsad/ /'phags pa dpung bzang gis zhus pa'i le'u drug pa'o// // mi gang mi yi sha ni 'tshong 'dod des/ /mar gyi ngo la dur khrod song nas su/ /shing rdo mtshon dang dug dang dbyug to sman/ /bgegs la sogs pas shi bar gyur pa yi/ /byin pa brla dang ske dang mgo bo dag /'jigs pa med pas mtshan mo blangs nas su/ /gtubs te kong bu'am gyo dum gsar pa dang / /gtsang ma der ni mi nyung bzhag byas la/ /lus la khrag gi lag rjes bris nas su/ /rgyu mas mgo dang mgrin pa dkri bar bya/ /lus la mi lpags sar pa bgos nas kyang / /lag g.yon shas bkang gyo mo thogs nas su/ /khrag gis bskus pa'i ral gri lag g.yas kyis/ /rab tu bsgrims nas de ni thogs nas kyang / /sgra cher bod cing tshig tu sha 'di dag /khyed cag su</font><hr>101.207a<br><font size=+1>

zhig nyo bar byed 'dod ces/ /shar dang nub dang lho dang byang phyogs su/ /myur du bskor cing shin tu brjod par bya/ /ci ste lus ni snang ngam mi snang bar/ /tshig gis khyod ni nor ram rig pa 'am/ /bcud kyis len pa'am grong ngam rgyal srid dam/ /phug du 'gro ba'am ci 'dod ces zer na/ /sngar ni gang zhig sems kyis bsam pa'i don/ /de nyid smra yi gzhan ni smra mi bya/ /rig pa mang po bstan pa'i dur khrod 'dir/ /don 'di'i phyir ni sdug bsngal drag po yis/ /bdag kyang gdungs bzhin 'ongs kyis 'di nyid na/ /yod na sha 'di khyer la bdag la byin/ /ci ste srang la gzhal te ma gang na/ /rang gi sha yis de ni dgang bar bya/ /gal te dur khrod 'di ni stong pa ste/ /nor med bu khyod gzhan du song shig ces/ /mtshan mo rgyu bas de skad bsgo na ni/ /de la bdag ni gang du 'gro zhes dri/ /lan thob de nyid rang gis brtags nas su/ /sha de bor nas de nas 'gro bar bya/ /sha yi cho ga gang zhig ngas gsungs pa/ /gsang sngags ma bzlas pa yis bsten mi bya/ /rigs mchog gtsug tor stobs chen la sogs pas/ /dur khrod du ni bsrung bar ngas gsungs so/ /gsang sngags drag po gang zhig sha za ba/ /de la dur khrod mi sha'i sbyin sreg bya/ /ral gris sor gnyis sor gsum tsam dag tu/ /gtubs nas me la sbyin sreg stong du bya/ /me tog ma nyams 'bras yos sha khrag nya/ /chang dang sbrang rtsi bu ram chang dang til/ /bdug pa phreng ba byug pa mar me chan/ /lha bshos gtor ma dur khrod gtor bar bya/ /dbab dang bskrad dang gnyid kyis myos bya dang / /dmag gzhom grong khyer phung bar bya ba dang / /sha za ma mo drag mo srin mo'i tshogs/ /gnod sbyin rnams la mi sha'i sbyin sreg bya/ /mi yi sha ni rnyed par ma gyur na/ /ba glang sha yi sbyin sreg de bzhin shis/ /ma he'i sha 'am khyi sha mar bsres la/ /tshes grangs dag la smyung byas sbyin sreg bya/ /gnod sbyin mo yi cho ga zhib mor ni/ /gsang sngags mnyes byas</font><hr>101.207b<br><font size=+1>

grub pa 'di rnams ster/ /ma dang sgyug mo sru mo grogs mo dang / /bu mo chung ma sna mar grub par 'gyur/ /ma dang sgyug mo sru mo gang yin de/ /yid bzhin rin chen bzhin du grub pa mchog /yid 'ong grogs mo bu mo grub pa 'bring / /chung ma sna ma grub pa tha mar bsgrags/ /dus gsum du ni me tog phreng ba dri/ /mar ram 'bru mar mar me tsan dan dang / /a kar dri zhim bdug pas mchod pa dang / /gtor ma sna tshogs rtag tu mtshan mo sbyin/ /gnod sbyin mo ni dga' nas mngon phyogs nas/ /rnyed pa rnyed cing sa bon 'byung bar byed/ /'dod chags zil gyis non pa'i bud med dag /gnod pa byed pa nges par gnas par 'gyur/ /bsams na phung bar yang ni 'gyur ba nyid/ /bud med gnod pa byed tshe 'gro mi bya/ /rnyed pa mang nyung la yang 'dod mi bskyed/ /sngags pas mtshan mo khu ba dgag byas nas/ /brtson 'grus rab tu bskyed de bsgrub par bya/ /sems rmongs gang gis gzhan du brtsam byas na/ /gnod sbyin mos ni myur du phung bar byed/ /sha za'i gnod sbyin ma la'ang de nyid de/ /de las cho ga lhag pa 'di rnams bya/ /sha chang la phug tshod ma cung peng dang / /nas chan ma sha chan dang 'bras chan nya/ /gtor ma de dag kun tu bdug pa dbul/ /gnas ni khang stong dag gam dur khrod shis/ /me tog shir sha kun dur arka dang / /bil ba 'bri ha ku sha rardza ka /a gas ud pa la a ta ru sha ka /se'u can mya ngan tshangs sogs me tog dbul/ /klu la bu ram 'o ma mar sbyar ba'i/ /bdug pa dri zhim a kar tsan dan dri/ /phreng ba me tog dri zhim sna tshogs dang / /'bras chan zho dang 'bras yos 'bras bu dbul/ /ba dan sngon po bum pa sngon po dang / /gos kyang sngon po lha bshos gtor ma dri/ /phreng ba me tog byug pa sngon po dag /ci snyed brang gis 'gro ba rnams la dbul/ /mthe bong me long ral gri chu dang shel/ /mar me sa gzhi lcags dang nam mkha' dang / /lhung bzed nor bu dag dang me 'bar ba/ /'di la gsal bar ston pa rtag tu 'byung / /</font><hr>101.208a<br><font size=+1>

