@#/ /rgya gar skad du/ Ar+ya big+han bi na ya kA ra d+hA ra NI/ bod skad du/ 'phags pa bgegs sel ba'i gzungs/ 'di skad bdag gis thos pa dus gcig na/ bcom ldan 'das mnyan du yod pa'i 'dze ta'i tshal mgon med zas sbyin gyi kun dga' ra ba na bzhugs te/ de'i tshe bcom ldan 'das kyis tshe dang ldan pa dga' bo la bka' stsal pa/ dga' bo tshogs kyi bdag po su gang tshogs kyi bdag po'i snying po 'dzin pa des cho ga thams cad dang dgongs pa thams cad 'grub par 'gyur ro/ /gsang sngags thams cad 'grub par 'gyur ro/ /tad+ya thA/ na mo stu te/ ka Ta ka Ta/ ma Ta ma Ta/ da ra da ra/ Da ha Da ha/ gr-i hA nA/ b+han dza/ b+han dza/ na mo stu te/ ru ru tsa tsa ye swA hA/ a b+hu trA/ bi na duHkha na man tsed d+ha pa ra sa ma gad tsha ti/ ha ha ya/ ma hA ha sting k+Sha ta nan/ bra go pa ye mo/ ku ru ku ru/ tsu ru tsu ru/ mu ru mu ru/ na mo na ma swA hA/ nang par langs te sngags lan bdun bzlas la/ chu khyor ba gang steng dang 'og gi phyogs su gtor cig dang / bgegs thams cad bcings par 'gyur ro/ /gsang sngags sgrub 'dod pas skud pa dkar po la mdud pa nyi shu rtsa gcig bor te/ lag pa la bcings na rig sngags 'grub par 'gyur ro/ /bgegs thams cad bcings par 'gyur ro/ /gang na tshogs kyi bdag po snang ba der sngags 'di lan/ cig bklags na yang bgegs rnams bar chad mi byed do/ /bcom ldan 'das kyis de skad ces bka' stsal nas/ 'khor de dag thams cad dga' ste/ lha dang / mi dang / lha ma yin dang / dri zar bcas pa'i 'jig rten gyis bcom ldan 'das kyis gsungs pa la mngon par bstod do/ /'phags pa bgegs sel ba zhes bya ba'i gzungs/ rdzogs s+ho// //gu gul ser po dang / pha bang gi 107.51b rtug pa kun la rku ba'i rtag pa sbyar ba'i du bas bdugs na/ 'go ba'i nad pa'i gam du phyin yang mi tshugs/ gos pa la thug na nyur du sel/ khyim du 'byung po gnod pa dag la rab tu bsngags so// // |