//rgya gar gyi mkhan po dzi na mi tra dang / dA na shI la dang / zhu chen gyi lo ts+tsha ba ban de ye shes sdes bsgyur cing zhus te/ skad gsar chad kyis kyang bcos nas gtan la phab pa// @#/ /rgya gar skad du/ Ar+ya sarba an ta rA yi bi sho d+ha ni nA ma d+hA ra NI/ bod skad du/ 'phags pa bar du gcod pa thams cad rnam par sbyong ba zhes bya ba'i gzungs/ sangs rgyas la phyag 'tshal lo/ /chos la phyag 'tshal lo/ /dge 'dun la phyag 'tshal lo/ /'di skad bdag gis thos pa dus gcig na/ bcom ldan 'das rgyal po'i khab kyi shar phyogs bram ze'i grong / shing a mra'i gnas shes bya ba de'i byang phyogs na lus 'phags ri la dbang po'i brag phug na bzhugs so/ /de nas lha'i dbang po brgya byin la 'chi 'pho'i chos su gyur te/ de'i tshe'i 'du byed kyi lhag ma lus pa'i snga ltas khong du chud nas skrag pa skyes te/ btsun mo'i 'khor dang / g.yog dang bcas par bcom ldan 'das kyi gan du song nas/ bcom ldan 'das kyi zhabs la mgo bos phyag 'tshal te/ lan gsum bskor ba byas nas phyogs gcig tu 'dug ste/ yang tshe don du gnyer ba dang / bcom ldan 'das kyis de la bka' stsal pa/ ko'u shi ka de'i phyir khyod kyi rig pa'i gsang sngags gzhi gang dag gis bdud thams cad dang / phyir rgol ba thams cad dang / phas kyi rgol ba thams cad shin du tshar gcad par 'gyur ba bar du gcod pa thams cad rnam par sbyong ba zhes bya ba'i rig pa'i gsang sngags gzhi 'di rnams 106.267b nyon cig /tad+ya thA/ a b+ha ye/ b+ha ya bi ga te/ b+ha ya pa ri sho d+ha ne/ a b+ha ye/ a b+ha yan da de/ ni du ba gliSh+Ti/ a na ku le/ a ku la ba ri sho d+ha ne/ a bi kal pe/ a kal pe ne/ a ts+yu te/ shu b+he shu b+ha/ te dzo te dza ba ti/ sha ne u pa sha me/ ma ho pa/ sha me/ me dre/ mai t+r+yud d+hi te to she/ /to sha ya Ne sa t+ye/ sa t+ya dar shi/ /a bi rud d+he/ sa hi te/ si hi ta twe/ arbe ar+tha sid d+he/ a mri ta/ a mri ta pa te/ a b+hI te/ badzra sat+ye ak+She ye/ ak+Sha ya pra b+he/ dran tra ba re/ shud d+he shud d+hi/ pra b+he/ a ba b+ha se/ a ba b+hA sa ba ti/ u pa yo ke /a nud ta re/ sa ma tsid te/ bud d+ha a d+hiSh+ThA ne/ shI le bi sho d+ha ne/ a sang har+ye/ su ni gri hI/ tam ma ra bA lA nAm/ pa ra dza yo driSh+Ti ga tra na~M/ dz+wa la nan d+harmo la kA la/ ud g+ha Ta nA~M/ d+harma ni d+ha na s+ya/ sa~M gra ha nA~M/ d+harma go sha s+ya/ ko'u shi ka khyod kyi rig pa'i gsang sngags gzhi dag ni khyod kyi rig pa'i gsang sngags gzhi gang dag gis bdud thams cad dang / phyir rgol ba thams cad dang / phas kyi rgol ba thams cad shin du tshar bcad par 'gyur ba dag go/ /'di bzlas brjod byas na sngon gyi las kyi rnam par smin pa ma gtogs par bar du gcod pa thams cad rnam par dag par 'gyur/ don thams cad kyang 'grub par 'gyur ro/ /bcom ldan 'das kyis de skad ces bka' stsal pa dang / lha'i dbang po brgya byin yi rangs te/ de'i tshe 'di skad du kho bo lha las ma gyur la/ /'di nyid na ni 'dug bzhin du/ /kho bos tshe yang thob zin gyis/ /grogs dag de ltar shes par gyis/ /shes ched du brjod pa ched du brjod do/ /'di'i mthu thams cad kyis bdag gi bar du gcod pa dang / bgegs dang / log 'dren thams cad ni med par gyur cig /phun sum tshogs pa thams cad ni grub par gyur cig /na mo a ke tu len ge tsaN Da na ye swA hA/ sarba ar+tha sA d+ha ni ye swA hA/ d+harmA sA d+ha ni ye swA hA/ sarbA da ra ye bi sho d+ha ni ye swA hA/ bcom ldan 'das kyis de skad ces bka' stsal nas/ lha rnams kyi dbang po brgya byin btsun mo'i 106.268a 'khor dang bcas shing 'khor dang bcas pa dang / thams cad dang ldan pa'i 'khor de yi rangs te/ bcom ldan 'das kyis gsungs pa la mngon bar bstod do/ /'phags pa bar du gcod pa thams cad rnam par sbyong ba zhes bya ba'i gzungs/ rdzogs s+ho// //rgya gar gyi mkhan po dzi na mi tra dang / dA na shI la dang / zhu chen gyi lo ts+tsha ba ban de ye shes sdes bsgyur cing zhus te gtan la phab pa/ skar zhus// |