'das pa dang ni ma 'ongs da ltar byung / /mtho ris sa steng dus dang mi ldan yang / /lha dang lha min dge dang mi dge ba'i/ /las rnams thams cad gsal bar ston par rtogs/ /cho ga nyams pa'am yang na phyed bzlas pa'am/ /yi ge chad dam yi ge lhag pa 'am/ /bzlas brjod ma byas dad pa med pa dang / /mchod pa med cing sa gzhi mi gtsang dang / /sprin gyi tshogs kyis nyi zer bsgribs pa dang / /byis pa yan lag nyams shing lhag pa dang / /de lta bu la mi yi gsal ston pa/ /'bab par mi 'gyur dgos pa yongs mi ston/ /gsal ston dbab phyir sngon du cho ga bzhin/ /bzlas shing tshes grangs bzang la sngags pa yang / /smyung byas gos dkar sa dang lci ba yis/ /ba ko tsam gyis sa gzhi legs par byug /byug spos dang ni me tog bdug spos dang / /lha bshos mar me dag kyang phul nas su/ /byis pa gzhon nu sta gon gnas par bya/ /de nas nang par cho ga 'di kun bya/ /khrus byas lus la gos dkar gtsang bgos te/ /shar phyogs kha bltas ku sha'i stan steng du/ /'dug nas gsang sngags rjes su dran par bya/ /me long thal ba gtsang mas lan bdun nam/ /brgyad dam yang na bcur ni phyis nas su/ /rtse gcig sems kyis gsang sngags zlos bzhin du/ /bus pa gzhon nu nub du kha bstan nas/ /lha yi mig gis bltas na 'das pa dang / /da ltar dang ni ma 'ongs mthong bar 'gyur/ /me long zhes bya'i cho ga mtha' dag ni/ /ral gri gsal bar ston la sbyar bar bya/ /mthe bo rgya skyegs khu bas bskus nas su/ /'bru mar dri zhim dag gis bsku bar bya/ /bum pa gtsang ma chus bkang mi g.yor bzhag /sa btsags lhung bzed nor bu chu yis dgang / /sku gzugs la ni byug spos me tog dbul/ /de nas bus pa gzhon nus blta bar bya/ /gsal bar ston dang rmi lam la sogs pas/ /dngos grub brtags te de nas bzlas brjod bya/ /gal te yid</font><hr>101.208b<br><font size=+1>

ches par ni ma gyur na/ /de nas rig sngags mi gdug bzlas brjod bya/ /nga yi gsang sngags dag pa gang yang rung / /gso sbyong byas nas nan tan bzung nas su/ /rgyal ba'i ring bsrel mchod rten drung du bzlas/ /yang na sku gzugs ma nyams drung du bzlas/ /lus dang ngag yid lag pa mig dang ni/ /smin mtshams yan lag rnam par g.yo ba dag /rab tu bsdams nas de la yid gzhol zhing / /byams la gnas shing ku sha'i khres la 'dug /ji srid du ni rtse gcig gnas 'gyur ba/ /de srid bar du 'bum mam nyis 'bum bzlas/ /nga yi gsang sngags hU~M zhes bya ba 'dis/ /shing la'ang 'bab na mi la smos ci dgos/ /de nas dbab pa'i snod rnams brtag par bya/ /bu mo gzhon nu lo bcu'am bcu gnyis pa/ /bcu 'am brgyad dam bdun nam bzhi 'am gsum/ /yang na khye'u'ang rung ste gnyis sam lnga/ /tshigs rus rtsa mi mngon zhing gzugs bzang ba/ /yan lag rdzogs shing mig dkyus ring la dkar/ /kha bzhin zla 'dra mche ba mnyam la rno/ /sor mo thags bzang mdzes la long bu nub/ /lte ba zab cing mdzes la nu mjing legs/ /ba spu re re skra yang gnag la stug /lto ba mi rlo gnyer ma gsum dang ldan/ /mdog kyang bzang zhing mnga' byad dang yang ldan/ /gang la yid dga' lta ba brtan par 'gyur/ /lta bas kyang ni ngoms par mi 'gyur dang / /lha gzhan dag la mi phyogs dbab pa'i gnod/ /tshes grangs bzang la nyin zhag gcig tu ni/ /smyung ba byas pas bdug spos phreng ba dang / /tsan dan me tog mar me rnams kyis mchod/ /bza' dang 'bras chan la sogs gtor ma mang / /lha dang lha min gnod sbyin rnams la sbyin/ /dbab pa'i snod rnams khrus byas gos dkar bskon/ /shar phyogs kha bltas rgyan ni rnam par spangs/ /byug spos me tog la sogs de la sbyin/ /bdug pas bdug cing gsang sngags</font><hr>101.209a<br><font size=+1>

bzlas brjod bya/ /hU~M gis gsang sngags thog mar bzlas nas su/ /g+h+rin a pe sha zhes brjod par bya/ /mig ni gdangs shing btsums par mi byed na/ /rdzogs par gyur par shes par byas nas su/ /'jigs pa med par de tshe dri bya ba/ /mchod yon dang ni bdug pa phul nas su/ /rig pa mchog gi gsang sngags dran byas nas/ /phyag 'tshal nas ni lha phyogs gang yin dri/ /dus gsum dag gi bdag gi dgos pa gang / /de ni legs par dgongs la bka' stsol cig /bde dang sdug bsngal dngos grub thob mi thob/ /shes nas de yang de bzhin bzung nas su/ /de ma thag tu slar yang gtang bar bya/ /mi gdug sngags bzlas cho ga 'di rnams kyis/ /dbab pa'i snod la mi yis phebs gyur gyi/ /gang zhig blun pas gzhan du brtsams na ni/ /de ni mi rnams kun gyis dpyas par 'gyur/ /zhi zhing gzhungs la rgya che dkyus kyang ring / /brtan zhing gzi chen mdangs ldan dmar bar snang / /'dzums zhing 'byed med lha yi mig dang 'dra/ /dbab pa'i snod la lha babs de ltar 'gyur/ /mig ni rab tu dmar zhing zlum por 'dug /dgrad cing rab tu mi sdug 'jigs 'jigs lta/ /'dzums pa med cing 'jigs med blta ba ni/ /srin po lto 'phye gnod sbyin babs pa'i mig /gal te babs pa'i snod ni mi gtong na/ /shin tu bkra shis tshigs bcad brjod pa 'am/ /stobs po che'am dgod ma'am lcags kyu bzlas/ /yang na rab tu 'dus pa'i mdo sde bklag /seng ge gdan gyi arka'am pa la sha'i/ /yam shing mar gyis bskus pa brgya yang bsreg /ma grugs til ni sbrung rtsi 'am mar gyis bskus/ /gtum pos sbyin sreg nyi shu rtsa gcig bya/ /snga ma bzhin du gsang sngags cho ga dag /dam tshig ci bzhin ma lus sbyar na ni/ /bdag gi yid dang 'thun pa'i dngos grub thob/ /</font><hr>101.209b<br><font size=+1>

sngags pa yun ring nyon mongs mi 'gyur ro/ /'phags pa dpung bzang gis zhus pa'i le'u bdun pa'o// // sangs rgyas kyis gsungs yan lag brgyad lam ni/ /yang dag 'tsho dang las mtha' ting 'dzin dag /rtsol dang rtog dang dran dang lta ba rnams/ /so so so sor yang dag bsten par bya/ /lam 'di rnams kyis gsang sngags dngos grub cing / /de bzhin 'dis ni thar pa myur du thob/ /rgyal sras sngon gyi rgyal ba 'das pa dag /'di nas gshegs shing de bzhin gshegs par 'gyur/ /ngoms med sems kyis lus dang ngag yid kyis/ /gus par dge ba'i bsod nams gang bsags pa'ang / /bde gshegs gsungs pa'i bden pa'i lam dmigs na/ /dge ba'i lam de yang dag bskyed pa yin/ /yongs su 'dzin pa rnam par spangs nas su/ /chos gos dang ni bsod snyoms ngan ngon dang / /sman dang mal stan ngan ngon tsam gyis kyang / /chog pa'i sems dang ldan pas bsod nams thob/ /bdag la bstod pa nams kyang mi bya zhing / /sems can gzhan la smad par mi bya'o/ /stag dang sbrul dang me 'drar 'jig rten dag /bsams nas spangs te dben la dga' bar bya/ /bud med mtshan nyid skyes pa'i mtshan nyid dang / /sman dang glang chen brtag pa'am skar ma'i dpyad/ /mtshon cha brtag pa'am rta dpyad rang bzo 'am/ /bstan bcos ngan pa slob cing klog pa spang / /glang chen rta dang ba lang bya gag khyi/ /gong mo sreg pa 'ug pa skyes pa dang / /bud med bu mo byis pa ra lug sogs/ /thab mo 'gyed pa mi blta mi bya'o/ /yul sa'i gtam dang mi dbang bsten pa dang / /dmag dang gyad dang na chung gtam dag dang / /sgrung ldebs dang ni sngon gyi lo rgyus gtam/ /'dod chags dang ni smad 'tshong gtam mi bya/ /sngags pas gsang</font><hr>101.210a<br><font size=+1>

sngags bzlas pa mnos pa ni/ /grong dang grong khyer khyim dang gtsug lag khang / /mchod rten bsti gnas ri dang dka' thub gnas/ /kun dga' lu ma'am rdzing bur 'gro mi bya/ /sngar bshad pa yi gnas rnams ma rnyed na/ /lha khang stong pa dag gam shing drung ngam/ /ri dang chu bo chu klung 'bab chu dang / /nags tshal stong pa dang ni yul stong dang / /gnas gang rung bar sngags pas gnas shing bzlas/ /yang na gnas ni nges par ma byas na/ /zla ba brgyad po 'di yi dus dag tu/ /gnas 'di gang yang rung ba zhig tu bsten/ /mtsho dang shing dang ri bo'am dgon pa'i gnas/ /mtshe'u dang khang pa gnas sam chu ngogs su/ /dgun dpyid zla ba rnams la gnas byas nas/ /sngags pas dbyar ni gcig tu gnas byas te/ /ci ltar rgyal bas dge slong dbyar zla gsum/ /tshul zhugs gnas gzhan mi 'gror gsungs pa bzhin/ /de bzhin bcom ldan 'das kyis bsngags pa yang / /zla ba gsum du gcig tu gnas par gsungs/ /sngags pas dbyar ni bsgrub la mi 'jug par/ /bzlas brjod kyis ni dus kyang 'das par bya/ /dbyar 'das dang ni gsang sngags gzi bskyed pas/ /bdag nyid bsrung byas bsgrub la 'jug par bya/ /me thab zlum po gru gsum gru bzhi dang / /pad+ma lta bur bya zhing dbyibs legs shing / /'jam zhing shin tu mnyam par byas nas su/ /de dag sa dang lci bas legs par byug /zlum po dbang thang bskyed dang nor dgug dang / /spyan drang zhi ba'i cho ga bya bar shis/ /gru gsum du ni dgar bskrad bsad pa dang / /gshed byed la sogs drag po'i las kyang bya/ /gru bzhi par ni klu dang gsang ba pa'i/ /srog bskam pa 'am yan lag gzhig par bya/ /pad+ma'i dbyibs su bud med bu mo'i grong / /yul 'khor 'thob pa'am don kun bsgrub par shis/ /me thab lci ba gtsang mas byugs nas kyang / /tha ma thog tog ku sha dgram par bya/ /dkon mchog gsum dang phyag na</font><hr>101.210b<br><font size=+1>

rdo rje dang / /yum la'ang dad pas phreng ba bdug pa dang / /dri dang ma nyams me tog ci snyed pas/ /cho ga bzhin du legs par mchod par bya/ /yam shing mang po thab kyi drung bzhag ste/ /rlung yab kyis ni me yang spar byas nas/ /sangs rgyas rnams la phyag byas khro bo ni/ /bdud rtsi 'khyil pas ma nyams pad ma 'am/ /ma grugs til nag las ni bdun nam brgyad/ /bcu 'am nyi shur bsreg lugs me la bsreg /ku sha bting ngam khres sam rtswa stan la/ /'dug nas shar phyogs kha bstan rdzas rnams ni/ /mar dang sbrang rtsi 'o ma la brtags nas/ /rang gi gsang sngags bsgrub phyir sbyin sreg bya/ /me yi mtshan ma nye bar brtag pa ni/ /me stag du ba me lce sgra rnams las/ /grub pa dang ni mi grub thams cad kyang / /sngags kyis byin brlabs me ni ston par byed/ /du ba med cing gser gyi mdog ltar dngas/ /me lce rab tu che la g.yas su 'khyil/ /kha dog 'ja' 'dra yang na dkar yang rung / /yang na byi ru bcag pa'i kha dog 'dra/ /shin tu snum la me lce sgab nas 'phro/ /rab tu 'bar ba nyi ma'i 'od zer 'dra/ /dbyibs ni bum pa rgyal mtshan gdugs kyang 'dra/ /dpal be'u dang ni pad ma blugs bzar 'dra/ /me lce tri shUl rdo rje ral gri 'dra/ /yang na shing rta mchog dang rnga yab 'dra/ /rdza rnga rnga chen dang ni gling bu'i sgra/ /du ba me lce dri zhim me stag bzang / /yang na ma spar bar ni 'bar 'gyur na/ /de tshe dngos grub rgya chen thob par 'gyur/ /dud pa che zhing me stag rgod pa dang / /'bar bar dka' zhing cung zad cung zad 'bar/ /me lce rnam par chad cing gzi mdangs med/ /rtsub gnag sprin dang pa la sha yi mdog /gsal shing 'dra zhing zhib ma'i gzugs kyang 'dra/ /phyugs kyi mgo 'dra skra yang rab tu rtsub/ /me lce 'phro bas sbyin sreg byed pa tshig /mi ro'i dri nga dngos grub med pa ston/ /me lce'i mtshan ma 'di 'dra mthong nas kyang / /stobs po che yi mar gyis sbyin sreg bya/ /byin pa dag dang mchan khung spu rnams ni/ /</font><hr>101.211a<br><font size=+1>

lag pas kyang ni btog par mi bya zhing / /me yis mi bsreg spu gris brag mi bya/ /spu med bya phyir sman gyis mi byug go/ /ji ltar ral gri so la 'dzin pa'i mis/ /legs par ma bzung lag pa chod pa ltar/ /de bzhin sngags kyang legs par ma bzlas na/ /'bras bu med dam yang na phung bar 'gyur/ /mi ni tshul khrims gtsang sbra mi ldan yang / /gsang sngags lha ni de la gnod mi mdzad/ /lha yi 'khor du gyur pa gang yin rnams/ /mi yi glags mthong nas ni phung bar byed/ /bsgrub pa kun la dang po kho nar ni/ /lha bshos gtor ma phal cher dbul bar bya/ /sngags pa'i las grub nas kyang dus kun tu/ /rang gi nyams kyis ci snyed dbul bar bya/ /lha dang lha min gnod sbyin lto 'phye grul/ /nam mkha' lding dang 'dab bzang lus srul po/ /dri za srin po gdon gyi rigs rnams dang / /gang dag sa la gnas pa'i rdzu 'phrul can/ /bu smad g.yog 'khor tshogs dang bcas rnams la/ /bdag gis pus mo sa la btsugs nas su/ /thal mo sbyar nas khyed la gsol 'debs kyis/ /gnas nas phan gdags phyir ni 'dir spyon cig /'byung po gang dag ri rab steng gnas dang / /dga' ba'i tshal dang lha yi gnas rnams dang / /shar nub ri dang nyi zla'i khyim rnams dang / /ri bo kun la gang dag gnas pa dang / /chu bo kun dang chu yi mdo rnams dang / /rin chen gnas na lhag par gang gnas dang / /mtsho dang rdzing dang lteng ka chu ngogs dang / /g.ya' chu sil ma can na gang gnas dang / /grong dang phyugs lhas grong khyer stong pa 'am/ /khang stong dang ni lha yi khang pa dang / /gtsug lag khang dang mchod rten gnas dag gam/ /dka' thub gnas sam glang chen bres dag gam/ /rgyal po'i dkor khang dag na gang gnas dang / /lam srang mdun sa dang ni bzhi mdo dang dang / /gang dag lam po che dang shing gcig dang / /dur khrod chen po'am nags tshal</font><hr>101.211b<br><font size=+1>

chen po dang / /seng ge dred dang gcan zan gnas dag dang / /'brog chen 'jigs su rung bar gang gnas dang / /gang dag gling mchog rnams na gnas pa dang / /lhun po dur khrod dag na gnas pa rnams/ /rab tu dgyes shing mgu bar gyur nas su/ /phreng ba me tog dri dang bdug pa dang / /bstod dang gtor ma mar me gus 'bul ba/ /'di dag bzhes nas btung zhing bsnams nas su/ /las 'di rnams kyi 'bras bu mchis par mdzod/ /de ltar gdon la mchod pa byas nas su/ /de nas phyogs skyong rnams la mchod pa bya/ /dbang bdag 'byung po'i bdag por bcas pa yis/ /gtor ma phul ba 'di dag bzhes su gsol/ /me dang gshin rje srin po chu bdag dang / /rlung dang lus ngan 'byung po gdon dang bcas/ /steng gi nyi zla tshangs pa chen po dang / /lha rnams kun dang sa yi klu rnams dang / /ri yi lha dang gnod sbyin tshogs rnams la/ /so so so sor gtor ma phul ba rnams/ /rab tu dgyes pa yis ni bzhes nas kyang / /rang rang phyogs su legs par bzhugs nas su/ /rang gi bu smad mdza' bshes gnyen 'dun dang / /nang mi dpung bcas dmag dang thabs cig tu/ /me tog dri dang gtor ma byug par bcas/ /'di rnams btung zhing legs par gsol nas kyang / /bdag gi las 'di'i 'bras bu mchis par mdzod/ /de ltar gang zhig mtshan mo rgyu ba la/ /gtor ma gtong ba'i las rnams byed pa de'i/ /dngos grub myur zhing shin tu bgegs kyang med/ /yid du 'ong ba'i 'dod pa'ang thob par 'gyur/ /'phags pa dpung bzang gis zhus pa'i le'u brgyad pa'o// // gang zhig dgra bcom pha ma gsod pa dang / /'thun pa'i dge 'dun dbyen ni byed pa dang / /de bzhin gshegs la sdang ba'i sems kyis su/ /nam zhig mi dag sku mtshal 'byin byed pa/ /shin tu mi bzad pa yi las 'di rnams/ /rgyal bas mtshams med lnga po</font><hr>101.212a<br><font size=+1>

yin par bshad/ /gti mug can gyis sdig pa gcig byas kyang / /phung po 'di la grub pa thob mi 'gyur/ /mchod rten 'jig cing byang chub sems dpa' gsod/ /nyon mongs zad pa'i ma ni sun 'byin dang / /slob pa gsod cing dge 'dun mnga' ba la/ /gang zhig 'dod pas mang nyung rku 'phrog pa/ /mtshams med nye lngar de bzhin gshegs pas gsungs/ /tshul nyams mi ni gang zhig 'di byed pa/ /bskal pa'i bar du mnar med sdug bsngal myong / /gsang sngags dngos grub bsgrims kyang yong mi thob/ /gang zhig bde gshegs gsung gi glegs bam dag /chud gson pa dang mes ni sreg pa dang / /bsam pa ngan pas chur ni 'dor ba dang / /yang na chos kyi sku ni spong ba 'am/ /bslab tshig ma lus pas ni brgyan pa yi/ /dge slong dag gam dge slong ma gsod dang / /dge bsnyen dang ni dge bsnyen ma gsod dang / /ngan pa'i sems kyis lha khang bsregs kyang rung / /mi yi yul na sdig pa 'di byas pa/ /dka' ba spyod par ldan yang grub mi thob/ /gang zhig dkon mchog gsum la gnod pa yi/ /bsam pas gnod pa cung zad byas kyang rung / /bdag nyid ngan pas dmyal bar btsos par 'gyur/ /de nas shi nas las kyi dbang gis yang / /rigs ngan mi yi nang du skye ba 'thob/ /'di dag ngas ni khyod la mdor bshad do/ /gang zhig byang chub sems ni blangs pa las/ /rmongs pas 'jig rten lha tshogs phyag byas na/ /de dag de la mi dgar gyur nas su/ /de yi gsang sngags dngos grub nyams par byed/ /gang gi tshe na sems ni dang ba yis/ /mi yi yul na byang chub sems blangs pas/ /de ni phyin cad lha dang lha min dang / /'jig rten ma lus rnams kyis phyag byar 'os/ /mis ni mngon par mtho ba ma lus pa'i/ /bslab pa mtha' dag blangs par gyur ba dang / /sems can kun la mi 'jigs sbyin pa dang / /dkon mchog gsum</font><hr>101.212b<br><font size=+1>

gyi rgyud du snying nas skyes/ /gang zhig mi bzad las byed thub pa gsod/ /rig sngags gcod dam gnod par byed pa'am/ /bsam pa ngan pas gsang sngags tshogs mi mchod/ /don med bzhin du sen mos rtswa gcod dang / /rkang pas rkang pa nyed par byed pa dang / /phyugs la sogs pa'i tshogs kyi sna 'bugs dang / /'byung por byin pa'am lha yi gtor ma 'am/ /sa la lhung ba sngags pas bza' mi bya/ /'dod chags zil gyis gnon pa'i dud 'gro dang / /bud med bgrod bya min par 'gro mi bya/ /glang chen mi gdul sbrul yang mi gzung zhing / /rta rgyug glo rdebs lcag gis bzhu mi bya/ /las de rnams dang ldan par gyur ba de'i/ /dngos grub nam yang 'byung bar mi 'gyur ro/ /sems can nad kyis gdungs dang sdug bsngal la/ /rtag tu byams pa yang ni yid la bya/ /dper na nam mkha' mtha' thug med pa la/ /'dom gyis gzhal bas mtha' rtogs mi nus ltar/ /de bzhin dkon mchog gsum la brten nas ni/ /phan dang gnod pa byas pa'i mtha' mi rtogs/ /rgya dang snyi dang bong rgya mdzol bu yis/ /khyi la sogs pas sems can gsod pa dang / /bya rog la sogs gzib kyis bcing byas na/ /'di dang pha rol du yang grub mi thob/ /bdud dgra'i me tog rnying pa bor ba rnams/ /rkang pas mi rdzi mgo la gdags mi bya/ /bkres pas gdungs kyang de dag rnams la ni/ /phul ba'i lha bshos rnams kyang bza' mi bya/ /'jigs kyang tshangs pa brgya byin khyab 'jug dang / /drag po rlung la sogs la phyag mi bya/ /de yis bshad pa'i chos la bsten mi bya/ /de dag dka' thub mi spyad rtags mi mchod/ /de rnams chos la'ang ngan sems mi bya zhing / /de yi spyod la nams kyang dga' mi bya/ /de dag bstod pa mi gdon sngags mi bzlas/ /sbyin pa byin tshe snying rje bskyed nas sbyin/ /</font><hr>101.213a<br><font size=+1>

bde bar gshegs pa rnams kyis brten pa yi/ /gnas dang rgyal sras rnams la phyag bya'o/ /rang sangs rgyas dang rgyal ba'i nyan thos rnams/ /de dag rtag tu phyag bya'i gnas yin no/ /ji ltar zla ba tshes la mi rnams ni/ /phyag 'tshal nya la lus can phyag mi 'tshal/ /de bzhin dad pas rgyal ba'i thugs sras la/ /phyag bya'i de ltar bde bar gshegs la min/ /'jig rten kun gyi mngon mthong slab pa can/ /snying rje'i bdag nyid 'gro ba'i don du ni/ /skye ba len pa de la ci yi phyir/ /bu gcig bdag nyid kun der phyag mi bya/ /skyes bu bsam yas rmad byung rdzu 'phrul can/ /de la mi ngan gang zhig mi 'dud pa/ /de la rgyal ba thams cad thugs nur nas/ /de yi gsang sngags dngos grub mi stsol lo/ /dper na shing gi me tog dang por ni/ /yid 'ong phyi nas 'bras bur gyur pa ltar/ /sems can mchog rnams me tog 'dra bar ltos/ /'bras bu bzhin du rgyal ba rig par gyis/ /gang zhig rang bzhin chags dang rnam bral yang / /brtse la snying rje khro la khro ba dang / /'dod chags can la chags can ltar ston pa/ /byang chub tshul gnas de la phyag 'tshal lo/ /gang zhig las dang rnam smin mkhyen pa yis/ /'gro ba kun dang ci ltar 'thun pa yi/ /gsang sngags gzugs kyi rjes su 'jug mdzad pa/ /sngags kyis rnam 'dren de la phyag 'tshal lo/ /'phags pa dpung bzang gis zhus pa'i le'u dgu pa'o// // lhadagu pa'o dang lha min mi la phan gdags phyir/ /gsang sngags rig sngags rnam pa sna tshogs dang / /'bum phrag lnga dang bye ba phrag gsum dag /rig 'dzin sde snod bshad par rgyal bas gsungs/ /ngas ni gsang ba pa rnams gzhom pa dang / /dbul ba'i sdug bsngal bsal bar bya ba'i phyir/ /dkyil 'khor bcas shing phyag rgyar ldan pa yi/ /gsang sngags bye ba phrag bdun rab tu bshad/ /pho nya bcu dang rig pa'i rgyal po bdun/ /</font><hr>101.213b<br><font size=+1>

de bzhin phyag brnyan drug bcu rtsa bzhi dang / /nga yi snying po dam pa brgyad rnams dang / /khro bo drag po bdud rtsi thabs sbyor dang / /rig pa mchog la sogs pa mthu bo che/ /rig pa'i bdag po gsang sngags rjes 'brang bcas/ /de snyed rdo rje'i rigs ni gang yin pa/ /der ni 'di dag nga yis rgya cher bshad/ /spyan ras gzigs kyis gsang sngags bye ba phrag /gsum dang de bzhin 'bum phrag lnga rnams bshad/ /de yi rig sngags bdag po rta mgrin dang / /de yi ming can dkyil 'khor dam pa gsungs/ /bcu gnyis phyag dang phyag drug pa dang ni/ /thor btsugs cod pan 'dod pa 'byor byed dang / /zhal bzhi don yod zhags par bdun bstan 'di/ /sa steng gsang sngags nyi ma bdun ltar 'bar/ /de rnams rta mgrin dkyil 'khor gsang sngags te/ /mi la mchog sbyin 'jig rten gsum gyis 'dud/ /sgrol ma dkar mo gos dkar spyan ma dang / /rnam gzigs ral pa gcig ma dkar sham dang / /grags ldan khro gnyer can dang 'di dag rnams/ /pad mo'i rigs kyi rig sngags rgyal mo mchog /de dag dkyil 'khor sna tshogs gzugs can dang / /phyag rgya rnam pa sna tshogs rnams dang ldan/ /rgyas pa'i gsang sngags rgyud du 'og pag can/ /rig pa'i dbang phyug gsang sngags bdag por bsgom/ /de yi gsang sngags mi la grub mchog ster/ /de la lngas rtsen yang ni mngon par dga'/ /gnod sbyin dbang phyug de dag rtag 'thun pas/ /de yi bka' yis gsang sngags tshogs rnams bshad/ /lngas rtsen gyis ni stong phrag nyi shu ste/ /de yi chung mas de yi phyed bshad do/ /nor gyi bdag pos stong phrag sum bcu ste/ /gang po pha yis kyang ni 'bum bshad do/ /lha dang lha min la sogs rgyal ba la/ /dad pa rnams kyis gsang sngags mtha' yas bshad/ /kha cig nga yi rigs su gtogs pa ste/ /kha cig kyang ni pad mo'i rigs su gtogs/ /kha cig nor gyi rigs su gtogs pa yin/ /</font><hr>101.214a<br><font size=+1>

gzhan yang kha cig gnas med rnam par 'khyam/ /nor spyod ces bya nor gyi rigs su gsungs/ /nga ni rdo rje'i rigs shes rab tu bstan/ /spyan ras gzigs dbang pad ma'i rigs yin te/ /rigs bzhi pa ni 'dir yang lngas rtsen yin/ /gsang sngags mdo sder ngas bshad gang yin te/ /bzhi po 'dir ni rnam par sbyar bar bya/ /gzhan yang 'di na kha cig gnas med par/ /bde bar gshegs la brten cing yongs 'khyam pa/ /mdo sde 'dir ni de dag thams cad kyang / /'byor pa 'dod pa'i mis ni rnam par sbyar/ /lam 'di nyid du zhugs pa'i sngags pas ni/ /yid dang mthun pa'i dngos grub thob par 'gyur/ /srid gsum nang na rgyal ba dkon mchog ste/ /de yi 'og tu de las byung ba'i chos/ /de yi dge 'dun skyes chen brgyad po ste/ /srid pa gsum na dkon mchog gsum po gtso/ /'di gsum bsod nams rnam 'phel rgyu yin pas/ /dngos grub 'dod pas gsang sngags mgo la gdon/ /bsod nams ched dang log 'dren rmongs bya'i phyir/ /phyag na rdo rje gtum mchog phyag 'tshal zhes/ /gsang sngags rnams kyi mgo la sbyar bya bar/ /gnod sbyin mgon po ngas ni bshad pa yin/ /nor gyi rigs dang pad ma'i rigs la yang / /rang gi gsang sngags bdag por ldan par bya/ /bde bar gshegs min nyan thos lam zhugs dang / /rang rgyal rnams kyi lam la gnas pa dang / /dad pa med cing tshul 'chos 'jungs pa yis/ /nga yi rdo rje nam yang bcang mi bya/ /gang zhig theg pa mchog la ldang ba dang / /bdud kyis bshad pa yin zhes zer ba dang / /rmongs pa nga la gnod sbyin zhes smra dang / /byang chub sems dpa' la ni mi 'dud pa'i/ /dge slong dge slong ma dang dge bsnyen dang / /dge bsnyen ma dang 'jig rten pa rnams kyis/ /nga yi rigs kyi gsang sngags bzlas brjod na/ /de dag rnams kyi lus ni</font><hr>101.214b<br><font size=+1>

myur du 'jig /gang zhig nga rigs rjes su 'brang ba'i gdon/ /'byung po gnod sbyin klu dang sha za yis/ /nga yi sngags brjod rdo rje thogs pa dag /mthong na khros nas phung bar byed par 'gyur/ /gang zhig theg mchog rgya chen klog pa dang / /de la dad cing de nyid 'chad par spro/ /brtson 'grus che zhing byang chub sems brtan pa/ /de la nga yi gsang sngags mchog sbyin mdzad/ /ngas ni 'gro la phan phyir sangs rgyas pa'i/ /gsang sngags yangs shing rgyas par bshad pa yin/ /de nas gzhan yang 'jig rten pa bsdus nas/ /zhar la bshad pa 'di dag khyod kyis nyon/ /drag po yis ni bye ba phrag bcu bshad/ /nor lha'i bus ni stong phrag sum bcu ste/ /tshangs pa yis ni stong phrag drug bcu nyid/ /nyi mas kyang ni 'bum phrag gsum bshad do/ /nam mkha' lding gis stong phrag bcwa brgyad de/ /gtum byed mas ni stong phrag brgyad bshad do/ /me yis kyang ni brgya phrag bdun nyid de/ /phur bu gsum pa yis ni stong bshad do/ /klu yi rgyal po rnams kyis lnga stong ste/ /mtshan mo rgyu dbang stong phrag bcu gnyis bshad/ /'gro la phan phyir 'jig rten bdag po bzhis/ /'bum phrag bzhi ni rab tu bshad pa yin/ /lha min dbang pos 'bum phrag gnyis nyid de/ /lha yi dbang pos kyang ni 'bum phrag gsum/ /gsang sngags phyag rgya sna tshogs cho gar ldan/ /so so'i gzhung gi dkyil 'khor rnams dang bcas/ /rang sngags mdo sde'i rjes 'brang dad bskyed na/ /ma bsgrims bzhin du the tshom med par 'grub/ /de las bzlog na dngos grub mi thob la/ /sdug bsngal mang po yang ni 'thob par 'gyur/ /'phags pa dpung bzang gis zhus pa'i le'u bcu pa'o// // bcud kyis len dang gter dang phug 'gro dang / /nor bsgyur 'byung khung sngags dang gser bsgyur rtsi/ /rin thang med pa'i rin chen nor sbyin te/ /brgyad po</font><hr>101.215a<br><font size=+1>

brtan pa yongs su bsgrags pa yin/ /sngags dang phug tu 'gro dang bcud kyis len/ /sdig pa spong bar byed pas mchog tu bstan/ /rin chen dang ni gter dang 'byung khung 'bring / /gser bsgyur rtsi dang nor bsgyur tha ma'o/ /mi ni sems stobs ldan zhing chos la brtson/ /dka' thub kyis phyug dang por bstan pa'i snod/ /rdul shas che ba la ni 'bring por gsungs/ /tha ma la ni mun pa can gyis brten/ /gang zhig mchog tu bsten 'dod pa/ /des ni tha mar bstan pa rnam par spang / /gal te nor la sred cing sdug bsngal gyis/ /gdungs na 'bring po la ni brten par bya/ /lha yi bde ba dang ni 'byor ba dang / /tshe dang stobs gzugs phun sum tshogs pa dang / /thos mang mdangs bzang gcig tu yid gzhungs dang / /dbang thang che kun dka' thub stobs kyis 'thob/ /chags la rnam bral dge la dga' ba dang / /rtag tu dkon mchog gsum la sems gzhol dang / /sdig pa spangs shing bzlas brjod ldan pa yi/ /mi la lha rdzas dngos grub ring ba med/ /rdo rje mtshon me gnam lcags mthu 'dra ba'i/ /gsang sngags mi yi 'jig rten mchog sbyin mdzad/ /'jig rten 'di dang pha rol nyid na yang / /sdug bsngal sel cing sdig 'joms gzhan med do/ /gang zhig dpag bsam ljon pa'i shing lta bur/ /la lar dngos grub la lar bsod nams dang / /gzhan la gzugs stobs che dang bde ba dag /yid mthun 'bras bu 'dod pa'i mi la stsol/ /gsang sngags sna tshogs gzugs su rnam sprul nas/ /gang zhig sdug bsngal gang zhig 'jigs skrag pa'am/ /rgyal po chom rkun thog gis 'jigs skrag pa'i/ /'gro ba'i tshogs chen mtha' dag skyob par mdzad/ /gang zhig yul dang khyim la bsten kyang rung / /dka' thub ma nyams rtse gcig sems kyis ni/ /</font><hr>101.215b<br><font size=+1>

nyin gcig bzhin du cung zad sngags bzlas na/ /de yi gsang sngags dus shig na ni 'grub/ /cho ga bzhin du dang po 'bum bzlas nas/ /de nas sngags pa bsgrub la 'jug par bya/ /des na dngos grub myur du 'thob 'gyur la/ /gsang sngags cho gas yun ring nyon mi mongs/ /lus la sa yis dril phyi byas nas su/ /chu chen rnyog pa med par zhugs nas su/ /ci tsam 'dod pa'i bar du khrus byas te/ /byung nas shar ram byang du kha bltas nas/ /chu yis lag pa rkang pa bkrus nas su/ /pus mo phyi rol du ni bstan byas te/ /bar du lag bzhag tsog tsog por 'dug nas/ /sgra med dbu ba med pas nye reg bya/ /lan gsum bar du chu ni 'thungs nas kyang / /mchu la lan gnyis yongs su phyi bar bya/ /so la chags pa lce yis reg pa dang / /sprid pa byung na kha yang bkru bar bya/ /rab byung skyes pa bud med gzhon nu dang / /gzhon nu ma dang rgan po bram ze rnams/ /de la nam yang sngags pas reg mi bya/ /sngags pas de dag rnams la mi bsam mo/ /brgya la de dag rnams kyis reg gyur tam/ /bsgrub pos de dag rnams la reg gyur na/ /slar yang khrus dang 'thor 'thung byas nas su/ /de nas phyir yang bzlas la 'jug par bya/ /gtsang sbra la dang zlos dga' snying rje can/ /rtag tu len pa las ni log pa dang / /slongs mo'i zas za lha yi las brtson pa/ /de yi lus la gsang sngags 'jug par 'gyur/ /'ga' yis bud med gos dang nor rnams dang / /bzhon pa rgyan dang byug pa bza' btung dang / /mal stan rnams ni mang nyung byin gyur na/ /de la bsgrub la gnas pas mi blang ngo / /sa phung bshang sgor lnga ste mtshan la gsum/ /g.yon la gsum ste lag pa gnyis la bdun/ /yang na sa dang chu yis ci srid du/ /dri ma dri bral de srid bar du bya/ /sos ka nags me mched pa'i me lce yis/ /</font><hr>101.216a<br><font size=+1>

ma bsgrims bzhin du tshang tshing kun bsreg ltar/ /bzlas brjod me la tshul khrims rlung gis sbar/ /brtson 'grus chen po me lces sdig pa sreg /ji ltar gangs la nyi ma'i 'od zer gyis/ /gdungs nas gzi brjid mi bzod 'ju ba bzhin/ /tshul khrims nyi ma'i 'od zer bzlas brjod kyis/ /gdungs na sdig pa'i gangs kyang zad par 'gyur/ /mun nag dmag la mar me phyung ba yis/ /mun nag ma lus sel bar byed pa ltar/ /tshe rabs stong nas bsags pa'i sdig pa'i mun/ /bzlas brjod mar mes myur du sel bar byed/ /ci ste bzlas brjod pa ni sbyin sreg gis/ /gsang sngags bsgrubs kyang dngos grub ma thob na/ /'jim pa las ni mchod rten 'bum gdab pa 'am/ /yang na chu 'gram bye ma la yang gdab/ /des ni de yi sdig pa srid gzhan la/ /byas pa gang yin de ni zad gyur na/ /des ni gsang sngags mthu yis 'di nyid du/ /mthong ba'i chos la gsang sngags 'bras bu 'thob/ /sngags kyi rtsa ba dang po tshul khrims te/ /de nas brtson 'grus dang ni bzod pa dang / /rgyal ba la ni dad dang byang chub sems/ /gsang sngags dang ni le lo med pa'o/ /ci ltar mi dbang yan lag bdun ldan pa/ /skyo ba med par skye dgu 'dul bar byed/ /de bzhin sngags pa'ang yan lag 'di bdun dang / /ldan na dngos grub dam pa'ang thob par 'gyur/ /dang po bzlas brjod phal cher byas nas su/ /de yi 'og tu 'dir ni sbyin sreg bya/ /sbyin sreg dag gis gsang sngags mchog myur stsol/ /yid du 'ong ba'i 'dod pa'ang sbyin pa mdzad/ /gang gis dpag tshad brgya yi pha rol nas/ /gsang sngags mthu yis bud med bkug kyang ni/ /bud med ma yin gnod sbyin bu mo ste/ /de gzugs cha byad kyis ni sngags pa bstan/ /'dod pa'i don phyir bsgrub pa gang yin de/ /grub na'ang gnod sbyin bu mos sbyin par byed/ /de ni bud med de yi lus su yang / /</font><hr>101.216b<br><font size=+1>

sprul nas mtshan mo 'dod pa bsten par byed/ /ci ltar mi dag 'dod phyir bud med la/ /bsten phyir mi yi nor ni zad 'gyur ltar/ /de bzhin gnod sbyin mo 'am bran mo dag /gsang sngags mthus bkug bsten par byed pa'o/ /gzhan gyis chung mar yid la bzhag nas su/ /gang zhig de la 'dod gdungs bsten byed pa/ /mi shes yid kyis gzhan gyi chung ma la/ /'dod pa spyad pas sdig pa mang po 'thob/ /rgyal ba la dad gzhan la phan brtson pa'i/ /lha klu lha min gnod sbyin dri za dang / /grub par bcas pa sngags bshad gang yin pa/ /de dag rgyal ba'i nyan thos rang sangs rgyas/ /de bzhin gshegs dang byang chub sems dpa' yis/ /ma 'ongs sems can mgon skyabs med rnams la/ /rab tu gzigs nas byin gyis brlab pa mdzad/ /de dag 'bras bu rab dang 'bring dang ni/ /tha mar dbye bas rnam pa gsum du bsten/ /mkha' la 'gro dang dpal gyi phug du 'jug /'dod dgu'i gzugs can mi snang rnam pa dang / /gnod sbyin bu mo'i khyo dang bcud kyis len/ /mig 'phrul sgyu ma mtshan mo rgyu ba ste/ /de dag mchog yin 'bring ni sa bdag go/ /grong dang nor dang dbye dang dgug pa dang / /dgar dang bskrad pa dang ni bsad pa dang / /klu yi gdon gyis zin pa gso ba dang / /gang yang 'di lta bu dang mthun pa'i las/ /de ni mkhas pas phran tshegs yin par bsten/ /bye brag tu ni klu dang gnod sbyin dang / /byis pa gdon gyis zin dang gang dag tu/ /lus can rnams la ngo mtshar sna tshogs dag /ston par byed pa phra mo'i phran tshegs yin/ /byab dang khu tshur thal lcag skra drang dang / /rna bar bzlas dang dbab dang bskrad pa dang / /bsad dang bcing la sogs pas tshar gcad dang / /bong dang rig pa'i gos dang sngags gos dang / /rdog pas bsnun dang rnam par bskyod pa dang / /mig tu dug song ltar ni gzhug pa dang / /khab kyi gzugs dang khab cing skyug tu gzhug /</font><hr>101.217a<br><font size=+1>

phu zhes bud dang yan lag gzhig pa dang / /brang gis 'gro ba dag kyang dgug pa dang / /phyir yang bcing dang mnan par bya ba dang / /rmongs dang byad dang dug zer gzhug pa dang / /dug ni gzhan la spo bar bya ba dang / /lcags kyur ldan pas drang bar bya ba 'am/ /lus la zhen pa'i dug ni bslang ba dang / /zos par bza' dang zos pa bcad pa dang / /sa bcing ba dang pho nya btang ba dang / /bskrad pa dang ni klu la bstan pa dang / /dung dang rdza rnga'i sgras ni bslang ba ste/ /rnam pa 'di dag dug gi rgyud du bshad/ /sa yi steng na sbrul ni brgyad bcu dag /gzhan la gnod par byed cing rnam par 'khyam/ /de dag rnams las nyi shu gdengs ka can/ /'khyil pa drug dang dug med bcu gnyis dang / /de bzhin sbrul ni khro bo bcu gsum ste/ /sum bcu gang yin rigs de'i nang du gtogs/ /sbal pa'i mgo dang sdig pa kha brgyad dang / /rnam par dbye na rab tu mang po yod/ /gcin rtug kha chu reg dang mthong ba dang / /mche ba btsugs pa las ni dug kyang gtong / /de las dug gi rgyud la mkhas pa yis/ /rab 'bring tha ma gsum du rnam par dbye/ /dug mod khro ba'i dbang bsgyur skrag pa dang / /de bzhin sngangs pa'am bkres pa'i zas phyir ram/ /sha mkhon yod pa'am gshin rjes bstan pa 'am/ /lus la brdzis na de dag za bar byed/ /zos pa de yang rnam pa bzhir 'gyur te/ /mche bas zin dang sos bcad btab pa'o/ /gang du mche ba gcig gis khrag phyung rjes/ /de ni dug chung pas ni zin par bshad/ /gang du mche ba gnyis kyis btab nas su/ /khrag dag byung bar gyur pa zos pa'o/ /gal te mche ba gsum gyis sha bcad na/ /de ni bcad par gyur pa yin zhes bstan/ /gang du mche ba bzhi yis btab nas su/ /sbrul gyis lus ni zos par gyur pa de/ /btab nas zos pa yin zhes bshad pa ste/ /</font><hr>101.217b<br><font size=+1>

de ni sman rnams kyis kyang bzlog par dka'/ /me yi rang bzhin gnad rnams 'dral ba'i dug /mtshon dang me dang gzi brjid mtshungs pa dang / /ji ltar sngags kyis rab tu zhi 'gyur ba/ /de ltar sman pas sbyar bas mi nus so/ /ci ltar me phung chen pos bud shing la/ /nges par bsreg la chu 'bab skad cig gis/ /zhi bar gyur pa de bzhin dug dag ni/ /me phung lta bur sngags kyis zhi bar byed/ /dug gi mthu stobs shes nas rab bsgrims nas/ /gsang sngags cho ga bzhin bzlas bsgrubs na ni/ /sbyor ba 'dis ni dug kyang 'phrog par byed/ /ba lang khyu na seng ge ci lta bar/ /dug can sbrul dang dogs med lhan cig rtse/ /lha klu lha min gnod sbyin grub pa dang / /dri za 'byung po mtshun dang gsang ba dang / /yi dgas sha za dang ni lus srul po/ /smyo byed mdangs 'phrogs pa dang grib non dang / /sa yi steng na gdon ni sna tshogs pa/ /mi yi sha tshil za zhing khrag kyang 'thung / /mya ngan 'dod gdungs khro bas nyams thag pa'i/ /glags skabs rnyed nas lus la 'jug par byed/ /de dag rnams kyis zin pa'i mi 'phyan cing / /glu len gar byed dgod dang khro ba dang / /dga' zhing rngam pa che la smra 'dod dang / /'dod pa sna tshogs byed cing lha rnams dang / /lha min ltar 'chos skye bo'i bzhad gad byed/ /gtor ma 'dod pa'am rtsed mo byed 'dod pas/ /bsad pa'i don du lus la 'ba' shig 'jug /gsang ba pa rnams gzhig phyir rig pa'i mchog /mthu chen mchog sbyin rdo rje lcags kyu 'am/ /gzhan yang nga yi rigs byung rig pa 'am/ /khro bo bdud rtsi thabs sbyor sogs pas gso/ /ci ltar rig sngags 'dzin pa'i mi dag la/ /gdon rnams 'jigs par gyur pa de ltar ni/ /me min rlung min grong khyer sum brtseg dag /'joms byed gzi chen nyi ma mes po dang / /chu bdag ma yin lha min rnams kyis min/ /nor bdag ma</font><hr>101.218a<br><font size=+1>

yin gnod sbyin rgyal pos min/ /lhag ma mkha' lding bya yi rgyal po dang / /sa bsrung bu zhon khyer 'jigs rnams kyis min/ /'byung po'i rigs sngags 'dir ni kun mthong dang / /gdon gyis spyod pa ma lus shes nas su/ /phyi nas gdon rnams dogs med btul nas ni/ /gdon gyis mi 'jigs slar yang tshugs mi 'gyur/ /rigs gsum 'phel dang srid gsum mthar phyin dang / /nyes pa gsum spangs lam gsum thugs chud dang / /de yi sras dang de yi rjes 'gro ba'i/ /lha dang lha min sogs pas bshad pa'i sngags/ /bdag nyid chen po'i mun pa sel ba yi/ /gsang sngags kyis ni byin gyis brlabs de la/ /'jig rten lha tshogs rnams kyis bsngags pa yi/ /gsang sngags mthu yis de la bskyod tu med/ /rdo rje 'chang gi gsung thos lha rnams dang / /tshangs sogs lha min gnod sbyin grub pa dang / /rig 'dzin klu dang gnod sbyin dri za dang / /gsang ba pa dang mtshun dang 'byung po rnams/ /dad pas zhabs la spyi bos phyag 'tshal te/ /gus pas thal mo sbyar nas tshig gsol pa/ /kye ma'o srog chags rnams la thugs rjer ldan/ /kye ma'o khyod kyi spyod pa sna tshogs pas/ /kha cig gis ni rdo rje 'bar bar mthong / /gzhan gyis dbyig to gzhan gyis 'khor lo can/ /de bzhin gzhan gyis rtse gsum zhags pa can/ /gzhan gyis ral gri gzhu dang be con dang / /'jigs pa'i gzugs can mtshon cha kun thogs dang / /gzhan dag gis ni zhi ba nyid du mthong / /du ma'i sku mnga' dmigs med sku mnga' bar/ /lha dang gnod sbyin gyis mchod de la 'dud/ /lha min lha yis zhabs la phyag bgyis pa/ /byang chub sems dpa' mchog la phyag 'tshal 'dud/ /rig pa'i dbang phyug gzhu 'gengs khyod la 'dud/ /khyod la bdag cag thams cad phyag 'tshal 'dud/ /khyod la bdag cag deng ni</font><hr>101.218b<br><font size=+1>

skyabs su mchi/ /khyod kyis ci skad gsungs pa de bzhin du/ /mi yis legs par spyad pa bgyis na ni/ /de dag myur du dbul ba'i mun bsal nas/ /nyi ma bzhin du shin tu 'bar bar 'gyur/ /yan lag mi nyams sems kyang mi nyams shing / /nad dang sdug bsngal lus nyams mi 'gyur ba/ /khyod la dang ba'i mis ni thob par 'gyur/ /de skad kun gyis tshig tu smras nas kyang / /rdo rje 'dzin la yang yang phyag 'tshal te/ /gzhal med theg par mngon du zhugs nas kyang / /ci ltar 'ongs pa'i nam mkha'i lam la dong / /lha rnams dong nas phyag na rdo rje yis/ /dpung bzang la ni tshig tu yang gsungs pa/ /lha rnams kun gyis mdo 'di shes zin gyis/ /khyod kyis 'jig rten 'dir ni grags par gyis/ /de skad gsungs nas dpung bzang de yis ni/ /langs te gus par rab tu phyag 'tshal nas/ /gtsang byed sdig 'joms dpal yon ldan pa 'di/ /mi yi 'jig rten khams 'dir grags par bgyi/ /'phags pa dpung bzang gis zhus pa'i le'u bcu gcig pa'o/ /'phags pa dpung bzang gis zhus pa'i rgyud/ rdzogs s+ho// //zhus te dag go/ /stag lung rgyud 'bum la gtugs lan cig zhus/ /</font><hr>

</table>